ZKIZ Archives


富事通:杯麵的故事

1 : GS(14)@2012-08-06 12:03:08

http://www.sharpdaily.hk/article ... 4%E6%95%85%E4%BA%8B
老友每年都會去日本旅行。不過我唔明:「去得咁密,有乜嘢咁好玩?」
「都不知幾多嘢睇!今次我去橫濱新開嘅安藤百福紀念館。你哋班自由市場信徒,應該帶遊學團去參觀啦!抗衡一下國民教育嘛!呢個安藤百福,原名叫吳百福,台灣人,人稱即食麵之父。當年,安藤百福去外國推銷即食麵,點知洋人冇用碗,將個麵放入個杯用滾水沖,安藤靈機一觸,諗到將個包裝整到好似個杯咁,就成為今日嘅杯麵喇!另外,你又知唔知,呢個安藤,為咗做即食麵,去咗十幾個國家試麵。創業嗰陣,佢已經成六十歲,仲要之前曾經試過生意失敗,破過產㗎!」老友一輪嘴唔停咁講。
事實上,戰後日本絕地翻身,全憑呢一群唔怕輸、夠膽博嘅創業家。可惜,自從70、80年代之後,日本政府對財閥傾斜,仲搞到金融業都側埋一邊,結果造成泡沫。創業精神,亦同時消亡。70、80年代嘅日本人,人生目標係做經濟官僚或者財閥高層。
講開又講,漫畫《島耕作》系列,亦反映咗唔少日本嘅經濟現象。泡沫爆破之後,財閥同日本金融業,變做殭屍經濟。
經過廿幾年蕭條,日本又好似有新嘅一代創業家,佢哋嘅信念,就係要做真正地球村人。唔通,日本真係否極泰來?
李兆富
富事 事通 杯麵 麵的 故事
PermaLink: https://articles.zkiz.com/?id=280736

穿崩片引發行家爆大鑊Louis杯麵魔術被轟抄橋

1 : GS(14)@2015-04-13 08:53:26

【昨日】■本報連續兩日追訪Louis,昨他返元朗工作室時為抄橋解畫。攝影:徐錦池



魔法王甄澤權(Louis)在街頭表演杯麵魔術,被網友拍片直擊穿崩斷正,有港版大衞高柏飛之稱的Louis成為眾矢之的,昨本報連環收到讀者爆料,澳門魔術師劉寶明指控Louis涉偷杯麵橋,怒插Louis的做法令人憤怒;有網友去年已直擊Louis表演街頭魔術搵人做媒,甚至有網友踢爆他在美國Abbott Magic比賽獲冠軍,其實小朋友和老人家都可參加,並非職業魔術師比賽。


現年32歲的魔術師甄澤權憑無綫節目《街頭魔法王》成功上位,成為受歡迎的魔術師並於拉斯維加斯、香港巡迴表演。不過,日前他在節目變杯麵不慎被網友直擊穿崩,慘變網民嘲笑對象,昨本報更收到多位讀者爆料,澳門魔術師劉寶明更聲稱是杯麵魔術的原創表演者,於2011年在台灣TMA魔術大會已公開表演,狂轟Louis有抄橋之嫌。



