ZKIZ Archives


[添馬男]中門大開: Old嬋天地

1 : GS(14)@2012-01-04 22:28:27

http://hk.apple.nextmedia.com/te ... 307&art_id=15950916
添馬 馬男 中門 大開 Old 天地
PermaLink: https://articles.zkiz.com/?id=277122

[添馬男]中門大開:陰濕門

1 : GS(14)@2012-01-07 14:09:37

http://hk.apple.nextmedia.com/te ... 307&art_id=15958108
2 : lam(884)@2012-01-07 14:22:20

呢個政府總部都唔知邊個睇風水,中間開窿即係任人插.叫門常開仲死得人多.試問邊個人屋企無對門把守?
smiley
3 : GS(14)@2012-01-07 14:30:55

2樓提及
呢個政府總部都唔知邊個睇風水,中間開窿即係任人插.叫門常開仲死得人多.試問邊個人屋企無對門把守?
smiley


他那洞是插中其他人,人地插他旁邊先中
添馬 馬男 中門 大開 陰濕
PermaLink: https://articles.zkiz.com/?id=277165

[添馬男]中門大開:政治慾蒲團

1 : GS(14)@2012-01-09 23:34:22

http://hk.apple.nextmedia.com/te ... 307&art_id=15964698
添馬 馬男 中門 大開 政治 蒲團
PermaLink: https://articles.zkiz.com/?id=277186

[添馬男]中門大開:政治屈機

1 : GS(14)@2012-01-10 22:28:50

http://hk.apple.nextmedia.com/te ... 307&art_id=15968766
添馬 馬男 中門 大開 政治 屈機
PermaLink: https://articles.zkiz.com/?id=277203

[添馬男]中門大開:思歪

1 : GS(14)@2012-01-11 23:57:08

http://hk.apple.nextmedia.com/te ... 307&art_id=15972222
添馬 馬男 中門 大開 思歪
PermaLink: https://articles.zkiz.com/?id=277232

請大象 添馬男

1 : GS(14)@2012-07-30 14:37:37

http://thehousenews.com/politics/%E8%AB%8B%E5%A4%A7%E8%B1%A1/
唉!見到三十幾度仲要抱住小朋友去遊行,自問:「點解要折騰香港人!」
早已寫過胡主席「不折騰」金石良言,但睇嚟都好難實現,今後香港只有不斷折騰。一切根源於特首選舉打開了 Pandora's Box,三低當選特首早已政治基礎不穩,若果懂得形勢凶險,全力踢穩守突擊,睇準機會打反擊,相信大家都會好過啲。
結果第一步未上場就派急先鋒羅范搶攻五司十四局重組,令建制派政黨飽受毓民拉布戰折騰,心中有氣,加上選舉裂痕仍未補,最後衰在建制分裂之手,真係開壞個頭。到6月底振英僭建醜聞曝光,旋即陷入誠信危機,7.1遊行上街人數已破了近年紀錄,這是一個特大警號,但他竟視若無睹。
7月2日佢夥拍吳克儉落屯門做地區 Show,就係遇上學民思潮學生抗議,場面一片混亂。正路就唔應該再主動搞地區 Show,俾人笑總好過俾人砌,但新政府唔知點解,全線出擊,新局長朝朝早去電台 Talk Show任主持人砌,以前從未發生過。理論上,親民係好事,但全部要建基於策略及時機,從未有弱勢政府會主動挑起爭議,畀機會對方狂砌。
數萬家長上街 摑林鄭一巴
一班雜牌軍拼湊而成問責班子,不少欠缺從政歷練,也無核心管治綱領,出邊個、死邊個,但神奇之處是仍然以為自己強勢,可以打搶攻,結果有眼見。幾萬個家長學生為單一議題上街,係好嚴重之事件,林鄭死拗話國民教育推出有社會支持,今次明顯係摑了佢一巴,仲摑到應一應。
但做香港人也真係幾慘情,未來五年不斷要上街請隻大象(主流意見)出嚟畀振英班子睇,頻頻晒冷,遲早會一次大爆發!
添馬男
大象 添馬 馬男
PermaLink: https://articles.zkiz.com/?id=280581

