姊弟戀發展一年 榮倉奈奈閃嫁賀來賢人
1 :
GS(14)@2016-08-09 07:33:10■賀來賢人跟榮倉奈奈拍拖一年拉埋天窗。
現年28歲的日本人氣女星榮倉奈奈，昨日突然宣佈已婚消息，與拍拖僅一年的27歲男星賀來賢人註冊結婚，是繼同期走紅的北川景子、上野樹里、相武紗季後，於今年出嫁的80後女星。榮倉奈奈接拍過《求婚大作戰》、《99.9%~刑事專門律師》等人氣日劇，由她擔正的賣座電影《生命最後一個月的花嫁》亦感動不少觀眾，昨日她公佈嫁27歲男星賀來賢人的消息，立即獲廣大網民送上祝福。榮倉奈奈憑一雙長腿贏得不少工作，其感情方面亦同樣向好，前年她為主演劇集《為了N》演出認識拍檔賀來賢人，當劇集煞科後二人開始進一步發展出姊弟戀，早前被雜誌《FRIDAY》拍下拍拖購物及夜蒲，感情相當穩定。怎料撻着一年，榮倉奈奈即急住嫁人，一對新人昨日齊發聲明分享結婚喜悅，榮倉表示：「經合演電視劇《為了N》結緣，去年夏天開始發展，約交往一年光陰，很想跟他組織家庭。」榮倉強調非奉子成婚，未定會否舉行婚禮，今後仍會在圈中發展。
■加護亞依今年初轉投新公司，昨日更自爆再婚喜訊。
加護亞依再婚
另一方面，日本組合Morning娘舊將加護亞依，自從成名後形象越見負面，曾被爆未成年吸煙、搭上有婦之夫、自殺不遂等，並於2011年12月奉子成婚，翌年誕下囡囡，可惜她婚後被有黑道背景的丈夫安藤陽彥家暴，前年安藤因涉嫌放貴利被捕，二人在去年6月離婚收場。28歲的加護亞依昨日宣佈再婚消息，其第二任丈夫是個38歲的圈外人，經營美容業生意，加護亞依發聲明表示，對方十分痛錫其4歲大女兒，形容自己感到非常幸福。撰文：哥羅
來源:
http://hk.apple.nextmedia.com/entertainment/art/20160809/19728282
十多年姊弟戀告終海味自爆分手
1 :
GS(14)@2016-08-13 14:59:39■周海媚前晚在台灣宣佈與建築師男友分手，正式回復單身。台灣《蘋果日報》
現年49歲的周海媚（海味），前年拍內地劇集《武則天》飾演楊淑妃一角再次爆紅，早已將工作重心轉到內地的她，亦不介意公開有一位比她年少7歲的劉姓建築師男友，甚至每次提起對方亦甜絲絲。不過，海味前日到台灣出席護膚品牌活動，忽然自爆「分訊」，直認現在回復單身。海味前晚以性感黑色透視低胸look現身活動，剪了一頭短髮的海味不愧為「美魔女」，狀態相當好，精神也不錯，當她被問到是否跟保養及愛情有關？她就自爆跟男友已經分手，恢復單身，又說現在雖然沒有追求者，但家中有狗狗在「追求」自己。問她會否接受新戀情？海味則表示會隨遇而安，沒有任何期待。
■周海媚03年為細她7年的男友移居北京，可惜最終分手收場。資料圖片
■周海媚在內地劇《武則天》中飾演爆乳淑妃。劇照
專心打理工作室
關於海味與男友相戀十多年忽然分手，其經理人昨日透過短訊回覆本報說：「感激大家的關注，但今年初海媚剛成立了自己的工作室，目前精力都放在工作上。分手之事，相信大家都是成年人，一定也是經過思量，做了最好的決定。」撰文：李察
來源:
http://hk.apple.nextmedia.com/entertainment/art/20160813/19734115
彭于藍 彭于晏 姊弟袋
1 :
GS(14)@2016-08-17 08:01:32■彭于藍日前在港受訪時除大談為彭于晏貼身做Edward bag，還解構為舒淇設計的Tien SQ bag。
