ZKIZ Archives


胡定欣奪獎 楊怡嬲豬拒再合作?

1 : GS(14)@2015-12-17 09:36:26

台慶頒獎禮,其實同辦(扮)工室政治一樣,都係遊戲一場。所以羅家英戥愛妻汪明荃拎唔到視后感不值、於微博暗示係權鬥問題——自前無綫電視製作部戲劇製作總監梁家樹走後,其派系已樹搖葉落:「你明白的。」家英哥對阿姐講。似乎未明白的,是家英哥。不過咁,只得兩套劇叫係做「女主角」(嚴格而言係第二女主角)嘅胡定欣捧走視后係咪好事呢?問得呢個問題,當然想講唔係好事,仲忽然拉埋楊怡落水喎。昨日有周刊報道指,胡定欣封視后之後,楊怡即時向公司傳話,話明唔想再同佢喺工作上有來往。歷史又回到2010年《萬千星輝頒獎典禮》,多得TVB捕捉到楊怡「疑似藐」身旁嘅胡定欣,唔單止同佢冇偈傾,神情仲有啲藐藐地,疑似爆咗句:「你話博咩呀?著到咁!」不過咁,盛傳有離心嘅楊怡,之前回應傳媒問佢點睇自己得獎機會時,就話自己今年成績唔算突出,反而撐胡定欣有好大突破,想對方拎獎咁話喎。講真嗰句,早已有傳下年初約滿嘅楊怡,一心北上掘金,唔肯「加監」續約,所以依家都ok清閒……既然係咁,邊個拎視后對佢而言,其實都已經唔重要,咁又何來傳話唔想同胡定欣合作呢?所以,呢個傳聞,有啲伏。其實胡定欣同楊怡一樣,都係先拎飛躍女藝員、再摘最佳女配角,然後躍升視后嘅「大滿貫贏家」,其演技亦明顯成熟不少,只係同主角欠了點緣。但講到緣,相信31歲嘅鍾嘉欣感受更深,一向乖乖女,又同公司續咗8年長約,做到39歲都繼續係無綫人——但今年視后,都係冇佢份。





來源: http://hk.apple.nextmedia.com/entertainment/art/20151217/19415445
胡定 定欣 欣奪 奪獎 楊怡 怡嬲 嬲豬 豬拒 拒再 合作
PermaLink: https://articles.zkiz.com/?id=293967

胡定欣結婚唔貼大床

1 : GS(14)@2016-01-22 01:48:51

■胡定欣(左)昨日表示買樓是給父母居住。


胡定欣(Nancy)、唐詩詠、衛詩雅昨日到銅鑼灣宣傳新春主題。定欣與46歲音樂人男友陳道明(Terry)感情穩定,日前被指向男友催婚,定欣已在屯門買樓貼大床出嫁。定欣否認說:「未有任何打算,冇向男友男友冇催婚,我哋順其自然。」Terry的座駕用了「TN」作車牌字眼,實際為Terry和Nancy簡稱,定欣說:「我哋都鍾意個車牌,冇特別意思。」而買樓貼大床出嫁,定欣說:「層樓係爸爸媽媽住,唔係愛巢。」並坦承男友是適婚對象,生活開心。


■唐詩詠昨日出席活動時表示不會評論崔建邦感情事。


崔建邦與女友陳嘉莉傳因第三者介入分手,唐詩詠表示不作評論。採訪:卓寶花攝影:沈健程





來源: http://hk.apple.nextmedia.com/entertainment/art/20160121/19459810
胡定 定欣 結婚 唔貼 貼大 大床
PermaLink: https://articles.zkiz.com/?id=294737

胡定欣買花送朋友

1 : GS(14)@2016-02-04 17:24:36

【跑馬地】胡定欣事業愛情兩得意,除咗升格為視后,同男友陳明道(Terry)感情亦好穩定,難怪平時見到記者雞咁腳走嘅佢,前日喺跑馬地見到記者,唔單止冇走,仲主動走埋記者身邊傾偈㖭!話說前日黃昏5點幾,胡定欣一個人喺跑馬地街市附近一個花檔揀花,除咗一大束火百合,仲揀咗一束好靚嘅玫瑰,不過佢見到有記者影相,就笑笑口咁走去同記者講,話束花係送畀朋友嘅,驚登咗出嚟就冇驚喜,所以叫記者唔好影嗰束花,臨上車前仲笑晒咁同記者拜拜㖭!採訪、攝影:徐錦池、潘冠恩