【原創片段】■魔術師劉寶明聲稱是杯麵魔術的原創者,自己於2011年在台灣的魔術大會已公開表演,怒插Louis抄橋。互聯網圖片

【魔術穿崩】■Louis在便利店表演街頭魔術,不慎被網友直擊穿崩拍片(右圖)放上網。



行家:條橋劉謙幫我諗

兩個魔術都是將杯麵由冇變有,構思相似,劉寶明昨在電話勁插Louis:「呢條橋係劉謙幫我諗,佢想用番都問過我,當年Louis去台灣參加魔術活動,佢有顧問喺後台做工作人員,有可能睇咗呢個比賽。」劉寶明投訴Louis偷橋變杯麵,他說:「我有問佢點解,佢話咁啱得咁蹺。魔術界百分之九十九相似係好差行為,抄橋會俾人唾罵,令人憤怒。」
Louis於2010年在美國Abbott Magic比賽獲冠軍,劉寶明不屑說:「呢個比賽有兩個運作形式,一個係主辦覺得好掂畀獎,如劉謙、大衞高柏飛都攞過,另一種係畀10萬蚊港紙可以買到。」有讀者亦爆Louis參加的這個比賽,其實是美國Colon小鎮搞的魔術節,老人家和小朋友都可參加,2009及2011年的冠軍都是小朋友,踢爆Louis吹到自己超勁的大話;還指Louis曾參加香港魔術家協會的舞台公開大賽,結果卻名落孫山。昨本報向魔術家協會會長Albert求證,他承認:「09年Louis參加過我哋協會比賽但攞唔到獎,而美國嗰個只係一般比賽,唔係國際性,呢個比賽有兩個獎項,一係由評審覺得你掂頒獎,另一類係Louis參加嘅上台表演。」除了杯麵被踢爆穿崩外,亦有網友早於去年節目錄影第一輯時,已於街頭拍到Louis變魔術搵人做媒兼失手,當時工作人員叫停指有穿崩位,更叫做媒的人要投入些。本報連續兩日到位於元朗的工作室追訪Louis,對於被劉寶明投訴偷橋,Louis解釋:「我唔係好熟佢,我冇睇過佢啲魔術,絕對冇可能。」問杯麵魔術是否他原創?Louis說:「係,但有時其他魔術師做過呢,咁一定會有,因為我哋可以買番嚟做,會去改良。」至於被指在美國參加的魔術比賽有誇大之嫌,他說:「呢個比賽係一個踏腳石,好多出名魔術師都參加過,如大衞高柏飛、Lance Burton,唔係一個冇人識嘅比賽。」有質疑他的魔術是用鏡頭呃人,小朋友都做到,他說:「其實用鏡頭就位,魔術有時好多位可以睇到,所以安排觀眾邊個角度睇魔術,係魔術師嘅技巧。」至於有網友影到做媒,他說:「拍時一定會試機位先,覺得做得唔係咁好,我哋再嚟多次拍番好少少。」



■Louis於2010年獲美國Abbott Magic冠軍,但有網友爆該比賽並非職業魔術師比賽,小朋友亦曾攞過冠軍。

■Louis曾揚威歐洲及美國,先後獲得多個獎項。



Louis:好唔開心

對於杯麵魔術被踢爆穿崩位,他說:「好唔開心,呢個唔係正常睇魔術角度影嘅片,當然唔可以完全怪晒人哋,自己都疏忽冇留意到。」問之後表演會否硬性清場或落黑布?他說:「如果街頭表演咁樣清場更加冇咗意思,我哋會多啲注意呢啲位置,同埋設計上再做好啲。自己對團隊有啲抱歉,一分鐘魔術可能用咗十幾日研究。」採訪、攝影:徐錦池、畢紹基、黃曉程



【前晚】■Louis前晚在工作室外受訪,坦言對杯麵魔術被踢爆感到唔開心。

■有網友去年已拍到Louis在街頭變魔術要搵人做媒。互聯網圖片



【網友熱話】秋生:只好話道行未夠

Louis的杯麵魔術「施法」過程被踢爆,當事人跟同為主持的阿Bob已分別作出回應,至於網友們就有咁嘅反應。




反:【黃秋生】

魔術俾人踢爆,預咗㗎啦。踢爆嘅人亦冇所謂道唔道德,只係扼殺咗其他人嘅快樂。魔術師只好話自己道行未夠。(一般人冇必要守魔術師守則)



反:【Lau Joe】

直接原因是冇自知之明,唔夠班做街頭表演魔術,只適宜做鏡頭下表演,有問題可剪輯。



反:【Moonkee Yip】

高強嘅魔術師,唔會畀大家睇到穿崩,但呢個《至尊街頭魔法王》喺街嘅人會睇到穿崩,實在離奇。



撐:【Angus Chan】

公平啲講,個魔術如果喺後面睇都會穿啦,只係工作人員疏忽啫,咁又點算得真係穿崩呢。



撐:【Suk Wa】

識法何必破法?娛樂嚟啫,你估真係有超能力咩。



撐:【Vincent Ng】

人哋花咁多心機去做魔術,你哋使乜咁認真,人哋都係畀免費娛樂大家啫,係人都知魔術係假,明知假你都要走去識穿人,畀個魔術識穿大獎你好唔好,超無聊。





來源: http://hk.apple.nextmedia.com/entertainment/art/20150413/19110105
穿崩 崩片 引發 行家 爆大 大鑊 Louis 杯麵 魔術 被轟 轟抄 抄橋
PermaLink: https://articles.zkiz.com/?id=289538

【飲食籽】比達杯麵 食麵當食菜

1 : GS(14)@2015-05-27 13:54:14

《龍珠》中的比達,有無吃杯麵的劇情呢?可能真係要問問龍珠迷喇,不過,最近合味道在日本推出比達版的杯麵,據講特別適合食肉獸人士,一個杯麵可以滿足男士每日所需的三分一蔬菜量,大約等於120g的蔬菜,之所以搵比達做代言,難道鳥山明的設定中,比達都缺少蔬菜?原來比達個名,英文叫「Vegeta」,即是蔬菜囉!最近要到日本的話,不妨買個比達杯麵做手信,送禮自用都吸引!記者:許福合網址:https://youtu.be/YyD_zUA7G7U



補充男士每日需要的三分一蔬菜量。

比達是一個缺少蔬菜的人嗎?



