ZKIZ Archives


麗展孭債30億 林建岳得個吉

2005-2-24  NM




麗新集團主席林百欣,於上週五因肺炎病逝,享年九十歲。這位一代潮州商家,生成一條勞碌命,生前最喜愛的閩南歌《愛拼才會贏》,歌詞內容正是他的寫照。林百欣事事親力親為,他掌控的麗新系上市公司,直至臨終前兩個月,才迫不得已交到次子林建岳手上。整個麗新系,只有林百欣親自打理的鱷魚恤和麗豐兩間上市公司有錢賺,然而由林建岳打理的麗展不單連年虧蝕,且負債纍纍,自從九七年買下富麗華酒店一役後,過去七年多公司不 斷進行債務重組,至今依然負債三十億。儘管林建岳近兩年全情投入娛樂事業,由旗下的寰亞製作電影近二十部,出入有一班明星簇擁着,儼如娛樂大亨,但其實只 是表面風光,林建岳接手的麗新系,實質是個爛攤子。已半年沒有露面的林百欣,上月底已經因吸入性肺炎(氣管吸入病菌引致),由浸會醫院轉到瑪麗醫院,病情 反覆。正當林伯獨力在醫院抗病魔時,他最寵愛的二太余寶珠和次子林建岳還興致勃勃,於上週三出席在尖沙咀洲際酒店舉行的寰亞春茗,林建岳還走到台上與黎 明、任賢齊合唱《笨小孩》,將氣氛推上高潮。翌日冷鋒襲港,氣溫驟降,林伯終因肺炎引起併發症,經手術搶救無效,上週五早上溘然而逝。長子林建名、次子林 建岳及其女友Monica均趕到瑪麗醫院,林建名一臉愁容舉行記者招待會交待父親病逝的消息。去年曾兩次在家中跣倒而入院的林伯,早已準備自己的身後事, 去年十二月就把持有麗新製衣百分之三十三點七三股權的Wisdoman Ltd.,以饋贈方式轉讓給余寶珠及林建岳,母子各佔一半股權。麗新製衣是麗新系的龍頭,旗下持有四間上市公司,包括麗新發展、麗豐控股、鱷魚恤及豐德麗,以週二收市價計,麗新系市值合共五十六億元。林百欣遺下這個上市王 國予林建岳,看似十分之「筍」,但其實只是爛攤子一個,怪不得他的兄長林建名對父親的安排不以為然:「無問題呀!我覺得無嘢呀!」林伯未分家身前,林建岳 在麗展擔任副主席兼總裁。九七年中林建岳拍板之下,麗展摸頂以六十九億元買下中環富麗華酒店,種下麗新系陷入財困的禍根。金融風暴後,樓市下滑,麗展負債 高達百多億元,每年利息支出以億元計。

分家不遂為恐麗展的債務拖累整個上市王 國,○二年林伯部署分身家,他本來打算送二億元給岳少,買下林伯旗下四成二麗展股份,然後兩人再互換資產,令林伯只持有財政較為健全的麗新製衣、麗豐及鱷 魚恤,而岳少便分得麗展及豐德麗。但此舉對小股東卻無着數,所以最後在獨立股東投票反對下,林伯分家大計落空。麗展最新的債務重組安排在去年七月,公司與 債權人達成協議,透過發行九十億新股及支付三億二千萬元現金,抵銷了一筆十五億貸款及二十一億元債券。麗展的負債由接近六十億元,削減至約三十億元。此舉 雖然扭轉了麗展為負資產的命運,但麗展透過發行大量新股重組債務,股本由三十八億股,急升至一百二十八億股,大大攤薄了每股資產及每股盈利。面對沉重債 務,麗展去年單是利息開支便達三億五千萬,而經營溢利只得二億六,未夠冚息。隨着利率息口趨升,麗展的利息支出仍然沉重,難以達到收支平衡。

岳少盡享公司福 利最令人擔憂的是,債權銀行都不肯借長債予麗展,所以麗展九成以上的負債均要一年內償還。麗展年報亦寫明,債權人有權隨時宣布貸款到期,須要麗展即時償 還。據悉麗展現正籌組十億元銀團貸款,為九九年長沙灣廣場作抵押的三年期借貸再融資。該筆銀團貸款息口為同業拆息加三百點子,據接近籌組該銀團貸款的銀行 家稱:「一般地產商如新地的銀團貸款息口,為同業拆息加廿五點子,麗新相信要高許多。」由林建岳掌管的麗展,不單未為股東帶來利益,他更大慷公司之慨,用公司資產為他自己及女友提供豐厚福利。他報住的May Tower二座三千呎豪宅,九三年以公司名義,用二千萬買入,作為董事屋。他的多部坐駕,如紅色法拉利550型、平治S500L型等,均是以公司名義購入。為林建岳誕下一女的現任女友陳浥萍(Monica),從台灣初到香港時,先由亞視代為申請工作證,並長住麗展旗下富麗華酒店的向海房間,每晚租金千多元。他的前女友林學華於九六年加入麗展做副總裁,雖並非公司董事,卻年薪數百萬;九九年分手時,林學華的離職酬金高達一千六百五十萬。林建岳每年向麗展支取的董事酬金逾千萬,去年公司虧蝕三千九百萬元,他仍然支取一千四百萬元酬金。

勢 做娛樂大亨據一名曾於麗展工作六年的秘書表示,林建岳平日甚少回寫字樓辦公,他的辦公室大如卡拉OK包房,內有獨立廁所、大班椅等,而喜好打golf的 他,亦在房內設有一個模擬golf場。「他喜歡含着雪茄周圍行,大情大性,開心時會笑得很大聲,開會時如有人說話不中聽,他會大聲罵人,令到個高層好面 懵。」該名前秘書道。芸芸業務中,岳少最醉心的是豐德麗旗下的寰亞。自從○二年寰亞跑出一套《無間道》電影,票房破五千萬,林建岳便搖身一變成為電影大 亨,出入有群星簇擁,名字亦經常見於娛樂版。林建岳對寰亞非常上心,升出面拉攏明星加盟,更親自出差探班。寰亞去年十一月,還在新加坡上市,不過寰亞相對於系內的麗新發展,只是小生意。

長 子難交託自富麗華一役後,林伯對林建岳甚有微言,令他開始留意長子林建名。林建名由元配賴元芳所出,由於十多歲時與母親搬開住,故與林伯感情較疏離。五五 年,林建名在英國倫敦貿易學院完成紡織課程後,即加入麗新製衣廠幫英語不靈光的林伯,負責接英、美訂單,其後又管生產工序等。據香港工業總會的一名職員 說:「林建名自認係playboy,做事好論盡,有時同行製衣業廠家會玩佢添。」林建名曾經投資《花花公子》雜誌,家中設有一個圖書閣,放滿寫真集,他還 開設大名娛樂,最威水是九二年策劃過許冠傑四十一場演唱會,但林伯認為他做的都是細生意,不值一提。林建岳闖禍後,林建名曾獲林伯垂青,負責打理麗豐在大 陸及香港鱷魚恤公司的生意。不過,林伯還是不放心,每晚要他向其匯報情況,任何文件簽名或批核,一切要先請示老父。雖然有老父遙控,林建名在生意表現並不進取,最威水的一次都是去年成功擺平與法國時裝品牌Lacoste僵持五年的商標官司。

與 女兒反目「麗豐發展的廣州東風廣場,進展緩慢,林建名大多交由下屬打理,只是當有剪綵、宣傳活動才出現。可能因為他睇唔緊,所以東風廣場用料好差,連升降 機也是國產的,曾經發生過墮意外。至於去年六月招租的五月花商業廣場,目前出租率只有三成。」一名廣州代理說。眼見由林建名打理的廣州生意,進展緩慢, 林伯只好轉把上海的生意交給義子林建康負責。林建名生意表現乏善足陳,然而私生活上與弟弟林建岳一樣精彩。林建名結過兩次婚,均以離婚收場,育有三女一 子。這位現年六十八歲的阿伯,風流成性,曾公開大談嫖妓心得,他又表示自己與逾二百個女性發生過關係。言論一出,引起社會公開譴責,連林伯也看不過眼,訓 斥他「衰仔」。至於林伯三奶顧瑞英所生女兒林明珠,她曾在上海發展服務式住宅「芝大廈」,兩年多前林伯與她有錢債糾紛。當時林伯入稟向林明珠追討十億元欠 債,其後林明珠把芝大廈十四個單位給予父親,事件才告平息。

二房分得最多林百欣年輕時也風流倜儻,甚有女人緣。他共有四名妻子,元配賴元芳 長居於畢架山。自小出身書香世家的她,祖父是港大中文系創辦人之一賴際熙,父親是學海書樓司理賴膺昌。她二十多歲便嫁給林百欣,為他誕下長子林建名及女兒 林淑瑩。雖然他不擅做生意,與林伯較為疏遠,然而她及家人手持不少物業,大部分位於九龍塘,全部無須按揭,市值也有二億四,可見林伯待她也不薄。而七十九 歲的二太太余寶珠,祖籍中山,跟林伯一樣做製衣出身,五十年代曾介紹林伯購入基隆街麗新製衣廠,並在廠內任督工,是林伯生意上的得力助手,因此甚得林伯歡 心,更為他誕下次子林建岳及女兒林淑如,一直與林伯同居於九龍塘大宅,是眾人口中的「林太」,去年十二月林伯更將麗新三成三股權贈予母子二人。去年底,林 伯臨終前還把市值七億元的旺角金雞廣場轉到余寶珠名下。林伯的三太顧瑞英,今年已六十七歲,原籍上海寧波,五二年來港,曾以藝名張玲芝在舞廳工作,二十歲 時認識林百欣,為他誕下兒子偉鈞及女兒明珠,現手持只有三十七年前購入的渣甸山大宅。原籍潮陽的林百欣,一九一四年生於汕頭一個大富之家,父親林獻之是 二、三十年代汕頭廠家及銀行家。林百欣由二太太李瑞生所出,家中排行第九。

數口最精雖然家境富裕,但林百欣做事仍克勤克儉,對父親更言聽計 從。十七歲時便隨家人來港,入讀甚多「架己冷」的九龍民生書院,只唸到小五便遵父吩咐,輟學返汕頭在叔父的銀行當學徒。他由煲茶做起,月薪只有三元,但卻 可以月月寄錢予親母,還花一元多到夜校學英文。當時,他每朝六時起床做運動,吃過早餐就學習寫字,又利用午休時間去會計部學計利息,每分每秒都爪費。三九 年,林百欣再度來港,並居於九龍城。一次機緣下,他認識了專做繡花女裝衫的鄉里,於是做「行街」向鬼佬及中環一帶的貿易公司推 銷,後來更在中環開設華興行及成福針織廠,生產繡花衫、睡衣、笠衫之餘,更開始生產恤衫,而且專攻非洲市場。五十年代初,他接到一張七百打男裝恤衫的非洲 訂單,但要在三日內起貨托運。結果在連日趕工下如期起貨,被行家稱為「非洲王」。曾在林百欣青山道製衣廠工作的一名員工說:「林伯數口極之精明,連空間運 用亦去到盡。由於當時廠房樓底高,林伯想出用架把裁床晾高,利用床下空間分一格格放針、線、鈕等常用品。」

