📖 ZKIZ Archives

【馮仁昭四圍超】寶珠阿嗲加場孭飛債

1 : GS(14)@2016-06-21 07:39:15

陳寶珠（左）同梅雪詩（阿嗲右）嘅《牡丹亭驚夢》上月做咗20場，8月會喺文化中心加開6場。佢哋同多位名伶前晚出席慶功，而師傅白雪仙（中）亦有現身，兩位愛徒還親吻師傅臉頰，非常溫馨。對於再度公演，寶珠姐話：「戲迷嘅熱情令我好感動，所以想再過戲癮。」阿嗲就笑話：「今次暑假開鑼，我有好多朋友嘅仔女同孫仔可以陪睇粵劇，我又孭咗一身飛債。」撰文：馮仁昭





來源: http://hk.apple.nextmedia.com/entertainment/art/20160621/19662553
PermaLink: https://articles.zkiz.com/?id=302405

寶珠姐難忘與聲哥食飯

1 : GS(14)@2016-08-08 00:17:16

陳寶珠與兒子楊天經、梅雪詩、吳美英、南鳳及尹飛燕等，昨到灣仔演藝學院出席「林家聲博士逝世一周年」紀念活動。寶珠姐表示最難忘與聲哥食飯，對方好鍾意食魚和蝦，腦海經常浮現這畫面，聲哥亦特別疼愛天經，稱呼他孻仔。天經透露小時候每次去看聲哥演出前必定緊張至失眠。梅雪詩視聲哥為最崇拜前輩。尹飛燕則難忘聲哥慈祥笑容和演出時候，照顧後輩恍如一家人。





來源: http://hk.apple.nextmedia.com/entertainment/art/20160807/19725982
PermaLink: https://articles.zkiz.com/?id=304850

【馮仁昭四圍超】寶珠姐響鑼鼓　天經撐場

1 : GS(14)@2016-08-16 06:28:13

陳寶珠、梅雪詩（阿嗲）噚晚喺尖沙嘴文化中心演出粵劇《牡丹亭驚夢》，有馮寶寶同寶珠姐嘅囝囝楊天經（右）捧場，現場亦有牡丹亭同埋兩位主角嘅紙板公仔佈置，好多粉絲趁入場前影合照。天經話：「上次媽咪做咗二十場，場場我都有幫手，不過今次幫唔到，因為我要幫舞台劇《七十二家房客》排戲。」到時演出會唔會叫媽咪客串？天經話：「如果佢覺得好玩，臨時上台都唔定。」撰文：馮仁昭




來源: http://hk.apple.nextmedia.com/entertainment/art/20160816/19737477
PermaLink: https://articles.zkiz.com/?id=306111

【馮仁昭四圍超】寶珠姐稱七公主難搞

1 : GS(14)@2016-09-29 08:05:57

陳寶珠（右）噚日喺新城電台接受薛家燕訪問，寶珠姐作為乳癌基金會嘅乳健同行活動大使，稍後會參與慈善步行。家燕姐透露之前有人聯絡佢，希望邀請七公主做演唱會，但大家好忙難夾期，尤其寶珠姐要預早一年左右夾時間，寶珠姐解釋話：「因為我每次都要多啲時間準備，所以要一年前左右，我都好想七姊妹一齊做嘢，但時間好難夾，少一個我哋都唔想，七個人意義大啲。」撰文：馮仁昭




來源: http://hk.apple.nextmedia.com/entertainment/art/20160929/19784762
PermaLink: https://articles.zkiz.com/?id=310599

薛家燕自薦幫陳寶珠驗胸

1 : GS(14)@2016-10-11 08:11:58

陳寶珠、薛家燕、廖碧兒及琦琦，昨日在山頂為「乳健同行2016」步行籌款擔任大使。強調每月定期自我檢查乳房的寶珠姐說：「早啲知道並接受治療就有機會復原，我每個月都會自我檢查，每年接受一次檢查。」家燕姐笑謂如果寶珠姐忘記，可以代勞為她做乳房檢查。家燕姐指乳癌屬婦女頭號殺手，不容忽視：「要定期自摸，睇吓有冇異狀物體，唔好食過量激素，大閘蟹我都係食一隻。」廖碧兒正計劃花七位數字歐元再收購酒莊，她說：「預算近千萬，而家睇緊，有好消息會宣佈，裝修成本都大，要儲耐啲錢。」採訪：張俊銘攝影：陳順禎




來源: http://hk.apple.nextmedia.com/entertainment/art/20161011/19796753
PermaLink: https://articles.zkiz.com/?id=311552

【馮仁昭四圍超】陳寶珠三點式嚟啦

1 : GS(14)@2016-12-31 01:06:41

陳寶珠噚日喺中環出席新書《青春的一抹彩色影迷公主陳寶珠》記者會，獲七公主馮素波同沈芝華，以及近百名粉絲到場支持。套書共有三冊，最吸引係有唔少珍貴相片，由寶珠姐6歲登台到?家共200張，唔少係佢嘅珍藏，第一次刊登，當中有一張寶珠姐着泳衣嘅相，佢話係自己無聊影。



