ZKIZ Archives


施永青發晦氣卸貨贖罪


2013-08-22  NM
 
 

 

中原集團創辦人施永青,向來是地產界代言人,最近進一步變成「維權人」,帶領經紀上街,逼政府撤辣招。處處辣火頭,終於燒埋身。先是上月尾駕車返工途中,遭惡人截停扑爛車頭玻璃。上週四,又有whatsapp訊息瘋傳他「怒掟」過十億工商鋪。本刊找來這位「惹火人物」,親自解畫。見過鬼但不怕黑的施永青,只晦氣地指會封盤:「避免誤會,暫時唔賣住囉,但今晚可能發個夢就改變主意。」

上週四幾乎所有地產經紀及傳媒,都收到一個「驚嚇」whatsapp,內裡指施永青會將所有私人物業全數出售,還指他賣鋪是大跌市先兆!須知施永青手頭物業總值幾十億,消息自然震驚業界。據知,施永青原來並無下達旨意,只是員工想「假傳聖旨」推郁樓市,刺激成交;本刊再問施永青,他雖全程語帶輕鬆,但怨氣終究隱隱滲了出來。

記=記者施=施永青記:地產界有whatsapp瘋傳,話你將名下工商物業全都放售,是否屬實?施:我係有意減持,但根本無放過盤。啲人話個whatsapp係我助手Pheobe發嘅,但電話號碼都唔啱。只係有經紀打過來問Pheobe,我啲物業係咪有租約,但Pheobe絕無講過要放售。Whatsapp入面嘅盤有晒價錢,但唔係我定嘅,有啲價仲好唔實際。避免誤會,暫時唔賣住囉,短期封盤!(記:短期即幾耐?)我私人物業嘛,唔使交代咯,可能今晚發個夢就改變主意!記:太太有無下封口令(施出名恐內)?施:老婆係有鬧我!佢話:「你賣樓咪賣樓囉!關社會乜事,你無需要交代,呢件事你又做頭條,你知唔知人哋見到呢啲即係代表上次嚇你係無用,你係咪想人嚇多你一次呀,唔只想扑你個玻璃窗,想扑你個頭!」仲話:「你正死蠢,挑釁、刺激想扑你嘅人!」我話對唔住,今次真係唔關我事o架。其實,上次受襲,我呆咗成兩秒,坐响度唔識郁呀,遲啲都會講少啲。

投資香港受懲罰

記:你減持同政府辣招有關?施:同撤招有少少關係。不過政策都係一時嘅啫,減持原因有兩個:第一,我嘅私人投資組合原定為四三二一,物業四成,之後係股票、債券及黃金。點知物業係咁升值,最高升到佔組合達八成有多。唔想太集中於地產,一定要cut番落來,但cut來cut去都仲升囉!第二,最近見到政治爭拗、社會分化、矛盾,我驚未來會激化,房地產係不動產,擔心唔係話賣就賣得到。現時嘅社會情緒係仇商、仇富,尤其仇地產霸權。投資於香港要受懲罰o架,要俾重稅(編註:額外印花稅、買家印花稅及雙倍印花稅),民間情緒仇富嘛,有樓愈多,罪狀愈重,我咪減輕吓自己罪行囉!記:你去年開始出售物業(去年至今,施永青共沽貨套現逾四億七千萬),現地產佔投資組合的比例是幾多?施:近五成,本來應該要繼續減持至四成,但依家唔賣住啦!記:減持與早前受襲有無關係?施:梗係無關。有關,我仲搞咁多嘢咩!我信上次有人扑我架車,係唔關你老闆事(編註:有傳施永青受襲,是因早前接受了《壹週刊》「非常人語」訪問),所以就回應吓你,已經俾咗你老闆信任一票啦。記:擔憂香港前景,又在高位沽貨,繼續睇淡後市?施:我嘅睇法一直無隱瞞,最近亦無改變(編註:本月初他發表下半年發展商要劈價賣樓的言論,指細價新盤會減價百分之五至十,豪宅價格則會跌一成半至兩成)。不過,現在唔係需要恐慌性拋售嘅時候,所以我可以封盤,遲啲先算。

一個公職 都無

今次掟貨事件,被指是他「大」政府的招數之一。事實上,過往施永青深受政府重視,○五年曾蔭權出任特首,隨即擴大中策組旗下策略發展委員會的範疇及人數,視之為最重要的諮詢架構。同年十一月,施永青便以非官方委任成員身份入會,開始直接向政府發聲。○八年曾蔭權成立經濟機遇委員會應付金融海嘯,成員僅十名,發展商無個有影,施永青卻佔了一席。不過梁振英上場後,施永青一個公職都無,CY搵「級數差一截」、在本港「零」分行的置業國際集團主席蔡涯棉對外發聲,又處處干擾市場運作,絕對令施永青「有怨無路訴」,相信這才是他到處「辣火頭」之關鍵。

 
施永 永青 青發 晦氣 卸貨 贖罪
PermaLink: https://articles.zkiz.com/?id=73953

中大校友難忘李發晦氣

1 : GS(14)@2015-03-26 00:33:50





【本報訊】李光耀曾到訪港大和中大,兩次都遇上學生示威。二○○○年中大向他頒授榮譽博士,其時中大學生會會長馮繼遠呼籲畢業生在李的頒授儀式上站起身背向台抗議,結果僅十多人響應。



港大生曾近距離抗議


事後李光耀曾揶揄示威者「滑稽可笑」,更指學生若夠膽到北京中南海門外抗議才算有「真正的勇氣」。馮繼遠認為,李在港不能像在新加坡般鎮壓反對聲音,才會發表如此晦氣言論。二○一一年時任國務院副總理李克強訪港大,警方對示威學生如臨大敵。一九九二年李光耀在港大八十周年校慶時獲邀到陸佑堂演講,參與抗議的港大生傅景華憶述,學生同是抗議專制政府剝奪人民政治權利,校方對李克強和李光耀的訪校安排卻有天淵之別。當時一班港大生在陸佑堂入口大堂示威,近距離向李光耀高呼:「We do not welcome Lee Kuan Yew!」傅記得李光耀在港大被台下問及香港回歸後能否有自由民主,李當時答除非香港遠離中國,否則不可能不受中國影響。現在回想,傅認為李光耀不幸言中。他又指新加坡政府直接控制傳媒,反對者難生存。香港還未到如斯境地,但港府正利用公權力以各種方法向媒體施壓,「新加坡模式喺香港行唔通,冇咗政治權利同言論自由,好多香港人都唔會接受」。■記者白琳





來源: http://hk.apple.nextmedia.com/news/art/20150324/19087816
中大 校友 難忘 李發 晦氣
PermaLink: https://articles.zkiz.com/?id=288879

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019