ZKIZ Archives


【金像獎專題】為港產片點一盞燈阿Sa爭影后本土起義

1 : GS(14)@2015-04-17 09:07:26

【第34屆香港電影金像獎之女主角篇】第34屆香港電影金像獎後日揭曉,最受矚目的是多少帶有本土意識的影后之爭,跑出了憑港產片《雛妓》爭影后的蔡卓妍(阿Sa),力撼以《親愛的》奪得電影評論學會影后殊榮的趙薇。本報早前走訪了影圈人士以及街坊意見,撐阿Sa的佔大多數,阿Sa感謝各方好友支持,不過趙薇論演技冇得輸,她早前接受本報專訪時笑指可以賭贏今次影后寶座。撰文:余燕儀爆粗不是演技,但能夠衝破固有形象投入到角色之中,就是演技!撇除阿Sa在《雛妓》那句「我有俾你X㗎!」以及床戲演出,她今番獲提名香港電影金像獎最佳女主角,靠的還是那超越自己的演出。不過,若論層次,阿Sa早已被認定是越級挑戰《親愛的》女主角趙薇,問阿Sa覺得自己贏面有幾大?她坦言:「講真唔係好夠膽諗,哈哈哈,唔係對自己冇信心,我對套戲都好有信心,去到呢刻咁多朋友前輩同行畀好多鼓勵我,已經好夠,好多年冇試過呢啲讚賞。」


■《雛妓》題材大膽,令人印象深刻。劇照

「入到圍好叻豬」

為了知己知彼,阿Sa入圍後有睇其他候選影后的電影,她說:「我覺得趙薇《親愛的》真係好賺人熱淚,自己差唔多由頭喊到落尾。其實個個演員都好有實力,我都好鍾意《撒嬌女人最好命》,仲有君如姐同湯唯,今次係五個好唔同角色,我覺得入到圍好叻豬,就算唔適合今屆評審口味,唔代表作品唔好。」《雛妓》和《金雞sss》都是本土電影,身為香港演員的阿Sa是否較着數?她說:「唔好諗住本土就有優勢,都係嗰句,無論邊個演員攞都開心,攞唔到唔代表你唔好。我私心梗係想君如姐,君如姐成日畀意見我,佢真係好好,例如教我做演員要犧牲,以前我覺得犧牲係控制產量,你唔鍾意接嘅唔好接,貴精不貴多,但近年先知咁唔叫犧牲,犧牲係有啲你鍾意嘅都推。」



「太沉重有壓抑」

因為在《雛妓》的角色太沉重,既經歷過被後父強姦,又與任達華肉體交易,拍攝時阿Sa的情緒起伏很大:「拍呢部戲太過長時間壓抑情緒,每日拍十幾個鐘,返屋企瞓幾個鐘,再去開工又十幾個鐘,基本上冇乜時間返去現實世界,加上當時我隻狗又過身,雙重打擊!3月19號我好記得,舊年呢日我拍緊《雛妓》,我隻狗過身嗰日,我拍成套戲第一場戲,畀後父侵犯嗰場戲,導演畀我休息咗半日,本來導演話呢日唔拍,但其他演員又嚟晒,我覺得情緒啱啱好,所以完成咗。」阿Sa最滿意是跟任達華最後見面的一場戲:「成套戲自己諗得最多係呢一場,開拍前已經諗咗好耐,到正式拍攝時我都好滿意。」至於被華哥揸胸,她笑說:「有打底嘅,佢都係摸個pad啫,就正如我都係摸佢個pad,哈哈哈,拍戲啫。」如果阿Sa真的封后,她想多謝哪三個人?阿Sa想了一想說:「我諗三組人,第一組父母,多謝佢哋一直支持我,第二組係台前幕後工作人員,特別係導演同華哥,佢哋幫助我好多嘅,第三組係我老闆、經理人Mani、所有朋友,全靠佢哋一直支持我。」





來源: http://hk.apple.nextmedia.com/entertainment/art/20150417/19115189
金像獎 金像 專題 為港 港產 產片 片點 點一 一盞 盞燈 燈阿 Sa 爭影 影後 本土 起義
PermaLink: https://articles.zkiz.com/?id=289665

發哥勸放棄爭影帝華仔唔肯讓學友:我都未攞

1 : GS(14)@2016-02-02 15:57:35

■華仔(左)和發哥在台上互相整蠱,大放笑蛋。


今個農曆新年在西片讓路下,變成三部華語片周星馳的《美人魚》、郭富城的《西遊記之孫悟空三打白骨精》和王晶拍了N次的賭片大對決。前晚王晶新戲在灣仔舉行首映禮,周潤發、劉德華、張學友、劉嘉玲、張家輝等先後現身會場,吸引半百傳媒採訪。



