ZKIZ Archives


毛記堅•搵錢

2016-01-28  M

熱爆全城的毛記分獎禮過後,近日有指鍾情毛記的俞琤即將由商台過檔李澤楷電訊盈科(0008)旗 下、今年四月開台的免費電視ViuTV,於是有人揣測小小超將會是毛記的大水喉。經常黑面的毛記「腦細」林日曦,勁黑面否認這個說法。不過,他接受本刊訪 問時,被問到日後可會將毛記節目掛單在ViuTV播放就無落閘,表明唔排除這合作空間,但十畫未有一撇。一旦毛記進軍大氣電波,它批判時政的影響力勢再爆 發。

毛記出現之前,林日曦的《100毛》和《黑紙》兩份小本製作紙媒,去年賺得八百萬元成為神話,更原來一直不缺水喉埋身,曾有強國富商話想約見。大半年前搞毛記電視至今,「腦細」話,成間公司不單無蝕錢,更成功搶攻網片廣告市場,每條廣告企硬收費六位數字、hit rate平均錄得數十萬,跑贏多個網媒。

毛記是荒謬社會引伸的產物,全靠食本土勢取得網民共鳴,最大特點是它具本土特色的廣告創作,與它觸及的敏感社會議題內容互動扣連,形成一股史無前例的「流行文化結合時事」市場力量,難怪「腦細」講到明要:堅•搵錢。

林日曦話唔識李澤楷,只識二少手下、ViuTV台長魯庭暉。林、魯兩人都是商台出身認識多年,耗資百萬元的毛記分獎禮之所以由now直播,全因林日曦主動 打電話給魯庭暉游說,最終雙方在「無話邊個收邊個錢」的情況下合作,now提供技術支援,在分獎禮時段的廣告也一個接一個。

「腦細」多次話,李澤楷這條大水喉「唔係真」,那麼記者問他,可有想過毛記的節目,將來可在now或ViuTV掛單播放?他答:「以前沒想過,但你現在咁講,這個似乎近一點,唔排除可以做,始終大家合作開,但我無同佢哋傾過,唔知得唔得。」

他的師傅俞琤,可會私人注資毛記?「從來無提過,佢而家成日話『隨遇而幫』,但我無提出協助,無嘢要佢幫。」

三十五歲的林日曦,和同樣是八十後的陳強、阿Bu三個前商台創作人,每人夾二千元創業,二○一○年開設「黑紙有限公司」。林說,五年來其實有過唔少水喉埋身,除了天使投資者,也有大陸富商透過中間人約見,「我唔識佢,上網查先知喺財經界好出名。」強國人可是想「買起」他?「唔覺,可能佢想認識吓,我就話,我哋呢一代人都有某程度上恐中國,最後,見都無見。」

萬華買得太抵

林日曦向埋身水喉say no,有兩個原因:「一,公司唔缺錢;二,暫時未想到下一步大計。」三個「腦細」各人現持有黑紙有限公司三成股份,旗下包括《黑紙》及《100毛》兩本刊物,和毛記電視,餘下一成股權由《明報》的姊妹公司萬華媒體(0426)持有,大老闆是馬來西亞富商張曉卿。毛記出現之前,截至去年三月,黑紙有限公司營 業額為二千一百萬元,利潤達八百萬元。黑紙的山寨式運作竟然賺得七位數,在紙媒下滑的年代是奇葩。萬華在一二年,以一百萬元購入黑紙一成股份,換言之,未 蝕過錢的黑紙當時市值已達一千萬元,林日曦憶述:「當日萬華行政總裁林栢昌傳電郵來,話想合作,我哋之前唔認識,那時我們需要資金,加上佢哋做開媒體,就 傾成。」有無見過張曉卿?「可能有,但我唔認得佢。」「依家我睇番,佢買得太抵啦,但當時係一個fair deal。」

唔會諗上市

林日曦指,萬華主要支援會計、法律等後勤,「試過叫我們做些產品,例如做本拍紙簿,但我哋唔鬼理佢。」他說,內容由他們三個大股東話事,萬華無參與,「初 期萬華有幫手搵廣告,後來我們發現出去sell唔可以脫離內容,所以自己做番。」究竟點樣年賺八百萬元?林日曦說,這八球來自廣告及賣書收入,兩者利潤平 均,《100毛》高峰時每期印書八至十萬本、公司只有廿多名員工。曾經有人計過,十蚊的 《100毛》每賣出一本,他們就可賺三至四元,每個廣告更可收上萬元。目前銷量又點?「好耐無理,唔使睇都知,好睇封面,有時多人買、有時無乜人理。」至 於一蚊的《黑紙》高峰時每期賣十六萬張,「我諗依家無啦,7-11都唔理我哋,覺得我哋唔夠銷量啩,今年一月起只喺OK賣。」「我哋有分過錢,六位數,但 唔敢套現太多,因為要搞毛記。」坊間有人估算,黑紙如今市值可能高達五千萬元以上,但林日曦多次話唔明點計出來,更無打算將毛記上市,「我唔識財經,唔想 上市之後被人踢走我呀。」

搞毛記吸廣告

紙媒下滑的同時,去年廣告市場大遷徙,由印刷大幅轉到網上,林日曦也留意到,「我哋覺得,等到時機做網媒,feel到可以試,應該可以自負盈虧。」毛記電視因而在去年五月開台,跟「後雨傘」作持續抗爭沒有直接關係。毛記不單是網媒,也是一間廣告公司, 度橋、製作、播放,每條廣告片收費企硬六位數字,至今已拍了近三十條,聲言每條hit rate可達三、四十萬,記者以每條片收費十五萬元推算,開業只有半年多的毛記廣告收入便達四百多萬元。目前市場上可收數十萬元廣告費的網媒不多,據悉部 分YouTuber可收五位數。毛記成立之前,一四年底三個「腦細」開設「總經理人有限公司」。林日曦解釋,因他的同事會出外拍廣告接job,他們也真的要做經理人工作,具體分賬他說「唔清楚要問同事」。至於搵盧海鵬等明星拍廣告的酬金,他同樣話「唔清楚」。他的業務還有白卷出版社、和藝人游學修開設「十九號有限公司」,原意搞製作,但最後未成事。林日曦肯肯定的,是毛記的出現沒有拖累蝕錢,「成間公司仍然係正數。不過,我每個月要放血一百多萬元人工 (現有五十多名員工),所以今年唔知會唔會賺多過八百萬。」

廣告好笑有共鳴

毛記最矚目的兩條廣告是玩二次創作改歌詞,由盧海鵬幫Shell唱hardsell版《幾許風雨》、林海峰惡搞楊千嬅的《飛女正傳》賣Gatsby Hair Jam。林日曦說,兩條片同樣收六位數(達數十萬元),「我覺得超值,我哋開咗好多晚通頂度橋,兩條片hit rate都過百萬,仲未計台灣大陸網民的轉載。」「Shell要年輕,曾經話唔想用盧海鵬,但我話買得起車三、四十歲的人,都係睇盧海鵬大,有感情有回 憶。」同樣地,他在林海峰的廣告中,片尾加入了警訊的gag,推高爆笑位的同時,賣的也是感覺——一種八、九十年代香港人集體回憶。Sell本土係毛記賺 錢秘方?「我其實無刻意sell本土,只係從網民角度出發,會諗點先可以令佢哋睇晒條片呢。網上廣告唔再係以前電視的洗腦式焗睇,一定要好笑、有感覺、有 共鳴先唔會skip。」所謂的共鳴,就是盧海鵬式的親切感。「每個人曾經都係大中華膠,我都係,但呢幾年政府政策,令到好多中港矛盾出現,影響到生活層 面。以前我好膠的,會叫我啲同事唔好咁歧視,佢哋聽完之後,個樣好似……膠都費事俾咁款。」「點解大家會咁?其實係一種好貼地感覺,中港矛盾令大家反彈, 卻愈來愈對香港有歸屬感。我以前唔鍾意香港人,覺得大部分人都唯利是圖、只有利益,好乞人憎。但呢幾年大家變咗,關心多咗周圍嘅人、鍾意多咗呢個地方。」 「我無刻意sell本土,只係而家,大家都好愛呢個地方。」他,係識得食住個勢。

