ZKIZ Archives


囍帖街重建 十年摧毀一世情  昔日街坊四散 換來天價高樓

1 : GS(14)@2013-10-14 16:37:46

http://hk.apple.nextmedia.com/news/art/20131014/18462876

                【本報訊】10年前,市區重建局魔爪伸入俗稱囍帖街的灣仔利東街,舊街坊、商戶走的走,搬的搬;10年過去,利東街在推土機下化為塵土,社區徹底瓦解,想留也留不住。市區重建原意是改善生活環境,但利東街重建卻摧毀街坊的畢生心血,毀掉有本土特色的街道文化,令一個又一個舊街坊、商戶被迫遷離灣仔。利東街被煙滅,google地圖上再見不到利東街三個字,只換上一個不淪不類的古怪名字:「大道漫步」。
記者:譚靜雯

奔波消瘦心結仍未解

                甘太多年來一直為利東街重建奔波、抗爭,體重由高峯期130磅,跌至只有110磅,現時才輕微回升至120磅。利東街已消失,她仍不時會想:「如果唔係重建,而家應該相安無事。」10年過去,她內心仍有一個心結未能解開,「今日今時都接受唔到市建局嘅解釋,點解唔接受居民嘅啞鈴方案。」
甘太一直與灣仔密不可分,70年代初,甘太的父親自立門戶開舖,一家人便搬到灣仔生活,由於她是長女,10多歲已在父親的店舖幫手做文書工作。甘家最初只是租舖做生意,與很多老一輩的香港人一樣,甘太父親靠努力及積蓄,90年代初購置廈門街的舖位,一心以為可避過業主加租的威脅,安心營商。

見盡不同高官嘴臉

                                    好景不常,03年10月17日市建局宣佈重新啟動利東街重建,同月居民就成立H15關注組,自此便展開長年抗爭。10年過去,甘太仍是H15關注組成員,多年來有個心結始終無法解開,「到今日個結都係解唔開,接受唔到市建局嘅解釋。」當年市建局解釋現金是最靈活的賠償方案、已有不少人接受賠償,若接納民間提出的啞鈴方案,對已接受賠償的居民不公平。
甘太稱多年來因重建與不少官員開會,見盡不同人嘴臉。她反問,市區重建破壞社區網絡,但為社區曾貢獻的人,為何不能分享成果,「灣仔成個區,如果唔係有佢哋咁辛苦嘅經營、貢獻,利東街唔會有當年嘅景況,重建後將來入嚟住嘅人對呢個區冇貢獻過,但辛苦建立嘅人又分享唔到呢個社區成果。」
2 : GS(14)@2013-10-14 16:38:01

http://hk.apple.nextmedia.com/news/art/20131014/18462878


利東街自50年代起成為印刷店的集中地,後來發展到國際知名的囍帖街,86年便於利東街開業的金成印刷燙金,一直見證囍帖街興衰。當年賭王何鴻燊二房千金何超鳳出閣的囍帖也由金成印製,好不風光,但利東街重建,金成被迫遷到軒尼詩道樓上舖,大型印帖機器不能上樓,工序需遷往內地,東主錢氏夫婦為生計,多年來無奈要分隔兩地。
夫婦被迫分隔兩地