嘉玲被笑冇乜着衫

當晚五位主角輪流在台上搞gag製造氣氛,當司儀問劉嘉玲要在發哥和學友中揀選一個做對象,嘉玲即表示二人無論戲外戲內都是好男人,很難選擇,此時張家輝即插科打諢說:「咁你又點睇我?」嘉玲笑言:「你係新演員嚟喎,唔係好識你!」嘉玲又說戲中男演員着靚衫多過自己,學友就話:「因為嘉玲喺戲入面係冇乜着衫!」



■穿上價值47,000元Marc Jacobs最新春裝裙的劉嘉玲,貴氣十足。

■鍾采曦(圖)和莊思敏冒寒搏到盡拋胸上陣。

莊思敏



最後輪到發哥和華仔發功,發哥指今次有三個影帝合作,因為華仔、學友和家輝均有份入圍今年金像獎爭最佳男主角,發哥笑指華仔和家輝要讓路給學友,事關學友未奪過金像影帝,華仔即愕然地說:「我都未攞,點讓呀!」


■經常被指是「孖生兄弟」的學友和家輝,預祝電影有20億票房。


對於近日有網友杯葛罷看王晶新戲,王晶就霸氣哥上身,指香港只是內地票房的25分之1。王晶言論沒放香港票房在眼內,但當記者問學友會否擔心因為王晶言論而影響票房時,學友卻一臉認真地說:「晶哥同呢部戲係冇關係㗎,你哋同我講番出去啦。」身旁的發哥亦幫手解畫說:「係呀,佢(王晶)喺片場淨係瞓覺,不過佢瞓醒就知拍到邊。」採訪:卓寶花、張俊銘攝影:陳俊強





來源: http://hk.apple.nextmedia.com/entertainment/art/20160202/19475436
發哥 放棄 爭影 帝華 仔唔 唔肯 肯讓 學友 我都 都未
PermaLink: https://articles.zkiz.com/?id=295068

子丹耍詠春搶亞洲影帝林嘉欣爭影后再戰舒淇

1 : GS(14)@2016-02-04 17:24:35

第十屆亞洲電影大獎記者會昨日在尖沙嘴一酒店舉行,宣佈今屆入圍電影名單,大獎兩位評審劉青雲、杜琪峯及贊助商之一的前亞姐羅霖都有出席,頒獎禮定於下月17日在澳門威尼斯人劇場舉行。甄子丹憑《葉問3》爭最佳男主角獎(詳見附表),力戰中、日韓及菲律賓對手,影后方面林嘉欣去年憑《百日告別》力壓舒淇封金馬最佳女主角,今次二人再齊齊爭影后。劉青雲繼早前為香港電影金像獎記者會擔任嘉賓及將任頒獎禮司儀外,今次再為電影大獎任評審。他接受訪問時表示,任評審最大責任是看戲,他說:「個個都係朋友,都係好熟,好難講想邊個贏,不過就要睇好多部戲。」杜琪峯談到周潤發早前呼籲金像獎最佳男主角要「讓獎」給張學友時,他笑說:「咁學友咪好傷心囉,要人讓。其實佢遲早都中(獎)演技咁好。」



■舒淇的《聶隱娘》今次再與林嘉欣較量。

■甄子丹憑《葉問3》爭最佳男主角。


■劉青雲(右)今次會為亞洲電影大獎擔任評審。

舒淇開心獲認同

憑電影《百日告別》角逐最佳女主角的林嘉欣在回應時,共講了5次「好驚」:「好開心同時亦都好驚、好驚、好驚,因為話晒我仍然覺得喺電影路上,我仲有好多嘢要學習,再拍番戲,頭兩部就得到咁好嘅消息同肯定,係好開心,但係都好驚、好驚。」舒淇回應說:「好開心可以憑《聶隱娘》入圍,拍嘅時候好辛苦,入圍代表得到認同,特別開心。」翁子光導演的《踏血尋梅》亦入圍5個獎項,翁子光回應時不忘恭喜春夏及白只:「恭喜白只及春夏,也特別多謝杜可風、廖慶松、張叔平對《踏血尋梅》的貢獻。」再次入圍男配角獎的白只透過助手回應說:「仲有幾日就過年,再有一個男配角提名真係好開心,係今年過年嘅最佳禮物,有種豐收嘅感覺。」至於顏卓靈憑《尋龍訣》入圍最佳女配角,她以受寵若驚回應:「這是繼金馬金像後第三回受寵若驚,是前輩們給予我最美好的大學畢業禮物!」採訪、攝影:張俊銘



