📖 ZKIZ Archives

我主場：萬能鍾點止講波佬

1 : GS(14)@2013-07-14 11:48:07

http://hk.apple.nextmedia.com/entertainment/art/20130714/18333584


人稱鍾仔的鍾志光，對於網民的評價，他日前以分析賽事角度的口脗去說：「網民嘅反應從直觀去睇，好似見我多咗，事實只係最近有好多足球賽事，而且又有劇集出街，做直播節目嘅感覺係強烈啲，加上球賽又係連續做好多晚，所以咪有呢個錯覺，亦係因為呢個原因。我諗喺無綫嚟講，我唔算工作時間長，背後仲有好多負責劇集嘅同事，工作時間比我長好多。」                                                                                                                                                                                                                 

太監初體驗

                                    印象中的鍾仔的確是瓣瓣通、樣樣掂，閒談入行的經過時，竟然又有另一個驚嘆，他說：「我讀書係讀體育，不過當時好皮毛好淺，所以我入行嘅專業係喺電台開始，嗰陣我係做體育節目，可以話係不折不扣出去跑體育新聞，跟住喺無綫做體育節目，當時亦會有啲足球以外嘅雜項項目，某程度上係一種訓練。」
從體育主持突然兼顧拍劇，原來亦是另一個機緣：「當時拍劇嘅起點係《醉打金枝》，呢個體驗好有趣，劇情有一場蹴踘比賽，監製當時安排咗一個負責講埋波嘅太監角色畀我，呢個角色啱晒我，所以咪幫吓手。當時嘅體驗係辛苦，做直播嘅體育節目好簡單，深夜一點開工，若果連埋加時都係四點可以收工，但係拍劇啱啱相反，差唔多成個禮拜都係朝早零六開工，到傍晚先收工，對我嚟講真係唔係幾慣，不過出嚟嘅反應都幾好，所以我又唔抗拒拍劇呢樣嘢。」



                直到《古靈精探》的出現，令他嘗試做醫生和律師以外的角色，他說：「張乾文（監製）畀咗個好得意嘅角色，嗰次佢安排我做一個好鍾意鬧人嘅警司，結果觀眾都好受落，所以跟住搵我做嘅角色都好多元化，呢個係我從體育記者轉去拍劇嘅唔同工種。」他續說：「我成日都同人講，係呢個行業搵我，而唔係我搵呢個行業，喺我而家嘅年紀睇番轉頭，你會發覺有好多嘢係冥冥之中嘅安排，而唔係我處心積慮去做，行到邊、去到邊，就算係讀書都係一樣，當初我選擇讀師範做老師，過咗若干年之後，有啲同學因為職業需要再讀學位，大家傾開偈，又介紹啲啱讀嘅課程畀我，點知一讀就讀出癮。」結果鍾仔成為人文學科榮譽學士、中國語言及文學以及哲學文學碩士。

---

2 : GS(14)@2013-07-14 11:48:21

http://hk.apple.nextmedia.com/entertainment/art/20130714/18333586
以追求簡單生活為目標的鍾志光，為目標生活好好計劃人生，他說：「我將自己嘅人生分咗三部份，第一部份，人一定要工作，做嘢嘅原因就係求生；第二係玩，做人一定要有娛樂，要識得享受，得閒我會搵啲舊同學同老師食飯、傾偈，同屋企人好好相處；第三就係讀書，只要有時間我就會走去讀書，呢三方面就構成咗我日常嘅生活，所以某程度對我嚟講，真係好感恩，我身邊有好多朋友，可能背負住家庭負擔，做一份唔鍾意嘅工作，聽佢哋成日呻喺工作上嘅唔如意，但係每一日都要日出而作，日入而息，講句唔好聽咪叫捱，我自己呢，可以搵到一份同興趣有關嘅工，變咗真係唔覺得辛苦，所以我好感恩，亦可以講話真係好彩。」
因為鍾仔可以將興趣變工作，令他有時間研究學術，他說：「始終我唔係主線演員，拍劇唔會日日要開工，有時可能一、兩個禮拜唔使開工，我可以用呢啲時間，去做啲學術嘅事，所以真係好感恩有一份咁樣嘅工，我有好多同學都好勤力，但係時間比我辛苦，因為佢哋日日都要返工，有啲仲要放大假做功課，人生真係好奇妙。」不過他笑稱不敢跟朋友講，擔心被誤會「晒命」。

---

3 : hh0610(1603)@2013-07-15 00:06:31

阿叔走左之後, 聽左鍾仔咁多年. 如果聽唔倒佢把聲有D唔慣. 我已經習慣性過濾左佢D癈UP.

---

4 : hoyin86(39556)@2013-07-15 01:04:05

2樓提及

---

http://hk.apple.nextmedia.com/entertainment/art/20130714/18333586
以追求簡單生活為目標的鍾志光，為目標生活好好計劃人生，他說：「我將自己嘅人生分咗三部份，第一部份，人一定要工作，做嘢嘅原因就係求生；第二係玩，做人一定要有娛樂，要識得享受，得閒我會搵啲舊同學同老師食飯、傾偈，同屋企人好好相處；第三就係讀書，只要有時間我就會走去讀書，呢三方面就構成咗我日常嘅生活，所以某程度對我嚟講，真係好感恩，我身邊有好多朋友，可能背負住家庭負擔，做一份唔鍾意嘅工作，聽佢哋成日呻喺工作上嘅唔如意，但係每一日都要日出而作，日入而息，講句唔好聽咪叫捱，我自己呢，可以搵到一份同興趣有關嘅工，變咗真係唔覺得辛苦，所以我好感恩，亦可以講話真係好彩。」
因為鍾仔可以將興趣變工作，令他有時間研究學術，他說：「始終我唔係主線演員，拍劇唔會日日要開工，有時可能一、兩個禮拜唔使開工，我可以用呢啲時間，去做啲學術嘅事，所以真係好感恩有一份咁樣嘅工，我有好多同學都好勤力，但係時間比我辛苦，因為佢哋日日都要返工，有啲仲要放大假做功課，人生真係好奇妙。」不過他笑稱不敢跟朋友講，擔心被誤會「晒命」。