不少明星近年都搞時裝品牌生意，台灣型男彭于晏（Eddie）就有位設計師家姐彭于藍（Lan），她在紐約與拍檔創立皮革手袋品牌，日前Lan帶住自家設計的皮袋系列來港，大談弟弟及舒淇賜予她的設計靈感。彭于藍成為設計師的前因，要從她與弟弟彭于晏一張童年照說起，相中是二人幾歲大與家人來港旅行時的相片，爽朗的Lan笑說自己年紀小小已穿高腰褲，甚有預視未來時裝趨勢的觸覺。實情是她長大後一心向設計界進發，在加拿大英屬哥倫比亞大學讀藝術創作後，再到紐約著名學府Parsons School of Design讀設計，她說：「在Parsons學到設計不是由一個人的視覺出發，而是要與社會、行業內不同的人去合作構思，去創作更好的設計。」
Edward bag約$9,867
■舒淇和彭于晏都經常在Ig示範Lan的作品。
舒淇
萬用Edward bag
Lan與法籍友人Akram Aghbal於2013年創立手袋品牌Burgundy Assemblage，跟弟弟合作構思設計可謂理所當然，「Eddie很喜歡適合運動、具功能性的設計，所以我以他經常飛、去gym的lifestyle為本，袋用了黃色或紅色的內裡布，容易見到袋內的物件，又有很多拉鏈間隔，方便擺放東西。其中以他命名的Edward bag，他想側背又可以斜揹又可以易於拉上身前。」跟Eddie私交甚篤的舒淇也為Lan提供了設計線索，Lan原本為家姐設計了一款Tien tote bag，手挽大長方形是OL上班的袋款，「淇姐很喜歡這個設計，但這個手袋對她來說太大，她想要個小一點，我們設計了一個迷你方形版，tote bag是開口的，她希望安全些，我們加了一塊flap，因為是與她一同構思的，這個手袋就叫做Tien SQ。」
■姊弟感情深厚，長大後于晏有電影上映，于藍都會去戲院捧場。
■彭于藍（右）與彭于晏兩姊弟童年時曾來港旅行。
主力網上行銷
與拍檔在紐約設立工作室，品牌的皮革工匠有四十多年經驗，能表現出皮革的紋理和質感，慢工出細貨是他們所堅持的，Lan說：「美是在細節中，我們不是fast fashion」。品牌在台北Hotel V有間精品店，但都是主力網上銷售，「社交媒體給年輕企業家或設計師更多機會接觸到大眾，同時我們可以收集到世界各地不同顧客的意見去改良設計。」採訪：趙潔恆 攝影：林德雄
來源:
http://hk.apple.nextmedia.com/entertainment/art/20160817/19738933
EXO多事 Chen流出攬女照世勛Irene爆姊弟戀
1 :
GS(14)@2016-09-27 08:02:19■22歲的EXO成員世勛被指撻着25歲同門師妹Irene。
韓國男團EXO自出道以來就擁有大批粉絲支持，不過人紅則新聞多，昨日成員世勛及Chen分別爆出是非，當中世勛就傳出撻着師妹團Red Velvet隊長Irene，而Chen的親密攬女照亦曝光，令粉絲大感震驚。世勛和Irene同屬SM事務所，未知是否因為朝夕相對而日久生情，所以就傳出緋聞。現年25歲的Irene是世勛的師妹，但年齡比世勛大3年，所以完全冇代溝亦相當啱傾。有網民指世勛與Irene透過Instagram傳情，事關兩人上載的照片都好相似，網民又指上月兩人隨SM其他成員一齊到夏威夷家族旅行時，兩人玩水後前後腳出入酒店，令緋聞講到似層層。而世勛及Irene之前為慈善曾情侶檔合作拍攝雜誌，當時已經有粉絲指兩人好襯，所以傳出緋聞後有粉絲都予以祝福。不過亦有粉絲指出相中人包得好密實，連樣都看不清楚，難以證明是世勛和Irene，粉絲又認為他們隨公司同事去旅行，一齊玩亦很正常，不要過份敏感。
■網民指世勛與Irene去SM家族旅行時，玩水後前後腳返酒店。
■同屬EXO的24歲Chen與疑似前女友的親密合照慘遭曝光。
粉絲轟被背叛
