ZKIZ Archives


貨幣市場基金爆煲541億凍過水中環在線:中投「我係債主唔使輸」 李華華

2008-10-16  AppleDaily

中 投運氣有幾好,睇佢入股黑石(Blackstone)、大摩損手之餘,連投資全美最大貨幣市場基金Reserve Primary Fund(RPF),都撞啱美國貨幣市場基金贖回潮,就知佢哋有幾「好運」。不過,噚日中投網站出咗通告,澄清佢哋唔係RPF嘅投資者,而係債主──即係 有錢攞番,唔會蝕好多咁話。呢樣嘢喺咁嘅時勢好緊要,俾人誤會就唔好啦,梗要劃清界線。中投旗下Stable Investment Corp.(SIC)上個月做咗RPF最大股東,揸住11.1%股權,而RPF係全美最大貨幣市場基金,當時冇人諗到佢會出事,點知遇上雷曼兄弟爆 煲,RPF亦受牽連,掀起基金贖回潮,佢哋嘅基金因每股跌穿1美金而被停止贖回,作為大股東嘅中投只能嘆句黑仔。本來美國財政部講咗,保證上個月19號 前,持有基金嘅投資者可以攞番啲錢,不過RPF唔包括在內。咁就弊,有傳媒同中投計數,話佢可能會因為咁蝕541億港銀。

RPF退番首批35%資金

所 以中投特別聲明,話佢哋唔係股東,而係債主,堅稱喺RPF宣佈停牌前,中投已經發出贖回指令,所以有權要求退番晒本金同利息;而RPF亦書面通知話會全部 退還,近日已開始進行第一批退還資金,佔欠款嘅35%。中投又話,唔會承擔可能面臨3%本金嘅損失,原因呢?都係嗰句,堅持佢哋係喺停牌前贖回,冇理由要 佢哋孭囉。講到尾,都係想話畀大家知:我哋唔係蝕好多咋。李華華LiWaWa@AppleDaily.com
貨幣 市場 基金 爆煲 541 億凍 凍過 水中 在線 中投 我係 債主 唔使 使輸 華華
PermaLink: https://articles.zkiz.com/?id=2676

中環在線:王浵世想嗌「我係香港人」 李華華

2010-11-10  AD





 

前滙豐中國大班兼民生銀行 (1988)前行長王浵世自從退休後就積極寫書,同大家分享吓佢喺大陸發展嘅經驗,話晒喺大陸做咗咁耐哨兵,唔多唔少都會知道新一代大陸人究竟點睇香港人,佢除咗出書之外,噚日就上咗總商會同商界分享。

人質事件改觀

聽小王講(王總自己話退休之後唔係叫王總,所以華華都改一改對王總嘅稱呼),原來喺大陸人心目中,香港人都有唔少缺點,包括講嘢成日「唔中唔英」扮晒嘢;仲有呀,原來大陸人眼中嘅香港人係無「吉士」(膽量),做嘢有方法無辦法,聽到華華自信心低落呀。

不過,早幾個月前菲律賓人質事件之後,8萬人喺周日上街悼念死難者,就令大陸人對香港人改觀,小王話,上街當日佢唔喺香港,佢有個大陸朋友知道8萬人上街之後走去問佢:「你哋上街係咪有津貼o架?」小王話,當然大家都知答案啦,但係咁樣同時證明香港人係有團結嘅力量。

小王仲話:「嗰時我簡直想衝出街用唔鹹唔淡嘅普通話大嗌『鍋斯生果忍』(我是香港人)。」呢個時候,主持人就問小王:「咁有冇時候,你唔想做香港人?」小王即刻話:「無!我覺得香港人好威猛!」全場即刻鼓掌!小王就補充句:「掌聲係畀香港人嘅!」

李華華

 


中環 在線 王浵 浵世 世想 想嗌 我係 香港 華華
PermaLink: https://articles.zkiz.com/?id=19199

DBC風波黃楚標反寸大班:一早知我係政協!

2012-10-25  NM




大班鄭經翰自上週五起,一連三日 在政府總部為一手創辦的數碼廣播電台(DBC)舉行「義播行動」。恰巧,真的很恰巧,就在週六晚,網上突然流出DBC董事局會議錄音,裡面有一段中聯辦干 預電台運作的談話,結果成功引來過萬名市民在週日齊集政總,把事件演變成反國民教育的一場「小翻版」。大班在上月底還對外澄清,指股東關水喉,「應該唔關 中聯辦事」。言猶在耳,一干人等又突然再將矛頭指向西環。大班一夥引爆手上最後一個政治炸彈,牽引群眾情緒,策動市民力量,逼政府介入。一場股東間的注資 糾紛,被升級為政治打壓,緣於大班與拍檔何國輝瞓身投資,不能一鋪輸身家。黃楚標不忿被迫泵水,向本刊大爆:「佢一早知我哋係全國政協,叫我哋搞電台嗰陣 曾蔭權仲在位,有政治任務嘅唔係我哋!」

DBC在十月十日因資金短缺關門大吉,但一眾主持如鄭家富、林旭華等捱雷氣,搞足七日義播,上週五更一連三日包圍政總舉辦「復播集會」,叫着維護言論自由 的口號,希望政府介入迫使其他股東履行牌照承諾。DBC的鬧劇,在去年底揭開序幕。當時本刊發現胡漢清把手上約一成股權,悉售給大班套現,變相令大班成為 最大股東。然而,大班不久又被免去公司主席一職,只保留台長職銜。當時有指股東不滿大班 燒錢能力驚人,但電台卻遲遲未能開波,於是聯成一線向大班開火。至今年初大班的好友唐英年在特首選舉中墮馬,股東爭拗更白熱化。一眾股東看定政治形勢,在 梁振英上台後,於今年五月投入最後一筆五千萬元資金,便閂水喉。自此大班接二連三出招,控訴電台被「打壓」,然後在上月提出以半價賣出手上股份。雖然他肯 蝕一半離場,但未獲其他股東回應。大班陣營於是使出最後撒手鐧,流出董事會議錄音,播出聲音疑似為黃楚標的董事,在會議內講明不滿李慧玲主持節目風格過 激,警告會惹怒中聯辦阿彭(彭清華)。雖然錄音經剪接,沒有前文後理,但足以令這場風波由股東糾紛升級成中聯辦打壓言論自由的政治事件。上週日晚九時多, 過萬名市民穿上黑衣齊集政總,有家長帶同子女到場,高舉「寧鳴而死,不默而生」的標語,DBC主持樓南光更絕食抗議,學民思潮的黃之鋒走到台上、連民主黨 之父李柱銘也為DBC站台,頃刻場景恍如回到反國教集會現場。有阿婆得知DBC執笠,竟連家中櫃底的一兩黃金也捐出,最終DBC從民間成功籌得約四百萬 元。

撐電台唔撐大班

泛民人士到場聲援,連當初被大班公開怒罵唔夠火而劈炮唔撈的前DJ陳景輝亦力撐電台,但他言論間仍與大班劃分楚河漢界:「不同意大班,但也要捍衞大班發言 權。」眾人直言喪鐘不為大班而敲,因為大家心知肚明,當初正是大班邀請這群紅色大孖沙一齊搞電台。大班私下大呻:「初初我搵十個股東,係希望無人可以話 事,點知呢班契弟……,佢哋而家夾埋一齊!」他口中的契弟,即是指有「深圳李嘉誠」之稱的黃楚標、前教統局局長李國章、東亞銀行大股東李國寶及偉易達主席 黃子欣,他們合共擁有五成多股份,能操控DBC生死。而大班與何國輝及夏佳理陣營,只有四成股份,處於下風。本刊找到黃楚標,他本來說事件進入法律程序不 便講太多。但對於被指政治打壓,他大訴怨屈:「佢搵我哋嗰時,都知我哋係全國政協啦!」說罷又暗寸被諷為「煲呔針」的大班:「唔知係邊個政治任務,嗰陣阿 Donald都仲做緊特首!」

李慧玲惹爭端

有董事補充:「大班對外話我哋有政治任務,但係當時有人刻意做工作,私下話希望我哋請咗李慧玲就滅咗商台把聲,話我哋(DBC)攞咗佢(李慧玲)對你哋 (一班股東)都好呀!因為佢就唔可以喺商台度鬧政府、鬧北京!」該名董事更愈講愈㷫:「你話我哋同中方關係好,我哋未入去做董事未投資,做全國政協身份你 已經知,咁點解你仲要搵我哋呢?」據悉,當時大班未經董事會同意,以年薪約二百萬聘請李慧玲過檔,引起一群大孖沙不滿,最後DBC要賠一個月人工給李慧玲 作罷。記者向大班查詢,問他有否講過請李慧玲過檔,就可以滅了商台聲。他立即反擊:「唔係,對唔住。我話俾你知,你講呢句說話我就反面!嗰句此消彼長唔係 咁嘅意思嘅。李慧玲係商台icon,你拉佢過來可以吸引更多聽眾。」對於為何向政協埋手籌組電台,他說:「我啲朋友就係嗰啲人(政協),咁我有咩嘢辦法 啫?咁人哋做特首人哋做大官我唔睬佢呀?」但他不得不承認與曾蔭權的關係,影響了電台工作。「我做得電台就六親不認,點解我五月先開咪?就係因為我避免尷 尬唔想鬧Donald(曾蔭權)!我一做實鬧佢,我講唔到咪唔講,呢個就係風骨喇!」他對着記者連珠炮發半句鐘,一向叫着「還聲於民」、堅持言論自由的 他,對向他求證的記者拋下一句:「呢段說話我隨時播出嚟o架!我錄咗你音o架!會放埋你張相上網!落地獄o架你會,火燒o架!我係你老細師傅嚟o架!」

原為政協平台

今日上萬名市民包圍政總,希望撐DBC保衞香港的言論自由,然而大班當初成立DBC時,其實離不開一盤生意。接近何國輝及大班的朋友稱,大班○六年搞電台 時滿腔熱血,一心認為以自己以往的叫座力,至少找來一億廣告,扣除每年五千多萬的營運開支,一年最少賺五、六千萬。他於是與好友何國輝自掏荷包搞電台。他 恃着是特首好友身份,高官都要俾面上電台為政策解畫,而其他商業機構如地鐵、國泰等,也很可能俾面落廣告,情況就如昔日在商台一樣。翌年底大班更成功找來 紅色富豪大孖沙埋班,包括三名全國政協黃楚標、李國章及胡漢清;基本法諮詢委員會委員蒙民偉;時為行政會議成員的夏佳理等,個個都有建制背景。誰知電台一 波三折,只獲批AM頻道,建發射站又被居民反對而擱置,最後被迫申請數碼廣播牌照。有董事透露:「當初大班同我哋講搞電台,第一係話有廣告,佢話以前商台 一年收入有四億,淨係佢自己已經有一億廣告!第二係話我哋一班全國政協,希望多一把聲音可以為民發聲、為政黨發聲,左中右政黨都可以上去開咪!」今日的 DBC在股東反目後成為了反梁基地,在反國教及新界東北事件中,都跟大隊一起鬧政府。但去年八月電台試播,大班曾公開說想待曾蔭權卸任後客串開咪,最後因 爆出黃楚標賤價租出深圳大宅予曾蔭權,才不了了之。曾是股東的胡漢清更曾跟好友說,期待在開台後「處男下海」,以基本法研究中心主席的身份宣揚理念,但他 去年中因電台開台無期而退股跳船。

