ZKIZ Archives


朱嘉儀辭任中國電信公司秘書 柯瑞文、黃玉霞繼任

12月19日消息,中國電信發布公告稱,由於個人原因,朱嘉儀已辭任公司秘書兼授權代表職務,於今日起生效;公司執行董事兼執行副總裁柯瑞文及黃玉霞獲委任為公司聯席公司秘書,兩人將同時擔任公司授權代表。

公告稱,柯瑞文曾任江西省郵電管理局副局長、江西省電信公司副總經理、中國電信股份有限公司和中國電信集團公司(為中國電信股份有限公司控股股東)市場部經理、江西省電信公司總經理、中國電信股份有限公司和中國電信集團公司人力資源部主任。現兼任中國電信集團公司副總經理。柯擁有超過 30 年管理及電信行業從業經驗,並熟悉財務、審計、法律以及公司治理、信息披露和投資者關系等相關管理工作。

黃玉霞於2008 年加入中國電信股份有限公司並從事公司秘書相關領域的工作。黃畢業於澳洲新南威爾斯大學,並獲得商業學士學位,並為香港會計師公會會計師、澳洲註冊會計師、英國特許秘書 及行政人員公會資深會員以及香港特許秘書公會資深會員。黃擁有 20 年會計、財務管理及公司秘書經驗。

朱嘉 嘉儀 儀辭 辭任 中國 電信 公司 秘書 柯瑞 文、 黃玉 繼任
PermaLink: https://articles.zkiz.com/?id=228126

隔牆有耳:離開TVB做財金界女強人嘉儀BB淚別粉絲

1 : GS(14)@2015-03-27 00:55:40





■嘉儀BB噚日last day,眼濕濕咁拎住個「主播女神」蛋糕影相。








「今朝係我最後一次喺《香港早晨》同大家見面喇,多謝過去咁多年嚟嘅支持,祝你哋以後每朝都有個美好早晨,再見。」就喺呢一句,傷盡唔少宅男心。現年32歲嘅無綫主播女神周嘉儀噚日last day,告別工作十年嘅TVB,稍後變身財金界女強人,唔知會唔會因新形象有更多粉絲?


■佢fb仲貼咗張着白色短裙嘅揸機相,網民大讚好pure好true!

曾與許方輝傳緋聞

有新工兼且前景咁好,嘉儀BB呢次跳船係好事,難怪噚日着到成個大紅利是封咁主持最後一次《香港早晨》,同朝朝聽完佢把聲先肯返工嘅粉絲say goodbye,更同另一主持陳聞賢鏡頭前握手。佢之後喺facebook貼咗張寫住「主播女神嘉儀BB」蛋糕嘅相,對鏡頭甜笑嘅佢明顯眼紅紅兼有淚光。嘉儀BB喺03年就讀浸大新聞系時,已經喺無綫新聞部做實習記者,畢業後轉為全職主播,因為清純外表俘虜唔少宅男歡心,但前年同已婚男主播許方輝傳緋聞,令清純形象扣咗少少分,之後被調離《六點半新聞報道》同被休假兩周,當時有傳佢想走人。八方噚日問過嘉儀BB,佢證實會轉去興證香港做市場推廣,佢話「好多謝觀眾歷年嚟嘅愛戴」,喺TVB亦獲益良多,稍後會先專注金融推廣工作,如果有其他配合形象又合適嘅工作亦會嘗試。唔少佢嘅粉絲則留言話不捨,但亦恭喜佢離開花蟹掌控下嘅CCTVB。李八方
mailto:pf_lee@appledaily.com





來源: http://hk.apple.nextmedia.com/news/art/20150326/19090544
隔牆 有耳 離開 TVB 做財 金界 女強人 嘉儀 BB 淚別 粉絲
PermaLink: https://articles.zkiz.com/?id=288963

周嘉儀字裏藏骨

1 : GS(14)@2015-04-08 08:40:21

■周嘉儀昨日貼抱B相,又留言新工沒是非暗寸舊公司。互聯網圖片


前無綫新聞小花周嘉儀是非多多,上月底轉做證券行擔任市場拓展聯席董事,被舊同事林小珍在社交網狂插,指被「剛離職的周姓女同事」揶揄老公偷食,又詛咒她入門剋死老爺!日前嘉儀返新工出席活動,指自己「冇咁黑心」,昨凌晨嘉儀BB更在社交網貼抱B相,留言:「真正嘅bb出場喇,我剛滿月契女!」


周嘉儀


此外,嘉儀BB接受雜誌訪問勁讚新同事很好,第一日返工就請她食飯,第二日搞復活節派對又玩又食,雖然職銜是董事,但嘉儀BB卻指自己不算高層,不怕招惹是非說:「大家一條team冇閒話。」似暗寸舊公司多是非。撰文:皓騫





來源: http://hk.apple.nextmedia.com/entertainment/art/20150408/19104210
周嘉 嘉儀 儀字 字裏 裏藏 藏骨
PermaLink: https://articles.zkiz.com/?id=289321

