【我主場】「政府摧毀我哋引以為榮嘅嘢」何韻詩逆境搵生機
1 :
GS(14)@2016-08-09 07:33:10對於生存與生活，每人用自己的方法演繹。遇到困局，有人會等上天給他一扇門，亦有人會進化成三次元螞蟻，尋找新出路。何韻詩由公開承認同性戀身份，甚至參與雨傘運動做街頭抗爭者，為不公義發聲，成為好貼地的歌手，但在大多數人眼中是「壞孩子」，從此在公開活動「被消失」，唱片公司完約後沒續簽，獨立歌手連找演唱會冠名贊助也沒有，親身示範不懼強權不低頭，在逆境尋找生機，創造自己的舞台。撰文：王連連
■被大財團單方面取消演唱會，阿詩於今年6月在原址辦免費騷，逾3,000人捧場。
沒有強勢後盾的何韻詩，正籌備10月演唱會，日前在上環接受訪問，在悶熱氣溫籠罩下，與助手站在街頭閒聊，背影仍很悠然。成為獨立歌手，之前開演唱會與助手親自在街上貼海報。10月紅館個唱「Dear Friend」舉行在即，沒大機構的冠名贊助，以集資形式籌集資金，雖然有異於一般歌手的舒適，在種種打壓之下，但阿詩無懼：「我從來都冇擔心過，喺我身上唔覺得會有餓死嘅一日。睇你食乜啦，係咪要每餐都大魚大肉？或者只係食得飽就得？唔做歌手，都有好多嘢可以做，做歌手身份前我都係一個人，唔會限死得一個身份，限制都係來自自己，限制自己就會有恐懼。唔唱歌轉做麥當勞都得，或者做文員都冇問題。」
■早前阿詩推出新書，親自到書展打點。資料圖片
自言命硬接受挑戰
阿詩沒一絲退縮，反而不斷改變令自己變得更強：「可能我命硬，覺得好似整定，要我不斷面對挑戰，我嘅命都係逆境中搵生機，好似上次Lancôme件事，最初以為大品牌敢搵你做嘢，以為淡化一啲恐懼，點知係唔俾你休息嘅。你睇到呢個地方咁多事發生，但仍然大魚大肉、事不關己，但我唔得，所以冇得抱怨行條路唔舒適。」當自己的名字變得敏感，計劃變得多掣肘，何韻詩用自己方法搞掂。今年自己發行出書、國際品牌自我審查突然取消與她合作舉行音樂會，她決定於同一時間、地點舉行街頭音樂會。種種事沒打倒她，近兩年香港發生的事太多，加上近日梁天琦被拒參選議員，阿詩用荒謬來形容：「而家世界似戰亂，香港都係一個壞嘅時候，好多荒謬事情發生，沒有最荒謬，只有更荒謬，政府而家荒謬到頂點。睇呢一個星期嘅新聞，選管會處理呢件事，無論大家點鬧，佢哋都一意孤行，離譜係佢哋當你哋（市民）係盲嘅，佢哋就閂耳仔，去到一個地步鬧都唔聽。因為一個政府，摧毀我哋本來引以為榮嘅嘢。」
堅信香港有人情味
阿詩認同杜汶澤之前在facebook所說的感受：「阿澤已經講我想講嘅嘢，相信會物極必反，黑暗會過去。我相信香港仲有好多人係有人情味。」抗爭的路或許會很孤單，但她不會怪責大多數沒表態，她亦在這兩年改變不少：「以前比較偏激，會鬧點解冇骨氣，但鬧又鬧過，嬲又嬲過都幫唔到事情。而家EQ會好咗，因為四方八面太多嘢攻擊，都要諗點應對，亦都會用唔同角度理解人哋嘅難處。我覺得要改變人哋，講係冇用，要自己做示範，可能有一啲單位仍然未必覺得方法係好，但可能有啲剛出來嘅年輕人睇到覺得係鼓勵。」髮型：Ben Lee／Jam Ng of AGLOW Private i化妝：Janice Tao of ZING the makeup school服裝：派PYE of KARLA OTTO、T by Alexander Wang of Harvey Nichols、Jimmy Choo
來源:
http://hk.apple.nextmedia.com/entertainment/art/20160809/19728264