📖 ZKIZ Archives

三母女都靚！李嘉欣罕見短褲look半島湊仔

1 : GS(14)@2016-09-06 22:51:04

周日最岩家庭樂，李嘉欣（Michele)前日就一家大細去了尖沙嘴半島飲茶，老公許晉亨、囝囝Jayden，還有李媽媽等，浩浩蕩蕩七八人在半島離開。向來愛連身裙的李嘉欣，前日一身罕見的短褲look湊仔，她以scarf top配麻質短褲、Maison Michel招牌草帽，本來感覺相當casual，但她搭配高跟鞋、水桶袋提升造型。水桶袋熱潮依然，除了曾一度斷市的潮牌Mansur Gavriel、嘉欣愛牌Alaia都有出品。至於同樣靚女、已嫁入豪門的家姐李嘉明，則拎富太愛牌的Hermès Lindy帆布袋，三母女企在一起等車，相當搶眼。更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20160906/19761578
PermaLink: https://articles.zkiz.com/?id=307840

露肩熱未減　李嘉欣着綠衫拎Hermes綠袋襯老公

1 : GS(14)@2016-10-01 13:19:55

李嘉欣日前與老公許晉亨，在中環出席高級百貨Harvey Nichols專門店開幕活動，李嘉欣穿上私伙的綠配黑衣着，襯打綠色呔的老公，來個低調情侶裝。露肩hit了多時，熱潮仍未減，李嘉欣日前就穿上西班牙設計師品牌Emilio De La Morena綠色露肩上衣，配黑色荷葉邊裙，連鞋履、手袋都是綠色，手挽矜貴的鱷魚皮Kelly clutch就最吸睛。更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20161001/19787739
PermaLink: https://articles.zkiz.com/?id=310871

囝囝嘟咀獻吻勁Sweet　李嘉欣公開爺孫樂家庭照

1 : GS(14)@2016-10-10 16:14:33

嫁入豪門嘅李嘉欣不時喺Instagram同微博等社交網站公開生活照，佢同老公許晉亨通常有正面相睇，至於囝囝許建彤（Jayden Max）就神秘啲，影背面多。今日李嘉欣就突然貼咗張小JM同爺爺許世勳嘅錫錫相，睇相相信係喺車入面影嘅，小JM嘟到個嘴仔好長，哄埋爺爺度，嘉欣寫住「97 years old+5 years old= tons of♥」，真係唔使說明都知道件事有幾sweet。




來源: http://hk.apple.nextmedia.com/entertainment/art/20161010/19796157
PermaLink: https://articles.zkiz.com/?id=311393

【馮仁昭四圍超】李嘉欣晒爺孫玩樂

1 : GS(14)@2016-10-11 08:12:01

大美人李嘉欣經常都會喺社交平台上載同老公許晉亨，或者一家三口嘅珉馨相，不過大多數都會「避一避」囝囝許建彤（Jayden Max）個樣。



李嘉欣資料圖片

不過，日前嘉欣就激罕地上載咗囝囝同爺爺許世勳嘅合照，相中Jayden嘟長嘴錫爺爺，真係隔住個mon都feel到爺爺畀佢冧到暈，嘉欣就留言寫：「97 years old+5 years old= ons of？」撰文：馮仁昭




來源: http://hk.apple.nextmedia.com/entertainment/art/20161011/19796732
PermaLink: https://articles.zkiz.com/?id=311563

緣份擋唔住　大劉李嘉欣分手後多次偶遇

1 : GS(14)@2016-10-17 08:09:21

大劉劉鑾雄一向多情，對身邊女友買豪宅買珠寶絕不手軟，對於舊愛李嘉欣，大劉就試過喺06年，擲20萬登報紙頭版賀女方生日，有傳佢旗下嘅尖沙嘴商場The ONE都係以嘉欣為靈感命名。不過大劉就講過，同嘉欣逾10年感情，唔可以單純用物質去衡量。雖然李嘉欣喺08年，嫁俾許晉亨順利入豪門，但佢同大劉多年嚟，仍不時有緣相遇：