永遠做不到大眾

毛記食本土勢,一方面要靠本土元素的創作來打動網民、吸引客戶,另一方面,卻不能避開敏感的社會熱話,因為兩者的本質互相扣連:廣告商buy盧海鵬式創 作,毛記卻要藉批判本地社會議題,留住會被盧海鵬打動的同一班網民。因此,即使《文匯報》發功,批評毛記「荼毒青少年」,但由於它已成為年輕人的輿論中 心,廣告商也不能忽視它的影響力,這正正就是自由經濟市場形成的一股循環力量。《100毛》的facebook專頁現有近七十五萬Likes、毛記電視則 有廿七萬;網片hit rate方面,毛記開台至今共推出三百二十多條片,每條平均觀看次數約十一萬,其中兩條錄得過百萬的,包括:諷刺TSA的《Sir來了測無驗……》、愛爆 粗的《真•林雪得唔到獎感受》。記者問林日曦,生意緊要,定社會責任緊要?他毫不猶豫回答:「賺錢。」流行文化,從來如是。「但我們不會chur賺大錢, 因為永遠做唔到大眾,我們觸及社會爭議議題,就會流失一批人。」他說,有不少大企業,講到明因為不欲涉社會議題,未能在毛記落廣告,「反而一些本土小店仲 有得傾。」

荒謬帶動市場

有人說,毛記是新世代的另類抗爭工具,林日曦並不同意:「如果係,也只是大後方的糧草、沒營養的甜品,食落唔飽肚。」他覺得,甜品永遠不會變主菜。 林日曦其實只是順應時勢,將流行文化與社會時事結合,令兩者的扣連史無前例「貼地」並有批判角度,「以前有《18樓C座》,但我哋更加貼地,唔似以前的人 逆來順受。」「河國榮唱《香港地》受歡迎,是因為觀眾覺得有共鳴,唔係我話有共鳴、唔係我夾硬扣落去,我只係做緊好正常嘅嘢。」他以此駁斥《文匯報》的 「洗腦」指控,並決定唔理咁多免疑神疑鬼影響創作。「雨傘運動之後,我們出版《被時代選中的我們》一書,作者找來彭定康寫序,有傳媒界前輩叫我哋唔好咁高 調,因聽到某些人講乜乜乜,但我覺得可能只係吹水。」他無聽過西環或689那邊傳來打壓風聲,「我覺得佢 (689)喺某啲時刻未識我哋,甚至呢一刻唔識都唔出奇。」 「分獎禮令我睇到,香港人原來好絕望,原來每個人心入面都有一格灰,平時唔會同人講,但就喺唱《香港地》嗰刻一齊爆發。《香港地》要由河國榮來唱先得,他 是帶出香港『不是排外法西斯』的最好例子。」有人話:毛記是七十年代的《號外》、八十年代的《歡樂今宵》,林日曦並不同意,因為三個時空的政治局勢和香港 人心都有其獨特性,不能作直接比較,「我哋,就係我哋。」毛記獨一無二之處在於:只要社會繼續荒謬,毛記所賣的本土、惡搞,就有市場?「係」。咁,唔使 講,要支持689連任啦?黑面「腦細」終於笑了笑,「四年前佢當選,我喺《黑紙》開天窗,只寫『黑暗』兩隻大字。今日我哋嘅睇法無變,覺得,係遺害。」

毛記三「腦細」

持有:黑紙有限公司*業務包括:《黑紙》、《100毛》、毛記電視廣播有限公司、總經理人有限公司)、白卷出版有限公司*林日曦、阿Bu、陳強三人各持三成股權,餘下一成由萬華媒體持有

林日曦(徐家豪)(左)年齡:35歲學歷:聖公會林護紀念中學,香港專業教育學院設計系(中途輟學)工作:先加入商台從事聲音剪接及網站管理,再自薦參與創作,曾在天比高創作夥伴擔任創作總監,流行曲填詞人、散文及專欄作家分工:創作、接受傳媒訪問,「經常黑面」

阿Bu(姚家豪)(中)年齡:33歲學歷:馬鞍山崇真中學及沐恩中學,浸會大學國際學院副學士畢業工作:前商台DJ,曾與鄒凱光和余迪偉主持phone-in 節目《一八七二遊花園》分工:主力見客,「因為人人見到佢都想鍾意佢」

陳強(陸家俊)(右)年齡:32歲學歷:南屯門官立中學,城市大學環境科學與管理系畢業工作:前商台DJ,曾主持《你睇我唔到》等探討社會敏感議題的節目分工:主力(被迫)睇公司盤數

三大經典節目:

《六點半左右新聞報導》三大腦細輪流每朝早,與東方昇、羅若off等四名員工定題目、度橋,再由九名主播不定期上鏡,惡搞近期新聞。經典報導:1.《問候 建制派,hihi!》一眾建制派議員「良心發現」,在政改投票一刻及時離場,毛記記者擔心眾議員被失蹤,特地致電「真•葉劉」和「真•發叔」問候近況,兩 人在電話中不停「多謝、多謝」。2.《帶古箏搭港鐵才是正經事》港鐵職員包圍古箏女學生一事引起熱議,指港鐵雙重標準,「只許水貨客運貨,不准百姓帶 嘢。」毛記記者親自示範,如何將結他包裝成水貨,成功入閘。

《星期三港案》起初由「腦細」陳強牽頭,現由前《JET Magazine》記者Thomas負責,並由陳志雲的「真•韋家晴」聲音演繹,正經製作,深入探討被忽略的本土真故事。經典港案:'《大埔不安門》大埔 區議會欲強行通過,用五千萬公帑興建、被稱為「林村天安門」的林村許願廣場。一眾年輕居民抗議大白象工程,卻被人暴力威嚇,記者採訪途中亦被包圍。' 《Mr. R的廿三條》非洲唱作人Mr. R八年前因唱作一首諷刺國家問題的歌曲,被政府追捕甚至生命受威脅,輾轉來港成為難民。今天香港「網絡廿三條」通過在即,極可能成為政府壓制反對聲音的工 具:「誰知明日事,某天你也可能成為難民。」

《勁曲金曲》經典金曲:1.《亞視永恒》(愛是永恒) 恍如亞視般死唔斷氣,穩佔金曲榜尾位置三十星期:「亞視會永遠都存在,有低智森,仲有亢帥克……亞視永恒,執笠嘅係你。」2.《網友誼之光》(友誼之光) 「網絡廿三條」通過後,網民擔心以後cap圖改歌要入冊:「齋post都有罪孽,齋share佢直頭話你偷,縱使不去撈偏,始終變做困友。」

毛記創作背後

《鍍金雙子塔》毛記辦公室位於葵涌同珍工業大廈,在大圓街公廁對開,毛記仝人稱之為「鍍金雙子塔」,內裡是無大無細的工作文化,九十後會對住八十後「腦 細」咆哮:「食屎啦你。」林日曦「食」完都忍唔住話:「我以前,點敢叫YT(俞琤)食屎呀。」記者到場採訪,辦公時間目睹一場槍戰。司儀「崔健芒」拎住機 關槍向一眾「毛毛」亂槍掃射,女主播「銀紙彤」用手槍仔還擊、男主播「吳檸竛」手持「計時詐彈」,正準備錄影的「羅若off」不慎耳背中流彈大叫「好 痛」,記者恍如身處戰地,「腦細」閂埋房門話之你,但隔一會他就拿着水槍加入戰團,這樣的辦公文化,「鍍金雙子塔」獨有。同日傳來「網絡廿三條」二讀通 過,人人神色凝重即時放低玩具槍,臨時「改頭條」度出一條語重心長的報導:「我哋唔驚啊,驚你哋班廢哥哥廢姐姐俾人拉咋……冇喇,講完喇,咩都冇喇。」 「腦細」特登走到影棚,親自指導。

《三人填詞組》毛記王牌節目《勁曲金曲》,每週上榜十首惡搞歌,以舊曲新詞二次創作方式道盡社會荒謬事,所有歌詞原來出自三人團隊,成員包括:林日曦、主 持「崔健芒」、編輯Jonathan,「腦細」話:「三個人困住喺間房,坐埋一齊逐句諗。」在分獎禮奪得「曲金曲獎」、惡搞亞視的《亞視永恒》,原曲是廿 年前張學友的《愛是永恒》,惡搞歌詞最為人熟悉的一句是:「亞視會,永遠都存在」,之後接下去的一句就成為萬能key,「有朱慧珊,仲有個何B」、「有宮 雪花,仲有掟壽包」,「有一個禮拜我哋都唔知講乜好,歌詞就變成『無乜嘢講,仍未會落榜』。」三人團隊最愛作品,是惡搞何韻詩的《廢鐵是怎樣煉成的》: 「表面上講緊何韻詩(唔返大陸)嘅個人經歷,但其實代入毛記電視,甚至一班廢青觀眾都好啱:搵錢緊唔緊要?當然緊要,但『賤賣那顆心就唔OK』。」