搵錢大計落空

預計DBC能每年最少賺五、六千萬的大班,還借機獅子開大口。據了解,大班曾要求董事跟他簽下一份十年的管理合同:「當時李國章聽見即刻話,你做一日話唔 做,我哋都賠十年俾你咩!黃楚標當時仲話,你咁樣我破產都唔夠俾你!」大班討價還價,大讚自己八年前在商台做《星期日大班》時已收十萬元一集。最後,雙方 達成協議,DBC只跟大班簽五年管理合約,至於他替電台開咪,則以分佣形式收錢。然而電台開台至今只得四百多萬廣告,根本無肉食。大班至今仍對未能簽成的 十年長約耿耿於懷,更私下大罵李國章:「佢係全香港最『×』嘅人,你睇佢教院搞到個Morris(前教院院長莫禮時)要賣樓同佢打官司!黃楚標額頭係寫咗 『×』字,但估唔到李國章仲『×』過佢,好眉好貌!」外面一直傳大班和何國輝背後可能另有金主,但據認識二人的消息人士指,今次大班與何國輝均真金白銀用 自己錢投資,何更於去年一月把曾與外父外母及老婆一同持有二十年的西貢單位,以七百多萬賣出。所以今次連何太也好緊張,怕「一個仙都攞唔番!」大班亦曾公 開明言,自己投資電台近四千萬。兩派股東自從割席以後,黃楚標自八月起不停派人查數,並向法庭申請由兩名會計師接管公司賬目。何國輝亦自爆公司欠債近六千萬,加上股東已投資的一億五千萬,共燒了二億多,現在DBC處於清盤邊緣,股東將於十月底開會商討,有股東不忿道:「而家唔係錢嘅問題,係忿唔忿氣,如果係朋友嘅,唔會一開始處心積慮錄音,有咩嘢咪傾囉!佢想逼我哋半價賣股份之嘛!」

DBC 風波 黃楚 楚標 標反 反寸 大班 早知 我係 政協
PermaLink: https://articles.zkiz.com/?id=39109

無力還債洪欣內地匿埋:我係無辜!

2012-12-13  NM
 
 

 

42歲洪欣遭「疊碼仔」老豆拖累,被澳門賭廳發出「江湖追數令」,到處張貼大字報,脅迫清還四百多萬「疊碼數」。洪欣最擔心自己和家人的人身安全,直認無力父債女還,正身在內地的她呼寃說:「我由始至終都係無辜!」江湖追數令

過去兩個月,港澳兩地到處有人張貼大字報,向洪欣追討四百多萬賭場「疊碼數」。原來早在今年九月,已有收數公司向洪欣追債。被唱爛賭,受「江湖追數令」所困的洪欣,一直未有公開露面,僅在微博發聲明澄清事件;據知她目前身在內地走埠,因為擔心人身安全,短期內都不會返港。對於父親拖欠的四百多萬「疊碼數」,洪欣透過電話向本刊記者坦言無力代父還債。「我只係個普通藝人,為咗屋企、為咗生活,都有好大嘅經濟壓力,要好努力咁做嘢,真係冇能力幫爸爸還呢筆債,更何況由始至終,我都係無辜者。」今年九月,已經有收數公司搵上門,近日收數行動升級,洪欣被到處貼大字報。對此,洪欣十分無奈,「我都好擔心屋企人嘅安全,自己一個女人仔,真係好難處理呢件事,依家已經報咗警,現階段交俾警方處理,亦好多謝外界關心,目前情況尚可。」因擔心行蹤外洩,洪欣只肯說現時身在內地,未有透露確實位置。

每注十萬

據熟悉賭廳人士爆料,洪欣於三年前經朋友介紹認識姓麥的賭廳負責人,並推薦父親做「疊碼仔」,介紹內地有錢賭客入場賺佣。前年二月至六月間,洪父先後向賭廳「大衞會」和「發達會」提取五百三十多萬泥碼,借予兩名內地賭客,但之後未有如期向公司還款,扣除回佣,合共欠下賭廳四百十一萬。外間亦有指形象斯文的洪欣有賭癖,喜上賭船耍樂,後來更直接到澳門賭場搏殺,最愛玩百家樂,每注十萬上落,豪氣程度令人側目。「外邊雖然有人唱佢爛賭,不過我就冇見過,佢連打麻雀都唔識,又點會賭錢呀?」洪欣的閨中密友為她抱不平。亦有指近年洪欣跟隨好友蔡少芬等成為虔誠教徒,經常參與教會活動,豪賭生活已不復再。

孭起頭家

多年來,洪欣獨力扶養與莫少聰所生的兒子莫鎬廉,靠拍戲、登台孭起成頭家,直到○九年與年輕十一歲的內地演員張丹峰結婚,兒子改名張浩鋒,經濟壓力才稍為紓緩。「佢咁多年都住喺跑馬地間屋,地方雖然有千零呎,但除咗佢一家三口,外家嗰邊啲人都逼埋一齊住,唔係外邊人諗得咁富貴,要佢幫手還四百幾萬,真係冇可能。」洪欣好友說。

我父母唔生性

有賭癮,好易輸咗頭家,唔少圈中人都家有「賭鬼」,十足「7仔」,梗有個喺左近。

還父債 張栢芝

99年,張栢芝入行一炮而紅,同一時間,有江湖背景的父親張仁勇傳欠下千萬巨債「著草」,有人發出「江湖姦殺令」,逼張栢芝父債女還,當時經理人朱永龍馬上開記者會交代事件,張栢芝淚流披面表示「好驚」,之後警方介入調查,事件才得以擺平。

還母債 蔡少芬

單親家庭長大的蔡少芬,其母經常被傳媒影到過大海豪賭,蔡少芬入行後曾代母清還過千萬賭債。02年,蔡少芬忍無可忍,開記者會公開與母親斷絕關係,直至近年母女倆因宗教信仰,關係才修補。

無力 還債 洪欣 內地 匿埋 我係 無辜
PermaLink: https://articles.zkiz.com/?id=41010

[惡搞文]我係大傻仔

惡搞文如這文章

這間酒吧都算攪嘢,長播多年前的卡通音樂,現在播的這首「Popeye the Sailor」,是受保護稀有動物,一堆菜類物體和自我陶醉的溶化在他們不太懂的音樂,在角落大聲喧譁,以為聽左就食在波菜變身。

有個大傻仔走進來,站在酒吧中央,口中像在說話,但沒有人理會,他們繼續說,其他人慢慢靜下來,開始聽到他們的說話:「我是傻仔,我來揾大頭蔡的」。

全場靜了,剩下「Popeye the Salior man」,然後右邊角落一條蔡芯起身,說:「我係大頭蔡」。

那個傻仔正想有行動,有條西洋菜企起身,擋住傻仔去路,說:「我係大頭蔡」。傻仔一野打落去,仲話,「有殺無賠」,「有殺無賠」。

門口有條白菜話:「我係大頭蔡」。

大頭蔡不甘後人,啤啤夫地說:「我係大頭蔡」。

然後全酒吧一齊不停呼叫:「我係大頭蔡」,「我係大頭蔡」,「我係大頭蔡」….點不知當他們一講「我是大頭蔡」傻仔竟然識分身,一個變兩個,兩個變四個,四個變八個,之後就動左自己隻手。

那堆菜最後都全部打到變成瓜,之後警察來了,傻仔就不知所措地說「有殺無賠,有殺無賠」,最後給人帶到青山。回到青山,個大傻仔向醫生講:「條大頭蔡真是痴線的」。

惡搞 搞文 我係 係大 大傻 傻仔
PermaLink: https://articles.zkiz.com/?id=55324

讀書札記170605不當行為30我諗你一定以為我係咁諗你點諗我點諗你

來源: http://www.tangsbookclub.com/2017/06/05/%e8%ae%80%e6%9b%b8%e6%9c%ad%e8%a8%98170605%e4%b8%8d%e7%95%b6%e8%a1%8c%e7%82%ba30%e6%88%91%e8%ab%97%e4%bd%a0%e4%b8%80%e5%ae%9a%e4%bb%a5%e7%82%ba%e6%88%91%e4%bf%82%e5%92%81%e8%ab%97%e4%bd%a0%e9%bb%9e/

讀書札記170605
《不當行為》(三十)我諗你一定以為我係咁諗你點諗我點諗你……
朝日執筆

相比於同時代的其他經濟學家,凱因斯對「金融市場」有更「切身」的洞見。「薯仔堆滿辦公室」的故事,大概只是一個「都市傳說」。然而,他長期擔任「劍橋大學國王學院King’s College, Cambridge」的「基金經理」,造出亮麗成績,並首倡把「捐款」用於「證券投資」(以前只能放在銀行「收息」),這些可不是蓋的呀!

早在「效率市場假說Efficient-market Hypothesis被提出的三十幾年前,凱因斯就認定,股市並不是一個「效率市場」。他舉了一個經典的例子—雪糕公司的股價,在夏季竟然會隨產品銷量增加而上升!這顯然是不合理的。因為「寒來暑往,秋收冬藏」,這些是最清楚不過的「公開資訊」,因此,股價反映的應該是公司長期價值。「效率市場」對「明知必然會發生的事情」(例如雪糕夏天銷量會上升),應該即時(例如在冬天甚或「盤古初開之日」)就作出了反應,而不會等到事情真的發生時(例如某年夏天)才作出反應。

凱因斯的觀察和評論,到了今天依然有效。他所描述的現象,到了現在仍不少見。例如不少零售或航運股,年復一年地在感恩節至聖誕節期間,股價都會上升。到了「業務淡季」,又跌回來。

「效率市場假說」的其中一條重要支柱,是認為在市場出現「不理性行為」(例如定價「過高」或「過低」)時,自然會有「聰明錢Smart Money」與其對做,從而把市場「擺平」,重回正軌。不過,凱因斯卻認為那些「行家」們,其實更熱衷於乘著「不理性繁榮」的浪頭,而非與之對做,因為他們選擇「最佳股票」的標準,並不僅僅是「憑良心」而已。

情境30a:本年度「鄉講小姐」三甲,將由全城觀眾投票選出。得票最高的三位佳麗就是優勝者,而投票選擇與比賽結果相同的觀眾,將有機會獲得「豐富禮品」。最簡單的想法,就是每個觀眾投給自己認為最漂亮的三位佳麗。然而,如果每個觀眾都一心以那些「豐富禮品」為目標,投票時就不一定會(或者「一定不會」)投給自己心目中認為最漂亮的三位佳麗,而會投給他認為其他觀眾會最喜歡的三名佳麗。我們現在來到第三個層次,就算不是全部,也總有些「城府較深」的觀眾,明知其他觀眾會有上述的想法時,會盡量去預測普遍觀眾會怎樣去預測普遍觀眾認為最美的三個。之後當然還會在第四、五、六,以至更多層次的預測。

凱因斯用這個「選美情境」,來比喻投資者在金融市場中的選股策略,實在非常精彩!他們想的不是「哪隻股票會升」,甚至還不是「普遍人認為哪隻股票會升」,而是「普遍人認為普遍人會認為哪隻股票會升」,甚至是「普遍人認為普遍人認為普遍人會認為……

如果一直推下去,會有什麼結果呢?「股票」或「佳麗」到底「有幾靚」?「美貌(或智慧)」畢竟難以數字量化。於是,Thaler又想到了一個「數字競猜遊戲」。

情境30b:請從0至100之間猜一個整數。所猜數字,最接近全體參賽者猜測數字平均值的三分之二的,就是優勝者。

舉例說,如果只有三個參賽者,分別猜18、27、36。三人所猜數字的平均數為27,27的三分之二就是18。所以,猜18的那位玩家就是優勝者。

我們現在一起玩一局,在繼續讀下去之前,請你就先猜一個數字。到最後一起看Thaler實驗中的優勝者,跟你猜的到底有多接近。朝日知道,作為野人一員或者掌門友好的你,是如何的「聰明」。因此大概也猜到,你在作出猜測之前,應該會有問題想問。不過還是稍後才回答你吧!就按現在的資訊,先猜個數字吧,投入感大點才好玩嘛!