拍過五次拖 失戀喊足一星期周嘉儀主播的秘密感情生活

1 : GS(14)@2015-04-30 09:03:04

■周嘉儀深情剖白感情世界,大談過去鮮為人知的戀事。攝影:陳順禎



前無綫美女主播周嘉儀,稱得上宅男女神,即使被爆曾跟有婦之夫許方輝有過一段曖昧之情,嘉儀回應是非時如止水般冷靜,但原來百毒不侵的女神背後也有死穴!日前嘉儀接受本報專訪時,大爆她過去五段絕密情史!早前錯愛許方輝更令她吸取教訓,情路跌碰以後,女神惟有繼續靜待其Mr.Right的出現。撰文:羅慧敏

感情篇:身邊男仔朋友多

記:記者 周:周嘉儀記:拍過幾多次拖?周:一隻手數得晒,五次咁上下。記:你嘅初戀發生喺幾時?周:係讀大學嘅時候,嗰陣20歲。記:咁遲先初戀?周:因為我中學讀女校,都冇乜機會識到外面嘅人,到year2,都算好遲,拍咗3、4年,係最耐嘅一個。記:因乜事分手?係咪好傷心?周:可能累積落嚟,耐咗悶咗定係性格不合,都唔知歸根究柢係乜原因,總知係好傷心!喊到儍咗,因為未試過覺得好慘、天冧落嚟,因為乜嘢都好習慣,每一個禮拜有個生活模式,嗰吓覺得好接受唔到,都傷心咗好耐,成個禮拜都匿埋喺床度喊,同埋我唔食嘢,skip咗好多餐晚飯,嚇死我阿媽,嗰陣唔知點解仲狂游水,一日落去游三次水,覺得游水係好放鬆,可以減到壓。



■周嘉儀與無綫新聞主播許方輝大前年被爆關係曖昧,二人立即被公司雪藏。

■上月結束11年的主播生涯,周嘉儀現已轉職證券公司女強人。



記:之後幾段感情都好平淡?除咗同已婚無綫新聞主播許方輝嘅一段情……周:唔……唔……唔好講啦!過咗去都唔想影響到其他人。人生當中發生咁多事,每樣嘢都總有學到嘢、有得着嘅地方。記:算唔算係一個教訓?周:都係嘅,當時我屋企人同埋一啲愛錫我嘅朋友,喺我人生最低潮時畀到好多support我,呢啲朋友真係刻骨銘心,亦都學識點樣喺低潮嘅時候幫自己搵出路,呢樣好緊要,一味頹落去都冇用,只會越嚟越沉,你要諗吓之後條路點行,嗰吓我真係咁多年嚟,真真正正諗吓自己條路點行,因為之前樣樣嘢太stable,一個comfort zone裏面,嗰次係我人生轉捩點,諗多咗將來係點。記:咁要多謝許方輝?周:人哋嘅嘢唔講啦,多謝身邊嘅人,尤其係嗰段時間。記:現時多人追求?周:我身邊男仔朋友都多,但真係追就唔多覺,可能我個人都男仔頭,啲人成日話我講嘢冇尾音,啱傾嘅有,出嚟食吓飯嘅都會有,但朋友囉,追嘅就唔係太多。我又唔係話好急,因為工作各樣都好忙,拍拖都會開心、好sweet嘅,但係冇都唔會特別care,順其自然。記:有冇驚過自己會嫁唔出?周:冇話特別怕嘅,如果真係嫁唔出都冇辦法,自己就冇特別諗幾多歲嫁。我都信緣份嘅,如果佢要嚟,會感覺到,都係隨緣,平常心,唔會強求咁多,可能20幾歲好恨拍拖,但過咗嗰個階段。記:咁你有乜擇偶條件?周:相處到、溝通到係最緊要,出面好多話有筍盤,但係唔夾已經冇意思,樣樣好都冇用。孝順嘅男仔我會加分,我會睇佢點同我家人相處,佢喺你面前一定表現對你最好一面。除咗孝順,都要心地好、有愛心,smart啲嘅男仔我都鍾意,唔係要口甜舌滑好識冧女仔,佢會喺我人生上、生活上、工作上畀到意見我,我都係需要一啲guidance嘅人。化妝:Christy Lam髮型:Philip Lee@ La Biosthetique服裝提供:SEQUOIA





來源: http://hk.apple.nextmedia.com/entertainment/art/20150430/19130260
拍過 過五 五次 次拖 失戀 喊足 足一 星期 周嘉 嘉儀 儀主 主播 播的 秘密 感情 生活
PermaLink: https://articles.zkiz.com/?id=290073

夥周嘉儀撐老友千嬅照顧發燒Torres 徹夜難眠

1 : GS(14)@2015-05-14 08:20:10

■千嬅昨日透露要照顧Torres(小圖)搞到失眠,卻被丁子高叫食藥。


楊千嬅、何超儀、何超蕸、上山詩鈉與前新聞主播周嘉儀等,昨日於銅鑼灣出席黎芷珊的自家太陽眼鏡品牌發佈會,芷珊花了7位數字投資品牌,得到衆多老友支持感到興奮,尤其是千嬅排除萬難、向公司爭取時間到場,而劉德華、黃秋生及鄭伊健更特別錄製短片祝賀芷珊。



