ZKIZ Archives


中環在線:蔡志明唔敢買新車 李華華


2008-12-10  AppleDaily


 

家陣冇人敢隨便買嘢,連鍾意玩車嘅玩具大王蔡志明都話唔敢買新車。不過買樓佢就敢喎,佢早前淡市出擊,買咗九龍城廣場同尖沙嘴安達中心。噚日佢出席亞洲知識管理協會晚宴時話,睇樓市會再跌兩成,明年中最差,所以家陣未係入市時候。咦,咁佢又入貨?

掃安達中心因嘉里減兩成

蔡 志明話,因為賣方嘉里肯平多兩成畀佢喎,至於會唔會再買,就要睇市況同銀行有幾支持。佢又自爆銀行冇對佢閂水喉,因為佢間旭日國際早前出咗貨,咁喺銀行借 貸少咗,咪肯再借囉。佢又話政府增撥千億救中小企,家陣推出未算遲,但最好搵多啲人手加快批核,始終遠水救唔到近火嘛。買車就唔同講法,佢話上網見有車主 將架落地只有一個月嘅名貴跑車折讓轉售,咁就知啲人幾需要現金,又話家陣汽車代理都好淡,不過佢就唔使賣車,更加唔怕經濟差,揸靚車出街會俾人偷,因為香 港治安好好喎!
中環 在線 蔡誌 誌明 明唔 唔敢 敢買 新車 華華
PermaLink: https://articles.zkiz.com/?id=4503

怕被呃唔敢上網淘寶中環在線:馬雲倒自己米 李華華


2009-01-21  AppleDaily


 

正所謂賣花讚花香,但如果連老闆都擔心有問題而唔用自己嘅產品,你叫啲客點信呢?最近,阿里巴巴(1688)主席馬雲出席一個由雲南商務廳同昆明市政府邀請嘅演講會時就話:「我從來就沒有在淘寶上買過東西,因為我害怕受騙上當。」

補鑊指兒子經常光顧

淘 寶網係阿里巴巴主打嘅電子商貿及購物網站,點解連老闆都唔敢用?馬雲之後補鑊,話個仔就成日上去淘寶。但聽到佢之前咁講,係人對淘寶網嘅信心都打個折扣 啦。華華覺得,網上購物比起傳統購物更加講個信字,因為一旦被人呃咗,都唔知去邊度搵個賣家。連公司主席都咁講,咪即係承認自己個淘寶網好多人呃呃騙騙, 日後內地數以億計嘅網民仲點信你個網?

管理層冇份加人工

雖然老闆潑冷水,但阿里巴巴員工就有好消息。o依家全世界都話要裁員 減薪,唔少打工仔擔驚受怕,但係馬雲最近喺公司內部電郵話,今年大部份員工會有人工加,兼會按表現計算年終獎金,不過管理層一律冇份加人工。佢話,咁做係 要令高層管理者有「緊迫感」同「危機感」喎。馬雲上年7月發過一封題為《冬天的使命》嘅內部電郵,內容大致上話,全球經濟即將出現較大問題,叫員工有心理 準備要過寒冬。到咗年尾金融海嘯來臨,阿里巴巴都仲有人工加,對佢哋大部份嘅員工嚟講,當然係一個好消息。李華華 LiWaWa@AppleDaily.com
 