這種「個個都咁醒」之餘,又「個個都知道其他人好似自己咁醒」的場面,最適合用「囚徒式互相猜度模型」來分析。
由「零層次」開始,如果所有玩家都是「好Pure好True」的玩家,他們只會以「隨機」的方式猜數字,於是所有人猜的「平均值」就是50了。
「第一層次思考者」會這樣想:「班友邊有腦架?實係『Hea估』啦!這些『零層次思考者』隨便猜出來的『平均值』會是50,那我就猜33(即50的三分之二)吧!」
「二層人」會想:「班友實會『懶醒』,以為其他人都係『傻嘅』。因此這些『一層人』會猜33,所以我就猜22!」
「三層人」會想:「稍微有啲腦都應該知發生咩事啦!所以班友一定以為自己已經好英明咁洞悉咗『一層人思考模式』。他們會沾沾自喜地猜22,我就『黃雀在後』猜15!」
……

這樣往下還可以再推幾層,但並不會沒完沒了。套用一個學術名詞,這個遊戲的「納殊平衡Nash Equilibrium」(參閱第廿二集)是「0」(或者「1」)。因為這已是反覆互相猜度至「沒有進一步思考空間」的狀態了。

好了!你在遊戲開始前不是有問題想問嗎?作為本會會友,SENSE澎湃的你必然第一時間就會想到,在作出猜測之前,首先必須知道對手到底是誰?如果其他參加者都是些「很傻很天真」兼且「好打意」的「玉女歌手」,你猜33大概也就差不多了;如果是一般社交聚會,也許22還是挺靠譜的;不過,若果所有參加者都是博奕論專家(或「邪惡的」野人會眾),那麼就沒有比猜0更合理的選擇了!

這個「數字競猜」遊戲和凱因斯的「選美競猜」,在結構上是一模一樣的,分別只是「美」畢竟比較抽象,但「數字」則易於量化。這個實驗最初是德國經濟學家 Rosemarie Nagel發明的。不過Thaler卻在因緣際會之下,得到一個向「菁英」實驗的機會。Thaler說服了英國《金融時報Financial Times》為他舉辦這個競猜遊戲,並得到英航贊助兩張倫敦來回紐約的商務機票作為獎品。

現在遊戲的「蹊蹺」也告訴你了,對手也告訴你了,無獎問答遊戲正式開始。面對著這些《金融時報》的讀者群,你會猜多少?

170605_a.png

不拖戲了,直接就告訴大家,得獎的數字是「13」!所有讀者猜測的數值分佈見圖表10。

毫不意外,很多「讀過下書」的《金融時報》讀者,都知道「納殊平衡」是「0」。不過,最多人猜的卻是「1」 。Thaler歸咎於自己題目字眼上的「語病」:「從0至100之間」,有可能令人理解為選擇並不包括「0」和「100」。當然,也有可能是這些「猜1者」知道「傻瓜」總是「老是常出現」,即使在《金融時報》的讀者群中也一樣。因此,他們預留了少許的「緩衝帶」。

預留「緩衝帶」的想法是正確的,問題只是留得太少。因為結果顯示「一層人」和「二層人」的數量非常多。至於那些「99」和「100」的,很明顯是惡作劇,但也不能排除是「黑幕造市」,正如真實股市中的「虛假交易」一樣。可幸這些「異常交易」,只是把「得獎數字」由「12」微微拉高至「13」。

以上的數字大約展現了《金融時報》讀書的思考精密程度,看來也不全然是「純理性人」。他們當中大概不少都是金融業界的「行家」。有些基金經理不諱自己是「成長型投資者Growth Investor」,意思就是他們不理會股價貴不貴,只在意其股票還會不會上漲。另一類基金經理會自稱為「價值型投資者Value Investor」,聲稱自己會以「價值被低估的便宜股票」為目標。

不過,如果明知某隻股票還會繼續跌,就算價格如何便宜(被低估),大概也不會有人想買吧?說到底,關鍵還是要買一隻「其他投資者不久後就會買進」的股票吧!正如凱因斯的「選美競賽」一樣,與其說是選「股票」(靚女)本身,不如說是「我諗你一定以為我係咁諗你點諗我點諗你……會㨂邊隻股票(靚女)」的「猜心遊戲」。

「長期投資」?容許朝日不厭其煩地,再和各位重溫一次經濟學界巨人(6呎6吋,與米高佐敦一樣高)凱因斯的「不朽名句」:

In the long run we are all dead!

嚇!我知,我梗知啦!你唔係「坐艇」,你係「長期價值型投資者」吖嘛!

30集關鍵字:
效率市場假說Efficient-market Hypothesis
聰明錢Smart Money
選美競猜/猜數字遊戲
(無限)多層次思考
納殊平衡Nash Equilibrium
成長型投資Growth Investing
價值型投資Value Investing

《不當行為》Richard Thaler著/劉怡女

分享文章

讀書 札記 170605 不當 行為 30 我諗 諗你 一定 以為 我係 係咁 咁諗 你點 點諗 諗我 我點
PermaLink: https://articles.zkiz.com/?id=251762

15歲女兩王一后: 「我係帶人返嚟過夜」

1 : GS(14)@2012-03-11 12:59:39

http://hk.apple.nextmedia.com/te ... 104&art_id=16145824
兩 14歲童被捕

據悉,其家人前晚有事不在家,獨剩少女一人,趁無政府狀態,竟召來兩名 14歲少年回家狂歡,其間玩 3P性遊戲,之後倦極大被同眠。至昨晨 7時許,其父返家發現大廳有兩對男性波鞋及外套,可疑下推開房門,竟見三條「肉蟲」在床上,登時雷霆大怒,其女兒醒來臉帶不屑承認:「我繫帶人返嚟過夜。」
父親忍無可忍下報警,嚇得兩少年大驚,勸少女不要再激怒父親,同時哀求其父放他們一馬,但少女父親拒絕,堅持追究到底。警員到場調查,其中一名少年聲稱沒與女事主性交,只對她上下其手,經調查後他涉嫌非禮被捕,另一青年涉與年齡在 16歲以下的女童非法性交,同被帶署扣查。
女事主被探員帶落樓時,見有記者拍照,有探員好心用筆記簿幫她遮樣,身穿白色背心外套的女事主「寸嘴」地說:「遮乜嘢遮,任得佢影啦,好大件事咩?」至早上 10時,女事主在探員陪同下返回麗瑤邨,逗留半小時後再度帶署,探員撿走一批床單衣服作化驗。
2 : 亞力士(1473)@2012-03-11 13:20:31

如果佢肯讀書 又有性技 前途一定一片光明
3 : passport(1491)@2012-03-11 13:48:21

做娜娜??
4 : GS(14)@2012-03-11 14:05:41

....你地
5 : 龍生(798)@2012-03-11 14:39:58

原來,樣子標致言行出位的女事主,在邨內赫赫有名,一名邨童踢爆:「佢好多男朋友呀,出名豪放爛玩。」又指她經常流連商場,平時無所事事就與一班人煲煙劈酒,其父母曾落樓找她,她即發脾氣當眾大吵起來,傷透父母心。

原來係知名人仕

之後夠左16歲, 一大班係公園煲煙劈酒, 情到濃時, 齊齊上演野外露出....

真係人間極上盛宴
6 : Ben(10970)@2012-03-11 16:39:56

還有報紙有一句引述︰

出名豪放爛玩

下午 3時許,女事主又被帶返家中,只見她毫無懼色,視記者如無物「掂行掂過」,口含兩支珍寶珠,神情得戚;其母則表現尷尬,把頭包到實上樓,有街坊語帶有味地說﹕「嗰女仔乜嘢都要打孖上,食糖都要兩支嚟,真係得意。」

乜嘢都要打孖上…
7 : greatsoup38(830)@2012-03-11 16:44:54

5樓提及
原來,樣子標致言行出位的女事主,在邨內赫赫有名,一名邨童踢爆:「佢好多男朋友呀,出名豪放爛玩。」又指她經常流連商場,平時無所事事就與一班人煲煙劈酒,其父母曾落樓找她,她即發脾氣當眾大吵起來,傷透父母心。

原來係知名人仕

之後夠左16歲, 一大班係公園煲煙劈酒, 情到濃時, 齊齊上演野外露出....

真係人間極上盛宴


呢個小朋友...
8 : 200(9285)@2012-03-12 17:37:02

天生姣西
9 : GS(14)@2012-03-12 21:34:39

8樓提及
天生姣西


咁又搞掂
10 : 200(9285)@2012-03-12 21:39:55

9樓提及
8樓提及
天生姣西


咁又搞掂


我怕佢大個好似卓x芝咁‧
11 : GS(14)@2012-03-12 21:41:51

10樓提及
9樓提及
8樓提及
天生姣西


咁又搞掂


我怕佢大個好似卓x芝咁‧


卓韻芝真是好薄命格
12 : 亞力士(1473)@2012-03-12 23:23:00

有件姣西住係附近 真係家宅不寧
13 : GS(14)@2012-03-12 23:33:34

12樓提及
有件姣西住係附近 真係家宅不寧


點解
14 : 龍生(798)@2012-03-12 23:35:55

唔係丫, 幾好呀,

樓上樓下, 方便3p
15 : GS(14)@2012-03-12 23:37:49

14樓提及
唔係丫, 幾好呀,

樓上樓下, 方便3p


不過見到呢D鄰居我會笑
16 : 龍生(798)@2012-03-12 23:46:13

或者陳師奶見你行過, 會叫你入屋請你飲水魚湯....

阿湯仔呀湯仔, 睇住你大, 睇住你壞, 1日3Q, 好傷身架...見咁岩煲開, 請埋你飲啦...但之後要....
17 : greatsoup38(830)@2012-03-12 23:47:23

16樓提及
或者陳師奶見你行過, 會叫你入屋請你飲水魚湯....

阿湯仔呀湯仔, 睇住你大, 睇住你壞, 1日3Q, 好傷身架...見咁岩煲開, 請埋你飲啦...但之後要....


唔好搞啦
18 : 亞力士(1473)@2012-03-12 23:53:26

咪係 睇住你大 1日3Q 都唔走來揾我陳師奶整番q
19 : skies(1318)@2012-03-13 01:41:16

聽聞呢d命格多有葵水
20 : 龍生(798)@2012-03-13 08:45:45

什麼是葵水?
21 : teawater(1794)@2012-03-13 09:03:02

6樓提及


下午 3時許,女事主又被帶返家中,只見她毫無懼色,視記者如無物「掂行掂過」,口含兩支珍寶珠,神情得戚;其母則表現尷尬,把頭包到實上樓,有街坊語帶有味地說﹕「嗰女仔乜嘢都要打孖上,食糖都要兩支嚟,真係得意。」



亞力士兄:

人地已經練緊一口含兩粒(珍寶珠)啦~~~

一支棒加兩粒珠呀!
22 : 肥B(18468)@2012-03-13 10:10:43

11樓提及

卓韻芝真是好薄命格

何解? 仲有, 佢上電視個妝, 睇皮上的兩點係乜黎? 我好孤陋寡聞架咋...
23 : skies(1318)@2012-03-13 16:54:13

20樓提及
什麼是葵水?


