ZKIZ Archives


寫書可發達 左丁山


2011-4-3  AD




 

波浪許人稱天真 許,皆因佢日常埋首數據數字,以波浪理論預測市道,堅定不移,不理其他政治社會因素,去年第二季就預測美國唔掂,純粹依照數字,美國負債纍纍,財赤驚人, 失業率高企,確實係幾唔妥,但聯儲局一樣睇到呢啲數據嘅啫,在去年八月底推出次輪量化寬鬆(QE2),於是股市急速反彈,彈到波浪許成身冇晒浪,彈到佢幾 乎撻到直一直,但天真許只係嘆一聲:「死在伯南克手上!」之後仍然唱衰美國!

呢日天真許來電,話佢已經將寫字樓搬到上環,去置地廣場佢嘅飯 堂「賀菊」更加容易,臨時約吃午飯,咦,即興打電話去「賀菊」,十次之中,十次冇位嘅噃,但今時唔同往日,三一一之後,所有日本食肆都受影響,呢次竟然有 位。落到去,十二時三十分仍然未滿座,與三一一之前分兩輪(十二時,一時十五分)訂枱嘅情況相差甚遠。香港人真係驚驚地日本貨,左丁山要學人問一句:「呢 啲魚來自何方?」侍應答:「挪威三文,本地『魚立』魚,關西吞拿。」哦,照食可也。天真許話佢有咁啱得咁蹺,在三月十日網站發表一篇「唱淡日本評論」,估 唔到三一一就有慘事發生,心裏幾唔安樂,慨嘆日本已迷失二十年(一九九○至二○一○),今次遇上地震海嘯核災難,再迷失另一個十年,一啲都唔奇。一九八九 年出生嘅日本人,可能要到四十歲先至見到日本再度真正興旺。

天真許話在此期間,中國經濟會將日本拋離,直逼美國,故此佢近月已開始在內地演 講,搞投資講座,到上海開壇有三百幾人聽講,同時將一套書交俾廣東省出版集團廣東經濟出版社在內地出版發行,呢套書包括:「美國破產」、「波浪理論」、 「A股看升30倍」、「循環周期」與「投機智慧」,一套五冊,售一百零九元人民幣,左丁山話:「著名華裔邱永漢在日本適逢其會,在日本起飛階段就出版投資 書籍,賺足三十幾年大錢,希望你啲書在中國同樣暢銷!」乜唔係呀,賈平凹一本「廢都」據講賣咗四百萬本,余秋雨靠寫書成為大富翁,幾百年來中國寫書人最好 嘅發達機會,就在今朝。


寫書 書可 發達 左丁 丁山
PermaLink: https://articles.zkiz.com/?id=24279

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019