怕被 被呃 呃唔 唔敢 上網 淘寶 中環 在線 馬雲 自己 華華
PermaLink: https://articles.zkiz.com/?id=5395

有生意唔敢接 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20121120/18072470
一間老牌公司發盈警,原因幾特別,據蔡東豪在爽報講,就係因為人手不足,請唔到工人!嘩,呢件新聞若在西班牙發生,會被視為天下奇聞,西班牙年青人失業率超過五成,整體失業率在百分之二十五以上,周街工人冇工做,巴塞隆拿嘅「魯營」球場坐滿有近十萬人,內裏可能有二萬五千人係失業漢,如果佢地可以來工作而又識得飛機維修嘅話,香港呢間公司大可以發盈喜通告。
呢間公司就係港機工程(044),幾年前左丁山買賣過佢嘅股票。有一位親戚兩代在港機工程工作,加埋有五十年,收入十分穩定,但第二代工作二十幾年之後,逐漸唔見到有年青人入行跟佢學師,已隱約覺得唔妥,驚住一啲技術會在本港中斷、失傳。港機工程在十月八日嘅營業聲明話,公司業務穩定,但因為熟手技工及半熟手技工,特別係機艙裝修方面,由於唔夠人手嘅關係,唔敢接生意,例如2012下半年及2013年上半年只有一百一十萬工時(man-hour)可供應用,但2012年上半年嘅維修訂單有一百一十六萬工時,因此有單不能接,生意量已到極限,盈利當然增長有限。
左丁山好早就知道港機工程缺乏人手,事實上,成個機場都缺乏勞工,好多工冇人做,對香港年青人嚟講,根本冇失業呢回事,只要讀不上大學就退而思其次,去學師,做學徒起步,學到一技傍身,就唔怕冇工做。建造業工人宣佈大幅度加薪之後,電梯維修業大公司「迅達」(Schindler)願意在2013年為全體員工加薪三次,加幅至少百分之十三點五!
與此相比,一啲銀行猛話裁員,一啲工種嘅薪水比較低,但一般稱之謂「藍領」嘅行業就非常缺乏年青人入行!一位親戚當年因會考成績不佳,走去學木工,依家成為師傅,開工要過千蚊一日至肯制,佢一位同學會考及格走去做文員,最初以為幾好,點知近年公司不斷將後勤工作外判至馬尼拉、深圳、廣州等地,佢好驚職位不保,心理有壓力。近日見到樂施會調查(不知用甚麼方法)香港貧窮,指不少人月收少於三千四百元,呢類恐怕係老人家啩,不能作準,樂施會如有心反貧窮,不如周圍宣傳,勸年青人學做技工啦,如此掃貧,有效過要求政府派錢!
生意 唔敢 敢接 左丁 丁山
PermaLink: https://articles.zkiz.com/?id=40077

細菌入侵辦公室以後唔敢係office食飯?

1 : GS(14)@2014-10-18 23:55:56



不少打工仔工作繁忙,貪方便都會在辦公枱晉餐,但研究顯示細菌很容易由廁所轉移至辦公室周圍地方,專家建議勤洗手及保持衞生,以免病從口入。英國皇家公共健康學會(RSPH)的專家指,若沖廁時沒有蓋上廁板,細菌便會傳播至廁紙及馬桶座,一般上完廁所每隻手每平方英寸便有2億枚細菌。若不洗手,細菌會透過雙手便可傳播給14人,只需2至4小時內整個辦公室便淪陷了。研究估計,上班族一天以來平均約接觸1000萬枚細菌,單在鍵盤上每平方英寸便覆蓋著3,295枚細菌,滑鼠也1,676枚細菌,而電話則有2.5萬枚細菌,更會傳染至臉和嘴,繼而將病菌入口。專定建議如廁前先用清潔劑擦拭,亦應該不時使用消毒液或消毒濕紙巾‎,而最簡單的方法便是經常洗手及保護雙手乾爽,只需20秒便阻止細菌傳播。英國《每日郵報》




來源: http://hk.apple.nextmedia.com/international/art/20141018/18904150
細菌 入侵 辦公室 辦公 以後 唔敢 敢係 office 食飯
PermaLink: https://articles.zkiz.com/?id=286161

宣傳片:我哋渴望自由,但係唔敢抗爭J2幕後暗撐佔中

1 : GS(14)@2014-10-20 08:18:57




■讀白提到話大隻B分享上街感受。



【雨傘革命】雨傘革命進入第23天,即使警方向示威者施以暴力清場,但從未動搖巿民和學生和平抗爭的心,無綫員工對公司的維穩並不苟同,繼新聞部員工不滿把7魔警涉嫌濫用私刑的報道中一句「拳打腳踢」又刪又播,無綫新聞及資訊部總監袁志偉的錄音流出,節目《東張西望》主持張慧慈和梁麗翹大前晚穿黃衣出鏡撐佔中,J2幕後及配音組近日又默默起革命,由幕後撰寫的多個節目預告配音對白,着迹顯示為佔中者打氣。旺角前晚警察與示威者對峙時,警方武力升級,不停用伸縮警棍打示威者,J2日前為日本動畫《進擊的巨人》播出的宣傳讀白滲入「佔中味」:「我哋渴望自由,但係唔敢抗爭;追求平等,但又戀慕權力;以前我哋畏縮,今天更加妥協;口口聲聲探尋公義,但又自甘墮落,將來,注定失去更多!」