■寶珠姐話書內有好多珍貴相片，包括呢張從未曝光嘅三點式相。

■寶珠姐獲（左二起）七公主沈芝華及馮素波提早慶祝生日。


預祝生日

寶珠姐說：「張相未出過街，嗰時天經（兒子）返咗學，喺屋企冇嘢做影相留念。」後日係寶珠姐70歲生日，所以大會安排咗個大蛋糕預祝。講到今次出書係好朋友汪曼玲拉攏，又多得好多fans提供番一啲舊相，寶珠姐話：「睇番啲相可以話係百感交集，回顧一生行過好多路，有歡樂有唔歡樂，明白人有順逆境，好多謝身邊朋友畀到正能量我。」又透露今次賣書收益，會全數捐去血癌基金。至於另一冊名為《玉女沒有秘密》嘅書，就搵咗寶珠姐一班好友做訪問。撰文：馮仁昭




來源: http://hk.apple.nextmedia.com/entertainment/art/20161230/19880735
PermaLink: https://articles.zkiz.com/?id=320688

陳寶珠阿嗲奪獎謝恩師

1 : GS(14)@2017-02-12 13:52:42

陳寶珠、陳好逑、梅雪詩（阿嗲）、龍貫天、汪明荃及阮兆輝等粵劇名伶，昨日在銅鑼灣出席「戲曲天地梨園之最2016」頒獎典禮。陳好逑和尤聲普獲頒「梨園驕子」獎，羅家英獲頒「梨園金鳳凰」獎，陳寶珠早前和梅雪詩演出的《牡丹亭驚夢》奪得「梨園之最粵劇」和「最受歡迎粵劇」兩獎項，寶珠姐和阿嗲皆表示要感謝任劍輝及白雪仙兩位師傅。撰文：馮仁昭




來源: http://hk.apple.nextmedia.com/entertainment/art/20170212/19925423
PermaLink: https://articles.zkiz.com/?id=326557

寶珠綵排唔敢叫仙姐

1 : GS(14)@2017-05-06 11:38:43

陳寶珠及梅雪詩（阿嗲）昨日去到商台，為其7月演出劇目《蝶影紅梨記》宣傳。由於屬首次演出該劇目，陳寶珠表示心情緊張，師傅白雪仙為藝術總監，陳寶珠表示要綵排熟練，才會邀請仙姐監場，寶珠說：「每次仙姐都係做藝術總監，佢都想精益求精，幫我哋修改劇本，我哋每日會排練幾個鐘。」對於仙姐明年90歲壽辰，有否特別安排，寶珠說：「要留代仙姐決定，我哋唔能夠話事。」阿嗲指仙姐為《蝶》劇曲詞修改7次，力求完美，對於會否邀請朋友觀賞佢哋排戲，阿嗲話：「唔好嘞，排戲好緊要，大家台上見。」採訪、攝影：張俊銘




來源: http://hk.apple.nextmedia.com/entertainment/art/20170506/20012123
PermaLink: https://articles.zkiz.com/?id=332298

陳寶珠壓力大喊住排戲

1 : GS(14)@2017-05-28 10:38:18

陳寶珠和梅雪詩（阿嗲）日前接受商台節目《1圈圈－星光背後》訪問，憶述任劍輝、白雪仙兩位師父的甜蜜往事，陳寶珠說：「仙姐照顧任姐無微不至，會親自幫任姐挽手袋，變咗個工人咁，飯後仙姐又會遞牙籤，又會幫任姐煮消夜，任姐好依賴仙姐，真係好sweet。」任姐在1989年辭世，阿嗲說：「仙姐打擊好大好頹喪，唔食飯唔講嘢，維持咗好多年。我覺得仙姐仍然唔係真正開心，不過多得身邊朋友一直陪伴，令仙姐變得開朗。」陳寶珠再演粵劇坦言大壓力：「越近演出越驚，綵排喊，返到屋企又喊。7月同阿嗲合演《蝶影紅梨記》，都有壓力。」撰文：葉綠悠




來源: http://hk.apple.nextmedia.com/entertainment/art/20170528/20035884
PermaLink: https://articles.zkiz.com/?id=334339

陳寶珠見仙姐監場受壓

1 : GS(14)@2017-06-18 22:07:20

陳寶珠（右）和梅雪詩下月演出紀念唐滌生100歲冥壽活動，為任白慈善基金舉行17場粵劇《蝶影紅梨記》。昨日她們到港台宣傳，表示越排練越緊張，寶珠姐說：「反而正式喺台上冇咁驚。」她們異口同聲表示排練時，因師傅白雪仙在看，令二人感壓力，梅雪詩說：「雖然係好幸福嘅事，但會驚到唔知自己做乜。」她們相信體力能應付演出，亦會吃滋陰清淡的食物。




來源: http://hk.apple.nextmedia.com/entertainment/art/20170617/20058641
PermaLink: https://articles.zkiz.com/?id=336029
Next Page
ZKIZ Archives @ 2019