【亞洲電影大獎部份入圍名單】



最佳電影

《山河故人》(法國、日本、中國)《刺客聶隱娘》(香港、台灣、中國)《美人心計》(印度)《寂寞的戀人啊》(日本)《老炮兒》(中國)《燥底師兄生擒富二代》(南韓)



最佳導演

賈章柯《山河故人》(法國、日本、中國)侯孝賢《刺客聶隱娘》(香港、台灣、中國)是枝裕和《海街女孩日記》(日本)管虎《老炮兒》(中國)柳昇完《燥底師兄生擒富二代》(南韓)



最佳男主角

甄子丹《葉問3》(香港)永瀨正敏《甜味人間》(日本)馮小剛《老炮兒》(中國)李秉憲《寒冷黑金》(南韓)
John ARCILLA《盧納將軍》(菲律賓)



最佳女主角

趙濤《山河故人》(法國、日本、中國)舒淇《刺客聶隱娘》(香港、台灣、中國)綾瀨遙《海街女孩日記》(日本)金憓秀《Coin Locker Girl》(南韓)林嘉欣《百日告別》(台灣)資料來源:亞洲電影大獎大會





來源: http://hk.apple.nextmedia.com/entertainment/art/20160204/19477997
子丹 丹耍 詠春 亞洲 影帝 林嘉欣 爭影 影後 後再 再戰 舒淇
PermaLink: https://articles.zkiz.com/?id=295284

莊端兒胸襲亞洲電影大獎舒淇開窿爭影后

1 : GS(14)@2016-03-18 23:56:28

【澳門直擊】第十屆亞洲電影大獎頒獎禮昨晚在澳門威尼斯人酒店舉行,太陽娛樂老闆周焯華(洗米華)、舒淇、羅霖偕兒子、甄子丹胞妹甄子青、張敬軒、王菀之、白只、春夏、翁子光、梁詠琪、柯震東、劉亞仁、賈樟柯和趙濤等,於下午5時開始行紅地毯,杜琪峯、法國女星蘇菲瑪素(Sophie Marceau)和高圓圓約晚上8時才出場,而李秉憲壓軸行紅地毯,星光熠熠,當中韓國女星李成敏及莊端兒則性感示人,問超低胸的莊端兒會否擔心走光?她表示:「都驚㗎!因為入面只係貼乳貼,乜都冇,男友(張智恒)睇過我套衫,佢話冇眼睇!」



■性感現身的莊端兒指男友張智恒表示冇眼睇。

■孕味甚濃的王菀之要由軒仔扶住出場。



王菀之要軒仔扶

舒淇憑電影《刺客聶隱娘》有份角逐影后,她穿上開窿透視長裙行紅毯,性感又高貴,她表示:「《聶隱娘》而家喺法國上映,剪咗另一預告片,另一個感覺。」舒淇近日趕拍電影《健忘村》,當中要扮村姑及素顏出鏡。軒仔與王菀之手拖手到場,婚後的王菀之明顯身形圓潤,孕味甚濃,要軒仔扶着她出場,問到是否有喜訊時,王菀之否認說:「唔係!只不過過年時食多咗糕點,生仔係好正常事,但呢啲冇得急,要順其自然。」



■梁詠琪笑言榮升媽媽後不會穿着太性感。

■春夏蹺着拍檔白只示人。



梁詠琪唔再性感

穿黑色晚裝的梁詠琪就擔任頒獎嘉賓,記者指她着得密實時,她哈哈笑說:「係呀,做咗媽咪就要以身作則,唔可以咁性感啦。」近日她留在澳門拍電影《骨妹》,但因為掛念女兒,有時收工會搭夜船回港,到翌日朝早才會搭早船回澳門開工。白只憑《踏血尋梅》獲最佳男配角提名,他表示:「今次有幸出席盛大頒獎禮,心情相當緊張。」他卻被旁邊的翁子光爆料:「原來佢係淺野忠信粉絲!我話畀佢聽今晚有可能有機會見到偶像。」白只點頭承認說:「如果一陣真係見到佢,我會企喺一邊,默默支持佢。」採訪:張俊銘、卓寶花攝影:陳俊強





