ZKIZ Archives


阿仙奴週記:「我唔係怕洗錢,我只係怕俾人搵笨。」 人在中環

http://manincentral.blogspot.hk/2013/08/blog-post_18.html
等咗幾個月,終於等到英超開季。估唔到只係第一場既比賽,就害我響九十分鐘裡面不停咁爆粗。好彩,重案組仲未有派人嚟查我,應該算係行運了。

輸「三比一」其實唔係乜嘢大不了,一場波,都只係三分聯賽積分遮。聯賽仲有三十七場,輸一場,真係冇乜嘢值得發牢騷的。問題係,三比一背後所隱藏既問題,所反映出既管理層思維,先至讓球迷勞鬼氣。

上季季尾既時候,球隊經歷咗一次十二場不敗,千辛萬苦先勉強拎到個歐聯附加賽既席位番嚟。咁你話呢班波,掂唔掂呢?如果你問我,我大概會用「四平八穩」去形容。你話呢班波好勁,咁肯定唔係架啦。你話班波好差咩?單計下半季既阿記係聯賽既得分王,你話好差咩,似乎又講唔過。隊波既Starting XI,儘管唔係星光熠熠,但我覺得,其實係合格的。唔合格既部份,係Starting XI之後既一班後備,質素同人數(真係可以派落場先計數,幼齒唔計),查實都唔足夠,而且個別位置直頭係冇backup可言。阿仙奴上季季尾之所以能夠打得好,比較合理既推斷係,佢地老早已經乜盃都出晒局,幾可肯定又一鑊四大皆空了。球季後期佢地要應付既,就只有聯賽爭前四一項。相比其他前列球隊,佢地要應付既球賽數目其實偏少,因此儘管正選陣容異常單薄,響比賽量不多既情況之下,還是可以打到好成績的。

打上幾個球季,球隊響off season既時候,都必定遇上兩個問題:1) 大牌球星離隊;與及 2)財政緊絀。剛過去既off season,係球隊近年第一次冇主要球星離隊(ok,唔好串我住,我都知,今年之所以冇人走,係因為阿記既大牌球星,其實老早就走清光…)。財政方面,簽咗Puma既新sponsorship deal,再加上慳家多年,今年大概係球會近年,最冇財政壓力既一年。所有球迷都期望,off season既時候,球隊會有適當既增兵行動。剛過去既暑假,阿仙奴同N個超級球星扯上過關係,最後個個都買唔成。問心講,我其實好懷疑,阿記既球迷們,其實係咪真係咁期望有個超級球星加盟呢?有,當然係更好,但冇既話,至少,響「合資格」既後備兵源既數量上面,起碼都要買番夠數。結果呢?

買唔到利記既梳亞雷斯,我唔怪佢地。買朗尼?我估即使係最樂觀既球迷,都知道其實係吹水。但係買唔到希古恩同加斯達禾,我就有啲條氣唔順了。希古恩係一個典型既阿仙奴式轉會災難:傾到實牙實齒,個個都以為只係爭最後簽個名,交易就可以完成。殊不知,對家坐地起價,明搵你笨。「聰明」既阿仙奴,唔肯做蠢仔俾人搵笨,於是自以為型爆咁walk away。轉個頭,件貨就俾人高價買咗。

球隊既高層,大大聲話自己唔介意洗錢。呢句statement,我其實係相信的。但我睇到既情況係,儘管佢地真係唔怕洗錢,但佢地卻異常害怕俾人搵笨,對「被人當傻仔」顯得異常抗拒。

阿記既transfer activity,讓我諗地我一個朋友早排既經歷。朋友係個有錢人,而且係個孝順仔。佢一直同父母同住,直至佢同太太生咗兩個小朋友,又要請外傭幫忙照顧,原來住緊間屋,忽然變得唔夠住。咁啱響果陣,佢屋企隔離有個細單位放售,朋友覺得,假如將間屋買下來,讓父母可以住響隔離,呢個安排就perfect了。隔離屋既業主,當知道朋友既情況後,自然覺得朋友係「必須」要買自己層樓,於是乎,坐地起價,加價10%。朋友唔肯做傻仔,於是便放棄買賣,去附近尋找其他地方安置兩老。結果呢?朋友一直搵唔到合適單位,佢父母亦因為家裡唔夠地方,而選擇搬走,而且一搬,就搬到老遠。朋友呢個孝順仔做唔成,而隔離既單位,亦被新既買家買咗,短期內再冇機會放售了。