來源: http://hk.apple.nextmedia.com/su ... t/20150527/19162184
飲食 比達 杯麵 食麵 麵當 當食 食菜
PermaLink: https://articles.zkiz.com/?id=290615

【旅遊籽】日人遊香港 最愛買杯麵?

1 : GS(14)@2015-07-23 01:21:40

香港人去到日本,好多人都是為了瘋狂掃貨,買電器、買食品、買龍角散、買藥膏貼.......總之印象中,香港人去到日本就是買嘢食嘢,有無倒轉想過,日本人去到香港,他們會買些甚麼呢?據日本網站Retrip的調查,第一位真係估佢唔到,竟然是杯麵!



第一位:杯麵據講合味道在香港發售的杯麵,有部份口味未有在日本發售,日本人最喜愛買XO醬海鮮味。





第二位:出前一丁同樣會買一些日本沒有發售的味道,XO醬海鮮味最受歡迎。





第三位:木茸榨菜絲





第四位:Lipton奶茶





第五位:陸羽茶包





第六位:OREO GOLDEN日本沒有這款OREO賣。





第七位:京都念慈庵葛根湯





第八位:虎標頸肩舒





第九位:京都念慈庵枇杷潤喉糖





第十位:余仁生湯包



以上網站投選的十款日人最喜香港土產,有那幾款你品嚐過呢?網址:https://retrip.jp/articles/6370/記者:許福合





來源: http://hk.apple.nextmedia.com/su ... t/20150717/19222182
旅遊 日人 香港 最愛 買杯 杯麵
PermaLink: https://articles.zkiz.com/?id=291683

【食咗先講】給墨西哥人吃的杯麵 辣肉芝士醬味

1 : GS(14)@2016-03-15 15:10:34

表面黃色芝士粒會隨熱水融化,與牛肉混在一起更誘食慾。


日清推出的杯麵口味永遠能使你吃驚,最新推出的墨西哥辣肉醬芝士味,對承受不了辛辣味的日本人可算是個大挑戰。當熱水沖進杯中一刻,一種德洲菜常出現的肉湯味瞬即瀰漫,表面的芝士粒漸漸融化,與牛肉粒黏在一起,可惜辣度似乎被調低過,未如理想。吃過的日本人這樣形容:「新口味在香氣與味道上遠超預期,似乎它可為在日本工作的墨西哥人一解鄉愁。」作為杯麵忠實用家,小編更期待它早日推出豉椒排骨味。記者:蘇健進資料及圖片來源:RocketNews24





來源: http://hk.apple.nextmedia.com/su ... t/20160315/19529311
食咗 咗先 先講 墨西哥 人吃 吃的 的杯 杯麵 辣肉 芝士 醬味
PermaLink: https://articles.zkiz.com/?id=297969

【香港好嘢】全球合味道杯麵選舉廿強 香辣+XO醬海鮮味上榜

1 : GS(14)@2016-05-19 02:23:34

日清合味道杯麵,相信你同我都係由細食到大喇!為慶祝Cup Noodle45歲生日,日清就搞咗個「世界の杯麵總選舉」,嚴選20款來自11個唔同國家同地區嘅合味道杯麵,放上網畀粉絲投票。


入選廿強杯麵,包括有中國代表五香牛肉味及香辣牛肉味、新加坡嘅冬蔭功海鮮及辣蟹味、德國嘅芥末味及香菇味等,最厲害係香港都有代表入圍,就係香辣海鮮及XO醬海鮮味。自己人當然要撐自己人,記得去投票喇!世界の杯麵總選舉投票日期︰5月11日早上11時起至5月31日凌晨(每人每日只限投一票)公佈結果日期︰9月12日記者︰黃依情



中國代表:五香牛肉味及香辣牛肉味

新加坡代表:冬蔭功海鮮味及辣蟹味

德國代表:芥末味及香菇味



日清粉絲可在網上投票,5月31日截止。



來源: http://hk.apple.nextmedia.com/su ... t/20160516/19613177
香港 全球 味道 杯麵 選舉 廿強 香辣 XO 海鮮 上榜
PermaLink: https://articles.zkiz.com/?id=300286

