📖 ZKIZ Archives

中環在線：蘋果輕視中國聯想柳總話好彩 李華華
2010-07-6  AD




 

聯想（992） 老闆柳傳志（圖）之前咁講過，聯想嘅樂Phone要好賣過Apple嘅iPhone，否則就係失敗！

柳總對樂Phone咁胸有成竹，原來皆 因Apple嘅掌舵Steve Jobs輕敵，唔將中國市場放喺眼內。

柳總接受英國《金融時報》訪問時話，Steve脾氣差，唔將中國市場 當一回事，令Apple錯過呢個咁龐大嘅市場，對聯想嚟講就係好彩啦！點解？如果Apple肯同聯想一樣花咁多工夫喺中國嘅消費者身上，聯想就有麻煩嘞！

iPhone 內容供應商唔止10萬，樂Phone就得嗰1000個，柳總照撐，話應用方便啲，仲希望中國最終取代美國，成為全球科技趨勢嘅制訂者；而中國龐大嘅消費市 場，將會強迫全球科技公司跟住中國消費者口味嚟研發產品o忝！

李華華



PermaLink: https://articles.zkiz.com/?id=16527

好彩旺角不再MK 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130216/18166385

左丁山小時候住在洗衣街，靠父親一人薪水支持家庭，在洗衣街住板間房，及後年紀漸大，父親租多一個冷巷（房外走廊）床位俾左丁山，以免三人繼續同睡一張木板床。阿媽死慳死抵，不停到樓下附近如香海、其記、妙佳餐室蒐集麵包皮，麵包邊，浸過糖，搬上天台曬到乾曬，硬曬咁，一袋一袋收起，每年兩次幫佢抬上旺角火車站搭火車返鄉下，鄉下有阿嫲與兩個家姐，在大饑荒時期，要靠食樹皮先至僥倖生存下來，阿媽抬浸糖麵包乾返去俾佢地食已經當係食禁果。點解左丁山可以出嚟香港，佢地仍然留在鄉村呢？因為阿嫲阿媽都一同意見，一定要培育家中男丁，想盡辦法帶左丁山來港，女兒可留鄉下捱苦。每諗起呢件事，就感嘆不已，因一齊玩大嘅一位同鄉男丁，冇機會來港，後來在饑荒時餓唔死，反在文革時死掉，可見命運弄人。
風水輪流轉，今時今日見到大量內地鄉下人、城鎮人來港自由行，血拼廣東道，到旺角中心排隊睇醫生，豪氣過香港人，總覺得it is long overdue，如果唔係有老毛呢隻魔鬼弄權，劉少奇鄧小平可能令到中國早十幾二十年改革開放，避免咗文革，中國死少好多人。中國富起來，人民開始有自由旅行權（仍然未夠，將來應撤銷一切出外旅遊限制，人民可完全自由來往世界各地），梗係好事，永遠不是壞事。茲有人焉，對此睇唔過眼，竟然在網上搞甚麼「光復運動」，甚麼旺角不再MK，左丁山認為完全多餘，香港從來冇資格講保護主義，不應搞保護主義，二次大戰後香港經濟飛快發展，全靠一套政府不拖後腿嘅outward looking（向外看）政策，上下以做大個餅，不以塘水滾塘魚為目標，內向內看之社會（inward looking），常懷想過去，排斥外來投資者、外來消費者，其實係失敗主義者，會累死香港，必定搞到香港逆水行舟，不進則退，被時代拋在後頭，威尼斯、利物浦、曼徹斯特皆是活生生例子。旺角過去50年不斷變化，創造流行文化，被視為香港活力之象徵，依家竟然有人嘆息旺角不再MK，講乜嘢呀，今日嘅洗衣街如果仍然係左丁山兒童時代嘅洗衣街，香港就執笠都得啦，好彩大部份香港人仍然奮勇向前，香港不再是HK！

PermaLink: https://articles.zkiz.com/?id=44097

好彩

巴黎：

投資有兩個職位，一個是策略師，是那些靠把口，看大方向的；
 一個是基金經理，既是那些執行如何買賣,靠對手的。

投資不能在未有方向前而作買賣，也不能只懂看方向而不知道如何下手和買賣什麽。

筆者上星期日直播就做了半個基金經理和得把口的策略師， 當時說可以考慮投機賣上証的7月Call， 上証之後果然在星期二開始大升，全星期升了4.3%。

但買多小，買那點數的7月上証Call會非常影響回報， 所以還得靠聰明的閣下。

投機也算價值投資?

