| ||||||
政 務司司長唐英年細佬唐慶年揸弗嘅美維控股(3313),舊年裁員兼減薪,俾尊貴嘅議員狠批有錢賺都咁刻薄。噚日唐唐個妹、美維副主席唐英敏主持業績記者 會,為裁減咗近百名本港員工解畫,話全因間積層板廠房喺上世紀80年代起嘅,設備太殘舊,冇辦法之下惟有併入大埔廠房,o依家本港員工得番600人左右, 冇諗住再裁人咁話。咁又係,唐唐最近密密走出嚟叫企業要有良心,保住員工飯碗,如果美維仲喺呢個風頭火勢cut人,唐唐乜面都冇晒啦!所以美維舊年全體董 事減薪一成,慳番二百幾萬,至少肯擺個姿態同員工共度時艱。 不嬲請展翅學生 適逢噚日財政預算案公佈,唐英敏話,自己全日開董事會會議,仲未有時間留意細節。至於美維會唔會響應用公帑津貼企業聘請大學生實習,就要了解吓先,之但係佢話,公司不嬲都有請展翅計劃學生喎! | ||||||
| ||||||
財經事務及庫務局局長陳家強,上週完成立法會「雷曼迷債」作供,其間被轟後知後覺,人人笑他「傻強」。前車可鑑,三週後出席研訊的金管局總裁任志剛,深恐在九月退休前「衰收尾」,有傳最近頻找泛民議員,希望「高抬貴手」。 然而,此刻最想趕絕任總,非煲呔莫屬。人工比特首還要高的任總,與四代財爺關係欠佳,十六年不僅他特權多多,金管局亦變得「無王管」。港府內部消息稱,雷曼民怨直指金管局,政府乘勢粉碎任總獨立王國,第一招是大減下任總裁年薪至少一百萬。 一向高傲的任志剛,不想在下月十四日的立法會聆訊中,淪為「傻強」第二,有傳最近頻約泛民議員飯局,表面上是釐清金管局在雷曼事件上的角色,實則是言明自己「早」就示警,只是政府財金官員「遲鈍」。飯局對象包括泛民議員甘乃威、劉慧卿及涂謹申。 雖 然三人否認,甘乃威還辯護:「我哋加入呢個調查小組,唔可以接觸證人,點可以食飯呀?」但有「保皇黨」議員說:「佢(任總)想將個責任推落政府身上,我哋 一定幫政府啦,所以搵我哋無用;泛民一直最出力搞雷曼,佢哋抦官都勁啲,任總冧泛民,作供時唔好踩咁盡!聽講最近頻頻食飯。」 減薪一成 這 邊廂任總努力拉攏,力保江山,那邊廂,政府已部署粉碎他辛苦經營十六年的獨立王國。原來曾蔭權不滿任總處理雷曼迷債回購的做法,尤其金管局一直未配合政 府,向銀行施壓交出回購方案,要特首在施政報告記者會時親自向銀行發下最後通牒。故之後放風「每個人都會退休」,暗示任總九月約滿,「冇得留低」。 政府消息稱,金管局總裁掌管一萬四千億外匯儲備,太重要,不能全球招聘,煲呔器重的特首辦主任陳德霖應順利接任,他上任後第一件事要自減人工。 任總○七年年薪一千零卅多萬元,超過英美央行行長,一直受人抨擊,在經濟不景下,下任金管局總裁年薪會大減超過一百萬,約一成。另外,任期定為三至十年,新總裁的國籍要求亦要與主要官員看齊。 曾任金管局副總裁的陳德霖,○七年由年薪千萬的渣打高層,屈就年薪三百五十多萬、但位居權力核心的特首辦主任,今次當金管局一哥,區區減一成人工並不介意。 行內人都笑,「攞命陳(陳德霖花名)本來係任總手下,好幫得手,但任總一直頂住佢,又唔退休,佢嬲起上嚟先辭職。估唔到一個屈尾十又返到去,先前曾蔭權帶佢去北京見阿爺,無異議喎,今次任總呢個位擺明係俾佢食,由三百幾萬(年薪)換番九百萬,賺晒啦!」 