中門大開:Winning Ugly 添馬男

1 : GS(14)@2012-09-11 23:58:59

http://hk.apple.nextmedia.com/financeestate/art/20120911/18013314
泛民分區直選總共有55%選票,但只佔議席51%,建制派總共有43%選票,卻佔議席49%,從得票上睇,泛民冇大敗,而且係勝利,佢哋敗在票數無法轉變成議席。在分區直選,民建聯成功實踐了Moneyball精神,計啱數,僅僅夠贏,唔需要票王明星,即使知名度高如曾鈺成、譚耀宗,一樣低調做「助攻」,俾其他名單兄弟入波,齊齊當選,所以佢哋九張名單全數當選。
建制派經典代表作是新界西,民建聯譚耀宗、陳恆鑌、梁志祥、工聯麥美娟全部勝出,得票分別為譚耀宗四萬三、陳恆鑌三萬六、梁志祥三萬三、麥美娟三萬五,唔使做票王,四人當選fit曬。
泛民雜牌軍 過票有難度
究竟Winning Ugly戰略,泛民能否適用呢?好難,明知有偷雞機會,也執行唔到。馬後砲好多人指摘泛民策略失誤,但平心而論,只有一個超級選舉機器,配合各種條件,先至可以準確成功執行。首先有黨組織紀律,人人守規矩,按既定計劃分區拉票,唔准越區拉黨友票,唔准因一時民調上落便喊苦喊忽,亂Q告急搶自己兄弟姊妹票。泛民做唔到,因佢哋ego太大,個個要入波,鬥早告急搶票,邊個肯冒低票當選風險呢?新西民主黨也拆兩條,高達同陳樹英兼且係夫婦,斷估唔會出蠱惑搶對方票,新東也拆三條,結果高票落選。
泛民只係雜牌軍,一個冇嚴格組織紀律的民主陣線,黨與黨之間無法過票,也無法禁止互不搶對方地盤票。最重要佢哋背後冇一個「阿爺」做裁判,掌握賞罰機制,邊條友唔聽話就郁,咁先可解決爭議。民主派之所以係民主派,因為佢哋唔係如共產黨般黨性強,以集體利益為先,人性就係自私,為自己利益著想。在幾千至幾百票之間去操作配票,泛民再研究學習多十年也做唔到,因為呢個唔係選戰技術問題,而是政黨操控選民意志,巿民心甘情願放低個腦,跟從組織指揮問題。
要成功在選舉中運用Winning Ugly策略,必定要有所謂「殭屍票」,各候選人肯乖乖守紀律,唔告急或越區搶票,因為有集體分配「殭屍票」,冇規冇矩搶自己人票者,會擔心受懲罰,調走殭屍票。而「殭屍票」組成,先至係Winning Ugly精髓所在,因為真係醜惡,泛民亦唔會做。
首先係新增13萬老人票,老人院集體登記做選民,再一車一車去投票。另一批老人係經年累月用蛇齌餅糭收買,你叫佢投邊個都冇所謂。每區只要調動到幾千殭屍票,就可決定最後一席誰屬,未計中聯辦系統控制同鄉會、工聯、青年及婦女組織。
泛民支持者,以中產、年輕人、教育水平高為主,即使泛民學到足,又有大把水,派蛇齋餅糭,佢哋邊可能心甘情願投身殭屍之列。不做殭屍但泛民支持者會自己策略性配票,例如超級區議會,我識好多人自動配畀馮檢基,為咗一個理由,就係隊低劉江華。但要細緻到調動幾千票去贏分區直選最後幾席就冇可能,呢種巿民自動配票,出錯機會相對高,如公民黨明星告急,為保余若薇,可能吸走民主黨高達票,結果女神同高達雙雙出局。
最後大佬出馬 非戰之罪
我明白好多泛民支持者,難以接受贏了選票、輸了議席呢個結果,但公道講,新西慘案實非戰之罪。今日同泛民對選,係共產黨,唔係建制派咁簡單,佢哋有能力指示梁振英取消重要外訪APEC之行,在臨近選舉前連出三招,港人港地、擱置自由行擴大及取消三年國教開展期,目的為保建制派,咁仲唔明,泛民家係打緊「大佬」,唔係民建聯,只有大佬在背後作操盤手,才能實現Winning Ugly戰略,李永達,咪嘥時間去研究,你一世都學唔到,儍仔!
在反國教運動及投票率高企下,大家對泛民期望上升,而明星墮馬,倍添悲情。冷靜下來,回心一想,泛民成功奪取27席,實已萬幸。至少在超級區議會、會計、IT界偷番佢雞,取回三席。
添馬男
中門 大開 Winning Ugly 添馬 馬男
PermaLink: https://articles.zkiz.com/?id=281481

中門大開:搶住入波 添馬男

1 : GS(14)@2012-11-13 00:47:35

http://hk.apple.nextmedia.com/financeestate/art/20121112/18064635
日前教育局局長「吳得掂」會見中學校長會,討論超額教師問題,會上林鄭「奶媽」陪同局長出席會議,真係令局長相當難堪。呢單嘢並非如國民教育咁濕滯,政府亦擺出有商有量姿態,為何要林鄭壓陣。
此舉實際後果係矮化梁粉局長,傳媒議論紛紛,認為吳局長無能,連咁簡單嘅事都搞唔掂,要勞煩政務司司長幫手。吳局長未來幾年想翻身,由低位反彈,好困難!因為佢嘅無能形象已深入民心。超額教師保留期由一年延長至三年,政府內部只要定下立場,在局長會見校長時表達政府看法,校長一定收貨,過程一點也不複雜。林鄭之壓陣,在政治姿態上是表達了內部對吳局長不信任,一來恐怕他會守唔住政府立場,作出過多讓步;又或者怕他亂噏,將政府讓步的一樁好事,變成了壞事。講到底就係信唔過佢嘅辦事能力。
但局內人另有睇法,尤其教育局就幾氣頂,因為本來由吳局長自己處理,冇請政務司助拳,因為咁大個人,都知道「奶媽」一出,必惹是非,招人取笑。今次司長出現,不是被邀請,而係林鄭主動要求,吳局長冇Say。局內人認為今次政府借超額教師問題向教育界示好讓步,修補反國教以來雙方對立關係,乃得分動作,所以林司長才搶住現身會議之中。
主動挺局長 遲早爆衝突
政務司司長「捨我其誰」的政治姿態,已開始在建制內部引起不滿,林鄭自己正步入政治險境而不自知。本地左派過去最痛恨陳方安生,一直認為她自視甚高,甚至想取董而代之,她亦極力阻止政府起用愛國人士,所以左派要除之而後快,最後由錢其琛出手訓斥,以退休告終。
梁振英乃董建華一力向中央推舉之特首,梁的大有為治港思路也近老董,早晚會同政務官價值爆發衝突,當年董陳之爭,極大機會重演。就算林鄭真係一心為吳局長好,其他人未必領情。林鄭司長,睇路!
添馬男
中門 大開 搶住 住入 入波 添馬 馬男
PermaLink: https://articles.zkiz.com/?id=281937