來源: http://hk.apple.nextmedia.com/entertainment/art/20160204/19477968
胡定 定欣 欣買 買花 花送 朋友
PermaLink: https://articles.zkiz.com/?id=295288

胡定欣咀勁大紮紅玫瑰攞正牌晒命

1 : GS(14)@2016-02-15 18:03:54

無論你當昨日係人日定情人節都好,已經阻止唔到有拖拍嘅人以不同方式晒命。其中大台視后胡定欣昨日就係Instagram貼咗張新相,見到咀落一大~~紮紅玫瑰度,重要佢將張相嘅焦點放喺紮花而唔係自己度,咁大家可想而知紮花有幾重要。定欣冇講係邊個送,張相亦唔見送花人,定欣淨係得一句留言話:「Happy Valentine's Day」加咗個玫瑰花同情人拖手有心心嘅emoji,講到咁,相信大家都明啦。到底係咪嗰個英文名叫Terry,姓陳叫明道嘅音樂人送0架?係咪即係咪即係咪即?





來源: http://hk.apple.nextmedia.com/entertainment/art/20160215/19491897
胡定 定欣 欣咀 咀勁 勁大 大紮 紅玫瑰 正牌 牌曬 曬命
PermaLink: https://articles.zkiz.com/?id=296005

胡定欣拍拖返男友家

1 : GS(14)@2016-03-11 13:31:18

■胡定欣前日與男友陳明道並肩返回愛巢。


胡定欣與男友陳明道(Terry)感情穩定,雖然未有婚期,但定欣每次提到男友都會sweet爆甜笑,兩人亦經常孖公仔般四圍去。前日下午約4時,定欣與男友又拍拖現身跑馬地,其間二人先到毓秀街一座大廈停車場,原來Terry座駕停泊在那裏,二人分別要在車上取回東西,Terry拿了一件黑色外套,定欣則拿了一個file,之後兩人肩並肩行到附近一座大廈,據知Terry住在上址多年,與定欣拍拖後,寡佬屋即時變愛巢,定欣為爭取與愛郎見面,經常都會登門作客。採訪、攝影:潘冠恩、徐錦池





來源: http://hk.apple.nextmedia.com/entertainment/art/20160311/19524432
胡定 定欣 拍拖 男友
PermaLink: https://articles.zkiz.com/?id=297604

【馮仁昭四圍超】胡定欣搵姊妹出招催婚

1 : GS(14)@2016-07-09 06:47:43

胡定欣曾經許願希望35歲前嫁得出,今年34歲嘅佢有個46歲音樂人男友Terry(陳明道),至今仍未有結婚打算,噚日有報道指胡定欣以前同沈栢淳一齊嗰時極速同居兼見家長,仲試過催婚,但最終失敗,眼見deadline越嚟越近,胡定欣繼續出招,話佢帶男友出席胡說八道聚會,姊妹帶埋老公晒恩愛,希望可以激發男友成家之心。撰文:馮仁昭





來源: http://hk.apple.nextmedia.com/entertainment/art/20160708/19685688
馮仁 仁昭 四圍 胡定 定欣 欣搵 姊妹 出招 催婚
PermaLink: https://articles.zkiz.com/?id=303049

滕麗名搶戲胡定欣冇癮

1 : GS(14)@2016-07-15 05:16:33

資料圖片


現年40歲的滕麗名,最近替大台拍的新劇播出,電視迷每晚都見到她,而且甚得網民歡心,風頭蓋過去年獲頒視后的胡定欣。其實劇集男女主角分別是歐陽震華及胡定欣,但萬料不到滕麗名的角色戲份更搶。昨日有周刊報導,指胡定欣拍這劇不久,已發現滕麗名角色好搶戲,故開工時二人已沒兩句,又指她多次缺席宣傳,連祝捷會都沒有出席,作無聲抗議,相反滕麗名則全程配合宣傳。撰文:李察





來源: http://hk.apple.nextmedia.com/entertainment/art/20160715/19695193
滕麗 麗名 搶戲 胡定 定欣 欣冇 冇癮
PermaLink: https://articles.zkiz.com/?id=303831

