ZKIZ Archives


林峯拖千語Hi bye樂易玲


2013-09-19  NM
 
 

 

黃百鳴日前筵開四十席娶新抱,現場星光熠熠;全晚離不開吳千語的林峯比一對新人還要high,話晒新娘鄭嘉敏是千語BB經理人,中晒BB降的他當正屋企人出嫁,但對同是座上客、一直當他心肝椗的樂易玲則視而不見,直至散席,林峯才拖實BB,與曾想棒打鴛鴦的樂易玲打招呼,hi完即bye。坐到老遠

婚宴當天,以往當正樂易玲契媽的林峯,全程黐住BB,寧願花時間與賓客影相同小朋友玩,也不願上前跟樂易玲講多句。

關係急轉直下,全因林峯迷戀吳千語後,樂易玲一度插手干預,加上林峯相信有人故意放風給傳媒,破壞BB形象,令二人關係雪上加霜。

黃百鳴娶新抱,囍宴坐位編排亦特別「花心思」,以往無綫大多是自己友坐埋一枱,偏偏樂易玲被安排坐離林峯和BB老遠的枱號,免得雙方面對面尷尬。

唱歌走音

見唔到樂易玲,林峯與BB全晚自由發揮;新老爺黃百鳴上台唱《男兒當自強》送給兒子後,當自己家人辦囍事的林峯跟住上台唱了首《愛很簡單》送給一對新人,雖然一開聲就走音,但勝在夠投入,氹到身旁的千語BB冧爆!玩到差不多散席,賓客開始散,林峯才緊緊拖着BB跟樂易玲打了聲招呼,冇兩句即閃。

照顧君如

除了林峯外,古天樂也是現場最受歡迎布景板,男女家的賓客個個爭住合照,古仔有求必應,影相嘅影,隊酒嘅飲,無托手踭;百忙之中,他不忘照顧素顏蒲頭的吳君如,還有戰勝癌魔的司馬燕,當君如被問到陳可辛的「閨密」,古仔即攬住對方:「我都係佢嘅『龜蜜』,係龜苓膏加蜜糖。」至於近來因為拒接《葉問3》,同黃百鳴傳不和的甄子丹,當晚亦有到,還祝賀一對新人快造人:「生多幾個,要似佢(黃子桓)阿爸咁有才華。」咁識講嘢,黃百鳴啱聽!

親疏有別

林峯樂易玲「親密」關係因「第三者」吳千語介入變疏,在此前,「兩母子」在林峯戀國產女潘霜霜時也一度緊張,二人分手後,林峯才回歸樂大媽身邊。

力捧

07年開始,林峯備受樂易玲力捧,不單安排他簽英皇出唱片,二人更不時被撞到食飯傾心事,林峯是樂大媽頭號愛將。

攬上身

10年,林峯被邵氏電影創作總監黃家禧指他孭飛電影票房差,樂大媽隨即補鑊,氹掂六嬸寫十二字真言為「親生仔」平反。去年7月,樂易玲53歲牛一,特地改期舉行生日派對,方便身在外地的林峯出席。

拒認仔

去年底,林峯因失落視帝公開講離巢,之後記者問樂大媽「親生仔」是否好失望,她即澄清林峯唔係佢親生。

先斬後奏

一切以BB為重的林峯,甘為女友主演的賀歲片《六福喜事》做串星,還先斬後奏,不放無綫在眼內。

拖千 千語 Hi bye 樂易
PermaLink: https://articles.zkiz.com/?id=75639

貨不對辦 樂易玲老點何超儀

2014-03-20  NM
 
 

 

幾番被削權,在無線今時不同往日的樂易玲,見班「親生仔女」唔俾面,唯有變陣搵外援。去年底,成功氹掂賭王千金何超儀答應拍無線劇,講明角色度身訂造,劇集會安排台慶月黃金檔出街。點知貨不對辦!超儀埋位後始發覺徐子珊才是真正女一,加上盛傳樂易玲將由六嬸接收,安插入邵氏搞電影,在無線大勢已去,經她沾手的隨時變成籮底橙。擺明俾人氹入局,何超儀嬲爆。撞曬期

