Kelly雲上飄最緊要靚鞏俐睇淡城城封帝
1 :
GS(14)@2016-02-03 14:43:45■鞏俐（右）及Kelly齊以黑色上衣配長裙鬥型格。
猴年賀歲電影《西遊記之孫悟空三打白骨精》前晚在銅鑼灣時代廣場舉行慈善首映禮，片中演員鞏俐、郭富城、羅仲謙、陳慧琳（Kelly）、小瀋陽、馮紹峰及導演鄭保瑞齊集，星光熠熠。
■城城片中化身孫悟空，特技化妝及打鬥場面令他都呻辛苦。
■鞏俐自認是城城歌迷。
■明顯消瘦的謙仔被笑遭女友楊怡吸乾。
保密慶祝情人節
飾演「白骨精」的鞏俐在台上主持完儀式後接受訪問，她大讚拍檔「孫悟空」郭富城給了自己很多鼓勵，又賣口乖經常聽城城的歌曲，是他的歌迷，不過因為太忙二人沒有機會好好吃飯，她說：「可能大家太忙，之前又要分開做宣傳，之後要去其他不同城市再宣傳，如果下次有機會再約食飯。」對於城城以另一套主演的電影《踏血尋梅》入圍今屆金像獎最佳男主角，鞏俐說：「其實都知道他有入圍獎項，不過作為演員的我們，入圍獎項都是被動，對這些都不會看重，覺得電影讓觀眾有口碑，比拿甚麼獎都重要。」鞏俐又透露農曆新年會回老家山東，對於情人節會如何度過？她就三緘其口，只表示不知道會不會與男友過。
謙仔跑江湖暴瘦
另外，羅仲謙在戲中演「沙僧」，他笑言每一日都要穿着肌肉戲服扮大隻，被問到為何突然暴瘦時，他表示因頻頻宣傳「跑江湖」導致，他說：「男人要注重自己嘅工作。」有記者取笑是被女友楊怡吸乾時，他笑笑口說：「唔係！」他身旁的Kelly再次扮演觀音，她笑言在戲中要在雲上飄來飄去，甚麼都不重要，最緊要是拍得自己靚就足夠。而Kelly會先過濾電影才決定是否帶兩個兒子來欣賞，她笑言今次已較上一集有進步，至少會與城城有對手戲，上次是全程對着空氣演出。採訪：張俊銘攝影：陳志嵐
來源:
http://hk.apple.nextmedia.com/entertainment/art/20160203/19476475
城城力抗過百「骨精」特效製作費花近2千萬
1 :
GS(14)@2016-02-08 03:00:13由鄭保瑞執導嘅3D賀歲片《西遊記之孫悟空三打白骨精》，故名思議高潮梗係孫悟空點樣三打白骨精，劇情跟據原著，唐僧帶領三位徒弟孫悟空（郭富城飾）、豬八戒（小沈陽飾）同沙僧（羅仲謙飾）往取西經，普渡眾生，沿途驚險重重，遇上不懷好意嘅國王（費翔飾）同白骨精（鞏俐飾），國王同白骨精都對唐僧虎視眈眈，幸好有大師兄孫悟空護駕，先化險為夷。呢個故事太經典，導演鄭保瑞決意要拍出升級版，佢揀咗城城扮孫悟空，城城就話：「孫悟空是一個沒人能收服他的人。」孫悟空同妖魔白骨精三次對戰，鞏俐就話：「還沒碰見過這樣利害的對手。」白骨精先施妖法變成居山中老婆婆，欲誘殺唐僧，孫悟空眼利識破，一打白骨精，唐僧親睹呢幕，馬上唸咒懲罰孫悟空。白骨精命大逃脫，再設計令唐僧跌入陷阱，白骨精化身被拐兒童母親博唐僧同情，孫悟空再二打白骨精，唐僧誤會孫悟空又濫殺無辜，仲將孫悟空趕走，白骨精再趁勢向唐僧下毒手。觀音點化孫悟空往營救唐僧，出現三打白骨精，呢幕亦係全套戲高潮所在，最後短短幾分鐘，孫悟空喺3D畫面下，力抗過百骨精，觀眾睇時如同進入魔幻境界，每隻骨精都非常立體生動，睇時氣氛好緊張，戥孫悟空擔心。據知單係呢場戲嘅特效製作費就花咗近2000萬港元。電影公司呢次搵咗電影《魔戒》同《哈比人》系列嘅3D設計總監Sean Kelly，同埋拍過《真實謊言》同《幽靈車神》嘅Jacques Stroweis做3D特技效果總監，呢筆後期特效製作費甚至要斥資近2.5億港元，每個畫面幾乎係燒銀紙，難怪《三打白骨精》特技效果被評價係華語片中最高。特約報道