另外，繼韓國天團BIGBANG隊長G-DRAGON的疑似私人Ig賬戶被黑客入侵，慘失私隱後。24歲的Chen與一名女子的親密合照亦遭曝光，令粉絲震驚之餘亦擔心偶像的私隱。日前韓國網站上流傳多張Chen與女子的親密照，當中包括兩人的視像通話截圖、頭貼頭的自拍照，更有Chen從後攬着女方的照片。有粉絲猜測相中女子為Chen的前女友，而相片應該由女方或女方友人上載到網上。不少粉絲鬧爆上載相片的人沒尊重他人私隱，但亦有粉絲覺得被偶像背叛。有法律界人士表示：「如果照片由非相中人上載到網上的話，其行為已經觸犯法律。」不過目前Chen方面尚未有回應。撰文：文康妮
來源:
http://hk.apple.nextmedia.com/entertainment/art/20160927/19782591
無綫花旦愛情路楊怡姊弟戀開花鍾嘉欣生B
1 :
GS(14)@2016-09-29 08:05:38胡杏兒去年就搵到真愛，同李乘德結婚，而跟杏兒同期嘅花旦，大都已經離開大台各奔前程，有啲北上搵銀，有啲就榮升賢妻良母。楊怡今年做咗兩個好大決定，事業方面，佢決心離開大台返內地發展，明年就會接胡杏兒力演舞台劇《我和春天有個約會》，飾演姚小蝶一角。感情方面就更加唔駛講啦，今年三月佢同拍咗拖四年嘅羅仲謙，喺英國舉行童話婚禮，下月2日就會喺香港補擺喜酒兼註冊。佘詩曼 感情路上，阿佘似乎唔及事業順風順水，出道多年嘅佢，緋聞男友一大籮，好似吳卓羲、陳豪、林峯、鄭嘉穎等等，但全都係冇米粥，真命天子似乎仲未出現。講到演藝事業，阿佘就得過兩屆視后，今年5月就撇大台，自己成立工作室，返內地搵真銀。鍾嘉欣鍾嘉欣同伍允龍緋聞就傳咗好多年，兩位當事人一直都冇承認戀情，直至嘉欣BB嫁俾加拿大脊骨治療師Jeremy Leung後，上月底仲喺加拿大生埋囡囡Kelly。
來源:
http://hk.apple.nextmedia.com/entertainment/art/20160929/19784890
【港韓姊弟戀】為聽韓妹嗌「Oppa」港男涉虛報年齡或被判「終身」
1 :
GS(14)@2016-10-20 08:05:36韓國老婆關心問「忙唔忙？」日本老公就覺得佢問「多唔多客？搵幾錢？」(《我們結婚了》截圖)
【三個粉絲追韓劇】嫁娶外國人或者係出走香港嘅好方法，不過要維繫異國情緣都唔容易，好似《我們結婚了》嘅曹曹夫婦（現已下車）早前探一對日韓夫妻，日本老公娶咗韓國老婆，只係因為一句說話就上火！情況係老公收工返屋企，老婆咪關心咁話：「辛苦喇，今日忙唔忙呀？」原本係純粹出於關心，點知老公就聽到弦外之音，好嬲咁話：「你係咪想問我今日賺到幾多錢？」原來日本人係唔會問人「忙唔忙」！兩國嘅文化差異容易令夫婦之間產生誤會，有兩位港男都經歷過相同嘅事，一位Gary娶咗韓國老婆十年，另一位Kay就同韓女Chloe拍拖四年。
港男Gary(左)和Kay嘅另一半都係韓國人，都試過因為文化差異嗌交。
Chloe話Kay最初講大話，比真實年齡報大3歲！
Kay解釋話都只不過係想聽Chloe嗌佢「Oppa」，又話當Chloe知道自己大啲，就變得惡起上嚟。
韓女Chloe一講到文化差異，就大鬧Kay為咗「Oppa」（韓文：哥哥）呢個字講大話！佢好勞氣咁話：「曖昧嗰陣我問過佢幾多歲，我係89年出世嘅，佢就話自己係88年，咁我咪認為佢係Oppa囉！」點知拍拖幾個月之後，Chloe睇到Kay本護照先揭發，原來Kay係91年出世，Chloe話簡直無言：「點解要講大話？年紀都可以講大話嘅咩？萬一我發現唔到咁點算呀？」