■讀白提到,有人恐嚇你要舉高雙手,與佔中示威者情況脗合。

■J2台昨晚播的《大隻B自由行》,連日播宣傳片時,讀白有暗撐佔中。

■宣傳片播出一班男子出鏡,讀白說他們要預被潑冷水後要返歸。


「大隻B分享上街感受」


有網友把J2昨晚播出的節目《大隻B自由行》預告剪貼上YouTube,並指當中對白疑似聲援佔中:「大隻B分享上街感受,第一千祈咪博出位。第二有人兇你就舉高手仔。第三為表清白,剝光豬先好示威。最後請預咗畀人潑冷水叫你返歸。」網民睇完狂畀like,直至截稿前,無綫官網仍沒把預告片刪走。撰文:楊定




來源: http://hk.apple.nextmedia.com/entertainment/art/20141020/18905404
宣傳片 宣傳 渴望 自由 但係 係唔 唔敢 抗爭 J2 幕後 暗撐 撐佔 佔中
PermaLink: https://articles.zkiz.com/?id=286169

孔孝真唔敢再見初戀

1 : GS(14)@2015-01-11 20:08:54





韓國女星孔孝真前日在台灣宣傳韓劇《沒關係,是愛情啊》,並接受傳媒訪問。提到10年前她曾想找回台灣初戀男友「Jerry林」,而台灣《蘋果日報》亦成功完成尋人任務,孔孝真說:「當時有拿到聯絡方法,更有電視台想拍我們相認過程,但我怕尷尬而拒絕,拿到聯絡方法的經理人隨後辭職,並冇聯絡見面。」她指對方可能已婚有小孩,現在比較想與同樣在澳洲認識的台灣女同學Lynn見面。對於自己的中文名,孔孝真指漢字應為「孔曉振」,但在台則是「孔孝真」,她覺得後者比較好聽,所以毋須特別「正名」,又自言因誤打誤撞拍了電影《女高怪談2》而入行。孔孝真受訪後,下午5時許即結束3天訪台宣傳行程飛返韓國,獲近百名送機粉絲依依不捨大叫「姐姐,不要走!」,而孔孝真也貫徹親民作風,揮手向粉絲道別。撰文:江瑚



■結束3日訪台行程的孔孝真,揮手與粉絲道別。台灣《蘋果日報》

■孔孝真離開時,近百粉絲大叫「姐姐,不要走!」。台灣《蘋果日報》



來源: http://hk.apple.nextmedia.com/entertainment/art/20150108/18994835
孔孝 孝真 真唔 唔敢 再見 初戀
PermaLink: https://articles.zkiz.com/?id=287097

10年後先知調亂B父母相見唔敢相認

1 : GS(14)@2015-02-12 23:52:52





電影《誰調換了我的父親》描述醫院出錯,令兩個家庭調換了孩子,在法國出現真實版,兩個家庭直到孩子十歲才發現出錯。一九九四年,塞拉諾(Sophie Serrano)在南部戛納(Cannes)一間診所誕下女嬰瑪儂(Manon),因罹患黃疸病要照燈,同一時間另一女嬰也在照燈。數日後,醫護人員疏忽把兩個嬰兒掉亂了。當時兩名母親覺得嬰兒頭髮長度不同,曾查問診所,但診所回答那是照燈治療所致。結果兩個家庭各自把對方的孩子帶回家撫養,直至十年後,塞拉諾的丈夫覺得女兒瑪儂膚色較深不太像自己,於是進行DNA鑑定才發現出錯,並開始尋找當年的另一個家庭。後來如願找到,雙方首次見到自己的親生女兒,但未要求換回孩子,兩個家庭更沒有保持聯繫。塞拉諾稱:「這太困難了,我們只能走各自的路,這是取得某種安穩的唯一方法」。兩個家庭去年要求診所賠償,法院判診所和保險公司賠償兩家一百八十八萬歐元(約一千六百萬港元)。 法國《世界報》