金成在利東街原本的地舖有600、700呎,專做囍帖生意,一做就20多年,「前面接單,後面就係工場,方便好多。」錢太懷緬當年利東街印刷店成行成市,有生意一齊做,商戶間關係融洽,「以前好做好多,東一間、西一間,要結婚嘅人知道印帖就去利東街。以前有比較先有進步,而家出面發生緊咩事都唔知。」當年最為人津津樂道的,是何鴻燊嫁女的囍帖也出自金成,「最初我唔知佢喺何鴻燊個女,啲人攞帖嚟我咪印囉,淨係知道佢嫁畀一個姓何嘅男人,之後啲街坊同我講返先知嫁嗰個喺賭王個女。」翻查記錄,何超鳳1993年與馬圈大馬主之子何志堅結婚。
利東街最終被推土機毀滅,金成被迫遷到軒尼詩道樓上舖,「好彩呢間舖業主放盤,我哋先有得做,而家有間舖唔使再擔心俾人加租、俾人趕,如果地舖?租都租唔起,唔好話買。」遷離利東街,錢太與不少舊商戶一樣客源大減,「我哋好彩係天橋邊,啲人去會展睇婚紗展起碼都見到我哋間舖。」但兩夫婦自此被迫分隔兩地,「搬咗樓上舖,印帖啲機好大部上唔到樓,印帖工序唯有搬返內地。」
3 : GS(14)@2013-10-14 16:38:10

http://hk.apple.nextmedia.com/news/art/20131014/18462880

「利東街嗰時,個個買帖都要排隊,邊似而家咁得閒坐喺度睇電視。」志成燙金老闆陸先生,29年前靠着500元白手興家,在利東街自立門戶做燙金印刷,印囍帖兼售利是封,足以養妻活兒。不過,隨着市建局強行重建利東街,他的畢生心血化為烏有,被迫遷往灣仔道繼續經營。10年過去,熟客伴隨利東街消失,生意大跌8成,他打算農曆年過後搬到土瓜灣,離開灣仔。
由利東街遷往灣仔道,志成燙金面積由600呎縮減到只有400呎,店內擺滿五顏六色的利是封,陸先生閒時就在店舖一角睇電視,「嗰時好忙,由朝做到晚,嚟買帖一定要排隊,有時太多單做唔掂就介紹畀左鄰右里,大家互相幫忙,你睇吓,而家邊有生意。」志成遷離利東街後,生意大不如前,「以前成班行家聚埋一齊先做到(囍帖),而家啲人都去晒金都(太子),啲人都唔識得過嚟。」
難忘記濃厚人情味

利東街重建10年,灣仔面目全非,一班舊商戶、街坊四散,陸先生很懷念昔日的人情味,街坊們守望相助、樂也融融的美好時光,「自己間舖唔夠料、或部機突然壞咗,去對面或隔籬,從來冇托手踭,你幫我時我又幫返你,大家關係就好似一家人咁樣。」雖然說同行如敵國,但利東街的商戶多年來靠着互相幫忙的經營模式,才孕育出聞名中外的囍帖街。10年過去,陸先生仍保存陪同多年的「搵食架生」印姓名機,機器會一同搬去較平租的土瓜灣新舖,灣仔道自置舖位則出租。他說現時身體一日比一日差,只有一個心願,就是市建局履行承諾,將來安排舊商戶以特惠租金重返舊地。
4 : GS(14)@2013-10-14 16:38:49

http://hk.apple.nextmedia.com/news/art/20131014/18462886

【樓價大升】
市建局與發展商將利東街重建成豪宅「囍匯」,以及婚禮、珠寶首飾的高檔零售商場「囍歡里」,估計囍匯落成後呎價直指2萬元。不過,市建局於04年向受影響居民及商戶提出的收購價,由於正值本港經濟低潮,每平方呎僅4,079元,市建局與發展商可謂悶聲發大財。
市建局於04年公佈利東街重建項目收購價,以每方呎實用面積4,079元,收購重建區內647個私人業權。當年大部份受重建影響的居民,在出價當日已經四出找地產代理「搵樓」,但不少街坊都表示無法在同區置業,感到十分徬徨。
H15關注組當年召開聲討大會,不滿收購價,質疑市建局黑箱作業、估價偏低。有街坊批評,市建局的賠償準則是業主可於同區購買七年樓齡的單位,但出價卻妙想天開。
《蘋果》記者
囍帖 帖街 重建 十年 摧毀 一世 昔日 街坊 四散 換來 天價 高樓
PermaLink: https://articles.zkiz.com/?id=283924

