ZKIZ Archives


盧博士掛住湊仔沈嘉偉被迫蒲頭 李華華

2010-05-26  AD






 

身為 I.T(999)老闆嘅沈嘉偉,終於由娛樂版回歸財經新聞版!江湖傳聞話,沈生上個月喺「大劉」尖沙嘴個新場「The One」租咗個大舖,要搞間全港最大旗艦店咁話。華華一直無chance證實呢個消息,估唔到下個禮拜終於有機會!有口痕經紀同華華講,沈生鐵定下星期二 蒲頭,主持I.T個業績記者會,見吓投資者同傳媒朋友。

下星期二主持業績會

咁又有咩出奇呢?梗係有啦!事關沈生行事作風真係 非一般低調,佢簡直係惜字如金,唔鍾意見人又唔鍾意講嘢,一年四季淨係鍾意同佢老友城城打吓邊爐,自己間公司由05年上市到o依家,出嚟見人嘅次數絕對唔 夠3次。咁點解今次又要粉墨登場?鬼咩,一直係I.T代言人、唔係負責着衫淨係負責講嘢嘅盧永仁,呢頭話要令I.T市值翻三番,「壯志」都未酬,舊年呢位 副主席突然走人,沈生咪惟有自己頂硬上囉!

講番擁有「天地雄心」嘅盧博士,佢話過只係鍾情做大公司,但o依家似乎仲未有着落。華華先排響四 季撞到佢,估唔到又肥咗一個碼,問佢o依家撈咩,佢笑笑口答咗句「湊仔」就快閃鬆人……各大上市公司,有興趣不妨搵搵佢。

李華華



博士 掛住 住湊 湊仔 仔沈 沈嘉 嘉偉 被迫 蒲頭 華華
PermaLink: https://articles.zkiz.com/?id=15786

中環在線:業績報喜罕見傳媒沈嘉偉1粒鐘只講3句 李華華

2010-10-29 AD




 

潮人兼 I.T(999)大老闆沈嘉偉出咗名怕醜兼怕見傳媒,華華近年見過佢幾多劑,真係一隻手數得晒。但自從佢嘅「代言人」、前I.T副主席盧永仁辭工返歸湊仔 之後,沈生惟有焗住落場去記者會同傳媒過招!噚日又係「報案熱線」派成績表之時,唔知係咪今趟業績靚、股價又做到功課,沈生諗住傳媒同分析員都會錫住佢, 所以,噚日好明顯淡定有錢剩,企定定畀大家影相同發問,再冇急急腳鬆人。

但所謂三歲定八十,沈生人就坐咗喺度,但個口就撬極都唔開!佢全程 好留心聽大家嘅問題,但係有意見嗰陣,佢自己唔會講,淨係同隔籬個融資經理吱吱噚,再叫佢「轉告」大家,而就算佢忍唔住開咪,每句說話大概都唔會超過10 個字!望住台上嘅佢,華華腦海只浮現到「聽不到的說話」、「開不了口」、「沉默是金」、「沉默的羔羊」……

搵人轉告自己唔講

而 全個記者會,歷時大約一粒鐘,華華聽得最清楚嘅,就係以下呢一截……I.T個股價上兩季俾芬佬笑係「must-buy item」,咁股價殘咗咁耐今日終於吐氣揚眉,沈生有咩感想呢?「唔講股價!」咁覺唔覺得自己掂呀?「唔敢講成功!」咁會唔會減持套現呀?「唔減持!」見 完沈生之後,華華突然驚到自己會患上語言障礙……

李華華

LiWaWa@AppleDaily.com


中環 在線 業績 報喜 罕見 傳媒 沈嘉 嘉偉 粒鐘 鐘只 只講 華華
PermaLink: https://articles.zkiz.com/?id=18897

龍友風琴魔 沈嘉豪


2010-12-30  NM




上星期《亞洲遊戲展2010》(http://www.asiagameshow.com/tc/)開幕,眾o靚模又再列陣,搞到班龍友(泛指人像攝影愛好者)如癡如醉,拎住專業單反猛影,器材pro過不少報刊攝記。

不過始終未夠沈嘉豪瘋狂,他為求突出自己,不惜豪花逾百萬,買古董風琴相機拍人像。但這名風琴魔,卻開口狂寸時下龍友走火入魔,只顧裝備輕視溝通,搞到相 片欠缺靈魂。於是,他早前便大搞香港攝影節(http://www.hkphotofest.org/),向全港龍友說:「龍友也是需要溝通的。」

約沈嘉豪訪問,他二話不說爽快答應,豈料抵達他位於火炭的影樓,櫈都未坐暖,他已先發制人,「先不要出聲,睇我示範。」然後強制要在場人士看他表演用古董 風琴相機,去拍攝一張11×14吋大菲林相片,再入黑房沖曬菲林,過程冗長,他卻神氣地雙手一擺,「香港仲邊睇到成個沖曬過程?」