《林夕最難搞》毛記對甘草演員情有獨鍾,《100毛》試過搵「Benz雄」許紹雄扮四點鐘許Sir,真元秋扮立法會的「蔣元秋」,當然唔少得在分獎禮爆紅 的河國榮。甘草演員都有一個特點:香港人由細睇到大,唔識個名都一定記得個樣同把聲,同樣突出一種本土地道感覺。河國榮就曾經話,幫《100毛》拍攝只得 車馬費。林日曦坦言,並非個個甘草都識《100毛》,亦唔係個個明白要演繹的角色,劉江要扮劉江華就係其中一個例子:「當日我哋好努力形容俾佢聽,係要扮 一個沉默寡言嘅官員、開咗一個咩會、個會講咩,之後佢自己再睇多啲,先演繹到嗰種神情呆滯,唔出聲嘅神髓。」最難搞者叫林夕(林日曦另一師傅),因為文人 對個人形象的包袱比藝人大得多:「之前好多idea,我哋自己ban咗自己,覺得唔恰當。最後先諗到呢個唔使鬼五馬六,只要佢坐喺度,呆呆滯滯,最多俾我 哋梳吓個頭。佢經過少少心理掙扎,總算肯拍。」扮咩?就係黃之鋒雨傘運動時,上了《TIME》的那個坐馬路封面。

撰文:盧曼思、關冠麒攝影:葉漢華攝錄:李育明資料:鄭詠欣news@nextdigital.com.hk                                                                                                                              

毛記 記堅 搵錢
PermaLink: https://articles.zkiz.com/?id=183899

淺談毛記業務模式

靠雜誌起家,及後在網上累積知名度,憑藉人氣和創意轉型至廣告服務,最近還把生意申請上市,林日曦、阿Bu和陳強3位年輕人的故事,正正就是港人經常講的獅子山下傳奇。但奇怪的是,毛記葵涌有限公司(下稱「毛記」)的上市報道一出,網上負評如潮,還有不少網民化身成專家,質疑他們志在吸水和賣殼,但理據甚為薄弱,說穿了其實是葡萄作祟,酸味甚濃。

曾有人質疑其創意只是執人口水尾的二次創作,此課題當然值得探討,但他們的作品廣為接受是事實,證明大有市場。如近期鄭秀文做主角的《姨婆(大壽)掉眼淚》,故事簡單又有趣,將舊曲配以搞笑新詞,擺明是Hard sell銀行服務,但又不落俗套,單是網上觀看次數已達113萬。又如早前與黃子華合作的銀行廣告,網上觀看次數更逾340萬,試問本土有那個網媒能有此佳績?

毛記申請上市,除了盈利能力外,投資者最關心莫於收入來源。翻看上市申請文件,發覺毛記已由純雜誌出版快速成功轉型為廣告創作,而且轉身快速。如2015年逾99%的收入來自印刷媒體業務,2016年設立數碼媒體業務,向客戶提供一站式廣告解決方案,其收入佔比達51.8%,2017年更進一步升至78.2%。至於盈利能力,2015年的整體毛利率有63.2%。隨著享有較高毛利率的數碼媒體業務急速發展,2016年的整體毛利率升至66.3%,2017年稍為回落至61.2%。

由於找不到類似的上市公司,因此不能斷定毛利率是高是低。不過,若看看大台電視廣播(511),2015年和2016年的毛利率分別是45.36%和54.9%。另外,從事戶外廣告的雅仕維(1993),同期毛利率分別只有20.6%和19.8%。又例如於內地從事廣告的思美傳媒(深圳證券交易所股票編號2712),2016年電視廣告和內容營銷的毛利率分別是10.9%和11.5%。

毛記的盈利能力那麼高,究竟其業務模式是甚麼?不少人認為是廣告創作和傳播,瓜瓜卻認為更像免費電視台或電台,最大分別是播放渠道主力在互聯網。以毛記電視為例,他們不斷製作各式各樣以娛樂為主的內容,當中包括視頻、文章和節目,透過臉書、網站和手機應用程式發放以吸引觀眾。當觀眾群累積至一定數量,就能吸引品牌和廣告代理商落廣告。由於廣告創作、製作和發放均是一條龍,還像電視台般擁有自己的藝人,難怪毛記像電視廣播般享有高毛利率,而且有過之而無不及。

綜合而言,毛記為本土網媒起示範作用,與其妒忌別人成功,倒不如認真研究他們的業務模式。不過,毛記的發展有一定隱憂,如其中一項優勢是人少公司細,彈性較高轉身夠快。上市後規模變大,行政工作勢必倍增,3位創辦人能否兼顧,或者可否找到合適的人才來執行,相信是一個不小的考驗。另外,毛記的政治取態也是挑戰,雖然目前定位與時下不少青年接近,但想造大業務就不可能只側重年輕一代這個Niche market,若改變定位,處理得不好可能引發反效果,隨時得不償失。

題外話,商業電台是孕育創意的好地方,除了3位創辦人外,歷年人才輩出。在新一代DJ當中,瓜瓜最看好是阿檸(薛晉寧),且看他能否如3位前輩般跑出。

原文刊於:am730 2017-08-04

&&&&&&&&
淺談 談毛 毛記 業務 模式
PermaLink: https://articles.zkiz.com/?id=255854

左報批毛記電視荼毒少年東方昇:多謝國家肯定

1 : GS(14)@2016-01-18 00:57:23

■毛記七主播前日接受本報專訪,以誇張抵死諷刺時弊,在溫水蛙、港豬充斥的世代,香港人確實需要這些「負中帶正的能量」。攝影:郭賢興



一個《毛記分獎禮》,由網上媒體成功引起全城關注,連帶一班不知名主播亦成功上位,卻被左報點名狠批。昨日《文匯報》一篇題為「《蘋果》催谷『毛記電視』荼毒青少年」的評論文章,狠插100毛「不守規矩,離經叛道,顛覆是非觀念,是反對派荼毒青少年的大毒物」。一份本土小眾刊物,能夠飛升至國家層面,得到「國家認證」,有此「殊榮」,連惡搞「一帶一路」變為「一戴一露」的毛記主播東方昇,昨回應本報時亦感謝國家:「多謝國家嘅肯定,我會繼續努力!」至於毛記「大腦」林日曦以電話短訊回應,貫徹嬉笑怒罵本色,指自己最憎《毒果日報》,「《文匯報》係我最愛嘅報紙,唔好離間我哋之間嘅感情,簡直傷害我個心啦咁樣。」撰文:王梓嫚


憑二次創作、改詞諷刺時弊呃like起家的《100毛》,周一於伊館舉行《毛記分獎禮》,將以往被輕視的小眾網絡媒體,搖身一變成為登上電視螢幕的熱爆節目,分獎禮既邀得明星名人撐場,諷刺歌詞等更在不同渠道瘋傳,完美演繹何謂全城「洗版」。結果也觸動了左派的神經,昨日《文匯報》刊於A14版的專欄「廿四味」,以署名徐庶的文章出力狂插《100毛》及﹁毛記電視﹂,更將﹁毛記電視﹂與《蘋果》以綑綁形式」作出批鬥。



