ZKIZ Archives


把炮夥計 左丁山

2010-1-21  AD





 

俗 語有云,跟老闆要知老闆姓乜,但一啲夥計如果真係有料到,為老闆賺到大錢嘅,直情可以搞掂老闆,除咗加薪之外,仲可以改變老闆嘅政治取向,犀利啩?新聞系 學生在課堂內聽教授講新聞自由、為真理、揭露真相,是記者天職,或云會聽到有非理性亢奮,到佢哋畢業後,加入新聞界工作,慢慢就會發覺,新聞自由是老闆的 新聞自由,不是記者編輯的自由,揭露真相,是老闆准記者報道嘅真相,未必是真相的全部。你以為講緊香港呀?非也,全世界都係咁,人人認為最自由民主嘅美 國,就是如此。

美國總統奧巴馬就任一年後,○八年競選「真相」逐漸披露,包括克林頓睇唔起奧巴馬,奧巴馬罵拜登等等。最近又傳出,○八年秋 天,新聞集團大老闆梅鐸審度競選形勢,想叫屬下嘅《紐約郵報》New York Post寫社論支持奧巴馬,又想叫保守右派把持嘅霍士新聞電視台轉軚。點知霍士電視總裁Roger Ailes收到風之後,立即約見大波士梅鐸,聲言如果霍士新聞要轉軚支持奧巴馬嘅話,佢就辭職不幹。哈,老闆大還是夥計大呢?通常在此情況下,老闆會覺得 夥計驕橫,功高蓋主,會開夥計刀,立即踢走佢。

但係,兩人會面之後,霍士電視與Ailes簽訂新嘅長合約,畀佢年薪二千三百萬美元(包括花 紅),仲多過梅鐸自己一年嘅薪酬,而且《紐約郵報》正式支持麥凱因,霍士電視繼續大罵奧巴馬一直至今天,換言之,梅鐸全面向夥計讓步。梅鐸啲仔女、女婿好 鬼討厭Ailes,認為佢領導下之霍士太過保守,令佢哋在上流社會蒙羞,經常在梅鐸面前放箭,篤Ailes背脊。

 

如果在華 人社會,好似Ailes呢啲夥計,死梗啦,理得佢幾有才幹。但呢位在俄亥俄大學主修「電台與電視」,二十七歲(四十二年前)就夠膽對副總統尼克遜講:「你 在鏡頭前唔靚!」嘅聰明人,並非一般電視人,在佢領導下,霍士電視在○九年財政年度可賺七億美元(營運盈利),多過CNN、MSNBC、ABC、NBC及 CBS各大新聞電視節目所賺嘅總和,收視率遙遙領先CNN。既然表現如此出色,大鱷老闆梅鐸都要睇佢台戲,霍士電視最近仲請埋佩琳做節目主持人,繼續猛烈 批評奧巴馬與民主黨,繼續賺大錢。霍士電視嘅新聞自由唔係梅鐸嘅!



把炮 夥計 左丁 丁山
PermaLink: https://articles.zkiz.com/?id=13944

蔡冠深親戚把炮

2016-05-14  NM

呢排商界人士聽到「巴拿馬文件」都驚驚,其實在九十年代冇番間海外註冊嘅公司,又點顯得夠國際化呢?最近中華總商會永遠榮譽會長蔡冠深,被揭早年成立海外公司,其生意拍檔Cheong Kheng Guan原來把炮到同伊朗船運合作涉及運送大殺傷力武器,更揭出蔡冠深嘅親戚亦大有來頭,其海外公司的另一拍檔Richard Tao,其實係佢妹夫陶家祈,陶家祈父親是愛國商人陶哲甫,四七年畢業於重慶國立中央大學機械工程系,四九年走到緬甸做工程師,一九五六年受到感召,從緬甸返回祖國建設,傳授拖拉機技術,再返回緬甸發展海運事業,七十年代陶哲甫在香港成立船務公司昌麗集團,並在新加坡發展酒店、地產生意,陶氏家族成立的Singapore Land,當時商界媲美為Hong Kong Land置地。中國改革開放,陶哲甫出錢出力,在南京興建金陵飯店,奠定他愛國商人地位。蔡冠深的妹妹蔡少萍在哥倫比亞大學讀書時認識陶家祈,父親蔡繼有家族捕魚出身,與陶哲甫結成姻親,雙方生意亦愈做愈大,所以蔡冠深涉足船公司生意,拍檔都係佢妹夫陶家祈。

