ZKIZ Archives


【爆相爆片】陳凱琳愁樣 陪家人睇急症

1 : GS(14)@2016-04-12 18:16:10

■陳凱琳陪親友睇急症,其間留守喺床邊貼心照顧。讀者提供圖片


出身豪門嘅2013年港姐冠軍陳凱琳,前晚同家人現身伊利沙伯醫院急症室,但原來唔係陳凱琳唔舒服,而係佢嘅親友身體不適,夜麻麻要到醫院急症室照X光,佢關心親友嘅舉動就俾本報讀者「爆相爆片」發現。



病床前冇離開

據讀者表示,前晚約10點幾喺伊利沙伯醫院遇見陳凱琳,當時戴住口罩嘅佢一身黑衫企喺病床前,而入院接受治療嘅親友就換咗X光袍,等緊醫護人員安排做X光檢查,陳凱琳同其他家人就陪喺身邊,喺病床前細心照顧。至於陳凱琳嘅男友鄭嘉穎就唔喺身邊,之前傳出陳爸爸似乎未接受嘉穎,唔知係咪咁嘅原因,嘉穎冇現身陪伴呢?


■陳凱琳親友照完X光,可以自己離開醫院。


其間陳凱琳對等緊照X光嘅親友又攬又錫,個樣顯得有啲擔心,仲不停耷低頭㩒手機,可能係向未有到場嘅男友鄭嘉穎報告緊,之後陳凱琳同家人喺醫院逗留咗半粒鐘就先行離開,至於接受完X光檢查嘅親友稍後就換衫離開,讀者話見到對方行得走得,估計身體冇乜大礙,祝佢早日康復。





來源: http://hk.apple.nextmedia.com/entertainment/art/20160412/19567032
爆相 相爆 爆片 陳凱 琳愁 愁樣 家人 睇急 急癥
PermaLink: https://articles.zkiz.com/?id=299093

【黑面有救】香港人黑面世界稱霸 天生愁樣係宿命?

1 : GS(14)@2016-10-10 16:15:16

彭志宏醫生說,一隻Grumpy Cat就可解說所有黑面人面部特徵:半開合眼/單眼皮/起角的眼、眉宇間皺眉似的毛色、深深的「法令紋」,還有無人能及的覆舟嘴。不同的是,呢張臉長在貓上就好受歡迎。 互聯網圖片



向來都知道港人黑面神上身,嚴重到每年《神秘顧客檢測協會》的全球微笑報告中,我們年年都係尾嗰幾名,仲由2014年41個國家地區中排尾三,跌到2015年37個國家地區中排包尾,真係榮幸。



追究責任,不外乎香港人生活緊張,緊張到出面。還有甚麼特徵,係我哋無情白事面黑黑的元凶呢?又有甚麼解決辦法呢?仁安醫院整形及美容中心總監彭志宏醫生,一坐低就講,人的面部表情,主要由26條筋控制,當中12條控制不開心的表情,11條控制開心的表情。了解這些筋的分佈,就可以了解表情肌肉如何影響給人的觀感。還說其實南方人天生中面(顴骨)位置較凹陷,上、下牙骨較突出,所以天生都惡一點,得這樣的排名,簡直是天意。黑面人三大面部特徵三個最影響人黑口黑面的五官特徵,最重要,是眼睛。好多人諗嘢,無論有聊無聊都會皺起堂眉,久而久之,眉間兩條直紋由習慣變成刻印,惡樣定形。人們普遍認為,圓碌碌雙眼皮大眼,感覺溫柔女性化,單眼皮令人看起來沒精神、不耐煩,如果年紀大眼皮下垂,讓眼形「起角」甚至變成三角眼,惡死的感覺就更濃了。所以說避免常捽眼眼皮下垂。女士特別介意法令紋,除了讓人看來疲累,也給人惡死的觀感。一隻覆舟嘴嘴角向下的,惡樣就更明顯了。可能是因為臉部肌肉鬆馳,也可以是下顎近嘴角的兩片肌肉繃緊,把嘴角往下拉,同時形成一片皺皺的肌理。解決方法除了在那兩片肌肉打肉毒桿菌去放鬆,或把臉部肌肉拉起,「遇到問題時,微笑一下,拉鬆肌肉的同時,也可以放鬆緊張心情。」預防辦法,是切忌捽臉,避免肌肉鬆馳;而相學家李英才師傅更說,好多人怕笑得多多皺紋,但其實多笑可令面部肌肉充血保持彈性,臉色紅潤;忍住唔笑,面部容易枯乾鬆弛,嗰陣,就唔慌唔黑口黑面喇。停一停諗一諗不過講到尾,香港人的黑面來自急趕的生活壓力,擠逼環境,近年的社會問題,看不透的未來,加加埋埋,想心情放鬆面口寬容都難。香港理工大學護理學院錢惠堂教授由東方人背景文化講起,自我保護意識是為源起,「近年港人各方面都難有成就,已經壓抑,思想傾向自我中心,先諗自己利益做出發點,好容易會有事就自然地保護自己,好躁地爆發出來。」人們精神不夠冷靜,大抵給「心急」吞食了,好多時我們好衝動,想到的事情就趕着去做,好容易就情緒爆發,「其實我們都需要把生活調慢一點,多想一層,多想一會,事情有好多解決辦法。」平常多做運動,清空腦袋,抒解繃緊的神經,「最重要是多與朋友相聚,因為社交支持是很重要的減壓因素。」人心影響思想,思想表現在表情上,教授:「其實木口木面或黑口黑面,都是情緒反應,如果變成習慣,久而久之置之不理,我們想事情的方法也會慢慢變負面,心情只會越來越差。」記者:陳慧敏攝影:林栢鈞、徐振國


仁安醫院整形及美容中心總監彭志宏醫生遇過的客人,都介意自己面容老化看起來蒼老無精神,給人脾氣不好的感覺。

香港理工大學護理學院錢惠堂教授則認為,東方人習慣保護自己,令好多事都顯得緊張,不敢抒發。

彭志宏醫生以圖表講解,圓碌碌大眼讓人感覺最舒服,眼袋、下垂的眼皮,都給人疲累、不耐煩的負面感覺。 受訪者提供圖片



來源: http://hk.apple.nextmedia.com/su ... t/20161010/19796030
黑面 有救 香港 世界 稱霸 天生 愁樣 樣係 宿命
PermaLink: https://articles.zkiz.com/?id=311428


ZKIZ Archives @ 2019