轉攻地產涉足傳媒七十年代,是林 百欣發展麗新的高峰期,他聘用曹廣玉為他打天下,曹的兄長曹廣榮正是港府參與對外配額談判的代表,為麗新成功爭取大量美國紡織配額。由於手握大量配額,訂 單多時,一打恤衫配額竟可由百多元炒至二百多元,麗新無須開工也可靠賣配額賺大錢,令林百欣成為一代「配額王」。林伯隨即於七二年將麗新上市,並開始投資地產,興建多幢工業大廈。八七年麗新集團改組,成立麗新國際專營製衣,麗新發展則專營地產及證券投資,並分拆在港上市; 同年又以十三億收購鱷魚恤,八八年更與新世界發展的鄭裕彤合作投資亞洲電視,然而入主亞視十五年,林百欣共蝕十多億。○三年麗展以二億三千萬將三成多股權 悉售陳永棋。林百欣有着潮州人勤勞、克苦、節儉的鮮明個性,一星期返足七日工,每日堅持工作十小時,自言大半生未放過一日假,午餐會叫司機買個魚柳包充 飢。晚飯時,林伯多到公司長沙灣樓下的好彩海鮮酒家食飯,貪其就腳,不會浪費交通時間。 他最愛食的蘇眉,通常選的魚有五、六斤重,磅好後,如部長說六百八十八元,他會討價還價說:「齊頭六百啦!」去到好彩,林伯必點煲仔芋頭飯、蘇眉及清菜一 碟。林伯偶爾亦會到尖沙咀星光行內的金島燕窩潮州酒樓,每次必叫潮州滷水鵝頭;早年他去飲早茶時,大多點一碗價值二百二十元的紅燒潮州翅。識飲識食的林 伯,近年還吃從東北購入價值數十萬元的野山人參。一生勞碌的林百欣,一世為女人,為兒女忙,他在潮陽南山森林公園的後山,購入一幅六千呎墓地,從此才真真 正正的放長假。

林百欣生平1914:出生於廣東潮陽。1931:隨父到香港,就讀於九龍城民生書院。1935:唸至小學五年級,回到汕頭佳 成銀行任小職員,月薪三元。1937:與元配賴元芳誕下長子林建名。1939:二次大戰後,與家人再到香港工作,居於九龍城。1946:在中環雪廠街開設 洋行「華興行」,將布料經澳門運往湛江再轉至大陸內地。其後開辦「成福針織廠」,生產繡花女裝衫及睡衣,其後規模漸大,產品遠銷中東及非洲,被同行冠以 「非洲王」稱號。1950:買下位於基隆街的麗新製衣廠,專做恤衫西褲,產品更銷往英美及加拿大,成為香港最大的製衣集團之一。1957:與二太太余寶珠 誕下次子林建岳。1972:麗新製衣上市,同時發展地產。1987:麗新改組,將專營地產的麗新發展上市,而製衣部分改為麗新國際;同年斥資$13億收購已上市的 鱷魚恤。1988:與鄭裕彤聯手以$6.1億購入亞洲電視控股權,至九四年成為亞視最大股東。1997:6月,麗新發展以$69億購入富麗華酒店。12 月,在台灣捲入台北大學土地舞弊案,被裁定行賄及洗黑錢,多次上訴後,最終被判有期徒刑一年零六個月。2002:入稟向三太太顧瑞英及女兒林明珠追討十億 欠款。2003:以$2.3億元出售由麗展持有的32.75%亞洲電視股份予陳永棋。2004:健康情況日差,正式將三成三麗新國際股份贈予二太太余寶珠 及次子林建岳。2005/2/18:因肺炎引起併發症致腸壞死,於瑪麗醫院病逝,享年九十歲。

@請參考>@

 


麗展 30 林建 嶽得 得個 個吉
PermaLink: https://articles.zkiz.com/?id=22501

財務自由難道好似天上既月亮咁,得個睇字?(答) Home Blogger

http://homebloggerhk.com/?p=10120

為人師表搞到每年都擔心續約、人工高低起伏、由上文已見為何高官們紛將仔女送往海外受教。而上述「錯配」事件之引起不能全數抵賴予教師校長們,而是一個好的人,入到一個差的制度,要麼就同流合污、一係抽身脫離行業。近年政府不斷撥錢去教育、醫療機構,唯制度不公,上樑不正,錢始終去不到有需要的人手上。

 

賣樓套現2.5M,自己同太太的存款少量,支出減去人工仲要每月抽番12-14k出黎,即你賣樓筆錢可以頂(2.5mil/14000)=178個月,即十幾年。如果樓價同物價跌就冇計錯數,不過如樓價不跌,再加上生活指數在十年升一半(其實每年通脹只要有4%,十年買到既野已少一半),好可能五件過後你筆錢已花掉一半,到時冇樓在手份工又危,肯定遇上男人最大危機。

 

筆者建議你係2.5mil抽10%出黎,買入間2.5-3.0的舊樓,再搵朋友住入去,得閒叫佢幫手同你仔女交學費。其實只要你將視線轉到荃灣、元朗、土爪灣30-40年樓齡的舊樓,是有可以買到有lift及可按揭攤長至20-25年樓的住宅。買樓的目的一來是當買注保險、第時有咩事仲可以有間屋收番黎住。萬一他日收入有波動,到時你想買都未必有銀行借錢予你。第二是舊樓其實收租回報頗高的,幾年後如真的轉型成功可轉打「進攻足球」,不妨將屋一拆三,計及現在荃元一帶大兩房舊樓價錢都係三百萬左近,窗位合的大兩房是可間出三間套,共收租$15000為現時市價。那些可將屋的正現金流幫補你家庭支出。

 

用了10%買賣,剩餘二百萬港幣,如果你肯比時間不斷係唔同銀行搬黎搬去做一個月定期,人仔定存平均息口收4%之上,收息月均港幣七千或以上,但有人幣兌換風險。有朋友問及點解仲有銀行報人仔定期3%咁低,那你要看年期。其實銀行給予一年期3%年利率,計及是比一個月6%年利率更高成本! 如果你唔想一屋都係銀行信,都係每三/六個月續下定期好一點,當然有時間亦好想去銀行涼冷氣,每月搬一次銀去享受新資金定存優惠亦冇問題。

 

由於讀者家庭月入暫不過40k,仲有三個小朋友,縱在三十歲出頭抱著二百五十萬,始終離財務自由還遠。在此起首有三個步驟:

一.    買間房子細細間。租比人讓時間為你工作。樓市跌亦蝕有限錢

二.    除去定期所收息的金額,務必令自己產生正現金流,此為理財第一步

三.    你自己人工加又好、搵到個擔保人又好、同兄弟夾份買樓都好,盡加自己借貸力再在跌市買樓。由於能力暫大不、只好等時機了。不具備逆水而行條件

 

 

每日一小步、成就一大步。月球上的腳印都不是一天而成的、共勉之!

財務 自由 難道 好似 天上 月亮 得個 個睇 睇字 Home Blogger
PermaLink: https://articles.zkiz.com/?id=73363

第一太平種得個「橘」? 林智遠Nelson Lam

2014-06-12  NM
 
 

 

影片《竊聽風雲3》有一句對白,在片中出現了至少兩次,就是周迅和吳彥祖說的:「土地不是用來炒賣!」寓意土地有很多用途,例如耕種。從事耕種或農業的上市公司不多,綜合企業第一太平(142)不是分類為農業公司,但業務卻大大與耕種有關。增長不代表有進步

第一太平2013年財務報表列出,其主要業務是經營電訊、基建、消費性食品及自然資源,營業額增長4%,但毛利和稅後溢利卻分別倒退2%和26%。第一太平的營業額過去十年不斷增長,但溢利卻自2011年開始不升反跌。借用本欄鄔碩晉會計師的名句:「長大不代表進步。」營業額增長也不代表進步,沒有溢利增長也是徒然。

更巧合的,是第一太平在2013年5月股價創十年新高、即約12港元之時,就公佈供股「抽水」,還要八供一,供股價是8.1港元,與今年3月公佈業績後至今的股價約7.6至9港元水平比較,不謀而合。投資者千算萬算,也不及管理層的計算!

無「營」生利比比皆是?

第一太平2013年營業額是62億美元,當中約九成、共55億美元,是來自「消費性食品」;屬於農業範疇的「種植園」產品,正好包含其中。營業額高也不代表溢利貢獻多,同年消費性食品有經常性溢利1.6億美元,只佔總經常性溢利3.3億美元的一半。即使消費性產品營業額不斷增長,經常性溢利也是自2011年開始持續下跌!貢獻第一太平最多經常性溢利的,反而是攤佔聯營及合營公司的溢利,達2.1億美元,情況與之前分析長實(1)一樣,是無「營」生利,即無「營業額」但能產生溢利。

種植園種得個橘

第一太平的種植園主要包括油棕櫚樹、橡膠樹、甘蔗種植園及蔬菜。除蔬菜外,大部分種植園以非流動資產列示,價值約12億美元,佔消費性食品資產淨值三分一。在財務報表上,種植園是按農業(Agriculture)方式入賬,有趣的是只包括農作物本身價值,並不包括相關農地和商譽。財務報表列明,油棕櫚樹、橡膠樹及甘蔗種植園是「以公平價值減銷售之成本列賬」,相關價值變動的盈虧計入收益表內,但並沒有指出相關匯兌折算,是否也計入收益表內。而2013年單是種植園的匯兌虧損,已達2.9億美元,此虧損有可能是從換算種植園所屬的印尼業務而產生,而又未計入經常性溢利中。若計入此虧損,那經常性溢利應是負1.3億美元。這便不只是沒有進步,甚至是「種」得個「橘」!事實上,投資者不單只看收益表,有跟從本欄一向建議,多翻看全面收益表,就很容易看到第一太平2013年換算海外業務之匯兌總差額竟達10億美元,令到6億美元年內溢利也因此變成4億美元全面虧損。這數據印證不單消費性食品,甚至是第一太平整體,在計入匯兌虧損下,都是「種」得個「橘」!《竊聽風雲3》中的周迅和吳彥祖是否也是「種」得個「橘」,影片中沒有跟進,但香港是否不用發展新區而又能解決住屋及其他問題,相信大家也會有自己的答案!

林智遠Nelson Lam

執業資深會計師,會計專業發展基金主席,最愛與太太旅行,出名講talk及撰寫大學會計書,其著作已被翻譯成不同語言。目標以淺易簡單的方法,使牛頭角順嫂也能看懂會計數字和陷阱。

 
第一 太平 種得 得個 林智 智遠 Nelson Lam
PermaLink: https://articles.zkiz.com/?id=102058

《中佬手記》就以相親相愛娛樂大家 得個跑字

http://solelyrun.blogspot.hk/2014/08/blog-post_3.html
一個星期話咁快又過去,要數一單最「爆」嘅新聞,肯定係高雄發生氣體爆炸引致多人死傷。人命傷亡所換來嘅教訓,就係發現問題而延誤處理,係會死人嘅--而人類總係重複相同嘅錯誤。唔駛召喚阿寶喇,星期日畀佢抖下好。

講汲取教訓,其實同佔中商討日好相似。第一次咪興致勃勃或者慶烚烚咁,第二次已經開始跌 watt ,到第三四五六次,直情謝晒皮、頭都抬唔起咁滯。重複犯錯係會麻木嘅,唔係邊得嚟「習非成是」呢句成語?

以前社會人物出嚟亂 up 廿四,會畀人鬧係「指鹿為馬」。但隨住社會「習非成是」嘅風氣蔓延,係鹿係馬都開始變得唔重要。連最基本嘅客觀事實陳述錯都好多人唔介意,其他邏輯謬誤、搬龍門、模糊焦點,就更加少人察覺或者有感覺。 2012 年 7 月 1 日大家上街大嗌「梁振英、大話精」,然後佢喺西九文化區嘅利益衝突嫌疑、佢嘅山頂大宅僭建疑雲、佢嘅語言偽術……一笑已經風雲過,大家都司空見慣,佢再講「香港同大陸和諧嘅關係決定我哋食粥定食飯」,甚或「政府官員反佔中係應有態度」,喺民間莫講話風波,連一絲漣漪都冇。

一個政府之首嘅品德、操守以至政治敏感度、政治倫理水平都可以低處未算低,其他官員以至民間組織嘅代表自然可以有樣學樣而且大模施樣直行直過。最新一個代表係律師會主席林新強,佢太太打骰嘅公司喺中環中心出租場地賺大錢,背後其實係受梁粉組織「香港專業聯盟」任命,而組織只需要向中環中心業主市建局繳交一蚊雞年租。

早多十年八載,大家可能已經群起而攻之,「喂,擺明有利益輸送啦」。但今時唔同往日咯。如果程介南以權謀私嘅案件喺 2014 年被揭發,我都唔敢肯定佢會唔會被判罪成入獄。因為商交所涉嫌詐騙案而一身蟻嘅前行政會議成員張震遠,喺受到商業罪案調查科調查一年有多之後,亦遲遲都未見有下文。特首曾經掛喺口邊嘅「香港速度」,似乎只應用喺拘捕示威者嘅行動。

都講到厭、講到悶。悶咯,咪尋求娛樂。香港報紙最多人睇嘅如無意外係娛樂版。由我細細個開始搭巴士見到上班一族 C 疊不離手,到最近見到馬賽成香港風雲人物,傳媒從實體到虛擬,讀者習性其實冇大改變。 90 年代嘅年輕人同 2014 年嘅年輕人,骨子裡流嘅血、散發嘅氣質,其實好可能大同小異……咁嗰小小嘅差異係咩呢?