來源: http://hk.apple.nextmedia.com/entertainment/art/20160318/19534211
莊端 端兒 兒胸 胸襲 亞洲 電影 大獎 舒淇 開窿 窿爭 爭影 影後
PermaLink: https://articles.zkiz.com/?id=298391

【紅星搖籃】栢芝爭影「城市驚喜」

1 : GS(14)@2016-10-21 05:28:05

張栢芝



當年有《YES!》就有靚仔靚女,不少偶像未紅時都是靠影「城市驚喜」,或索性參加校花校草選舉出道谷人氣。


張栢芝

張栢芝13歲任「城市驚喜」模特兒,清純又有仙氣。



徐子淇

千億新抱徐子淇的笑容甜到漏,迷死當年一眾讀者。



梁洛施

靚媽梁洛施13歲時被發掘,更憑靚樣登上該期雜誌封面。



蔡卓妍

包包面的阿Sa討人喜歡,十足鄰家女孩般親切。



鄧麗欣

Stephy於2000年參加校花校草選舉奪冠,順勢入行。




來源: http://hk.apple.nextmedia.com/entertainment/art/20161021/19807079
紅星 搖籃 芝爭 爭影 城市 驚喜
PermaLink: https://articles.zkiz.com/?id=313023

【賞析角】范冰冰周冬雨爭影后

1 : GS(14)@2016-11-26 13:51:05

影后除是《七月與安生》一對好姊妹周冬雨和馬思純相爭外,還有《我不是潘金蓮》中反璞歸真演出的范冰冰。賽前內地藝人周冬雨被看高一線,有台灣影評人指她是整部電影靈魂,她亦跳出《山楂樹之戀》中內斂帶羞澀的演繹方法,改以大鳴大放表達。



台灣《蘋果日報》

至於馬思純在戲中有較多的起承轉合位,由一名乖乖女到片尾被朋友背叛,到發掘內心深處真我,從而蛻變成逆轉人生,她跟周冬雨演出相輔相成,極有可能發展成雙影后。




來源: http://hk.apple.nextmedia.com/entertainment/art/20161126/19845848
賞析 範冰 冰冰 冰周 冬雨 爭影 影後
PermaLink: https://articles.zkiz.com/?id=317082

【馮仁昭四圍超】惠英紅爭影后拎獎放阿媽墳頭

1 : GS(14)@2017-04-04 08:56:02

■惠英紅有信心第三次拎金像獎影后。





【第36屆香港電影金像獎】惠英紅同香港金像獎特別有緣,82年憑電影《長輩》奪得首屆金像獎影后,10年再憑電影《心魔》奪同一殊榮,今年佢以電影《幸運是我》第三度提名,佢話有信心,但對手周冬雨、馬思純、鮑起靜同湯唯都好勁(見附表)。喺《幸》片中小紅姐演一名患上認知障礙症病人,故事係亡母藍本:「我媽病咗好多年,我再有耐性都會嫌棄。拍完套戲,我媽就惡化,佢冇睇到套戲。我媽過身兩日,套戲入圍,唔知開心定唔開心。」



■小紅姐用肺部比喻亡母,提到媽咪生前點滴即喊唔停。

■小紅姐侍母至孝,《幸》片正是以母親故事作藍本。



鬧母親好內疚

戲中陳家樂鬧小紅姐唔識用電視遙控器,原來係小紅姐媽咪嘅真人真事,小紅姐話:「我媽咪18歲嚟香港,到走嗰日都唔識用電話,電視遙控轉咗台,佢就唔識。嗰次我真係攞住個遙控一嘢掟埋佢身邊,話『你蠢過豬咁,不如死咗去』,跟住好內疚,見佢眼濕濕,又流鼻涕,我即刻行咗去,真係折墮啦,我死咗要落18層地獄。」如果小紅姐呢次再封后,佢話:「個獎會放喺阿媽墳頭。」一提亡母,佢即忍唔住流淚:「希望我媽知,我真係盡咗力。」小紅姐有名有利,但都有遺憾:「我冇童年,要搏殺,冇拍拖。人人做阿媽,我?家想咇都咇唔到出嚟。我人生好多殘缺,我冇得返學,小朋友有着過校服,我完全未着過。」撰文:馮仁昭




來源: http://hk.apple.nextmedia.com/entertainment/art/20170404/19979082
馮仁 仁昭 四圍 惠英 紅爭 爭影 影後 後拎 拎獎 獎放 阿媽 墳頭
PermaLink: https://articles.zkiz.com/?id=329057

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019