何超儀自資成立的852電影,公司投資開拍的新片《全力扣剎》已經殺埋身,但她依然分身接拍無線劇《再戰明天》,日踩夜踩,○○年拍過《創世紀Ⅱ》後,隔十四年再捱更抵夜拍劇,全拜樂易玲所賜。「大媽以前啲愛將個個都話走,冇牙力留唔到人,佢咪變陣喺出面搵外援囉!其實年幾前已經係咁


梁思浩回巢插樂易玲梁梓禧不值斥「做人有修養」

1 : GS(14)@2016-03-17 14:52:53

梁思浩和無綫恩怨始於12年前,2004年無綫大裁員,他是第一批無得留低的藝人,雙方其後一直沒有合作,惟日前梁思浩忽然在網上留言,預告將會在無綫出現,提到他最憎恨的人,更明示該人是傳聞在無綫已失勢的樂易玲。雖然貼文一出不少網民都撐他,但與他曾在nowTV主持節目、去年更傳過因被梁思浩搶節目料而不和的梁梓禧(前名:梁奕倫)對其一番言論卻似乎有不同看法,昨日更疑在facebook暗寸他。梁思浩日前在網上貼文:「破冰之旅。已經12年冇出現TVB螢光幕上,其實我跟TVB一直無仇無怨,也不憎恨TVB,只是一直憎恨一個恃勢欺人整容大媽高層,12年來很多無綫藝人也因為這個整容大媽離開TVB(我是敢言又不怕惡勢力的人),12年後的今天終於破冰了!謝謝為我破冰之人@玄學大師李居明!今次跟覓雪合作也超級開心,三月底TVB見。」



■梁思浩指自己憎恨一個恃勢欺人整容大媽高層,矛頭直指樂易玲。資料圖片

■梁思浩當年被裁離無綫,即開記者會鬧爆樂易玲。


■梁梓禧昨日在facebook撰文,似暗寸梁思浩沒有修養。資料圖片

不欲做同類

不過,梁梓禧則唱反調,昨午在facebook寫道:「做人有修養,比一切名與利更重要。慶幸我在34歲起便懂得學習這課題。是與不是,少說話多做事,做好自己便夠了。趁着別人失勢,用差不多開名方式去踐踏對方這行為,真的很可怕。我從來不羨慕人發達,店舖要有多少間分店,因我知道個人修養才是最最最值錢。共勉。」《蘋果》即時致電梁梓禧,問他是否批評梁思浩,他則笑言:「我用來提醒自己,冇特別回應,如果我再講得多,咪變咗同一類人?」另一方面,《蘋果》致電梁思浩求證口中「整容大媽」是否樂易玲時,但亦封口表示不回應。採訪:李察





來源: http://hk.apple.nextmedia.com/entertainment/art/20160317/19532373

林峯過檔英皇冇戲拍樂易玲密謀佢回巢

1 : GS(14)@2016-10-13 08:09:35

一心想喺電影發展嘅林峯,前年就堅決咁要離開大台,搞到俾大台封殺,但日前出席好友楊怡同羅仲謙婚禮時,大台突然「解禁」訪問林峯,昨日就有周刊報道話,林峯再度於大台出鏡,全因樂易玲有意安排契仔歸隊。報道嘅知情人士話,林峯一直都好想喺電影方向發展,而當年英皇拉攏佢過檔時,就講明會開戲棒佢,但事隔兩年,林峯連客串嘅機會都冇,就算之前英皇開記者會宣佈開幾部大片,都係由謝霆鋒同陳偉霆孭飛,部部都冇預佢,咁一直好錫林峯嘅樂易玲,眼見佢被忽視,就密謀o氹佢返大台喇!咁樂易玲都唔係有籌碼,好似佢之前監製嘅電影《使徒行者》,喺中、港、星、馬嘅總票房逾七億,樂大媽即時把握機會,第一步就係解封契仔林峯,之後就再邀請佢出席十月中嘅邵氏大型活動。知情者仲透露,林峯同英皇仲有一年合約,樂大媽o依家開始同林峯傾,時間就啱啱好,如果成事,林峯就好似王祖藍咁,可以有自己嘅工作室,開自己嘅Label,呢啲條件都o氹得林峯好心動㗎!




