ZKIZ Archives


雄心威龍要聽話 左丁山

2011-10-17  AD

選特首呢回事, 2012年由一千二百名選委投票選出, 2017年至有特首普選,你我有權投票,不過到時相信候選人唔會係一般人──例如劉慧卿,而係北京可接受人士。明年選特首,由目前仍然未選出嘅一千二百名 代表去投票,故此去拉票喎,除咗向全國人大代表及立法會議員埋手之外,其他得個講字。呢日在馬場碰到八百名選委其中一人,問佢選唐梁范葉邊一位,佢第一個 反應係:「有冇咁多人參選呀?」第二個反應係:「我唔知會唔會入選到一千二百人之內,或者落選咗,我就冇資格投票呢!」左丁山那肯放過佢,再問:「嗱,假 設你係雄心威龍,一定入選國際賽咁,你做硬選委,你會投邊個票?」舊選委騎騎笑咁話:「雄心威龍聽晒練馬師話,受騎師指揮,你咁俾面話我係雄心威龍,我梗 係聽晒練馬師話啦,騎師都要聽練馬師策騎指示嘅啫,依家仲未收到指示喎!西環馬房都冇向我講過嘢!」
哦,明白嘞,總之一切聽從馬房練馬師,否則就 係違規,後果可大可小。「舊選委」夠晒坦白。咁講法,爭取選票又唔係向私人埋手咯,而係集中向馬房練馬師爭取支持,由練馬師吹雞,先至會一呼百應!目前 呢,未知鹿死誰手,不過無端端見到江澤民出現於辛亥革命百周年紀念會,睇落精神唔錯,徹底粉碎亞視新聞之「已逝報導」,可能有利唐先生。江澤民復出表演健 康狀態,大目標係保持明年十八大中央政治局及政治局常委組成之話事權,香港邊個做特首只係次要,但以中國人尊重老人,共產黨上一代領袖可以影響下一代嘅習 慣,江澤民如要出聲,胡錦濤起碼要聽幾句,如果唔係,一個已退休老人何故要在紀念大會主席台上坐在現任黨主席隔籬,離開時又要現任主席跟住佢後面?元老猶 在,權威依然,退休老人之話事權不可忽視!難怪香港即時有人提起唐英年父親唐翔千與江澤民之數十年老關係,非他人可比。又係嘅,中貿林唔識撈啫,佢識朱鎔 基之時,朱先生還只是工廠廠長一名,倘若中貿林識得一路經營此關係,點止係中貿商人咁簡單呀。

雄心 威龍 聽話 左丁 丁山
PermaLink: https://articles.zkiz.com/?id=28509

《鐵甲威龍》男星Miguel病逝

1 : GS(14)@2017-01-22 02:17:15

■主演《鐵甲威龍》的美國男星Miguel因喉癌去世,終年61歲。



曾參演90年代電視劇《迷離劫》(Twin Peaks)及1987年科幻電影《鐵甲威龍》(Robocop)的美國男星Miguel Ferrer,因喉癌於昨日去世,終年61歲。Miguel的表弟佐治古尼(George Clooney)於聲明表示:「Miguel令世界變得更光亮及有趣,他的逝世令現時所發生的事變得平淡,我們愛你,永遠愛你。」
Miguel最有名是於《鐵甲威龍》扮演創造出鐵甲威龍的Bob Morton,他於導演大衛連治(David Lynch)執導的《迷離劫》中扮演FBI法醫病理學家,今年5月將推出的《迷離劫》新系列中,Miguel亦有份演出,據悉所有拍攝已經完成。Miguel近期亦有主演美劇《NCIS: Los Angeles》及《鐵甲奇俠3》(Iron Man3)。撰文:泰米



■Miguel的表弟佐治古尼(左)發聲明悼念。





來源: http://hk.apple.nextmedia.com/entertainment/art/20170121/19903670
鐵甲 威龍 男星 Miguel 病逝
PermaLink: https://articles.zkiz.com/?id=323565


ZKIZ Archives @ 2019