【馮仁昭四圍超】胡定欣平復失戀心情

1 : GS(14)@2016-08-07 02:03:48

胡定欣同音樂人陳明道(Terry)分手後,就同好姊妹黃智雯、胡杏兒去咗倫敦散心治情傷,噚日佢終於返港首度現身,出席無綫劇宣傳活動,仲心情好好喺台上同陳展鵬擂台比試。提到分手一事,佢就話心情已平復不少,分手已有一個月,同Terry仲係朋友有聯絡,強調冇「逼婚」:「又唔係第一次拍拖,但總會有情緒,冇嘢放唔低,每個經歷都會令自己成長。我都30幾歲,會平常心對待。」撰文:馮仁昭





來源: http://hk.apple.nextmedia.com/entertainment/art/20160805/19723121
馮仁 仁昭 四圍 胡定 定欣 平復 失戀 心情
PermaLink: https://articles.zkiz.com/?id=304584

《城寨》土法心肺復甦 定欣被樁心口即醒

1 : GS(14)@2016-08-09 07:33:02

播映中的無綫劇《城寨英雄》被網友批「膠到無倫」,林穎彤飾演的鑫鑫被羅莽一掌推埋牆後強姦,僅一秒鏡頭便死於紙皮箱堆中。另一幕胡定欣嬲到揮雙刀斬人,之後激動暈倒,要袁偉豪和陳展鵬使出「土法心肺復甦」一人一拳打醒她。





來源: http://hk.apple.nextmedia.com/entertainment/art/20160809/19729207
城寨 土法 心肺 復甦 定欣 欣被 被樁 心口 即醒
PermaLink: https://articles.zkiz.com/?id=305121

《城寨》穿崩多 定欣凸點元秋買barcode糖

1 : GS(14)@2016-08-11 06:08:32

大台製作被指是是旦旦,有眼利嘅網民話見到《城寨英雄》入面泰婆(元秋飾)嘅士多入面,所賣嘅波板糖竟然有barcode?明明《城》劇故事背景係五十年代尾,又點會咁快有barcode呢?另外,胡定欣喺第6集同黃花雀(周麗欣飾)喺第8集都齊齊疑似飛釘!雖然製作是旦啫,不過作為女藝人,都係小心啲好!





來源: http://hk.apple.nextmedia.com/entertainment/art/20160811/19731471
城寨 穿崩 崩多 定欣 欣凸 凸點 點元 元秋 秋買 barcode
PermaLink: https://articles.zkiz.com/?id=305395

定欣分手未搬離愛巢

1 : GS(14)@2016-08-19 06:55:53

胡定欣昨日到灣仔Volvo汽車陳列室出席活動,她形容揀車如同揀男友或老公,還說:「要具有內、外在,好powerful,配合我鍾意運動有力量。」在感情路上希望找到目標,鍾意有安全感男士。



■胡定欣否認與陳明道同居,因此分手不用搬屋。資料圖片

另外,日前有指她到屯門寓所執拾細軟搬離與音樂人男友陳明道的愛巢,定欣否認說:「嗰日返屋企同爸爸媽媽食飯,邊有咁多錢,咁多個屋企,之前同男友一直冇同居。」採訪:卓寶花攝影:陳順禎




來源: http://hk.apple.nextmedia.com/entertainment/art/20160819/19741685
定欣 分手 搬離 愛巢
PermaLink: https://articles.zkiz.com/?id=306527

胡定欣透Bra有自信

1 : GS(14)@2016-09-09 05:09:09

■胡定欣笑言性感跟甩拖無關。



胡定欣、張繼聰及何猷啟等昨晚在灣仔出席時裝表演,胡定欣一身透視裝透bra亮相,笑言性感跟甩拖無關,她說:「少出席fashion show,鍾意扮靚,試下唔同造型。乜身份都可以扮靚,拍拖都可以着好靚畀另一半睇。我近年運動多咗,好有自信。」


張繼聰恨生女

張繼聰表示對衣着打扮觸覺不足,太太謝安琪是自己的服裝指導,每次襯完衫都會給太太過目,慶幸老婆不買名牌不揮霍。對於謝安琪懷孕消息傳得火熱,他自言都想湊成「好」字:「假設有小朋友的話,健康就得,一仔一女更開心,最緊要太太健康。」採訪:卓寶花攝影:陳順禎




來源: http://hk.apple.nextmedia.com/entertainment/art/20160908/19763550
胡定 定欣 欣透 Bra 自信
PermaLink: https://articles.zkiz.com/?id=308196