中門大開:細節定成敗 添馬男

1 : GS(14)@2013-01-31 01:11:18

http://hk.apple.nextmedia.com/financeestate/art/20130130/18150863
施政報告辯論前夕,兩間大學發表民調,梁振英民望再次插水,實屬意料中事,星期四發表施政報告第二輪民調,即使冇黑熊追咬事件,施政報告都會隨時跌破兩成滿意率,都咪話唔得人驚。
成功靠執行 得把口死梗
但o依家未算大鑊,跟住一年先至甘。因為一大堆梁粉委員會陸續登場,人人磨拳擦掌,誓要做一番事業,至少威過蔡涯棉、林奮強。對政務官而言,佢哋變成特區政府花生友,等睇戲。政府施政唔同競選,選舉政客開口中,你叫佢做乜都應承,但選完就失憶。施政講求執行細節,反覆推敲各種可能性,因為隨時一個執行上嘅失誤,足以推翻整個政策。大家只要睇睇金發局,話之你班梁粉吹到天花龍鳳,點勁點勁,規格如何超然,但當漏咗一個執行細節,就係是否屬公共機構,即刻被打沉。
外來政客空降仲政府,面對一班精於籌劃執行之政務官,必死。尤其越多嘢講,吹得勁就越死得快,因為政客輕視執行力,亦無時間及興趣關心細節討論。好似賓尼迪斯帶領車路士一樣,無論賓帥戰術上如何了得,但場上球員根本執行唔到出來,一個「廢托」已經搞到大家好氣餒。反觀曼聯費Sir,在芸芸英超教頭中,相信戰術理論比唔上賓尼迪斯、文仙尼,但球員落場落力執行,冇人敢側側膊,原因除咗佢出名「風筒理論」,即半場休息,近距離頭對頭訓斥球員,口氣連對方頭髮都吹郁外,仲有係靠更衣室內一班老骨幹。佢高價收購尹佩斯,都會問兩老傑斯及史高斯。
執行會經常出錯,需要不斷修正、再修正,執行更需建立骨幹團隊,堅定不移去貫徹,而骨幹是需要有領導才能,如果一味靠把口,有功先領,有過就先卸,肯定亂曬大龍。房策半年來政出多門,講嘅人多,做嘅人少,結果敗像已呈,俾地產佬睇穿你冇料到。
水貨客事件,政務官早知唔係掃場咁簡單,但林鄭急於做場大龍鳳,未做好計劃就高調掃蕩,以為可以靠嚇。點知水貨客仲全港蔓延,化整為零。
一切錯誤,源於個「急」字,民望越低就越急,越急就越亂,政策執行細節未經深思,CY正為僭建不斷付出沉重政治代價!
添馬男
中門 大開 細節 成敗 添馬 馬男
PermaLink: https://articles.zkiz.com/?id=282251

中門大開:唐營高興乜嘢 添馬男

1 : GS(14)@2013-02-05 00:40:39

http://hk.apple.nextmedia.com/financeestate/art/20130204/18156198
政協分餅揭曉,唐系主流建制人馬壓倒梁粉,乃意料中事,理所當然。政協係統戰工具,要安撫本地工商建制,穩定局面,自然係將位派畀唐系人馬。唐英年代表本地主流,當日俾一班三尖八角古靈精怪人士合謀起尾注,奪取特首之位,而事實上係北京被董建華有意誤導,放棄唐英年,北京「無厘頭」將多年來政治上合作夥伴放棄,今次政協分餅屬補鑊安排。
當日公信第一、知識分子梁粉報協助進行政治宣傳,認為梁上場可以改變地產霸權、官商勾結,今日香港人望番轉頭,先發現一切如舊,「求變」只係政治寶藥黨欺騙婦孺之口號。工商界利益長久以來受北京照顧,而梁振英20年來專走北京上層路線,邊有可能唔知道北京治港政策及利益所在。佢以求變之名去奪權,屬政治包裝,梁粉報口口聲聲批評煲呔政治化妝,殊不知自己卻淪為梁振英政治化妝筆及粉底。由於有中產媒體協助梁振英化靚妝,當時的而且確吸引一班盲毛成為梁粉啦啦隊,也令董建華有機可乘,挾民意游說北京撐梁棄唐。
政協安慰獎難比實權
正由於當日民意撐梁屬政治化妝術,一年後邊有可能交到貨,社聯、社區組織協會、大小環保團體頭目今日惟有暗啞底唔出聲,因為成棚人有頭有面,唔通公開承認自己當日俾寶藥黨呃咩!到頭來焚化爐照起、堆填區照擴建,土地供應照樣短缺,起樓照樣要6年完成,房照劏,當日砌煲呔十惡不赦,今日邊一樣有解決迹象。好嘞,搞唔掂o依家成班梁粉出來又再spin,指前朝積落問題太多,難以一朝解決。既然問題咁深重,當日選舉時又點解亂噏,成班梁粉合謀欺騙巿民。講到尾,一切都只為利益而奪權,邊有理想理念可言。
奪權之後就輪到瓜分利益,相信董建華念念不忘的北大嶼山碼頭物流園,只不過係冰山一角,唐系人馬攞個政協安慰獎,相對於政策利益傾斜、實權公職任命,現兜兜利益輸送畀梁粉,簡直小毛見大毛,唐營中人又有何值得高興呢?
2 : 鱷不群(1248)@2013-02-06 00:02:25

梁粉係寶藥黨一早就知啦,如果連咁基本野都睇唔穿,早中就晒老千股既招smiley
中門 大開 唐營 高興 添馬 馬男
PermaLink: https://articles.zkiz.com/?id=282283