他說風琴相機早在上世紀已陸續停產,現時識用的人不多,他多年前從eBay(http://www.ebay.com)買入,亦花了近十年時間先摸熟相機特性,「講玩風琴相機,香港最出名只得我。」

好不容易開始訪問,他卻帶記者遊花園,一時說自己愛歎咖啡,又大講玩Hi-Fi心得,中途多番插嘴想將話題拉回正軌,他卻不以為意,「不要怪我離題九丈遠,了解得愈深,你(手指攝影師)影張相都貼題些。」

狂寸龍友

沈嘉豪強調,攝影是透過相片讓模特兒和攝影師表達自己,如果雙方零溝通,相片效果只會平平無奇。他舉例兩年前為朋友影相,事先與對象傾了幾個鐘,得知對方 個性嚴肅,於是特意趁她發嬲時舉機,想不到這張相無意間被一個攝影組織負責人睇中,主動提出要拿到中央圖書館 (http://www.hkpl.gov.hk/)展出,「如果隨便舉機影佢擺出招牌笑容,同證件相無分別。」

提起這威水史,他又再連珠炮發,狂轟時下龍友自以為擁有昂貴器材就是攝影大師,「他們只是享受按快門的快感,影人又好,影景都好,一樣無靈魂。」甚至連o靚模都踩埋,「只識擺姿勢,笑,收工,無個人特色可言。」

他牙擦表示今年十月替商台(http://www.881903.com)

DJ朱薰(http://hk.myblog.yahoo.com/chu_fun)和音樂人譚健榮,以「友情價」影了一輯婚紗相,他都要事先了解一對新 人相識拍拖至求婚的整個過程,先肯舉機拍照,「細緻到連第一次拖手的細節都要清楚知道。」結果沈嘉豪以「日本求婚實錄」為主題,拍攝二人由上飛機、食拉麵 及遲到時種種細節,重現箇中趣味,「好彩朱薰有耐性,慢慢講出整個求婚過程,最好笑是當事人忘記了好多細節,去到當地先記起;不過新人話通過這樣邊講邊 影,令她憶起當時甜蜜回憶,不停讚夠sweet。結果婚宴當日好多明星嘉賓睇完批相,都話可以代入新人拍拖時的溫馨。」

影相佬要有噱頭

他指相片好壞與器材無關,不諱言平時亦只用數碼相機,搬出風琴相機只是為了製造話題,「香港地要搵食,就要搞噱頭,坊間成千上萬個人像攝影師,搬部風琴相 機出來,個客即時會覺得好猛。」所以普通攝影師一單job收費最多一千幾百,他收貴幾倍,客人一樣覺得合理,「若不搞噱頭,邊個會記得我?」

為提升知名度,他久不久會搞新意思,本月初他就與香港多位著名攝影師例如梁家泰(http://hkphotofest.org/leong_ka_tai.html)及

又一山人(http://www.anothermountainman.com/)等,舉辦一個名為「香港攝影節」的連場攝影活動,當中有相展,又有組團到外地影相,為了加強聲勢,他特意讓著名攝影師出面,

請來周潤發(http://www.imdb.com/name/nm0000334/)撐場宣傳,間接令他搖身變成攝影大師,「香港攝影界有幾十個影 會,大家各自為政,我想集合大家一齊向政府和贊助商爭取經費,起初可能概念太另類無人理,於是諗起可以借香港攝影界泰斗的名氣,估不到轉頭 Canon(http://www.canon.com.hk)已答應贊助我同幾個發起人搞相片展。」

原來是電車男

講話又急又快,話題多到數不完,正懷疑沈嘉豪是否天生口多多,他竟自嘲從前自閉過電車男,連望住別人說話也怕怕。他八八年剛出道當攝影助手時,就因不擅辭 令而辭職,「當時老闆專替中環大班影證件相,工作超輕鬆,但老闆為碼實班客,成日要飲茶灌水,我同個客講多幾句已辭窮,最後捱不到三個月便辭工。」

之後為同一原因轉了幾份工,最終在朋友介紹下,轉職到剛成立的香港科技大學 (http://www.ust.hk.ezproxy.lb.polyu.edu.hk/chi/),負責設計校內刊物,貪不用面對客人。想不到一做十 年,其間不少同事升職或轉工,沈嘉豪卻向上司提出寧可不升職,也要繼續踎在辦公室當設計師。

不過要來的始終要來,九九年科大行政改組,上司見他曾替科大設計網頁,從前又曾在電影公司任職,於是要他轉職當講師,任教多媒體藝術,令沈嘉豪叫苦連天,「要設計課程已經令我頭痕,最難忘第一次上堂,面懵懵對住十幾人,唯有對住天花板照講。」