來源: http://hk.apple.nextmedia.com/international/art/20150212/19039390
10 年後 先知 調亂 父母 相見 唔敢 相認
PermaLink: https://articles.zkiz.com/?id=287796

Sammi巡迴騷唔敢加場

1 : GS(14)@2015-07-01 09:45:27

■鄭秀文見有幾日空檔,即要求昨日開簽名會。


鄭秀文(Sammi)昨日在荃灣為演唱會DVD舉行簽名會,簽名會派了500個籌,現場有近200人圍觀,逼爆商場地下一樓。身穿連身裙、背部透視上陣的Sammi,與現場fans玩遊戲兼答問題,最後即場與fans玩自拍。司儀在台上爆今次簽名會是Sammi主動要求,事後Sammi說:「係呀,我啱啱喺廣州拍完戲,有幾日空檔,所以咪決定舉行簽名會。」


■現場逼爆Sammi的粉絲,難得更可上台見偶像。

怕粉絲撲飛

Sammi坦言有意在香港舉行巡迴尾站,但具體時間暫不透露以免令fans要去撲飛。問會否破紀錄?她笑說:「上次開12場,反應好好,其實都可以開多啲,不過近呢幾年重質素多過場數,希望每場都可以唱到最好,相信咁樣大家會睇得開心。」之後Sammi又說:「其實感覺好矛盾,佢哋用成萬蚊買飛,但另一方面我又好開心,見到佢哋咁錫自己,所以都希望自己喺每一方面都可以做到最好畀大家。」採訪:馬建華





來源: http://hk.apple.nextmedia.com/entertainment/art/20150701/19203858
Sammi 巡迴 騷唔 唔敢 敢加 加場
PermaLink: https://articles.zkiz.com/?id=291212

入場要簽生死狀超恐怖鬼屋敢唔敢試?

1 : GS(14)@2015-10-15 07:44:04

美國加州塔斯廷「17th Door」鬼屋,可能是全球最恐怖鬼屋,遊客入屋前要簽免責聲明,不少人玩至中途更被嚇到喊「饒命」(mercy)。「17th Door」由夫婦盧瑟(Robbie Luther)及希瑟(Heather)花10萬美元(78萬港元)建立。鬼屋佈置成一間醫學院,遊客進入鬼屋,便可感受一個濫藥、厭食和自殺大學生葆拉(Paula)的扭曲心理世界。全個歷程約30分鐘,但鬼屋自上月25日開幕以來,已有數百名遊客入場,其中四分一嚇到中途要喊「饒命」。鬼屋名副其實有17間房,遊客會被鎖在每間房90秒,直至校鐘響起,然後才進入另一間房。奇形怪狀的怪物在教室、圖書館、食堂,和其他看似熟悉的空間出現,他們會隨時觸摸及舔你。一些「恐怖愛好者」形容,「17th Door」是全球最驚嚇的鬼屋之一,參加者都收到忠告,想離場就喊「饒命」。但36歲的盧瑟指鬼屋的恐怖指數,仍與他的構思有很大距離。「我原本構思建造一間極端、可怕的鬼屋,會遭到遊客的抗議,令我要關閉它。」英國《每日郵報》





來源: http://hk.apple.nextmedia.com/international/art/20151015/19333996
入場 要簽 生死狀 生死 恐怖 鬼屋 敢唔 唔敢 敢試
PermaLink: https://articles.zkiz.com/?id=293241

