📖 ZKIZ Archives

隔牆有耳：女主播變知客 黃珊被高幹調戲

1 : GS(14)@2012-01-14 17:23:14

http://hk.apple.nextmedia.com/te ... 333&art_id=15972515


001年喺浸大傳理學院畢業嘅黃珊係公認大美人，結咗婚依然係唔少宅男夢中情人，難怪被幹部睇中，為免被騷擾，佢要以各種奇招閃避呢啲接待活動，有日「又有國家領導人到訪，我決定去廁所走一轉」，可惜不出幾分鐘佢就被「逮捕」，大嘆「畀老闆打嚟捉住咗」。


結果點樣甩身？佢自爆扮 Print嘢都係好方法，嗰次攞 Print out時，遠距離同老闆及檢察院長打招呼就解咗圍。佢無提及呢位檢察院長嚟自邊個省市，但肯定海南同湖北領導都曾經喺鳳凰留下腳毛，有個 Friend仲話見到黃珊出現喺海南台。
黃珊陪老闆陪到煩厭，有次大呻：「頂，唔好再搵我出嚟啦，唔該」。佢自爆唔知邊度嘅「大陸佬」有次叫佢拍戲，戲名叫《伏波傳奇》。佢某個 Friend搞爛 gag，話係咪《微波傳奇》至真？黃珊無奈話情願做《神鵰俠侶》隻鵰仲好囉。主播呢份工，認真唔易撈。

---

2 : 亞力士(1473)@2012-01-15 21:12:33

只係調戲 都無迷姦 咪算文明 (無意冒犯女主播)

---

3 : 肥B(18468)@2012-01-16 00:06:36

怕且想唔撈了, 博炒補多個月~~

---

4 : honey(6546)@2012-01-16 00:11:22

電視台好似一直都有同類問題

---

5 : GS(14)@2012-01-16 22:33:23

4樓提及

---

電視台好似一直都有同類問題

他呢間特別有問題

---

6 : idsdown(1658)@2012-01-16 22:49:11

鳳凰衛視香港台 點至睇到?

---

7 : GS(14)@2012-01-16 23:01:15

6樓提及

---

鳳凰衛視香港台 點至睇到?

http://phtv.ifeng.com/event/special/xianggangtaikaibo/
上網睇

---

無綫主播變髮被斥唔合格余浩宗含淚報新聞　高層下令：唔使返

1 : GS(14)@2016-10-26 08:03:01

前晚【剪髮後】■余浩宗前晚直播新聞期間，全程眼紅紅，原來剛被「照肺」指他頭髮過短。電視圖片



無綫新聞部離職潮未停過，剛於上月請辭的24小時新聞台男主播余浩宗，前晚在直播報新聞期間忽然眼紅紅，原來因髮型問題與新聞及資訊助理總經理袁志偉起爭執，他被通知要調往通宵更，未料直播結束後，本來下月中離職的他，被高層勒令即時執包袱，惟昨日傍晚無綫又改口指不解僱他，但下令叫他至下月離職前不用再上班。雖然大多網民斥無綫苛刻兼制度舊，但於直播時眼紅紅，余浩宗承認情緒方面有出錯，希望大家包容！



現年30歲的無綫新聞主播余浩宗，前晚8時30分至10時於互動新聞台直播新聞，一開始已見他眼紅紅兼面有難色，似足當日因男主播葉昇瓚因頭髮不合規格，被迫臨時上陣而最終淚灑直播室的黃紫盈。



【７月】■余浩宗之前都是短頭髮，但就沒被挑剔。

【呻委屈】■余浩宗前日在fb留言指討厭在無綫工作，不介意貼錢離職。


「短咗唔係鏟青」

據知，余浩宗一個月前經已請辭，之前去泰國旅行充電後前日首日復工，即被新聞及資訊助理總經理袁志偉「照肺」，指他兩邊頭髮剪得太短，迫令他要調往通宵更，直至離職日為止，心情跌至谷底的余浩宗，最終於直播時情緒不穩眼紅紅，未料直播結束後被勒令執包袱即時離開。本報前晚致電余浩宗，當時情緒還未平復的他，口震震表示不方便講太多，昨日記者再聯絡他，問他前晚髮型出了甚麼問題？余浩宗回覆說：「公司冇白紙黑字個頭要點，只講男主播唔可以鏟青，要端莊，自己一直都有銘記嘅，但我覺得今次只係剪短咗，唔係鏟青，公司覺得唔合規格，要我調去通宵更直到離職日，即係喺正常時段同觀眾講拜拜嘅機會都冇。」余浩宗補充謂：「我承認自己喺管理情緒方面有啲出錯咗，一時間有啲感觸，加上直播前同啲朋友講咗件事，大家都好支持我，心情係有啲激動。」問他之後有何計劃？余浩宗說：「其實上個月已經辭咗職，噚晚都同公司講咗會提早離職，而家只係早咗。」