或者讀緊呢篇文章既你,覺得呢個故事跟足球並不能扯上關係,但商業社會裡面,「坐地起價」既事情多不勝數,特別係賣家睇中你「有需要」既時候。情形就好似,當某個地方發生災難既時候,當地既求生物資既價格必然會被炒高一樣。賣家有本錢坐地起價,係因為知道你實在有需要。冇人喜歡俾人搵笨,但人生有太多時候,選擇做一次半次傻仔俾人搵笨,會比有型地做個「聰明人」來得合情合理。

或者講得遠了。

命運往往都係咁樣的,越窮越見鬼的。你越唔肯買人,越唔肯做傻仔,你諗住靠原班人馬搏大霧勉強捱得過咩?一場波,就傷你三幾件正選,仲要集中響晒條後防線度。話時話,禮拜三果場歐聯,湊唔湊得夠十一個人開波?

三比一完場之後,Emirates Stadium內噓聲震天。情況有如當日輸比曼聯八比二既一場波一樣,今日既敗仗,好可能再次換嚟轉會窗完結前既大手掃貨。這樣既panic buying到底會係好事還是壞事?對上一次既panic buying,為我地帶來了阿迪達同梅迪薩卡,但同時亦附送了朴主永跟山度士。是福是禍,還看未來兩個星期。
阿仙奴 週記 我唔 唔係 係怕 洗錢 我只 只係 怕俾 俾人 人搵 搵笨 人在 中環
PermaLink: https://articles.zkiz.com/?id=73790

大學生暑假必讀秘笈唔怕俾家人鬧到氣咳

1 : GS(14)@2016-06-20 05:45:12

各位同學想起放暑假便很開心吧?不過住宿舍那麼久,在宿舍懶洋洋,有否想過回家可能有磨擦?不用怕!有專給年輕人看的愛爾蘭網媒,出了一個大學生放暑假攻略,教大家如何應付家人,以及在暑假做甚麼好。家人那麼久沒與你見面,初時當你是皇帝,不過蜜月期很快便會完結,接著家人開始發現你很懶惰,所以必要時,便說要準備下個學期或有論文要做,暫時應付家人。但紙包不了火,家人發現你真是非常懶惰,便會叫你幫忙做家務,此時盡量笑著做。不過被人罵才做便不好,所以最好先發制人,在家人嘮叨你之前找工作做,除了有工資收取,又不用怕開學時不習慣早起,加上有工作經驗,對將來找工作也有幫助。如果你不打算上班,也要找一些事做,例如做運動、學駕車等,也是不錯的選擇。或者與朋友們去廉價旅行,體驗生活,總之少些留在家中懶洋洋,以免被家人以為你是廢青。愛爾蘭College Times網站





來源: http://hk.apple.nextmedia.com/international/art/20160620/19661898
大學生 大學 暑假 必讀 秘笈 唔怕 怕俾 家人 鬧到 到氣 氣咳
PermaLink: https://articles.zkiz.com/?id=302225

【菜市場學】花螺貴東風螺一倍 學識分別唔怕俾人呃

1 : GS(14)@2016-10-11 08:12:29

花螺與東風螺最大分別為顏色跟花紋,但無論口感跟煮法都非常相似。



秋風起,一碟辣酒煮花螺總是不少得,但侍應走過來說花螺賣光了,轉為東風螺可以嗎?大家你眼望我眼,整枱都沒有人能說出花螺跟東風螺的分別,你又能分得清這兩款螺嗎?



「雖則花螺跟東風螺外形相似,四季都能買得到,但是它們的價格分別可是非常大。」大生海鮮第二代傳人張金鳳說,「花螺比東風螺價格昂貴,其一原因是它表面為黑白斑紋,不像東風螺是暗紅色,酒家餐廳都認為花螺上枱較為得體。」她將兩隻螺遞給我看,仔細一看,其實花螺跟東風螺從顏色加花紋上便能分辨,只是我們經常草草一看,沒有加以細心留意。「而且花螺大多數是野生,亦有中藥用途,有滋陰明目、化痰之功效。」她解釋道,至於如何辨別新鮮度,只需輕按螺肉看看有沒有反應,螺厴沒有脫落即為之新鮮。記者:李泳烔攝影:潘志恆、王國輝


花螺黑白分明,含藥用用途,多數來自南中國海及本港海域。

野生東風螺價格跟花螺差不多,但市面上大多都是飼養的。

阿鳳稱東風螺多數有大小之分,但通常價格相差不遠。



來源: http://hk.apple.nextmedia.com/su ... t/20161011/19796855
菜市場 菜市 花螺 東風 螺一 一倍 學識 分別 唔怕 怕俾 俾人 人呃
PermaLink: https://articles.zkiz.com/?id=311572

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019