ZKIZ Archives


中環在線:福娃唔益股民 李華華

2008-08-11  AppleDaily



北 京奧運如火如荼舉行,喺北京街頭巷尾都掛滿奧運吉祥物福娃,專程飛去北京嘅外國遊客,除咗睇奧運比賽,為自己國家嘅運動員打氣,梗唔少得買手信畀親朋戚 友,講到手信首選,當然係5隻福娃──歡歡、迎迎、貝貝、晶晶同妮妮嘅公仔,同佢哋嘅紀念品啦。據《東方早報》報道,福娃嘅玩具特許生產同經銷商之一、內 地上市公司海欣股份,就因為生產福娃而大賺1000多萬銀人仔。其實就算唔做外國遊客生意,單係做中國人生意,條數都好襟計,話晒中國10幾億人口,有一 半買福娃都賺到笑。

不過,福娃幫到海欣賺錢,唔代表旺到公司股價,海欣嘅股價年初至今插水超過六成,淨係喺奧運開幕嘅上個禮拜,公司股價就跌超過一成,都 咪話唔甘,最唔抵就係海欣啲股東。奧運效應已經到水尾,根據北京奧組委規定,福娃紀念品仲可以賣到出年3月,就算係咁,都未必幫到公司股價幾多囉。
PermaLink: https://articles.zkiz.com/?id=1672

小巴大王要攞威司機慘變人肉福娃

2008-8-28 NM




工潮浪接浪,打工仔繼續捱打。本刊發現,有「小巴大王」之稱的南區地膽黃文傑,為了搞活動攞威,竟要求旗下司機義務扮福娃做保安,有薪假期亦被剝削。

原來,這位公司市值三億的揸fit人,一直都用人用到盡。

奧運雖然已過,但小巴司機黃先生想起當日扮福娃的經歷,就一肚氣。

原來,南區區議會及南區康樂體育促進會在七月舉辦「南區同心迎奧運」節目,並在無綫播放,身為「南區地膽」,做了十九年南區區議員、現任南區康樂體育促進會主席的黃文傑,為了鼎力支持,於是動員公司旗下二十多名司機,在當日負責保安及表演活動,而所謂「表演」,其實就是扮福娃伴唱。

扮可愛焗餐死

「嗰日我哋一班司機朝早十點已經去到TVB,雖然裡面開行冷氣,但件福娃衫起碼有三吋厚,仲要由下晝一直著到夜晚,其間不停扮可愛做彩排,焗喺裡面真係想死!冇得休息,只得十五分鐘食飯時間。一毫子都冇收,仲要蝕一日大假俾佢添!」黃先生直言不敢反抗,因怕「無咗份工」。

上 週五,黃先生又被徵召,今次是替由港台主辦、在香港仔運動場舉行的「太陽計劃2008心火相傳到南區」音樂會做場內保安、接待等工作,又是義務冇錢收。除 了黃先生,還有另外三十多名小巴司機齊齊「獻身」。幸好當日颱風「鸚鵡」襲港,「心火相傳」活動臨時取消,黃先生等人立即如釋重負。

「都唔係第一次啦,六月二十一日『太陽計劃2008心火相傳啟動禮』喺香港仔包玉剛泳池舉行,老闆都要我哋做保安。」黃先生說,他隨即在口袋中取出糧單,上面顯示他當天被扣了一日假,「公司要我哋用自己有薪大假去做義工,簡直係無陰功!」

這些「無料」義務活動,全部都在南區舉行,皆因黃文傑是南區地膽。他的小巴王國進智公交,就是在南區崛起,目前市值三億,是本港至今唯一一間上市的小巴公司,旗下共有逾四十九條綠色小巴專線,合共營運二百九十九輛小巴,市場佔有率逾一成,大部分行走南區中環至銅鑼灣,每架小巴都印上公司名字,非常搶眼;而黃手上所持有的公司股份,總值二億。他和家人住在淺水灣麗景閣一個二千多呎、市值四千五百萬元的豪宅。