■黎芷珊(右)送上由插畫家替何超儀所畫的人像畫作,相當有心思。

■何超蕸戴上芷珊設計的太陽眼鏡支持,認真畀面。


■劉德華錄片撐芷珊推出的自家品牌。


問到千嬅有沒有興趣成立個人品牌?她說:「自己已經係個人品牌,用好多精力做唔同演出,個仔(Torres)已經係經營緊嘅生意,不求回報,只想佢健康。近日囝囝發燒,搞到我夜晚瞓唔到,老公(丁子高)頂我唔順,問應該係咪我要去睇醫生,家庭就係我一生經營嘅生意。」千嬅自從拍完電影《五個小孩的校長》後,表示有意跟老公一同修讀有關幼兒課程,她更大爆老公床事說:「佢近日玩運動同上佛學,上完佛學會返到屋企,會喺臨瞓前同我上一課講佛偈,之後佢自己就瞓覺,我就入晒腦諗。我同佢講千祈唔好咁快化,好囉嗦,我一
夥周 周嘉 嘉儀 儀撐 老友 千嬅 照顧 發燒 Torres 徹夜 難眠
PermaLink: https://articles.zkiz.com/?id=290291

被指WhatsApp騷擾許方輝夫婦周嘉儀:冇許太電話

1 : GS(14)@2015-05-14 08:31:32

■周嘉儀昨日出席地產活動,從沒以電話及WhatsApp滋擾舊愛許方輝及其太太。


有宅男女神之稱的前新聞之花周嘉儀近日多桃色新聞,繼被本報直擊搭上開餐廳的有米新歡Edward後,但昨日有報道指周嘉儀好勝,仍然對無綫新聞部已婚舊愛的許方輝未肯放手,狂以WhatsApp及電話纏擾不果,更升級滋擾許太陳佩琳,以WhatsApp「問候」對方,嚇到許方輝火速搵屋搬。



■周嘉儀前年戀上已婚的許方輝,事後遭雪藏。電視圖片

■許方輝的太太陳佩琳亦是新聞主播,曾效力亞洲電視。電視圖片


■周嘉儀曾被本報直擊獲有米食店老闆Edward接送兼約會。資料圖片

「應尋求警察協助」

周嘉儀昨日在中環ifc出席地產活動時,透露分手後已有一段時間沒有與許方輝聯絡,並強烈否認指控:「其他人嘅嘢唔去評論,因為指控幾嚴重,對個人聲譽同操守有影響,話我滋擾,用電話同短訊,我完全冇做過,所以要鄭重澄清,一次都冇,任何接觸都冇,連佢(許太)電話都冇。」周嘉儀自言離開無綫僅一個多月,對不斷傳出負面新聞感到奇怪,問到會否覺得有人放料?她表示:「我唔想去評論,如果被人滋擾,我覺得好慘,如果真係有咁嘅事,應尋求警察協助。我淨係想專注自己嘅工作,我一定唔會,過往亦都冇做過咁無聊嘅事。」有指當日許方輝有欠交代,故令她耿耿於懷,周嘉儀表示:「總之我做好自己,唔想評論其他人,怕影響到人哋。」她認為清者自清,亦不會因此事搵對方解釋。記者笑言今次新聞會否嚇怕新歡Edward,她表示:「唔知呀,做好自己,唔想有啲冇意義同負面嘅嘢發生。」對於真命天子的要求,周嘉儀笑言:「要溝通到,價值觀夾唔夾,心地好,生活上同工作上畀到意見我,隨緣,我享受而家生活。」採訪:黃曉妍攝影:沈健程





來源: http://hk.apple.nextmedia.com/entertainment/art/20150514/19146295
被指 WhatsApp 騷擾 方輝 夫婦 周嘉 嘉儀 冇許 許太 電話
PermaLink: https://articles.zkiz.com/?id=290303

打電話搵上門 周嘉儀短訊「問候」陳佩琳 許方輝驚到帶老婆搬

1 : GS(14)@2015-05-14 12:24:05

2015-05-14 NM

13年,大台新聞部許方輝偷嗒主播周嘉儀斷正,有婦之夫立即單方面斬纜。心有不甘,自以為樣樣勝陳佩琳(許方輝老婆)一籌的周嘉儀,見風頭已過,早前再發動攻勢,電話、WhatsApp外,甚至打inline同屋企電話搵上門,又出招對方同自己食farewell飯……幾經辛苦先番老婆,許方輝唔敢再亂,一於「唔應機」!好勝周嘉儀不肯罷休,索性短訊問候人妻陳佩琳;為免身邊人再受傷害,慌張許方輝帶埋老婆,急急搬竇。不忿被撇

和同部門同事周嘉儀密會斷正後,許方輝被大台勒令停工避風頭,至於老婆陳佩琳亦一度離家出走;為保住事業同家庭,出軌許方輝單方面斬纜,自此對周嘉儀不聞不問,復工後,亦刻意將工作時間安排到同對方零機會碰面,免落人話柄。

被許方輝狠撇,周嘉儀一直耿耿於懷,認為對方欠自己一個交代。

「一向只有Venus(周之洋名)飛人,冇人飛佢,個男人對佢不聞不問,又冇同佢交代清楚,佢當然唔順氣,成日話除timing,無比唔上陳佩琳,我幾個(朋友)都勸Venus唔好咁好勝,飯碗要緊!」周嘉儀的閨密說。