中門大開:馬丁儍的嗎? 添馬男

1 : GS(14)@2013-04-12 00:46:01

http://hk.apple.nextmedia.com/financeestate/art/20130411/18223677

                李柱銘接受《明報》專訪,拋出他心目中底線方案,認為可接受選委會變成提名委會員,由佢哋選出五個候選人參加直選。馬丁的算盤好易明,因為2012年選委中泛民陣線佔230人左右,足以提名一個候選人入閘,按此推論,2017年提名預選中,泛民候選人應可取得200票左右,排第四至五名入閘。

大戰當前 不應示弱

                政治當然唔係算術,馬丁這時拋出所謂底線方案,百害而無一利。o依家雙方正在玩沙蟹,開天索價之際,為何忽然走出來落地還錢?戴耀廷為佔中造勢,為乜?梗係扮「級手煙」,喬老爺怒氣沖沖,當然亦係扮,至少一條花,大家鬥拋,睇邊個淆底冚牌唔去。點不知泛民呢邊有位塘邊鶴「唔生銹」,大大聲指住戴耀廷底牌話係3仔,你話死未!
馬丁可能不甘寂寞,所以見到有記者專訪就有碗話碗,有碟話碟,佢實在天真,來訪者將馬丁意見放大,客觀效果就借馬丁言論搞亂佔領中環,製造泛民內部混亂。馬丁之儍,可能仲將心比心,以為該報乃公信力大報,所以先無防範。退一步講,馬丁就算心中有此底線方案,理應先同泛民頭頭溝通先,總好過突然拋出來,公民黨、民主黨也殺個措手不及。
政治談判是講部署、策略,一切均是姿態,馬丁現階段釋出肯談判之善意,北京會點睇?第一時間回招就係玩分化,挑動內部矛盾。泛民姿態上要淡化馬丁方案的衝擊,視之為民主黨一位普通黨員的意見,僅此而矣,千萬唔好中傳媒所設下之陷阱,煞有介事地討論馬丁建議,無論贊成或駁斥,泛民中人都已中了招。
今次政改角力,已到了關鍵十字路口,而對手共產黨比泛民在專業水平上高出幾倍,而泛民不過是一條鬆散之聯合陣線,紀律欠奉,背後若無大規模群眾動員作後盾,根本就冇對等談判地位,更難望爭取到一個較民主的方案。現時泛民唯一要做就係為佔中造勢,催谷群眾,說服未buy in的中產人士。佔中在輿論上算是站穩陣腳,但只走出了一小步,今年六四、七一政治集會上,要大力宣傳佔中理念,前邊仲有一大段路要走。
當然,泛民只係鬆散之聯盟陣線,好難禁止其他人言論,但至少大家可以訂出現階段工作重點,聚焦在有用、有建設性工作,將口水方案擺埋一邊唔好理。

添馬男                                                        
中門 大開 馬丁 的嗎 添馬 馬男
PermaLink: https://articles.zkiz.com/?id=282491

中門大開:大李小李 添馬男

1 : GS(14)@2013-04-13 16:45:17

http://hk.apple.nextmedia.com/financeestate/art/20130412/18225510

                據《星島》報道李超人親自過問HIT工潮事件,希望事件盡快解決,但「超人」那邊對報道予以否認,情況同上次記者問李超人對工潮睇法,老李正想回答,立即俾小李Victor阻止,在佢耳邊哦咗幾句,李超人就收口冇出聲,一模一樣。李超人似乎對工潮有難言之隱,而今次HIT任工潮拖延已兩星期,完全唔似李嘉誠一貫處事作風。
工潮拖延,由碼頭工人罷工,spill over成為社運,反李反商,又有群眾支持,捐款400幾萬作罷工基金,社運人士及工會策略上有大食大,一定算到李超人頭上,相對額外支出一年幾千萬加薪數目,對比李超人在公眾形象上之損失,以及政治形勢之凶險,條數冇理由唔識計。
大家可能唔記得咗舊年5月長和系業績會上,李超人親自宣佈分身家計劃,長和系幾千億業務交畀大仔李澤鉅管理,佢本人會全力協助第二仔李澤楷收購集團以外資產,7月正式落實分家安排,可以講李超人已經正式交棒,大仔亦正式接班。碼頭工潮事件應該係對佢接班後首個重大考驗,但HIT嚴磊輝處理表現差強人意,呢位「鹽焗雞」先生有份推動工運向社運方向發展。
工運與社運本質上有分別,工運矛頭指向分判商,屬勞資角力,社運矛頭就「升呢」變成指向李嘉誠、李家天下、地產霸權。老李當然希望小李可以展示大將風範及高超靈活政治手腕,擺平工潮,兼且宣告天下接班人係「掂」嘅。

出手擺平等於接班「甩轆」

                起初HIT對事件定性為分判商與工人之間勞資糾紛,將自己責任一概推得乾淨,明顯同公眾期望係有大落差,而「鹽焗雞」就更加促成一場公關災難。工潮拖延下去變了兩難局面,先至令李超人欲言又止,若插手干預,促成工潮結束,則顯示交棒接班「甩轆」,有大事發生,最終都要由大李出手搞掂;若忍住唔出聲,唔畀意見,又擔心再拖延下去,形勢惡化,社運擴大。小小一單工潮最終鬧大,其實國際形象受損事小,被人取笑冇用事大。
若果揸fit人是專業企管人,反而易辦,CEO乃外人,高薪厚祿,有需要時可用來擋子彈做醜人,但華人家族企業有公有私,糾纏一齊,會幾難搞。

                  添馬男                                                        
中門 大開 大李 小李 添馬 馬男
PermaLink: https://articles.zkiz.com/?id=282520