【杯麵激鬥】港版日版叻沙杯麵 挑戰星洲版

1 : GS(14)@2016-08-09 07:33:51

試完三款,試食者指日版合味道的椰味較濃,港版帶辣較惹味,至於KOKA,則味道略淡。



早前,外國有blogger選出全球最佳十大即食麵,頭三名中有兩款是叻沙口味,看罷隨即勾起叻沙癮。坊間叻沙味杯麵不多,最近日清就推出港版合味道叻沙味杯麵。今次我們找來日版,以及另一品牌KOKA的星洲叻沙味,並邀請幾位記者試食,按其辣度及叻沙味濃度評分。最後,有試食者表示,港版合味道的湯底帶辣較惹味,而日版的椰味則較濃,最似叻沙。至於KOKA,雖然湯底色澤較其餘兩款紅,但味道略淡,叻沙味不濃,只有少少辣味。


記者:湯珮然攝影:陳永威



KOKA星洲叻沙味,湯底色澤較其餘兩款紅,但叻沙味不濃,只有少少辣味。$7.5

日版合味道叻沙味杯麵,湯底呈奶白色,椰香味較濃,麵質較其餘兩款「吸汁」。$16.9

最近推出的港版合味道叻沙味杯麵,標榜新加坡風味,與日版相比,其辣味較特出。$10



試食員Hades

試食員Nick

試食員Yuki



試食員Crystal



來源: http://hk.apple.nextmedia.com/su ... t/20160809/19728445
杯麵 麵激 激鬥 港版 版日 日版 版叻 叻沙 沙杯 挑戰 星洲
PermaLink: https://articles.zkiz.com/?id=305155

【有冇搞錯?】日版魚翅杯麵襲港 日清︰有魚翅成份

1 : GS(14)@2016-08-16 06:28:38

日清為慶祝45歲生日推出的奢華版魚翅及水魚湯杯麵,最近在卓悅有售,每個$13.9。



日清為了慶祝45歲生日,4月在日本推出兩款奢華版的魚翅及水魚湯杯麵,最近路經卓悅發現這款杯麵已到港,當然要試試!魚翅版湯底如打了厚芡般,味道十足婚宴時吃到的上湯伊麵,而配料則有濃濃中國風,有杞子、木耳碎等,還找到幾條應該是用魚膠粉做的魚翅。至於水魚味,湯底則較稀,但味道就認真麻麻,京葱及薑味很濃,還滲出陣陣腥味。兩款杯麵每個也要10多元,當試新產品還可以,如果是想用來醫肚的話,還是買個海鮮口味好。



不過,兩款杯麵在日本推出時,外界反應不一,有保育人士質疑為何還要宣傳食魚翅。我們看過盒上成份,發現魚翅杯麵中,有種材料是來自魚翅,就去信向日清日本總部查詢,他們承認的確是用了少量台灣產的鯊魚魚翅蛋白肽。而水魚味,就有一款水魚粉,我們也詢問了漁護署,他們說根據圖片顯示,未有資料顯示出這粉是源自瀕危的品種。所以大家會否「豪一次」,還是自行判斷一下。記者︰黃依情攝影︰林栢鈞


魚翅版湯底非常濃稠,如打了厚芡般。

水魚味湯底較稀,但滲出陣陣腥味。

魚翅杯麵在日本推出時,有保育人士已質疑為何還要宣傳食魚翅。


魚翅杯麵上有種成份是Pork& Fish Collagen Peptide,記者去信日清日本總部查詢,證實是有鯊魚魚翅成份。



來源: http://hk.apple.nextmedia.com/su ... t/20160816/19737774
有冇 冇搞 搞錯 日版 魚翅 杯麵 麵襲 襲港 日清 成份
PermaLink: https://articles.zkiz.com/?id=306124

【周末搵食】日限名額20個!自製甘大滋杯麵口味任你配

1 : GS(14)@2016-08-21 08:11:41

Okashi Galleria最近開放一樓,讓客人可以自製杯麵和甘大滋零食。



灣仔利東街一間零食概念店,這星期終於開放一樓作創意烘焙工作坊,讓大家自製獨一無二的杯麵和甘大滋小食。工作坊設有一部巨型的食物機,客人只要扭動下方的軚盤就可以挑選麵餅,之後麵餅就會隨螺旋軌道掉下來,客人就可以選自己喜歡的配料,再印自己的包裝紙貼上去。這聽着雖然很簡單,可是想製作一個杯麵也有些地方要留意:

