📖 ZKIZ Archives

金融人語：奧思一年得兩次董事會

1 : GS(14)@2012-02-01 23:19:39

http://hk.apple.nextmedia.com/te ... 307&art_id=16031767
奧思（ 1161）公佈失去中台「~H2O+」品牌銷售權前夕，行政總裁余麗絲與獨立非執行董事齊齊散貨，引起內幕交易的質疑。小股東難免要問公司有冇足夠的企業
管治呢？原來奧思去年實際上只召開兩次董事會，有份在壞消息公佈前散貨的獨立非執行董事黃鎮南，更只係出席過其中一次。
奧思喺年報中披露， 2010/11年度，奧思一共召開了兩次全體董事會及 4次執行董事會議（只有執行董事參加）。但根據港交所的董事會守則條文，董事會會議全年最少舉行 4次，要邀請全體董事會成員參加。如果偏離守則，就應該喺年報提出理由。
                
                自稱開 6次會　混淆視聽
不過，奧思未有解釋原因，反而指公司全年召開 6次董事會，將所謂的「執行董事會」也計算在內，有混淆視聽之嫌。
奧思執行董事全部係大股東兼行政總裁余麗絲親戚，執行董事與大股東關係密切，顯得獨立非執董的角色更加重要，正好為小股東發聲。但係奧思的獨立董事竟然接納公司每年兩次董事會的安排。
出席董事會次數少，是否就表示獨立董事一直不知悉公司就快失去「~H2O+」代理權？奧思 2002年上市以來，最主要業務就係於中港台代理「~H2O+」品牌，與美國公司 H2O Plus的合作條件肯定係重大事項，好難想像董事會冇傾過，獨立董事冇聽過。沽貨獨董獲利數十萬
奧思近年明顯有計劃透過收購等等分散風險，與 H2O Plus的合作關係定必要攞到董事會上討論，
2009及 2010年向 H2O
Plus採購的貨量都未能達標，管理層有冇在董事會交代過？獨立董事一直唔知又冇問？抑或早已心中有數？及至奧思在去年 12月
16日召開全體董事會，當時管理層無理由唔知奧思大有可能連續 3年不達購買目標，佢哋有冇在董事會中討論過事件？
3位獨立董事中其中兩位後來沽貨，點解咁巧合？
奧思在 1月 20日公佈喪失「~H2O+」的中台代理權，獨立非執行董事黃龍德與黃鎮南分別在
13至 18日，將年前憑購股權買入的股份沽出，獲利數以十萬計。兩人分別係會計師及律師。黃龍德也算是獨董王，足迹遍佈 9家上市公司，大至銀娛（
0027）、中渝置地（ 1224），細至幾億市值的奧思、盈利時（ 6838）等，都有佢份，加加埋埋單做獨立非執董的年薪就過百萬港元。
2 : GS(14)@2012-02-01 23:23:57

http://webb-site.com/dbpub/positions.asp?p=5505&hide=N
王龍德

http://webb-site.com/dbpub/positions.asp?p=6350&hide=N
王鎮南
PermaLink: https://articles.zkiz.com/?id=277538

笑到最後：白手興家得兩條路

1 : GS(14)@2017-01-17 01:54:08

一位廿四孝嘅富爸爸，幫仔女出500萬蚊首期買啟德1號，寄語在場記者買樓好過買股票，而買樓最緊要識投胎。咁唔識投胎，冇富爸爸點算？以香港現時環境，可能得網上創業，同炒股票有少少白手興家嘅生機。香港最先發達嘅人，唔計英國人，就係買辦，幫英國人做生意嘅華人。後嚟香港經濟開始起飛，創業做實業嘅好多商人都有能力發達。而由於初期香港普遍教育水平唔高，所以稍為有學識嘅人去打工，做專業人士，點都發到個小達，而呢個小達係今日嚟計都唔太細。樓市更加唔使講，靠買樓致富嘅人不計其數。世界從來都係先做先富，後做蝕底。即使?家一樣有買辦，部份香港人賣殼畀中國富商，但係已埋班者眾，想入行做較接近嘅投行，機會亦多數留給大陸學生，香港仔女掹車邊嘅機會有限。做實業前題就係要有錢，先可以頂得住租金。透過實業嚟發達，現時只限已發達嘅人再發多次達，經典例子係阿信屋（CEC國際，759）。打工更加唔使講，昔日打工上位快，原因一係普遍學歷低，更重要原因係移民潮同鬼佬告老還鄉，唔少人當年水鬼升城隍，今日已經係香港「管治班子」。今日大家打工都心知咩事。買樓本來係最持久可創富工具，即使回歸後，樓市一樣出現長達超過10年嘅大牛市，二千年代低位買咗一樣可以致富。可惜稅制令到物業嘅投資價值大減，挾升只係紙上富貴，加上放貸保守，已經冇可能好似以往咁一開二、二變四，自住層樓的確係升，但唔通沽咗佢咩？香港後生仔要白手興家只剩兩條路：網上創業同股票。網上創業相對可避開貴租，一旦成功一係就壟斷市場，一係賣股權畀科網企業。至於股票，雖然訊息不對稱，資本亦都唔對等，但投資意念人人平等，買中咗，沽出一定收到錢，唔會好似老虎機中咗jackpot唔算數。香港可以白手興家嘅路，閂吓一條又一條，所以話，每一個冇父幹嘅香港仔女，都係被上帝選中，都要行崎嶇嘅路。高明
http://www.fb.com/bigricetea本欄逢周一刊出




來源: http://hk.apple.nextmedia.com/financeestate/art/20170116/19898006
PermaLink: https://articles.zkiz.com/?id=322768
Next Page
ZKIZ Archives @ 2019