90 年代嘅政治就係政治,副刊專欄就係副刊專欄。嚟到而家,政治要有八卦花邊,副刊冇返個化名性格巨星亦唔似樣。兩者嘅性質都係娛樂大家,由李八方嘅《隔牆有耳》到紀曉風嘅獨眼新聞》都以捕捉政治人物小動作或者奇聞為主,《主場新聞》製圖加一句點睛嘅慣技更加令大眾著眼於蔣麗芸或者鍾樹根嘅言論多於相對複雜嘅政府施政策略與佈局。冇計啦,容易入口同易消化丫嘛,讀緊 BB 班就梗係食糊仔,唔通食雞背脊吮骨頭?

政治有政治娛樂版,副刊有王迪詩帶起潮流。雖然已故的丘世文曾在《號外》雜誌以顧西蒙為筆名書寫《周日床上》 (而且好好睇) ,但論知名度、論爭議性,真係拍馬都追唔到王迪詩。一個單身貴族住喺蘭開夏道,以高姿態高角度寫盡金融中心眾生 (外加類似《 Sex and the City》嘅情節) ,謎一般嘅身份令人遐想王小姐到底真有其人定係集體創作。當然,及至王迪詩 come out (!!) 公開真人為楊潔深之後,謎底已經解開,原先嘅可塑性自然歸零。

不過一雞未死,一雞又鳴。喺《蘋果日報》嘅《金融中心》專頁彈出一個自稱「 IFC 張智霖」嘅葉朗程,走男版 Daisy Wong 路線,人哋有個 Philip ,佢有個 Danielle 。王迪詩喺財經報章嘅副刊出沒,葉朗程直情喺財經版同大家見面,再走入《主場新聞》。如此一來,食住新媒體興起嘅升浪,葉朗程論盡 A 餐 B 餐嘅文章喺網上瘋傳,連其中一個當事人嘅老公張繼聰賣廣告都攞嚟自嘲一番。

香港人就係咁可愛。有娛樂圈姐仔爭風呷醋嘅新聞都嫌唔夠,仲要透過以第一身寫作嘅專欄作家筆下故事捕風捉影、尋找趣味。半年前我寫過一篇名為《大象出現時,我們還忙著挑選 AB 餐 》嘅文章,半年過去,大家依然為王迪詩典型嘅兜個圈踩低人抬高自己嘅文章而咬牙切齒,拗個面紅耳熱。至於「『主流民意』反佔中」、 「學民學聯八月佔中」……是但啦,算數啦,唔煩你喇……
中佬 手記 就以 相親 相愛 娛樂 大家 得個 個跑 跑字
PermaLink: https://articles.zkiz.com/?id=107954

《中佬手記》不甘心,人人不開心 得個跑字

http://solelyrun.blogspot.hk/2014/07/blog-post_77.html
不能回頭。

當行政長官梁振英,以及政務司司長林鄭月娥為首嘅問責官員都「以個人身份」支持「反佔中、保普選」簽名運動嘅時候,一切都返唔到轉頭。唔係話周融嗰 80 萬個簽名有呢班官員在內會更具份量,而係特區政府嘅「不偏不倚」招牌已經跌咗落街,所謂「有商有量」亦變成「有(黑)廂有梁(振英)」。公務員「政治中立」嘅原則,喺一班問責局長帶頭簽署之下,就好似新樓奇形怪則嘅圖則咁,只待爆破,如果唔係住唔到人。

難得你來通報才知道。

梁振英話畀全港市民聽,佢會簽名支持「反佔中」,強調香港有言論自由,簽名亦只係個人行為。從「包容」到「言論自由」,今屆政府都好成功咁活用呢啲「普世價值」去支持政府嘅政策以至官員嘅行為。當然,細細個老豆老母會教落唔好同粗鄙嘅人爭拗,如果唔係就「有失身份」。林慧思被指街頭粗口辱罵警察被狙擊到天涯海角,原因就係佢有失「教師」嘅身份,可能會「誤人子弟」。公民黨曾經被愛護香港力量指撐外傭居港權,源頭係成員李志喜代表外傭打官司。梁國雄喺立法會著短褲,被民建聯議員葛珮帆投訴衣著不符議事規則,同樣係有失「立法會議員」嘅身份。

如果梁振英可以用「個人身份」作政治表態,並自覺冇違反相關守規,咁上述三個例子嘅主角其實可以用同樣嘅理據為自己辯護。當然,《動物農莊》話畀大家知,眾生皆平等,但有啲動物係更加平等嘅。喺太平洋嘅另一邊,美國前總統克林頓應該感嘆,如果自己遲十幾年做總統,遲十幾年同萊溫斯基發生不道德關係,佢大可以引用返梁振英嘅邏輯,請下屬「食雪茄」純屬個人行為,道歉都慳返,莫講話面臨彈劾啦。

唐英年就更加唔抵啦,佢競選時被踢爆僭建同婚外情何嘗唔係佢個人行為呢?關參選特首咩事?唔通滿足個人性慾嘅時候都要「我而家以高官身份進入你嘅體內」咩。不過當年梁振英攞嚟講,話人返工望住張梳化嗰陣,好似唔係咁諗?咁究竟梁振英咩時候係個人,咩時候唔係人?我唔知。

往日共你追憶永遠是好。

仲有三日,本來就係《主場新聞》兩周年。不過蔡東豪話熄燈就熄燈,累積超過 23 萬個 Likes 就咁付諸東流。新媒體同傳統傳媒一樣,都係一盤生意。要摺埋,一係莫財、一係話事人唔想再玩、一係被封艇冚檔。蔡東豪話係社會嘅錯,話出於恐懼,所以關門大吉。但坊間更多傳聞話《主場》廣告收入不足以支撐高成本運作,係因為商業理由而收檔。當然,我哋可以再追究落去,話香港嘅政治環境令一啲傳媒畀廣告商封殺,但問題係呢樣嘢喺《主場》開辦之前已經係眾所周知嘅事實,要點樣經營先至可以持續落去,應該一早諗好。

無可否認,《主場新聞》成功令好多網民關心時政,善用 Facebook 嘅空間去傳播訊息,令大家輕輕鬆鬆 Like 完再 Share ,總算建立起 Critical Mass ,等閒一篇足球評論文章都可以過千個 Likes ,威力非同小可。大業未成而中途墮馬,最大損失嘅唔係本身好熱血或者好關心世界大事嘅年輕人,而係一班瞓醒冇耐,或者啱啱停止「扮瞓」嘅香港人。一時三刻,真係未必知道去邊度搵返替代品去吸收資訊,莫講話同朋友分享。

怎能預計似這般難同你同偕共老。

如果《主場》讀者肯行多一步,認識作者背景,跟進作者嘅社交網絡 (Blog / Facebook / Twitter) ,其唔駛擔心冇咗《主場》之後同自己睇好嘅作者失散。如果《主場》讀者冇滿足於 Like & Share ,如果大家貨比三家,進一步睇下其他新媒體,由左翼嘅《獨立媒體》到 (被指) 「右翼排外法西斯」嘅《輔仁》同《熱血時報》;由《信報》前副總編輯游清源創辦嘅《 852 郵報》到《明報》旗下的《評台 PenToy 》;其實唔難發現好多作者都跨平台出文。最重要嘅,係如果香港人有足夠閱讀理解能力,應該辨別到邊啲新媒體表面中立、實質維穩。不過從香港人揀選傳統傳媒嘅習慣睇嚟,「假中立」嘅新媒體肯定長做長有。

不甘心,人人不開心,尤其這新婚,失去我身份。

收筆之際, Facebook 有「江湖傳聞」指蔡東豪將會轉戰壹傳媒加盟《蘋果日報》,我只係想講,反建制嘅傳媒冇唔分裂嘅本錢。《蘋果日報》有其堅定支持者,亦有更多仇家打風打唔甩。《主場新聞》形象相對地中立,難得建立一班固定擁躉,而家一下子捨棄而期望佢哋直接轉賬到《蘋果日報》,就好似劉慧卿嫁入民主黨然後期望前綫支持者自動過戶咁不切實際。

慘淡是我知不能回頭。欺騙我難約定未來回頭,我是牛、我是牛。

一個星期六,見證高官「放下身段」與周融合流,簽名支持「反佔中」,以及全港第一個亦係規模最大嘅網上新聞網站結業,一班政治幼稚園畢業生升學無門,有待官校收錄。我哋見證住香港嘅統戰維穩行業蒸蒸日上,距離要放下「香港人」嘅身份「擁抱祖國」,又行近一步。

後記:

以下內容純屬私事,冇公共性,可以唔睇。

我嘅第一篇投稿,都係投畀《主場新聞》。當時以「讀者投稿」身份被刊出,都曾經開心過。之後同時投畀《主場》同《輔仁媒體》,大家都係投稿,《輔仁》會畀個作者名份你,而《主場》永遠都只係「讀者投稿」。我試過 email 問編輯點解我唔可以有個作者欄位,得到嘅回覆係「請繼續投稿,我們會繼續細讀來稿,
並在適當的機會邀請來稿作者成為博客。加油,再謝過。」結果我四個月內合共投咗十三篇,由此至終,都係「讀者投稿」。事後我睇返,有一啲有名氣嘅作者有自己欄位但可能由頭到尾都只係得一篇稿;亦有一啲作者有欄位但文章質素普通過普通。

Whatever ,每個傳媒有自己嘅取態,我得唔到自己期望嘅尊重,就冇再畀稿《主場》。

家下拎呢件事出嚟講,可能有人話我方丈。但我提出一點:信奉名牌呢種 old school 嘅策略,喺網上媒體戰其實未必行得通。你有幾可見過喺 Facebook 見到有人 share 梁振英同陳茂波嘅網誌?
中佬 手記 甘心 人人 開心 得個 個跑 跑字
PermaLink: https://articles.zkiz.com/?id=107955

《中佬手記》長路漫漫是如何走過? 得個跑字

http://solelyrun.blogspot.hk/2014/07/blog-post_26.html
今日有報道話陳奕迅宣布兩年之後要暫別樂壇,要抖抖。雖然佢經理人陳家瑛話都冇咁快就撲出嚟話冇咁嘅事,話 Eason 可能只係要休息充電、放慢一下,或者去外地吸收一下新嘅藝術元素。不過,陳奕迅持續多年企喺香港樂壇之巔 (雖然樂壇有沉降跡象……) ,又巡迴演唱到聲都爛埋,就連頒獎禮都心不在弦連,話佢身心俱疲都不為過。既然意興闌珊,見好就收其實冇咩唔妥。有咩緊要得過身體健康呢。

陳奕迅自 1996 年出道,同香港人一齊走過主權移交嘅關口,有過《時代曲》嘅焦躁、時日無多之下唯有《抱擁這分鐘》 (附送帶有隱喻嘅《那一夜有沒有雪?》) 。 1998 年展開《新生活》,到 2000 年佢轉投英皇唱片開始成為《 K 歌之王》,之後嘅都係歷史。當然, Eason 嘅事業亦唔係一帆風順,例如佢喺 2003 年同英皇續約不成, 2004 年基本上交白卷。不過失收嘅一年緊隨住《 U-87 》大碟喺 2005 年嘅成功,往後幾年唔係世界巡迴演唱會就每年都有兩三首膾炙人口嘅作品,直到今時今日。

喂,羅安尼唔講波唔講政治,齋講音樂?唔對路嘛?

