ZKIZ Archives


傳不和多年 同賀添哥榮休華仔抱抱陳少霞破冰合照

1 : GS(14)@2016-03-19 22:15:55

■陳少霞前晚重遇舊老闆劉德華時開心攬實合照,粉碎二人早年不和傳聞。


監製過《網中人》、《鹿鼎記》和《巾幗梟雄》等經典劇集的無綫金牌監製李添勝,將於下月1日退休。入行48年的添哥前晚在尖沙嘴舉行榮休晚宴,筵開22席,除無綫高層曾勵珍、鄧萃雯、陳山聰、胡定欣、陳少霞等外,連當年拍添哥《獵鷹》走紅的劉德華也畀面出席。96年在添哥監製《笑傲江湖》中飾演小師妹的陳少霞,曾是華仔天幕公司力捧藝人,她與澳洲富豪離婚後曾傳經濟欠佳,做單親媽媽獨力照顧兩女,及由豪宅搬到天水圍公屋居住,又有傳她曾找人向華仔搭路復出,惟華仔卻表示:「唔想再提呢個人。」前晚陳少霞跟華仔再次相遇,二人開心合照,粉碎不和傳言。陳少霞並將相片放上微博說:「感謝主!我們就這麼相見了!我一直不說話!謠言止於智者!他一直很疼我!我只是不想說,感謝主!」對於跟華仔重遇,陳少霞昨表示不作回應。



■劉德華與陳少霞曾在電影《天與地》中扮演夫婦。

■恩師李添勝前晚舉行榮休派對,劉德華到賀帶來驚喜。





■曾勵珍對劉氏夫婦回巢跟她平起平坐,揚言只是「多個人多對手」。

■效力無綫48年的金牌監製李添勝下月退休享清福。



珍姐句句有骨


近日無綫召劉家豪和梅小青回巢,跟曾勵珍平起平坐擔任戲劇製作總監,對此珍姐前晚回應:「離開咗之後返嚟嘅人好多,佢哋只係其中兩個,唔需要覺得好奇怪……多個人就多一對手。」對於跟劉氏夫婦平起平坐,珍姐似句句有骨說:「冇所謂,各有各做,唔係得把口講……如果我做唔到嘢,就算俾二千呎嘅office我都冇用。」此外,68歲的添哥表示最喜歡《火鳳凰》、《楚漢驕雄》、《鐵血保鏢》、《網中人》和《親情》等劇集,問有否覺得無綫如今人才凋零時,他說:「冇辦法啦,各散東西。」採訪:羅慧敏攝影:沈健程





來源: http://hk.apple.nextmedia.com/entertainment/art/20160319/19535978
不和 多年 同賀 添哥 哥榮 榮休 休華 華仔 抱抱 陳少 少霞 破冰 合照
PermaLink: https://articles.zkiz.com/?id=298500

【馮仁昭四圍超】陳少霞傳戀法拉利之父

1 : GS(14)@2016-08-07 01:48:22

微博圖片








失婚陳少霞經歷人生起跌,愛情終於再次開花結果,噚日有報道指佢之前喺朋友飯局遇到「中國法拉利之父」李文輝(小圖),一見鍾情,李文輝對陳少霞個女視如己出,更有傳佢哋拍拖半年已經閃婚,更有媒體影到佢兩個手拖手去咗深水灣撐枱腳,之後齊齊返南灣愛巢。馮仁昭曾經搵過陳少霞求證,但未有回覆,不過喺佢嘅微博有迹可尋,陳少霞最近都係周遊列國,左手無名指戴住鑽戒喺南灣打卡。撰文:馮仁昭





來源: http://hk.apple.nextmedia.com/entertainment/art/20160804/19721643
馮仁 仁昭 四圍 陳少 少霞 霞傳 傳戀 法拉利 法拉 之父
PermaLink: https://articles.zkiz.com/?id=304484