電話搵上門

忍年半,周嘉儀終於等到搵到路離開大台,據了解,她未向公司遞信,已第一時間WhatsApp通知許方輝,以為前度已放低過去,重新出發,許方輝於是爽快回覆並送上祝福,此舉令周嘉儀以為雙方關係有轉機,隨即展開WhatsApp攻勢。犯錯後得老婆陳佩琳既往不究,「守行為」中的許方輝唯恐再有閃失,只作有限度禮貌回覆,但見男方有一句冇一句的,周嘉儀於是加大力度,不停WhatsApp,又大膽到打公司inline,甚至連許方輝的屋企電話都唔放過。「其實Venus好少提同許生,有次同佢一齊shopping,佢好得戚咁話有人WhatsApp唔覆,inline唔聽,咪打去屋企搵人囉!仲話人搵唔到唔緊要,最緊要過程好玩!有邊個『人』令Venus咁放唔低?一定係許方輝啦!佢打去人屋企,咁即係同人老婆直接對話啦,又唔係無人追,搞咁多!」閨密說。

兩年孽緣

一三年,周嘉儀同許方輝收工後到荃灣篤魚蛋前,兩人先到龍翔道山邊車廂談心。

Watt數高

被網民捧為宅男女神的周嘉儀,電力驚人,除了已婚的許方輝,她自爆曾拍過五次拖,亦揚言只會吼月薪七萬以上的異性。

金融才子

10年,被踢爆溝掂一名身高六呎、外表斯文的金融才俊後,周嘉儀忽然富貴,由葵涌公屋搬到荃灣豪宅,出入有男友名下靚車接送,生活富泰。

已婚四眼男

去年5月,再搭上一名四眼已婚男,二人約會於尖沙咀撐腳,其間周嘉儀施展渾身解數,放電托腮出盡功。

有米Edward

上星期,周嘉儀被撞破與一名叫Edward的有米男歎日本菜,據了解,Edward是高級西班牙餐廳老闆,名下有多門生意,家住2,000多萬西貢獨立屋,對住發電機周嘉儀,有米Edward管接管送傍到實,表現細心。

三扒兩撥搬

相信只要等到周嘉儀離開大台,事情便會過去的許方輝,決定採取守勢,一於繼續冇反應唔回覆。硬招唔見效,周嘉儀轉用軟功,縱然自己在公司人緣普通,但部門之內,仍有一班觀音兵追隨,有人提議和她食farewell飯,周嘉儀竟然主動開口,話叫埋許方輝。「班觀音兵聽到都O晒嘴,許生不嬲都唔同同事social,兩個之前又有,邊個敢開口喎!」一名無新聞部同事說。放風搵人嗌埋許方輝食farewell飯外,據知周嘉儀亦親力親為,WhatsApp扭對方請食farewell飯,但許方輝依然無動於衷。前度唔受,好勝周嘉儀決定玩大佢!WhatsApp陳佩琳,送上問候。「臨走幾個月,Venus不停玩,許生都呻過,話忍埋呢幾個月就無事,點知呢頭講完,佢就WhatsApp問候埋陳佩琳!許生驚到唔理咁多,半個月內搵到新屋,帶埋老婆搬走。」知情者說。住慣馬鞍山區的許方輝,最終租住同區只有兩年樓齡的迎海五六五呎單位。早前,陳佩琳獨自離開舊居,到頌安日本城買天線,只見她密密影相,傳WhatsApp,估計是同許方輝確認貨品是否正確,之後再執了一堆家品,便返回迎海新居。同日晚上七時,許方輝收工捧住兩個大咕𠱸返回上址。週日(十日)下午一時,許方輝一身街坊裝,單拖離開新居,出外接老婆回家,可見周嘉儀的「動作」,並未影響夫婦感情。

牙齒印

無新聞小花為爭上位經常傳不和,其中周嘉儀自恃有人射住,不但搞不倫戀,更周圍辣火頭,歷年來,留下不少牙齒印。

林小珍

周嘉儀離職後,曾與她長期在《香港早晨》中拍檔的林小珍,即在fb爆出周嘉儀「毒舌」,揶揄她老公出去偷食,黑心咒小珍一入門就剋死老爺,詛咒老人家「死快點」。

盤翠瑩

13年,二人因一個奇異果公開吵大鑊,比自己遲一年加入新聞部的盤翠瑩在fb留言單打,其後二人在公司撞到正,當場嗌交,周嘉儀更向各同事發內部email,暗寸有人行為鬼崇,有事就直 接講……

黃紫盈

傳與另一小花黃紫盈爭上位,結果被對方向傳媒放料,踢爆周嘉儀做小三,搭上有婦之夫許方輝。

過手癮唔買

至於上月一日已正式上任興業證券市場拓展部聯席董事的周嘉儀。有餐廳老闆Edward密約追求外,亦有觀音兵做阿四。日前,中午飯時間,周嘉儀離開中環的辦公室,到附近與一名四眼男碰面,人未到,已經千watt電眼老遠揮手打招呼,接過對方為她代購的一大袋宜家貨品,即閃。下午四時半,化行妝set晒頭的周嘉儀一身party dress離開公司,同兩女子坐的士到尖沙咀圓方shopping,在Chanel逗留半小時,不同包包試上身,過完手癮後,夠鐘行去W酒店出席活動。泊新碼頭,還要咬住許方輝夫婦,周嘉儀實在好勝!