又畀你識穿。

早兩日我寫《我有病還是你?》,講香港人從建制與泛民之間走出第三條路,叫「走投無路」。與此同時,我哋親愛嘅建制派,或者直接啲講,統戰維穩團,亦喺路上逐步進化、逐步將「有中國特色的普世價值」滲入香港人嘅血液入面。從前英國貴族講 Blue Blood ,香港英殖時代舊電池丟嘅丟、壞嘅壞、淡出嘅淡出,血液,亦層層漸進咁染紅。

1997 年前,香港人習慣叫民建聯、工聯會、港進聯等「根正苗紅」嘅政團做「土共」、「左仔」。葉國謙、楊耀忠、蔡素玉、王紹爾等人行出嚟一陣除,講觀眾緣隨時差過《真情》飾演 May May 嘅馬蹄露。不過 1998 年立法會選舉行比例代表制,又有屈機嘅選舉委員會同採用公司團體票嘅功能組別,即使泛民主派獲得三分二選票,喺 60 個議席入面都只係攞到 20 席 (剛好係三分一) 。

2003 年係一個分水嶺:沙士、 23 條同七一遊行嘅背景下,政府民望低迷,每每出嚟保駕護航嘅建制派首當其衝,喺區議會選舉輸到七個一皮,民建聯失去四分一議席,民主黨當選率高達 79% ,幾乎打住民主旗號嘅都贏咗九成。呢個係統戰維穩團喺 97 以後最大嘅挫敗,但窮則變、變則通--何況中央咁大支水喉喺後面射注,學曾蔭權話齋,「 (保皇黨) 想窮都幾難」。

2004 年同 2008 年嘅立法會選舉,中聯辦幕後協調加上土共催票調票策略得宜,將得票推上 60 萬以上,議席數目亦維持喺六成左右 (又要多謝功能組別) 。但更重要嘅係,建制派新血湧現,李慧琼、梁美芬、陳克勤同洗底回朝嘅葉劉淑儀等人形象多元化,由專業、中產、年輕到熟知政府運作嘅前官員都有。加上工聯會由抬轎變成坐轎,正式動員強大嘅工會網絡,戰鬥力節節上升。

 2012 年香港變天,同年立法會選舉泛民地區直選得票破 101 萬,但保皇陣營亦得到 77 萬票,雙方得票相差收窄至 24 萬左右,同 1998 年相差超過 50 萬票相比已經收窄咗一半。篇幅所限,我唔喺度深究香港人口結構嘅變化同呢個差距之關嘅關係,但事實擺在眼前:統戰維穩團嘅正規軍距離得到過半民意支持之日已經不遠。

講到明有正規軍,就梗係有啲雜牌僱傭兵。以前我天真以為,維園阿伯總有百年歸老嘅一日,到時香港就應該有希望。但而家嘅亂象已經全盤否定我不切實際嘅幻想。 2011 年,愛護香港力量開始狙擊公民黨,就外傭居港權案窮追猛打,程度之激烈比起維園阿伯有過之而無不及。

一年之後,愛港之聲唔知喺邊度爆出嚟,但家下有睇無線新聞嘅觀眾都一定知道邊個係高達斌。以前陳鑑林或者劉江華出嚟寸寸貢嘅打手工作,而家外判晒畀「愛字堆」,民建聯唯一要上身嘅係由蔣麗芸單挑長毛鬥攞 Sound-Bite 。其餘議員都「潔身自愛」,專業理性客觀實幹到不得之了。曾鈺成得閒單打兩句黨友蔣麗芸,大眾好感度又增加 5% ,認真得來全不費功夫。

統戰維穩除咗正規嘅協調、配票、蛇齋餅粽同一系列打手,策略上嘅抄襲、複製亦好重要。近來小米手機因為抄襲 Steve Jobs 招牌口訣 "One More Thing" 而紅上加紅,「愛字堆」執行 Copy & Paste 更加係青出於藍。以前泛民向老廉舉報官員利益輸送或者向選委會舉報候選人犯規,而家民建聯、工聯會就聯同愛字堆就齊齊舉報黎智英同被指收受捐款而冇申報嘅泛民議員,仲話要動用《權力及特權法》喺立法會調查添。梁美芬下線李偲嫣玩絕食要求警方嚴正執法,何嘗唔係膠化過往絕食反國教以至絕食爭普選等活動?以招化招,真正高招。

除咗呢啲雕蟲小技,泛民有「佔中三子」,維穩部隊就「舉一反三」,一個白頭佬周融就搞掂你哋。佔中嘅 N 個商討日同預演當然可以跳過唔做,只要接力搞公投,傳媒喺「唔介意獨家,只介意獨冇」嘅原則下例必日日追訪,周融做唔成廣播處長反而曝光率更勝從前,蝕頭賺尾啦。家下「佔中」 80 萬人公投嘅數字正正係「反佔中」公投嘅目標,無論手段有幾低裝、破綻如何百出,「佔中」打民意牌嘅如意算盤都係遲早被打爛。

一個統戰維穩體系,就喺香港「外部勢力」扶持、人材經多年栽培 (以及無數自命識時務嘅俊傑加入) ,以及「橋唔怕抄」嘅情況下,經歷十年以發育健全。陳奕迅話喺 2016 年約滿之後小休,無獨有偶,下一次立法會選舉喺 2016 年舉行。無論選舉方式有冇改變,我都有信心保皇黨可以攞到直選過半數嘅議席,以及超過全體三分二嘅議席。一眾喺港英時代受盡白眼嘅「愛國愛港人士」,到時應該可以「毫無代價唱最幸福的歌」,賺最多。
中佬 手記 長路 漫漫 如何 走過 得個 個跑 跑字
PermaLink: https://articles.zkiz.com/?id=107956

《中佬手記》我有病還是你? 得個跑字

http://solelyrun.blogspot.hk/2014/07/blog-post_24.html
新球季仲未開始,網民就喺度熱烈討論一場法國球會對葡萄牙球會嘅大戰,影片聽講有馬賽克版同無馬賽克版,但總之就係馬賽洗板。早幾年呼朋喚友、稱兄道弟嘅「尋朋記」再度上演。梗係啦,有圖有真相,堅過殘廁 Gathering 多多聲。一大單爆炸新聞,就算有個阿姐喺旺地恒當眾剝衫,引起嘅迴響都差天共地。

當然,唔上網、睇無線同睇報紙嘅普羅大眾,可能仍然關注緊肥佬黎捐助大拿拿四千萬畀多名泛民主派議員。「政治咁污穢,你班前朝餘孽反對派仲要勾結英美勢力……」至於周融、泛民、政改…… Oh Who fxxking Care?

香港嘅社會就好似一部仲用緊 Floppy Disc 而冇 Harddisk 、記憶體又唔夠多嘅電腦咁,一有新新事物,早兩日大家仲拗到火紅火綠嘅一些主流、早兩星期仲爭相恥笑緊冷血涼薄、早一個月仲實牙實齒話要捍衛守護嘅呢啲嗰啲,話咁快煙消雲散。要將舊事存檔?唔好意思,儲存空間不足。雖然總有史官每逢清明重陽出嚟提提大家當年今日發生過啲乜,但每年年尾嘅大事回顧,咪又係睇完就好似天氣先生咁:「吓?哦……」然後施施然 Life goes on 。再過啲日子,回南天潮濕,磁碟都發埋霉,讀都讀唔到咯。

「主流」民意支持善忘,「一小撮反中亂港政客」就辰時卯時都叫人「毋忘 X X 」。佢哋又唔係淨係得把口,仲身體力行表明自己一直活於過去。當中有啲停留喺九十年代中,立法局選舉直選界別打住反共旗號就選票滾滾來嘅 good old days ;又有啲徘徊喺零三、零四之間,以為五十萬人出嚟行,北京就會震過貓王,特首就會腳痛落台。最近兩位元老級人馬陳太同馬丁周遊列國申訴冤情,其志可嘉,但客觀事實係物是人非,陳奕迅歌都有得你唱,「即使再見面,成熟地表演,不如不見」。

泛民主派死守民主、自由嘅普世價值,提倡抵抗赤化、抵制貪污、反對專制……或者講白啲:「民主抗共」。但香港大眾喺社會一片「包容」嘅風氣之下,對於曾幾何時嘅過街老鼠都網開一面。曾經嘅掃把頭,而家係中產專業人士以至公僕心目中嘅最佳民意代表,民建聯唔係土共,而係講理性、做實事嘅政黨。中共,仲係咪大家恐懼嘅血腥政權?抑或,係帶領炎黃子孫富強起來嘅領導者?去到 21 世紀仲想靠「恐共心理」搵食,實聽乞食。

唔係話市民唔驚政府出動防暴隊甚至求助解放軍鎮壓亂血濺街頭,而係市民唔覺得呢件事會喺自己身上發生。以前就話「行得正、企得正」,家下都係,只係「正」係指「正統」,唔好離經叛道,唔好脫離《基本法》框架討論政改,唔好同中央對抗,自己就唔會畀警察屈人拗手指,第時戒嚴好、宵禁好,留喺屋企睇電視就冇問題啦。

長毛鼓吹五區公投,畀市民用手上一票說明究竟大家要真民主,定係周融嘅「保普選、反佔中」先至係貨真價實嘅香港核心價值。換轉係十年前,我都相信呢一招可能有效。但係十年以來嘅統戰、滲透、收編,花嘅一分一毫都肯定物有所值。由 CCTVB 到《巴乜的報》;由似返個人嘅曾鈺成到扮作無知婦人嘅蔣麗芸,香港人從軟到硬、不論男女都喺不知不覺之下被灌輸一啲「正確」嘅思想。唔信?中西區嘅選民對於區議會一連串「人多打人少」嘅事件有咩反應?灣仔區同東區區議會通過支持「白皮書」,灣仔至柴灣一帶有冇示威抗議「區議會不代表我」?再講白啲, 2016 年立法會選舉地區界別直選,泛民主派根本冇把握保住過半數議席。

嗱嗱嗱,做人唔好非黑即白、玩二分法。背棄泛民,其實唔等如投共嘅。英國工黨喺九十年代走出「第三條路」,香港人同樣地行緊泛民同保皇以外嘅第三條路,叫「走投無路」 (或者你可以話「唔對路」甚或「唔撚係路」, but whatever) 情景好簡單,一個人一仆一碌畀人追打到天腳底,喺一條掘頭路嘅盡頭,插翼難飛,咪唯有企喺度任人宰割。 Okay 你鍾意坐喺度都得,可能仲舒服啲添。

香港自由、自主嘅空間「猶像熱帶雨林,逐分鐘消失四點八里」。泛民主派對住香港市民「像相對沒相對論」,日日問「我有病還是你?」而我只係諗到,相對無言,唯有淚千行。唯盼 19 才子開動抽濕機,免得水浸維園。
中佬 手記 我有 有病 還是 得個 個跑 跑字
PermaLink: https://articles.zkiz.com/?id=107957

《中佬一周》老虎、蒼蠅、飛機 得個跑字

http://solelyrun.blogspot.hk/2014/07/blog-post_20.html
世界盃完咗,球季正式進入抖暑階段,之前成個月平均每日出一篇,家下可以放返慢,但唔等如慢工出細貨呀下。最多我啲 typo 會少返,因為唔駛趕住球證吹雞兩秒後出文。

過去呢個禮拜嘅新聞本來冇乜焦點。立法會放暑假,雙倍印花稅一如預期地獲得通過,細價樓繼續搶到癲價,證明上車用家真係超級 desperate ,而歷史話畀大家知,掹車邊頂硬上嘅人往往係水退時最大受害者。嗰啲坐擁十幾個單位收租、有人代為供樓嘅包租公、包租婆以至資深投資者,真係驚你有味。至於地產商趁音樂未完,將遠至大埔汀角路嘅墳景樓盤低價促銷,發展成本袋袋平安,又係冇嘢好驚。「地產霸權」打倒咗未?當初因為梁振英打著「反地產霸權」旗號而支持佢上台嘅「年青人」們,受惠咗未?唔知呢。