中門大開:Out是香港 添馬男

1 : GS(14)@2013-04-29 23:52:36

http://hk.apple.nextmedia.com/financeestate/art/20130429/18243413

                特區政府用梁振英大作書名「家是香港」搞政治宣傳運動,美其名係宣傳「正能量」,實質會係政府聯同建制派政黨、西環地區社團系統搞政治公關,用公帑為梁振英做政治化妝。由於活動係邀請區議會做夥伴,而施政報告又每區已撥咗1億元落去搞活動,區議會又由建制派掌權,即係話由一開始,梁振英已有計劃地將18億元公帑變成自己政治宣傳資本,同建制派建立共生利益集團,鞏固自己政治基礎。

logo超老土 自我染紅

                「家是香港」聽個名已有一陣八十年代out味,似足當年港台宣傳口號,林鄭做地區在新市鎮公屋負責成立互委會MAC時代嘅slogan,加埋個超老土logo,真係以為時光倒流。政府將大小活動均納入「家是香港」運動中,表面好似搵嘢嚟搞,實質就係令梁班子獲得大量曝光宣傳機會,因為但凡獲冠「家是香港」之名,政府都會派出官員出席活動作主禮,乘機籠絡地區人士、街佬社團,司局長也可以大發噏風上鏡。
但呢條屎橋也有負面效果,在本地中產主流眼中,建制派政黨,尤其深紅組織,屬老土落後生產力,活動模式也與中產主流脫節,挺梁集會中竟然仲有扭秧歌大嬸團,問你死未?群眾老化,活動不離曲藝、書法、朗誦比賽。過往港英時代,政府官員自我定位是進步及現代化力量,政務官乃社會精英,中產文化口味,出任藝術節、電影節、港芭港樂patron、Cancer fund籌款主禮,點會同紅色群眾庸俗工農兵文藝活動搭上。
香港商界、專業精英之所以認同殖民地管治,除咗共生實利之外,仲有文化上之認同,以西方文化品味為坐標。回歸後特區政府政治上依靠親中政黨,但董建華總算來自洋化的上海世家大族,而非紅色土幹部,曾蔭權更崇英崇到出面。到梁振英上場,西環治港、巿委書記治港之說已甚囂塵上,佢本應摵甩那陣左派out味,扮回歸中產主流,出席法國5月文化活動。殊不知此人政治水平甚低,搞出個「家是香港」運動,將整個政府形象與老土過時之地區左派綑綁一齊,自我染紅。
我真係好希望睇到「家是香港」運動大旗手,兼家人全在英倫之林鄭司長,與愛字堆工農兵造反派代表陳靜心、陳廣文及高達斌,一齊在台上為新界總商會、屯門、元朗區議會合辦「家是香港」愛國愛港曲藝比賽啟動儀式主禮!

添馬男                                                        
中門 大開 Out 香港 添馬 馬男
PermaLink: https://articles.zkiz.com/?id=282658

中門大開:洗腦話咁易 添馬男

1 : GS(14)@2013-05-10 01:37:37

http://hk.apple.nextmedia.com/financeestate/art/20130509/18253838

                港台周一播出《鏗鏘集》,題目係愛國愛港,成集都係用曲筆去刻劃,所謂愛國愛港係不斷改變,其中一段關於紀念五四運動活動中,兩位穿校服之女學生,回答記者提問乜嘢係五四精神,不約而同答係尊重與包容。此片段在網上熱傳,網民反應熱烈。
當時我睇緊《鏗鏘集》,已即時爆粗,「有冇搞X錯!」問題不在女學生,而係幾時開始將內地扭曲歷史的五四觀引入香港,同時心中難過係受訪學生,穿着香港校服,典型乖學生,由佢地口中講出五四精神係尊重、包容,出自香港下一代之口,你話幾得人驚。政治灌輸與洗腦,不知不覺間已經完成,產品也推出了市場。

尊重包容竟變五四精神

                八十年代念中學,邊個學生唔知五四精神係民主與科學,德先生與賽先生,文化上要反傳統,政治上聲討北洋政府,喪權辱國,青年學生上街。共產黨建政後,一方面唔敢攻擊五四運動,因為不少學生走上左傾,皆源於五四,但又怕五四民主與科學精神,被用來挑戰共產黨專政,於是便為五四運動進行整型手術,將五四扭曲成為只有愛國主義,而將其他部份以手術切除。紀念五四變咗升旗禮,本身已經係一種愛國主義宣傳。
本地左派當然在五四升旗禮上,繼續上下其手,針對當前中港人民矛盾,樹立「尊重、包容」宣傳句語,無知學生因而受騙而不自知。追本溯源,在於梁粉紅人羅范椒芬當年出任教育局常任秘書長,與李國章局長雷厲風行,教改紅旗四處飄揚,其中課程改革中取消初中必修中國歷史科,今日回望才驚覺刻意貶低中國歷史科正好為日後政治教育、愛國教育等洗腦活動鳴鑼開道。當一個中學生在課堂上從未學過五四運動歷史,冇學過近代史,一旦遇上扭曲歷史之政治洗腦,根本無從抗拒,比政治寶藥黨呃咗都未知。
共產黨以政亂史,用黨定下的政治角度去詮釋歷史,將之變成一種管治控制意識形態。過去幾十年如是,但今日新媒體時代,人人可以翻查歷史資料,國外學者研究,內地亦已經冇人信呢套史觀。本地左派將劣等貨色運來香港,為學生洗腦,香港人應對此口誅筆伐。
左傾愛國冇問題,但至少唔好咁低B庸俗!
中門 大開 洗腦 腦話 話咁 咁易 添馬 馬男
PermaLink: https://articles.zkiz.com/?id=282758

