ZKIZ Archives


青心直說:寧願蝕息不焗賭 胡孟青


2009-05-22  AppleDaily





 

昨 天部份報章B1甚至A1頭條,皆大事報道10萬港元活期存款年息由10蚊減到1蚊,其實10蚊跟1蚊究竟有幾大分別,而分別又在那裏,似乎又唔係咁多人講 得出,淨係知道有酒樓做1蚊一隻雞,但係同時叫一碗白飯就要10蚊一碗。所以價值呢味嘢,答案未必人人一樣,在乎觀點與角度。大行高層(我嘅舊老闆)最清 楚呢期個市點解會升得咁凄厲,話到明主要係因為唔少對冲基金(Hedge Funds)數住傳統長線基金(Long Funds)手花,睇準Long Funds自舊年第4季雷曼爆煲觸發大量贖回潮之後,個倉清得八八九九,手上唔夠貨,今次擺到明係Hedge Funds 挾 Long Funds,因此資金湧入,焗佢哋追貨。不過,舊老闆都覺得股市升勢開始有啲過火,連李超人昨日都話股市已經升咗兩成幾,叫大家要小心,真係唔好當佢耳邊 風。不過超人亦話樓市長線會升,有錢畀首期不妨買樓擺兩三年,但係佢冇講幾多成首期,唔通係講緊十成?

升得過火小心小心

資金 周圍搵出路,不過大家都應該留意到,港股市況無甚睇頭之餘,雖然都叫做有啲異動板塊,但國策受惠股炒得越嚟越短癮,小心小心。不過,有大行報告鳴鑼響道嘅 或者可以炒多幾日,大家睇吓被大行連環大合唱嘅「東風螺」升到幾癲,唔知嘅仲以為佢啲車加多咗對翼。有人好似今日睇到新聞先至意識到紅簿仔息低,猛問有咩 買。費事佢又做點心,只係回應式話畀佢知,假如租金唔大跌的話,有幾隻本地上市嘅房地產信託基金可以揀,視乎佢喜歡邊個嘅物業組合,個人較喜歡越秀房託 (405)。不過加多句,如果係炒炒貢賭番鋪就最好過主,人哋一年都係派兩次息,費事有人自己冇運輸錢就改姓賴;將來如果夾硬要賴,就賴滙豐減存款息迫你 入市好嘞!胡孟青



青心 直說 寧願 蝕息 息不 不焗 焗賭 胡孟 孟青
PermaLink: https://articles.zkiz.com/?id=8463

八十後投機客:有手痕,無焗賭

1 : GS(14)@2018-02-25 19:07:28

在坊間普遍容易聽到人靠炒樓、做生意發大達,甚至最近亦出現不少「礦神」靠挖礦發達,但較少聽到人靠「炒賣」股票發達。當中很大原因是成也流動性,敗也流動性。做生意輸了,不可以立即止蝕離場,唯有繼續努力,想盡辦法捱過低谷;贏了,更加因為有盈利不會輕易放棄生意,因為要重新建立一個新生意絕對不易,代價和成本都太高。買樓輸了,除非無咗份工,否則幾難捱都會繼續供埋落去;贏了,亦因為交易費用昂貴,不會輕易放貨換樓,除非是樓換樓繼續加注;搞礦場,電腦、場地等一樣是固定資產,一旦決定投資,即使面對短期價格波動而要放掉手上貨幣,但場地不易停租、手上大量的礦機亦不易轉售,隨着手上的幣越來越多,最終亦有機會享受價格上升。但到了股市,往往因為買賣容易,同時受到貪婪和恐懼的心魔支配,造成經常出出入入,即使在沒有方向或明顯入市優勢之時亦常常作買賣,大大減低勝率。說到尾其實是手痕之禍,某程度上其他資產的升幅是焗你賭,但股市偏偏無焗賭,但就令人輸在手痕之上。最近的市況對筆者而言又是一個令人容易手痕出事的時間。首先大市沒有出現正常急跌時候逼人斬倉的形態,於是劇本有3個可能性,其一是做出另一隻高腳的形態,配合1月的低腳做成見底形態;其二,現在只是反彈之中,真.見底仍未出現,市場仍要破底;其三是,之前的急插已經見底,之後市場會破頂直升到更高位置。而現在是否向底腳進發還是仍在反彈之中,甚至準備破頂,實情是無得估,亦毋須去估,只要靜待出手時機即可。如果出現情況一的高底腳,在做高腳的過程只需食花生即可,要追趨勢,假設31200是低腳的反彈高位,等完成高腳後再破反彈的高位31200,便是入市良機。如果是情況二,現在更應忍手,等待市場破前底時追沽,更不必估底。如果是情況三,現階段亦不必拼命,因為破33000點後仍有大把空間,現在只宜小注開倉。所以三種玩法中,都不是拼命的時候,如果是炒家,毋須焗賭,更毋須手痕,小注玩近期死灰復燃的2-3線破頂股如1717、3933等仍可當過手癮,持盈保泰等待出手時機方為上策。灝昇



來源: https://hk.finance.appledaily.co ... e/20180225/20314431
八十 十後 投機 有手 手痕 無焗 焗賭
PermaLink: https://articles.zkiz.com/?id=348975

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019