2010年6月婚後首次同場

嘉欣40歲生日當日，同老公許晉亨十指緊扣到大劉主場嘅灣仔福臨門嘆茶慶祝，原以為會避席嘅大劉，帶住陀B女友呂麗君到場慶祝父親節，一對過氣情人同場鬥晒幸福。亦係嘉欣08年同亨亨結婚後，首次同大劉同場。


2010年9月大肚嘉欣踩場

距離二人首次同場後3個月，大劉到飯堂福臨門預祝中秋節，仲安排兩女友呂麗君同甘比（陳凱韻）分更輪流相伴享齊人福。點知中途殺出盛傳懷孕4個月凸肚嘅李嘉欣，拖實老公許晉亨踩場，再同舊愛大劉撞到正。


2015年2月繼續福臨門

年初二當日，大劉中午如常同女友甘比去福臨門食開年飯，當時大劉手持拐杖，由甘比扶住行入飯堂，之後大劉女兒劉秀融亦都有嚟。平時只喺飯堂食晏嘅大劉，當日夜晚再到飯堂「翻啅」，撞正同老爺許世勳一家嚟食開年飯嘅嘉欣。


2016年10月12日前後腳到靈堂

城中富豪鄭裕彤設靈，李嘉欣同夫家現身向彤叔致祭，隔2分鐘，舊愛大劉就由甘比扶住抵達，嘉欣同亨亨逗留約二十分鐘，下午5時39分坐車離開，大劉下午6時左右坐車走。一對舊愛喺靈堂相遇。




來源: http://hk.apple.nextmedia.com/entertainment/art/20161017/19803560
PermaLink: https://articles.zkiz.com/?id=312427

回暖繼續跌膊李嘉欣穿off-shoulder明艷照人

1 : GS(14)@2016-11-17 11:30:39

大美人李嘉欣雖然已經46歲，但保養得宜，每次現身都明艷照人。平日以湊仔為樂的她，不時都會相約家姐李嘉明及好姊妹邱李茂琪、盧淑儀見面聚會。日前，嘉欣為好姊妹慶祝生日，天氣又再回暖之下，繼續以跌膊赴會。她揀穿了一件白色上衣，斜膊設計時尚又性感，仲可以大騷白滑靚膊，簡單配戴耳環點綴，再加上桃紅唇妝，已經顯得非常亮眼有女人味，絕對是非一般的凍齡美魔女。




來源: http://hk.apple.nextmedia.com/entertainment/art/20161117/19836084
PermaLink: https://articles.zkiz.com/?id=315947

李嘉欣結婚八周年晒幸福

1 : GS(14)@2016-11-24 07:39:35

■大劉舊愛嘉欣昨日放閃賀自己與許晉亨的結婚周年紀念。微博圖片



李嘉欣曾是劉鑾雄的紅顏知己，十年前大劉在報章刊登全版廣告祝嘉欣生日快樂，現在嘉欣和老公許晉亨婚姻生活恩愛甜蜜，大劉亦於上周五入紙申請和甘比註冊結婚，各自有幸福家庭。嘉欣與亨亨跨過七年之癢，昨日是他們結婚八周年紀念日，嘉欣在微博放閃晒幸福，特意把多幅和老公拖手及互相凝視的恩愛合照，合併成一幅圖片放上網，留言：「今天我們結婚八年了！」不過嘉欣就沒有分享如何慶祝結婚八周年紀念，照片亦不見囝囝Jayden，未知是否過二人世界慶祝呢？撰文：葉綠悠




來源: http://hk.apple.nextmedia.com/entertainment/art/20161124/19843456
PermaLink: https://articles.zkiz.com/?id=316825