中門大開:河蟹搖滾 添馬男

1 : GS(14)@2013-06-25 01:29:32

http://hk.apple.nextmedia.com/financeestate/art/20130624/18310058

                  最近陳可辛及關錦鵬參與的電影上演,一套是陳當導演的《中國合伙人》,另一套是關做監製的《致青春》,在內地都是幾億人仔票房之作,大受歡迎也有口碑,但在香港少有談論,票房恐怕過不了千萬。
陳可辛電影曾幾何時是有濃厚的香港人情懷,由《甜蜜蜜》中新移民情侶奮鬥故事,到兩集《金雞》,回望香港浮華歲月,觸動過不少中產港人。仲記得上一套觸動你心的港產片是邊一套嗎?《寒戰》?《十月圍城》?《無間道》?大家唔好講笑啦!
97亞洲金融風暴後,加上盜版及電腦下載,電影業陷入低潮。03年沙士,電影院四個月內空空如也,4月明星張國榮自殺,香港一片愁雲慘霧。03年7.1前夕正式簽訂CEPA後,香港電影可以不限配額進入內地院線上畫,中港合拍片模式也放寬,十年內電影人大舉北上,曾幾何時建構香港人身份的港產片,也因遷就內地審查制度及觀眾口味,離香港人越來越遠!
周星馳也由本土市井小人物英雄,變成了內地電影投資者,拍成內地口味的《西遊.降魔篇》,我們只有在有線電影台不斷重溫他北上前的舊作,在《國產零零漆》中揶揄內地貪官文化那個周星馳已成絕響,只有通過不斷惡搞再現網絡。

為人仔服務 不為港人發聲

                港產片變味,令香港人感到抑鬱,也反思中港融合在經濟得益外,在文化、身份認同等意識形態層次的損失,雞冇雞味,飯冇飯味,港產片冇港味、港星冇人味,成為年輕人集體焦慮。由於主流媒體均或多或少要考慮內地市場,由電視台、電台、電影、音樂等曾構成香港人獨特身份認同的文化內容,都溝淡甚至變味。十年來香港人對主流媒體及文化工業「河蟹化」,失去批判性,日益憤怒。CCTVB、巨蛋維穩Show,RubberBand變Robber band、Mr.變Mentally Retard,只是冰山一角。
今天年輕人在網上紛紛悼念Beyond主音黃家駒,只因為在音樂上找尋代表年輕憤怒批判聲音,已搵唔到,09年六四廿周年,大家齊唱抗戰廿年,2014,中環又再會大合唱《海闊天空》。
河蟹藝人、河蟹音樂、河蟹新聞,十年間早已變成主流,在人仔萬歲下,香港文化為人民幣服務,要為香港人發聲?儍啦。7.1維穩show,正好揭示了香港流行文化工業的政治功能,成為人心回歸工程部份。國教搞唔成,唔使怕。美國有progressive rock、英國有punk rock、日本有visual rock、台灣有folk rock,7.1十年、CEPA十年,香港終於有自己嘅Crab Rock!人家rock友反建制,我哋rock友係親建制!
(7.1遊行十周年系列之六)
中門 大開 河蟹 搖滾 添馬 馬男
PermaLink: https://articles.zkiz.com/?id=283156

中門大開:高開低收施政 添馬男

1 : GS(14)@2013-07-17 21:58:24

http://hk.apple.nextmedia.com/financeestate/art/20130717/18337134

                《信報》金針集揭露發展局近日提交給立法會的文件指出,將工業大廈改建成「過渡性房屋」的方案,並不切實可行。該專欄作者紀曉風指出,這個最新說法,正正違反了問責班子過去一直提倡的建議。過去一年,由梁振英到林鄭,不斷大力推銷將工廈改成住宅,點解一年後,先至發現工廈住人有通風、交通、噪音問題,令改裝不可行。一個曾幾何時高調推銷,凸顯新政府有新思維嘅政策,原來根本冇諗清楚,亂噏廿四,一年後靜雞雞摺埋。特區政府管治水平墮落,完全咎由自取。今次冇得賴議會政黨。

業餘政客噏咗先算

                689之搞到如斯田地,係因為業餘政客短期行為,討好民粹噏咗出街先算,由上而下施政係冇問題,但連基本政策論證都冇便宣佈,就幾得人驚。政務司林鄭月娥應該是操作執行層面把關人,佢係政策委員會主席,監督各政策局政策草擬工作,並且上屆出任發展局長時,主理工廈活化計劃,即使689亂噏,林鄭應該早知是否可行,而唔係一年後,先知單幢工廈不宜住人。
政務官訓練對新構思側重可操作性討論,因為意念人人有,斗零都唔值,執行細節先係關鍵,公共政策涉及社會大眾利益,只要執行上冇諗通諗透,小小執行漏洞,足以推翻整個構思。香港公務員體制中,一個staff grade C,丙級政務官已具備呢種論證能力,問題係政客司局長水平太低。
政府施政朝令夕改,半桶水、高開低收,係會不斷削弱巿民對政府信任,業餘政客為求今日有靚sound bite出街見報,唔會理長遠後果,但香港人亦唔儍,對業餘政客有戒心,所以梁粉政府中曝光率最高,日日有嘢講嘅兩位仁兄,即689及陳茂波民望最低,反而越少公開發表言論嘅財政司司長鬍鬚曾,民望企穩三甲。
外國政客之所以亂噏唔死得,乃因為有政治建制支撐,包括黨派媒體、智庫、黨友、意見領袖,香港政治建制散修修,業餘政客打單泡,噏完冇echo,冇護航,風險十分高,香港政客更應該慎言,689及梁粉們卻執意反其道而行,講多錯多,成個政府民望又點會唔仆?