記錯了,是壬水

http://paper.wenweipo.com/2006/02/05/BH0602050013.htm
24 : GS(14)@2012-03-13 21:04:30

21樓提及
6樓提及


下午 3時許,女事主又被帶返家中,只見她毫無懼色,視記者如無物「掂行掂過」,口含兩支珍寶珠,神情得戚;其母則表現尷尬,把頭包到實上樓,有街坊語帶有味地說﹕「嗰女仔乜嘢都要打孖上,食糖都要兩支嚟,真係得意。」



亞力士兄:

人地已經練緊一口含兩粒(珍寶珠)啦~~~

一支棒加兩粒珠呀!


好核突
25 : GS(14)@2012-03-13 21:04:59

23樓提及
20樓提及
什麼是葵水?


記錯了,是壬水

http://paper.wenweipo.com/2006/02/05/BH0602050013.htm


可以開個0八字blog
26 : 亞力士(1473)@2012-03-13 23:07:21

21樓提及
6樓提及


下午 3時許,女事主又被帶返家中,只見她毫無懼色,視記者如無物「掂行掂過」,口含兩支珍寶珠,神情得戚;其母則表現尷尬,把頭包到實上樓,有街坊語帶有味地說﹕「嗰女仔乜嘢都要打孖上,食糖都要兩支嚟,真係得意。」



亞力士兄:

人地已經練緊一口含兩粒(珍寶珠)啦~~~

一支棒加兩粒珠呀!


仲要神情得戚

佢一定會落力得滯 扯到x根痛

我諗緊佢兩王一后 係前後腳 / 前後門 / 定係 共穴
27 : 龍生(798)@2012-03-14 01:04:43

亞力士兄可有興趣夜訪 15歲性女?
28 : greatsoup38(830)@2012-03-14 21:39:52

27樓提及
亞力士兄可有興趣夜訪 15歲性女?


衰11wor
29 : 亞力士(1473)@2012-03-14 23:24:10

我己經過左可以搞15歲女既年紀
30 : 龍生(798)@2012-03-14 23:25:23

天悠悠, 地蒼蒼

人生最大遺憾, 莫過於此.....
31 : 亞力士(1473)@2012-03-14 23:34:01

如果要我係 可以搞15歲女既年紀 上加一個期限 我希望係一萬年
32 : 肥B(18468)@2012-03-14 23:34:48

頂呀~~smiley
33 : gundamlotte(13580)@2012-03-14 23:40:07

31樓提及
如果要我係 可以搞15歲女既年紀 上加一個期限 我希望係一萬年

我仲以為你想講已經進化到搞13歲
34 : jazzf(1476)@2012-03-15 15:44:58

我覺得近來鐘意集體活動人數增加,唔單止港童唔少成年自遊人都係夜店搵人開團。
35 : ksw(1423)@2012-03-15 17:36:00

19樓提及
聽聞呢d命格多有葵水


看格局吧, 壬水見丁乃淫合

命主是壬水就準d
36 : teawater(1794)@2012-03-15 19:46:56

落場識女第一句應該問佢攞個八字
再即場用個iphone/android app 起個命盤
smiley
37 : 游浪潮(3792)@2012-03-15 20:58:44

6樓提及
還有報紙有一句引述︰

出名豪放爛玩

下午 3時許,女事主又被帶返家中,只見她毫無懼色,視記者如無物「掂行掂過」,口含兩支珍寶珠,神情得戚;其母則表現尷尬,把頭包到實上樓,有街坊語帶有味地說﹕「嗰女仔乜嘢都要打孖上,食糖都要兩支嚟,真係得意。」

乜嘢都要打孖上…


呢一下真係笑左
38 : 200(9285)@2012-04-09 20:43:42

葵涌
3P案 兩少年警司警誡

上月 10日葵涌麗瑤邨 15歲少女與兩名 14歲少男玩 3P性遊戲案件,兩名少年分涉非法性交及非禮被捕准予保釋,警方安排女事主送院檢驗及調查後,相信事件未涉及性行為。鑑於兩少年未成年,昨日兩人再到警署報到時,被警司警誡後離去

http://hk.apple.nextmedia.com/te ... 867&art_id=16230798
39 : 龍生(798)@2012-04-09 21:10:31

好彩無入到,真係執番身采
40 : 200(9285)@2012-04-09 21:15:25

39樓提及
好彩無入到,真係執番身采


條淫西隻豬仲係道?
41 : 龍生(798)@2012-04-10 01:43:38

咁就唔知, 我估總有人夠薑既

但兩條靚仔總算無事
42 : GS(14)@2012-04-10 21:21:38

是個女仔自招的?
43 : 亞力士(1473)@2012-04-10 23:41:13

過左成晚都無事發生 個兩條仔咪比人笑到面黃
15 歲女 女兩 兩王 王一 一後 我係 係帶 帶人 人返 返嚟 過夜
PermaLink: https://articles.zkiz.com/?id=278238

利世民:假如我係財爺

1 : GS(14)@2012-06-05 22:34:56

http://www.sharpdaily.hk/article/fin/20120605/97737
噚日,財爺話樓市唔健康,冇理由只升不跌。我雖然唔反對佢講嘅嘢,不過,冇乜人會理佢。畢竟,要明白風險嘅人,唔需要提醒;覺得永遠都有得炒嘅人,點都唔會醒。假如我係財爺,為咗香港,應該講出事實最驚人嘅一面:
「今日,我以欣喜嘅心情向大家宣佈,政府打壓樓價嘅措施,已經喺二手市場有初步成效。過去周末,主要屋苑錄得零成交,反映炒家明白特區政府對打壓炒樓,絕不手軟。
不過,仍然有個別發展商,積極開盤。日後如果樓價升,政府唔排除會以競爭法,向發展商追究助長炒風嘅責任。此外,政府亦要提醒大發展商,日後如果樓價跌,小業主輸錢,將會引起嘅政治同法律問題。
住屋乃基本人權,令到冇人有意欲炒樓,將會係未來特區政府嘅施政綱領。政府會繼續密切留意樓市發展,有需要時主動推出更嚴厲手段,務求令樓價回復到合理水平。
我所講嘅合理水平,就係唔再有人覺得炒樓有獲利機會,炒家完全離場。我已經委託嶺南大學文化研究系,研究超特別印花稅嘅可行性:初步構思係,兩年內有交易過之任何住宅物業,印花稅稅率為交易利潤之100%。」我擔保,如上述內容「出街」之後,一定全場靜晒。

利世民
2 : passport(1491)@2012-06-06 02:47:17

德國係咪好似都係咁??
3 : GS(14)@2012-06-06 21:59:37

http://blog.caijing.com.cn/expert_article-151434-6605.shtml
 具體如下:
  首先,在土地稅上,政府對於自用式房屋購買者和其他土地買賣經營者進行嚴格區分,不同對待。土地稅,實際上是政府向德國境內的地產(包括土地、地面建築物)徵稅,稅金的多少則按照登記的地產狀態和價值確定。其徵稅基礎為每年初按照稅收評估法(根據成交土地的價格得出同類土地的納稅價值)所確定的課稅標準價值,一年一繳。根據聯邦統一的稅率,建築用土地的稅率為3.5‰,獨戶住宅土地稅率分兩類,價值在75000馬克以內的稅率為2.6‰,75000馬克以上的稅率為3.5‰,雙戶住宅稅率為3.1‰。為了鼓勵購買住宅自住,政府對居民自用的第一套住宅不徵地面建築物部分稅收。也就是購置住宅的普通居民,每年只需繳納房基地部分(該房基地價值單獨評估,並在房產證書中備註)的土地稅。
  其次,政府對地產買賣獲利者徵收高額的土地購買稅和資本利得稅。土地購買稅亦可稱土地交易稅,凡國內登記過的土地被出售就要按規定繳納土地購買稅,此處徵稅基礎同樣指土地和地面建築物兩者的價值總和,稅率為3.5%。對於買賣獲利部分,政府還將對出售房徵收資本利得稅,十年內出售即參照公司稅標準徵收資本收益的25%。土地購買稅和資本利得稅的適用範圍還包括買賣房地產公司的股票。
利世 世民 假如 我係 係財 財爺
PermaLink: https://articles.zkiz.com/?id=279707

蔡東豪:「其實我係想贏金牌。」

1 : GS(14)@2012-08-15 09:27:04

http://www.sharpdaily.hk/article ... F%E9%87%91%E7%89%8C
「其實我係想贏金牌。」
李慧詩
中國選手贏了金牌,第一個多謝是國家,表情大都是鬆一口氣;中國選手贏不到金牌(即使贏到銀或銅牌),第一個對不起是國家,表情是痛苦。今屆奧運會在內地引起不少討論,環繞中國體育體制種種扭曲。關於內地事情,我的期望很低,我認為可以公開討論已是大進步。
相比之下,李慧詩的興奮是從心底裡發出來,掩也掩不住。香港人對李慧詩的感覺特別大,因為她像你和我,沒有幾歲被派入內地特訓、被洗腦國家對自己怎好,李慧詩做出好成績,是因為她自願付出你和我不肯付出的。香港人替她開心和驕傲,香港式訓練可做到世界級。
當我們讚李慧詩銅牌已是了不起成績,她說她其實想贏金牌,運動員這種純真,是今屆奧運我最難忘。
蔡東豪
蔡東 東豪 其實 我係 係想 想贏 金牌
PermaLink: https://articles.zkiz.com/?id=280978

電視風雲 - 王奇雲 我係秘撈人 (2013年01月30日)

1 : GS(14)@2013-01-30 22:58:45

http://www.am730.com.hk/article.php?article=140787
【am730專欄】噚日講開秘撈呢瓣,真係講極都唔完,撈得我哋呢行,無秘撈過就叫失敗,唔係你清高,以前啲前輩教落,千祈咪推job,最多接番嚟寫唔晒分俾兄弟姊妹做,如果唔係人哋以後都唔鬼揾你。我咁多年都死記響心度,到今時今日我秘撈都無停止過,我嘅理論係,人家搵我唔係我特別寫得好,又唔係價錢平,只係我服務周到,一叫即到,趕起上嚟肯同人捱通宵趕稿,唔會失去聯絡兼夾永無甩拖,於是乎咪多人關照囉。
我女朋友Carol就好唔同,佢唔係唔秘撈,之但係揀嚟撈,仲好嫌尖腥悶,佢嘅原則係價錢平唔接、趕時間又唔做、無上期收更加無得傾,所以一年到尾都無幾多人搵佢寫,而佢又樂得清閒,尤其係過咗檔之後,新公司講到明嚴禁秘撈,佢份人咁怕死,更加唔會接,我問佢係真唔係全世界都守規矩,Carol話人哋嘅事無謂講,亦唔多想知,我好明嘅,呢行好細,又難守秘密,費事口疏疏影響到人就唔好啦,於是我都無追問落去。反而響無記咁多年,好多人都陽奉陰違,靠秘撈養妻活兒,而公司又無乜點理,有人可能良心發現啩,編劇一直人工已經唔叫高,仲唔俾人響外面幫補下,想趕絕人咩?
你哋自然會問,咁秘撈法會唔會影響日頭嗰份job?哈哈,有人打機,有人打通宵蔴雀,有人上深圳揼骨,都可能會影響日頭份工㗎,秘撈又有咩嘢分別呢?大家千祈咪歧視「秘撈人」,刀要磨至利,度多啲不同戲種都有好處嘅,做人眼光都會廣闊啲。