李嘉欣賀大劉再婚「我會祝福佢」

1 : GS(14)@2016-12-10 13:29:36

■嘉欣昨日出席慈善活動時，對舊愛大劉再婚表示祝福及恭喜。



大美人李嘉欣昨日在馬鞍山出席「Live to Love」組織的慈善活動，與嘉旺竹巴法王齊舉行儀式，然後帶着一些視障人士步行，以及宣揚環保訊息。嘉欣接受訪問時讚揚這活動十分有意義，問到會否做探訪，她表示：「自己都想帶小朋友去外地探訪，平時喺香港都有參與少少探訪活動，有解釋畀佢聽幸福唔係必然。」嘉欣指囝囝Jayden愛畫畫，可以考慮以不同方式入手做慈善，而她以兒子為名的JMJ基金亦有興建學校。嘉欣曾與大劉劉鑾雄拍拖多年，06年二人雖然分手，男方仍在她生日刊登全版以「The One」賀壽，二人感情非泛泛之交。對於舊愛大劉早前換腎，現正逐漸康復中，他入紙申請與拍拖14年的女友甘比結婚，嘉欣表示會祝福及恭喜。問到大劉身體康復時，她再重複：「我諗健康同開心最重要，我會祝福佢，人逢喜事，最重要開心同健康。」再問會否親自致電大劉，她表示：「透過傳媒，喺慈善活動送上祝福就可以。」至於會否覺得大劉結婚倉卒，她表示：「我冇個人感受，總之為佢送上祝福。」



■大劉上月入紙申請與拍拖14年的甘比結婚，給予對方「劉太」名份。資料圖片

■嘉欣與嘉旺竹巴法王（左二）帶同視障人士慈善步行。

■謝雪心一向誠心祈福，昨亦有前往支持嘉旺竹巴法王的慈善活動。


東京慶結婚8周年


嘉欣不太願多提大劉，但就透露與丈夫許晉亨剛去東京慶祝結婚8周年，問到有否送上禮物，她表示：「我哋唔使特別送禮物，我哋去嗰時仲遇上最凍初雪。」問到會否趁浪漫時機造人，她笑言：「造人唔使趁落雪。」採訪：張俊銘攝影：沈健程




來源: http://hk.apple.nextmedia.com/entertainment/art/20161210/19860578
PermaLink: https://articles.zkiz.com/?id=319067

李嘉欣病住過新年IG晒Fendi童裝

1 : GS(14)@2017-01-05 08:07:16

大美人李嘉欣早前在聖誕同老公許晉亨、囝囝飛去北海道過節滯留當地機場，返港後原來未病好。嘉欣病未好，前日下午亦不忘在instagram發帖po相，今次沒有自拍靚樣，反而是兩件童裝衫，似乎是朋友送給囝囝Jayden的禮物，嘉欣在hashtag中表示感謝。這兩件童裝冷衫是意國品牌Fendi的出品，印上品牌簽名怪獸圖案，色彩繽紛，售價約$1,700及$1,900。




來源: http://hk.apple.nextmedia.com/entertainment/art/20170104/19885643
PermaLink: https://articles.zkiz.com/?id=321370

【美麗誤會】李嘉欣不是The ONE

1 : GS(14)@2017-01-27 07:40:34

李嘉欣曾經是劉鑾雄生命中的一個女人，大劉名下華人置業於02年斥資11.06億元買入位於尖沙嘴的東英大廈，06年拆卸後重建，同年大劉以「The ONE」的署名，在報章刊登全版廣告，高調賀舊愛嘉欣於6月20日生日快樂，並寫着「With love」寄意，由於當年嘉欣和許晉亨拍拖，這份生日廣告轟動一時。


09年大劉將東英大廈易名為「The ONE」，有指是為08年成為許太的嘉欣送上生日禮物，情深義重。當年大劉兒子劉鳴煒出席「The ONE」命名儀式記者會時，被問到名字是否意有所指？他尷尬表示是揀一個簡單、直接、易記的名字。




來源: http://hk.apple.nextmedia.com/entertainment/art/20170127/19910112
PermaLink: https://articles.zkiz.com/?id=324421
Next Page
ZKIZ Archives @ 2019