我追求財務自由，都係為左實現佢果三個目標
如果你話番份工岩自己興趣，但俾唔到最好既（能力以內既最好啦，移民去火星就無可能既）屋企人
我好難過到自己果關囉

---

5 : mr_dlm(19486)@2013-07-15 11:22:22

就係因為佢太多野搞, 所以佢講波唔係好專, 基本上無d一針見血的見解, 而且D資料好似唔係咁貼

---

6 : MrYeung(15476)@2013-07-15 19:24:58

我屋企冇其他收費電視台，唔常睇波，睇都只睇tbb
我就幾鍾意睇鍾仔，因為佢好帶動到氣氛。每次聽佢班拍擋(即係踢過職業足球果幾個) 講波，果種死氣沉沉，拉牛上樹嘅感覺，真係聽到想mute 左部電視

---

7 : GS(14)@2013-07-15 22:56:15

今日睇師父明白了又有他

---

【飲食籽】過年揀罐頭鮑點止講頭數　鮑魚大小要睇淨重量

1 : GS(14)@2018-01-28 18:35:34

很少人知道揀罐頭鮑魚不應該只看頭數，即使同樣都叫做三頭，兩罐鮑魚的大細及重量也有很大分別。圖為紅燒澳洲網鮑（三頭）（左）和澳洲紅燒青邊鮑魚（五頭）。

【飲食籽：識飲惜食】每逢過年，家家戶戶都準備各種海味，鮑參肚樣樣齊，除了因為過年要吃得好之外，也是取其意頭，例如鮑魚形狀橢圓似元寶，就被視作「招財進寶」。不過鮑魚也分乾鮑、罐鮑、急凍鮑，乾鮑價錢最貴，多為富貴人家珍藏，而且煮法繁複，新手未必懂處理；過年想吃鮑魚取意頭的話，吃罐頭鮑及急凍鮑也可煮得好好睇睇，毫不失禮。


罐頭鮑跟乾鮑雖有頭數之分，但不是以斤両計算，而是以一罐有多少隻來計。要知頭數，看罐面或底的數字就知道，「以這罐為例，見到A3，即代表這罐鮑魚有三粒，我們又稱之為三頭。」「裕生海味」太子女黃祺（祺祺），手拿着一罐澳洲產的罐頭鮑魚解釋着。其實不同產地的罐頭鮑魚都有各自的標明方法，如澳洲及新西蘭的罐頭鮑魚，通常用英文字母加數字去分辨罐頭鮑的頭數，不過英文字母一項大可不必理會，有時見到標示A3，有時又見到標示F3，其實都是代表三頭，並無任何分別。


紅燒澳洲網鮑（三頭）每罐$250，鮑魚淨重120克。

澳洲紅燒青邊鮑魚（五頭）每罐$85，鮑魚淨重50克。

要知罐頭鮑魚的頭數，看罐面或底的數字就知道，但其實更重要的是看罐面或底標示的鮑魚淨重量。


招紙上的重量（黃圈示），是指罐頭連汁連鮑魚的重量。

鮑魚淨重量越高，自然就代表越大隻。


黑松露汁紅燒汁有新意

不過，很少人知道揀罐頭鮑魚不應該只看頭數。即使同樣都叫做三頭，兩罐鮑魚的大細及重量也可以有很大分別，所以最重要的是看鮑魚的淨重量。祺祺隨即遞過一罐鮑魚，給我細看，「招紙上面，可以見到一個重量，例如這罐是425克，但罐面卻寫着120克；其實兩者分別是在於招紙上的重量，是指罐頭連汁連鮑魚的重量，而罐面的120克代表鮑魚的淨重量。」正當我一副恍然大悟的表情時，祺祺已拿出另一罐體積較小的罐頭鮑魚，「例如這兩罐鮑魚，同樣是三頭，但不代表它的體積是一樣。若看鮑魚淨重，這罐三頭鮑魚淨重是120克，即平均一隻鮑魚是40克；另一款也是三頭，但鮑魚淨重是50克，所以平均一隻鮑魚只是十多克。」我問祺祺可否開罐一看，她爽快地拆開罐頭，並將兩罐鮑魚分開放置在碟上。果然，雖則兩者都有三隻鮑魚，但前者明顯較後者的體形大。哪個產地的罐頭鮑魚最划算？以往很多人會揀墨西哥車輪鮑、南非鑽石鮑，覺得質量有保證，但價錢偏貴，而且現在想買墨西哥車輪鮑較難，除了因價錢很貴，市場上亦非常少見，很多時候都供給大陸；也有人會揀中國罐頭鮑魚，因為價錢較平，但質量就差了點，「我通常建議買澳洲鮑，一來價錢大眾化，二來澳洲鮑魚生長在南澳水域，不用擔心質素。」祺祺說。以往買到的澳洲罐頭鮑多是網鮑，但今年連青邊鮑也出了罐裝，更有黑松露汁、紅燒汁等醬汁選擇，想新年有點新意就可試試了。


澳洲青邊鮑魚（兩至三頭）每磅$550

澳洲黑翡翠鮑魚（三至四頭）每磅$350

「裕生海味」太子女黃祺（祺祺）。



裕生海味上環德輔道西100號地舖


記者：黃子卓攝影：鄭明川、劉永發編輯：施明慧



來源: https://hk.lifestyle.appledaily. ... e/20180125/20284400

---