「反地產霸權」大業尚未成功,「反佔領中環」取而代之,成為中港兩地政府同政客嘅主菜。中學 DSE 放榜狀元會否參與佔領中環成為兩邊傳媒各自表述嘅工具,政府公布嘅政改諮詢報告又因為「主流民意」、「多數人認為」等虛到無倫嘅形容詞而失去焦點,反而周融發起嘅「全民簽名運動」,就因為動員規模大 (燒埋四叔同楊生嗰幾疊喇) ,但組織粗疏、冇規冇矩 (好有現屆政府施政特色) ,而成為關心政治嘅網民爭相恥笑嘅對象。可以與之匹敵嘅,恐怕只有自稱為「永久居民提名」嘅立法會議員蔣麗芸。

無論周融定「張融」,無論麗芸定「元秋」,大家嘅共通點都係唔怕你恥笑,唔怕你用數字話佢「柒」或者「玖」,最怕你唔將佢哋嘅一舉一動擺上諸同好。喂講真,佢哋唔係傻,亦唔係低能,佢哋好清楚咩叫 Click Rate 咩叫 Share 咩叫曝光率,更清楚普羅市民嗰種「唔好搞咁多嘢」、「唔好咁煩唔好咁亂」嘅心態。只要佢哋嘅行為,可以「膠化」 (英文係咪 Plasticize?) 「佔中三子」同「泛民」嘅行動,就已經達到目標。

「佔中公投」接近八十萬人次丫嘛,「反佔中簽名運動」就以呢個數為目標,反正「民意係可以製造架嘛。有錢使得鬼推磨,你明嘅。唔明,都明白要保住飯碗嘅重要性嘛。喂陳健民你話周融收集簽名冇機制防止重複投票?之前周融都講過「佔中公投」有漏洞架喎。至於漏洞係乜,妖我叉知咩,唔好煩我啦。周融唔介意自己跌落泥漿,最緊要拉埋你地「佔中三子」 (同埋鍾庭耀) 落嚟,大家打成一片,廣大市民離遠睇根本分唔清邊個係白頭佬,邊個係朱牧 (喂其實朱耀明都係一頭白頭髮) ,總之就知道大家都有漏洞、大家都係篤數、大家都冇公信力。大眾觀感嘅嘢,你返工聽同事喺 Pantry講幾句、落街喺茶餐廳聽下阿伯阿嬸吹水,就會明。仲未明嘅,諗下身邊有幾多位 CK 口中嘅「朋友A」。

社運界近年流傳一句名言:「 XXX 打蒼蠅不打老虎」,意思係大家對抗霸權嘅時候,應該將矛頭對準有權有勢嘅當權者同資本家呢啲「老虎」,唔應該「向弱者抽刃」,無論係外傭、新來港人士定係來自「內地」嘅旅客,都係「蒼蠅」。但有趣嘅係,當搞到群眾活動嘅時候,社運人士又會提倡要「喚醒沉睡 (或裝睡) 的群眾」--咁群眾既然係咁弱勢,做咩要搞住佢哋瞓覺先?做咩唔捍衛大家耳根清靜嘅權利?

好混亂?未算。當群眾好夢正甜,有其他人決定自己衝出去對抗霸權嘅時候,又有社運人跳出嚟阻止話「 XX 唔係咁諗」。先唔好講大家有冇權利代表其他人表達想法,如果大家覺得市民唔係咁諗,就唔去做某啲嘢嘅話,咁我哋係咪都應該尊重嗰班「討厭政治」、「希望香港保持繁榮穩定」嘅市民,唔好同中央對抗、唔好爭取「公民提名」?喺老虎同烏蠅之間,到底邊個抵打啲?搵唔到答案,不如唱住 K 先,打住飛機先?

喂,飛機唔好亂打。你睇下烏克蘭嗰邊?一打,死傷枕藉,普京周身蟻,雖然都係好從容咁卸責畀烏克蘭政府,話「如果烏克蘭唔係攻打境內嘅親俄武裝份子,就唔會搞成咁」,「因此基輔政府要對慘劇負責」。喂學辯論嘅朋友真係要學下,如果片面理解普京嘅說話,唔理會親俄武裝份子係俄羅斯背後策劃去喺烏克蘭搞搞震,牽制住親西方嘅基輔政府嘅話,真係可能得出「烏克蘭要為馬航客機死難者負責」嘅結論。

雖然從表明證供 (包括親俄武裝份子被截聽「慶功」對話) 以至普京閃爍嘅言辭可見,親俄份子以至普京嫌疑最大,但依然有社運界人士,甚至我曾經好尊敬、走過烽火大地嘅資深記者張翠容,可以佢哋獨特嘅睇法,認為西方世界培育烏克蘭境內嘅「法西斯」勢力,以至呢單空難背後有可疑,各種陰謀論不脛而走。


(請留意留言部份)

或者西方資本主義喺左翼進步人士心目中係萬惡之首,但係喺基本嘅是非黑白面前都要指鹿為馬,讀幾多理論、走幾多里路、長幾多見聞都係枉然。抱歉講句,我書櫃入面有幾本張翠容早年著作,搵日我會燒咗佢,以慰死難者在天之靈。
中佬 佬一 一周 老虎 蒼蠅 飛機 得個 個跑 跑字
PermaLink: https://articles.zkiz.com/?id=107958

《中佬手記》史詩大戰扣人心弦,德國封王團隊稱霸 得個跑字

http://solelyrun.blogspot.hk/2014/07/blog-post_7451.html
24 年。一個奇妙嘅數字,繼巴西與意大利喺相隔 24 年後第四度成為世界盃冠軍,德國喺 2014 年,成為第三支四屆世界盃盟主,亦成為首支喺美洲高舉世界盃嘅歐洲球隊。 36 歲嘅高路斯今屆打破朗拿度保持嘅世界盃最高入球紀錄,四度參賽而最終得到球壇最高榮譽,躋身球壇傳奇行列。但更重要嘅,係德國團隊眾志成城,後備上陣嘅舒爾尼同葛斯貢獻唯一一個入球,印證當代足球係團體運動,而唔係單憑個人技術取勝。

英文有句諺語:  "If it is not broken, don't fix it." 開波前一個鐘睇出場陣容同準決賽一模一樣,都知德國同阿根廷嘅兩位教練路維同沙比拿相當滿意球隊嘅表現,唔打算喺重要關頭作出調動。不過,人算不如天算,德國防中基迪拉熱身時受傷,要由克拉馬取代。即使話德國係踢整體都好,但冇咁個正選防中,始終會削弱咗防守能力同進攻嘅變化。尤其是,當對面有美斯嘅時候。
阿根廷有美斯,原先以為會用佢做 4-2-3-1 嘅進攻中場角色,但嚟到決賽,陣式更加傾向 4-4-2 ,美斯同希古恩聯手攻堅,角色更似 90 年代意大利名宿巴治奧嘅「 9 號半」。當然,阿根廷有兩位效率高嘅防守中場馬斯查蘭奴同碧利亞,防線絕對有足夠嘅屏障。

接戰之後,德國明顯佔有較多控球優勢,但阿根廷防守既深且密,時刻有八個球員包圍禁區,無論高路斯定湯馬士梅拿都難越雷池。由於美斯專門強攻德國左路,高大但轉身慢嘅賀維迪斯備受威脅,奧斯爾要頻頻回防助守,變相令德國左路攻勢薄弱,只能側重右邊嘅拿姆助攻。

更不幸嘅係,臨危受命嘅克拉馬喺一次爭波當中,畀從後殺到嘅加雷用膊頭撞頭,踢咗半個鐘左右就要退下火線。路維喺防中兵源將盡之下,起用攻擊火力更強嘅舒爾尼,一來壓制薩巴列達同拿維斯,唔畀佢哋從容助攻 ,二來將策劃能力較強嘅卻奧斯拉後拍返舒韋恩史迪加,等「小豬」可以專注防守。

講開卻奧斯,佢幾乎犯咗一個大衛雷斯喺季軍戰所犯嘅錯誤:頭槌將個波送去禁區頂,分別在於今次卻奧斯係中場回後迎頂去無人地帶,希古恩一聲唔該就單刀埋門,可惜面對紐亞個波射到離行離列,絕對大嘥。希古恩之後再有另一次機會,接應今場表現活躍嘅拿維斯右路傳中近門抽入,不過因為旁證示意越位而食詐糊。阿根廷之後再有另一次反擊機會,拿維斯走到門前接應但係畀謝路美保定解圍。

德國後防喺今屆賽事都未試過咁樣風聲鶴唳,前面亦尷尬地被迫重複地喺右路斬中,最有威脅嘅埋門,計有舒爾尼後上撞射被羅美路當出、奧斯爾靚轉身餵畀卻奧斯禁區頂施射但太正被接到實一實;以及右路角球,賀維迪斯飛身迎頂中近柱。半場雙方互無紀錄,表面上德國攻勢較多,但論入肉,其實阿根廷更似會入波嘅一隊。美斯掂波唔多,但質素取勝。唯一嘅疑問,係阿根廷上場同荷蘭血戰 120 分鐘,下半場會唔會體力下降。

阿根廷下半場換入阿古路,換出拿維斯,索性變陣踢 4-3-3 ,有少少令 R 頭。拿維斯上半場段段放段段有,搞到賀維迪斯甩轆咁滯。放阿古路入嚟喺中間竄擾,無錯係可以扯開多啲空間美斯做英雄,但佢哋兩個真係各自為政,連帶希古恩都靜埋--除咗下半場初段成隊波一齊壓上,趁德國未企穩陣腳搞到一陣混亂。美斯喺左邊射地波僅僅斜出,已經係下半場寥寥可數嘅埋門機會。

德國回一回魂之後又攞返主導權,但阿根廷防守的確專注而緊密,冇返咁上下心思,結局就只會係高路斯畀兩個後衛夾擊之下夾硬頂中目標但冇威脅。戰情喺中後段陷入膠著,阿根廷球員踢落有啲躁,薩巴列達同阿古路先後因為過火攔截而領黃牌。美斯下半場又開著慳電模式,連扭腳波都畀對手單對單封殺到,似乎佢老豆賽前話「美斯其實攰到謝曬皮」所言非虛。

阿根廷第二個換人名額畀咗柏拿斯奧,入替屢失戎機嘅希古恩。「敗家」似乎同希古恩嘅國家隊生涯緊緊相連。與此同時,阿根廷後防線喺 75 分鐘打後出現體力下降嘅現象,德國落底線同喺中間造入去嘅空間都逐漸多咗。如果唔係卻奧斯又一次浪費禁區頂遠射嘅機會,德國早已勝券在握。

臨完 90 分鐘前,雙方分別換入加高同葛斯,入替安素佩雷斯同高路斯。德國擺返湯馬士梅拿上最前踢 False-9 ,畀葛斯喺邊線衝鋒。不過換人都無阻世界盃連續三屆決賽要打加時嘅事實。一出返嚟,舒爾尼同葛斯喺左邊一次撞牆,舒爾尼近門逗射可惜角度畀羅美路封晒。阿根廷亦有一次機會,可惜柏拿斯奧未能把握侯姆斯失誤,心口控落嚟 ball out ,貪盡挑射嘅時候已經偏離目標,白白錯失先開紀錄嘅機會。

105 分鐘互無紀錄,馬斯查蘭奴每每喺關鍵時刻出現截斷德國傳送,絕對功不可沒。德國同樣有舒韋恩史迪加同謝路美保定演出穩定,確保球隊不致被阿根廷反擊得手。加時下半場馬斯查蘭奴同碧利亞雙人飛鏟舒韋恩史迪加,可見呢道喺中場嘅血肉長城幾咁堅固。就連前鋒出身嘅阿古路都返後波,用手爪損「小豬」塊面搞到血流披面。

德國喺體能上嘅些微優勢,最終為佢哋帶嚟入球。加時下半場七分鐘,舒爾尼左路個人突破到三閘線傳中,葛斯小禁區邊心口腔定,車身窩利射破羅美路嘅十指關,為球迷帶嚟期待以久嘅入球。阿根廷喺所餘無幾嘅時間傾力反撲,美斯連頭槌都出埋,但始終過唔到紐亞嘅十指關。
中佬 手記 史詩 大戰 扣人 心弦 德國 封王 團隊 稱霸 得個 個跑 跑字
PermaLink: https://articles.zkiz.com/?id=107959