1.一定要順時針扭軚盤

如果想讓麵餅順利掉下來,記得要以順時針的方向扭軚盤,不然就可能會中途散開或變碎。



一樓設入一部巨型食物機,可讓客人自製杯麵和杯裝糖果。

另外還設有小廚房,讓客人可以即席製作壓模曲奇/甘大滋/即花曲奇。


2.配料湯包有上限

每一碗杯麵最多只可以選五款配料和一款湯包。我就比較推薦蟹肉跟小白菜,吃上去會清新一點。


3.自拍相冇美圖

杯麵做好後,就可以去電腦區印製包裝紙。客人可以選即場自拍(電腦已配鏡頭),也可以選上載相片。自拍比較簡單,只要擺好姿勢就可以拍照,不過電腦沒有配備美圖的功能,可能要多拍幾張才滿意。上載相片就需要連入店舖的WIFI,再用手機上特定的網址上載,雖然比較繁複,但卻能選一張自己最滿意的照片。


4.貼包裝紙前要度位

貼紙印好後,客人就可以自行貼上紙杯。貼紙的黏性比較強,因此貼前最好先放上紙杯度位,不然貼歪了就沒法補救。


5.每日僅20個免費名額

暫時工作坊只提供20個免費名額,而且僅限自製杯麵或杯裝糖果。而想免費參加工作坊就要先符合其中一項條件:1)8月生日,2)8月註冊結婚(須帶同結婚證書),3)2016年8月考獲車牌,或4)於2015-2016年度考獲首三名(任何學術成績或比賽)。如果不符合資格或名額已滿,就要付原價$98或購買$300零食才能參加囉。而製作甘大滋的烘焙工作坊則需要預先報名,每個時段約90分鐘,每日有3個時段。不過每個時段只有12個名額,而且價錢也比較貴。時段:11:00-12:30/14:30-16:00/17:00-18:30價錢:個人$235;家庭(1位成人及1位4-12歲小孩)$335
Okashi Galleria灣仔利東街地下G14-15號1樓記者:黃映嫚




來源: http://hk.apple.nextmedia.com/su ... t/20160821/19744347
周末 末搵 搵食 日限 名額 20 自製 甘大 大滋 滋杯 杯麵 口味 任你 你配
PermaLink: https://articles.zkiz.com/?id=306773

【開箱試】Marks & Spencer出杯麵 網上劣評合理嗎?

1 : GS(14)@2016-09-06 22:52:11

越式即食河粉$29河粉質感頗軟,但湯的味道與我們食慣的牛湯完全是兩回事,香料味重但沒有牛味。



英國早前推出一系列以豪華版做招來的東南亞風味杯麵,一上市香港討論區已出現不少負評。為了證實一下網上負評的真假,我們就實試,從配料、份量和味道看看杯麵是否如此不吸引。



Marks& Spencer中環皇后大道22至28號中匯大廈地庫至一樓記者:吳宛蔚攝影:許先煜


日式即食拉麵$29配料有乾燥青豆、蘑菇和海帶,比一般杯麵豐富,可惜麵質較腍,湯底味道亦不夠地道。

星洲即食喇沙$29咖哩味頗濃,但麵質地似河粉完全不吸湯,有點失望。



來源: http://hk.apple.nextmedia.com/su ... t/20160906/19761248
開箱 Marks Spencer 出杯 杯麵 網上 劣評 合理
PermaLink: https://articles.zkiz.com/?id=307867

華客韓餐廳食杯麵 搗亂打台店員

1 : GS(14)@2016-09-09 05:36:39

■事發現場一片狼藉,食客遺下杯麵。



中國遊客出國爆買,消費力聞名天下,但往往會有人做出丟臉行為。日前幾名中國遊客在南韓首爾一間炸雞店用餐時,屢次無視店方勸告,在餐廳內淥杯麵,還發難搗亂,推撞台籍女店員,最後被警方拘捕及限制出境。