打開話匣子

他心想長此下去不是辦法,唯有苦思學生有興趣的話題。他見數碼相機興起後,原本low tech的LOMO(http://www.lomographyasia.com/)相機忽然被包裝成潮物,大受年輕人歡迎;於是把心一橫,課堂上教人 自製與LOMO相機原理相近的針孔相機,「要學生聽書,老師就要講些新事物,我當然教最熟的相機。」結果他的課堂幾乎堂堂爆滿,學生更送了一個「波 針」(意即Bobby(沈的洋名)教製作針孔相機)的外號給他。

成功打開塵封多年的話匣子,他開始建立起自信,更一發不可收拾,死拉着別人說話,連朋友學生都嫌他煩。碰巧科大在○七年掀起裁員潮,他主動申請肥雞餐,拿 了一大筆退休金,大想頭飛到北京開咖啡室,目的只是想識新朋友,「當時心想離開香港開咖啡店一定識到新朋友,因為我歎咖啡時,最鍾意同陌生人傾偈。」他笑 謂幸好雙親未退休前已經搵夠,甚至購入近千呎的沙田山莊養老,所以他沒有太多束縛,可以想做就做。

隻身飛到北京,沈嘉豪閒時便經MSN(http://www.msn.com)找朋友傾偈;得知一名香港朋友要到北京開攝影公司,閒聊下對方力邀他加入, 因他眼見不用打理日常業務,便爽快答應。但最令他意想不到的是,因不停上網add人,竟被他在網上重遇初戀情人,他主動力追下,「相認」不夠兩個月便重燃 愛火,去年更拉埋天窗,「大家是中學同學,從前我怕醜到出街都不敢望住她,幾個月後覺得與她拍拖時好尷尬,倒不如做回朋友算數,但我竟然連分手都不夠膽 講,於是單方面斷絕聯絡。估不到廿年後再次見面,連她都說我口水多過茶,最後更答應同我結婚,證明影相真的可以訓練溝通技巧。」

何謂風琴相機?

史上首部「風琴相機」(view camera),是在一九一六年由柯達生產的NO.3A可摺疊式相機,因為遷就對焦時鏡頭的前後伸縮,故鏡頭與機身之間以真皮連接,使之呈風琴狀,故被稱為風琴相機。

最早期的風琴相機,一般以木及銅等製成,更限定相機所需的快門、光圈及各個配件規格,故此現存的古董風琴相機中,難以找到合適的配件,在坊間亦已買少見少,例如沈嘉豪所用的黃銅鏡頭,已在eBay上被收藏家炒至每支逾十萬港元。

沈嘉豪個人檔案

五十歲已婚

八七年︰理工設計系畢業

任攝影助手三個月,即辭職。

八八年︰轉職電影後期製作員

八九年︰科技大學建校,任市場部設計師。

九九年︰轉任科大客席講師

○七年︰食肥雞餐提早退休,到北京開咖啡店。

○八年︰回港結婚,在北京開攝影公司。

一○年︰發起搞香港攝影節

 


龍友 風琴 沈嘉 嘉豪
PermaLink: https://articles.zkiz.com/?id=20819

[貼圖]沈嘉偉

1 : GS(14)@2011-05-31 22:43:15


貼圖 沈嘉 嘉偉
PermaLink: https://articles.zkiz.com/?id=274585

沈月口塞油炸鬼 沈嘉偉笑女兒狼狽

1 : GS(14)@2014-12-24 02:22:04





【油炸O嘴】■沈月前晚隨父親沈嘉偉步出食肆,但仍有大嚿油炸鬼在口中,樣子非常得意。








【前晚跑馬地】邱淑貞(豆斗)與時裝店老闆沈嘉偉結婚多年,先後誕下三位千金,分別是13歲大女沈月、10歲二女沈日及4歲幼女沈晨。沈月已長得亭亭玉立,不時都會現身爸爸時裝店舉辦的時裝騷,頗有星味。不過,前晚她陪爸爸及親友一行多人在跑馬地一間粥麵店開餐時,變回鄰家小女孩。



女親友幫抹嘴

前日傍晚約6時,沈月與爸爸等在跑馬地一間粥麵店食飯,飽餐過後,沈嘉偉首先步出,準備到對面馬路取車,沈月緊隨,但她似乎仍未吃完,事關離開時她口裏仍含着很大塊的油炸鬼,嘴邊更幾乎滴下口水,身旁女親友邊忍着笑,邊為她遞上紙巾,惟沈月此時發現有記者拍照,即用手掩嘴且極速轉身返回店內,十分狼狽。