■昨日一篇《文匯報》評論中,開宗名義批評《蘋果》催谷「毛記電視」荼毒青少年。

■《文匯報》和「建制第一健筆」的屈穎妍,指《毛記分獎禮》有教壞細路之嫌。資料圖片

■毛記創辦人之一的林日曦,對於《文匯報》的指摘表示傷心。資料圖片



林日曦:簡直傷害我心


標題為「《蘋果》催谷『毛記電視』荼毒青少年」的文章,主要針對李怡周三於《蘋果日報》發表的《蘋論》,文章指李以歌詞「由自己,生與死,也在香港地」攻擊施政報告,但實情是施政報告於周三才公布,又何來借意攻擊特首?文章又指李怡過份吹捧《毛記分獎禮》,為明嘲暗諷內地,放大本土意識的言行搖旗吶喊,是為了荼毒青少年。文章又點名狠批出名「愛國」的東方昇,於施政報告發表當日在facebook貼上一張戴上半邊胸圍、露出半邊胸的相片,惡搞特首梁政英在施政報告一共說了42次的「一帶一路」,變成「一戴一露」,文章指東方昇惡搞特首,直斥他將行政長官醜化,指他「內容低俗,非常醜陋」,對於《文匯報》的指摘,東方昇昨以短訊回覆本報:「東方昇今日非常忙碌,但佢叫毛毛代佢轉達:多謝國家嘅肯定,我會繼續努力!」前日東方昇等毛記主播接受本報專訪更透露「一戴一露」的相片,令他在facebook的like指數一下子飆升,他說:「好多人share呢張相出去,有人仲key咗CY個頭落去,其實呢啲胸圍係公司拍嘢嘅道具,我戴嗰個好似係38吋。」至於毛記「大腦」林日曦,則以電話短訊回應,表示自己現時身處外地,不方便回應,但他仍貫徹嬉笑怒罵本色,指自己最憎《毒果日報》:「《文匯報》係我最愛嘅報紙,唔好離間我哋之間嘅感情,簡直傷害我個心啦咁樣(指《文匯報》評論文章)。」



■毛記主播東方昇戴半邊胸圍諷刺特首的施政報告照片,遭《文匯報》大力斥責。

■《100毛》總壇設於葵興的舊工廠內,有50多名員工。



網友like爆一戴一露


對於左報開始向毛記電視開火,引發全城熱話,不少網友為毛記護航,有網友甚至直言這次左報狠批是見證毛記電視的真正成功,有份like東方昇「一戴一露」照片的網友說:「正常人一睇張相真係好容易就會明白689所講嘅『一帶一路』究竟係乜嘢,同埋可以為香港人帶嚟啲乜嘢機遇!689不斷咁無限loop都出唔到呢個效果!」亦有網友指觀眾反應便是公信力的指標:「只要自己做好,以身作則、唔好其身不正,市民大眾就會好自然企去你哋嗰邊,並唔需要黑人哋。」





來源: http://hk.apple.nextmedia.com/entertainment/art/20160116/19454222
報批 毛記 電視 荼毒 少年 東方 多謝 國家 肯定
PermaLink: https://articles.zkiz.com/?id=294344

毛記主播晒冷 敢言新一代黃慘盈玩過亞視

1 : GS(14)@2016-01-18 00:57:29

黃慘盈受訪時不下一次多謝林日曦。「多謝老細,我喺房出面等佢哋決定我嘅毛記身份,唔使幾分鐘,佢哋行出嚟就話『你就做黃慘盈啦』,老細有能力包裝我哋呢班素人畀人認識。佢(林日曦)雖然表情欠奉,但其實個人好warm,記得分獎禮開騷前,個個腳都震,佢走埋嚟last briefing我哋:『你哋唔使咁緊張喎,錯咗咪錯咗,有乜大不了。』」慘盈未入毛記前,N年前試過參加「亞洲星光大道」比賽,亦試過做舞台劇,雖然有旺盛表演慾,但就諗都冇諗過參加無綫藝員訓練班:「講真你冇background又唔係大戶人家,TVB點會用你?發展機會咁細,你仲會唔會嘥時間?」真名:真.Jessica Lee(23歲)毛孩之前身:國泰空姐毛孩之育成:幫毛記拍M記廣告,得三位老細賞識入行毛孩之特色:每日新聞時段都要對住鏡頭喊一次





來源: http://hk.apple.nextmedia.com/entertainment/art/20160116/19454600
毛記 記主 主播 播曬 曬冷 敢言 新一代 黃慘 慘盈 盈玩 玩過 亞視
PermaLink: https://articles.zkiz.com/?id=294346

毛記主播晒冷 敢言新一代盤菜瑩子熱血上腦

1 : GS(14)@2016-01-18 00:57:32

姓名「唔准講」、芳齡「唔講得」的盤菜瑩子,入毛記源於一刻熱血上腦:「嗰時喺日本,見到HKTV冇得發電視牌照,我隔住個mon見到啲人聲嘶力竭,最後都冇用。香港係自己屋企,覺得隔住咁遠嚟支持好似冇乜用,索性返嚟啦,但返咗嚟一段時間,其實係絕望嘅,因為無論經歷幾多過份嘅事情,香港人都係好善忘。」在分獎禮當晚感觸眼紅紅,盤菜解釋:「初初入嚟覺得改歌詞勁低能,後嚟見到啲人為個騷可以搏盡去燒命,所以覺得好感動。」真名:真.名嘅嘢唔重要(據高登起底組叫Christy)毛孩之前身:任職日資公司毛孩之育成:Send有自己嘜頭CV見工,附加一句:「有圖未必有真相,所以不如見吓我真人!」毛孩之特色:面上有着兩粒純天然酒凹





來源: http://hk.apple.nextmedia.com/entertainment/art/20160116/19454598
毛記 記主 主播 播曬 曬冷 敢言 新一代 盤菜 瑩子 熱血 上腦
PermaLink: https://articles.zkiz.com/?id=294347

毛記主播晒冷 敢言新一代東方昇真.愛國

1 : GS(14)@2016-01-18 00:57:35

「好多人覺得我嘅代表作係書展護送梁齊昕,其實我最有印象係港鐵扮水貨客幫學生運樂器,當時我叫啲手足記得望實班港鐵職員,點知佢哋真係出手幫我哋,呢吓真係估你唔到!」自稱愛國不愛黨的他,家鄉在上海,喜歡到內地遊山玩水:「好多人問我驚唔驚遲啲冇得返,其實暫時都冇得驚住,有啲嘢覺得啱選擇講,唔好諗咁多。」比起愛國,東方昇其實更愛香港,純因為是自己出世的地方:「反而我唔係好鍾意香港人,有時太過羊群心理,冇乜獨立思考。所以我做呢度,都想做啲嘢改變大家,令到無論地方定啲人,都係我鍾意。」真名:真.王嘉偉(29歲)毛孩之前身:與林日曦在天比高、商台共事過毛孩之育成:林日曦拉隊搞《100毛》,順利過檔毛孩之特色:頭上永遠纏着染血紗布,每次講新聞都保持亢奮狀態





來源: http://hk.apple.nextmedia.com/entertainment/art/20160116/19454232
毛記 記主 主播 播曬 曬冷 敢言 新一代 東方 昇真 愛國
PermaLink: https://articles.zkiz.com/?id=294348

毛記主播晒冷 敢言新一代Dickson拍拖講Feel

1 : GS(14)@2016-01-18 00:57:38

愛情投資專家、愛情軍事專家等一大堆銜頭,惟眼前的Dickson望落是非一般毒L,偏偏他在《毛記分獎禮》中,耳測觀眾尖叫聲,肯定是最受歡迎的主播。「假象嚟,喺條街認得我嘅人通常都係男人。」現實中,Dickson無疑是一條媾唔到女的可憐蟲,愛情戰績22戰22負,但他自有一套擇偶條件:「細個諗法膚淺啲,揀對象要有5個條件,第一,樣靚,第二,性格好,第三,有身材,第四,有錢,第五,爸爸媽媽性格好。不過而家30歲人,同埋我演技零、唱歌零、樣貌更加係零,唔會強求,反璞歸真有feel就得,戀愛心態係四個字─心如止水。」真名:真.阮文泰(30歲)毛孩之前身:曾任中學中史教師、馬經版編輯毛孩之育成:Send CV附加一封情信,說自己文筆可以引到女仔笑毛孩之特色:飯蓋頭、一棚哨牙,去廁所都要攬實至愛小莉(假公仔頭)





來源: http://hk.apple.nextmedia.com/entertainment/art/20160116/19454599
毛記 記主 主播 播曬 曬冷 敢言 新一代 Dickson 拍拖 Feel
PermaLink: https://articles.zkiz.com/?id=294349

毛記主播晒冷 敢言新一代崔建芒扮魚上位

1 : GS(14)@2016-01-18 00:57:41

「第一次出鏡要做《人魚樂毛窮》,因為嗰陣時唔係好夠魚,所以出咗鏡而家好瘀!」爛gag!聞說老細林日曦好孤寒,這些日子只宴請過同事一次老麥。崔建芒忍唔住說:「佢一啲都唔孤寒,仲好唔吝嗇咁畀啲工作我做,好闊綽㗎!聽日咪有30篇稿擺喺你面前,等你寫囉!老實講,入嚟之前三個老細中,我最驚佢(林日曦),不過共事過之後發覺佢係外冷內暖,尤其佢外表咁冷,做少少嘢你已經好暖!」雖然工作上得到滿足感,但崔建芒仍要過女友和家人一關。「至於呢段時間,有返工冇收工,女友都好耐冇見囉!」真名:真.Kyle(27歲)毛孩之前身:雜誌copywriter毛孩之育成:原負責公司廣告部,因唔夠人出鏡,找他湊夠數毛孩之特色:扮Tree根極有神髓,每周數《勁曲金曲》榜一樣出色