陳少霞 法拉利之父閃婚下月擺酒

1 : GS(14)@2016-08-14 14:29:19

■陳少霞戀上李文輝後,近月經常周遊列國,更在微博貼環遊歐洲相。



現年39歲的陳少霞早前被指與坐擁8億身家、有中港「法拉利之父」的富商李文輝交往,出入有名車代步,並入主對方淺水灣豪宅,而女方近月亦在微博上載不少她周遊列國的相,不過未見與男友合照,把戀情低調處理。


教友介紹

昨日有報道指陳少霞與李文輝已於上月23日在港低調註冊,在教友的見證下,身穿白色旗袍、戴上頭紗,嫁給大她20年的李文輝,並將於下月在馬會擺酒,她接受傳媒訪問時透露:「感謝主!我們已經結婚了,很多朋友比我們還要開心,得到這麼多祝福很感恩。」原來二人拍拖只有半年,經過教友姊妹飯局認識,有共同宗教信仰的李文輝首次見到陳少霞已被其氣質吸引,覺得女方賢淑、性格率直又不崇尚物質,而陳少霞亦覺對方英俊、細心善良。陳少霞與李文輝雖將戀情低調處理,不過很早已向親友公開另一半,而兩年前信基督的陳少霞更透露從禱告中得知會遇上懂得欣賞和愛護她的人,現雖成為富太,生活無憂,但她表示若遇到合適工作會照樣接,最想與夫婿一齊傳福音講見證。



■李文輝為中港「法拉利之父」,於90年代將法拉利及瑪莎拉蒂引入內地。資料圖片

■承認已婚的陳少霞昨在微博貼做運動相。

■陳少霞與前夫離婚後曾傳財困,當時有指她住天水圍公屋。資料圖片


同樣失婚

一對戀人各有過去,故相當珍惜對方,陳少霞經歷了與澳洲富商夫婿離婚,當時曾傳她要住公屋攞綜援,經濟出現問題,前夫於離婚數年後病逝,她亦患上甲狀腺亢奮,女兒又患上一型糖尿病,作為單親媽媽倍感吃力徬徨,幸有宗教信仰令她克服難關,復出返內地工作。而同樣失婚的李文輝,與前妻育有兩名已成年的女兒。撰文:唐如




來源: http://hk.apple.nextmedia.com/entertainment/art/20160814/19735302
陳少 少霞 法拉利 法拉 之父 父閃 閃婚 下月 擺酒
PermaLink: https://articles.zkiz.com/?id=305784

陳少霞9.29擺酒

1 : GS(14)@2016-08-19 06:55:49

■陳少霞昨日戴巨鑽錄節目,之後會合老公李文輝(小圖)。



陳少霞與「法拉利之父」李文輝相戀半年多閃婚,並已於早前註冊,昨日她到尖沙嘴為黎燕珊的節目任嘉賓,見她左手戴上求婚巨鑽,問她何時擺酒?她說:「9月29日,唔係乜特別日子,都係同屋企人、最親嘅朋友食餐飯,唔係大搞。」至於會否請劉德華去飲?她說:「佢會戥我開心,不過佢咁忙,唔知得唔得閒嚟。」節目錄影完畢,陳少霞登上七人車離開去接老公李文輝。兩夫婦坐七人車去到香港大學,不過只有李文輝落車,問他為何一個出席酒會,他說:「佢攰,想畀佢休息吓。」而坐在車廂中看見老公被追訪,陳少霞露出擔心神色。採訪:盧妹、吳耀輝攝影:陳俊強、徐錦池




來源: http://hk.apple.nextmedia.com/entertainment/art/20160819/19741634
陳少 少霞 9.29 擺酒
PermaLink: https://articles.zkiz.com/?id=306515

【馮仁昭四圍超】陳少霞做闊太唔奢華

1 : GS(14)@2016-09-23 08:10:10

陳少霞(右)閃嫁八億富豪李文輝,早前佢接受黎燕珊訪問,講起幾個男人,其中包括劉德華同老公李文輝。陳少霞形容恩師華仔係個好細心嘅人,至於老公李文輝就係透過朋友認識,佢話佢嘅生活並唔係外間描述咁奢華:「我哋平時生活好簡單平淡,好少坐跑車!」仲話有朋友笑佢好似韓劇童話,叫佢出書分享,不過佢暫時冇呢個意思。撰文:馮仁昭