冬至都唔旺街市加價唔敢太瘋狂

1 : GS(14)@2015-12-23 08:33:32

雖然說冬至大過年,但今年冬至街市市道認真麻麻。灣仔街市、鵝頸橋街市未見人潮,中午過後菜檔、海鮮檔仍有不少蔬菜、游水斑與海蝦,任君選擇。海鮮檔員工馬先生嘆謂市道疲弱,生意一般,即使來貨價比去年貴約10%都不敢加價。菜檔員工亦大呻「好靜、冇人」,其菜檔蔬菜也疊得高高。他說天氣未有對菜價造成太大影響,有平有貴,其中最受歡迎的豆苗35元半斤,比去年貴幾元。程小姐早上到灣仔買餸做節,決定今晚「打邊爐」,又說平日買雞約210元一隻,今天要260元,預計用1,000元買菜,「做節豪少少囉」。張太同樣預算花1,000元買菜,她說往年都會與家人外出用膳,但今年就想自己煮,魚、蝦、蟹、雞樣樣都買,預計買雞都要300元以上。





來源: http://hk.apple.nextmedia.com/news/art/20151223/19423105
冬至 都唔 唔旺 街市 加價 唔敢 敢太 瘋狂
PermaLink: https://articles.zkiz.com/?id=293996

Niki情人節唔敢約會

1 : GS(14)@2016-02-04 17:24:35

周麗淇(Niki)昨日以代言身份為荃灣一間首飾店擔任剪綵嘉賓,大會安排一位法籍型男先獻上桃花,跪地讀法文情詩及送上6卡鑽戒,但Niki對這份驚喜似乎感到有點尷尬。回復單身的Niki坦言不急於拍拖,情人節亦冇約會:「大時大節要好小心,若果冇興趣就唔好應約,答應得約會都係想有機會相處吓。」新年胞姐周汶錡飛返法國探親,不過Niki決定留港度歲,所以沒機會譜法國情緣,她自言有好多不同國籍朋友,連黑人朋友都有,她笑說:「我又唔會分男友同老公要乜嘢國籍,鍾意就得,我接受嘅國度好闊。」將來男友求婚未必需要跪地及送花,但一定要有戒指,因為是傳統象徵。採訪:馬建華攝影:陳順禎





來源: http://hk.apple.nextmedia.com/entertainment/art/20160204/19477999
Niki 情人節 情人 唔敢 約會
PermaLink: https://articles.zkiz.com/?id=295287

偷爸爸剃鬚刀剃頭小男孩:我以後唔敢掂啦

1 : GS(14)@2016-03-06 03:14:23

剃鬚刀非常危險,小童不應亂玩,美國這名頑名的男童偷玩爸爸的剃鬚刀,結果弄成這樣子……片段可見,這名小男孩剃成「清朝」頭,半邊頭髮都剃光光了,他看起來後悔不已,一臉傻氣。他的爸爸在片中一邊安慰他,一邊要他轉身展示新「髮型」。男童面向鏡頭發誓說:「我以後不會再拿爸爸的剃鬚刀了。」最後再應爸爸的要求道歉:「對不起。」不過,不少網民質疑一個小男孩第一次用剃刀,怎麼能夠剃得如此整齊,有人直言:「根本是爸爸為了博收視而自己做的!」有網民認為,小男童已經很沮喪,爸爸不應該再拍片羞辱他,「你不應該利用自己的孩子來博取點擊率及令他難堪,他長大後,其他人可能見到這片段而欺負他」,有網民則稱要「舉報他虐兒」。英國《每日郵報》





來源: http://hk.apple.nextmedia.com/international/art/20160305/19517680
爸爸 剃鬚刀 剃頭 男孩 以後 唔敢 敢掂 掂啦
PermaLink: https://articles.zkiz.com/?id=296914

【本周中伏】有沙油浸帶子 你敢食唔敢食

1 : GS(14)@2016-03-06 16:12:58

香港人生活繁忙,罐頭經常成為其中一餐主菜。


對忙碌的都市人來說,罐頭魅力非凡,不單可以即開即食,配上公仔麵或是白飯,更是深宵的人間美味。正正因罐頭的多樣性,坊間開始出現越來越多高級罐頭,五六十蚊一罐罐頭早以不是甚麼新奇事,不過貴又唔一定好食。這次果籽總動員為你試齊三款25元至70元、亞洲到歐洲的海鮮罐頭。


Pacific Pearl Smoked Qysters($29),中國出品的煙熏太平洋蠔,體形細小,帶有鐵。


1.Pacific Pearl Smoked Qysters產地:中國海鮮種類:太平洋蠔價錢:$29包裝圖片欺騙度:6/10評價:蠔隻較細,但數量頗多,賣相未算吸引。聞起來,煙熏味道尚算濃郁,吃起來肉質鬆散,非常油膩,與好味二字絕緣。


