【玩物狂熱】星戰模型回歸經典 AT-AT/尤達大師三月推出
1 :
GS(14)@2017-02-05 10:40:26《俠盜一號．星球大戰外傳(Star Wars．A Star Wars Story)》好睇嗎？呢個答案見仁見智！喜歡的愛死了！不大喜歡的會覺得佢陳舊；講到歷久常新，還是最元祖的機械設定及角色，日本BANDAI深明箇中道理，最新公佈的STAR WARS系列模型，將會在3月推出AT-AT及尤達大師。先講最多人喜歡的AT-AT（STAR WARS: EPISODEⅣ/Ⅴ/Ⅵ－－VEHICLE LINE），須知多年來，AT-AT到港的產品一直唔多，而且以模型的精細度及硬朗線條，我都覺得就算買咗冇時間砌，用個盒來供奉，都完全無話可說；產品比例為1/144，這個比例可能會帶動同系列細比例的模型更多人買，因為要用來做情景，價錢唔算貴，只要4,536日圓，折算港幣$311，希望到時唔好被炒起。另一款同步3月推出的模型，是「STAR WARS: EPISODE I/II/III－－CHARACTER LINE」的YODA，同以往同系列產品一樣，都是以1/6的比例生產。定價驟看有點貴，要成3,240日圓，折算港幣$222，因為尤達大師身唔算高，明顯較細隻；不過所跟配件可以說十分豐富，如有專用展示台，頭兩款（有頭髮的是EP1至3、無頭髮是EP5至6）、激光劍兩把、手部5種及拐杖一支等，可能為咗感覺抵買一點，還多送了一隻1/12的尤達（EP5）大師公仔，不過明顯見到身體關節位及頭部都不可動，應該是用來玩情景模型居多。查詢：bandai.hobbysite.japan@ facebook記者：朱崇德2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
AT-AT這經典被絆倒一幕都可完全重現，而且動作毫不生硬，BANDAI在模型製作上的確有一手。
所有細節位線條非常仔細，看電影都未有咁清楚過。
這些收在盔甲下的細緻位都做得好好，完全冇偷工減料。
近排BANDAI推出的人形模型真的越見水準。
不過由於用膠料所製，加上多活動關節，多漏罅位都在所難免。
這個就是跟模型送的1/12尤達（EP5）大師公仔，明顯可見關節不可動。
跟模型的頭部有兩款，有頭髮的是EP1至3，而無頭髮是EP5至6。
拐杖及激光劍等配件亦齊全，方便做不同情景。
來源:
http://hk.apple.nextmedia.com/su ... t/20170203/19916293