ZKIZ Archives


中環在線:福娃唔益股民 李華華

2008-08-11  AppleDaily



北 京奧運如火如荼舉行,喺北京街頭巷尾都掛滿奧運吉祥物福娃,專程飛去北京嘅外國遊客,除咗睇奧運比賽,為自己國家嘅運動員打氣,梗唔少得買手信畀親朋戚 友,講到手信首選,當然係5隻福娃──歡歡、迎迎、貝貝、晶晶同妮妮嘅公仔,同佢哋嘅紀念品啦。據《東方早報》報道,福娃嘅玩具特許生產同經銷商之一、內 地上市公司海欣股份,就因為生產福娃而大賺1000多萬銀人仔。其實就算唔做外國遊客生意,單係做中國人生意,條數都好襟計,話晒中國10幾億人口,有一 半買福娃都賺到笑。

不過,福娃幫到海欣賺錢,唔代表旺到公司股價,海欣嘅股價年初至今插水超過六成,淨係喺奧運開幕嘅上個禮拜,公司股價就跌超過一成,都 咪話唔甘,最唔抵就係海欣啲股東。奧運效應已經到水尾,根據北京奧組委規定,福娃紀念品仲可以賣到出年3月,就算係咁,都未必幫到公司股價幾多囉。
中環 在線 福娃 唔益 股民 華華
PermaLink: https://articles.zkiz.com/?id=1672

中環在線:神數送金牌益員工唔益散戶 李華華

2011-6-16  AD




 

神州數碼 (0861)噚日公佈2010/11年度業績,心情靚爆嘅公司主席郭為(圖)話,適逢今年6月1日係公司上市10周年,加上純利首次突破10億大關,為咗 嘉獎班員工,佢諗住喺人民大會堂舉行嘅周年慶祝活動,向100個表現優秀嘅員工派發50克重嘅99金牌,郭總待員工真係不薄!

講到咁高興,咁對小股東又有咩表示呢?Sorry,郭總講明唔會因為周年慶祝而派特別股息,仲重申只係會跟返35%派息率嚟派……好似孤寒咗啲喎!

 


中環 在線 神數 金牌 員工 唔益 散戶 華華
PermaLink: https://articles.zkiz.com/?id=25745

居屋唔益中產 左丁山

2011-6-27  AD




 

復建居屋嘅真正 政策目標(policy objective)究竟係點,政府一日未宣佈,大家都係靠估,不過搞政治之人,最叻就係講定先,政黨賴以贏取選票,政府賴以贏得民望,等到他日細節逐漸 公佈,眾人不滿,又試大罵之前,起碼已是幾個月後嘅事情。嗱,特首要等到2011年十月先至宣讀施政報告,經過一輪諮詢,推行已在2012年三月後,到時 曾特首已經預備搬屋,搞過渡咯,新特首在七月一日上任,會唔會照單全收曾特首政府之政策及細節,有疑問啫,到時再大調或微調嘅話,復建居屋未到2013年 都唔會正式動工,第一批單位起好,出售之時,怕且已到2015,到時樓市是好是壞,樓價是升是跌,今日點估呀,今日未上車要求復建居屋者,到時可能已經有 能力買到私樓或者家庭月收已由二萬七千元增加到三萬幾四萬,冇資格申請呢。

可以推論,復建居屋不是為了今天急於上車之較低薪中產(月收二萬七千元)而建。

申 請居屋過往由公屋居民佔盡優勢。以2010年六月至七月出售居屋貨尾單位為例,單位總數3219個,白表獲分單位係四成,即1288個。白表申請人有 32321人,白表中籤機會率等於3.985%,算係4%。綠表獲分配單位有1931個,綠表申請人(公屋居民)有6886人,綠表申請成功機會係 28.04%,算28%。換言之,綠表申請人中獎機會比白表申請人高出7倍,白表申請人只係陪跑分子,中到籤要去還神。

如此說來,復建居屋不是為渴望上車之非公屋居民而設,而係延續、延伸公屋居民之福利。啲政客清楚明白呢一點,但佢地以中產代言人自居,十分虛偽。

復建居屋是否不會影響私樓價格?任何公地如不擺入勾地表而作興建居屋用途,意味私人樓宇單位「被擠出」(crowded out),私樓供應減少,長期影響係樓價上升,令抽唔到居屋之中產邊緣人更加難上車!


居屋 唔益 中產 左丁 丁山
PermaLink: https://articles.zkiz.com/?id=26004


ZKIZ Archives @ 2019