ZKIZ Archives


中環在線: 任總:迷債令我痛心金勞詹:痛在快冇得撈李華華


2009-02-24  AppleDaily





 

雷曼迷債風波拖咗近5個月,調查真相難講幾時水落石出,的確幾打擊香港金融中心嘅形象,立法會財經事務委員會噚日又再開會傾吓。金管局總裁任志剛喺會上慨嘆,銀行業喺各方面都做得好好,銀行體制亦健全,卻因迷債蒙上污點,令佢相當痛心。

有 「潮州怒漢」之稱嘅金融服務界議員詹培忠即時扯火,揶揄任總可能只係因盛傳9月冇得撈而痛心。老詹喺議事堂聲嘶力竭咁話:「金管局喺呢件事絕對絕對犯咗錯 誤,任總到今日為止,只係講過一句對銀行可能出現錯失好痛心,到今日為止佢從來都冇良心對待苦主,佢痛心可能係失去佢個職位!」

老詹認為雷曼迷債問題始於證券業務嘅「一業兩管」制度,但任總卻又視而不見,「你係咪推卸責任,任意妄為?我話過你任一招,你又否認係任七招,o依家又任二波(金融海嘯第二波),喺雷曼點處理?你解釋吓。」

改新花名「任二波」

向 來EQ高嘅任總回應話,多謝老詹一直以嚟嘅「照顧」,話佢改花名有,個人針對亦有。任總強調,迷債早年喺香港受歡迎,主要係息率吸引,類似產品喺其他市場 都搵到。證監會行政總裁韋奕禮就重申,迷債名稱並非苦主嘅重點投訴對象。亡羊補牢未為晚也,任總話,未來會要求銀行提醒客戶投資產品嘅風險變動,到分行存 款同買股票,或者會分開櫃枱處理,點樣落實就要再傾。財經事務及庫務局局長陳家強亦話,既然市場要求設立金融申訴專員,港府砌好份建議書會再諮詢,未來亦 可能會加大證監會嘅權力喎。李華華LiWaWa@AppleDaily.com



中環 在線 任總 迷債 債令 令我 痛心 金勞 勞詹 痛在 在快 快冇 冇得 得撈 撈李 華華
PermaLink: https://articles.zkiz.com/?id=6202

三跑文件 狂踩高鐵唔夠快冇速度

1 : GS(14)@2017-08-02 05:47:43

【本報訊】政府為硬銷一地兩檢,近日大肆宣傳搭高鐵快過坐飛機。但原來同樣由政府擁有的機場管理局,6年前硬推極大爭議的第三條跑道上馬時,曾經引用顧問研究力證飛機大部份時間都快過高鐵,尤其到北京、上海等大城市,狂踩高鐵完全無競爭力。新民主同盟譚凱邦指「兩隻大白象喺到自相殘殺」,政府是愚弄市民。政府新聞網周日在facebook宣傳高鐵好處,用圖比較各種交通工具時間,聲稱由香港往廣州,乘高鐵只需48分鐘,但搭飛機要60分鐘。一直監察機場三跑工程的譚凱邦則「踢爆」政府當年硬銷三跑時,無論文件或出席會議,都不斷指高鐵在中、長途「唔夠快」,不及航機快捷方便,所以必須興建三跑。翻查機管局2011年公佈的《機場2030規劃大綱》,第3章提到高鐵與航空運輸的競爭,當中圖3.9預測了2020年以香港為起點的高鐵及航空旅程時間比較。該圖比較了高鐵及航機往來香港與16個內地城市的旅程時間,航機時間包括了直接航程外3小時的停留及交通時間。其中顯示只有6個城市的旅程是高鐵比飛機稍快,包括汕頭、長沙、南寧、廈門、武漢、南京。而且只有汕頭及長沙,高鐵優勢較顯著,快約2小時。


「兩隻大白象自相殘殺」

其餘南昌、福州、鄭州,上海、杭州的旅程,都是飛機比高鐵快。西安、昆明、北京、重慶、成都的旅程,飛機更比高鐵快約2至6小時,令高鐵在速度上無競爭力。譚批評政府卑鄙,「推銷三跑時就踩低高鐵,?家要推銷高鐵就踩返飛機,林鄭月娥上個月參觀石崗高鐵停泊處,都話搭高鐵去上海、北京好方便,咁邊個先啱?兩隻大白象喺到自相殘殺,係咪三跑?家可以唔使起?」他指政府將數據斷章取義去推銷項目,根本是愚弄市民。■記者麥志榮




來源: http://hk.apple.nextmedia.com/news/art/20170802/20109020
三跑 文件 狂踩 高鐵 唔夠 夠快 快冇 速度
PermaLink: https://articles.zkiz.com/?id=339190


ZKIZ Archives @ 2019