來源: http://hk.apple.nextmedia.com/entertainment/art/20160923/19778846
馮仁 仁昭 四圍 陳少 少霞 霞做 做闊 闊太 太唔 奢華
PermaLink: https://articles.zkiz.com/?id=309743

陳少霞情深一吻邊聽歌邊依偎老公

1 : GS(14)@2016-09-29 08:05:39

今年40歲嘅陳少霞喺教會姊妹黎曉靈撮合之下,同八億身家嘅中港法拉利之父——李文輝結成夫婦,搵到第二春。一對新人前晚喺馬會補擺喜酒,婚宴筵開十幾圍,兩人身穿中式服裝,今次嘅晚宴只係宴請親友出席,現場一片喜氣洋洋。陳少霞嘅好友黎曉靈喺fb上載婚宴上更搵嚟露雲娜上台獻場,陳少霞同老公喺台下聽得好陶醉,老公一直攬住少霞。陳少霞一邊聽歌,一邊好似變返少女咁依偎住老公,而老公亦都同少霞情深一吻。雖然呢一吻係蜻蜓點水,不過全場賓客都即刻歡呼,之後老公仲好風騷咁向大家飛吻!嘉賓露雲娜喺台上面都高呼:「So Sweet」。




來源: http://hk.apple.nextmedia.com/entertainment/art/20160929/19785148
陳少 少霞 霞情 情深 深一 一吻 吻邊 聽歌 依偎 老公
PermaLink: https://articles.zkiz.com/?id=310585

陳少霞少坐法拉利

1 : GS(14)@2016-10-02 13:35:30

資料圖片



現年40歲的陳少霞,月前閃嫁擁8億身家的中港法拉利大王李文輝,兩人並於上周擺喜酒。別人眼中以為陳少霞嫁入豪門,從此過少奶奶生活。但陳少霞日前接受周刊訪問時,指自己不是闊太,笑言甚少坐法拉利,亦不會經常買名牌,閒時會到街市買餸煮飯,照顧家人起居飲食。陳少霞認為幸福定義不是源於物質,她又表示自己與老公每日都會檢討,看看有甚麼地方做得不夠好。




來源: http://hk.apple.nextmedia.com/entertainment/art/20161002/19788211
陳少 少霞 霞少 少坐 法拉利 法拉
PermaLink: https://articles.zkiz.com/?id=310979

【教會情緣】陳少霞嫁8億身家李文輝

1 : GS(14)@2016-11-29 00:14:33

陳文媛與教友低調結婚,過往不少圈中人都在宗教上搵到信仰,更找到另一半。


陳少霞

失婚的陳少霞在教會認識同是失婚的8億中國法拉利之父李文輝,男方被其氣質吸引,主動結識後交往,今年7月兩人結婚。


王祖藍

王祖藍於06年遇上李亞男,二人找牧師求意見,雙方認同未成熟進入拍拖關係,忍痛分開。兩人經歷數年的禱告與等待,09年才拍拖,前年結婚。


顏穎思

陳冠希另一緋聞女友顏穎思為虔誠基督教徒,在同一教會認識Matthew Chung,二人於前年5月結婚,翌年生下一子。


任港秀

前「電波少女」任港秀退出娛圈低調生活,為虔誠基督徒的她擔任傳道工作,大前年嫁給圈外教友Brice。




來源: http://hk.apple.nextmedia.com/entertainment/art/20161128/19847660
教會 情緣 陳少 少霞 霞嫁 身家 文輝
PermaLink: https://articles.zkiz.com/?id=317380