在進智公交做了兩年司機的黃先生便坦言,不明白進智公交作為一間上市公司,為何仍虧待他們:「如果間公司唔係成日搵我哋笨,我哋絕對唔會走出嚟!」

用人唔使本

其 實,黃文傑這種「用人」作風,在行內早已聞名。去年黃文傑兒子黃靈新競選南區區議會議員,不少司機都被調派上街派傳單兼拉票;本年六月香港仔避風塘舉行龍 舟賽,黃文傑又請了一班司機做啦啦隊。跟了黃十年的小巴司機李先生就說:「進智公交係黃文傑的家族生意,佢本身好鍾意攞威,成日喺出面炫耀可以隨時 call到一大班司機替佢做地區工作。」

一名地區知情人士透露,黃文傑搞好地區活動,有利他的小巴生意,「專線小巴有固定路線同上落客點,客源收入有保證,好多時要開某一條線,都係由地區提出,諮詢區議會,雖則話最後始終要政府通過,但同地區關係好,就好似行出第一步,始終着數啲。」

 

出 名精明慳家的黃文傑,更不惜打爛本地人飯碗請外勞,「黃文傑好進取,係佢第一個話要請外勞來香港包食包住搵食,請咗成三四十人,後來因為俾業界同工會鬧佢 搶本地工人飯碗,搞咗一兩年無搞。另外,又係佢第一個因為要增發小巴牌而告政府,都幾創先河。」香港九龍新界公共專線小型巴士聯合總商會主席梁雄說。

黃文傑對員工刻薄,對競爭對手亦絕不手軟。一名曾和他競投小巴牌的商人爆料,說運輸署最初招標小巴線時,都要求投標者交至少五萬元的按金,價高者得,黃就開出十倍價錢搶高按金搶標。

「當 時好多車主都供會,政府怕佢哋財政不穩,投到牌做唔住執笠,所以就要交按金。黃為求中標,舉例一條屋邨線要十部車,按金要五十萬元,佢就會加到五百萬,又 調其他線嘅車入來爭線,寫靚個標書,其他個體戶想入線,根本無可能,後來好多業界向運輸署投訴,當局先改咗計分制,話之前無投過線嘅有分加,但可惜已經太 遲,好多有錢賺嘅線都俾佢哋瓜分咗。」該名小巴商人說。

本週一,記者前往進智公交位於香港仔利群商業大廈的辦事處,要求直接面見黃文傑與黃靈新兩父子解釋,但負責接待的員工卻指二人並不在港。之後公司營運經理黃先生以電話回覆記者,指有關事件只屬個別情況,雖然他們確曾委派司機在個別活動中擔任不同崗位的工作,但強調每次均有支薪,不存在義務的工作,不過當記者要求他提供支薪證據時,他卻以「個個唔同及內部資料」為由拒絕,但就表示會調查事件。

黃文傑簡歷

年齡︰66

家庭︰

妻子:伍瑞珍

子:黃靈新

學歷︰中學畢業

授勳︰榮譽勳章(2000)、十大傑出青年(1981)

公職︰香港專線小巴持牌人協會主席、南區區議員(1988至2007)、南區區議會增選委員、香港大學教研發展基金榮譽主席

發蹟史

1969︰與朋友合資買下第一輛小巴,同時於牛奶公司任主管

1975︰成功投得香港仔至中環及銅鑼灣的綠色專線小巴經營權

1989︰綠色專線小巴增至八條,並開始引入專業管理

1990︰綠色專線小巴進軍新界

2000︰擁24 條綠巴路線,並收購其他綠巴路線營辦商擴展業務

2004︰進智公交正式上市

2006︰旗下公司不滿立法會通過決議,再次凍結及限制小巴數目,於是入稟高等法院,申請司法覆核

2007︰黃文傑家族購入獨立第三方大叁全部權益。大叁持有9個公共小巴牌照連小巴,經營荃灣及長沙灣的路線


PermaLink: https://articles.zkiz.com/?id=24652

Next Page

ZKIZ Archives @ 2019