■野蠻陸客在炸雞店裏指罵台灣籍店員。

「我們有的是錢」

「推打我們台灣人就是不對,不共戴天!」一名姓黃網民昨天凌晨在facebook群組《爆料公社》發文,控訴五名中國遊客在南韓首爾「橋村炸雞東大門1號店」用餐時鬧事,更欺負一名台灣女店員。文中指炸雞店在門外張貼「禁止攜帶其他食物入場」的告示,但幾名中國遊客入內用餐時,卻以「小孩肚餓要吃」為由,拿出杯麵,店方起初顧及小朋友而同意,沒想到幾名遊客變本加厲,特地再出外買三個杯麵回餐廳沖熱水食用,被店員制止時,竟反指「炸雞店沒賣麵沒賣飯,成何體統」。其實店方先後四至五次勸告中國遊客不要吃杯麵,當一名台籍女店員上前收走杯麵時,中國遊客輪番怒罵推撞女店員,餐桌和地上都一片狼藉,數個玻璃杯被打破。目擊的網民指店方不斷賠罪道歉,不過幾名中國遊客似乎不領情,還繼續鬧事,數次露出紋身自稱流氓,出言恐嚇,「跟野蠻人一樣要闖進櫃台內,說要打台灣女店員」。忍無可忍之下,店方報警處理,起初幾名中國遊客揚言「我們有的是錢,不怕」,但警方翻看閉路電視掌握當時情況後,決定把他們押上警車帶走,此時幾名中國遊客才發現事態嚴重,希望店方大事化小,但要求和解時還繼續大罵女店員,店方決定控告他們,幾名中國遊客目前被南韓警方拘留。台灣《蘋果日報》




來源: http://hk.apple.nextmedia.com/international/art/20160909/19765239
華客 客韓 餐廳 食杯 杯麵 搗亂 打臺 店員
PermaLink: https://articles.zkiz.com/?id=308316

【日清票選】合味道杯麵全球總選 香港代表勝出!

1 : GS(14)@2016-09-13 08:05:00

香港代表香辣海鮮味脫穎而出,成為第一!



杯麵大家一定食過,最好味你又覺得係邊款?



合味道為紀念杯麵誕生45周年,今年5月舉辦了合味道杯麵投票。邀請網民於20款合味道杯麵口味中,挑選最想吃的一款。20款口味由日清嚴選,分別來自11個不同的國家和地區,香港的香辣海鮮味和XO醬海鮮味都有入圍。另外入圍的還有泰國代表冬蔭功蝦口味、新加坡代表辣椒蟹口味、德國代表芥末口味等等。投票結果今日出爐,香港代表香辣海鮮味脫穎而出,成為第一!11月,日清更會為這種口味推出加大版BIG Cup Noodles。香港杯麵原來咁受歡迎,香港人又可以有自己嘅手信喇!記者:李珮禎


香港代表口味。

中國代表口味。

泰國代表口味。


新加坡代表口味。

菲律賓代表口味。

印尼代表口味。


印度代表口味。

德國代表口味。

美國代表口味及墨西哥代表口味。


巴西代表口味。



來源: http://hk.apple.nextmedia.com/su ... t/20160913/19768838
日清 票選 味道 杯麵 全球 總選 香港 代表 勝出
PermaLink: https://articles.zkiz.com/?id=308942

【海馬襲港】就算只得一個杯麵 你都可以對自己好啲!

1 : GS(14)@2016-10-22 22:29:23

颱風天,儘管只剩下一個杯麵,當配合一些簡單食材,也可以製作到美味的料理。



外面橫風橫雨,衝唔切去超巿與街巿搶貨?唔緊要!就算家中只剩低一個杯麵,只要配合一些簡單食材,已經唔駛頹食,可以對自己好啲!



方法一:牛奶代熱水先把牛奶煮沸,替代熱水淥麵,可以令杯麵的湯底更鮮甜,減少味精的油膩,而且冇咁鹹。方法二:日式蒸蛋食完個杯麵仲有啲肚餓?啲湯都唔好浪費啊,只要把食剩的湯底,倒入已經攪拌好的雞蛋,再放進微波爐叮約2分鐘30秒,熱騰騰又嫩滑的日式蒸蛋就會呈現於眼前。方法三:加蛋加葱花有時用熱水淥杯麵,感覺真係好頹,其實只要加隻雞蛋,臨食前再撒一點葱花。單憑賣相已經加晒分,加上半生熟的蛋漿與麵條混合後,味道的確十分配搭,而且葱花的香味有錦上添花的作用。打風買唔切餸,其實煮個杯麵都可以好好吃,無謂要別人在強風下為你送外賣吧!記者:黃凱婷、吳業紅攝影:周旭文


不想用熱水淥咁單調,可以牛奶代替。

善用杯麵湯底,倒入已經攪拌好的雞蛋,再放進微波爐叮約2分鐘30秒,熱騰騰又嫩滑的日式蒸蛋呈現於眼前。

杯麵加蛋加葱花,吃下去有點茶餐廳湯麵味道,非常驚喜!