陶哲甫(右四)生意遍布中、港、東南亞,去年底過身,其家族有間上市公司新澤控股,前年被中國綠景地產收購;陶家祈Richard Tao(左二)為陶氏長子,太太蔡少萍(左一)為蔡冠深胞妹。《蘋果日報》圖片

二百萬擇日

誠哥「射波」請病假,缺席長和股東會,副主席李澤鉅反而特別生猛風騷,雖然未能收購英國O2,兜番話避開英國脫歐風險,仲話「長和幾好風水」。其實點只長和風水好,家山都好,話說李嘉誠搵風水大師蔡伯勵擇日修葺莊月明之墓,以蔡伯勵級數,風水顧問費都係一封利是,李氏捐咗兩百萬予蔡伯勵的順龍仁澤基金作為種子基金,有李氏帶頭,蔡伯勵個慈善基金滾存至今有二千五百幾萬,都咪話唔和味。

中環寸嘴:阿叻搵「阿叻」拍賣

工廈大王楊耀松長子,游走高級酒店、銀行,及知名食肆,與各路人士打交道,自認有jet set生活方式,透過美酒佳餚,察看人生百態,把「生平絕學」不吐不快與粉絲分享。

上個禮拜五去公益金慈善晚宴,預咗要俾人揼心口喇,見啲小朋友(註:在場參與拍賣善長)係又舉,唔係又舉,梗係喇,有老豆俾錢,冇血汗嘅,心情都輕鬆啲,又勾起我一啲回憶,自己廿三、四歲時,奉老豆之命去拍賣工業地,嗰時老豆俾錢梗係冇有怕去舉,用一億銀投咗德福花園對面九龍灣工業地,係政府推出尾二嗰批地,以戰養戰,分十年期付款。所以話,阿叔我見過呢啲億億聲嘅大場面,今時今日使唔使為嗰幾廿皮嘢咁操勞呀?足足二百倍都唔只喇。拍賣主持阿叻拍第一隻花膠(1.084kg)時都爭得好激烈,拍咗$53.8萬,咁輪到第二隻(重1.162kg),梗唔低得過第一隻o架,阿叻問我點睇,我咪輕描淡寫咁話「照跟囉」,呢個阿叻都接到波,話我好似玩show hand咁,我梗係睇清楚敵我形勢,通常拍賣官嗌「第二次」我先至舉嘅,咁個拍賣官都開心啲,可以再篤吓計數機嘛,最後$56.8萬拎隻花膠返屋企囉,俾夠齊頭六十萬又點話吖?起碼唔使好似舊年十一月喺禮賓府咁,公益金拍賣唐英年一箱紅酒,阿叻叫我「開個好頭」,咁就拍囉,點知開頭又係我,結尾嗰啲酒又係叫我拍埋佢,你估依家搵隻雞拜神呀,有頭有尾!

銀主盤背後杰撻撻

港島區收租盤縉城峰和博仕臺突然有十四個「銀主盤」掟出市場,部分銀主盤嘅公司涉及一間杰撻撻嘅上市公司——太平洋恩利(1174),董事鄭鳳英、黃裕培母子,正是太平洋恩利主席和董事,公司以捕魚、急凍海鮮生意為主,可能喺餐廳、超市都食過佢嘅魚柳。話說滙豐向太平洋恩利旗下新加坡上市嘅中漁集團的俄羅斯、秘魯及非洲捕魚公司申請清盤,並入稟香港法院委任臨時清盤人;獅子銀行雖然夠薑,但其他債仔銀行提出反對,因鍊死咗個客大家同銀行一齊攬住死,最終法院俾六個月時間緩衝一下,至八月再決定。不過評級機構已鬥快將中漁評級下調,新加坡監管機構落埋手去查。太平洋恩利九四年在港上市,創辦人是馬拉佬黃垂豐,能夠在世界各地捕魚搵食,正所謂喺公海做乜都得,投資界對太平洋恩利的生意嘖嘖稱奇,公司曾俾老廉調查非法醒股票俾基金佬,不過最後證據不足未有被起訴,有基金佬謂太平洋恩利:「死性不改。」

蔡冠 冠深 親戚 把炮
PermaLink: https://articles.zkiz.com/?id=197288

真是估唔到梁佑嘉老豆咁把炮...