【轉新髮】■上月已向無綫請辭的余浩宗，日前趁放假期間剪髮。設計圖片

【被照肺】■余浩宗於放假後復工首日即被「照肺」，袁志偉（右）斥他頭髮剪得過短，當日更勒令要他調往通宵更至離職。設計圖片


原本即炒又翻兜

不過，昨日傍晚余浩宗再向本報透露，表示收到公司決定不解僱他的消息，他說：「我都唔知發生乜事，人事部通知話公司決定唔炒我，但叫我唔使返工，有需要先搵我，咁我嘅last day就照番係下個月11日。」對於公司突然變動，余浩宗坦言最初表明不接受，但想深一層也沒所謂，他說：「我有話唔OK，因為噚日老細話要炒我，我連公司證都交低咗！佢哋話公司已經決定咗喇！不過是但啦！大家好嚟好去，都冇乜所謂，唔想諗咁多喇！」



■袁志偉自掌管新聞部後，主播大小事包括儀容都由他管。資料圖片

■余浩宗昨晚突然再收到無綫通知表示不解僱他，但不用再返工。互聯網圖片

■余浩宗早前與女友人到泰國旅行，豈料回港後即被公司叫「執包袱」。

另外，當日曾淚灑直播室的黃紫盈，昨日被問做主播時的髮型，她說：「公司都比較想女仔剪短頭髮，即使到膊頭以下都會想佢哋再剪，咁自己就會同佢哋講道理，解釋因為自己頭髮太厚，剪短會翹起，會花好多時間去打理同修剪，嗰幾年間唔中俾佢『哦』吓就冇理喇！」而葉昇瓚得悉余浩宗被勒令即時離職，坦言感到愕然：「停職又真係幾大件事，我當年都係警告吓，之後再執番整齊啲，就畀我再出番鏡喇！當日被臨時抽出要由紫盈BB頂上，都係因為個頭囉！好彩紫盈BB冇嬲我。」採訪：小米



■黃紫盈大前年報新聞期間落淚，大大粒淚水黐在眼角。資料圖片

■葉昇瓚昨日對於余浩宗被勒令離職感愕然。資料圖片


主播規條：唔准隨便發聲

人稱「花仔」的新聞及資訊助理總經理袁志偉，曾指一個新聞主播要談吐清晰、有良好的判斷力及新聞觸覺等，但其實主播的外在要求亦非常嚴謹，男女一樣。髮型：兩邊不能鏟青，劉海不可遮額，頭髮不可一支支豎起，也不能太扁。化妝：女主播眼影不可以閃，遮瑕膏不可以反光，讓觀眾看得舒服。衣着：無論男女，顏色不能太鮮艷、太花，男主播要穿西裝，女主播以套裝為主。社交：不能隨便在任何社交平台發表任何評論及回應，盡量低調。




來源: http://hk.apple.nextmedia.com/entertainment/art/20161026/19812117

---

【倉底劇集】《七號差館》深夜播變炮灰

1 : GS(14)@2017-06-10 12:40:50

無綫早前推出劇集《不懂撒嬌的女人》收視不俗，緊接卻播出倉底劇《蘭花刼》，以致收視狂跌，其實無綫以往都不時會推出倉底貨劇集。


《七號差館》　擺10年

由薛家燕、吳啟華、張可頤及張兆輝等於01年拍攝，原本由25集，被大刀濶斧刪至20集，於11年安排在翡翠台深夜時段播放。



《千謊百計》　擺7年

06年由黃宗澤、陳鍵鋒及徐子珊等主演，故事講述民國時期大家族爭產，13年於翡翠台播放時只被安排在下午時段播放。



《天與地》　擺2年

其實倉底劇未必一定差，09年由林保怡、陳豪及佘詩曼主演的《天與地》，於11年播放時因題材情節惹爭議，收視雖欠佳，但贏盡口碑。



《流氓皇帝》　擺2年

大前年由馬國明及周麗淇主演的劇集，被傳拍得太差而遭雪，連周麗淇也曾承認不會播出，終於去年底安排首播前由20集刪減至17集。




來源: http://hk.apple.nextmedia.com/entertainment/art/20170606/20045551

---