《中佬手記》世盃皇者之戰,半場未分高下 得個跑字

http://solelyrun.blogspot.hk/2014/07/blog-post_14.html
英文有句諺語:  "If it is not broken, don't fix it." 開波前一個鐘睇出場陣容同準決賽一模一樣,都知德國同阿根廷嘅兩位教練路維同沙比拿相當滿意球隊嘅表現,唔打算喺重要關頭作出調動。不過,人算不如天算,德國防中基迪拉熱身時受傷,要由克拉馬取代。即使話德國係踢整體都好,但冇咁個正選防中,始終會削弱咗防守能力同進攻嘅變化。尤其是,當對面有美斯嘅時候。
阿根廷有美斯,原先以為會用佢做 4-2-3-1 嘅進攻中場角色,但嚟到決賽,陣式更加傾向 4-4-2 ,美斯同希古恩聯手攻堅,角色更似 90 年代意大利名宿巴治奧嘅「 9 號半」。當然,阿根廷有兩位效率高嘅防守中場馬斯查蘭奴同碧利亞,防線絕對有足夠嘅屏障。

接戰之後,德國明顯佔有較多控球優勢,但阿根廷防守既深且密,時刻有八個球員包圍禁區,無論高路斯定湯馬士梅拿都難越雷池。由於美斯專門強攻德國左路,高大但轉身慢嘅賀維迪斯備受威脅,奧斯爾要頻頻回防助守,變相令德國左路攻勢薄弱,只能側重右邊嘅拿姆助攻。

更不幸嘅係,臨危受命嘅克拉馬喺一次爭波當中,畀從後殺到嘅加雷用膊頭撞頭,踢咗半個鐘左右就要退下火線。路維喺防中兵源將盡之下,起用攻擊火力更強嘅舒爾尼,一來壓制薩巴列達同拿維斯,唔畀佢哋從容助攻 ,二來將策劃能力較強嘅卻奧斯拉後拍返舒韋恩史迪加,等「小豬」可以專注防守。

講開卻奧斯,佢幾乎犯咗一個大衛雷斯喺季軍戰所犯嘅錯誤:頭槌將個波送去禁區頂,分別在於今次卻奧斯係中場回後迎頂去無人地帶,希古恩一聲唔該就單刀埋門,可惜面對紐亞個波射到離行離列,絕對大嘥。希古恩之後再有另一次機會,接應今場表現活躍嘅拿維斯右路傳中近門抽入,不過因為旁證示意越位而食詐糊。阿根廷之後再有另一次反擊機會,拿維斯走到門前接應但係畀謝路美保定解圍。

德國後防喺今屆賽事都未試過咁樣風聲鶴唳,前面亦尷尬地被迫重複地喺右路斬中,最有威脅嘅兩次埋門都只有奧斯爾靚轉身餵畀卻奧斯禁區頂施射,可惜射得太正中畀羅美路接到實一實;以及右路角球,賀維迪斯飛身迎頂中近柱。半場雙方互無紀錄,表面上德國攻勢較多,但論入肉,其實阿根廷更似會入波嘅一隊。美斯掂波唔多,但質素取勝。唯一嘅疑問,係阿根廷上場同荷蘭血戰 120 分鐘,下半場會唔會體力下降。
中佬 手記 世盃 盃皇 皇者 者之 之戰 半場 未分 高下 得個 個跑 跑字
PermaLink: https://articles.zkiz.com/?id=107960

《中佬手記》球證判決惹爭議,巴西技遜實無疑 得個跑字

http://solelyrun.blogspot.hk/2014/07/blog-post_13.html

《中佬手記》球證判決惹爭議,巴西技遜實無疑

世界盃季軍戰,一向被視為雞肋戰,就連荷蘭教練雲高爾都話,根本就係令球員尷尬嘅一場波。歐洲國家盃就冇話爭第三名咧。但可能我先入為主 (睇世界盃先於歐洲國家盃),一個賽事有第一、第二,都應該有個第三丫。唔係啲銅牌要做雙份?

雲高爾教埋呢場就去曼聯報到,巴西教練史高拉利就話希望季軍戰之後先算。兩位老牌教練都一如所料擺出強陣,其中巴西都換咗好幾多人,包括用麥士維取代上場罪人之一嘅馬些路,用返保連奴棄用費蘭甸奴,用返車仔中場線拉美利斯、奧斯卡同韋利安,最前面用祖奧代替費特 (雖然效果應該差唔多) 。荷蘭方面,尼祖迪莊睇嚟都係未好返晒,出咗佐迪卡拉斯,史尼迪操練時受傷,由迪古斯文代替。

原本以為巴西有返隊長泰亞高施華坐鎮後防就冇事,點知第一個出事嘅就。開波分半鐘,可能好多人杯麵都未淥好,佢就響禁區邊落手拉單刀嘅洛賓。呢個時候,洛賓梗係搏老命都入多兩步先喺禁區跌啦。人同此心,唔好話我聽你唔會咁做呀。球證吹雞直指十二碼點,加送一張黃牌畀巴西隊長。其實都算幾畀面,如果跟足球例,直接領紅返更衣室沖涼啦。但開波未夠兩分鐘,球證酌情鬆手少少就少少係啦。

雲佩斯今場繼續正選,射十二碼嘅首選就梗係佢啦。 (雲高爾話準決賽有兩位佢覺得最好波嘅在場球員唔肯射頭輪,搞到佢要搵維拿 [又譯華亞] 去射,結果……) 呢位曼聯射手射龍門左上方死角,祖利奧施薩捉到路都飛唔到。射十二碼,識射一定係咁射。

巴西落筆打三更,喺鄉紳父老面前焗住進攻,荷蘭亦樂得縮後防線等你嚟,反正照舊三扒兩撥畀洛賓反擊就係。不過當你見到最前面嗰個係祖奧嘅時候,你都知「糟!噢!」係必然嘅結果。巴西攻唔入,到 16分鐘又失多球。當時荷蘭嘅迪古斯文喺有越位嫌疑之下右邊落底傳中,拼命三郎大衛雷斯上完前面助攻,又爭住返落嚟頭槌解圍……可惜佢唔係頂出底線而係頂向禁區頂 (大佬你漏畀馬爾干解圍都仲好啲) 。於是,白蘭特喺十二碼點附近控定、控定再睇定……忘記了世界這分鐘……咁滯,先較啱右腳射球掛網波,古斯達禾仲未撲埋到嚟,咁就兩粒咧。

主辦國啲球迷大概哀莫大於心死,情願玩人浪自娛下好過。跟住奧斯卡終於喺禁區邊有腳似樣嘅射門,但係射得太正畀基利臣救出。領先兩球嘅荷蘭下下都九個人返後防守,就算輸反擊都不惜出啲小動作嚟阻止攻勢,最多咪攞黃牌。巴西於是又多咗好多罰球攻勢,最近近磅嗰球喺右邊斬埋去,門前嘅保連奴同大衛雷斯漏晒。當然,你可以話大衛雷斯畀人拉衫嘅。但球證喺兵荒馬亂之間,其實好難睇到啲咁細微嘅動作。

半場巴西落後兩球,淨低半場波畀佢哋自我救贖。但好肯定嘅係,大衛雷斯喺後面做嘢打爛嘢,成日推個波上前場,唔係亂斬就係短傳畀隊友然後自己走入去塞埋個空位,搏晒老命想要將功補過,一腔熱血結果反而累事。都話足球係團體運動咯,下下英雄主義,你估八十年代咩。 (有請 Cookies 領唱……)

下半場出返嚟,巴西換咗走保連奴,換入殺人王費蘭甸奴 (仲記得占士洛迪古斯點樣畀佢熱情款待) ,結果佢出到嚟不負所託,先後鏟低雲佩斯、箍頸阻止洛賓搶波……喺荷蘭繼續重視防守多過進攻嘅情況下,巴西可以話係狂砌荷蘭。不過,當你見到最扭得嘅當然係工兵拉美利斯同右閘老將馬爾干嘅時候,你會知道巴西出咗咩問題。

巴西本來有一個應得嘅十二碼。奧斯卡喺禁區入面畀白連特閘低,慢鏡顯示白連特完全掂唔到個波,但就截低咗奧斯卡。不過,唔知球證睇到啲乜,旁證又唔提場,最終決定係奧斯卡插水領黃牌。冤枉呢。不過事後亦有人話奧斯卡專登伸隻腳白連特踢跌,係插水。你問我呢,我就覺得後衛喺禁區入面出腳一定要好小心,截唔到波又勾到腳,唔輸十二碼算你大命。

另外,白連特喺呢個攔截之後,懷疑因為膝頭哥撞到而要擔架抬出場,由贊馬特入替,又調返古積特返左邊。講開古積特,呢位沙場萬能老倌真係唔話得,前鋒到翼鋒到翼衛都踢得,呢啲咪襟撈囉。

荷蘭本來去到後段都不為以甚,但巴西搏命爭入波又喺後面曝露出咁多空位,荷蘭補時階段一個反擊,贊馬特右路出波畀後中嘅韋拿杜姆攝近柱入。費蘭甸奴包到咁深托咩。三比零,令巴西創出一支球隊喺世界盃失球最多嘅紀錄: 14 球。雲高爾都好識做,最後一個換人名額留第三門將禾姆,同時畀正選門將基利臣功成身退。

巴西隊喺 2014 年嘅災難式結果,應該真係夠後世遺忘 1950 年舉辦世界盃而決賽飲恨嘅傷痛。至於荷蘭,繼上屆成為亞軍,今屆亦都保住季軍,雲佩斯、洛賓同史尼達一代勢將淡出,下屆世界盃要靠迪比、白連特等 90 後,同埋邊個教,有冇能力團結向來有性格嘅荷蘭球星,都係一大堆問題。雲高爾囉喎,我梗係期待佢喺曼聯執教會有咩新景象啦。
中佬 手記 球證 判決 爭議 巴西 技遜 遜實 無疑 得個 個跑 跑字
PermaLink: https://articles.zkiz.com/?id=107961

《中佬手記》如何能將工作當戀愛奮鬥下去? 得個跑字

http://solelyrun.blogspot.hk/2014/08/blog-post.html
原本呢篇文,應該係一篇《投資、投誠、投石》嘅文,講嘅應該係香港人有幾熱愛投資,由投資股馬波六合,到投資喺自己身上裝身讀乜班考物試;到喺大時代當下點樣棄暗投明,到最後大家都只可以投石問路,博一舖。

不過,因為一個 Facebook status ,我成篇文由標題到結尾都轉晒。




早兩日有人問我,咁鍾意寫嘢,對咁多嘢都有自己睇法,做乜唔做傳媒。曾幾何時,我都覺得一個人嘅性格,應該同佢做一份點嘅工有關係,但冇任何必然因果關係。即係,你個人吱吱喳喳講嘢冇時停,最好做啲要對客人嘅工作;如果你鍾意計數,就去做會計日日夜夜加加減減;如果你通山跑冇時停坐唔定,唔當差就嘥咗你。

係咪真係咁樣樣?係咪真係好似學友社每逢大學聯招放榜之前畀嘅指引, 50% 興趣、 30% 能力、 20% 現實需要?定係,當大家見到識於微時嘅朋友,再不堪都有自己嘅事業、自己嘅家庭嘅時候,先明白咩叫「百貨應百客」,一本天書點樣可以睇到老?揀科尚且唔可以倒模一號眼二號鼻三號嘴,搵份工,或者長遠啲講建立自己嘅事業,又何來金科玊律?

試下抽離啲咁講,返工其實係一種交易。放心,好符合道德、高主教唔會捉你嚟鞭屍嘅。交易,兩個字,一買一賣。 (喂用到爛喇) 賣嘅係時間同精力,買嘅係金錢及金錢可以換來嘅一切物質享受,以及金錢無法量化嘅經驗。咁好簡單啦,你一開始未必知道自己想要啲咩經驗,但肯定自己想要錢。咁,返工,唔為錢,為乜?