胡定欣撐杏兒易相處

1 : GS(14)@2016-09-25 10:28:18

胡定欣和袁偉豪昨日在尖沙嘴海港城出席「感受澳門無限式嘉年華2016」推廣澳門吃喝玩樂。兩人因劇集效應拍住賺外快,定欣指會先將賺取外快儲起,希望日後置業。對於近日有傳好友胡杏兒因趕生仔及與劇組不和,被舞台劇《我和春天有個約會》易角,定欣力撐好友說:「生小朋友佢都準備,女人要生仔工作上要放輕腳步,我哋成日叫佢唔好咁忙碌,享受二人世界。」並指杏兒易相處,不會和劇組出問題。同場的袁偉豪近期密密出活動,他指今年收入穩定,暫時不考慮換車換樓,但他透露會買禮物給女友岑杏賢和背後支持他的媽媽。採訪:卓寶花攝影:沈健程




來源: http://hk.apple.nextmedia.com/entertainment/art/20160925/19780905
胡定 定欣 欣撐 撐杏 杏兒 兒易 相處
PermaLink: https://articles.zkiz.com/?id=309979

定欣幫杏兒傳話

1 : GS(14)@2016-09-29 08:05:38

■胡定欣撐杏兒與老公好恩愛。



李嘉欣夫婦、胡定欣、汪圓圓與袁偉豪等昨於中環出席Harvey Nichols專門店開幕,李嘉欣與撐着枴杖的許晉亨十指緊扣到場,二人逗留約20分鐘便離開。胡定欣提到好姊妹胡杏兒與老公嗌交,她說:「佢託我同大家講,唔好成日話佢哋唔開心,佢哋不知幾恩愛,婚姻美滿甜蜜,好sweet,唔需要擔心。」



■撐枴杖的許晉亨拖着李嘉欣到場。

此外,袁偉豪日前被拍到與女伴在沙田撐枱腳,問他有否向女友岑杏賢申請?他說:「嗰個係我經理人,唔使解釋,佢都見到係邊個,平時都會講去邊。」做廿四孝男友?他說:「需要嘅,仍需努力打好基礎,養唔到自己都要養人,時間適合,緣份到就結婚。」採訪:羅慧敏攝影:陳慧安




來源: http://hk.apple.nextmedia.com/entertainment/art/20160929/19784817
定欣 欣幫 幫杏 杏兒 傳話
PermaLink: https://articles.zkiz.com/?id=310579

同陳展鵬暗交1個月?35歲胡定欣:最緊要睇緣份

1 : GS(14)@2016-09-30 08:09:01

之前胡定欣同音樂人陳明道分手,有周刊指佢同《城寨英雄》對手陳展鵬暗交一個月,咁啱得咁橋,兩人昨日出席新劇開鏡儀式,講到兩人嘅「地下情」,展鵬話緋聞經驗豐富,就算見到定欣都唔會尷尬。但點解要保持距離呢?展鵬咁講:「我性格奇怪,要思考時就會孤立自己。」至於目前仲係單身嘅定欣,只係話咁啱大家都鍾意Sammi,又咁啱唔使開工先一齊睇騷,對於拍拖,佢開晒綠燈話:「作為女仔都想有人追,順其自然,任何人都有機會,最緊要睇緣份。」




來源: http://hk.apple.nextmedia.com/entertainment/art/20160930/19786082
陳展 鵬暗 暗交 個月 35 歲胡 胡定 定欣 緊要 緣份
PermaLink: https://articles.zkiz.com/?id=310724

展鵬定欣同場互讚「個個打嚟恭喜我」

1 : GS(14)@2016-10-11 08:11:59

在7月宣佈跟陳明道(Terry)分手的胡定欣,最近盛傳跟陳展鵬暗交一個月,被影到在車內食糖水,還被定欣的「哎吔老竇」單立文取笑姣婆遇着脂粉客,昨日這對緋聞男女雙雙現身,前後腳到尖沙嘴出席周家蔚、曹永廉投資的護膚品牌活動,影大合照時天各一方十分避忌。