來源: http://hk.apple.nextmedia.com/entertainment/art/20160116/19454602
毛記 記主 主播 播曬 曬冷 敢言 新一代 崔建 建芒 芒扮 扮魚 上位
PermaLink: https://articles.zkiz.com/?id=294350

毛記主播晒冷 敢言新一代羅若Off感化老竇

1 : GS(14)@2016-01-18 00:57:44

「好似返咗工唔知有冇兩日,咁啱做《六點半左右新聞》時,話要做個學生議題,佢哋話我把聲似僆妹,咁就做咗啦!」人生第一份工,無論工種或時間,明顯和父母的期望有落差:「入嚟做已經係自己做過最盡嘅事,因為我同屋企人政見唔同,佢哋又話我晚晚好夜返,問我做呢份工值唔值得。直至《毛記分獎禮》,阿爸同事原來有睇,仲同番佢講,呢排佢對我嘅態度改變咗,仲寸寸哋咁講『幾好,你都幾受歡迎!』其實嗰一刻好感動!」真名:真.卓文迪(23歲)毛孩之前身:大學剛畢業毛孩之育成:應徵做PA,返第二日就調到幕前毛孩之特色:經常學生打扮





來源: http://hk.apple.nextmedia.com/entertainment/art/20160116/19454661
毛記 記主 主播 播曬 曬冷 敢言 新一代 羅若 Off 感化 老竇
PermaLink: https://articles.zkiz.com/?id=294351

【我主場】毛記腦細扮工全直擊林日曦 真.心話

1 : GS(14)@2016-01-23 19:27:22

■《100毛》老細林日曦面對「網絡23條」惡法逼近,仍然大無畏籌備第二屆毛記分獎禮。攝影:仇志德


《100毛》舵手林日曦,一張蒼白撲克臉生人勿近。因一個「毛記分獎禮」,忽然響朵,以為這名80後從此不可一世,但原來世事不可盡信表面。本報記者日前由朝到晚近距離訪問他,他一時大談自己和《100毛》其餘兩位掌舵人陳強和姚家豪(阿Bu),開會日日反枱,一時又肉麻細說太太蔡明麗(the pancakes)100分package,堅貼地。撰文:勞燕萍



講工作:兩位拍檔缺一不可

工字不出頭,現年35歲的林日曦7年前離開商台天比高,和陳強、阿Bu每人夾$2,000,創立「黑紙有限公司」,由原本3丁友規模,再演變成日後的《100毛》和現時擁有50多名員工的毛記電視。林日曦,是作家、填詞人、創作人,近年加多一個「腦細」銜頭。身份多多,但生活卻異常規律,他說:「我每朝習慣5點鐘起身睇fb同新聞,喺屋企寫完專欄,8點半返到公司開門準備開會。」雖然毛記有3個老細,但每次只有林日曦浮面,拍檔隱形,林日曦抵死說:「懶囉,懶低調唔鍾意見人囉!」三個廢青步入廢中行列,又共事多年,理應少火氣多默契,但事實剛剛相反,他說:「我哋唔算好好朋友,只係啱傾嘅合作夥伴,鬧交?日日開會都鬧,但就對事唔對人,我哋唔會投票,總之拗到最後睇吓邊個最先放棄,不過阿Bu次次都係最先放棄,佢就好似一支KY(潤滑劑)咁。而我哋鬧完交就算,轉頭傾閒偈又傾得好開心。我哋三個性格一凹一凸,好似砌積木咁,缺一不可!」



■(左起)林日曦與阿Bu、陳強由《黑紙》到《100毛》,嗌交嗌出好多鬼主意。資料圖片

■俞琤在廣播界德高望重,毛記分獎禮有幸得俞琤支持,令林日曦非常感動。資料圖片



俞琤現身眼濕濕


對於《100毛》路線不時與廣告客戶期望有分歧,林日曦早已設有底線:「我份人比較衝動,見親客都幾乎反枱,所以我唔會見客,阿Bu就成日笑笑口,啲客見佢最開心。Sales詐型,由佢囉,總之好笑就會講,攞咗條命先算!」毛記分獎禮,無疑是令《100毛》由小眾網媒步入大眾主流的一次分水嶺,對於商台前話事人俞琤,沒有現身商台叱咤頒獎禮,反而出席毛記分獎禮,俞琤畀足面,林日曦難免飄飄然:「哦!咁梗係勁啦,我覺得真係勁喎,佢(俞琤)係一個傳媒界咁勁嘅人,竟然肯嚟不等止,仲肯接受個獎。其實當佢覆我message話嚟嗰一刻,我已經眼濕濕!」



分獎禮劍指紅館


林日曦受訪翌日,「網絡23條」二讀通過,靠二創、惡搞的毛記,當日在facebook聲言「殺入死亡直路……」惡法逼近,但林日曦的回覆是:「照做!」訪問時他更向記者透露開始着手籌備第二屆「毛記分獎禮」:「陣間會同同事傾研究場地嘅嘢,紅館會申請,會展Hall B、C同九展Star Hall都會諗,或者亞博館,雖然好遠,但原來大家都唔介意……不過其實一年後好多嘢都唔同,可能到時一個人都冇……而家純粹只係落定book場。」





來源: http://hk.apple.nextmedia.com/entertainment/art/20160123/19463521
主場 毛記 記腦 腦細 細扮 扮工 工全 全直 直擊 擊林 林日 日曦 心話
PermaLink: https://articles.zkiz.com/?id=294873

《毛記》水貨區取西經黃慘盈露點 盤菜美人生鬚

1 : GS(14)@2016-02-02 15:57:28

■黃慘盈反串扮露點「慘豬八戒」,盤菜黐鬚扮「沙僧瑩子」,跟「唐Dick藏」和「孫悟東」合演《西毛記》。


猴年將至,維園年宵於今日風雨不改開鑼,眼見羊年的香港風雨飄搖,被一班妖魔搞到烏煙瘴氣,毛記電視的年宵攤位就特別炮製了妖魔公仔:「六八犬」、「鍾樹妖」、「龍蝦精」、「鼠王獸」和「麒麟怪」,由五位主播化身《西毛記》主角「唐Dick藏」、「孫悟東」、「慘豬八戒」、「沙僧瑩子」和「觀音牙」,斬妖除魔打救香港!日前《西毛記》的四師徒深入上水的水貨區大本營拍攝,黃慘盈和盤菜瑩子反串演出,扮慘豬八戒的黃慘盈更「露點」上陣,盤菜就下巴黐鬚扮沙僧瑩子,十分爆笑;當四師徒浩浩蕩蕩現身時,有水貨客大聲叫囂,疑似想阻止拍攝,氣氛一度緊張,四師徒即商量應變對策,扮「唐Dick藏」的專家Dickson因為着袈裟十分論盡,萬一情況危急就由「孫悟東」東方昇試用公主抱方式帶走。


■四師徒冒着生命危險,闖入上水的水貨客區大本營。


結果四師徒膽粗粗走入人群取景,怎知有水貨客見到專家Dickson的爆笑造型,即時用手機影相留念,昨日專家Dickson接受電話訪問,坦言當時感到生命受威脅:「着住套袈裟搞到我行動不便,擔心水貨客撲過嚟走唔切就大鑊,自己邊行邊念經,好在最後冇事。之前自己未去過上水,冇諗過咁公然一排排走水貨,真係有少少驚,好在見到我哋嘅戲服,以為我哋拍劇集冇阻止。」