來源:
http://hk.apple.nextmedia.com/entertainment/art/20160205/19479920
百變城城
1 :
GS(14)@2016-02-09 03:34:54郭富城於電影《西遊記之孫悟空三打白骨精》中，飾演有72變的「美猴王」孫悟空，然而出道多年的城城，形象百變，經典造型也多不勝數，但排在其心目中首位的便是正上映的孫悟空造型，他說：「孫悟空一角，係將我30年嚟嘅跳舞經驗，再加上喺電影入面演出唔同角色嘅成長滙聚而成。」
《踏血尋梅》臧Sir
其次亦是最近帶挈他入圍金像獎提名最佳男主角的《踏血尋梅》的臧Sir，城城覺得這個造型比他的真實年齡還大，很喜歡這個新嘗試。其餘喜歡的造型，包括07至08年《舞林正傳》的演唱會、舒適堡廣告的「晒肌」造型，以及歌唱事業起點的《對你愛不完》啦！談到不同的造型，原來城城都會大頭蝦的時候，他誤將92年《跳不完愛不完唱不完》的唱片造型，錯記為《到底有誰能夠告訴我》，亦將電影《倫文敘老點柳先開》的造型，記錯為《笑俠楚留香》。
來源:
http://hk.apple.nextmedia.com/entertainment/art/20160208/19483733
娛圈運程：城城要貴人催姻緣
1 :
GS(14)@2016-02-09 12:16:44娛圈去年誕生多對出人意表的情侶，還有歌手彈出，《蘋果》幫郭富城、Mandy Lieu、吳業坤、錢嘉樂及廣東歌樂壇求籤，看看各方在今年的發展如何？
郭富城（二十四號中籤）
天王郭富城去年高姿態認戀國產嫩模方媛（Moka），曾仲正居士看到籤文後表示不太看好。曾居士：雖然呢支係中籤，但求姻緣只屬中下。呢段感情應該會受到好大阻力，「若得貴人相勉力」即係話如果遇上貴人幫你排除問題會好啲。
吳業坤多勞多得（三十四號上籤）
吳業坤去年憑一首《原來他不夠愛我》橫掃樂壇多個獎項，曾居士指坤哥今年有望更上一層樓。曾居士：今年要恭喜坤哥，「收拾行程上帝京姓名必舉動公卿」即係話佢嚟緊事業會越來越好，有機會衝出香港，好似中國發展。只要佢開放啲、唱歌再落多啲苦功，呢支籤值九十幾分。
Mandy Lieu感情受壓（二十九號中籤）
周焯華、Mandy Lieu和陳慧玲的三角關係，去年終於來到戲肉，但新一年Mandy的姻緣似乎仍要經歷好多波瀾。曾居士：呢支係中下籤，「何為邪鬼何為神神鬼如何兩不分」意指呢段感情受到好大阻力，正邪兩方面都有一定壓力。
錢嘉樂求子再等（十五號中籤）
錢嘉樂和湯盈盈生了兩個女，未知他們今年可否如願索男？曾居士：「斧斤持以入山林未得之時那處尋」我睇今年求子都未必得，機會渺茫啲，再求都係千金多。如果真係想生仔，再嚟緊一年生仔機會大啲，但呢啲都係要睇緣份。
廣東歌維新突破（五十八號中籤）
近年廣東歌經常被人忽略，崔健早前就嫌棄許志安在內地歌唱比賽中揀選廣東老歌，而來年廣東歌發展亦只求得中籤。曾居士：因為鄰近亞洲地方，好似中國、韓國、台灣等無論作曲、作詞、歌手嘅發展都較成熟，香港就處於下風，若然要有突破，就一定要加入更多新思維，但見籤文暫難見有出頭日。
來源:
http://hk.apple.nextmedia.com/entertainment/art/20160209/19484550
鞏俐入浴有得睇城城《西遊記》贏口碑
1 :