來源: http://hk.apple.nextmedia.com/entertainment/art/20161013/19799092

樂易玲欠款案庭外和解

1 : GS(14)@2016-10-15 12:12:23

無綫高層樂易玲(小圖)與老公陳君毅持有的萬樂有限公司(BC&A Hong Kong Limited)昨在勞資審裁處,被兩名前員工追討出差使費及交通費用共四千餘元,兩夫婦派項目經理黃先生代表,最終庭外和解。前員工梁先生及葉小姐斥老闆經常遲出糧,梁先生謂:「辭職後仲一日發三、四封警告信。」黃先生(圖)被問公司是否財困?他掩面匆匆離去,樂易玲夫婦截稿前仍未回覆。申索書編號:LBTC3023/2016




來源: http://hk.apple.nextmedia.com/entertainment/art/20161015/19801207

被樂易玲指推劇請990日病假歐錦棠反駁:係冇薪假

1 : GS(14)@2017-01-22 02:17:11

■歐錦棠早前在專訪中指樂易玲是婆娘,並狂數對方不是。資料圖片



歐錦棠早前接受雜誌專訪時,狂數無綫高層樂易玲不是,阿棠以「婆娘」形容樂小姐,指對方嫌自己「亞視味」太重,又大爆09年已故藝人陳鴻烈拍攝處境劇《畢打自己人》期間心臟病發猝逝,樂小姐竟禁止眾演員向外透露烈哥死訊,懷疑有人想做發言人。


樂易玲:每次都有假紙

樂易玲前晚出席在尖沙嘴洲際酒店舉行的「寰宇30周年晚宴」時,坦言對於被叫「婆娘」感到不開心,並反擊阿棠說:「有同事同我講開,話歐錦棠其實已經好耐冇喺公司開工喇。其實喺2013年開始,佢請咗九百九十幾日假,每次都有假紙,係病假嚟嘅。其實都搵過佢拍好多劇㗎喇,但佢都推咗,好似《公公出宮》、《無雙譜》,佢都係話唔舒服拍唔到。製作部都有諮詢過我,問我點解佢可以喺外面拍戲,但公司嘅劇就推。我都唔太知點解。」



■樂易玲前晚指歐錦棠請了990日病假。

■歐錦棠昨日在fb反擊樂易玲,指自己過往放的是冇薪假。

■歐錦棠早前與王宗堯合作舞台劇《科學怪人:誰主創造》。資料圖片

對於被指請了九百九十幾日病假,歐錦棠昨於facebook還擊,力斥樂易玲是「膠層」說:「當然成千日病假?你係老闆都唔批啦!邊個醫生批你病三年呀?嗰啲叫做冇薪假,我哋叫No pay leave,用新任財爺英文就叫No salary holiday,搞清楚先啦,膠層!」記者昨日致電阿棠,他說:「要講嘅喺facebook講晒,唔再多講啦。」採訪:張俊銘




來源: http://hk.apple.nextmedia.com/entertainment/art/20170121/19903705

樂易玲出動包薪挽留Bosco收3000萬簽邵氏

1 : GS(14)@2017-02-03 03:10:30

■據知黃宗澤被樂易玲打動,去年底以三千萬與邵氏簽三年合約。資料圖片



現年36歲的黃宗澤(Bosco)99年加入無綫,一直被視為親生仔,不過去年已傳他約滿會離巢,Bosco亦承認並表示跟無綫關係良好。不過離巢一事最近有新進展,本報獲悉目前在邵氏任執行董事及總經理的樂易玲於去年底已經秘密跟Bosco簽約,他會正式過檔邵氏,據知為期三年的經理人合約獲包薪3,000萬。