【即時擰歪】■沈月見記者即避鏡,親友幫忙抹口水。

【戴帽掩飾】■再步出食肆時,沈月戴上外套的帽,似為剛才的失儀感尷尬。

【冇臉見人】■上車後沈月一直以手遮臉。DV圖片



戴外套帽避鏡

沈月將口中油炸鬼「處理」後,才急急腳走出店外跟爸爸會合,但見她戴上外套的帽一臉尷尬地跟各人道別坐上爸爸的座駕,其間她雙手掩臉,似要遮掩剛才記者看到她的狼胎食相,沈嘉偉見狀都忍不住笑。採訪、攝影:楊浩賢、陳辰





來源: http://hk.apple.nextmedia.com/entertainment/art/20141222/18976976
沈月 月口 口塞 油炸鬼 油炸 沈嘉 嘉偉 偉笑 女兒 狼狽
PermaLink: https://articles.zkiz.com/?id=286890

郭富城車房收藏近億玩具沈嘉偉轉玩古董車

1 : GS(14)@2016-11-06 15:49:09

余文樂近年買跑車,幾乎架架過百萬,佢老友郭富城、沈嘉偉,身家雄厚啲,玩車資歷又耐啲,當然買嘅跑車級數都唔同啲!好似郭富城,6月嗰陣,佢喺上海賽車場就接收咗1部法拉利,全球限量32架,身價係220萬歐元,即係港幣2,000萬,而呢架車,除咗身價高人一等外,亦要車廠覺得你係全球最尊貴嘅法拉利車主,先至會俾你買。嗱!呢啲咪係身份象徵囉!買跑車如買玩具嘅城城,兩年前49歲生日,就豪花一千萬元,買入全新限量版林寶堅尼Aventador LP700-4 Roadster作為生日禮物。車廠仲特別為「新城嫂」調製顏色「Aaron color tone」成為城城嘅專屬顏色。再加埋城城之前買嘅「幽靈之子」跑車、Audi R8 GT Spyder、波子、其他型號嘅法拉利同林保堅尼跑車,城城個車房,分分鐘有過億玩具。至於余文樂另一老友沈嘉偉,同樣愛車如命,除咗同樣擁有多架林寶堅尼同法拉利,近排沈老闆就轉轉口味,成日去專賣二手classic款古董跑車嘅車行打躉!架架車都有來頭,難怪幾兄弟去親打邊爐,門口都十足名車展咁啦!




來源: http://hk.apple.nextmedia.com/entertainment/art/20161106/19824496
郭富城 車房 收藏 近億 玩具 沈嘉 嘉偉 偉轉 轉玩 古董
PermaLink: https://articles.zkiz.com/?id=314253

房署指濫用 沈嘉偉發迹屋遭收回

1 : GS(14)@2017-10-09 03:21:42

IT業績記者會。沈嘉偉-執行董事,主席兼行政總裁。Sham Kar Wai(Executive Director& Chairman& Chief Executive Officer) attends2015/2016 Annual Results Announcement of I.T Limited.



【本報訊】公屋潛藏不少隱形富豪,即使入息資產超額也不願交出公屋單位。近年具爭議的「公屋富戶」個案是前立法會議員梁國雄「長毛」,但他年屆60歲,即使未被取消議員資格前,亦獲豁免審查。時裝連鎖店I.T集團主席沈嘉偉(圖)的母親早年仍保留華富邨公屋單位,遭受批評,終於2005年因丟空單位而遭房署收回。


單位長期丟空

不少名人富豪均於公屋出身,發迹後卻不願交還單位。長毛居於九龍灣啟業邨,近年建制媒體多次針對他不願交還公屋單位,長毛仍任立法會議員時,由於入息限額超出房署規定,需繳交雙倍租金。不過,長毛目前已超過60歲,可獲豁免審查,加上他已被取消議員資格,失去立法會議員薪金,已不在富戶之列。至於時裝集團I.T主席沈嘉偉早年於華富邨出身,據報他於90年代遷出華富邨,但其母親仍於華富邨和新居之間「兩邊住」,佔用公屋單位,遭到質疑,最終於2005年因長期丟空單位,被房署以濫用公屋為由,收回有關單位。不少富豪均出身於公屋,據報道指,雅芳婷集團創辦人許章榮的父母在20多年前仍保留黃大仙竹園南的公屋戶籍;而據指名廚阿一鮑魚始創人楊貫一,亦是於20多年前經房署官員接觸,才交還彩虹邨的「風水屋」單位。■記者曾偉龍




來源: http://hk.apple.nextmedia.com/news/art/20170930/20168442
房署 署指 濫用 沈嘉 嘉偉 發跡 屋遭 收回
PermaLink: https://articles.zkiz.com/?id=342167

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019