GS(14)@2016-02-09 12:16:49郭富城為賀猴年，佢喺今年3D賀歲片《西遊記之孫悟空三打白骨精》裡面就扮美猴王孫悟空，入型入格，生猛跳脫。脫因為部戲同馬騮有密切關係，所以觀眾都優先選擇睇呢部戲迎猴年，加上佢成部3D製作班底強勁，揼本去做，所以令觀眾置身魔幻境界。電影公司呢次搵咗電影《魔戒》同《哈比人》系列嘅3D設計總監Sean Kelly，同埋拍過電影《真實謊言》同《幽靈車神》嘅Jacques Stroweis做3D特技效果總監，呢筆後期特效製作費甚至要斥資近2.5億港元，所以幾乎每一幕都係燒錢。坊間對《西遊記之孫悟空三打白骨精》口碑唔錯，大家幾乎一致讚城城演到孫悟空好精靈、鞏俐嘅白骨精又畀人驚艷，係全套戲亮點，行內人評價不俗，商台DJ梁泰來噚日喺微博話：「鄭保瑞完成《殺破狼2》後，再來一部佳作！《三打白骨精》收復上一部《大鬧天宮》的失地。郭天王比宇宙巨星演孫悟空更出色，鞏俐演技、造型都好正！特技雖難媲美荷李活片，但毫不失禮，最初估賀歲它不算強，現在認為它後勁最好。」影評人林娉婷都話：「單看鞏俐已經值回票價！」電影專欄作家葉七城都話：「眼花繚亂，目不暇給。」電影公司近日再推出終極版預告，兩分鐘片段，集精髓所在，包括有有鞏俐扮嘅白骨精出浴、唐僧四師徒情，同埋孫悟空三打白骨精重頭戲，緊張同情緣兼而有之。特約報道
來源:
http://hk.apple.nextmedia.com/entertainment/art/20160209/19484964
馬場貼心水 被催派雙封利是城城扮儍：傷風感冒？
1 :
GS(14)@2016-02-11 10:21:05■城城昨日入馬場分享買馬貼士，又擺孫悟空甫士宣傳電影。
昨日是大年初三赤口，沙田馬場舉行「農曆新年賽馬日」，邀得郭富城、鄭少秋（秋官）和麥玲玲出席。城城在台上擺孫悟空甫士，乘機宣傳他主演的賀歲片《西遊記之孫悟空三打白骨精》，之後與現場觀眾玩遊戲，又公開自己貼的心水，希望觀眾贏大錢，至於秋官就獻唱兼與財神派利是，麥玲玲當然與馬迷講流年運程。城城表示今年賀歲檔好熱鬧，他說：「我部戲開畫兩日，已經收3億幾（中港票房），好滿意。哥哥同姐姐都話好睇，值回票價，拍嗰陣幾辛苦都抵。我自己睇咗3次，媽咪就未睇，因為佢行動唔方便，不過可以遲啲包場睇。」
秋官心痛欣宜辛苦
去年城城集中拍電影，包括《夢想合伙人》、《天亮之前》和《寒戰2》等，而現時拍攝的《新永不消逝的電波》預計3月拍完，問會否接演《西遊記》第3集《女兒國》？他表示：「8月要喺紅館開騷，要睇吓劇本先決定。」今個星期日就是情人節，問城城與女友方媛（Moka）會點過？他笑言：「情人節要工作中過，自己向來唔係好重視，只係重視農曆新年。」不過問他何時成家立室派雙封利是時，城城幽默說：「傷風感冒嗰啲呀？順其自然啦，自己唔急。」此外，秋官透露新年有和女兒鄭欣宜食飯：「佢最近賣曲奇，啲曲奇好有營養，我都買幾十盒用嚟送禮，支持吓。我仲去咗舖頭幫手，見佢工作好攰，對眼都耷晒，生意咁忙可能越嚟越瘦。」採訪：張俊銘攝影：仇志德
■城城表示情人節要開工，不會與女友方媛慶祝。資料圖片
■秋官與財神在馬場向觀眾派利是。
來源:
http://hk.apple.nextmedia.com/entertainment/art/20160211/19486095
城城拒買豪宅贈Moka
1 :
GS(14)@2016-03-11 13:31:17■城城前晚與楊千嬅及劉偉強等在導演會晚宴上歌唱助興。