■東方昇化身「孫悟東」戲弄外籍女孩說:「You are not Chinese.」

■利君牙變身觀音娘娘,繼續攞住招牌大牙刷。

■專家Dickson化身「唐Dick藏」,仲要流出兩行鼻血。


【六八犬】■香港妖怪當道,東方昇取笑「六八犬」是沒了「九」的太監。

東方昇:六八犬俾人閹咗

東方昇則表示拍攝那幾日好凍,笑說:「拍攝時要着住件衫冇得除,去廁所時受盡人歧視,而呢套公仔主要用香港人好愛戴人物做角色,寓意佢哋喺呢年玩得我哋多,新年可以買一隻玩番佢,其中一隻六八犬係太監造型,因為六八冇咗『九』,係一個俾人閹咗嘅太監!」在片中「唐Dick藏」念「一帶一路」緊箍咒,取西經時「慘豬八戒」怒摑「龍蝦精」反被箍豬頸肉,「沙僧瑩子」被「鍾樹妖」老樹盤菜,十分搞笑。在NG片中「孫悟東」更鬼馬問外籍女孩:「You know me?monkey king?」小女孩答:「I did not know.」「孫悟東」抵死說:「You only know KING KONG,you are not chinese.」採訪:皓騫





來源: http://hk.apple.nextmedia.com/entertainment/art/20160202/19475401
毛記 水貨 區取 西經 黃慘 慘盈 露點 盤菜 美人 生鬚
PermaLink: https://articles.zkiz.com/?id=295067

方健儀河國榮踩《毛記》年宵六八犬龍蝦精做手信

1 : GS(14)@2016-02-03 14:43:27

■河國榮與方健儀昨日去到維園年宵,與一班毛記主播合照。攝影:沈健程



年宵昨日開鑼,現年50歲的河國榮和39歲方健儀落區到維園,直踩《毛記》的攤檔,主播東方昇、盤菜瑩子、黃慘盈、利君牙、羅若Off和銀紙彤,見到兩位香港區最受歡迎男女歌星,好似馬騮上身飛撲selfie,還送上「六八犬」和「龍蝦精」妖魔夫婦公仔做手信,方健儀獨愛「鍾樹妖」衝口而出說:「我要樹根!」


河國榮和方健儀在毛記電視《第一屆十大勁曲金曲分獎典禮》上,各分得香港區最受歡迎男女歌星獎,昨日兩人落主場香港區維園行花市,大受市民和檔主歡迎,不停被邀selfie兼收禮,成功測試受歡迎程度完勝過關,之後更直踩毛記的年宵攤檔打氣,吸引40多人包圍,場面墟冚。



河國榮方健儀踩旺100毛場。

■河國榮與盤菜瑩子selfie,叫對方唔好再喊。

■河國榮與方健儀首先去花檔睇蘭花。



利君牙羅若Off爭攬

方健儀見人頭湧湧即說:「呢度超級多人。」而毛記揸弗人之一林日曦(腦細)用大聲公維持秩序:「各位觀眾行埋少少。」方健儀見到笑說:「你好!腦細,我哋嚟呃like。」林日曦亦雀躍說:「最受歡迎歌王歌后,呢次真係要呃like,你哋喺晒度。」利君牙和羅若Off爭相抱抱河國榮,河國榮對盤菜瑩子笑說:「唔好再喊啦,好掛住你哋。」而戴馬騮頭套的東方昇喪跟兩人selfie,眾主播送上五隻妖獸公仔,包括「六八犬」、「龍蝦精」、「鍾樹妖」、「鼠王獸」和「麒麟怪」,方健儀衝口而出:「我要樹根(鍾樹妖)!」羅若Off抵死介紹六八犬:「呢個同龍蝦精係最受歡迎嘅,因為佢哋係夫婦。」還揭起六八犬的衫展示:「佢係太監嚟!」之後眾人圍着兩人大叫攞利是,河國榮笑說拜拜,他們又一輪嘴講恭賀說話,腦細忍唔住開聲:「你哋係咪以為自己係無綫?都話媒體多咗人留意就迷失自己,隨波逐流。」



呢張相扼到好多like啦一定。

一講利是,耍手擰頭。

果然係最受歡迎男歌手。



採訪辛苦慘被扑頭

河國榮表示已十多年沒行花市,方健儀則說:「以前逢年三十晚嚟呢度拍外景,鏡頭前笑容滿面好好氣氛,但其實好慘不停俾公仔打頭。」她坦言出街多了途人認得:「有時冇化妝戴晒帽都認到,不過啲人話我一出聲就認到,我要毒啞自己。」河國榮笑說:「咁你收聲啦。」林日曦被問到年宵銷情?他說:「真係唔知,書賣咗幾百本,我啲書一直都好賣,係全港最top2000本入面。」採訪:盧妹、譚倩宜髮型:Vincent Yeung of Salon Osmosis服裝提供:Marella



腦細簽書簽到手軟。

■最受歡迎的六八犬(圖)和龍蝦精是一對夫婦,惟六八犬真正身份是太監。

龍蝦精



來源: http://hk.apple.nextmedia.com/entertainment/art/20160203/19476471
方健 健儀 儀河 河國 國榮 榮踩 毛記 年宵 六八 八犬 龍蝦 精做 做手 手信
PermaLink: https://articles.zkiz.com/?id=295170

譚玉瑛倒戈撐毛記

1 : GS(14)@2016-04-13 17:09:01

■未完約的譚玉瑛被無綫投閒置散,上周六卻幫《毛記電視》抽水。


毛記電視為宣傳下月舉行的《萬千呃Like賀台慶》,近日邀請了鄭秀文、鄭伊健和譚玉瑛等拍攝《堅.真情》MV,不過譚玉瑛跟無綫原來仍有合約,記者昨致電問她是否力撐惡搞無綫的毛記,譚玉瑛笑住反問:「係咩?我都唔係好知!佢玩TVB㗎咩?我意識佢係年輕人心中有啲不滿想表達,我支持一啲年輕人。我又唔覺得好大件事,唔使睇得咁凝重。」無綫可有意見?她說:「我諗佢哋都唔知!我不嬲覺得年輕人有佢哋表達自己嘅渠道,我純粹係一種支持。」譚玉瑛被踢出兒童節目後被調往《東張西望》任主持,但今年初《東張》大換血後,她亦冇得留低,被投閒置散。不過譚玉瑛對公司安排沒半句怨言,她笑說:「個時勢自己控制唔到嗰陣就做好自己本份,成日諗啲唔好嘅嘢,對自己都冇乜好處,惟有積極啲努力工作。」採訪:魯吉





來源: http://hk.apple.nextmedia.com/entertainment/art/20160413/19568484
玉瑛 倒戈 撐毛 毛記
PermaLink: https://articles.zkiz.com/?id=299228

【爆相爆片】毛記腦細情路大不同陳強離婚

1 : GS(14)@2016-12-06 03:56:07

■毛記創辦人之一陳強和老婆Shirley驚爆離婚,兩人婚姻不足三年玩完。資料圖片



近年深得廢青吹捧的網絡傳媒毛記電視和《100毛》三位80後創辦人,腦細林日曦、陳強和姚家豪(阿Bu)的私生活都很低調,林日曦跟一人樂隊The Pancakes成員蔡明麗結婚十年,兩夫婦從沒公開露面,日前兩人拍拖遊福岡,林日曦更被拍到頻頻在機場放蚊,首張合照終被曝光;至於拍拖半年即興閃婚的陳強,原來已打回寡佬身份,婚姻不足三年玩完!



毛記三位創辦人林日曦、陳強和阿Bu都是商台DJ出身,三年前聯手創辦廢青周刊《100毛》成功起家,之後再成立毛記電視打響名號,旗下主播盤菜瑩子、黃慘盈、專家Dickson、東方昇等頗受歡迎,今年中毛記負責製作、由黎明、林日曦及劉江拍攝的白咖啡廣告,因手法新穎和內容搞笑轟動全城,省靚了毛記招牌,令三位揸弗人的感情生活同被起底,林日曦與老婆蔡明麗婚後十年從沒一起公開亮相,而阿Bu和主播利君牙陷熱戀,最低調的陳強被爆竟然已離婚一年多。



■陳強和Shirley一見鍾情,於2012年拍拖半年即閃婚。

■陳強和Shirley曾合作撰寫《結婚不結婚》,最後卻離婚收場。

■毛記成功捧出一班主播,腦細林日曦是三個創辦人中最高調亮相。互聯網圖片


性格不合常嗌交

現年33歲的陳強原名陸家俊,他跟Shirley於2012年的3月認識,4月火速墮愛河,5月去到談婚論嫁階段,7月已經成功求婚,同年11月17日閃婚註冊,婚後兩人還合力撰寫《結婚不結婚》一書,各自抒發結婚的苦與樂,分享求婚、提親及婚後相處之道等,認為婚後的相處之道是「不要太恨對方」,陳強曾在訪問中讚老婆是世上另一個自己,最欣賞她會挑戰自己的觀點,不似其他女人會以和為貴。可惜,兩人的閃婚未能走到白頭,據知,他們婚後相處久了日見磨擦,經常吵吵鬧鬧,結果Shirley以性格不合為由提出離婚,閃婚不足三年便玩完。本報發現陳強亦在facebook的感情狀況一欄中,列明2015年7月離婚,大前日本報向陳強了解,他透過短訊回覆:「私人事不回應了,謝!」採訪:皓騫、王梓嫚