戴一戴頭盔先,以上嘅思路都係建基於萬惡嘅資本主義之上。如果有朝一日資本主義被推翻,勞動階級唔駛被資本家剝削,可以為著自由意志而選擇做愛做嘅事,世界變得真正平等大同,呢篇嘢就可以丟入垃圾桶。喂講真,係咁美好係咁理想嘅,區區一篇文投籃又算得啲乜。

如果返工為嘅係錢,放工為嘅就係駛錢。嗱,我唔係鼓吹腐敗嘅消費主義呀下。只不過,返工已經賣咗一日起碼三分一時間畀老闆,放工剩低嗰三分二時間又要撥啲去瞓覺,有啲浪費咗喺搭車,所餘無幾嗰啲時間唔喺物質上對自己好啲,同條鹹魚有咩分別?唔係叫你亂駛錢,只係應駛則駛。嗰啲「八十後青年人月入一萬儲一萬,五年後儲夠首期上車」嘅含風飲露神話故事,真係睇一篇都會壞腦。見朋友唔飲都要食,唔食都要搭車,唔搭車行路都要著鞋架?下嘛?

返工有糧出,係出賣時間同青春嘅回報。出咗半斤力,想話攞返足八襾,其實係合理期望。 《明報》總編輯劉進圖七年前撰文話「為理想不計較付出嘅年輕人」令人好感動,而事實正正係因為付出同收入唔成正比,年輕人先要以「理想」、「熱誠」、「使命感」去搭夠,去繼續推動自己為新聞行業捱生捱死,直到團火有朝一日熄滅,仲有人要、有能力嘅就轉行,冇得揀嘅、焗住做嘅,亦都學識「為現實不計較付出」,因為已經冇條件再計較。

港英政府時代高薪養廉,目的係令公務員團隊免於受到外界金錢利益所左右。傳媒貴為左右社會輿論嘅公器,縱使出唔到高薪養記者編輯,亦唔好賤賣報格或者台型丫大佬。偏偏便宜嘅政治花瓶名銜或者打開通往神州經商嘅大門嘅鎖匙,就足以收買話得事嗰班人,從而主導喺機器入面操作緊嘅螺絲。換著係你,作為基層新聞從業員,收入比最低工資高啲啲,而所屬機構又違心甚至嘔心,身心俱疲其實係必然結局。

「興趣唔可以當飯食」,老母教落嘅。食飯就食飯,唔好整色整水講興趣。搵到你嘅錢,喺工餘時間追求自己嘅興趣,先至真正盡興。將興趣同碗飯撈埋一齊,一年 365 日周而復始,好大鑊。因為興趣講嘅係興之所至,唔係講責任。

返工若是必然,寓工作於娛樂係令生活愉快少少嘅方法。但要留意嘅係,要喺工作入要搵到樂趣,而唔係將自己本身嘅樂趣擺落份工度。何況,「多好玩的東西,早晚會放低」,何必要透過工作消磨自己對興趣嘅興趣?
中佬 手記 如何 能將 工作 戀愛 奮鬥 下去 得個 個跑 跑字
PermaLink: https://articles.zkiz.com/?id=107962

十年細股得個桔 鴻鵠財誌

https://www.facebook.com/hunghukforum/


十年細股得個桔


經過這陣子創業板全配售暴炒,證監會終於公開表示,將檢討上市規則,內容包括反收購(借殼上市)、股權集中、企業失當行為、甚至創業板角色問題,似乎是因為全配售上市,先炒幾十倍,然後暴跌引散戶入場,以達到派貨目的之問題。


這種方法,首幾次莊家應該有利可圖,後來越多人跟風,散戶也學精了,所以真的變成水魚的應該不多,但如果有看完全部「證義搜查線」,應該明白證監會的首要目的,是保障小投資者,故這種明顯暴炒的行為,必然引起證監會的注意。


據做上市、企業融資的朋友所講,目前的全配售很多是「國內人」接貨,就算證監想調查,大部份情況都找不到證人,在現行制度下,想加強監管變得困難,故改例如加強客戶個人層面的監管、上市條例等,在搏奕理論推測下,是勢在必行。

所以炒殼、全配售這招,未來應該很難再做,成交量應該會再縮,股價更難炒上,自已近年只買過一次創業板,就是年中滬港通之時,搏了一次泡沫,賺了轉頗佳的利潤就走,之後就從未回頭,所以繼續不買,機會成本上沒有損失。

反而這麼久以來,不幸中過一次停牌股,就是中金再生(773),這是一項永記在心的教訓,從此對民企股的戒心大增,自己顧之然交了學費,如果證監會改例後,可以幫助監察上市公司,所以即使令創業板的門檻提升,少了公司投資,對投資者而言保障性是提高了,還是利大於弊。

整體來說,自己是支持證監會加強監管,就算日後行政成本、時間增加,還是值得做。

反省完制度後,作為投資者也要反省交易決定,做過統計,是用恒生指數,與恒生香港小型股十年回報的比較,結果同一筆錢,大股複式年回報約8%,細股約2%,十年後買大股比買細價股多100%回報,一反大部份人的認知,主因應來自股息回報。

至於為何有些人炒細股可以發達?餅就只是每年2%回報,不是來自市值和股息,就是從其他投資者(主要是散戶)手中炒贏,好的細價股炒家,或是靠口才、搏奕 技巧、關係,能從其他人手上把錢贏走,他們這方面擁有極大Alpha,自問十分之蠢,為了避免變水魚,故此不會參與,保持食花生狀態,將精神集中在其他地 方。

恒生指數、恒生香港小型股十年回報(連股息)
https://www.facebook.com/hunghukforum/
資料來源:Bloomberg


十年 年細 細股 股得 得個 個桔 鴻鵠 財誌
PermaLink: https://articles.zkiz.com/?id=172355

律師出錯轉按得個桔

1 : GS(14)@2012-01-30 23:32:51

http://hk.apple.nextmedia.com/te ... 104&art_id=16025046
劉小姐 1996年將香港仔兆輝大廈一物業按給滙豐銀行,供款至 2019年,年息 3.6厘,每月供款近一萬元,尚欠銀行 84萬元。有見有銀行低息吸客,她去年 4月 1日與大新簽訂貸款協議轉按單位,貸款額 100萬元,分 15年還款,利息為每年 H+0.7厘,每月供款比以前少四成至約 6,000元。
她從大新提供的律師名單選了周啟邦律師事務所。她表示將文件交予律師樓後,曾有測量師行要求入屋視察,因單位正出租未能安排,最終律師樓指可豁免,至 7月 23日通知她轉契截數日期,惟大新突然指她 60日內仍未提取貸款,中止其轉按申請,「我仔細睇返文件先知有呢條條款,計番原來 6月 1日前要完成轉契,但銀行同律師樓都冇提過這規定」。
大新銀行回覆記者指律師代表業主,不評論律師樓做法是否適當,貸款條件已列明須於 60天內提取貸款。不過周啟邦律師事務所回覆時卻指,該行只代表銀行,未得銀行同意不評論事件,又指轉按只需數週完成,若有延遲必因特殊情況,但未有詳述因由,只表示應由劉小姐回答。

律師有責任提醒業主

劉小姐對律師行的回覆感不滿,認為該行卸責,她表示,最終律師行未有向她收取約 6,000元律師費,而去年 8月各銀行息口抽高,她找不到低息按揭而放棄轉按。
律師梁永鏗表示,律師睇契及向銀行提取按揭金等程序需時約兩個月,有責任提醒按揭期限。「如果因樓契或文件出問題,唔能夠係限期前完成,律師要通知銀行同埋提醒業主再作安排」。由於不知道這個案律師樓與業主的實際及溝通狀況,故難評論律師樓是否有問題。
2 : 龍生(798)@2012-01-31 20:58:32

明顯係律師樓出問題, 但咁又點? 唔通民事告律師樓咩....

都係自己吞左佢居多.....
律師 出錯 轉按 按得 得個 個桔
PermaLink: https://articles.zkiz.com/?id=277504

[股don'tS] 第一誡:溝淡 得個跑字

1 : GS(14)@2014-01-28 00:00:30

http://solelyrun.blogspot.hk/2014/01/donts.html
言:民間智慧說,當街頭巷尾都是股神、全民皆股的時候,就要沽貨離場。希望我今天開筆不會為股市敲響喪鐘。

我不是股神,只是平凡的股民。在 2007 年旺市好景時初入股海,嚐到 beginner's luck ,抽中過一手阿里巴巴,然後在溫爺爺煞停港股直通車、 2008 年雷曼爆煲之後將盈利輸突。望著自己的 P&L 一片紅海,曾經刀仔插大脾告誡自己不要重複犯錯,然後你知道我準備召喚阿寶出場。

二千多日的經歷,如果每日都寫一篇日記,應該可如厚過本字典。問題是,羅馬非一天建造,智慧亦非流水式記事所能積累。真金白銀交過學費,沉澱多時,沒有甚麼致勝之道可以分享,只知道有些要不得的想法或習慣,自己曾經有過,希望現在與將來都不會再有,亦希望與大家分享。

第一誡,可能也是最常犯的一誡,是為「溝淡」。

先分享真人真事,而且不是「我朋友系列」的那一種。話說 2007 年末,煤炭龍頭股中國神華 (#1088) 股價扶搖直上,在短短兩個月內爆升一倍至四十幾元,還有投資銀行將目標價定於 101 元。然後,我就在 49.05 元買入一手。雖然當時股市泡沫瀕臨爆破,各種凶兆紛呈,但是我好像視而不見。更糟的是,半年之後,當在股價跌到 36 元左右的時候,我選擇多入兩手,將平均價「溝淡」至 40.3 元。

接下來的,都是歷史。神華的股價像柴灣長命斜長落長有,至 2008 年 10 月尾低見 8 元以下。那些年,我但願我是多春魚,有多些春可以給自己 dum 爆。結果經歷過驚險的一周之後,我終於在 14 元附近跟神華說再見。

溝淡,是你暪我暪、自欺欺人的掩眼法。感覺上入市成本價低了,距離「返家鄉」近了。但稍懂會計學原都知道資產市值得 mark-to-market,只是大家買賣股票時,不願意把未變現 (unrealized) 的虧損入帳,只憧憬一朝股價起死回生,「平手離場」。

溝淡,是拒絕認錯、亂搬龍門的投資偽術。或說「今天的股價較兩星期前便宜了兩成,那不是更應該多買嗎?」但如果,但如果你相信有效市場假說 (Efficient-Market Hypothesis) ,或者layman 一點,相信事出必有因,無緣無故為何股價打個八折?若非自己之前買貴貨,就是有些資訊在其他地方流傳,只差在你還未知道。我不排除市場錯價的可能性 (事實上一定有) ,但是在香港,到底是市場錯、大戶錯,抑或散戶最錯?誰手上的資訊最少、做的功課質素最參差?

溝淡,是以有涯逐無涯,以為自己幾百萬未開頭的危險行為。股票理論上的最低價值為零,而無論你像我從 49 蚊入市、到 36 蚊溝淡,抑或 1 蚊入市, 5 毫子溝一溝、 3 毫子又溝一溝,每一注都在消耗本錢,而家鄉往往越來越遠。將彈藥耗費在同一隻股票之上,也間接意味著你放棄了其他投資的機會。股票好,黃金好,債券都好,天涯何處無芳草?