少奶奶都會買餸煮飯陳少霞望與老公過細水長流嘅生活

1 : GS(14)@2017-02-05 10:55:42

40歲嘅陳少霞舊年嫁咗俾有「法拉利之父」之稱嘅李文輝,雖然陳少霞離過婚又生咗2個囡囡,不過佢哋喺教會姊妹黎曉靈撮合之下,一見鍾情,聽講男方仲俾佢嘅氣質吸引,主動結識後交往,冇耐仲閃電結婚,真係令唔少女士勁葡萄!以前為咗工作,陳少霞要穿州過省咁拍劇登台搵錢,雖然0依家佢都要飛嚟飛去,不過變咗係陪老公出去公幹,唯一冇變嘅仲係好勤力update微博,但係由貼工作相變咗貼旅行相,足迹遍佈世界各地,當然唔少得佢同老公啲恩愛相喇!唔知係咪老公李文輝鍾意中國風,所以陳少霞婚後經常著旗袍示人,而且佢嘅生活亦貼地,試過俾人影到佢去街市買餸,又會喺微博貼一啲親自下廚嘅相,又試過喺聖誕節同老公走去深水埗唱聖詩傳福音,陳少霞曾經喺訪問度話過,老公o依家會減少工作,想多啲時間同朋友相處,享受吓人生。講到唔少人覺得嫁入豪門,食嘅、用嘅同玩嘅一定係最好,過住啲無憂嘅生活,不過少霞就話,0依家嘅生活好感恩,但係佢同老公每日都會檢討自己,睇吓有乜做得唔夠好,因為佢哋覺得幸福嘅定義唔係源於物質有幾富足,人生唔一定事事如意,一對夫婦要有能力抵擋同跨過風雨,佢哋追求嘅係聖潔嘅婚姻,希望過啲低調、細水長流嘅生活。




來源: http://hk.apple.nextmedia.com/entertainment/art/20170205/19918618
少奶奶 都會 會買 煮飯 陳少 少霞 霞望 望與 老公 細水 長流 生活
PermaLink: https://articles.zkiz.com/?id=325541

8億闊太陳少霞掃街邊貨勁慳家

1 : GS(14)@2017-02-05 10:55:42

Kate Spade手袋約3,000多元■陳少霞日前到中環濕平,打扮樸素的她更放棄行名店。DV圖片





【利源東街】曾受劉德華公司力捧的陳少霞,08年婚姻失敗後獨力搵錢養家照顧兩女兒,豈料三年後她患上甲狀腺亢奮令性情大變,加上前夫突然病逝,大女患上一型糖尿病,一連串不幸事全都衝着她而來。幸好坎坷過後有艇搭,一直靠信仰支持度過難關的陳少霞,去年7月閃嫁有「中港法拉利之父」之稱、身家逾8億元的富商李文輝,從此過着幸福少奶奶生活。不過,現年40歲的陳少霞未有因為嫁個有錢人而變身闊太豪買豪使,反而繼續過着一般家庭主婦生活,日前本報記者便目擊陳少霞放棄名店,到街邊檔買衫,十分慳家。



【買絲襪】■陳少霞並不介意幫襯街邊檔,買了幾對絲襪。

【睇平衫】■雙眼掃射檔口的時候,陳少霞特別留意小鳳仙裝。


僅花500元

當日陳少霞穿着一件中國風的連身裙現中環皇后大道中,起初她漫無目的周圍行,之後走到利源東街睇衫,先到專賣中國風衣服的街邊檔,左揀右揀後最終揀了一件小鳳仙裝。買完小鳳仙裝後,陳少霞再走到隔籬檔口買了幾對絲襪便離開,前後15分鐘只花費500元。而她手挽的黑白蝴蝶結手袋,是美國中價品牌Kate Spade,約值3,000多元。未知是否因為老公鍾情中國風服飾,去年陳少霞與李文輝結婚行禮時,已見她穿上富中國風的白色婚紗,之後陳少霞多次現身,也不時穿着旗袍示人,估計她為投老公喜好,所以在新年時特地選購小鳳仙裝應節。