大婆險勝

娛樂圈誘惑多,但藝人為保形象,大多數最後一刻都會重返正印身邊,但一不離二,二不離三,小三誘惑始終難抗拒,離婚收場人辦包括羅嘉良、陶大宇、溫兆倫等,可以唔散的,大多數係老婆忍得有功!

江華

96年,和鄧萃雯合作亞視劇《我和春天有個約會》撻,到女方屋企過夜斷正。事後江華急與鄧萃雯劃清界線,更同老婆麥潔文聯手公開數臭對方,經過這次事件後,江華兩公婆一齊至今。

馬德鐘

人夫馬德鐘在大台走紅後,便成為花旦殺手,先後同郭羨妮、佘詩曼、胡定欣等傳出緋聞。06年,他搞上圈外女友Katherine,老婆張筱蘭一怒之下帶同兒子返法國,為了挽回事業及形象,馬德鐘最後重回老婆身邊。

彭順

背住老婆李心潔偷嗒𡃁模Liddy(李悅彤),被揭發後賤男丟低Liddy,趕飛馬來西亞箍煲,之後變成跟得老公,經常陪住老婆。
打電話 上門 周嘉 嘉儀 短訊 問候 陳佩 佩琳 方輝 驚到 到帶 老婆
PermaLink: https://articles.zkiz.com/?id=290329

嘉儀:觀眾miss我哋報新聞8主播合體賺百萬

1 : GS(14)@2015-05-18 08:36:18

■新聞之花和新聞王子日前難得重組拍攝保險廣告,氣勢強勁。


周嘉儀、黃婉曼、蔡雪瑩、黃大鈞、伍家謙、陳珍妮、方健儀和趙海珠8大主播先後離開無綫,他們各自跳槽後都有不錯發展,這班新聞之花和新聞王子日前聚首一堂拍加洲保險廣告,更發揮老本行,主播上身講解保險資訊。方健儀把廣告相貼上facebook,即有網友發揮創意改圖,把8大主播變身成「復仇者聯盟」。



讚網友改圖有創意

據知,保險公司看中他們的專業形象力邀拍廣告,更花了近百萬元拉攏他們重組出擊,拍攝當日,各主播重返昔日崗位,坐在枱前報告新聞。從未坐在一起報新聞的嘉儀BB與黃大鈞,過往合作僅止於連線形式,嘉儀BB昨在電話中說:「真係幾特別,呢個廣告仲集齊我哋呢班主播,可能觀眾都好miss我哋報告新聞。」眾主播口齒伶俐,所以背稿拍攝完全冇難度。對於有網友火速替他們改圖,嘉儀BB表示:「欣賞佢哋嘅創意,無傷大雅,證明佢哋留意呢件事。」



■廣告中有一幕是黃大鈞搭嘉儀BB,夠新鮮。

■8大主播齊集拍廣告,網友竟改成「復仇者聯盟」,可謂創意無限。互聯網圖片



升呢馬主夫人的黃婉曼昨也稱讚網友效率快靚正,她說:「網友太犀利,張改圖好好笑。」再做天氣小姐的她以一貫跳脫口脗,帶出旅遊保險資訊,但她坦言有壓力:「好耐冇報,有啲緊張,我拍嘅時候,鏡頭後嘅大鈞猛叫我輕鬆啲。」方健儀前晚在fb貼相後也留言:「未試過一個工作可以遇上7個舊同事,很壯觀!有點從前拍新聞部宣傳片的感覺。」這次負責全盤構思製作的黃大鈞昨表示廣告預計下月底推出。採訪:比華利





來源: http://hk.apple.nextmedia.com/entertainment/art/20150518/19151050
嘉儀 觀眾 miss 新聞 主播 合體 賺百 百萬
PermaLink: https://articles.zkiz.com/?id=290416

爸爸曾中風周嘉儀:珍惜相處時間

1 : GS(14)@2015-06-23 08:52:01

昨日父親節,唔少藝人都喺網上講「父親節快樂」。前大台主播周嘉儀都唔例外,佢喺facebook大讚佢爸爸,仲貼咗爸爸後生時嘅相出嚟,唔少網民都大讚周爸爸好靚仔,仲有啲似「都敏俊」金秀賢。周嘉儀話:「各位早晨,今日係六月二十一號星期日。今日仲係幾熱下,不過大致多雲仲會落雨,大家出街要留意喇!三十幾年嚟,見過唔少所謂成功男士,事業出色、位高權重、又或者家財萬貫,但也不及我家周爸爸,佢係我見過最有責任感嘅男人,為屋企付出大半世無半句怨言,憑一對手養大我哋。爸爸幾年前中風了,而家好似細路仔一樣,望住你就覺得更要珍惜同你相處嘅時間,應承你我以後會盡力做好啲﹐細細個人人都話我同爸爸好似,大家覺得呢?周爸爸、各位爸爸,父親節快樂。」一班網民都有留言祝福周爸爸,而周嘉儀就回覆網民:「多謝各位祝福我爸爸,未能逐一道謝,真心感激。」