來源: http://hk.apple.nextmedia.com/su ... t/20161022/19808406
海馬 襲港 就算 只得 一個 杯麵 你都 可以 自己 好啲
PermaLink: https://articles.zkiz.com/?id=313187

【馮仁昭四圍超】柯震東博翻身 做工廠捱杯麵

1 : GS(14)@2016-11-18 17:56:40

柯震東兩年前涉毒被入獄,由《那些年,我們一起追的女孩》的天堂,跌落地獄,經過兩年歷練,憑電影《再見瓦城》入圍今屆金馬獎最佳男主角。早前佢同導演趙德胤、女主角吳可熙為電影宣傳,喺尖沙嘴接受訪問。



■柯震東(左)及吳可熙主演嘅《再見瓦城》,入圍角逐多個金馬獎項。劇照

戲中再吸毒

25歲嘅柯震東同吳可熙喺開拍前幾個月,被導演安排到工廠打工,柯震東話要做粗重工作同食即食麵,日日如是:「在工場早上用溫水泡麵,等中午的時候,麵就吸乾水,不知吃掉多少個,以後也不再食。」曾涉毒的他戲中再拍吸毒戲,柯震東指沒有勾起甚麼回憶:「拍攝前找過當地人,了解過一些經驗,跟劇本非常合理發生的事情,不是刻意的去做。」吳可熙喺戲中演偷渡黑工,開拍前到泰國當洗碗工人:「現在想起洗碗也驚,為了製造粗糙的手,所以一直沒有用手套。」佢認為演員就係要適應唔同環境,演唔同階層嘅人。另外,導演趙德胤早前已贏咗台北電影節最佳導演獎,《再》片花咗5年時間籌劃,演員訓練用咗一年。導演自言入圍嘅都係前輩,自己睇好《七月與安生》,佢話:「我對《七》很好奇,不知道它會否得獎,看預告是喜歡,很新鮮,不一樣的青春拍法。」撰文:馮仁昭場地提供:美麗華酒店




來源: http://hk.apple.nextmedia.com/entertainment/art/20161118/19837297
馮仁 仁昭 四圍 柯震 震東 東博 翻身 工廠 捱杯 杯麵
PermaLink: https://articles.zkiz.com/?id=316142

【零味精】鰂魚涌東南亞菜外賣店 必試多菜健康版杯麵

1 : GS(14)@2017-08-02 06:15:53

檳城湯麵是健康版杯麵,買回來後,要加凍水放入微波爐加熱。湯底味道偏淡,蔬菜份量多,肉丸鬆化美味,$48。



鰂魚涌商業區,最近開了一間新的外賣店「Hawkr」,主打東南亞風味食物,售賣食物款式多達50多種,包括新鮮果汁、乳酪、咖啡、飯盒、沙律、甜品等,全部由廚界紅人、韓國爆紅私房菜「Sook」負責人Mina Park設計。



她設計的食譜特別多蔬菜,而且堅持不加味精和人造色素,食物絕大部份都是即賣即食,除了他們自製的杯麵。杯麵以新鮮麵條做成,裏面有多款新鮮蔬菜和香草,湯底選用有機材料自家調製而成,客人買杯麵後,可請店主幫忙加凍水後放入微波爐加熱,湯底味道偏淡,蔬菜量極多,比一般粉麵健康。小店提供的食物味道不錯,選擇亦多,惟獨份量對男士來說偏細,女士則剛好,價錢算合理。



印尼爪哇牛肋條飯香料味濃,不辣,牛肋條燜得軟腍入味,不過白飯份量比一般港式外賣少,只有約一碗,$68。

除主菜,他們亦提供以超級食物蘭香子和奇亞籽成的布甸做甜品,$36。

Hawkr由香港緬甸混血兒Ivan Pun、Mina Park和英國人Jake Astor共同創辦,他們覺得香港外賣店食物非常單一,不是中式就是西式,於是研製東南亞風味食物,為打工仔提供多一個午餐選擇。

Hawkr鰂魚涌海光街36號地下味道:★★★★價錢:★★★份量:★★記者:吳宛蔚攝影:徐振國2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170801/20107741
味精 鰂魚 魚湧 東南亞 東南 外賣 必試 試多 多菜 健康 版杯 杯麵
PermaLink: https://articles.zkiz.com/?id=339405

【飲食籽】1個杯麵 4種食法變大餐

1 : GS(14)@2017-08-04 06:36:15

【飲食籽:簡易食譜】今個夏天好像特別多風雨,在打風落雨的日子,不想落街,不如吃個杯麵吧。從前吃杯麵都是為填肚子,但現在的杯麵越出越多花款,也越來越大碗,配料也非常豐富,與放在雪櫃常備的腸仔和雞蛋配搭,不用多花幾分鐘便成一份一人前豐盛大餐。