Chloe邊鬧邊「睥住」Kay，Kay就邊聽邊笑，佢解釋話：「嗰時好奇吖嘛，想聽佢嗌我Oppa！」雖然出發點係甜蜜嘅，但畀Chloe篤爆咗之後，o依家就嗌佢「喂」或者「傻瓜」。韓國人好重視年齡，後輩一定要聽前輩嘅說話，所以Kay話當Chloe知道自己年紀大啲，就惡到o依家！不過有時惡，先係真正愛一個人，連講大話都可以原諒，Kay畀Chloe判終身...照顧佢都抵啦！至於Gary就好享受老婆對佢惡，佢話：「講得上真正愛一個人，就係由太太開始，唯獨佢會對我好嚴苛。」Gary開始話當年，講返十年前識老婆嗰陣，當時得二十幾歲，Gary就有部兩門跑車，仲覺得自己好型添！點知，佢老婆（當時女朋友）竟然話佢：「唉！你都廿幾歲人啦，點解仲揸埋啲死飛仔車呢？」Gary話嗰吓嬲得嚟又有啲甜，覺得佢個人夠真，就認定佢係老婆喇！
Gary就話鍾意老婆惡，好似佢啱啱識老婆嗰陣有部兩門跑車，個個都話型，得佢老婆話：「唉！你都廿幾歲人啦，點解仲揸埋啲死飛仔車呢？」Gary話又嬲又有啲甜喎！
仲有個文化差異係「黐線」兩個字，香港人當口頭嬋，韓國人真係用嚟鬧人，所以Gary老婆和Chloe初初聽都好唔慣，以為人哋鬧佢哋。
至於文化差異，Gary話試過衰喺「黐線」兩個字。佢話教過老婆講「黐線」，有一次同屋企人食飯，Gary妹妹就對住佢老婆笑住講「黐線」，老婆就成晚唔出聲喇。佢問老婆發生咩事，老婆就話：「你阿妹做咩話我黐線？」「黐線」對於香港人嚟講只係口頭嬋，但係對於韓國人嚟講就真係鬧人嘅說話，Kay女朋友Chloe都話有同感。佢話成日聽到Kay啲朋友講「黐線」，都會諗「係咪講緊我？」，後嚟先明白「黐線」係香港人嘅日用語。兩位港男Gary同Kay都已經講得一口流利韓文，希望盡量減少語言上嘅誤會，不過始終唔係母語，未必事事能夠解釋清楚。Gary話韓國人太有禮貌，有好多語言偽術，例如如果女仔問：「我今日靚唔靚呀？」男仔答：「幾可愛吖！」咁即係話個女仔唔靚。又例如男仔約女仔去街，女仔唔會直接拒絕，會話：「睇吓點先啦！」咁其實即係唔去。場地提供：平昌 By BBQ7080地址：佐敦莊士倫敦廣場5樓電話：59017080主持：動主播阿仙、viu韓劇導賞員Ruby記者及繙譯：卓惠媛(Joyce)攝影：陳家文、李錦鏵《我們結婚了》片段由Viu提供：
https://goo.gl/Yx13PE【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161020/19805995
李治廷范冰冰姊弟戀甩拖邊個先係「老婆」？
1 :
GS(14)@2016-10-24 06:12:2199%同另一個人似樣係咩感受呢？呢條問題，可以問下李治廷，因為佢由09年出道到o依家，都俾人覺得同台灣歌手王力宏好相似，明明兩人無關係，但就有班大陸人以為佢係王力宏表弟。29歲嘅李治廷無論係面型定身型，都同40歲嘅王力宏似到十足，拼埋一齊睇，連五官都好相似，所以佢又有個「小王力宏」嘅稱號。除咗外型，佢哋嘅背景都差唔多，精通音樂又係唱作人，唱、作一手包辦。天生擁有一副靚仔樣，才藝滿分，呢個package當然就煞食啦。李治廷就拎住啲咁好嘅條件拍拖，唔係媾妹妹，反而愛好認識姊姊。13年李治廷同大佢6年嘅范冰冰，合作咗套電影《一夜驚喜》，好快就擦出愛火花，除咗俾人見過前後腳上機，又有大陸網民話見到佢哋喺布吉撐枱腳，李治廷仲錫咗范冰冰額頭一啖。當時佢受訪講起姊弟戀呢個話題，答案好精采：「現實接受，愛情唔好受規限，有愛情嚟到要珍惜。」可惜范冰冰最後情歸內地男星李晨。直到今年初，李治廷「搭上」另一位姊姊－－台灣第一名模林志玲。佢哋今年初喺大陸節目《花漾姐姐》好親密，李治廷唔只喺機場接機，仲向途人介紹林志玲做「我老婆」，不過事後林志玲話唔過電，請李治廷食檸檬。
來源:
http://hk.apple.nextmedia.com/entertainment/art/20161024/19810710
宮澤森田剛姊弟戀夜會返香閨