王奇雲  (逢周一至五刊載)
電視 風雲 王奇 奇雲 我係 係秘 秘撈 撈人 2013 01 30
PermaLink: https://articles.zkiz.com/?id=282230

爽視彈:我係演員! 朱國亮

1 : GS(14)@2013-03-30 23:17:14

http://www.sharpdaily.hk/article/entertain/20130128/171509
晚間重看《天與地》,見着「鼓佬」因內疚投身工運,再由忠變奸,表現出色,如果選2012年視帝,我會投林保怡一票。
不過,演技好不等於可以目中無人!當林保怡知道歌手王菀之有份拍劇時,竟出言嘲笑:「王菀之都拍劇?咁唔夠人呀!」
歌手拍劇就是濫竽充數嗎?大概保怡兄在電視圈的成就令他失了憶,忘記自己本來也當過歌手,也曾在各大頒獎禮競逐獎項,只因行人止步才淡出樂壇,轉投電視圈。
今時今日歌手身價大不如前,相反當紅演員在內地拍劇動輒收幾十萬一集,難怪保怡憑《年少無知》獲商台歌曲大獎時,他拿着獎座強調:「我係演員!」以演員身份獲歌曲獎,足叫他自豪。
回想,當年保怡不是歌手身份拍劇起步嗎?人總有開始,作為前輩,不鼓勵也罷,何必嘲笑呢!
朱國亮
逢一、三、五
爽視 視彈 我係 演員 朱國 國亮
PermaLink: https://articles.zkiz.com/?id=282447

阮兆祥 我係由唱歌開始㗎 2013年11月28日

1 : GS(14)@2013-11-30 13:41:45

http://www.am730.com.hk/article-183524
或者大家差啲忘記,阮兆祥(祥仔)係參加「新秀」入行,推出過個人大碟,唱片封套係一個低頭彈結他,醉心音樂嘅少男,派台歌之一《我心深處》feature彭羚,MV入面擺出標準失意三七面,靠牆、倚窗、坐地甫士,既憂鬱亦純情,不過……事隔已經25年。問佢,點解拎起支咪唔係做主持或者搞笑,而係正正經經唱歌?佢答:「我嘅演藝事業係由唱歌開始。」明晒!
文:賀路斯 圖:莊振邦
Hair:[email]eddykwong@salon[/email] square
Make-up:Zita Chan
場地:Hong Kong Blues Rock Guitar Shop

兩次夢想落空
自從祥仔宣布12月中將會喺伊館開個人騷,唔少人都詫異佢賣嘅,唔係觀眾較為熟識嘅搞笑技能,而係賣唱,正經唱歌,仲開夠3場,問佢覺唔覺得冒險,佢直認今次簡直係食咗豹子膽,但係為咗紀念自己快將入行30年,既然自己係由唱歌開始,今次理所當然,以唱歌嚟做個小總結。係喎,祥仔出過兩張碟㗎喎。

am=am77 祥仔=阮兆祥
am:1984年失意「新秀」,不過喺「全港十九區業餘歌唱大賽」奪得季軍,攞到香港電台電視部藝員及歌手合約,唔係名正言順做歌手咩?
祥仔:我都以為係,諗住可以唱歌啦,但當時工作量好少,太多空閒時間,我希望自己做主動嘅一個,去表態,去爭取,我就走去自薦由電視部去電台部學嘢,做DJ,做咗幾年,知名度開始高,就有唱片公司問我有冇興趣出碟,梗係好啦!咁就出咗兩隻碟。

am:出過兩隻碟,已經好過好多人,但後來發生咩事而冇唱歌?
祥仔:我做DJ,又係行內人,好清楚一隻成功唱片賣幾多隻,人人都賣緊5萬隻,我賣得5千隻,只係做到人哋十分一嘅銷量,同期係林志穎、吳奇隆,我同佢哋梗係冇得比啦,當時就諗係咪要轉型呢?例如入TVB,有慣性收視,觀眾日日睇住我,就算今日睇我唔順眼,睇10日都會睇慣,就係咁入咗TVB做主持人。

am:聽聞之後又有唱片公司搵你出碟,你仲特登為咗出碟而離開TVB,點解後來冇咗件事?
祥仔:幾次都係咁,好似距離唱歌好遠咩?突然又有機會,當時成個Project有晒Idea,聯絡晒音樂人,開始收歌,但唱片公司高層變動,高層取向唔同咗,冇辦法,唯有擱置。

am:嘩,離開咗TVB,又冇得唱歌,好大打擊啫!
祥仔:唔開心都係短時間,我覺得有問題唔放低係冇意思,要諗出路先啱,我要做主動嘅一個,克服咗就唔會有唔開心嘅回憶。

發掘搞笑天分
正當祥仔躊躇之際,多得電視台劇集監製梅小青搵佢回巢拍《娛樂插班生》,雖然只係配角,但搞笑天分就得到賞識,開始有監製搵祥仔專做丑角,但係唔講唔知,祥仔原本都唔認為自己識扮嘢,亦自覺唔識演喜劇,但事實上,觀眾受落,及後更令祥仔喺綜藝節目大展拳腳,例如近年少有搞笑搞到開騷嘅組合「福祿壽」。

am:起初睇《娛樂插班生》,覺得你演喜劇自然到不得了,反而你自己唔覺得?
祥仔:拍呢套劇之前,我曾經自薦去做體育節目主持,總監覺得我得,俾我做奧運直播,嗰日做完直播,見到粉絲,我問有冇睇我做直播呀?佢哋反應好熱烈話「有呀,有呀,你做得好好笑呀。」點解會好好笑嘅?我先至知我好認真嘅時候,觀眾都係覺得我好好笑。
am:令我諗起Bee Gees嘅《I started a Joke》……想做歌手做唔到,想正經又正經唔到,係咪好氣餒?
祥仔:冇,喜劇唔簡單,例如觀眾睇一個藝人喊,就算睇幾次都唔會話「睇過你喊啦!」但一個笑話你講超過一次,觀眾就會話「講過啦!」要求係較高,其實搞笑有好大學問,我要演好佢。

am:2007年你戲路上有好大轉變,就係《溏心風暴》入面嘅奸角舅父波,仲攞埋當年最佳男配角獎,點解會有咁大改變?
祥仔:《溏》係偶然嘅機會,係頂替黎耀祥做呢個角色,當日監製問我有冇興趣,套劇個個都係老戲骨,有夏雨、李司棋、關菊英喎,我梗係有興趣啦,監製亦俾咗好多功課我做,例如邊個場口要注意,要設計一下,套劇出咗嚟好睇,係因為大家合作得好,起到化學作用。

am:台慶你赤住上身,俾人當鼓打到紅晒,犧牲好大喎。
祥仔:個表演係成班人一齊傾,雖然得分幾鐘,但我喺個身度黐咗4個咪,調校埋大細聲要做到效果,我堅持要嚟真,堅打,打到啪啪聲,等觀眾睇到唔係配音,雖然有傳媒話我哋唔知想點,但現場觀眾反應好好,夠娛樂性,有驚喜,咁就足夠。

唱歌死心不息
首次開個人演唱會,祥仔喺上年年尾開始構思,仲自掏荷包,自組班底,孭上最大風險,但冇諗過會輸定贏,因為祥仔喺娛樂圈打滾近卅年,識落圈中好友一大籮,個個一知道佢開騷,紛紛主動支援,撐場做嘉賓不在話下,送歌送詞,令祥仔感到溫暖,深受感動,所以將演唱會主題定命為《一祥朋友》,在佢而言,經已冇輸呢回事。

am:30年後都係返上舞台唱歌,係咪一直對歌手身份念念不忘?
祥仔:我相信殊途同歸,有啲人覺得唱歌嘅,一開始到尾就只係唱歌,我就覺得唱唔到歌就搵第二條路,有機會就再返嚟唱歌,有機會就唱,我唔視唱歌為終身職業,但會視唱歌為終身興趣。

am:你落咗咁多心血,一定搏到盡,搵晒所有朋友嚟玩啦!
祥仔:唔會太多嘉賓,有田蕊妮、陳敏之等等,仲有個神秘嘉賓,7、8個左右,多數係女性,仲會喺台度擺張床,一齊傾下偈,唱下歌,唔會一次過晒冷友情,我希望下年可以搬去大啲嘅場,到時再叫多啲朋友一齊玩。

am:你喺演唱會除咗唱歌,仲會做啲咩?
祥仔:我要挑戰舞台皇者郭富城,要做番歌手本份,會唱,會跳,想唱歌感動到人,亦非常落力排舞,我依家學緊Breaking、Knocking,每日做GYM、跑步收身,我要做人哋未見過我做嘅新嘢,想人哋睇到我嘅進步。

am:你真係唔會喺演唱會入面搞笑?
祥仔:搞笑嗰部分等我啲徒子徒孫——黃子華同張達明做啦!

am:之後會唔會正式以歌手身份再戰樂壇?
祥仔:依家心態係想大家睇一睇,正經唱歌嘅祥仔係點,少少試水溫,我想首先做好演唱會,當大家喜歡祥仔唱歌先至再諗其他嘢,若果都係覺得祥仔麻麻哋,咁我就可能要再裝備自己,希望下次再有機會,再說服各位,祥仔可以係歌手。

後記:
差點忘記,在手機中的音樂清單中,有一首祥仔25年前的作品《In your eyes》,他一聽到前奏,不到兩秒已彈起身,自己的主打歌,怎會忘記?
「聽番自己舊時嘅歌,感覺又愛又恨,恨係當時太幼嫩,冇經驗,有首歌,有詞,就照住唱,唔識把握首歌,唔識搵方法去演繹;愛嘅係,好愛惜當年把聲,呢把聲我唱唔番。」
祥仔當年個人大碟《我心深處》只有黑膠唱片及錄音帶,如今,已成滄海遺珠。
「早前突然收到以前唱片公司老闆電話,佢話大概兩個禮拜後,我以前隻碟就會推出復刻版CD,我可以好好咁收藏。」
祥仔回贈他的一首新歌,訪問前一晚才錄起,這個星期將會派台,一聽,是首慢歌,唱腔改變了,若非早知道是他,必定會脫口問「邊個唱㗎?」
「為咗演唱會,早前接受黃柏高Paco訪問,佢問我準備成點,啲歌齊未?我話差隻慢歌仲揀緊,Paco叫我唔使揀,佢幫我揀,第二日朝早就打電話俾我,問我收到首歌未?我聽咗覺得好聽喎,15分鐘後Paco再打俾我,話呢隻歌唔使我出錢,佢全力幫我製作,搵埋填詞人火火,包喺佢身上,呢啲就係一場朋友,好感動,首歌叫《二把》。」

2 : GS(14)@2013-11-30 13:43:19

http://www.am730.com.hk/article-183532
唱歌唔使愁入行靠行頭
自從香港減少公開及大型嘅歌唱比賽之後,
睇落好似少咗個門路,
其實入行方法反而多咗,不過問題係唱片公司捧新人,
係一項巨大投資,宣傳一向係最大開支,
拍MV又可能要請Models或者Dancers,加上市場萎縮,
賣碟真係未必番到本,
不過,若然歌手有啲家底去幫補一下,
就好大機會成事,呢度大把例子。
文:77合作社

亞太區 林峯~外間一直有傳林峯爸爸有「廈門李嘉誠」之稱,入行係靠人事關係,不過佢喺電視台都做過侍應、士兵呢啲閒角,只係過程超短,好快就拍住吳啟華、古天樂做第二男主角,冇幾耐就坐正一線,2007年正式簽約英皇娛樂成為歌手,最為人津津樂道,當然係取代Eason連奪三屆「亞太區最受歡迎男歌手」,2011年憑《Chok》一曲仲奪得「金曲金獎」添。

粉絲強大 麥浚龍~18歲就出道嘅Juno,由於父親係中建電訊主席麥紹棠,加上短時間內經已有一班粉絲追隨,一直有傳靠父親嘅銀彈策略,聘用職業粉絲、出錢買碟、購買播放歌曲時間及各類宣傳,無論外間有咩揣測,Juno繼續我行我素,堅持理想,及至今年憑自編自導自演嘅電影《殭屍》,終於得到演藝上嘅成果及掌聲。

歌舞動人 吳雨霏~有錢與否,當然視乎同邊個比較,之不過住喺比華利山,讀得國際學校,應該屋企日日有飯開,唔會捱餓,當年Cookies 9個女仔,走下一個,走下幾個,前後11年,今日Kary仲可以站立喺樂壇,除咗靠佢本身嘅歌藝同舞藝,屋企支援相信一定唔少得,事關好多成員都為咗搵食,一早轉投其他行業發展。

注定音樂人 王梓軒~父親王英偉係港區全國人大代表,亦係香港藝術發展局主席,背景咁顯赫,王梓軒當然受到悉心栽培,佢6歲就開始學小提琴同鋼琴,亦喺大學修讀現代舞,作曲、編曲、監製及填詞嘅工作早經耳熟能詳,出隻碟可以一手包辦咁滯,返到香港唔獻身音樂事業就嘥啦!