來源: http://hk.apple.nextmedia.com/entertainment/art/20150622/19193770
爸爸 中風 周嘉 嘉儀 珍惜 相處 時間
PermaLink: https://articles.zkiz.com/?id=291130

周嘉儀WhatsApp洩蜜

1 : GS(14)@2015-06-29 08:32:46

■周嘉儀昨到銅鑼灣出席活動,事後傳相給叫KY的男子看。


現年32歲的無綫前女主播周嘉儀早前自爆曾拍拖五次,最近發展「第六春」,早前被影到與有米筍盤Edward撐枱腳;不過昨日本報影到嘉儀BB跟另一位「KY」先生的甜蜜對話。昨午周嘉儀在銅鑼灣出席活動後,坐港鐵再轉小巴返荃灣爵悅庭屋企。落港鐵站時,嘉儀BB密密WhatsApp。見嘉儀問KY先生「做緊乜嘢」,KY回覆「飲緊酒」,嘉儀即關心叫對方飲完酒不要駕車,KY覆她三個「OK」emoji,再加個豬頭emoji。她還傳了活動的全身相給KY看,KY更送了三個kiss emoji,及兩個唇印。嘉儀昨回覆時說:「我哋只係普通朋友,成日都會互傳呢啲公仔。」採訪、攝影﹕畢紹基、黃曉程、吳耀輝



■嘉儀BB返家途中不停與「KY」傳甜蜜短訊對話。





來源: http://hk.apple.nextmedia.com/entertainment/art/20150628/19200449
周嘉 嘉儀 WhatsApp 洩蜜
PermaLink: https://articles.zkiz.com/?id=291183

周嘉儀唱反調:我瞓得好好

1 : GS(14)@2015-07-22 23:34:02

■周嘉儀不評論陳珍妮出書爆料,又自言瞓得好冇失眠。資料圖片


前無綫主播陳珍妮今年書展推出《TVB新聞部血淚史》,盡呻心中情。前新聞之花周嘉儀卻與她唱反調,曾效力無綫逾10年的周嘉儀日前在電話中說:「佢(陳珍妮)講嘅故事內容,我唔想評論。對我嚟講,個腦記住好多開心畫面。」


■財經主播林小珍在fb宣佈懷孕。


Jenny自爆工作期間要啪安眠藥,周嘉儀卻說:「我就瞓得好好,冇乜失眠。」Jenny驚爆不離職會生癌,周嘉儀反應大:「吓?no comment!」對於書中有揞名爆料,周嘉儀問心無愧:「唔擔心,我又冇嘢唔畀人知得、唔畀人講得。」此外,曾經在facebook留言怒插周嘉儀的無綫新聞財經主播林小珍,近日在fb留言證實有喜並透露預產期是今年11月,有網民留言恭喜之餘,亦稱怪不得近日見她上鏡肚凸凸。採訪:陳杰





來源: http://hk.apple.nextmedia.com/entertainment/art/20150715/19219440
周嘉 嘉儀 唱反調 好好
PermaLink: https://articles.zkiz.com/?id=291601

馮仁昭四圍超:fb遭冒名呃粉絲逾10萬元周嘉儀:不要上當

1 : GS(14)@2015-09-23 02:19:14

■嘉儀BB前晚喺fb嚴正聲明叫粉絲唔好上當!








前新聞主播周嘉儀轉行做金融,開咗個facebook專頁同粉絲分享日誌,點知都成為騙徒利用對象。嘉儀BB前晚喺fb向網民提出重要提示:「剛收到朋友訊息話兩個叫Gary Au同Rainie Liu的人冒充我fb到處借錢詐騙!現嚴正聲明這兩人同本人完全無關,大家千萬不要上當!」原來佢被人偽冒開fb,以佢名義向粉絲借錢,更有人不幸中招被騙六位數字的金錢!


■周嘉儀個facebook專頁日前俾騙徒冒名呃粉絲錢,令嘉儀BB大感無奈。資料圖片

「真係超級過份」

嘉儀透露自己只有以「Venus Chow周嘉儀」開戶,更擺了偽冒網頁的貼圖以資識別,對於有粉絲金錢損失,她大感無奈,噚日接受電話訪問時表示:「我只係知道有人開咗啲假賬戶,用我嘅名義向佢哋(網民)借錢,聽聞有網友真係攞咗出嚟,個粉絲已經過戶仲keep咗入數紙,佢應該會報警,我覺得真係超級過份!所以我要重申番我嘅account得呢一個,都想呼籲網民如果發現我嘅假account,請喺我嘅fb度報告。」問到嘉儀BB會否親自報案?佢表示:「佢哋中間嘅細節我真係唔知,所以我諗唔係好啱我去報警,只係可以提醒大家。」撰文:馮仁昭





來源: http://hk.apple.nextmedia.com/entertainment/art/20150803/19240915
馮仁 仁昭 四圍 fb 冒名 粉絲 10 萬元 元周 周嘉 嘉儀 不要 上當
PermaLink: https://articles.zkiz.com/?id=292516