1 :
GS(14)@2016-10-27 06:02:48現年43歲的日本影后宮澤里惠，被日本雜誌《週刊新潮》踢爆又有新歡，今次竟與尊尼事務所偶像組合V6成員森田剛發展姊弟戀，尊尼事務所更難得默認戀情，令失婚的宮澤里惠隨時第二度嫁人。宮澤多年來傳過不少緋聞，跟她扯上關係的男星可謂多不勝數，雖然她於09年奉子成婚嫁圈外人，但婚後仍不乏親密男伴，當她今年3月正式與丈夫結束7年的夫妻關係，圈中已盛傳她另結新歡。
■宮澤里惠被爆帶森田剛到其香閨過夜。
■森田剛與宮澤早前因合作《塑料之城》而撻着。
森田剛
代官山撐枱腳
今日出版的新一期《週刊新潮》，直擊宮澤於上周六深夜密會森田剛，兩人公然到澀谷區代官山TSUTAYA拍拖，當晚先被發現在店內Cafe撐枱腳，宮澤一度甜蜜地手蹺男方，之後便帶森田剛到其香閨過夜，森田剛在10小時後步出宮澤寓所乘的士離去。37歲的森田剛與宮澤早前合作舞台劇《塑料之城》而日久生情，近月更發展成熱戀情侶。森田剛多年前曾跟上戶彩發展地下情，兩年前轉嗒AV女優美雪Alice，但隨住森田剛與宮澤的姊弟戀曝光，證實他跟美雪Alice已經玩完。宮澤一向旺桃花，她亮相前晚播出的清談節目時自爆連肯雅狩獵族首領都是其裙下之臣，對方更開出送50隻牛的條件望娶她為妻。
■52歲女星三原順子，與男秘書發展兩個月母子戀即宣佈結婚。
三原三度嫁人
另一方面，80年代日劇《排球女將》的52歲女星三原順子，被新一期《週刊文春》踢爆第三度結婚，新一任丈夫是28歲私人秘書中根雄也，早已同居的二人年紀相差24載，拍拖僅兩個月已拉埋天窗，報道出街後三原順子隨後在網誌宣佈再婚喜訊。三原順子曾兩度懷孕及流產，於08年因患子宮頸癌要切子宮保命，經歷死過翻生後，於10年轉以女強人姿態投身政界，成為自民黨的參議院議員。撰文：哥羅
來源:
http://hk.apple.nextmedia.com/entertainment/art/20161027/19813039
拍ViuTV劇玩姊弟戀周國賢咀溫碧霞 要接受輔導
1 :
GS(14)@2016-11-11 08:10:32■溫碧霞在拍攝時，深情地望着正在彈結他的周國賢。
溫碧霞（Irene）和周國賢日前在葵涌為ViuTV新劇《三一如三》開工，劇情講述曾是經理人的Irene，與玩音樂的周國賢互生情愫；當周國賢拿結他自彈自唱後，情不自禁錫了Irene一啖。雖然只屬蜻蜓點水，但周國賢卻怕醜頻頻NG，被副導笑：「你個樣好似好後悔。」Irene還爆周國賢擔心到前一晚失眠，Irene說：「我都有開解佢，見佢係有啲緊張，其實自己都有啲。」
■溫碧霞見周國賢表現緊張，主動開解。
■周國賢經過一輪熱身，終於肯真咀溫碧霞。
鍾意熟女
周國賢透露差不多8年沒有拍劇，問到是否螢幕初吻？他說：「咁又唔係，之前拍港台劇都錫過好多次。」他直言最初有想過用鏡頭就位，但最終仍決定「真咀」，他解釋：「為藝術，想效果好啲，最初都諗過用鏡頭就，但諗真啲，一係唔做，一係做好啲。」36歲的周國賢與50歲的Irene年齡相差14年，問到姊弟戀是否有難度？他說：「演繹呢樣唔難，讀書時已經比較鍾意成熟女仔，太太（李美英）都大過我，覺得注重精神上溝通多過物質上，所以好有共鳴。」周國賢讚Irene好肯幫後輩，他說：「第一日開工真係好生疏，又要記對白，又要就鏡頭，反而係Irene令我好放鬆，帶我入戲。」問到是否最有信心唱歌？他說：「應該係演喊戲，因為今次古仔係講band友之間嘅分裂時代，我都經歷過，體驗最深。」採訪、攝影：嵐山
來源:
http://hk.apple.nextmedia.com/entertainment/art/20161111/19829798
Next Page