■Bosco(後排左四)年初三與眾無綫藝員到樂易玲家拜年。互聯網圖片

■Bosco當晚又到三哥苗僑偉(左)家團拜。互聯網圖片

■舊愛胡杏兒前年簽蕭定一公司三年收二千五百萬。資料圖片

開放自由度

Bosco最終決定與邵氏簽約,主要是因為樂易玲承諾在未來一年,該公司會有很多電影製作,給他很多演出機會,有時間可返無綫拍劇,到底會否兌現承諾就不得而知。不過昨日向Bosco求證,他沒否認已簽邵氏:「簽乜都好,遲啲會公佈啦!」據悉Bosco原本打算今年中約滿後會自己成立工作室,主力在內地發展,同時他希望可以多接演電影,無綫滿足不了其要求,只好改而由旗下以拍電影為主的邵氏公司,以可觀包薪利誘他加盟,而且給他很大自由度,可以讓他像王祖藍般以工作室形式與邵氏合作,最終成功游說他於上年12月答應簽約,不過因為他與無綫合約尚有幾個月才約滿,所以稍後才會安排正式加盟記者會。


拉隊去拜年

換了新東家後,Bosco十分識做,他前晚跟一班無綫藝員,包括陳展鵬、胡定欣、田蕊妮、麥明詩及袁偉豪等,齊齊去樂易玲家裏拜年,之後再去三哥苗僑偉家團拜,他表示:「我每年都會去三哥家拜年,今年一樣有去。」採訪:鍾國仁




來源: http://hk.apple.nextmedia.com/entertainment/art/20170202/19914785

傳搭上樂易玲仔裕美:我當佢係細佬

1 : GS(14)@2017-04-22 10:22:32

■前晚裕美出席電影《天堂小屋》首映禮,否認和樂易玲幼子Ryan發展姊弟戀。



裕美、鍾鎮濤(B哥)及陳友等前晚在又一城出席電影《天堂小屋》首映禮,去年被爆背結婚三年老公林恩浩,與黃子恆搞婚外情的28歲裕美,離婚後曾搬到好友王君馨的將軍澳寓所暫住,但早前已搬回公屋和媽咪同住,她說:「人生有咗經歷,應該返去陪媽咪,我對生活模式係冇咩要求,幾大間屋都係瞓一張床,我有煮飯做家務。」她指搬走和王君馨要結婚無關,認為對方謹守上帝指引,未婚不同居的堅持實屬難得。說到這方面,問裕美是否無法堅守?她即說:「哎!家家有本難念的經,有口難言,過去有啲事做得唔好,所以經歷婚姻失敗,從中學習。我等待王君馨介紹男仔我識,擇偶條件一定要係基督徒。」



■上周五裕美(左二)與狄易達(右二)等出席志偉生日會。資料圖片

■當日樂易玲與幼子Ryan到賀(圖)。資料圖片


露台好多人

言猶在耳等識男仔的裕美,卻被周刊拍到和樂易玲幼子Ryan談心,昨日周刊報道指大Ryan八年的裕美,上周五(14日)出席曾志偉的生日會,而樂小姐就帶同兩子到場,其間Ryan和裕美行出露台聊天,Ryan還捉着裕美的手貼住自己的手,之後更疑似偷吻裕美,而樂易玲則黑面。裕美昨日回覆本報謂:「我哋只不過出去露台傾偈,好多人喺出面食煙,經理人、同事都係附近。啲相係借位,唔係有啲咩關係。同埋佢細我咁多,我當佢係細佬,佢當我姐姐,樂小姐都有一齊傾偈,講到有嘢,唔係囉!朋友箒!」



■去年黃子恆被踢爆搭上裕美。

■裕美和林恩浩3年婚姻觸礁。


否認被摸手

裕美又否認和Ryan有親暱舉動,她說:「邊度有錫面同摸手呀?我覺得嗰個角度借得太過誇張囉!根本冇啲咁嘅事,佢拎個電話出嚟開instagram分享吓佢嘅作品,跟住又話影到摸我隻手,唔係啩?同埋樂小姐冇黑面,佢好nice,同我哋傾偈,嗰日全部人都好開心。」採訪、攝影:曹家誠