是的, Ben Graham 在SA有說：
“内在價值”是包括“投資價值”和“投機價值”，唯只不包括沒有衡量清楚的投機。
--------







下一篇會繼續上篇有關債券應如何選擇, 歡迎Blog友估答案, 再比較Ben Graham的想法。

---他如何改變我---









PermaLink: https://articles.zkiz.com/?id=199114

索女愚人節玩分手男友：好彩你講先

1 : GS(14)@2015-04-05 22:09:27





女友想在愚人節戲弄男友，聲稱要與他分手，想不到男友的回覆，竟然是「感謝上帝，幸好你先說！」麥克貝（Hayleigh Mcbay）在愚人節玩整蠱，便用WhatsApp傳訊息予男友，假稱與男友過得不開心，向對方提出分手。她本來期待男友會發飆，怎料男友竟然同意，更表示「感謝上帝，幸好你先說，不用我開口！」想玩人的麥克貝，反過來被男人的回覆嚇呆了。不過男友之後澄清，明知女友想在愚人節戲弄他，故決定反客為主。英國《每日鏡報》





來源: http://hk.apple.nextmedia.com/international/art/20150403/19100371
PermaLink: https://articles.zkiz.com/?id=289236

無綫以長約綁藝人蔡思貝賣口乖　加簽係好彩

1 : GS(14)@2015-09-22 02:30:42

■蔡思貝昨出席美食節活動時，拒絕透露與無綫的合約年期。


近年無綫小生花旦落荒而逃，最近無綫急急度了一條史前舊橋，就是追加長約綁死藝人。日前有報道指年資淺的上位姐仔陳凱琳和蔡思貝被加簽十年長約，無綫更以二人作為人辦，向一班藝人灌輸想力捧要簽長約的硬道理，蔡思貝昨日否認加簽，但卻不抗拒，更說公司肯簽自己是好彩。



■鄭俊弘昨直認跟無綫仍有長約，陳瀅則表示自己已有經理人。

■陳凱琳被無綫力捧上位，月底播放的《張保仔》亦是由她孭飛。劇照


■出爐港姐亞軍龐卓欣表示今日會與樂易玲傾合約。

龐卓欣今傾合約

蔡思貝昨日與王馨平出席鑽石山台灣美食節，被問加簽十年之約，她說：「我份約係選完港姐之後簽咗，已經簽咗合約，冇特別加長，約幾多唔方便講，都係合理。」記者一再追問有冇追簽十年？蔡思貝以不便為由拒絕回答：「未有呢件事發生，冇諗，如果真係公司搵我傾先再傾，我冇諗咁多，都係繼續做嘢，如果公司肯簽都係我好彩。」有傳無綫想盡快把今屆港姐冠軍麥明詩收歸旗下，直接跳級簽經理人合約。跟麥明詩傳不和的亞軍龐卓欣，昨日在新城接受訪問，她表示今日會跟樂易玲傾談合約事宜：「自己都想拍劇，對所有嘢都好奇。」對於有關麥明詩跳級的傳聞，她說：「唔知算唔算幸運，唔使上演藝訓練班，其實唔係幾好，因為乜都唔識。」至於會否考慮簽下十年長約？她說：「我諗唔係簽咁耐，Grace（陳凱琳）都係之後加簽，自己對所有嘢好open。」此外，王馨平（Linda）早前透露被爸爸王羽下令，為舅父曾江和謝賢（四哥）的掌摑風波充當和事老兼擺和頭酒，Linda昨接受本報電話訪問，談及新進展：「暫時未有新進展，我諗住攤吓先再算，我見四哥好似仲係好嬲。舅父話冇問題，但係唔敢打電話畀四哥，等佢下咗啖氣先。」採訪：王連連、譚倩宜攝影：仇志德、陳志嵐





來源: http://hk.apple.nextmedia.com/entertainment/art/20150918/19299596
PermaLink: https://articles.zkiz.com/?id=292428

拜年老婆親戚到陸永好彩裝備好

1 : GS(14)@2016-01-20 17:49:19

陸永揀禮物咁「精準」，當然深受眾親友歡迎


陸永雖然結婚多年，新年與外父外母拜年，選擇禮物依然講究。但如果拜年時，遇上突如其來的親友，而沒有準備足夠禮物，有甚麼應急方案？除了超級市場和便利店年中無休，美心西餅於新春期間也照常營業，提供不同賀年禮盒，讓你隨時隨地也買到貼心禮物。