【材料】杯麵1個連湯配料及附送的泡菜辣油和湯粉、滾水適量番茄芝士撈麵—番茄汁1罐、芝士粉適量、葱花適量雞尾腸辣麵卷—雞尾腸4條、泡菜辣油及蛋黃醬少許泡菜豆腐湯—高野豆腐1塊、金菇半包(切碎)、乾葱碎、湯配料半包、湯粉1包金菇茶碗蒸—蛋1隻、金菇半包(切碎)【工具】隔篩筷子碗焗盤焗爐紙微波爐碗份量:1人 時間:20分鐘 快手指數:★★★☆☆



【做法】番茄芝士撈麵:1.杯麵加滾水,焗麵3分鐘,麵隔水,取出3/4份麵條。





2.倒入用熱水座暖的罐頭番茄汁,趁麵熱放上芝士粉,加葱花拌勻成番茄芝士撈麵。



雞尾腸辣麵卷:留下的1/4份麵條拌杯麵附送的泡菜辣油,把麵條排齊,捲入雞尾腸成雞尾腸辣麵卷,放入焗盤中,以攝氏180度焗6分鐘,配蛋黃醬上碟。


泡菜豆腐湯:高野豆腐泡水,擠乾,切細塊。半包金菇切碎。把材料放入微波爐碗中,加入杯麵附送的湯粉1包,杯麵湯配料半包,金菇和高野豆腐加滾水至7成滿,蓋住。高火加熱2分鐘,取出,倒起1/3杯湯留用,成泡菜豆腐湯。



金菇茶碗蒸:蛋打開,倒入做泡菜豆腐湯留用的1/3杯湯,份量為蛋漿的1.5倍,打勻,隔篩過濾,放入微波爐碗中,加入金菇碎,用微波爐中高火加熱分半鐘,餘下半包的湯配料泡開,放在蒸好的蛋上,成金菇茶碗蒸。【貼士】雞蛋要先過濾1次,才可以蒸出滑嫩效果。



採訪:謝翠玲攝影:周芝瑩、鄧鴻欣編輯:馮秀珍美術:黃創泰




來源: http://hk.apple.nextmedia.com/su ... t/20170804/20110593
飲食 個杯 杯麵 種食 食法 法變 大餐
PermaLink: https://articles.zkiz.com/?id=339665

【台南掃超市】旅遊blogger阿春爸:杯麵拜神後自己食

1 : GS(14)@2017-09-17 16:16:44

如果想有餸送麵,可揀呢款爌肉麵,內有一包味道不錯的爌肉肉丁,夠晒足料。HKD11



跟台灣旅遊作家阿春爸去行超市,以為他想介紹台南特色手信,他卻帶我去杯麵欄揀台灣杯麵。很多人也知道,台灣人愛吃杯麵程度不低於港人,地位之高,連拜神時也會拿杯麵去拜。阿春爸:「大學生時代我們很窮,沒錢時就吃杯麵渡日,吃盡台灣所有杯麵。農曆七月我們說鬼門開,普渡時我們會買一整箱去拜神,拜完後就我們自己吃。」除了幾款台灣人由細吃到大的杯麵,阿春爸還推介了本地人居家必備罐頭,魯肉、麵筋、紅燒鰻魚等,送飯送粥都食;台灣人小時候吃的古早零食,到現在還有賣,去台灣旅行又多一個手信選擇了。



維力炸醬麵簡直是台灣人集體回憶,內有湯包可製清湯送麵,加埋同為維力出的炸醬罐頭,更有風味。HKD6

紅燒鰻魚有辣味、黑胡椒等口味選擇,質感有點似豆豉鯪魚,味道超惹味,除了送飯更可做不同料理。HKD8

甜甜哋的土豆麵筋內有花生,台灣人早餐都會配白粥食。HKD6


阿春爸說台灣罐頭的老品牌,平日懶得煮飯,開一罐配飯,味道不比外面魯肉飯遜色。 HKD8

阿春爸亦推介了幾款小時候愛吃的零食,每家雜貨店都有賣,是本地人送酒必備。

阿春爸說平日懶得煮飯,就直接開幾個罐頭送飯,立即變成好味便當。

記者:王秋婷攝影:伍慶泉鳴謝:亞洲萬里通、台南晶英酒店2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170910/20147963
臺南 南掃 超市 旅遊 blogger 阿春 春爸 杯麵 拜神 自己
PermaLink: https://articles.zkiz.com/?id=341067

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019