ZKIZ Archives


死線前兩日長和放榜中環在線:業績會日期超人算到盡!? 李華華

2010-12-31  AD




 

聖公會大主教鄺 保羅上星期叫商人賺錢唔好「算到盡、食到底」,但商家佬做嘢,點都鍾意算到盡,就連揀日子都係咁!噚日,李超人旗下長實(001)同埋和黃(013)提早 發出溫馨提示,話出年公佈2010年度全年業績嘅日期,揀咗喺deadline前兩日,即係3月29號星期二。

點解拖到咁「抿」派成績表呢?和黃發言人話唔會評論。不過有人話,長和系董事會個個都係大忙人,要夾開會時間都唔易,而且集團業務遍及全球,埋數都有排埋咁話。

8月較早公佈中期業績

先睇返超人過往做法,對上一次長和系公佈2009年度業績,係今年3月30號星期二,但係當時仲行緊舊例,4月底至係公佈全年業績嘅期限,後嚟新例執行,公佈業績期限縮短1個月,咁佢兩間公司公佈今年中期業績期限係8月底,兩間公司都可以喺8月5號公佈到。

咁「缸」湖中人就永遠鍾意諗多啲!佢哋估超人可能想喺2月尾前繼續增持長實,所以咪喺禁售期1個月後至公佈業績囉!亦有講法話,長實諗住出年首季分拆旗下內地收租物業以REITS形式,做本港上市嘅人民幣股票頭炮,由於籌備需時,所以要遲些少公佈業績。

連續14個交易日買長實

不過,據華華揣測,個原因係……嗰日宜會友!睇返月曆係咁寫o架!

well,講開增持,單係呢個月,由11月29號去到今個月16號,超人連續14個交易日買長實,可以話創咗今年佢連續每日增持最長嘅紀錄,每股買入價介乎113.8至116.9蚊,噚日長實收121蚊,若然跟住超人呢口「莊」,大家應該可以執番啲使用o架!

李華華

LiWaWa@AppleDaily.com


死線 線前 前兩 兩日 日長 長和 放榜 中環 在線 業績 日期 超人 算到 到盡 華華
PermaLink: https://articles.zkiz.com/?id=20811


ZKIZ Archives @ 2019