收市閒情：當善款變擦鞋基金
1 :
GS(14)@2017-01-12 08:01:21■香港救助兒童會早前被踢爆背後抽起部份善款作行政費。 資料圖片
「每5秒鐘，就有1個小生命無奈離世」，睇到香港救助兒童會（STC）一個又一個令人悲痛嘅故事，配以震撼嘅畫面，相信已令唔少人慷慨解囊。捐錢當然係好事，不過背後佢不單抽起行政費，當中仲有啲錢可能已經成為「豪食Ritz-Carlton擦鞋基金」了。上周二《蘋果日報》頭版報道，STC大花筒，每花費100元，只有67.7元作公益用途。機構當然例牌否認自己亂揈錢，不過事實係點？用一個例子答你！STC喺2016年底搞咗個籌款晚宴，當日星光熠熠，當然STC大金主徐子淇、大使甄子丹都有出席。你可能以為慈善機構晚宴會場頂盡都係普通酒店宴會廳，咁你就錯了！當日晚宴假座Ritz-Carlton鑽石廳舉行！你又可能會話，係咪有酒店sponsor？不過據消息人士透露，STC的確曾經同Ritz-Carlton傾過sponsor，但酒店唔制。STC回覆指，「酒店以慈善優惠價出租場地，並豁免部份場地佈置費用。我們認為酒店是較適合的場地，而今次所籌得的善款數字，亦遠較過往多，證明這個決定是正確的」。咁就要講多次，STC大金主係徐子淇，如果以商業機構去類比，徐子淇等同老闆。當然，徐子淇本人就冇要求要去Ritz-Carlton搞活動，之但係世上有唔少「識撈」嘅打工仔。聽聞慈善晚宴當晚，加插一個超奇情嘅特別環節，就係唱生日歌！晚宴喺11月23日舉行，而11月29日就係徐子淇生日。明晒啦，聞說當晚救助兒童會總幹事方曉明，仲喺台上領唱生日歌。消息人士就話，上星期報道一出，STC一日內就收到超多電話要求退回捐款；方曉明都趕緊救火，親自打電話畀唔少捐款機構負責人解釋，有收到電話嘅負責人就話，救助兒童會方面話香港人「記憶好短」，只要大家不再回應傳媒，就唔會記得。香港人冇錯係善忘，不過一個人或一個機構，只要衰過一次，都會喺Google「名留青史」。千頌C
http://www.fb.com/winbigwok本欄逢周三刊出
來源:
http://hk.apple.nextmedia.com/financeestate/art/20170111/19892721
八達通推QR Code 擦鞋檔：少人用
1 :
GS(14)@2017-11-05 16:19:26■英姐指多數人仍使用八達通卡找數，二維碼使用量較少。李錦鏵攝
【本報訊】八達通推二維碼（QR Code）支付，原難負擔電子支付的小攤檔，上周亦已試行，近日中環戲院里數間擦鞋檔放上了八達通機及二維碼紙板，擦鞋師英姐受訪時指，多數人仍使用八達通卡，二維碼使用量較少。本報記者在擦鞋檔實測二維碼支付，英姐幫記者的一雙皮鞋擦得亮晶晶後，記者打開八達通應用程式（App）內的好易畀（O!ePay）功能，按「付款」後，右上角有二維碼掃描器，掃描英姐獨有的二維碼後，即有填寫金額指示，輸入50元後，資金即過賬。不過，英姐若想了解資金是否已過賬，須先開啟其手機，並打開八達通商戶App，才會顯示資金是否已過賬，否則較難稽考，因沒有八達通卡支付般「嘟」一聲的提示功能。
用八達通卡更方便
由於八達通尚未正式公佈服務已開通，故此懂使用的人不多，而英姐亦應記者要求時，才開啟手機及接納二維碼支付，八達通卡反而更方便快捷。事實上，八達通為增加商戶採用誘因，二維碼紙板外附送八達通讀卡器（即POS機），一般客戶可以使用八達通卡付款。八達通發言人指出，現階段豁免參予商戶首年費用。不過據悉首年免費後，第二年開始要收1.5%。英姐讚八達通卡機好用，「一日十幾廿單用八達通嘟，我哋小商戶都要趕電子支付呢個潮流」。記者現場所見，不少人採用八達通卡付款多於現金，故此即使往後要收手續費，英姐亦會考慮採用。至於二維碼支付，她透露是1個月結算1次，而且1,000元以上才會結算。此外，透過二維碼付款後，八達通App將會顯示支付紀錄，包括交易時間、賬戶號碼、參考編號，而收據將會保存270天。八達通長遠亦要解決O!ePay增值問題，以iPhone為例，現時可透過銀行轉賬及7-11增值，惟未開放近場通訊（NFC）功能，未能透過八達通卡幫O!ePay增值，除非買入八達通的藍芽連接器，Android機則可免卻此問題。
來源:
https://hk.finance.appledaily.co ... e/20171101/20201072