■陳展鵬昨日出席周家蔚有份投資的護膚品牌活動。

繼續柴可夫

當胡定欣受訪時,剛巧陳展鵬路過,記者叫他一齊合照,胡定欣卻閃走,之後再回來。問是否傳緋聞後首次同場?她說:「唔係,一齊開緊工拍劇,大家冇避忌。」對於袁偉豪笑言不敢駕車接載她,要留機會給陳展鵬,她笑說:「我都唔敢亂叫人車我,佢都有女朋友。」問到展鵬有否繼續做柴可夫?她坦言:「都有㗎,有時拍外景又夜,佢都想我安心離開工作地方箒,佢的確好gentleman,如果佢放低我喺荒山野嶺都唔車我,我就唔拍啦。」問到有冇發展機會?她說:「喺戲裏面囉。」


唐詩詠詐型

陳展鵬被問到兩人感情有否升溫?他同一口脗:「都係同事。」有否發展機會?他說:「好難答,定欣係好好女仔,可能係我自己問題啫,咁多年我都有好多緋聞,但都係假,可能係我多年怪癖,因為太集中精神工作。而家個個打嚟恭喜我,以為我哋拍拖。」同場的唐詩詠對於馬國明表示不介意跟她和洪永城三人行搵錢,她說:「吓,唔制,咁佢咪好着數。」問是否只肯和男友情侶檔?她笑說:「我要佢分番啲佣畀我先。」至於日前洪永城和傅嘉莉拍親熱戲,她說:「我覺得尺度OK,但男友鍾意畀驚喜我,大家明白工作,但有時講聲好啲囉。」另外,佘詩曼拍內地真人騷做廚神,她說:「好多朋友約食飯要我親手煮,佢哋唔相信我嘅手勢,自己好唔忿氣,已經煮咗四、五餐,我要令佢哋心服口服。」採訪:卓寶花攝影:沈健程


■佘詩曼拍內地真人騷做廚神,要煮飯款待朋友證明實力。

■唐詩詠向男友洪永城詐型,不滿他拍親熱戲時沒備案。



來源: http://hk.apple.nextmedia.com/entertainment/art/20161011/19796770
展鵬 鵬定 定欣 同場 互讚 個個 打嚟 恭喜
PermaLink: https://articles.zkiz.com/?id=311554

胡定欣扯傷陳展鵬

1 : GS(14)@2016-11-06 15:49:11

互聯網圖片



陳展鵬和緋聞女友胡定欣最近拍攝新劇《同盟》,前晚他們在流浮山拍攝動作戲時拳來腳往,豈料胡定欣錯手將陳展鵬的耳環扯了下來,陳展鵬當場血流如注。



胡定欣 資料圖片

劇組將陳展鵬送院治理,縫了六針,可以即刻出院,但之後停工休息兩天。陳展鵬接受傳媒訪問時透露定欣有慰問,至於傷勢,他說:「冇事呀,少少傷啫,咁咪仲更加型仔。」




來源: http://hk.apple.nextmedia.com/entertainment/art/20161106/19824109
胡定 定欣 欣扯 扯傷 陳展
PermaLink: https://articles.zkiz.com/?id=314256

杏兒凸肚被催生B定欣:做靚媽

1 : GS(14)@2016-11-08 05:54:10

■胡杏兒(左)托起胡蓓蔚大腿,疑似遮肚。微博圖片



胡杏兒去年生日時,獲仍是男友身份的李乘德大搞生日P,當時更盛傳男方會即場求婚,結果派對後她公佈婚訊。杏兒昨日37歲生日,升呢李太後首個牛一,當然除了老公貼身陪伴,再邀得「胡說八道會」好姊妹胡定欣、胡蓓蔚和姚子羚等好姊妹到賀。席間穿上花花圖案長裙的杏兒,跟友人合照時顯得肚凸凸,疑似有喜,她的好姊妹前晚在社交網貼相,亦異口同聲祝福她與老公李乘德早日生B,姚子羚留言說:「希望李太快點生些babiesss給我們這些胡說八道的阿姨大嬸抱抱。」


冇人敬酒有景轟


胡定欣則留言:「生日快樂!拍埋套劇唔好再咁操勞啦,好好休息,生個靚Baby,做個靚媽咪!」杏兒老公李乘德是沙頭角禾坑村原居民,又是李家長子,兩人去年結婚也有依傳統拜祠堂及祭祖,祈求早日開枝散葉,他當然希望老婆早日添丁。 據知前晚生日會,未有賓客敢向壽星女杏兒敬酒,認真有可疑。記者昨致電杏兒,未知是否未夠3個月怕BB小器,她未有接聽電話,但杏兒經理人公司宣傳部昨回應說:「杏兒之前一直好忙,又成日唔喺香港,所以噚晚係親朋戚友gathering,順便慶祝生日。杏兒而家仲忙緊拍內地劇,要明年3月先拍完,所以造人計劃會喺明年先諗,多謝大家關心。」採訪:非非、魯吉