面對六姨婆咁心大心細嘅長輩，有三款口味（包括原味、黑糖咖啡及榛子味)嘅美心杏仁條禮盒，其精心巧製192層鬆脆酥皮，又香、又鬆、又脆，定能滿足佢所有願望。

好似三姑姐咁崇尚法國文化，美心雞蛋卷禮盒就最適合不過。用上法國頂級A.O.P.牛油及新鮮雞蛋製作，不含防腐劑、香精及色素，鬆脆可口。

想得女神歡心？怎少得美心甜心酥禮盒！以雙重烘焗技術製成焦糖外皮，外脆內鬆。每盒有三款口味，包括原味、楓糖味及榛子味，點會唔甜入心？



美心瑤柱蘿蔔糕以新鮮蘿蔔，配以北海道瑤柱、上等臘味及蝦米等材料，鮮味十足。



特約報道





來源: http://hk.apple.nextmedia.com/entertainment/art/20160120/19458439
PermaLink: https://articles.zkiz.com/?id=294639

灘叔R＆K答啱嗌好彩阿芝做小三TSA　全錯

1 : GS(14)@2016-06-06 02:54:47

【ViuTV發圍】卓韻芝、鄒凱光（灘叔）及女子組合Robynn& Kendy早前替ViuTV拍新節目《同2047特首上學去》，本報日前先為各人安排做一題小三數學TSA問題，卓韻芝答2015年三年級數學科，內容要她分辨方向，結果她答案全錯，連她自己都不敢相信：「佢陰我呀！我全部錯晒呀！死喇！媽媽，我係咪要重讀三年級呀？呢個事係唔可能㗎！」灘叔和Robynn& Kendy分別要做2012年及2006的題目，幸好最後都全中，R&K表示：「最驚係要寫中文字，答啱晒真係鬆一口氣。」灘叔則表示：「我做嘅節目都五年班，你問番啲三年班嘅嘢，係咁降grade，遲啲問番啲一年班嘅嘢，好彩都識，如果唔識就大件事。」



■卓韻芝回答小三TSA問題，結果全部答錯，十分失威。

■鄒凱光拍ViuTV節目《同2047特首上學去》變身小學生覺得很有趣。

■Robynn& Kendy覺得今次拍攝是一個好好經驗，大讚小朋友好純真。



同學仔處變不驚

卓韻芝之前拍《同》節目去了赤柱一間名校，她說：「我好鍾意呢班同學，佢哋唔係有一種鋒芒畢露嘅小朋友，我哋一路相處，慢慢發掘到有一種才華，又會發現原來佢哋係處變不驚嘅人，真係好難從佢哋嘅外貌去估到。阿芝又謂：「之前好擔心呢個社會好似訓練緊一啲惡魔兒童，怪獸家長唔知訓練緊乜嘢怪獸出嚟，但今次拍攝個感覺係幾好，原來呢班小朋友都有一種社會洗唔甩嘅童真。」灘叔則承認初初被邀拍這個節目覺得好愕然，他說：「我係用製造歡樂畀觀眾嘅心態去做，結果大家反應好好，不過見到跨境學童每朝5點起身，用3個鐘頭坐車返學，放學再坐3個鐘頭車返屋企，覺得好辛苦。」不過，三組嘉賓都自爆跟同學仔說再見一刻都忍不住喊，因為小朋友的純真令他們好感動。採訪：何慧斯攝影：葉君海場地提供：hmv Bar& Restaurant





來源: http://hk.apple.nextmedia.com/entertainment/art/20160603/19638730
PermaLink: https://articles.zkiz.com/?id=301814

以毒瘤明出場包含歡樂劉錫明：好彩唔係惡性

1 : GS(14)@2016-06-06 03:17:42

■劉錫明曾被《YES！》冠以「毒瘤明」的外號，他前晚破冰為《YES！》登台，唱功仍在。


劉錫明闊別香港舞台多年，前晚在灣仔會展舉行的「YES！25週年演唱會」重登香港舞台，其他演出嘉賓還有譚詠麟（阿倫）、草蜢、孫耀威、王灝兒（JW）、Super Girls（SG）及林德信等。捧場藝人有錢嘉樂夫婦、梁靖琪、文頌嫻及周家蔚等。場內入座率9成，場外還有各演出嘉賓的1比1人形紙牌公仔，又擺放了20部《YES！》扭卡機，讓觀眾重拾當年扭卡的美好回憶。