郭富城去年高調戀國產嫩模Moka（方媛），最近有周刊指Moka扭計要城城在上海買樓，因為她家鄉在安徽，而上海現居單位只是租住。有指Moka曾向友人呻城城不肯買十萬元一個Hermès袋，只是間中送首飾或朱古力等幾千元小禮物；Moka最近獅子開大口多次向城城表示看中兩個過千萬的樓盤，不過城城每次用藉口拒絕，甚至連返上海的次數都減少。Moka目前已不敢提買樓事。另外，城城前晚在導演會晚宴上獲頒最佳男主角，會長劉偉強與一班導演先後邀請楊千嬅和城城上台唱歌，但當城城獨唱時幾次都入不到key，他說：「個key唔啱。」但城城表演專業，最後唱了《愛的呼喚》，春夏還赤腳上台獻花。採訪：嵐山
來源:
http://hk.apple.nextmedia.com/entertainment/art/20160311/19524501
城城舊愛素顏現身姚正菁陪中年男 吹水笑唔停
1 :
GS(14)@2016-03-13 02:40:31【銅鑼灣】郭富城近日新歡舊愛都有新聞，舊愛熊黛林宣佈接受同拍拖一年幾、郭可盈嘅細佬郭可頌求婚，而城城現任、比細佢23年嘅國產辣模方媛（Moka）就傳扭男友買上海千萬豪宅，搞到城城疏遠女友，城城噚日向本報開腔回應：「最近又有一些荒謬作料新聞。我只有一如既往一笑置之！」盡顯保護女友Moka之情。
【分工合作】■姚正菁（右）喺商場美食廣場排隊買飲品，西裝男就去霸位。 DV圖片
【不時冧笑】■姚正菁同中年男有滔滔不絕嘅話題，仲不時手指指露出笑容。 DV圖片
身形圓潤唔少
城城一向對戀事保密，不過佢未走紅時喺無綫做舞蹈員年代，亦曾經認過同當時做藝人嘅姚正菁相戀。淡出娛樂圈已有一段日子嘅姚正菁，前日同一個西裝中年男現身銅鑼灣購物，見佢一身黑皮褸、四個骨褲同平底波鞋打扮，素顏妝容五官冇乜大變化，只係身形就圓潤咗唔少，以年屆半百之齡算保養得宜。二人應該之前行咗一輪，姚嘅男伴已拎住一袋購物袋，行到附近嘅希慎廣場，大部份時間二人都並排而行，但就隔咗一個人身位，唔多見有親暱動作。原來二人想醫肚，入到商場嘅美食廣場休息買嘢飲，中年男就負責霸位，而姚正菁就去畀錢買飲品，之後由男伴接力去拎飲品。兩個人坐足30分鐘，全程都係男士主講，姚正菁就做聆聽者，佢聽得投入全程笑笑口，嘆完飲品就一齊離開。雖未知姚正菁嘅婚姻狀況，但佢兩年前曾出過活動，當時透露已有17同13歲嘅囡囡，男伴係唔係佢另一半，就不得而知喇。採訪、攝影：梁繼光
【90年索樣】■活躍於90年代電視圈嘅姚正菁，當年曾同城城拍過拖。資料圖片
郭富城
來源:
http://hk.apple.nextmedia.com/entertainment/art/20160312/19526034
發哥家輝北京賀城城封帝
1 :
GS(14)@2016-04-12 18:16:13周潤發、郭富城與梁家輝三大影帝前日在北京為電影《寒戰2》做宣傳，該片投資公司安樂電影老闆江志強前晚宴請他們晚飯，在飯局尾聲還準備了一個蛋糕，祝賀城城奪得香港電影金像獎影帝，而發哥第一個走到城城身邊恭喜：「當晚睇頒獎禮，見到你得獎，真係好為你開心，你咁多年嘅努力，終於有回報。」
■出爐影帝郭富城開心地切蛋糕。
原來發哥一直是城城很欣賞的前輩演員，所以多年前已希望和發哥合作，城城表示：「發哥不但演技好，做人同工作態度都好值得學習，我好慶幸同發哥有機會做對手戲。」在《寒戰2》飾演大法官的發哥和飾演警務處處長的城城有多場對手戲，由於其中一場對白特別多，所以開工前一晚兩位演員都做足準備，到現場拍攝時，完全熟背如流地演出。採訪：鍾國仁
來源:
http://hk.apple.nextmedia.com/entertainment/art/20160412/19567294
Next Page