K&K白酒大蒜瀨尿蝦($48),肉質鬆散,蒜味嗆鼻,非常中伏。


2.K&K白酒大蒜瀨尿蝦產地:日本海鮮種類:瀨尿蝦價錢:$48包裝圖片欺騙度:2/10評價:蝦身非常細小,外表尚算不錯,如包裝般有齊七隻。未咬入口時,蝦身已經斷裂,未能品嚐到白酒香氣,而且蒜味非常嗆鼻,性價比低。


油浸帶子($65),極其油膩,而且帶子內含沙粒,令人無法好好享受。


3.油浸帶子產地:西班牙海鮮種類:帶子價錢:$65包裝圖片斯騙度:7/10味道:開罐時看到滿滿都是油,在中間放上一片乾茄,卻欠缺茄香。比包裝圖片細小,略有腥味,重點是帶子內含沙粒,讓人不甚舒服,中伏度極高。



記者:李泳烔攝影:梁志永





來源: http://hk.apple.nextmedia.com/su ... t/20160306/19517872
本周 中伏 有沙 沙油 油浸 帶子 你敢 敢食 食唔 唔敢
PermaLink: https://articles.zkiz.com/?id=297056

鍾舒漫敢愛唔敢講

1 : GS(14)@2016-04-23 18:37:51

上年與吳浩康分手的鍾舒漫(Sherman)昨日到荔枝角宣傳新歌《這首歌的名字是秘密》,歌曲講暗戀心態,Sherman說:「其實首歌好正面,鍾意對方而唔話畀佢知,只希望對方得到幸福,我就冇呢個經歷,不過係我而家嘅愛情觀,想單純啲。」現時可有暗戀對象?她笑說:「係秘密不過唔心急,展開一段戀情之前一定要先觀察清楚。」





來源: http://hk.apple.nextmedia.com/entertainment/art/20160423/19582467
鍾舒 舒漫 漫敢 敢愛 愛唔 唔敢 敢講
PermaLink: https://articles.zkiz.com/?id=299597

A2A行性感唔敢食

1 : GS(14)@2016-05-08 01:44:11

孖妹女子音樂組合A2A最近推出新歌《You Ain't Comin' Back》派台,為方便觀眾辨認,妹妹吳燕菁(Annice)繼續短髮,姊姊吳燕珊(Annelle)則依然保留長髮。
A2A今次為配合新歌一改之前走清純路線的形象,日前拍攝新歌MV時以一身狂野造型出現,穿上一件貼身開胸上衣,二人笑言其實是泳衣,她們說:「今次MV其實有3個造型,其中一件貼身黑色衫好性感,係第一次咁性感,因為呢件係泳衣嚟嘅!」兩姊妹更笑言為了穿這件衫,拍攝前都不敢吃得太多。撰文:小米





來源: http://hk.apple.nextmedia.com/entertainment/art/20160506/19599495
A2A 性感 唔敢 敢食
PermaLink: https://articles.zkiz.com/?id=299757

莊思明嚇怕:唔敢出海

1 : GS(14)@2016-06-06 03:03:13

■莊思明昨日指男友楊明已見家長,還獲爸爸稱讚。


莊思明為麥德羅、王維德於明日假九展舉行的「霹克好德兄弟演唱會」擔任嘉賓,昨日他們在旺角進行綵排。思明早前被發現與清洪契仔巫翊鳴遊船河表現親熱,她強調契哥巫翊鳴認識男友楊明:「齋睇相冇問題,只係報道字眼話陪玩、人肉三文治有問題,當時係契哥想扯我落水,另一個朋友阻止。其實遊船河好陽光、好正面,而家搞到我唔敢出海。」她指爸爸曾與楊明食飯,還讚對方乖仔,但沒有催婚。


■莊思敏近日心郁郁想割雙眼皮。


此外,曾經隆胸的莊思敏最近想到韓國做微整形小手術:「好想割雙眼皮,6年前做過雙眼皮吊線,條雙眼皮開始耷,間中黐雙眼皮膠紙都黐到有啲煩,所以想年尾去割。」採訪:張俊銘攝影:陳慧安