■草蜢為演唱會打頭陣又唱又跳，活力常在。

■Super Girls穿高踭鞋跳舞，姿態撩人。



阿倫壓軸

演唱會由草蜢打頭陣，蔡一智、蔡一傑兄弟大爆蘇志威當時儲下不少劉小慧閃卡。而林德信、JW、SG、顧芮寧、孫耀威及內地女子組合S.I.N.G等相繼出場，雖然台下反應一般，但每人也很落力演出，其中SG穿高踭鞋又唱又跳殊不容易。至於當年因公開承認對周慧敏有好感，而被倪震在《YES！》公開唱衰了17年的劉錫明，當時更慘遭起名做「毒瘤明」，致人氣急跌敗走台灣。是晚大會司儀竟繼續以「毒瘤明」之名介紹出場，唱功依然的他在台上說：「我哋好耐冇見，我諗都有20年。好多朋友都擔心我嘅健康，好多人都擔心我真係有毒性，託賴，我身體好好。」譚詠麟則以壓軸身份出場，演唱了多首金曲。



■沒有在香港工作多時的劉錫明，仍獲歌迷送花。

■譚詠麟（右）和劉錫明展示各自的最新《YES!》卡。



有意回流


完騷後劉錫明接受訪問，他表示相隔二十多年重踏舞台，一切以平常心面對。有否想過可能會遇見倪震？他說：「冇諗呢個問題，隨緣，見到就見，見到冇乜好尷尬。」他坦言已經有廿幾年沒和周慧敏聯絡。談到大會以「毒瘤明」作介紹，他笑說：「我係坦然面對呢件事，我喺台上解釋得好清楚，因為呢個名令到好多人記得我，亦都帶出好多歡樂，始終仲有呢代人記得我，好彩我唔係惡性。」劉錫明直言有意回港發展，只要有聽眾，絕對願意再出碟開演唱會。
SG受訪時指小時候有儲《YES！》卡，想不到現在會成為主角。採訪：盧妹攝影：仇志德



■（左起）孫耀威、葉佩雯、顧芮寧及林德信在樂壇代表着不同年代。

■場外擺放約二十部扭卡機，好有舊情懷。

新《YES!》卡



來源: http://hk.apple.nextmedia.com/entertainment/art/20160605/19641389
PermaLink: https://articles.zkiz.com/?id=302055

【泰好彩】地盤工發夢見數字　中千萬彩票話咁易

1 : GS(14)@2016-06-20 05:45:13

泰國一名建築工人從夢境取得啟示，然後購買彩票，結果成功中了3,002萬泰銖（約661萬港元）的頭獎，實行來個大翻身。42歲的幸運兒本身在曼谷工作，他開工的地盤就位於前總理阿披實的大宅附近。他說有日發夢見到一串紅色數字，於是就在地盤附近買了2套彩票，之後就返回位於沙功那空府的老家。他後來核對彩票結果，才發現早前買的彩票竟然中了頭獎。他說會把獎金用來做善事，以及應付家庭生活開支。泰國網





來源: http://hk.apple.nextmedia.com/international/art/20160620/19661901
PermaLink: https://articles.zkiz.com/?id=302229

投唔到滬地王 龍湖旭輝齊呼好彩

1 : GS(14)@2016-08-18 05:41:31

【明報專訊】上海噚日誕生第N塊地王，每平方米樓面價盛惠14萬人仔，再創內地歷史紀錄。噚日兩間公布中期業績嘅內房龍湖（0960）和旭輝（0884）投地齊齊敗陣，非但無可惜，反而仲覺得執身彩喎！

旭輝：每平方米賣28萬方有賺

問到呢塊地王，龍湖首席執行官邵明曉話「唔敢攞」，佢話呢排中小房企初生之犢不畏虎，佩服佢哋嘅勇氣，但呢幅地要達到公司毛利率目標，太富挑戰；旭輝主席林中講得更白，話呢幅地要賺錢，要賣雙倍價錢即係每平方米盛惠28萬，但周邊住宅而家不過賣9萬啫。查實講規模，龍湖旭輝今年成績都好靚，仲上調全年銷售目標，龍湖噚日宣布上調兩成至750億元，旭輝早前亦上調20%至438億，反而搶到地嘅融信（3301）年銷售不過110億，呢舖認真賭得大。

[小琴密語]


來源: http://www.mpfinance.com/fin/dai ... 9070&issue=20160818
PermaLink: https://articles.zkiz.com/?id=306291
Next Page
ZKIZ Archives @ 2019