周嘉儀走音當心意

1 : GS(14)@2015-11-02 00:09:19

周嘉儀與何傲兒昨日在中環出席醫學美容品牌活動,對於浸大60周年校慶拍攝的校歌MV,被網友狂批質素差,有份參與的周嘉儀說:「參與嘅校友都係愛母校,盡咗心意,其他人comment都冇辦法,有份參與係光榮同榮譽。」對於被指唱歌走音,她表示參與的人都不是專業歌手:「唔會要求好高演唱水準,首校歌本身係好好聽嘅。」而同場的何傲兒表示今天要到佛山工作,因此萬聖節未能在香港狂歡,但她說:「我每年都會去玩,一年一次扮鬼。試過有次我自我感覺良好,以為扮到人哋唔認得,點知聽到啲人話──何傲兒呀!」問她會否趁機與緋聞男友周子揚齊齊喬裝扮鬼公然拍拖?何傲兒尷尬笑說:「唔講呢啲啦我。」採訪:盧妹攝影:陳慧安





來源: http://hk.apple.nextmedia.com/entertainment/art/20151031/19354353
周嘉 嘉儀 儀走 走音 音當 心意
PermaLink: https://articles.zkiz.com/?id=293687

搭上政協之子 變身小女人周嘉儀冧讚男友:甜蜜期盼延長

1 : GS(14)@2016-01-23 19:27:10

■嘉儀BB被爆新戀情,她望將戀情保鮮、一直保持甜蜜期。攝影:林德雄


周嘉儀今年初被爆與經民聯立法會議員、全國政協林健鋒的34歲公子林凱章(Victor)相戀,女神拍拖了,想必令不少粉絲夢想幻滅,但卻正正相反,嘉儀獲網友大力支持。日前嘉儀接受訪問,剖白她的感情世界,嘉儀笑說:「多謝大家關心,都係唔想講咁多,低調!我從來處理感情都係比較低調啲,想keep番自己嘅私隱同空間,每一次都係。」問到男友Victor是有家庭背景的人,會否有壓力?嘉儀說:「拍拖最緊要兩個人開心,而家都相處得好好,而家開心,都係甜蜜期。」



少提戀情怕被鬧


嘉儀直認二人的戀情近月才正式萌芽,大家是朋友介紹認識,問到嘉儀的男友是否一個浪漫的人?她甜絲絲說:「佢對我好好,好關心我,希望大家相處得開心,呢個甜蜜期可以繼續落去。」提到結婚對象,她說:「其實我又冇諗到太長遠,每日都希望大家過得開心,互相畀到支持大家,係一段關係上面最緊要嘅,希望幫到對方一路成長,好多正能量互相支持。佢工作上都會有經驗同我分享,畀到意見,佢幾好嘅……大家工作各有各忙,但都會爭取時間見面嘅,大家協調,唔講佢咁多嘢嘞,俾佢鬧。」



■嘉儀日前與林凱章(Victor)親密蹺手遊台北,事後大方承認戀情。資料圖片

■林凱章(左)父親林健鋒,是經民聯立法會議員兼全國政協,甚有家底。

■嘉儀大讚男友很會關心她,就算工作再忙碌也會爭取時間見面。



其實嘉儀自離開大台後,總喜歡以社交網站跟fans交流互動,她說:「其實一直都有幫公司每星期製作短片放上網,係一個同出面接觸嘅channel,都當係一個幕前工作。我之前公司就嚴啲,唔可以玩。我喺舊年4月開始有facebook,希望可以同外界接觸,希望可以答謝番支持我嘅朋友,一開始用香港早晨模式報天氣,好得意,我覺得呢個page互動性幾強,有啲仲變咗朋友,尤其係唔舒服時關心嘅留言,係好warm嘅page,希望透過網頁發放正能量。」嘉儀表示網頁剛過6萬人like,問她有否收過騷擾訊息?她笑說:「示愛都會有,騷擾就唔多,多數鼓勵同正面多,其中幾個已經認得。」採訪:羅慧敏





來源: http://hk.apple.nextmedia.com/entertainment/art/20160123/19463245
搭上 政協 之子 變身 身小 女人 周嘉 嘉儀 男友 甜蜜 期盼 延長
PermaLink: https://articles.zkiz.com/?id=294871

【拍拖聖地】周嘉儀蹺手洩戀情

1 : GS(14)@2016-09-01 06:24:22

岑麗香和男友蜜遊台北被本報讀者捕獲,距香港只有一個多小時機程的台灣是藝人拍拖聖地,不少圈中情侶亦到當地預支蜜月斷正。



吳若希 何兆鴻

跟澳門闊少男友何兆鴻(Alex)打得火熱的吳若希,上月被本報讀者拍到與男友同遊台北,Alex肉緊攬她腰兼掃背,其後她又在社交網晒被男友孭着上樓梯相。


周嘉儀 林凱章

索爆女主播周嘉儀與經民聯立法會議員、全國政協林健鋒的34歲公子林凱章(Victor),今年1月在台北街頭親密蹺手兼玩自拍,令戀情曝光。


范冰冰 李晨

去年8月范冰冰和男友李晨拍拖到台灣,被指到醫學美容診所接受療程扮靚,逗留七小時後戴上黑超的冰冰與李晨齊齊戴着口罩離開。


何韻詩 鄧九雲

已宣佈「出櫃」的何韻詩和台灣舞台劇演員鄧九雲因合作擦出愛火花,去年4月阿詩到台北睇張惠妹演唱會,就孖女友前後腳到場。




來源: http://hk.apple.nextmedia.com/entertainment/art/20160901/19755725
拍拖 聖地 周嘉 嘉儀 儀蹺 蹺手 手洩 戀情
PermaLink: https://articles.zkiz.com/?id=307024