重返阿松時代 先 削總裁人工,政府下一步是削金管局權力。曾任政府高官的議員葉劉淑儀,最明白政府高層怎不忿任總,「任總嘅任期簡直離譜,連美國聯邦儲備局局長都有任期, 佢點可以冇?我未見過一個獨立機構的總裁,人工跟得住銀行大班、坐車要跟大官坐AM78,連車牌都係佢揀,因為聯繫匯率七點八,權傾朝野,幾代的財政司都 要睇佢面色,簡直係一個獨立王國。」 AM78屬政府車牌,本刊曾向政府車輛管理處詢問,回覆是金管局屬政府一部分,可使用政府車牌。但其他法定機構如貿發局、機管局及醫管局為何無AM車牌用?發言人則稱那些不是政府機構。金管局明顯享有特權。 特權之外,金管局人數亦由最初成立的三百二十四名,增至高峰時六百廿二人;單是金管局旗下的經濟研究部,共聘有三十五人,港府只十三人,其助理總裁的薪酬,平均月入三十三萬,較政府經濟顧問陳李靄倫的十六萬元,多出一倍。 政府希望陳德霖上任後,能把金管局權力帶回前任財爺梁錦松時代。任志剛七一年加入政府時只是一名統計處的統計師,八二年獲任命為首席助理金融司,當年港府宣布港元與美元掛鈎,時任丙級政務官的任,是唯一有份參與制定政策的華人官員,後來他出任外匯基金管理局局長。 由於過渡前後,港府需要一個機構管理龐大外匯儲備來穩定人心。港府於九三年成立金管局,並將外匯基金管理局與銀行業監理處合併而成,由任志剛擔任總裁,年薪約六百萬元。 梁錦松○一年出任財政司司長,出身摩根大通的梁,對貨幣政策熟悉,他一上場,欲削任權,任即建議設立「管治委員會」,議決金管局高層任期、人工等事項;委員是任總友好,如富聯國際的鄭維志、中信泰富的范鴻齡、新鴻基的郭炳江等,叫梁無法直接沾手金管局事務。 梁不是省油的燈,以白紙黑字釐清財政司司長與金管局的權責,界定財政司司長負責制定本港的貨幣政策目標,金管局只負責執行,限制金管局權力。可是,梁不久因偷步買車落台,新任財爺唐英年對財經事務不熟悉,任由金管局再度進入無王管狀態。 北上當官 任 總能當上金融沙皇,除了天時地利,還有官場、商界和中央的深厚人脈。官場上,任志剛最老友要數前財經事務局局長許仕仁,九八金融風暴,曾蔭權、任志剛和許 仕仁組成「鐵三角」,擊退外滙炒家。任、曾二人合作不算融洽,幸中間有共同老友許仕仁協調;但許年初退出政府,沒有防火牆,曾終忍受不住要任退休。 商界方面,任總私交最深要算中信泰富集團主席榮智健,○一年本刊揭發任與妻子葉小慧住在淺水灣道南灣大廈豪宅單位,正是由榮智健九九年以公司股權形式,轉讓給任志剛堂兄任錦光。現時該單位已由任志剛個人名義全資擁有。而葉小慧現於新香港隧道有限公司擔任總經理,隧道公司大股東是榮智健當主席的中信泰富。但隨着去年中信泰富因購衍生金融工具損手百多億元,榮智健形象大跌,很難在商界支持任總。 中央方面,任志剛與兩代中國人民銀行行長戴相龍及周小川一直友好。戴離開央行後擔任天津市長,○七年公布天津為全國港股直通車試點總站,一度叫港股升上三萬二點歷史高位。只是中央認為直通車冒進,把戴調任全國社保基金理事長。 至於常跟任總北京茶聚飯局的周小川,雖仍穩坐央行行長一職,但去年王歧山升任國務院副總理,周頭上多了這個上司,掌控金融事務的力度大不如前,去年十一月在美國出席G20峰會時,中國五名參加財長保爾森晚宴的官員,有王歧山、曾俊華及任志剛,卻未見周小川同行。 