來源: http://hk.apple.nextmedia.com/entertainment/art/20160602/19637141
莊思 思明 明嚇 嚇怕 唔敢 出海
PermaLink: https://articles.zkiz.com/?id=301953

慈父呆等3日拎籌救囡排隊黨佩服唔敢插隊

1 : GS(14)@2016-07-06 07:58:13

山東一名好爸爸為了損肝救自己患有罕見疾病的女兒,不惜呆坐3天在醫院等掛號,連就排隊黨也佩服他的毅力,最後「皇天不負有心人」,他的女兒經歷1年零3個月漫漫求醫路和37天住院生活後,終於康復出院。這名絕世好爸名叫侯丙福,1980年出生,在山東當巴士司機。2013年7月,他的妻子生下女兒小軍。過了不久,原本已學會走路、活潑愛笑的小軍忽然不正常了。「吃飯少了、沉默了,甚至不會走路了。連媽媽也不會叫了...」經檢查,小軍患有OTC基因導致的雜合致病突變,臨床表現為尿素循環障礙。去年起,侯丙福為給女兒軍秀治病,連續到過南京、武漢、上海、雲南等多個地方,但所得到的都是「你這個病很罕見,這裡治不好」這樣的答案。每當這個時候,侯丙福都會再求醫生「給推薦個能治的地方吧」。 最後,他找到北京一所知名醫院,那裏有一位全亞洲知名的兒童代謝專家,但這名醫生只有每周三、五看病人。去年6月的一個周三,侯丙福從早站到晚也沒有排到號。他決定不走了,就坐在那裏等,一直等到了周五。其間,侯丙福餓了就在杯子裡泡麵吃,困了就躺在地上休息。周五那天,他終於拿到號,上面卻寫着「12月12日」,這意味要等上半年時間。幾近絕望之下,侯丙福找到了這名醫生的助理,並向對方苦苦哀求。助理也認出了這位「這些天始終呆在醫院門口的父親」,於是把掛號的時間提前了3個月,侯丙福仍不甘心,又一次次跑去求他,終於就診時間安排在第二周。坐在醫院門口等掛號的日子裡,侯丙福有一個方法,就是遠比排隊黨(號販子)排隊早,無論是在醫院門口原地坐兩天、三天,還是更久,他都不在乎。「怎麼又來了,唉!」後來,排隊黨也都服氣了,看見他也禮讓三分,不敢打尖。前日下午5時半,侯丙福抱起女兒準備出院。回到家中,侯丙福最煮好了女兒生病前最喜歡吃的番茄炒蛋和小米粥。其妻說,侯丙福從來不會做飯,但為了女兒,蕃茄炒蛋已經練到飯店級水平了。《齊魯晚報》





來源: http://hk.apple.nextmedia.com/international/art/20160705/19682137
慈父 呆等 日拎 拎籌 籌救 救囡 排隊 佩服 唔敢 插隊
PermaLink: https://articles.zkiz.com/?id=302545

湯文亮﹕香港官員文化——敢設唔敢撤

1 : GS(14)@2016-08-06 00:31:41

【明報專訊】香港官員雖然有問責制,好似從未有問責官員因為失職而下台,反而不過不失而「被離職」就出現過,被離職的官員當然不開心,好彩有大佬出頭,政治根基濃厚,可以說是根正苗紅,如果特首不能夠連任,有很大原因與這件事有關,不過,大家亦無謂胡思亂猜,未到最後,都唔知道鹿死誰手。

香港官場有自己獨特的文化,如果唔適應,很容易揹鑊,繼而被離職,有人會認為一定是不做不錯,多做多錯,唔做唔錯,以前我都認同,但自從推出限奶令至今仍未撤銷,甚至連在什麼情况下撤招都唔敢講,我認為香港官場文化已經轉變,現在是敢設唔敢撤,限奶令如此,辣招又是如此,因為任何緊急政策,都是有需要時才會設立,一個普通官員都做得來,但要撤招,就需要有相當的魄力,因為撤招後在一旦出現一些負面效應,拍板撤招官員就要揹鑊,所以基本上任何臨時法例,最後都會變成永久法例。