IU晒廣東話唱《囍帖街》網民洗版 阿Y:好感動

1 : GS(14)@2015-10-23 07:51:39

■前晚IU在九展開騷,以廣東話唱《囍帖街》,觀眾拍爛手掌。


曾拍韓劇《製作人們》的女歌手IU襲港,前晚假九展舉行演唱會,騷美腿又唱又跳,IU不但請粉絲上台玩遊戲,又大晒廣東話打招呼:「大家好,我係IU,好掛住你哋,好開心,我對你哋一見鍾情。」全晚最驚喜是IU竟唱出謝安琪的《囍帖街》這首廣東歌,咬字清晰唱得有感情,觀眾尖叫拆天。



■IU表示揀唱《囍帖街》,是喜歡它背後的故事。

■IU又用廣東話向港迷打招呼。


■阿Y謂IU唱得流利又有感情,非常難得。資料圖片

鍾意歌曲背後故事

IU唱完這首歌亦鬆一口氣,見到觀眾反應熱烈開心到儍笑,不停用手撥涼,似乎仍緊張未平。據知IU聽了多首歌後,最後揀唱《囍帖街》,除了因為這首歌好聽,亦因為歌曲背後的故事。而IU昨已離港,有半百粉絲送機。她唱《囍》的短片在網上瘋傳被洗版,在YouTube的點擊至昨午已逾16萬,網友狂讚好勁好犀利,聽到起晒雞皮。《囍帖街》作詞人黃偉文(阿Y)亦在Instagram激讚:「現在還有多少人為歌迷開心三分鐘而下這種苦功?真的被感動到,謝謝。」阿Y昨在電話說:「嗰排因為拍電影,要喺三、四日內學幾句完全唔熟悉嘅泰文,當時完全學唔到,明白學陌生語言係有幾難,因為你係要憑空死記發音。唱歌仲難,因為連停頓、考慮機會都冇,所以要更熟。見到IU唱《囍帖街》,不但由頭唱到尾,仲有咁多唔係幾重複嘅歌詞,佢唔使睇提詞器而又唱到,我覺得真係幾感動。」



大讚流利兼有感情

阿Y坦言:「掉番轉頭,你畀首韓文歌,要我學三個月半年唱番咁流利,我一定冇本事。重點係佢仲唱到有感情,據說佢揀呢首歌嘅原因,係佢好鍾意呢份歌詞寫嘅嘢,呢個係我覺得另一個感動原因。近年有咁多人云亦云嘅廣東人,等爭住話廣東歌唔好聽嘅時候,竟然有韓國人欣賞廣東歌,你話點可以唔感動!」採訪:皓騫





來源: http://hk.apple.nextmedia.com/entertainment/art/20151023/19343501
IU 廣東 話唱 囍帖 帖街 網民 洗版 好感
PermaLink: https://articles.zkiz.com/?id=293457

大劉甘比撐國民妹妹IU清唱《囍帖街》忘詞

1 : GS(14)@2015-12-21 14:45:26

■大劉與甘比昨日帶同子女捧場,足見IU魅力十足。


韓國女歌手IU近日因新專輯涉抄襲封面及《ZEZE》的歌詞疑似帶孌童和性暗示等是非,令她由「國民妹妹」變成網民眼中的「國民是非精」,但昨日再度來港的IU,抵達機場不時跟接機粉絲揮手微笑,心情似乎未受影響。昨日下午IU現身銅鑼灣皇室堡舉行的聖誕活動時,更吸引粉絲逼爆4層商場,就連劉鑾雄(大劉)和女友陳凱韻(甘比)都攜仔女捧場,可見連串是非未影響對IU的人氣。