■坎坷過後有艇搭的陳少霞,去年和富商李文輝再婚。微博圖片

■同樣曾演韋小寶老婆的陳少霞等人,前晚到紅館撐做嘉賓的劉玉翠。互聯網圖片


眾老婆敍舊

此外,陳少霞於陳小春主演的無綫劇《鹿鼎記》中飾演雙兒,跟韋小寶一班老婆老友鬼鬼,月前一班老婆相約敍舊之外,前晚建寧公主劉玉翠為朱咪咪紅館個唱擔任表演嘉賓,陳少霞特地相約「阿珂」梁小冰和「神龍教教主夫人」馮曉文到紅館捧場,眾人更到後台送花,認真老友。採訪、攝影:羅德光




來源: http://hk.apple.nextmedia.com/entertainment/art/20170205/19918091
億闊 闊太 太陳 陳少 少霞 霞掃 街邊 貨勁 勁慳 慳家
PermaLink: https://articles.zkiz.com/?id=325543

陳雅倫戀吳彥祖表哥陳少霞嫁「法拉利之父」

1 : GS(14)@2017-03-04 00:34:46

唔講起都唔係好覺,原來車婉婉參加過92年新秀,仲拎咗金獎。數數手指,車婉婉今年已經42歲,上年為結婚4年嘅中澳混血兒老公Johnathan陀上男B,B仔下個月就出世。婉婉趕及4字頭之前搵到好老公,唔使獨守空房,不過有班姊妹都使羨慕,因為佢哋都趕得切食尾糊:陳雅倫
o依家50歲嘅陳雅倫,上年認識咗細佢5年嘅吳彥祖表哥Martin,拍拖3個月,Martin就喺生日party向在場嘉賓承諾會娶陳雅倫過門。李蕙敏李蕙敏13年同細4年嘅英籍老公Serge Micallef喺英國古堡行禮,當年佢43歲。李蕙敏話老公求婚過程浪漫,有次喺峇里旅行坐喺泳池邊涼亭,老公拎出戒指單膝跪地求婚,結果兩個人一齊感動到當場曬淚。梁佩瑚89年港姐季軍梁佩瑚單身多年,上年在三亞與蒙古商人郭云飛結婚,又換上蒙古傳統服飾。梁佩瑚當時話拍咗一個月已經決定結婚。陳少霞今年40歲嘅陳少霞同過唐文龍拍拖6年,分手後閃嫁澳洲籍商人,可惜於11年離婚,情路坎坷。陳少霞上年7月遇上第二春,嫁給中港「法拉利之父」李文輝,擺婚宴當日陳少霞更戴巨鑽拖實老公見傳媒。




來源: http://hk.apple.nextmedia.com/entertainment/art/20170303/19946206
陳雅 雅倫 倫戀 吳彥祖 表哥 陳少 少霞 霞嫁 法拉利 法拉 之父
PermaLink: https://articles.zkiz.com/?id=327613

陳少霞驚演技生疏

1 : GS(14)@2017-07-01 09:53:47

陳少霞前晚和丈夫李文輝到旺角出席葉家寶任職總監的創世電視慈善晚宴,同場有黎燕珊、尹天照和已故影星喬宏太太小金子。李文輝提到下月是兩人結婚周年紀念,正籌備如何慶祝:「搞party或者去旅行都考慮緊。」陳少霞透露有意到耶路撒冷朝聖,她說:「我哋一路都好想去,但因需時好長,要禱告祈求平安先決定幾時成行。」問到可有興趣演出福音電影,她說:「想㗎!但演技生疏咗好多,拍福音電影係好有意思,都想試吓。」至於會否夫妻檔一齊拍?李文輝指要看神的安排。至於葉家寶表示晚宴目標籌得1,300萬作團體搬址費:「相信係上帝嘅考驗,有信心會解決。」採訪:曹家誠攝影:陳俊強




來源: http://hk.apple.nextmedia.com/entertainment/art/20170629/20071851
陳少 少霞 霞驚 演技 生疏
PermaLink: https://articles.zkiz.com/?id=337220

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019