宣傳充足 梁佑嘉~自Abella出道至今,一直有強大宣傳,例如電視廣告,個人特輯主持嘅旅遊節目,邀請台灣歌手柯有倫特意飛嚟香港同佢合唱等。佢仲專程飛去韓國學跳舞,出入有司機接送等各種超然安排,早前就有傳媒指佢其實家底豐厚,入行都係多得喺經營內地房地產富商老竇貼錢支持。

太子女 朱紫嬈~作為太子珠寶鐘錶行執行董事朱繼陶嘅女兒,Khloe當然可以稱為太子女啦,至於佢入行經過就有兩個講法,第一個係家人同金牌經理人Paco係世交,第二個係因為佢唱功不俗獲Paco睇中,不過由於佢家境富裕,令佢曾經表示,記者經常問係咪老竇出錢做宣傳,以致外界甚少留意佢嘅音樂。



唔撈歌手仲有出路
樂壇每年有咁多新人出道,點記得你邊個打邊個,
即使你唱歌有幾好聽,如果因為你恃紅生驕,
或者同負面新聞扯上關係,
又甚至只不過係你公司唔夠budget捧你,
你都未必有得撈!
其實撈唔掂歌手唔代表你唔掂,只可能時不你與,
既然係咁就無謂勉強,
因為唔撈歌手仲有出路!


Oscar 做生煎皇~Oscar喺2004年同古馳組成Bliss出道,可惜事業一直未見起色,合約完咗之後,一米九嘅佢去咗上海做模特兒。期間,佢日日食生煎包都食極唔厭,於是決定將呢種口味帶返香港,同朋友一齊開咗間正宗上海生煎皇,仲搵埋上海師傅教佢整正宗上海口味嘅生煎包。嚟緊佢仲諗住再開分店,其實做下自己鍾意又有興趣嘅嘢,咪仲好。

肥媽 做主持好過唱歌~肥媽(Maria Cordero)把聲夠晒嘹亮,後生時就已經出嚟唱lounge,之後被泰迪羅賓發掘,為電影唱主題曲而為人認識。不過佢唱嘅歌唔係太大路,外形又太有份量,以致《友誼之光》及《Ma Ma I Love You》之後,再冇大熱之作。及後佢開始喺電視台做下主持,由於煮得一手好餸,於是當上烹飪節目主持人,教大家點樣揀靚菜煮好餸。同樣係靠把口,結果做主持仲受歡迎過做歌手!

Alan@E-kids 自強拒做曱甴~E-kids入面大家可能淨係記得Tommy(因為佢聲稱同G-Dragon好熟,同埋經常俾人影到過大海賭錢,所以成日見報),另一成員Alan自從組合拆夥後,好似唔多想同Tommy扯上關係,早前同另一成員Tim開咗場騷都冇預Tommy。Alan自從冇唱歌之後,去咗教跳舞,都叫做有份收入穩定嘅工作,總好過喺樂壇浮浮沉沉,俾人當係曱甴,就唔好啦。

陳冠希 賣潮服仲好搵~Edison嘅演藝生涯係點,毋須多講,分分鐘你仲熟過我,值得一提嘅係,佢當年一首《香港地》的確曾帶起過一陣rap熱潮。自從淫照事件宣布退出娛樂圈,及後又反口復出,接拍《蝙蝠俠—黑夜之神》,點知得一句對白咁多,引來網民取笑,就知道佢現身幕前已經冇人睇好,唯獨係佢嘅潮牌服飾,好似同佢嘅人氣成反比例咁,佢愈俾人噓,啲衫就愈賣得。

趙梓淇 組織家庭享天倫~趙梓淇Yu(趙頌茹),當初憑住翻版鄭秀文個朵出道,好快就為人認識,加上模特兒身材,工作量都唔錯,但有傳佢工作態度欠佳,加上男友周永恆多次出事(涉嫌藏毒、毀壞公物、刑事恐嚇及毆打案等),以致兩人形象插水!好在佢哋因為宗教信仰嘅改變而慢慢洗底,Yu後來曾做過記者,依家就專心喺屋企湊兩個可愛嘅小朋友。

梁洛施 生仔做少奶~15歲就加入英皇,出碟拍戲拍廣告,曝光率極高,仲做埋葡萄牙影后,點知突然選擇淡出娛樂圈,因為當時佢懷有李澤楷嘅骨肉。雖然最後佢同李澤楷分咗手,不過就一直過住唔使點做,齋湊仔嘅少奶奶生活。直至早前,佢喺張艾嘉執導新作《念念》嘅記者會上出現,並正式宣布復出。

杜麗莎 自己唔唱教人唱~出生自音樂世家嘅杜麗莎,六十年代就已經活躍於樂壇,但喺佢最紅嘅時候,竟毅然為愛情放棄事業,移居美國結婚生女。後來回流、移民再回流返香港,就好少推出新歌,反而一心教人唱歌,天后級嘅林憶蓮同鄭秀文,薛凱琪、傅穎同鄭融都係佢學生。
3 : GS(14)@2013-11-30 13:43:59

http://www.am730.com.hk/article-183556
香港有大把藝人歌、影兩棲,
例如天王劉德華同郭富城,又好似天后鄭秀文同楊千嬅。
不過唔係個個藝人都好似佢哋咁,可以瓣瓣撈得掂,
例如有啲人本身以歌手身份入行,但搵食艱難,
突然間轉去拍戲,有啲人明明係演員出身,
但突然爆紅,咁就走咗去出碟做歌手。


係撈
呢班人原本身份唔係歌手,不過屬於演藝界一員,由於近水樓台,當人氣夠旺,或者等到適當時機,就自動有唱片公司向佢哋招手,而佢哋大多數嘅特徵係靚仔靚女,但歌藝未必特別出色,或者真係禾稈冚珍珠,有把靚聲一直冇機會俾人知。


藝員變歌手 古巨基~1990年加入TVB,參加藝員訓練班做藝員,畢業後主要做主持同喺劇集做二打六,較令人深刻有《娛樂新聞眼》,經常訪問歌手藝人,不過呢段期間,佢喺圈中結識咗唔少朋友,亦不知不覺透露咗自己唱歌嘅天份,後來終於得到賞識,被唱片公司簽為歌手,加上一堆好歌而紅咗,終於輪到佢俾人訪問番。

新秀轉拍劇 鄭伊健~好多人以為佢係拍檸檬茶廣告入行,錯!佢係參加「新秀歌唱比賽」而簽約TVB,不過幾年間由配角成為小生,九十年代偶像派歌手抬頭,伊健亦喺1991年加盟BMG推出多隻大碟,成為多個品牌代言人,《古惑仔》系列亦爆紅,正當佢事業如日方中,突然發生「奪麵雙琪」,令其人氣一度插水,近年已甚少推出新歌,但每年梗會開演唱會見下樂迷。

玉女掌門 周慧敏~有玉女掌門人之稱嘅Vivian,1985年參加過「新秀歌唱大賽」,不過落選,後來參加香港電台嘅「業餘DJ大賽」正式投入演藝事業,佢開頭係擔任DJ,但清純嘅面孔,溫柔嘅聲線,好快就俾唱片公司睇中簽為歌手,旋即爆紅,後來加盟寶麗金唱片成為力捧女歌手,紅透九十年代初,兜兜轉轉都係做歌手,都唔知當初係TVB走漏眼,定係Vivian突然識唱歌。

模特兒入行 周柏豪~好多人都知周柏豪做歌手前係模特兒,為唔少潮流品牌行騷,不過再準確啲,其實佢應該係錄音室嘅工程師,幫歌手做Demo、唱廣告Background歌之類,加上佢識得彈結他同鋼琴,順理成章成為唱作歌手,雖然聽眾對佢啲歌冇咩大反應,不過就對佢喺社交網上嘅留言反應大好多,例如「水杯論」咁。

永不放棄 鄭俊弘~Fred係一個年輕人追逐夢想嘅完美典範,2001年參加「全球華人新秀歌唱大賽」,獲得「現場最具風采獎」、「突破新秀巨星演繹獎」、「網上完美之聲大獎」兼攞埋亞軍,卻因華星唱片業務改變,Fred成為歌手美夢落空,惟有撈演員,不過今年憑住《星夢傳奇》摘冠之餘,仲得到廣大觀眾認同,事隔12年,應該好快正式以歌手身份見大家。

網民力撐 官恩娜~大溪地靚女Ella最初喺Roadshow當主持,由於佢樣子甜美,性格爽朗,獲唱片公司賞識成為歌手,作品《地平線》亦備受好評,可惜經常捲入是非,令佢事業停滯不前,2009年雖然佢喺《超級巨聲》表現令人刮目相看,但仍未見起色,愛惜佢嘅網民決定喺FB主動成立「力捧官恩娜上位團」,希望佢可以喺樂壇再放異彩。


唔係撈
唱得歌入行,歌藝都有番咁上下,不過呢條路唔易行,首先要有唱片公司簽做歌手,之後要有唔止一首嘅好歌,一下子接唔住個勢,好易俾人遺忘,仲要夠運氣,同期唔可以有太多競爭,形象要夠突出,否則半年錄一次音真係飯都冇得開,所以轉做藝人或者幕後嘅例子都唔少。


搞笑天份高 江欣燕~1985年得18歲青春活潑嘅江欣燕,參加「新秀歌唱大賽」入行,雖然三甲不入,但被華星唱片睇中簽為歌手,早期作品有日文改編歌《夜半驚魂》,亦唱過日劇《偶像媽咪》主題曲及兒歌,可惜未能正式喺樂壇發展,相反觀眾就喜歡佢扮Maria,早年佢同吳積遜結束12年婚姻,因此又多咗見佢參演電視劇。