■胡杏兒前晚在生日會上與男友人合照,肚凸凸疑似有喜。

■眾好友前晚在微博貼派對相,異口同聲祝杏兒早日生B。微博圖片



來源: http://hk.apple.nextmedia.com/entertainment/art/20161107/19824999
杏兒 兒凸 凸肚 肚被 催生 定欣 做靚 靚媽
PermaLink: https://articles.zkiz.com/?id=314580

胡定欣成身毛毛蟲?無綫台慶女星dress code醜怪豬

1 : GS(14)@2016-11-21 00:05:05

今年無綫台慶眾藝人嘅服飾,一個字,肉酸。唔知係咪全部衫都係同一個贊助喇,大部份女星嘅dress code都好似,例如碎花、雪紡、中式味濃,煒哥、劉溫馨、劉思希花花裙款撞晒;就算幾索嘅星,包括唐詩詠,都根本carry唔到。估唔到就連密集恐懼症都出埋……你睇胡定欣同莊思敏條裙,望一眼心裡毛毛的……




來源: http://hk.apple.nextmedia.com/entertainment/art/20161120/19839936
胡定 定欣 欣成 成身 毛毛蟲 臺慶 女星 dress code 醜怪 怪豬
PermaLink: https://articles.zkiz.com/?id=316378

健身中心屢被追數胡定欣教練被揭拖糧「CEO搞緊清盤」

1 : GS(14)@2016-12-21 23:41:58

■近年開始積極健身的胡定欣,不時在Ig晒弗爆馬甲線相。



胡定欣及袁偉豪大前日在無綫台慶頒獎禮上,分別憑《城寨英雄》中的角色贏得最佳女主角及最受歡迎電視男角色獎,他們都在台上多謝健身教練梁嘉倫(Alan),Alan躍身成為健身界紅星。



■健身教練Alan(左)昨日被員工爆料指他拖欠多月薪金。互聯網圖片

■Alan承認健身中心會清盤,不少藝人都是中心的顧客。互聯網圖片

■胡定欣大前日再封視后時,曾在台上向Alan致謝。資料圖片

自10月冇出糧

不過有自稱是Alan工作的Spark Fight& Fitness健身中心員工前日報料,指健身中心已有兩個半月沒有出糧,該位員工說:「大家都收到WhatsApp話唔使返,不過就話如果有客上堂可以自己帶客上去上堂,不過已經幾乎冇客。」他透露自從10月開始已沒出糧,但Alan仍然很風光,所以員工都不知道發生甚麼事,但Alan就表示出糧與自己無關,是另一位股東負責。近月公司亦收到包括飲品公司及毛巾清潔公司追數,連租都試過被人追,而健身中心的經理會到勞工處求助。


「我都係打工」

Alan前日接受電話訪問時,承認公司欠薪,他說:「係呀,冇糧出我知,係因為個CEO搞緊清盤,我哋都請咗律師。個CEO不嬲負責出糧同行政,我只喺前面做教堂。而家清盤可能成班人要上勞工處,呢個已成定局。」據知他昨日已到勞工處。
Alan透露健身中心有機會執笠,要看跟新買家是否談得成,他解釋說:「不嬲都唔係我出糧,都係打工,雖然我都係投資者之一,但我唔係老細,商業登記我都係佔好細股份,而家都係等。」他強調已找了律師處理,自己都受到影響,但不方便多講。對於胡定欣及袁偉豪日前在頒獎禮台上鳴謝他時,Alan說:「呢啲都係表面嘢箒,正常幫人training都多謝你。」胡定欣跟袁偉豪在截稿前未有回應。採訪:李森




來源: http://hk.apple.nextmedia.com/entertainment/art/20161221/19871690
健身 中心 屢被 被追 追數 數胡 胡定 定欣 教練 被揭 揭拖 拖糧 CEO 搞緊 清盤
PermaLink: https://articles.zkiz.com/?id=319671

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019