                  添馬男                                                        
中門 大開 高開 開低 低收 施政 添馬 馬男
PermaLink: https://articles.zkiz.com/?id=283410

中門大開:梁曾鬥 添馬男

1 : GS(14)@2013-07-19 00:42:18

http://hk.apple.nextmedia.com/financeestate/art/20130718/18338401

                  梁粉做事,猶如「食豬紅、屙黑屎」,一定畀人睇死。
7.1後要搶救689,不外乎兩招,一是提早啟動政改諮詢,二是狂派買民望。前者操於北京之手,中央大員信唔過佢,點會放手,由張曉明掛帥現真身,根本唔使689去搞。至於狂派,即使林鄭投誠,鬍鬚曾也唔會輕易開水喉,即使財爺肯開,佢下邊財務科班政務官亦唔會就範。港英時代,財政司實權根本高過政務司,而財務科與公務員事務科就係官僚系統之back bone,體現官僚治港理念所在。

民望低 應潛藏非亂出招

                外來政客為自己管治失敗找替罪羔羊,不外乎兩個萬能key:議會政黨尤其是泛民搗亂,以及官僚不合作。但議會內建制派佔多數,政策失敗基本上同泛民冇關,至於官僚不合作,首當其衝當然係財政司司長,揸數死唔放水,梁粉何喜華先試一槍,見冇乜反應,再由金主陳啟宗發重炮,指他乃大罪人,曾俊華翌日在廣州笑笑口話心情沉重,梁振英則公開表示兩人合作無間,與陳啟宗切割。
梁粉水平低,平日圍埋一齊,就媽叉班政務官阻頭阻勢,講到入晒腦,習慣晒,何喜華在訪問中,出口砌財爺自是理所當然。
至於陳啟宗則相信係另一個故事,因當日係梁粉論壇,主場出擊,689幕後指使機會好大,而且用到咁重語氣,即係反映689為求在明年1月施政報告中狂派,已去到好desperate,所以先抬出梁粉重炮,如果屬689部署之攻勢,應有後續攻擊,其他外圍梁粉接力,諸如林鄭戰友羅致光、羅范等,作群毆式泥漿摔角,鬍鬚曾乃洪拳高手,兼且精於劍擊,深明防守劍之道,在於後發制人,有成個財金系在背後,加上北京支持,要抵擋梁粉攻勢,並不困難。
689要玩內鬥,佢自己民望低,本應潛藏,而非亂出招,巿民唔信任佢,認為佢係壞人,因此任何人站在689對立面,by definition,一定係好人。即使鬥倒曾俊華,迫佢走,難道北京會畀梁粉陳茂波接任特區財政司司長?簡直妙想天開。當然,梁粉地產金主有此想法,並不為過,陳茂波東北加強版官商勾結交到貨,已令囤地多年地產孖沙笑逐顏開。

                  添馬男                                                        
中門 大開 梁曾 曾鬥 添馬 馬男
PermaLink: https://articles.zkiz.com/?id=283490

中門大開:維穩與保安局 添馬男

1 : GS(14)@2013-08-05 23:36:35

http://hk.apple.nextmedia.com/financeestate/art/20130805/18364454

                  睇住旺角因女教師罵警事件所引發兩批群眾對峙,已顯示香港警察嘅敏感動作,正掀起了香港社會恐共厭共情緒,此事非同小可,足以動搖香港社會秩序根本。
紀律部隊公信力,至為重要,香港警察由六十年代貪污腐敗有牌爛仔,蛻變成為亞洲先進紀律部隊,係經過近30年努力,不斷改革而成,市民亦曾一度認為警方係最值得信任嘅政府機構。

介入政治鬥爭 警方不智

                香港十幾年嚟罪案率好低,比日本東京仲要低,被評為全球最安全嘅城巿。警察工作重點亦已經有轉變,因為有組織及嚴重罪案持續下跌,根據警方呈交立法會保安事務委員會報告最新數字,2012年香港的整體治安形勢繼續保持平穩,整體罪案數字是75,930宗,與2011年的75,936宗相比,下跌了6宗,跌幅0.01%。整體罪案率,即平均每10萬人口所錄得的罪案數字,是1,064宗,較前一年的1,074宗下降0.9%。與其他主要城市的罪案率比較,香港仍然是世界上最安全的城市之一。
罪案率低,近年公眾最關注,已非葉繼歡一類持械重案嘅刑事偵緝工作,而係涉及更加敏感、更大爭議嘅遊行示威、公共秩序。香港人對警察嘅信任亦因此而逐漸流失。由過去李克強訪港引發警方阻礙表達自由,到不斷被指秋後算賬,起訴示威者,到最近縱容親共青關會暴力團,警察員工組織介入政治表態,旺角集會中退休指揮官為親共批鬥女教師活動站台,激動發言,更令公眾相信警察已成為鎮壓公民權力嘅內地維穩系統之伸延。
部份紀律部隊對社運團體有負面睇法,認為佢哋挑戰權威,搞事破壞秩序,大家理解雙方角色上係有矛盾,但亦只限於角色上對峙角力,而唔應該「上腦」。因為警察與市民在力量天秤上並不對等,警察係擁有合法對市民行使暴力嘅人,唔係普通人,唔可以話脫低件制服變番普通人,就可以亂噏亂表態,愚蠢到介入青關會維穩工作之政治鬥爭,將警隊多年建立嘅專業形象及公信力踩多一腳。
前線人員就話唔識大局,但問責之保安局局長一直匿埋,好似唔關自已事,市民對警察信任一旦消失,將會引發更大規模衝突。

                  添馬男
中門 大開 維穩 穩與 保安局 保安 添馬 馬男
PermaLink: https://articles.zkiz.com/?id=283610

中門大開:A貨右翼暴力團 添馬男

1 : GS(14)@2013-08-06 23:45:26

http://hk.apple.nextmedia.com/financeestate/art/20130806/18365513

                香港人習慣稱親共團體為左派,其實親共唔係左,而係右,愛字頭團體,徹頭徹尾,就係日本右翼暴力團A貨山寨香港版。上次挺梁遊行爆出有新界勢力通過蠱惑仔聘請金毛壯聲勢一事,可見端倪。