溝淡,是你和我都不適宜做的舉動。留給有心有力有財有勢的人做就好。不明白?看看香港,你會知道可以浪費在低級錯誤的時日已經無多。
don'tS 第一 一誡 溝淡 得個 個跑 跑字
PermaLink: https://articles.zkiz.com/?id=284298

財經八一八: 紅牛賠錢得個「吉」

1 : GS(14)@2014-10-18 23:21:46

https://hk.finance.yahoo.com/new ... 0%89-220000254.html

撰文:戴道鍾 美術:Ricky

香港去年推出新修訂商品說明條例,任何產品不得有虛假陳述,令賣廣告者從此開始要更小心,不可以亂吹噓功效功能。不過,有時廣告要吸引目光,或多或少要誇張點,以製造些娛樂性及話題性,惜非每個人都有幽默感,最近就有某大商品因而惹上官非。

過去十年,紅牛能量飲料都以「給你一對翼」作宣傳口號,廣告短片中的動畫人物,一飲紅牛之後就會長出一對翼,更可以立即遠離煩惱。大部人都對此幽默廣告會一笑置之,豈會當真,但有美國消費者竟以紅牛的廣告誤導消費者而提出集體訴訟。

上星期,紅牛終於跪低,同意向消費者支付高達一千三百萬美元賠償金,以補償不實廣告用語對消費者帶來的傷害。然而,這班消費者也不用太開心,因為這對老戴而言是天文數字的千多萬美元,並非幾個人分,而是分錢人的數目也可以是天文數字的多。

據賠償條款,由二○○二年一月至今年十月期間,凡於美國買過紅牛飲料的人都可申請。申請賠償的消費者不用出示單據證明,只需下載申請表填寫就可以。申請截止日期為明年三月二日,紅牛會在明年五月前完成審批,再在之後的一百五十日內發放賠償金。

因為索償者不用證明,以致申請賠償者眾,紅牛處理索償的網站,自本月八號開始就一直癱瘓,更麻煩的是,很多申請索償的人根本就未有買過紅牛,只想借機「抽水」。原先估計,每名索償的消費者可以獲賠十美元,如今無憑無據都可以申請下,僧多粥少,暫時的賠償額已降至最多每人三美元,在美國還未夠買一個漢堡包,只能買多兩罐紅牛。這次賠錢,索償者可謂只得一個「吉」。
財經 八一 一八 紅牛 賠錢 得個
PermaLink: https://articles.zkiz.com/?id=286148

追唔番簽黎明八年貼500萬 王歌慧得個吉

1 : GS(14)@2015-05-14 12:25:40

2015-05-14 NM


04年泊埋林建岳碼頭成立A Music後,黎明成功捧出蘭,亦同時嚇走唔少藝人。同大台一樣,個個走得都走,繼JW(Joey Wong)提早解約走人,旗下藝人王歌慧(Emily)亦終於約滿,即走!在A Music八年,拍過三部電視劇,一直靠屋企支持的她,在娛樂圈立足這些年,已經自貼五百萬,得個吉,但對一手帶入行的黎明,Emily依然感激:「Leon其實對我好好,不過冇俾我做!」投閒置散

現年25歲的王歌慧,在黎明公司一直被投閒置散,八年來出過一首單曲,拍過三部電視劇,因為港視劇集《來生不做香港人》大熱,在劇中扮演社運女神的她才叫人留意。「可惜公司冇反應,亦冇幫佢做任何宣傳,套劇播完,佢又打回原形;就算而家做緊《驚異世紀》佢都有份,但做女鬼角色又冇得點發揮。」王歌慧身邊人說。

求籤問前程

約滿A Music,王歌慧毫不猶豫走人,對再簽另一間公司,更加謹慎,甚至走去大坑蓮花宮求籤。誠心裝香後,王歌慧再跪低求籤,聽完廟祝講解籤文,自己又問了幾個問題,才安心離開。

返屋企幫手

「其實Emily比Janice(蘭)仲早入公司,不過Emily覺得自己唱得差,所以出一首單曲就放棄唱歌,改學演戲,但咁耐以只係拍過三部劇,好彩佢屋企係做生意,咁多年都係靠老豆經濟支持,屋租生活每個月五萬,八年來都用屋企五百萬有多,佢今年約滿,屋企人都覺得係時候諗清楚,到底係咪仲要呢個圈發展,又勸佢唔好做,返老豆公司幫手。」下一步如何打算,剛約滿A Music的王歌慧說:「而家都傾緊幾間公司,我想趁自己仲後生再試。(求支咩籤?)支籤幾好o架!叫我唔使擔心,其實我都唔知點算,但(解籤)師傅一開口就叫我唔使擔心。(八年拍得三個劇,點維持生活?)好彩我唔使養家,生活冇太大壓力,但大個女,始終都要自己養自己,希望之後可以將時間追返。「(有冇覺得時間?)其實Leon對我好好,只係冇俾我做,每間公司有唔同作風,A Music重質不重量,好保護我,好多時都會篩選過,先俾我做。」王歌慧說。

清倉

連減肥都採取「唔郁著多衫」的自然方法,黎明主導的A Music,對旗下藝人亦自有一套,在推job多過接job的作風下,公司藝人,雞飛狗走。

應昌佑兼職賣水貨02年被雷頌德邀唱電影《大城小事》插曲後簽約A Music十年,初期得老闆黎明力捧推出專輯,可惜發展一直麻麻。12年與拍拖九年的圈外女友Mandy結婚,去年三月兒子出世,要養妻活兒的應昌佑面對現實,兼職做sales賣水貨,同年滿約公司即撇。

蘭自我放棄是A Music的首位正式簽約的歌手,04年被安排翻唱黎明的金曲成名後,由出道至打入樂壇女歌手頭三甲,只花了兩年時間,大受年輕樂迷歡迎;可惜蘭身形亦隨人氣而暴脹,被老闆形容似「電單車」,甚至下令不減肥不開演唱會,可惜蘭減極唔瘦,15年約滿分手。

陳小春齋講唔做與黎明11年於內地合作電影《鴻門宴》獲對方主動邀請加盟A Music,一直想再開個人演唱會的小春,最後只能跟好友鄭伊健、謝天華、錢嘉樂和林曉峰合作《友情歲月演唱會》,事業冇起色,15年約滿唔續約。

楊千嬅走得快好世界07年楊千嬅加盟A Music後首張唱片,堅持己見的黎明親自落手揀歌,可惜唱片推出成績好麻麻,令雙方埋下不和伏線。09年千嬅爆出跟丁子高秘婚,同年推出與A Music合作的最後一張唱片,走得快,好世界!。

JW提早五年解約10年加盟A Music的 JW(Joey Wong),因為要完成學業而英、港兩邊飛,12年才正式加入樂壇,但其時黎明已開始不太積極於公司發展,出過兩張唱片的JW之後亦只有機會出數碼單曲,不想浪費時間,15年解約。

詩冇job唔解約09年4月,詩與男友關楚耀遊日時被控藏毒罪成,老闆黎明即時跟她解除歌手合約,卻保留經理人合約,直到11年,才正式與她解除經理人合約,放生!

文詠珊和平分手𡃁模始祖文詠珊(Janice Man)09年簽約A Music,被黎明賜封「模art」(模特兒與藝人混合體),安排她在影圈發展,去年滿約後,JM轉投Paco弗的太陽娛樂,黎明也有公開祝福,雙方和平分手。

李治廷冰冰帶挈09年加入A Music進軍樂壇,首次拍攝電影《歲月神偷》便獲第29屆香港電影金像獎「最佳新演員獎」,跟住搭上范冰冰,轉移內地發展,二人合作的《武媚娘傳奇》在國內大受歡迎,15年滿約將會同公司bye bye。

樂基兒夫妻緣盡09年被踢爆與黎明秘婚的樂基兒,同年加盟老公開設的經理人公司百仕活。12年,兩人宣布離婚,14年約滿,再冇關係。

八年新人

16歲被黎明睇中收歸旗下的王歌慧,簽約A Music後即推出單曲《大話精》,之後無以為繼,06年拍完黎明執導的《緣邀知音》音樂特輯後便再冇工作,直至12年,才有機會簽香港電視,連拍《第二人生》、《來生不做香港人》和《驚異世紀》三個劇,雖然已入行八年,仍被誤以為是新人。
追唔 唔番 番簽 黎明 八年 年貼 500 王歌 歌慧 慧得 得個 個吉
PermaLink: https://articles.zkiz.com/?id=290330

大宇寸邵仲衡得個樣

1 : GS(14)@2015-07-23 01:30:39

陶大宇日前邀請失散兄弟邵仲衡及郭政鴻在有線節目任嘉賓,郭政鴻笑稱大宇的演技最浮誇,非常搶戲和突出,大宇解釋只是「求其演」,沒有刻意搶鏡。邵仲衡聽兩人讚他因為俊朗外型而成功登上男主角寶座,他即說:「我係好好彩嘅一群,唔算點捱過,曾經聽過好多前輩捱出病。」





來源: http://hk.apple.nextmedia.com/entertainment/art/20150718/19223411
大宇 寸邵 邵仲 仲衡 衡得 得個 個樣
PermaLink: https://articles.zkiz.com/?id=291721

爭鍾嘉欣得個嬲字?陳展鵬伍允龍情敵開拖

1 : GS(14)@2015-08-17 08:18:19

■陳展鵬傳出介入伍允龍和鍾嘉欣的戀情後,兩位男主角終於碰頭。


鍾嘉欣和伍允龍的關係一直撲朔迷離,早前有傳兩人的8年情因陳展鵬介入而告吹,但當事人一直未有回應。最近有指無綫為力谷收視,有意將三人擺上枱合作拍劇,結果只有男男合作,女方落選。


■有指無綫會將嘉欣的緋聞谷收視。資料圖片

伍允龍暗示分手

伍允龍和陳展鵬昨日在將軍澳進行訓練,情敵碰頭份外注目,表現大方的伍允龍,被問與陳展鵬見面會否尷尬,他說:「唔會,我哋都係啱啱認識,我覺得合作會愉快。」再問首度拍劇有否向嘉欣請教,他說:「冇呀,我哋都有一段時間冇見。」談到兩人關係是否正式完結?他說:「我哋係朋友!」他亦不怕在電視城與嘉欣相遇。相比之下,陳展鵬一直迴避問題,再三追問下才連說三次「點會尷尬啫?」他再接着說:「而家件事又唔係真,點會尷尬啫?好奇怪。」他亦避談會否與伍允龍交流功夫,只稱同劇有很多武指和師傅,有時間可以自己練習。問到日前在中環與他同車女士的身份,他寸爆地說:「嗰個女仔?你問佢喇,唔好問我,點解我要講嗰個女仔係邊個?」撰文:張曦彤





來源: http://hk.apple.nextmedia.com/entertainment/art/20150815/19256150
爭鍾 鍾嘉 嘉欣 欣得 得個 個嬲 嬲字 陳展 鵬伍 伍允 允龍 情敵 開拖
PermaLink: https://articles.zkiz.com/?id=292022

財經評論:內地樓得個殼

1 : GS(14)@2016-03-30 14:23:02

近年港樓多怪名已見怪不怪,中國情況就更甚,令到國務院「全國地名普查領導小組」兼民政部部長李國立批評,地方政府為街道亂改名,是「盲目貪大、媚洋、求怪」,要重點清理住宅區、大型建築及街道等的「大、洋、怪、重名」不守規範名字。崇洋媚外當然要禁,否則難保強國之名,但中國股樓向來未出發先興奮,樓盤亦如事。好似深圳作為高科技企業集中地,雖則未追到硅谷(矽谷),但好多樓盤均以硅谷為名,好似「君華硅谷」及「中亞硅谷海岸」。大國崛起令中國客瘋湧出國消費,中央想留住內需,可能開發商都有政治任務,國人欲感受異光風情亦不用一定出國的,留在國內買庫存一樣可以,因廣州亦有「保利.西雅圖」、深圳有「英倫名苑」、瀋陽更有「巴黎公館」。其實樓盤名追求高大上已屬尋常,近年更有以水果入命,好似廣州「雅居樂萬科熱橙」、成都「合能橙中心」,都是在售新盤,未知是否有大健康概念?樓盤名誇張不要緊,名過其實才真令人困擾。皆因記者不時獨自返大陸睇樓,試過坐的士去廣州睇樓,宣傳單張明明寫着「一小時生活圈」,想必快過香港上深圳。哪知司機大佬默默開約一個小時,卻載我去不毛之地,放眼只有泥頭車和公路,對方好心勸句「你早點走呀,附近很難找車回廣州……」,再睇完樓盤的金碧輝煌,不得不嘆句金玉其外,敗絮其中。其實城市內土地稀缺多年難解,加上中央提倡拉近各區域經濟實力,以優惠吸引開發商去城市周邊發展,藉此大量賣地兼大興土木做基建,做靚條數。但經濟實力卻非金錢、增加移民就可提升,城鎮化、X小時生活圈等名目口號當然吸引,但地方更需找到經濟均衡及長遠發展的支持點,否則盲目刺激新開工、新投資,最終庫存難滅,鬼城亦難消。記者:方楚茵





來源: http://hk.apple.nextmedia.com/financeestate/art/20160330/19549632
財經 評論 內地 樓得 得個 個殼
PermaLink: https://articles.zkiz.com/?id=298708

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019