【水着樂園】陳嘉儀34D引狂蜂

1 : GS(14)@2016-09-25 10:28:23

去年推出過寫真集、擁34D逼爆上圍的陳嘉儀(Tracy),日前接受訪問時表示暫時不會再影寫真,希望向其他方面發展:「想拍戲同主持網台節目,雜誌同平面model會繼續做。」Tracy本身是一名宅女,工作之外的時間,只愛留在家中閱讀及做運動,她說:「我鍾意高難度運動,咁先可以保持身形,戶外活動就鍾意游水、打羽毛球,她又自認工作狂,一切以工作為先,悶都冇所謂。」
Tracy經常在facebook晒噴血性感照,問到是否有很多追求者?她說:「係有好多人追,但未有着落呀,隨緣囉!擇偶條件係人品好,明白我。」採訪:曹家誠




來源: http://hk.apple.nextmedia.com/entertainment/art/20160925/19780843
水著 樂園 陳嘉 嘉儀 34D 引狂 狂蜂
PermaLink: https://articles.zkiz.com/?id=310000

【馮仁昭四圍超】馬國明身撐譚嘉儀

1 : GS(14)@2016-12-30 02:58:14

譚嘉儀噚日到旺角為首張專輯《Can You See》宣傳,馬國明同鄭俊弘去撐場,馬國明話:「好鍾意支持呢類朋友。」佢仲話好鍾意嘉儀呢啲默默工作、唔會多搞新聞同緋聞嘅朋友。問馬國明係咪鍾意譚嘉儀呢類型?佢話:「冇諗呢個問題。」馬國明早前被指做義工變安排相睇,佢話:「我做義工就做義工,唔知點解牽連到相睇,我同媽咪由頭到尾都唔急。」撰文:馮仁昭




來源: http://hk.apple.nextmedia.com/entertainment/art/20161229/19879667
馮仁 仁昭 四圍 國明 身撐 撐譚 譚嘉 嘉儀
PermaLink: https://articles.zkiz.com/?id=320536

【馮仁昭四圍超】譚嘉儀唔講馬國明戀事

1 : GS(14)@2017-01-05 08:07:18

譚嘉儀噚日去商台宣傳新碟,佢話由舊年初推出新歌《印記》開始,估唔到年底就有自己專輯,成件事好似發夢咁。佢有按傳統到唱片舖親自買番自己隻碟攞個好意頭,身邊親友都紛紛支持,佢特別感激有份監製嘅哥哥譚耀倫,佢話哥哥喺做碟過程中畀咗好多意見同心理輔導,講到好友馬國明傳同黃心穎拍拖,佢話:「唔知道,多數傾音樂好少傾感情事。」撰文:馮仁昭




來源: http://hk.apple.nextmedia.com/entertainment/art/20170104/19885391
馮仁 仁昭 四圍 譚嘉 嘉儀 儀唔 唔講 講馬 國明 戀事
PermaLink: https://articles.zkiz.com/?id=321382

【馮仁昭四圍超】王嘉儀趙增熹計劃出碟

1 : GS(14)@2017-01-06 02:07:58

曾參加《超級巨聲》嘅王嘉儀最近同音樂人趙增熹合作,噚日兩位就去到商台做訪問,講到暫時已經做好咗四首歌,稍後仲計劃出實體碟,嘉儀話:「原本淨係打算喺網上發佈,後來收到好多朋友同歌迷要求出碟,所以就膽粗粗試吓。」講到同嘉儀嘅合作,趙增熹就話:「同嘉儀合作對我都係學習,佢讀法律,好多時會問我好多問題,問到我都會返去思考吓。」撰文:馮仁昭




來源: http://hk.apple.nextmedia.com/entertainment/art/20170105/19886606
馮仁 仁昭 四圍 王嘉 嘉儀 儀趙 趙增 增熹 熹計 劃出
PermaLink: https://articles.zkiz.com/?id=321522

譚嘉儀派利是要問媽咪

1 : GS(14)@2017-01-22 02:17:22

譚嘉儀昨日現身新城電台,宣傳新推出的首張EP,她說:「好彩反應唔錯,喺兩間唱片連鎖店嘅銷售榜都攞第一。」首次以歌手身份過農曆新年,譚嘉儀表示:「會帶埋張唱片出去,當利是咁派畀朋友。」至於會否開始派利是?她說:「我諗要啩,都要答謝一幫幫我手嘅同事。」但提到預算多少?她表示:「咁呢樣要問吓媽咪,我又唔係坤哥咁紅,應該唔使封好多。」




來源: http://hk.apple.nextmedia.com/entertainment/art/20170121/19903751
譚嘉 嘉儀 派利 是要 要問 媽咪
PermaLink: https://articles.zkiz.com/?id=323583

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019