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170420/19994917

香香高海寧賀樂易玲生日

1 : GS(14)@2017-07-02 14:19:37

昨日是樂易玲58歲生日,昨晚於灣仔合和中心一間餐廳搞生日會,約7時許,苗僑偉夫婦、王敏德、岑麗香、梁烈唯、吳岱融、傅嘉莉、周麗淇及劉偉強夫婦等到場,而高海寧與男友鄧智偉前後腳抵達。樂易玲拖着兒子到場時,餐廳老闆胡文新親自出來迎接,問樂易玲有甚麼生日願望?她說:「最緊要係身體健康,今日請咗好多朋友嚟,我叫佢哋準時喺8點前到,因為約佢哋一齊上天台睇煙花。」接着何佩瑜到達,何佩瑜被問到是否和男友分手?她否認:「梗係唔係啦!只係有少少磨擦,?家磨合緊。」岑麗香昨晚單拖赴會,問她為何不帶老公強強出席?她說:「強強唔得閒,今日樂小姐叫我哋唔好買禮物嚟,我就帶一份愛心嚟,今晚玩完,我就直接去機場,因為要飛去歐洲拍劇。」採訪、攝影:黃曉程、羅德光


■岑麗香昨晚晒長腿,單拖赴會。

■高海寧與鄧智偉(小圖)前後腳現身。



來源: http://hk.apple.nextmedia.com/entertainment/art/20170702/20075860

裕美黃子恆前後腳賀樂易玲

1 : GS(14)@2017-07-05 03:49:44

無綫高層樂易玲前晚在灣仔合和中心慶祝58歲生日,請了一班影視圈好友出席,包括曾志偉、鄧萃雯、王敏德、蔡思貝、馮盈盈、黃宗澤、吳卓羲、新婚的王君馨,以及前後腳到場的裕美及黃子恆等。



■樂易玲前晚獲馮盈盈(右)及蔡思貝現身祝賀。

黃子恆曾捲入裕美夫妻離婚風波,有指裕美離婚後與他拍拖,但於去年底分手,惟數月前又傳出樂易玲細仔Ryan對裕美有好感,但樂易玲替兒子否認。吳卓羲受訪時表示:「知道樂小姐鍾意飲酒,所以我今晚特登帶咗大大支紅酒嚟賀壽。」黃宗澤被問到有送甚麼賀禮時,他說:「冇預備禮物,不過唔緊要啦,後補都可以。」採訪、攝影:黃曉程、羅德光




來源: http://hk.apple.nextmedia.com/entertainment/art/20170703/20076707

樂易玲880萬 購MALIBU兩房戶

1 : GS(14)@2018-07-24 05:46:53

https://www.mpfinance.com/fin/da ... 1886&issue=20180724
【明報專訊】樓價高企,仍吸引不少娛樂圈人士入市。土地註冊處顯示,將軍澳日出康城新盤MALIBU 1A座極高層C室於本月初易手,實用面積453方呎,兩房間隔,成交價880.3萬元,實呎19,433元,買家為無綫電視助理總經理樂易玲(Lok Yee Ling Virginia,圖)。資料顯示,不少無綫藝人亦有購入MALIBU單位,如藝人胡諾言於今年3月以901.1萬元購入第3A座高層E室,實用575方呎,兩房連儲物室單位,實呎15,671元;另飾演「蘇基」一角而出位的藝人古明華,以約900萬元購入1伙兩房連儲物室單位,實呎1.53萬元。

蔡少芬囍匯開放式戶2.25萬租出

此外,一向活躍於物業投資的蔡少芬,其持有的灣仔囍匯開放式單位,最新以2.25萬元獲承租,以單位面積339方呎計,呎租66元。蔡少芬於2015年以756.93萬元購入上述單位,租金回報約3.6厘。蔡少芬被喻為娛樂圈「億元樓后」,過去購入九龍站凱旋門、元朗爾巒等,去年以1216.51萬元購入何文田皓畋589呎兩房戶。

施佳龍1.75億沽貝沙灣洋房

另土地註冊處顯示,由資深物業投資者施佳龍於2013年以1.31億元、透過公司購入的薄扶林貝沙灣5期單號洋房,於本月初以1.75億元易手,實用面積3792方呎,實呎46,150元;施佳龍持貨5年,帳面獲利4354萬元,物業升值33%。

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019