ZKIZ Archives


中環在線:四大地產商均禮待太傅 李華華

2010-12-8  AD




 

喺華資家族大企業,太傅似乎係一個不可或缺嘅角色,佢哋要肩負起扶植老闆第二、三代上位嘅重任,而當呢班少主坐正,亦係佢哋退位之時。

華 華數一數,唔計新世界(017)嘅梁志堅,香港仲有幾個出名嘅太傅,包括李嘉誠系長實(001)、和黃(013)嘅周年茂同霍建寧;新地(016)郭家有 黃奕鑑;李兆基嘅恒地(012)有林高演。到家陣都仲未退役嘅,得番年薪過億嘅霍大班,同埋林高演。幾個殿堂級太傅,普遍亦得到家主禮待。好似退咗役嘅周 年茂同黃奕鑑,前者97年離開長實之後,曾經入股過新福港,4年埋單輸2600萬,佢索性轉型做地產發展商,o依家做緊華業(控股)主席。有傳佢退役後嘅 一切發展,舊老闆幕後都出過唔少力幫手。至於後者就由郭家安排佢做新地非執行董事,年薪有成1635萬!

霍大班間屋大過超人

現役嘅太傅待遇都唔差,好似霍大班咁,據李超人嘅講法,大班赤柱間屋係大過佢屋企嘅。林高演亦都好巴閉,四叔前幾年捐錢畀港大,將某個building嘅命名權送畀佢,叫「林高演學堂」,仲話同佢咁多年都心靈相通拍住上。有理由相信,他日佢兩位退役之時,應該都會好風光。


中環 在線 四大 地產 商均 均禮 禮待 太傅 華華
PermaLink: https://articles.zkiz.com/?id=20083

操盤手札記:華資重組睇太傅

1 : GS(14)@2017-09-17 17:33:48

特首林鄭月娥拋出「首置上車盤」概念,上周五地產股隨即炒起,尤其擁有農地者。四大龍頭長實(1113)、恒地(012)、新地(016)、新世界(017)中,以恒地農地最多,亦最受捧。下月施政報告發表前,相信仍會再炒。其實,地產股近期亦有分拆重組憧憬。九倉(004)繼將蝕錢生意有線寬頻(1097)甩手後,上月再宣佈分拆九倉置業,以介紹形式上市。九倉連環兩招,可以提升估值、收窄股價相對資產淨值(NAV)嘅折讓;更可能掀起新一輪華資企業嘅分拆重組潮。華資大孖沙重組上市王國,此前已有李嘉誠家族喺2015年重組長和系;鄭裕彤家族嘅新世界亦喺舊年私有化新中,今年想再私有化新百貨(825),但衰咗。長和系、新世界系會唔會有後着?四大家族中,李兆基家族嘅恒地、郭得勝家族嘅新地又會唔會出手?地產股估值通常係NAV discount。NAV discount多少包含management discount。地產股搞重組,目的當然係釋放價值,收窄折讓啦!今年6月底,長實、恒地、新地、新世界嘅每股NAV分別係74.34元、68.86元、164.68元、18.47元,現價分別折讓10%、23%、17%、39%。華資生意王國,通常由家族下一代接班,太子未坐正時,會由太傅扶助。長和系嘅霍建寧、恒地系嘅林高演、新地系嘅黃奕鑑、新世界系嘅梁志堅都係殿堂級太傅。鑑叔、堅叔已退役,現役只剩霍建寧同林高演。長和系重組後嘅長實地產,早兩個月話將個名改回「長江實業」,成件事好吊詭,唔通鋪排霍大班引退,太子坐正乎?至於恒地系幾時重組?要睇林高演幾時引退,太傅退下代表太子坐正嘛!恒地喺2002年、2005年兩度私有化恒發(097)失敗,喺2007年向恒發買入煤氣(003)、小輪(050)、美麗華(071)後已久無動作。想炒恒地重組,要贒實幾時有管理層變動!



割柑人本欄逢周四刊出




來源: http://hk.apple.nextmedia.com/financeestate/art/20170914/20152725
操盤 手札 華資 重組 太傅
PermaLink: https://articles.zkiz.com/?id=341186

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019