內地拍劇更紅 李彩樺~Rain以歌手身份加入娛樂圈,推出不下5張唱片,最令人深刻嘅歌相信係「唸口簧」唱嘅《你唔愛我啦》,不過出道時有唔少同佢風格相近嘅女歌手,形象始終唔夠鮮明亦冇突破,一直被界定為妹妹仔,最後亦要轉拍劇集,但反而令人受落,近年更主攻內地市場,比唱歌紅得多。

浪子回頭 鄭中基~唱片公司太子爺,自小受音樂薰陶,天生又有把靚聲,唔做歌手真係嘥,1996年同張學友合唱《左右為難》,令佢成為當時炙手可熱嘅新人,不過接連在飛機上醉酒鬧事,令佢事業同形象大插水,近年暫冇新歌推出,不過佢嘅喜劇細胞就令人非常受落,加上結婚生女,一洗壞孩子形象,真係浪子回頭囉。

拍劇翻身 蕭正楠~拍優之良品廣告被人發掘成為歌手,同期力壓有強大實力支持嘅麥浚龍,獲得「男新人金獎」,點知衰多口講咗句「邪不能勝正」,結果被樂壇全面封殺,搞到避走內地,2008年回港專心拍劇,幾年間得到多個演藝獎項,今年終於走到一線位置,仲被視為視帝大熱之一,之前受過咁大教訓,希望佢真係學識慎言嘅道理。

重投電視懷抱 陳展鵬~本身係TVB藝員,多數做茄喱啡,1996年得寶麗金唱片公司賞識成為歌手,曾經推出《快快》、《拉拉扯扯》等歌曲,但當時未能兼顧歌手及演員工作,決定同TVB解約,點知唱片公司被收購,連首張個人專輯都未推出就失業,後來加入ATV重新嚟過,2008年再重返TVB,今次乖乖哋拍劇,終獲力捧,真係唔知當日解約係福定係禍。

曾經滄海 羅嘉良~佢都係參加「新秀歌唱大賽」入行,不過加盟咗ATV,為當年大製作《秦始皇》唱主題曲,1987年轉投TVB為長劇《季節》又演又唱主題曲,但都係唔紅,反而九十年代演反派就彈起,從此成一線小生,1998年憑住《天地豪情》推出大碟,仲喺紅館開咗4場演唱會,但始終欠缺承接力,加上同宣萱緋聞不絕,千禧年開始轉戰內地,近年甚少拍港劇。
兆祥 我係 係由 唱歌 開始 2013 11 28
PermaLink: https://articles.zkiz.com/?id=284170

網民等巴士…發哥親上前:你好,我係周潤發

1 : GS(14)@2015-01-22 23:13:33





「高大靚仔有型」嘅萬人迷周潤發,一直都係港人心目中嘅偶像,發哥向來好親民,喺香港出入只係坐地鐵、巴士等,大家如果有幸嘅,隨時喺街上,見到呢位「民間特首」,身邊絕對唔會有保鑣阻住你埋身,勝在港人同要求影相嘅人都好自律,唔會令發哥受驚。發哥亦都講過唔少人同佢素未謀面,但就默默支持佢咁多年,求合照都只係幾分鐘,發哥覺得唔應該拒絕對方。如果大家肯大膽啲,要求發哥合照,仲可以享受到發哥「獨有嘅selfie技巧」,影得唔錯㗎!真係要問句:「你同發哥selfie咗未?」好似噚日本報發放發哥喺機場「電暈」空姐、特警嘅影片同圖輯,即勾起好多網民嘅回憶,原來唔少人遇過發哥,仲紛紛上蘋果fb分享「集郵經歷」添,例如有以下呢幾個:1.「是咁的:等巴士見到後幾個身位好似發哥,叫個fd望吓,佢睇都冇睇,好大聲講『咁易喺街撞到發哥咩~』跟住發哥上前來自我介紹:『你好,我係周潤發』即時全隊影相攞簽名,我開心到暈咗…」2.「佢真係俾你哋影到夠晒先走..身邊冇保鑣,見過佢喺九龍城行(估佢去街市)有OL加學生妹。同佢影相都笑晒口,仲要拎簽名嗰時問埋使唔使你男友簽埋(可能聽到個女仔同男友講見到發哥)真係俾佢笑死…」3.「發哥真係好親民!話說嗰陣同兩位朋友喺機場接機,喺等嘅時候,我朋友突然話『發哥!』,之後我兩位朋友就慢慢跟住佢哋話想影相,點知嗰陣,佢哋要入lift,正常反應都會覺得佢應該趕時間之類,但點知發哥一句『入埋嚟啦』,朋友就諗住喺lift影相,但機場啲lift真係好暗,點知一出lift,發哥就好自動拎我朋友電話開始同我朋友自拍,其實我都係企埋一邊,但發哥都自動過嚟同我影埋,嗰刻心諗,如果發哥係香港特首就好喇!最後我就影咗張我冇望到鏡頭嘅合照。」4.「發嫂好幸福,發哥真係好到唔知點形容。我見過好多藝人,佢係唯一一個主動同我打招呼,而當時仲係正值佢最紅嘅時候。有禮貌又毫無架子,除咗佢仲有奇洛李維斯,永遠難忘!」另外,更有網民反問,發哥究竟同過幾多人影selfie?其實翻查微博及網頁打「發哥」,又真係有好多人同佢影過合照㗎!唔知大家又有咩同發哥嘅經歷呢?





來源: http://hk.apple.nextmedia.com/entertainment/art/20150122/19011775
網民 巴士 發哥 上前 你好 我係 周潤發
PermaLink: https://articles.zkiz.com/?id=287403

女神篇:我係一個幾悶嘅人

1 : GS(14)@2015-04-30 09:04:07

記:記者 周:周嘉儀記:周嘉儀係一個點樣嘅女仔?周:我係一個幾悶嘅人嚟,鍾意留喺屋企,耐悶能力都幾高嘅一個人,可以由朝到晚留喺屋企,冇乜做瞓吓覺睇吓電視,陪屋企人食吓飯,全日唔出街都得。工作上我都算幾盡責嘅員工,老闆交畀我嘅嘢一定會完成,勤力就一般啦!都係普通人,冇乜特別。記:你性格好堅強?周:我偏向文靜,但係唔算太柔弱,EQ都算高,我情緒起伏唔算好大,我獅子座,自專心強、鍾意表現自己。記:被指女神或者BB,感覺如何?周:其實係好親切,多謝佢哋支持同鍾意自己,但都OK㗎!覺得好nice嘅稱呼。出面大家都叫我嘉儀多,我都好鍾意佢哋咁叫我。記:你心目中女神定義係點?周:女神係神級,唔係平凡人,喺某行業或界別都有出色表現,工作專業,有好表現,會更加有吸引力。我都唔知點解會成為女神,係靚呀?我唔知個定義,但overall嚟講係善意稱呼,我接受。





來源: http://hk.apple.nextmedia.com/entertainment/art/20150430/19130264
女神 我係 一個 幾悶 悶嘅 嘅人
PermaLink: https://articles.zkiz.com/?id=290074

祝福前夫蜜運有着落法拉等桃花:我係好女仔

1 : GS(14)@2015-08-05 08:38:15

■法拉自言現在是單身,仍未遇到合適對象,緣份到便會拍拖。


陳法拉的前夫、Neway大少薛世恆最近緋聞多多,先後被影到約會梁雨恩和趙頌茹食飯,法拉昨日與Twins在上環出席時裝活動時,大方回應謂:「人要向前望,唔會向後望,大家都係朋友,間中有聯絡同打招呼,希望佢開心。」法拉現長居美國進修演技,間中返內地及歐洲等地拍廣告,很少時間留港,故未有時間約薛世恆見面,問會否關心對方感情生活?她說:「佢都係好男仔,希望搵到個好女仔。」



■法拉讚前夫薛世恆是好男仔,希望對方能開心生活。資料圖片

■趙頌茹被指與薛世恆一起。資料圖片


■梁雨恩昨日表示工作為先,正等待真命天子出現。

無綫邀回巢

法拉自言現在是單身,問有沒有追求者?她笑一笑說:「都係咁……我都係好女仔,但未有啱。」是否太揀擇?她說:「唔係,睇緣份,緣份未到。」法拉表示希望明年多留港拍電影,對無綫鬧藝員荒,法拉直言無綫曾邀她回巢拍劇,但自己未能配合,問如果遇到好劇本會否答應?她說:「短時間內未有計劃。」另外,梁雨恩昨日在商台宣傳新歌,問到其緋聞男友薛世恆是否值得等?她坦言沒時間踏入戀愛,現工作為先,她說:「都冇乜機會見,大家都忙,電話溝通都少。」會否怕沒了下文?她說:「我都唔知,我等待啦,我亦唔知佢係咪我真正對象。」提到趙頌茹被周刊影到與薛世恆一起,二人是否發展?梁雨恩即說:「梗係唔係啦,大家係同教會嘅弟兄姊妹,出出入入極度平常,影到大家食飯都好合理,唔使誤會。」採訪:溫敏芝攝影:陳慧安





來源: http://hk.apple.nextmedia.com/entertainment/art/20150805/19243105
祝福 前夫 蜜運 運有 著落 法拉 桃花 我係 係好 好女 女仔
PermaLink: https://articles.zkiz.com/?id=291956

【《蘋果》專訪】講身份認同 戥周子瑜唔抵河國榮:我係香港人

1 : GS(14)@2016-01-19 23:05:29

■澳洲人河國榮昨日在深水埗舊區的大牌檔接受訪問,表示超愛香港、超愛香港人。攝影:陳志嵐



港人愛張國榮,但來自澳洲、現年50歲的河國榮卻超愛港人,他87年發歌星夢來港,至今28年,對於近日台灣藝人周子瑜和羅志祥連環爆出身份問題,遭網友插爆,河國榮寄以同情。他昨日接受本報專訪,就直呼:「我係香港人。」河國榮不但愛港,更愛港人,希望新一代能救香港。


藝人近日因為身份問題連番爆出兩岸風波,韓國女團TWICE的台灣成員周子瑜被指是「台獨分子」遭內地網民抵制,她拍下道歉片段仍未能平息事件。台灣的羅志祥上周四在內地出席電影首映,爆出一句:「我們都是中國人。」又再燃點中台兩地網民和粉絲爆衝突。對於國籍和身份是否要掛鈎,土生於澳洲,87年發歌星夢來港闖天下的河國榮,在這彈丸地居住了28年,娶了港妻組織家庭,昨日他在深水埗大牌檔接受本報專訪,對自己的身份高呼:「我係香港人。」



明顯係被迫道歉

對於周子瑜和羅志祥因為身份問題遭網友鬧爆,河國榮表示有留意報道:「如果台灣人話自己係中國人,好明顯係怕中國政府,暫時嚟講,台灣真係唔係中國,但香港真係中國,香港同台灣係兩件事,香港人承認佢係中國人係OK,但台灣未係,但逼佢哋講出其實係唔啱,佢哋講出嚟,幾乎全世界都知佢哋係被迫講,唔會有人信。台灣有個女仔(周子瑜)係被迫道歉,因為佢揮緊台灣旗,明顯睇到佢間公司突然喺內地冇得撈,逼佢唔好揮台灣旗,就話佢係中國人,錢係萬能。」河國榮曾說過香港絕望指標達八十巴仙,但經過毛記《分獎禮》,這個指數有下降到七十多巴仙,他說:「畀到好多香港人新嘅正能量去面對將來,本來大家幾乎放棄,但而家大家仲有少少希望。」河國榮又說:「香港仍然有希望,下一代可以救香港,但係唔好用以前方法,要用新方法,新一代要認清楚問題喺邊,諗方法去解決,將社會提升,大家開心啲,生活搵到食,解決樓價、地產同租金問題。」他自爆早年差點做業主,但跟賣家往簽約期間,對方收到一個可多付30萬的電話,簽約告吹,所以他非常關心樓價問題。談到無綫,他又不後悔離開:「佢哋政策係唔會擺資源喺老外身上,我留低最多做甘草。」