來源: http://hk.apple.nextmedia.com/entertainment/art/20161205/19855308
爆相 相爆 爆片 毛記 記腦 腦細 細情 情路 路大 不同 陳強 離婚
PermaLink: https://articles.zkiz.com/?id=318333

純利率高 員工收入低毛記勢被客戶壓價

1 : GS(14)@2017-07-29 03:34:08

■左起為毛記三大創辦人林日曦、阿Bu及陳強。 資料圖片



【本報訊】廣告及傳媒被指為夕陽行業,兩種業務兼有的毛記葵涌卻成功彈出,其母企擬申請主板上市引起市場關注。不過,有業界人士指初步招股文件披露毛記員工成本佔收入總額比率較同行低,純利率高出業界水平,料不少客戶「以後傾價錢會撳返低啲」。記者:溫婉婷 陳雪蕾 梁偉聰



有投行人士稱,其保薦人長雄證券未曾成功保薦新股,相信港交所(388)會關注保薦人有否做好盡職調查。


員工平均月薪僅約2萬

廣告媒體代理公司PHD行政總裁黃國柱表示,員工是廣告公司最重要成本,而毛記員工成本僅佔收入總額22.2%,處於行內較低水平。「廣告agency(中介)一般員工成本會佔五成,其他公司通常都三成幾。」不過,他坦言,毛記聘請年輕員工為主,「係平啲嘅。」文件披露,截至2017年3月31日,毛記共有68名員工,相關支出為2,110萬元。若扣除5名高層管理人員及3位董事薪酬共635.3萬元,剩餘的員工成本為1,474.7萬元,意味平均每人年薪僅約24.6萬元,每月僅「袋」約2萬元。黃國柱續指,過往很多客戶指名要「幫襯」毛記,但自去年底起已減少,坦言現時不少社交平台及KOL都做到類似效果,「但人哋個價平一半至七成左右。啲客見到你(指毛記)盤數咁好,以後傾價錢都會撳返低啲啦。」他指毛記純利率達38.1%,已高出業界平均約20%的水平,中介公司純利率則更低。


長雄證券未曾成功保薦

有投行人士估計,毛記毛利率高於同行,港交所或會關注保薦人有否做好盡職調查,及毛記業務發展可持續性。他指申請人除遞交申請文件,亦要遞交未來18個月現金流預測,但該文件非公開;若毛記成功上市,將有助其更易取得活動贊助,故相信其有合理理由上市。毛記保薦人是長雄證券,為大凌集團(211)附屬公司,去年中才獲牌照。長雄今年5月底亦保薦海岸股份(新加坡船舶租賃商)在創業板上市,惟申請仍在處理中,意味長雄至今仍未有任何成功保薦個案。不過,毛記會計師及法律顧問分別是「四大」之一的羅兵咸和胡百全律師事務所,均於行內具一定名氣。有投行人士估計,單是律師費已過百萬元。




來源: http://hk.apple.nextmedia.com/financeestate/art/20170728/20104065
利率 員工 收入 低毛 毛記 記勢 勢被 客戶 壓價
PermaLink: https://articles.zkiz.com/?id=338997

《畀毛記起機正傳》道出傳媒血淚使

1 : GS(14)@2017-07-29 03:34:08

做到GG得嗰雞碎飯錢請不要剝削我Dickson日夜去書展冧冧港女粉絲但腦細做黑面神我返去睇吓公告問那昇我先知道腦細要上市有息收天知道主能夠與我分享下佢有Twenty million殼股都撈埋廢青都要葡萄分獎禮也許敲鐘那日林夕佢冇嚟仍盼有Option會叫我留低我要返去偷圖寫番篇promo記番起這個傳媒盛世縱使fans不忍心我們如賣殼般走鬼唔係靠Wrong Hole已冇計




來源: http://hk.apple.nextmedia.com/financeestate/art/20170728/20104206
畀毛 毛記 記起 起機 正傳 道出 傳媒 血淚
PermaLink: https://articles.zkiz.com/?id=338998

投資一周:毛記能上市嗎?

1 : GS(14)@2017-08-02 05:56:07

「毛記葵涌」申請上市,有讀者希望我寫一些內行話,說實話,太過內行的東西不想寫、也不敢寫,但寫幾句感想,倒是可以。第一句,有評論質疑它在3年內,派息6,740萬元,不缺資金,為何要上市集呢?查不缺資金從來不是被拒絕上市的理由,皆因當局最希望財政穩健的公司上市。如果資金短絀,倒真的有可能被拒絕上市。第二句,這3年來,每個股東收息超過2,000萬元,林日曦還是住在300萬元的龍珠島別墅,並不匹配其擁有2,000萬元現金的資產。其中的一個可能是﹕林日曦都幾慳家。其他的可能太多,不能盡錄。第三句,根據渾水的線報,作為保薦人的長雄證券,作風非常專業,交給的近律師樓的文件非常齊全,這當然有利於成功上市。第四句,毛記電視所拍的廣告片,個人最喜歡的是「唔長假期」,最喜歡的藝人是盤菜瑩子,也許我是哈日族,凡是日本的我都鍾意。第五句,「毛記葵涌」先後經營《黑紙》、《100毛》、「毛記電視」,我難免聯想起一句對白,但絕對沒有貶意:「不過前排我仲見你倒緊屎,點解好哋哋又轉做洗碗呢?」幾年內幾番改變主要收入模式,對於勸服上市科,的確是有點困難。周顯投資者、八卦公、知識分子
mailto:phemey@gmail.com本欄逢周三刊出




來源: http://hk.apple.nextmedia.com/financeestate/art/20170802/20109363
投資 一周 毛記 記能 上市
PermaLink: https://articles.zkiz.com/?id=339217

李曉佳﹕毛記本小利大受考驗

1 : GS(14)@2017-08-03 07:57:04

【明報專訊】由「腦細」林日曦、陳強同阿Bu三人搞起的毛記電視及《100毛》,由無到有,到近日重組成控股公司毛記葵涌尋求主板上市,頓時引起市場熱話。筆者身邊不少搞製作及廣告的朋友,都說寫個「服」字。毛記起家,由早年創辦黑紙公司開始,只是實繳股本區區3元,一直發大,到今年3月底止能有9522.8萬元收入及3626.3萬元利潤,兼取得4266.9萬元經營現金淨流入,可謂本小利大,真正發揮刀仔鋸大樹的本色。

有金融界中人說,如果毛記葵涌靠三個老闆創意「搵食」,大可找多幾個基金「泵水」,然後以「同股不同權」上市,保證日後可以繼續靠創意做到「豬籠入水」,自然更加perfect。只不過香港創新板仍在醞釀中,毛記葵涌唯有先與主板結緣。

3元股本起家 到2017年賺3600萬

毛記葵涌申請到主板上市,加上旗下《毛記電視》、《100毛》已經建立名堂,無人不識,噱頭十足。姑勿論將來發展會怎樣,反映80後年輕一代仍然可以闖出新天地。該公司竟然只需3元實繳股本起家,在上市前只額外取得近176萬元新資金,便能夠打拼天下,所創辦的《毛記電視》及《100毛》,分別在facebook賺得廣告及傳媒界艷羨的超過70萬個及110萬個「Like」。同時在2016年1月及5月分別舉行的頒獎禮及周年慶典,獲得340萬元及1050萬元收入。2017年度計入15萬元壞帳在內,盈利仍達3626.3萬元,創出新高。

整間公司聘用63人及6名自由職業僱員,即使員工成本省不了,並且有急升的趨勢,3年來總成本仍在3900萬元的可控範圍。扣去員工成本後,其在2017年度的經營現金流入仍達4266.9萬元,按年大增1.84倍。由2015年到2017年度,每年投資使用現金均少過100萬元,3年才共淨投資226.2萬元,其間合計盈利竟達6648.1萬元,每年平均維持毛利率逾六成。但是從2015年到2017年度,派息額共4540萬元,加上在今年7月12日再宣布派特別息2200萬元,共派出6740萬元,完全將累積的盈利「派凸」。