1 : GS(14)@2011-11-29 23:17:08

我一D都唔明點解咁多錢賣廣告,現在終於明
http://hk.apple.nextmedia.com/te ... 104&art_id=15844674
【本報訊】梁平與妻子育有一子一女,兒子助他經營內地的房地產業務,女兒留學澳洲,回港後經歌唱老師介紹進入娛樂圈,並取藝名梁佑嘉,於去年尾與拾點音樂唱片公司簽約成為歌手,謝安琪的老公張繼聰為她的同門師兄,今年 1月她推出首張個人大碟《 Abella梁佑嘉》,最近再推出第二張大碟。

洋名 Abella的梁佑嘉,外形及聲線有點像陳慧琳,被喻為「細碼陳慧琳」,雖然 Abella低調從不講家事,但早前已被本報踢爆她是富貴新人,家底富有,貼錢在樂壇發展,豪擲 200萬分別在 8月及 10月份連買無綫兩個廣告節目谷人氣,包括以 80萬元無綫晚上 8時《東張西望》之後的黃金時段廣告連製作,播放只得一分鐘由她主持的《佑嘉品味》介紹潮流節目,一連十集。 10月尾再豪擲 110萬元,在無綫買下晚上 11時的廣告時段兼製作,播放由她主持《 Smart遊首爾.梁佑嘉》半小時旅遊節目,但實質是她的個人特輯,被觀眾力插,收視亦只得九點。
Abella出入司機接送,而唱片公司老闆林健華更親自為她作曲,新碟又邀請台灣歌手柯有倫由台灣飛來香港與她合唱《 Feeling Me》及拍 MV,而她兩張唱片都專程飛到韓國學跳舞, 11月 7日才與歌迷慶祝生日,但年齡她十分保密,記者昨天聯絡她,問她的父親是不是梁平,她透過助手回覆:「不願置評。」
當日相關文章
2 : GS(14)@2011-11-29 23:17:56

http://hk.apple.nextmedia.com/te ... 866&art_id=15844669

真是兩個唔同人

【本報訊】廣東茂名政協委員梁平日前被《蘋果》踢爆其美孚住所「 1屋 7姓 13票」後,舉家搬走,並返茂名鄉間避風頭。警員登門調查亦摸門釘。記者追查發現這名號稱在香港有逾千物業收租的種票王,是香港第一代「劏房大王」,近年轉戰內地,身家數十億。他的女兒則是近日甚多話題的新晉歌手梁佑嘉。
身兼香港茂名市同鄉總會董事的梁平,多年來積極在選舉背後「發功」, 09年接受《文匯報》訪問時,強調自己非常重視香港選舉工作,更明言:「每次選舉都會親自領導鄉親進行投票,以支持愛國愛港人士,在往年的香港立法會選舉中多次召開香港茂名市同鄉總會,協助進行精心的選舉部署。」
涉嫌種票的美孚單位約 1600呎,是梁平於 90年買入。街坊透露,梁平一家四口住上址約 20年,一直視為「發達屋」未有搬走,兒女長大後疑另有住所則少見出入。記者連日到單位拍門均無人應門,但門外點有一支白蠟燭。據知,梁的九十多歲母親十多日前過身。

夫婦「大包細包」返內地

街坊又稱,約 5日前突見梁氏夫婦「大包細包」由單位搬走,似乎「走得好急」,其後再未見到他們返家。另有消息稱,在種票案曝光後,梁平曾一度返內地避風頭,但為處理梁母身後事,常穿梭中港。據知,本周後期家人會在香港為梁老太設靈及出殯。記者昨下午見有便衣探員到梁居住的大廈調查。
梁平於 81年由茂名來港,八十年代中在深水埗收購舊唐樓,再將單位間為板間房出租,賺得第一桶金,成為「劏房大王」,多年前眾多物業被政府收購,梁獲利甚豐,其後更轉戰內地房地產,投資均數以十億元計。
他與太太亦創立緯豐地產,亦是黃金年華等多間公司的董事長,去年中,黃金年華以 1.9億元購入九龍塘約道 8號,與唐英年做鄰居。而梁平最初在深水埗開設的「昇平地產」,已轉手由胞妹經營。
本報以梁平夫婦及其一對子女,以及黃金年華、嘉金等多間公司查冊,發現他們擁有至少 60個單位及地舖,大部份在深水埗,部份單位間有大量劏房,巿值超過 3億,其中美孚的種票屋由黃金年華擁有,女兒凱凝亦是公司董事。梁凱凝數年前在澳洲學成回港,以藝名梁佑嘉進入娛樂圈,被指是「帶錢入行」。
3 : 龍生(798)@2011-11-30 20:10:04

真係好有型...帶錢入行....