■韓國女歌手IU昨日出席銅鑼灣活動,心情大好,未受近日是非影響。

■IU跟粉絲玩自拍,盡顯親民一面。

■IU吸引大批粉絲逼爆商場,場面墟冚。



晒廣東話致謝

IU甫出場即以廣東話打招呼,繼而冧粉絲說:「現時韓國好凍,但香港好溫暖,加上現場有好多粉絲,令我更溫暖。」月前IU在香港個唱上獻唱謝安琪的廣東歌《囍帖街》而人氣大升,昨日應司儀要求即席再清唱《囍帖街》一小段副歌,雖然IU一度忘記歌詞,但全場粉絲尖叫大讚,IU遂以廣東話說「多謝」回應大家,之後獻唱歌曲《Friday》,又做出心心手勢。《囍帖街》作曲人郭偉亮及填詞人黃偉文(Wyman)早前盛讚IU唱得好,問IU會否考慮與他們合作?IU說:「我當然好榮幸,當時想為香港粉絲準備特別環節,所以準備這歌曲,練習時好辛苦,因為我廣東話不好,但得到台下粉絲拍手我覺得好有自信,好開心,翌日再見到歌曲創作人讚賞,覺得自己辛苦是有成果的。」之後IU邀請粉絲上台玩遊戲,未知是否怕男朋友張基河呷醋,IU跟男粉絲合照時不敢太親密。採訪:黎嘉穎攝影:沈健程





來源: http://hk.apple.nextmedia.com/entertainment/art/20151220/19418875
大劉 甘比 國民 妹妹 IU 清唱 囍帖 帖街 忘詞
PermaLink: https://articles.zkiz.com/?id=293987

苦練廣東話 棄用繙譯IU再唱《囍帖街》冧港迷

1 : GS(14)@2016-12-18 11:04:25

■IU前晚在會展開騷,戴上聖誕頭飾載歌載舞。



韓國女歌手IU去年來港開騷,完美演繹廣東歌《囍帖街》,獲全城激讚。前晚IU再度來港於香港會展舉行演唱會,又邀得陳奐仁做表演嘉賓。IU今次明顯苦練廣東話,在現場棄用繙譯,盡量以廣東話與粉絲交流,又再唱《囍帖街》及首度獻唱Beyond經典作《喜歡你》。



■IU在台上自彈自唱,令粉絲聽出耳油。

■現年23歲的IU在台上演繹舊歌《Marshmallow》時竟然呻老。


勁換四套衫

前晚IU開騷先後換了四套靚衫會港迷,全晚唱足20多首歌,更吸引本地藝人張致恆和「鴨王」何浩文(Dominic)捧場。IU以一襲紅色露肩超短裙現身,晒腿又唱又跳《Twenty Three》炒熱氣氛。唱完三首歌後,IU先用廣東話打招呼:「大家好,我係IU。」為了遷就歌迷,IU亦刻意慢慢講,又頻頻用廣東話問台下歌迷:「鍾唔鍾意(今日造型)呀?」、「我靚唔靚?」其後自彈自唱,兼獻唱兩首廣東歌《囍帖街》和《喜歡你》,完全冇睇貓紙,發音更非常標準。不過IU都大呻廣東話難學,直言是世界上最難的語言,又賣口乖說:「我廣東話唔好,點算?但見到大家嘅反應,幾辛苦都好值得。」


23歲呻老

而IU和陳奐仁就未有合唱,但IU就大讚睇完陳奐仁的演出之後心情超好。當演繹2009年舊歌《Marshmallow》時,23歲的IU就笑言:「首歌係高中時嘅,當時太可愛,而家我已經有啲老。」之後IU戴上聖誕帽頭飾唱歌,預早與港迷慶祝聖誕,又自爆提早一日來港已順道欣賞香港夜景,完騷後IU跟觀眾都勁依依不捨,最終IU先後安歌三次,更準備了長達逾分鐘的廣東話感謝短片。採訪、攝影:梁展雯




來源: http://hk.apple.nextmedia.com/entertainment/art/20161218/19868733
苦練 廣東 棄用 用繙 繙譯 IU 再唱 囍帖 帖街 港迷
PermaLink: https://articles.zkiz.com/?id=319488

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019