一年現金流4200萬 毛利率六成

上市成功與否已是其次,但是最少可以「骨水搵真銀」。毛記葵涌過去3年給予股東回報之高,令人咋舌,真正實現了所謂刀仔鋸大樹的道理。因此「腦細」的腦筋是否很細?大家心中應有判斷。

當然,毛記葵涌的成功,在於其在廣告客戶中,首創社論式廣告,並且建立了廣告解決方案商的形象,讓一眾急需找得有效的社交媒體宣傳途徑的廣告客戶,久旱逢甘露。毛記葵涌近期更已經為跨國旅行社、餐飲製造商及金融機構等度橋搞宣傳,但多為一年、半年貨色,將來能否持續,仍然有待觀望。

股東回報高得令人咋舌

同時毛記以往由持10%股權的萬華媒體(0426)負責做會計,但由明年3月之後便會自行負責,成本可能上升。在開拓新的業務方面,毛記曾在2015年打算成立合資公司搞多媒體製作及廣告策劃服務,最終未能成事,如今轉而上市集資尋集資金用於物色購併,及提升「毛記電視」的平台,效果仍待評估。

同時毛記依賴的社交平台會否發生故障,影響運作?包括「腦細」在內3名靈魂人物,將來會否繼續長期為毛記服務?各種疑問難免在投資者心中盪漾。不過以毛記集資額估計數千萬至1億多元,市場人士都認為上市難度不大。上市後到底3位靈魂人物可以有錢到手幫毛記更上層樓,還是成為米蘭站(1150)翻版,就要大家加點耐性了。

[李曉佳 財經澡堂]


來源: http://www.mpfinance.com/fin/dai ... 7562&issue=20170803
李曉 毛記 本小利 大受 考驗
PermaLink: https://articles.zkiz.com/?id=339434

Hea富生活 :毛記是怎樣煉成的

1 : GS(14)@2017-08-04 06:11:55

上年ViuTV有個極具話題性的旅遊節目,其中一輯的主角就是林日曦與蔣麗芸,我睇足兼笑足,矛盾度比曾主席及長毛議員那一pair不知高幾多,林日曦兜口兜面對着元議員都不肯直接對話,一句都唔肯,全程要工作人員轉述,激到元議員彈起。睇住她不知幾想發圍,但又怕影響在選民心目中的「善良」形象,惟有死忍,但最後都忍不住,被一個她認為的「雜誌仔」廢青老闆落面,性格剛烈的元議員又怎吞得下這口氣。單獨接受訪問時說出心底話:「你本咁嘅雜誌仔就釘!睇你捱到幾耐!威到咁喎真係?!」我當時覺得林日曦真是聰明絕頂,完全捕捉到該新台一班年輕觀眾的心理,其行為正正是這一代年輕人最希望對冇料扮四條的上一代既得利益者之反抗。講多無謂亦不想跟你糾纏,「蔑視」是最佳的表現手法,這種反抗情緒充斥於家庭、公司,以致政府之中,更在梁特當政時將之推到高點,這也是佔領運動部份成因。毛記捉住這機會站在年輕人一方,以嬉笑怒罵方式諷刺政策和政客,改吓歌詞唱吓歌仔咁,激進極有限,力道恰到好處,這是一份功力。當時本土派冒起,「真香港人」這四個字有市有價,毛記以極低成本找來一班素人及老牌配角,在分獎典禮找來定居香港30年的「鬼佬」河國榮rap《真.香港地》,吸引全城熱話,帶領毛記去到另一個層次。


低成本製造大迴響

適逢傳統媒體沒落,在大家心目中,毛記就是型和潮的標誌,最初就算出手低,大星如黎明、鄭秀文都唔介意玩埋一份,以保持曝光率(點擊率)和證明自己唔out,有大星助陣後的毛記製作廣告片,只是放上網一日半日,閒閒哋過百萬點擊,其他品牌見到其成效,更加願意將原本放在傳統媒體的廣告「筆值」,將極大份額分給毛記,就算現在已經水漲船高收費乸脷,同老闆都解到畫。這協同效應和良性循環令毛記賺大錢。但做生意,賺錢之餘,都要識慳錢,話說年頭收到消息,說當時毛記當時得令靚女小花,如不計廣告分賬,月入只有幾千,因為她與該台好幾位「素人紅星」都是簽經理人合約,即是跟大台一樣,紅了不聽話,可以雪到你零廣告收入,日日返工坐收老底。絕!三位「腦細」有創意思維,識睇時機做事,市場定位清晰,巧取傳統媒體利潤之餘,還懂得以最低成本緊緊握住控制權,而且他們真正做到「悶聲發大財」,如不是這上市文件,相信只有極小數人才知道他們賺到夠資格申請主版上市。完全有做傳統生意的智慧及最新市場學精髓「內容行銷」的能力。現時無論他們能否成功上市,都會吸引一大群後來者甚至傳統業界爭相仿效,但《姨婆(大壽)掉眼淚》這等質素的創作,就像當年創意高峯期的軟硬和周星馳,想學也學不來。與其抄到不倫不類丟人現眼,不如發揮自己的風格罷啦。郭釗
http://www.fb.com/heaology.edu本欄逢周四刊出




來源: http://hk.apple.nextmedia.com/financeestate/art/20170803/20110331
Hea 生活 毛記 記是 怎樣 煉成 成的
PermaLink: https://articles.zkiz.com/?id=339554

毛記上市申請失效 分析:經營年期短 業務持續性受關注

1 : GS(14)@2018-01-28 15:07:24

【明報專訊】擁有毛記電視及《100毛》媒體品牌的毛記葵涌,去年7月遞表申請主板上市,惟據聯交所資料顯示,申請昨日已經宣告失效,意味遞表後的半年有效期已過。有消息指,毛記仍會繼續推進上市計劃,不過有會計師分析,港交所(0388)較關注毛記這類經營日子較短的公司的業務可持續性,或拖慢上市進度。

明報記者 余慕恩

毛記今次上市申請非遭拒絕,惟上年遞表時惹來市場極大迴響,消息指聯交所審理時亦特別關注並提出多項問題,惟毛記未能在半年有效期內完滿答覆。一般而言,上市申請有效期為半年,屆時倘仍未取得上市部批准將自動失效,惟公司仍可更新財務數據,或重新遞交上市申請,過去亦有不少例子,公司在首次申請失效後仍可成功上市。本報記者昨日嘗試聯絡毛記創辦人林日曦查詢,惟截稿前未有回覆。

消息:毛記仍推進上市計劃

毛記由林日曦與兩名商台DJ姚家豪(藝名阿Bu)及陸家俊(藝名陳強)於2010年創辦,2015年推出數碼媒體平台毛記電視。其主要收入來源為廣告業務,並以社交媒體廣告最為市場注目,數碼媒體業務佔2017年3月底止年度的收入78%,達7448萬元。

年度利潤3600萬升62% 活動策劃急增

另外,毛記亦有成立初期經營的印刷媒體服務,去年收入983萬元,較2016年的2270萬元已經大幅減少。相反,活動策劃業務過去兩年增長較快,2017年度收入增2倍至1045.9萬元,主要因為毛記於2016年舉辦了《十大勁曲金曲分獎典禮》及《萬千呃like賀台慶》兩場現場節目。據早前的招股文件顯示,毛記2017年度利潤為3626.3萬元,按年增長61.9%。

立信德豪會計師事務所董事林鴻恩表示,毛記這類型的公司資產較為薄弱,或過去經營的歷史較短,能否持續經營相信是聯交所審批時的主要考慮,並需說服聯交所將來業務模式可行。他指上市申請時間失效較為常見,一般可遞交費用延長申請,但「遲了數日不出奇」。

投資不多 須解釋集資需要

毛記旗下有16名藝人,藝人管理亦是業務收入來源之一,去年收入為46.5萬元;林鴻恩指毛記的業務或較依賴藝人及主播,會否長期為公司服務或亦成為考慮,有如補習社的星級名師亦會是業務成功的關鍵人數。另外,「食腦」行業沒有太大的資本投入,聯交所亦有可能就毛記的集資需要提出疑問。


來源: http://www.mpfinance.com/fin/dai ... 8093&issue=20180125
毛記 上市 申請 失效 分析 經營 年期 業務 持續性 持續 受關 關註
PermaLink: https://articles.zkiz.com/?id=347390

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019