但金融海嘯未退,熟悉金融體系運作的任志剛仍得中央器重,任總今次離任,隨時加入中國財金體系,焉知非福。 薪高冠全球 金管局總裁任志剛︰$10,337,000 美國聯儲局主席伯南克︰$1,450,800 英倫銀行行長金恩︰$4,505,122 歐洲央行總裁特里謝︰$3,728,722 任總檔案 1971年︰加入政府為統計師。 1976年︰調任經濟主任。 1982年︰為首席助理金融司,開始參與香港的貨幣與金融事務。 1983年︰協助推行香港的聯繫匯率制度。 1985年︰出任副金融司。 1991年︰獲委任為外匯基金管理局局長。 1993年4月︰金管局成立時擔任總裁。 1998年︰金融風暴初期,任志剛靠「一招」抽高港元拆息,擊退狙擊港元的外國炒家。 同年8月︰與當時財政司長曾蔭權、財經事務局局長許仕仁合作,花千億港元入市買股,擊退大鱷,其後成立盈富基金將港股出售。 2001年︰獲特區政府頒授金紫荊星章。 2007年︰財政司司長曾俊華致函任總,確定任期至09年9月完結,任接納。 |
| ||||||
香 港興業(480)噚日春茗,華華有幸成為座上客,同老闆查懋成一齊食鏞記燒鵝,第一次同查生(加埋佢幾位得力老臣子)交手,華華大開眼界,事關好少老闆同 高層講嘢咁直!問查生點睇香港嘅地產行頭,佢話政府似乎有個戰略,要啲中小型地產商摺埋,事關地已經唔夠,但勾親出嚟幅幅都鬼咁大,佢哋根本啃唔落,即係 變相叫最大個幾家人玩晒唧。 到咗飢不擇食階段 咁興業呢?o依家佢哋同其他行家一樣咁餓,仲到咗飢不擇食嘅階段,佢哋唔會太揀擇,但亦唔會亂食嘢,致勝策略惟有幫自己啲盤諗多啲嘢增值增值……一句講晒,官如果要同商勾結,其實都睇個商,係咪夠大! 見到查生,問佢哥哥懋聲同旺旺蔡單嘢(o依家仲變成官司!),查生話自己從來無參與,真係乜都唔知,啲料都係睇報紙得番嚟……雖然佢唔係俾人狀告之列,但兄弟嘅嘢使唔使搞到睇報紙至知呀?睇嚟查家兄弟要多啲搞家庭聚會嘞! 新地首創iPhone睇樓 查 生呢邊廂先怨唔夠地,怕無樓賣,嗰邊廂嘅大發展商新地(016),就繼續趁市旺推盤。新地sell大角嘴形品.星寓(LIME Stardom)都sell得有新意過人,樓盤target一班用iPhone嘅潮人,所以特登用住宅項目整咗個iPhone App,只要用部iPhone就可以免費下載呢個樓盤嘅資訊(圖),首創電子售樓書,開創賣樓新推廣手法先河。用iPhone睇樓,唔使去睇示範單位同人 逼之餘,仲夠潮又環保,真係一舉幾得喎! 高盛四日極速轉軚 發展商鍾意出(售樓)書,大行都唔輸蝕,得閒就會出吓報告,散戶就 最鍾意跟住買。好似高盛今個禮拜一先出報告,話中移動(941)入股浦發行冇着數,仲話睇唔到有需要為咗一間細銀行而放棄成個森林。點知,前日「王總」王 建宙為件事解畫後,高盛轉頭喺噚日又再出報告,仲反口話長遠有利喎。原因?高盛話入股可以俾中移動更深入咁研究手機銀行,簡直係新嘅業務亮點o忝!四日之 間由唔妥變為支持,高盛轉軚轉得咁快,散戶點跟呀! 唔妥變支持評級照舊 高盛對中移動嘅睇法,雖然好似女人咁善變,之不過,佢對中移動,實際係一條心無變過,事關佢俾中移動嘅評級同目標價,仍然維持番「買入」同86蚊雞。 李華華 |