日右翼勢力 二戰前活躍

                日本右翼勢力在二戰前,本來是相當活躍,但在戰後一度被取締,於七十年代又重新活躍起來。其組成背後獲得右翼政客及財閥支持,牌面係一班維園阿伯,由受聘用之黑幫執行暴力手段,一般包括圍攻、滋擾、恐嚇等行為。八十年代在東京旅行,假日在原宿代代木公園,便經常見到高音喇叭右翼宣傳車。
右翼暴力團因勾結政客,因此其暴力威嚇手段得到包庇,政客利用暴力團對付主張進步改革的左翼政黨,小則搗亂辦公室,大則刺殺左派政黨幹部。
在八十年代末冷戰結束後,日本右翼暴力團勢力有增無減,而且相當出位,用暴力去威嚇社會上有正義感和良心者,包括政客、政府官員和社會活動家。
最轟動係1990年右翼暴力團成員開槍打傷曾指摘「天皇負有戰爭責任」的長崎市本島市長。
根據內地學者統計,由1996年1月至1997年5月間,右翼團體因為教科書問題,對相關出版社進行威脅的事件就達到140多宗。

高舉愛國旗幟 暴力掛帥

                  1997年,右翼勢力共動員1,710個團體,糾集7,120餘人,出動1,860輛次宣傳車,在日本各地開展「不能容忍自虐性教科書」的街頭宣傳活動。
右翼暴力團係政客豢養政治打手,高舉愛國旗幟,以暴力威脅作手段達到政治目的。香港自梁振英當選後,湧現一批港版右翼暴力團,用圍攻踩場滋擾手段對付社運、民主派等相對較進步力量。而香港傳統政治文化中,只有當內地直接介入本土政治,才會出現呢類團體,六七暴動是一例,九十年代已晉身議會本土親共政客受港英一套法治觀念影響,加上已有頭有面,唔想整污糟自己雙手,唔會主動豢養暴力團。
現時警方執法之所以受到高度的關注,正是因為日本右翼暴力團一度橫行,其幕後受到政客、政黨包庇,意圖迫使政府在教科書、參拜戰犯問題上改變立場。而香港人早已忘記一宗本地黑幫深圳大佬買兇刺殺李柱銘與黎智英案件。
假如政府、政客及執法機關內,有保守人士作呼應,縱容暴力團以滋擾、踩場搗亂手段去達到政治目的,暴力手段會不斷升級!

                  添馬男
中門 大開 右翼 暴力團 暴力 添馬 馬男
PermaLink: https://articles.zkiz.com/?id=283632

彩虹傘下月佔添馬

1 : GS(14)@2014-10-22 08:51:13



【本報訊】彩虹旗和彩虹雨傘將於鬧市出現。今年的香港同志遊行下月8日舉行,平等機會委員會主席周一嶽、立法會議員何秀蘭、歌手何韻詩擔任彩虹大使。遊行隊伍將於維園集合,沿軒尼詩道遊行到添馬公園。大會表示,已與學聯聯絡,如屆時抗爭持續,會研究遊行人士會否在抗爭路段經過,大會亦邀請學聯代表屆時於活動上發言。今年遊行主題為「肯肯定要撐──尊重差異、踢走歧視」,衣着主題為象徵好奇和不安本份的同志橙。遊行隊伍抵達添馬公園後會舉行集會,內容包括歌舞項目及展覽攤位,宣揚戀愛平等訊息。大會今年亦有原創主題歌曲《同步愛》,由支持同志平權的朋友填詞及演唱。


周一嶽:「直人」都應參加

擔任大使的何韻詩表示,今年是香港人的歷史時刻,明白爭取民主與同志平權,都是漫漫長路。她坦言這段日子在街頭抗爭很疲累,希望下月8日前事情會有轉機。對於有團體對佔領行動申請禁制令,何韻詩認為政治問題應該用政治解決,「唔好用第二啲方法去恐嚇市民」。何秀蘭則指,民主制度與言論自由息息相關,希望屬大多數的人不要再壓制少數人的權利。周一嶽則因塞車,遲到記者會約一小時,何秀蘭笑指要靠記者「拉布」等周到場。被問到擔任遊行大使會否有角色衝突,周指平機會自2011年起已有參加遊行,認為遊行鼓勵多元聲音,即使是「直人」都應參加。周續指,平機會認為應有適當條例,保障跨性別人士的權益。平機會委託中文大學性別研究中心,就性傾向歧視立法進行的研究將於下月30日完成,料明年4至5月可向政府遞交報告。被問到如遊行遇上反對同志平權團體「踩場」有何對策?何韻詩笑言,可用近日對抗反佔中人士謾罵的「生日歌」來應對。今年遊行會於同場出售彩虹旗,以及6色彩虹雨傘等紀念品;另今年遊行獲48間公司及機構贊助及支持,包括港鐵贊助數10個廣告,以及花旗銀行和德意志銀行等。


同志遊行概覽

主題:肯肯定要撐—尊重差異踢走歧視日期:今年11月8日集合時間:下午2時遊行路線:維園1號足球場集合→軒尼詩道→金鐘添馬公園衣着主題:同志橙(Queer Orange)資料來源:香港同志遊行2014籌委會




來源: http://hk.apple.nextmedia.com/news/art/20141022/18908427
彩虹 下月 佔添 添馬
PermaLink: https://articles.zkiz.com/?id=286202

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019