唔帶錢入行, 要俾老世吉喎

佢而家仲可以大大聲...我老豆大把!!

至於紅唔紅...係另一回事~
4 : GS(14)@2011-11-30 21:21:16

我老父有錢,我鍾意好型
5 : 龍生(798)@2011-11-30 23:14:09

娛圈....還是有錢好...

無錢入行, 人地唔當你係人咁玩...賤過地底泥...為咩呢...
6 : GS(14)@2011-11-30 23:21:57

可能是連陳嘉桓都是他上市的棋子,唉
7 : 龍生(798)@2011-11-30 23:29:09

突然制造咁大noise....真的不錯

冼國林, 突然全港人都識佢!!
8 : 肥B(18468)@2011-11-30 23:44:59

3樓提及
真係好有型...帶錢入行....

唔帶錢入行, 要俾老世吉喎

佢而家仲可以大大聲...我老豆大把!!

至於紅唔紅...係另一回事~

那個「我會娶阿嬌」都係咁啦...人家錢多, 我都多謝佢咁做對可以提高香港的消費有正面的作用, 係大家的耳朵同眼睛受罪一點而已......
9 : 龍生(798)@2011-11-30 23:54:06

物進隆!!!
10 : 亞力士(1473)@2011-12-01 01:17:21

之前都奇仲有邊個公司咁捨得買時段谷新人
11 : 龍生(798)@2011-12-01 01:18:10

佢自己!!
買時段谷自己

真係好有型啊!!!
我迷上她了
12 : GS(14)@2011-12-01 23:41:35

10樓提及
之前都奇仲有邊個公司咁捨得買時段谷新人


我睇了幾集,發現無原因捧佢,先認為他父一定有錢
真是 估唔 唔到 到梁 梁佑 佑嘉 老豆 咁把 把炮
PermaLink: https://articles.zkiz.com/?id=276760

敍反抗軍自拍變自爆趕走美軍咁把炮?

1 : GS(14)@2016-09-18 10:51:45

自拍已經是現代人的指定動作,連敍利亞反政府武裝分子都不例外,不過他們自拍原來屬「高風險」舉動。網上一段片段見到,反政府的敍利亞自由軍(Free Syrian Army)八名武裝分子聚在室內唱歌,氣氛輕鬆,其中一名男子拿出手機高舉過頭,準備來一張自拍--卻發生意想不到的事情。這名男子的手機原來接駁了炸彈,一按掣拍攝室內隨即發生爆炸,亂作一團。正在拍攝短片的鏡頭未有損?,但相信被撞跌,鏡頭朝向天花板的風扇,可見房內濃煙四起,大家慌張地走來走去,大聲叫嚷。從相機未被炸?的情況推測,炸彈威力應該不算強勁。短片真偽未能證實,亦不知道是否有造成傷亡。英國《每日郵報》




來源: http://hk.apple.nextmedia.com/international/art/20160918/19774210
反抗 自拍 變自 自爆 趕走 美軍 咁把 把炮
PermaLink: https://articles.zkiz.com/?id=309562