■河國榮上周在毛記分獎禮中連中兩元,演繹《真.香港地》時更感動觀眾。資料圖片

■河國榮87年買了張單程機票來港,就沒想過離開。


■河國榮(左)去年應邀任何韻詩演唱會嘉賓。資料圖片

唔想廣東話絕種

反而河國榮擔心廣東話會絕種:「好多人話教中文要教普通話,香港人移民咗美加,佢哋仔女係識聽識講,但仔女再生嘅仔女就唔識,三代不保。如果香港幼稚園或小學實行用普通話教學,亦會三代不保,我好鍾意廣東話,我唔想見佢消失咗,我覺得廣東話非常重要,有佢特色同文化,希望可以keep好耐好耐。」河國榮在《分獎禮》當晚以廣東話流利rap出《真.香港地》,回想收到毛記電視安排他挑戰這首歌時,河國榮反覆練習了四百多次,他邊唱邊感動萬分:「當中寫到『我同你同一種人』,我哋都係真港人。首歌唔係我揀,係香港人揀畀我,我起碼有十次,我一路練,一路眼濕濕,首歌意思真係無得頂。」他愛香港,更愛香港人:「可能講緣份,同香港人係夾,我87年5月31日嚟到就冇走,我都好鍾意香港人,人先最重要。」而最終他在「《分獎禮》連中兩元奪得「曲金曲獎」和「最受歡迎男歌星」獎,與MC仁壓軸獻唱《真.香港地》時又掀起全晚高潮,大團圓結局。採訪:戴彩煥





來源: http://hk.apple.nextmedia.com/entertainment/art/20160119/19457266
蘋果 專訪 身份 認同 戥周 周子 子瑜 瑜唔 唔抵 抵河 河國 國榮 我係 香港
PermaLink: https://articles.zkiz.com/?id=294571

權鬥犧牲品「我係失落沮喪」麥長青做男一撻Q

1 : GS(14)@2016-01-22 01:48:44

■麥包是無綫高層珍姐愛將之一。資料圖片


現年48歲的麥長青(麥包)演技出色,他效力無綫28年,由閒角捱出頭,至2010年才憑劇集《巾幗梟雄之義海豪情》的警官梁非凡一角摘下《萬千星輝頒獎典禮》的「最佳男配角獎」。可是這個獎並未為麥包帶來升上一線孭飛開劇做男主角的機會。



■得罪珍姐的江美儀(圖),卻獲無綫高層杜之克力撐解凍,下月開新劇做女主角。資料圖片

杜之克


■無綫高層權力鬥爭下,黃智賢冷手執個熱煎堆,頂替麥包做新劇男一。資料圖片

黃智賢頂上

無綫戲劇製作總監曾勵珍一直賞識麥包,據知監製關永忠將於下月開時裝劇,有意搵麥包做男主角,麥包見了監製還度好檔期,可是卻臨門撻Q,麥包連角色都被抽起,由黃智賢執二攤,新劇女主角則是曾被傳得罪珍姐冇劇接的江美儀。有指這次男女主角卡士重新執位,主要是無綫助理總經理杜之克與珍姐不咬弦,麥包成為高層權力鬥爭的犧牲品。麥包做男主角夢碎,他前晚接受記者電話訪問時,無奈的說:「我係覺得失望、失落同沮喪,成件事我係幾失落。呢個始終係一個機會,有機會畀自己試吓,點知公司突然又話另有安排,佢哋話撞咗期,有時啲嘢真係要天時地利人和。」食詐糊麥包只得自我安慰:「換角成日都有發生,我哋做演員係好被動,機會係人哋畀,其他嘢控制唔到。我惟有再等,都等咗咁多年啦。」問到新劇角色由黃智賢取代,麥包大方表示不介意。對於有傳麥包是高層之間權力鬥爭的犧牲品,麥包說:「係咪鬥爭我唔知,只知公司另有安排。」麥包跟無綫的合約到今年底,他未決定去留問題。記者再找黃智賢回應,他避談:「唔回應啦。」採訪:陳杰





來源: http://hk.apple.nextmedia.com/entertainment/art/20160121/19459806
權鬥 犧牲品 犧牲 我係 失落 沮喪 長青 做男 男一 一撻
PermaLink: https://articles.zkiz.com/?id=294736

梁天琦被跟蹤一個月 司機:我係阿爺嘅

1 : GS(14)@2016-08-09 07:22:42

本土民主前線梁天琦在facebook發放影片及圖片,指一輛私家車跟蹤他整個月,令他非常煩厭。影片中,梁天琦與黃台仰走近尾隨私家車打開車門,質問對方身分來歷,惟車內兩名男子僅以「阿爺嘅」、「報紙嘅」作回應,又說「我唔想知你哋啲嘢」,未有透露來自哪個部門或機構。梁天琦亦在facebook展示車輛的登記資料,顯示車輛屬大昌行集團所持有,首次登記日期為今年6月30日,相信該私家車是來自大昌行旗下的出租車服務。網民紛紛留言叫梁天琦注意人生安全:「盡可能出入都高調啲,咁冇咁容易俾人捉去強國」、「專登租車咁大手筆,擺明有心跟你,等你起唔到佢底。」今年5月,獨派人士Simon Sin亦曾在facebook發放影片,指自己遭一名男子跟蹤及恐嚇,對方更在他住所樓下「等放工」,叫他「自己小心啲」,還一度衝口而出說出「我哋大陸」,未知與今次跟蹤有否關連。





來源: http://hk.apple.nextmedia.com/news/art/20160809/19729197
梁天 琦被 跟蹤 一個 司機 我係 阿爺
PermaLink: https://articles.zkiz.com/?id=305050

「我係好普通嘅廢青」

1 : GS(14)@2016-08-10 07:37:13

■梁天琦早前被跟蹤,他及本民前另一發言人黃台仰質問對方身份,對方聲稱是「阿爺嘅」。互聯網


【本報訊】由組織本民前到發起光復行動,初一騷亂至2.28新東補選,梁天琦這年來一步一步走得更前,至立法會選舉被迫「行人止步」,25歲的他稱現已走到人生交叉點:「我人生有兩條路,兩個禮拜前仲係嚟緊4年做一個代議士,或者『唔知道』;而家係政府要我行呢條『唔知道』嘅路。」雖然剛大學畢業便前路茫茫,梁形容今年是人生精采的一年,縱被控煽動暴動等罪,仍覺非常值得。梁天琦前晚在本民前總部受訪,除90後抹不掉的稚氣外,亦夾雜同齡未見的風霜。梁笑言,一年前沒料到人生變得如此戲劇性:「(生活)好大改變,原來自己突然之間變咗公眾人物……過往我就係我,但而家有啲投射,可能(外界)覺得梁天琦講嘢好叻、識好多嘢、斯文有禮,事實係咪呢?其實我又唔係大家諗到咁完美,都係一個好普通嘅廢青。」



甚少回家 減少拍拖行街


為免影響家人,梁近來已甚少回家;不願多談情事的他,與女友拍拖、行街次數亦減少,公眾人物的代價可不菲:「行街拍拖應該係我有嘅權利,但而家拍拖會俾記者跟、影相……變到好似唔做得,都幾麻煩。」走到抗爭最前線,梁天琦坦承要面對家人的壓力,認為父母亦認同其理念,只是不希望站到最前線的,正是自己兒子。梁強調:「人生始終都係自己嘅,我覺得咁樣最能發揮社會上嘅作用同埋個人能力就去做,而唔係諗太多包袱……如果大半年前我聽屋企人講,唔選新東補選,咁所有嘢都冇發生過。」梁近來被跟蹤,對方聲稱是「阿爺嘅」;網民關注他會否有天被失蹤,梁自言新東補選後已提高警覺,盡量行大街不走小巷。近兩個月北京地區字頭的電話號碼更多次來電,他未有接聽,同時察覺電話被竊聽,「既然自己講到無畏無懼,都冇乜好擔心」。在港大主修哲學的他,原來過去想過將來可能從商、從政,當教師甚至做記者;暫未知將來之路如何走,但會考慮到海外繼續升學。■記者陳雪玲





來源: http://hk.apple.nextmedia.com/news/art/20160810/19730352
我係 係好 普通 嘅廢 廢青
PermaLink: https://articles.zkiz.com/?id=305198

【《蘋果》專訪】撐仔選港男 話說當年胡越山怨紅唔起:我係寸㗎

1 : GS(14)@2016-09-01 06:24:23

■胡越山承認當年有埋怨自己為何沒有走紅,但現在明白是自己的問題。攝影:沈健程



無綫「銀河十星」胡越山最近被本報發現原來是應屆候選港男胡㻗的爸爸,他早前曾表示支持兒子參選。退出演藝界多年的胡越山,前日在自己經營的按摩店內接受本報訪問,憶述在無綫的歲月,透露當年先讀動作演員進修班,之後做青年大使,公司都給予他不少機會,曾參演《皇家鐵馬》、《原振俠》等劇集,可惜最終發展不理想。



■胡㻗參加今屆港男,指有邀請爸爸胡越山去看總決賽。資料圖片

■胡越山當年抱着囝囝胡㻗,離婚後胡㻗隨母生活。資料圖片

■胡越山當年秘娶老婆,可惜婚姻維持3年便結束。

■當年獲無綫力捧的胡越山(左),曾拍攝劇集《皇家鐵馬》。劇照

拍劇搏命唔識死

胡越山坦言當年有不忿:「以前有咁諗,人哋講乜唔會聽入耳,因為覺得自己得,係有得戚㗎、寸㗎,覺得自己得嘛,而家諗番梗係知唔得,係自己問題。」他又謂:「嗰時個個都好搏,自己當然都想紅想出位啦,唔識死㗎,有次拍劇要喺30幾呎高跳落嚟都唔用替身,上到去先驚,啲紙箱加榻榻米,就咁跳落去,跳完導演仲要唔收貨,再跳一次紙箱都散晒,我成隻腳叉咗落去,好彩冇事。」離開娛樂圈,胡越山曾轉職做地產,他自言向來不擅交際,當年做了9個月都沒有做過一宗交易。他說:「我已經好努力,由cold call口窒窒,到夠膽同客人、業主溝通,但係做咗9個月都開唔到單,人哋唔炒我都打算自己走,點知有晚就畀我撞到個walk in客,佢買咗一間700幾萬嘅樓,佣金都幾好㗎,之後都做得幾順利,但做咗3、4年我又冇做,之後就開舖頭喇。」


低調娶胡㻗媽咪

有指他在娛樂圈多年都是緋聞絕緣體,胡越山笑說:「我嗰時已經有啦嘛(胡㻗媽咪),唔會諗咁多嘢,同埋嗰時拍拖係大忌,所以都好低調,結婚都冇擺酒。」問他會否再婚?他認為婚姻只是一紙婚書,最重要開心。採訪:鄉奈仁




來源: http://hk.apple.nextmedia.com/entertainment/art/20160901/19755689
蘋果 專訪 撐仔 仔選 選港 港男 話說 當年 胡越 山怨 怨紅 紅唔 唔起 我係 係寸
PermaLink: https://articles.zkiz.com/?id=307026

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019