ZKIZ Archives


【擔遮的禮儀】下雨天最乞人憎的幾種人

1 : GS(14)@2016-07-12 22:08:48

上車時轉身向人收遮



每逢落雨,心情特別差,當行街時發現好多人都唔太知道擔遮的禮儀後,心情就更加煩躁,綜合自己及身邊友人經驗所得,發現最常遇見的這幾種人最乞人憎。


1.上車時轉身向人收遮:排你後面上車位人兄兜口兜面濕晒,真係多得你唔少。2.濕遮放座位:拎住把濕立立嘅遮上車,唔扎起之餘仲要直接放落凳,整到張凳濕晒,又例牌唔會抹返乾,叫人點坐呢?3.濕遮周圍揈:入到室內收起把遮後,順手將把遮周圍揈,揈到地下濕晒,仲會濺到附近其他人,有小小公德心好嗎?4.打橫拎遮:總有些人唔會垂直拎遮,係都要打橫打斜,當係把劍咁拎,條街你行晒咩……5.瓦遮頭底唔收遮:好多人行到去有上蓋的地方都唔會收遮,遮角滴水、篤到人又唔道歉,直行直過,其實有瓦遮頭,點解仲要開遮呢?落雨出街好煩,我知,但大家擔遮時可唔可以有小小公德心,顧自己又顧別人呢?記者:黃子配攝影:陳永威



濕遮放座位

濕遮周圍揈

打橫拎遮



瓦遮頭底唔收遮



來源: http://hk.apple.nextmedia.com/su ... t/20160712/19690959
擔遮 遮的 禮儀 下雨天 下雨 最乞 乞人 人憎 憎的 的幾 幾種 種人
PermaLink: https://articles.zkiz.com/?id=303452

智取大市:乞人憎的一單deal

1 : GS(14)@2017-10-30 00:10:28

港股似進入調整期,市況變得反覆,即使噚日升百幾點,戰線睇起上嚟仍有所收窄,近日升勢集中喺內房、水泥、醫藥、電動車電池概念,亦唔係全線升,收窄到去三幾隻被選中嘅細路。醫療股、水泥股已悉數爆上,市況反覆之下,大升股Miss咗就唔好監硬追,寧願等回吐時測試其承接力,有承接力嘅話先考慮撈貨。另外,日用股消費股如旺旺(151)、恒安(1044),假若配合市況靠穩,稍後都有機會保持升勢。值得一提,係中化肥(297)向中化集團出售A股鹽湖股份20.52%股權,現金作價80.6億人民幣,足足係中化肥市值九成!受消息拖累,中化肥股價急挫一成,扣除咗出售款項,中化肥剩餘化肥業務價值10億港幣左右,真係慘過做殼股。中化肥消息後被掟到飛起,原因係幻想破滅。鹽湖股份原來電動車電池概念股,旗下藍科鋰業開始生產電池級碳酸鋰,公司計劃年內量產1,000噸電池級碳酸鋰,明年產量增至1萬噸。中化肥冇咗佢,乜嘢幻想空間都冇晒。呢單嘢反映兩件事,第一,中化集團真係唔益股東,好嘢留返畀母公司,呢啲公司以後唔買都唔駛恨;第二,股價大跌反映市場對電動車電池概念珍而重之,相關資源更加係物以罕為貴,同為電動車電池原料嘅鈷價近一年升咗成倍,難怪市場對於鈷礦概念嘅洛鉬(3993)不離不棄了。晉佳




來源: https://hk.finance.appledaily.co ... e/20171026/20194479
智取 大市 乞人 人憎 憎的 的一 一單 deal
PermaLink: https://articles.zkiz.com/?id=343420


ZKIZ Archives @ 2019