【肥通過冬】天冷油污塞渠 實試高壓通渠炮係咪咁把炮

1 : GS(14)@2016-11-26 14:02:23

最近網上熱傳這款通渠大炮,今日肥通同大家做實物測試。



天氣開始日漸轉冷,可能好多人都發覺廁所或廚房的洗手盆、浴缸等渠位,開始有瘀塞情況;究其原因,好多時因為渠內的油污出現凝固情況,所以塞渠的問題轉趨嚴重。



最近網上瘋傳一款通渠大炮,看片中介紹,透過一個壓縮氣罐,只要放在渠口,就算裏面充填滿頭髮、飯餸,甚至銀仔,都可以一炮清乾淨!最近香港有商店引入,它的名字叫做Plumber's Hero($70),是否如傳說中厲害?今日肥通同大家一齊做測試。先在洗手盆中注半滿水,待有一定水注入喉管時,再按下高壓氣體,以起通渠之效,肥通在瘀塞的洗臉盆上,先後試了四至五次,不過效果一般,去水情況未見有重大改善。及後問身邊通渠達人,據他們表示,一般廁所的洗臉盆去水位,都會同沖涼缸的去水位互通,所以當你打入高壓氣體時,原本氣壓的高衝擊力,會在這個出氣口中流失,所以他們建議以一條全濕的毛巾,塞着沖涼缸渠口,令整個廁所的喉管系統,變成只有一個入口及一個出口的狀態,這可令通渠效果大大改善。肥通試做後,Plumber's Hero的使用效果明顯得到改善,而去水情況比原先快得多,最明顯分別是在水差不多流盡之時,會出現有旋渦情況,之前可是波平如鏡地漫流的!如果說對這件產品的評價,我覺得輸出的壓力沒有想像中大!因為從手按壓的感覺中可體現出來,老實說,我反而比較喜歡用傳統的廁所泵,好處是有前後的拉扯力,可以令頑固的污迹脫落,不過使用時,亦可同步加入毛巾封渠口的技術,效果會更佳。另一項重點測試,是網上人討論多時的小蘇打加熱白醋通渠,其實小蘇打原身已有去除頑固油污的功效,加入熱的白醋,可以加強這方面的作用與反應;實地測試,兩樣物品相加在洗手盆渠口,已經馬上激起一陣白色泡沫,渠口金屬部件變得光潔如新,而兩者相加的去污能力,可見一斑;倒入渠中大概等上10至15分鐘,又到去水測試了,感覺去水的旋渦有明顯加大情況,而且打開渠位看時,明顯黑色的污垢都有所減少,如果每月做上一、兩回,估計長遠來說可保持渠道暢通。如果說到通渠的最好手段,肥通還是覺得是最簡單的「清理隔氣」!所謂的隔氣,就是洗臉盆底部的白色兜形喉管組件,只要將底部擰開,就可以清除裏面淤積的垃圾;不過清洗前留意,要在隔氣下方放一水桶,以防污水四濺,另外隔氣內的污物,亦建議要多看兩眼,因為這裏不時會有女士們遺下的耳環戒指等首飾。清潔隔氣後,將底部擰上,建議最後再放一盆水讓其長流,這時你要用一張乾淨紙巾,試試在洗手盆下方的整個白色水喉組件拭抹一番,原因並不是為了清潔,因為你擰開喉管時,有機會令渠位的不同組件出現輕微鬆脫情況,如果抹到某個位置有水,你就要再將它上實。至於最後測試結果,是去水情況得到最大改善,不過同一洗手盆先後試了多種清潔方法,最後達致如此成果亦不無原因。
Plumber's Hero查詢:Bidlike(深水埗福華街175號福仁商場1樓17號舖)記者:朱崇德攝影:陳健邦、王國輝


Plumber's Hero($70)

使用前要先在洗手盆注半滿水,待有一定水走入渠位,才可以開炮。

試用通渠大炮後,去水情況未見有大改善。


通渠師傅教路,廁所與廚房的渠口好多時會互通的,只要用濕毛巾塞上,會加強渠內使用高氣壓的功效。

塞毛巾後,再試一次通渠大炮,去水出現小旋渦。

通渠大炮還有附件,用於通馬桶之用。


不過使用時有點水花彈出,肥通有點怕怕了。

小蘇打($10,一般雜貨店有售)

白醋($9,一般雜貨店有售)


先將小蘇打倒入渠口。

再以煲熱的白醋倒入,會馬上激起一陣白色泡沫。

用小蘇打加白醋後,去水位出現了更大的旋渦,明顯通渠效果甚高。


肥通最怕的通渠方法,就是要洗「隔氣」,因為好多時污物會流出,變成要全個廁所清潔一次。

建議下方放一個高身的水桶,才好打開隔氣,以防污水四濺。

洗淨後,最好用乾淨紙巾抹抹全組喉管,看看甚麼地方滲水。


經過幾個測試,去水暢順晒。



來源: http://hk.apple.nextmedia.com/su ... t/20161126/19845774
2 : cindylee7689(58471)@2019-01-09 11:30:35

好好的教學,有機會要試試

fav liNK:

高壓通渠


通過 冷油 汙塞 塞渠 實試 高壓 通渠 渠炮 炮係 係咪 咪咁 咁把 把炮
PermaLink: https://articles.zkiz.com/?id=317123

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019