官員怕揹鑊 不敢拍板撤辣招

我相信有人會不同意,他們會說天文台在打風時掛波,颱風過後就落波,敢設敢撤,我唔敢回答,如果天文台敢掛風球,唔敢落風球,即是大部分香港人再也唔需要返工返學。不過,天文台落波都非常保守,明知妮妲已離開,甚至已經在廣東省登陸,仍然要等到12點40分才落波,令不少人可享受整天的假期,但同時又打亂了很多人的部署,最理想就是上午10時30分落波,要返工的人有三個半小時準備,相當足夠,但天文台長始終帶有香港官場文化,就算風和日麗都唔敢撤,在這種文化下,各位亦唔好奢望政府會撤銷辣招。

另外,我會在下周六(8月13日)和《明報》投資及地產版主編陸振球合作主講我今年最後一場講座,詳情及報名請登入: https://goo.gl/x8jeL3

紀惠集團行政總裁

[湯文亮 敢說亮話]


來源: http://www.mpfinance.com/fin/dai ... 8135&issue=20160805
湯文 文亮 香港 官員 文化 敢設 設唔 唔敢 敢撤
PermaLink: https://articles.zkiz.com/?id=304379

黃建東肉緊咀爆楊明唔敢俾莊思明睇?

1 : GS(14)@2016-09-06 22:51:03

前港男黃建東(東東),近日喺大台劇集《為食神探》飾演一個camp爆同志,同楊明仲有肉緊咀對咀場面。東東話:「記得當初同楊明討論會係借位定係堅咀,大家都覺得係劇情需要,所以決定真咀,希望令觀眾留下深刻印象。」東東話拍攝時現場工作人員嘩聲四起,個接吻鏡頭仲要NG咗好幾次:「原來拍咀戲,NG係一件好辛苦嘅事,因為好尷尬但係又要死撐,而我個角色又狼死又鹹濕。」至於問到東東怕唔怕被定型做呢類角色:「其實冇得怕,因為自己讀戲劇出身好鍾意演戲,同埋觀眾仲未記得我個名,好希望觀眾可以記得TVB有個演員好豁得出去叫黃建東。」不過東東笑言希望莊思明冇睇到呢場戲,因為好驚激嬲阿嫂。




來源: http://hk.apple.nextmedia.com/entertainment/art/20160906/19761159
黃建 建東 東肉 肉緊 緊咀 咀爆 楊明 唔敢 敢俾 俾莊 莊思 思明 明睇
PermaLink: https://articles.zkiz.com/?id=307836

地產潮文:港人想生仔都唔敢

1 : GS(14)@2016-09-09 05:05:38

上周日除了是投票日,還是一二手樓價創新高的日子。一手方面,港人港地樓盤即使天價開售都收票逾萬張,3小時就賣出過百伙,逾四分一是一併買入兩伙;元朗新盤即使均價累計加幅逾17%仍大有捧場客;華懋新樓盤收票量逾9,000張,大量市民冒雨站在楊屋道等候。二手方面,二手樓銀行估價亦創年內新高,準買家要入市就只能追價。有雜誌在婚紗展中訪問新人,他們對置業取態迴異。有的認為開放式與一房單位只適合新婚夫婦,如想孕育下一代,就要考慮地方是否合用,也有市民直言「想生都唔敢生」。事實上,新樓開放式廚房設計對小朋友帶來安全問題;小朋友充滿好奇心,廚房是他們的「禁地」,但大部份開放式廚房與客飯廳之間都沒有門阻隔,而且較難重新加建欄河,容易造成家居意外。該雜誌亦建議準新人先選擇市區樓齡較高私樓居屋或單幢式兩房單位上車,舊樓單位間隔較新樓實用,管理費亦較相宜,但要留意維修開支,以及預計將來轉售時保值能力或會較藍籌屋苑遜色。樓價持續高企,除了造成有樓者越富、無樓者越貧的現象,還令年輕一代難以參照上一代辛勤工作便可安居無憂的方程式,組織家庭逐漸成為奢望。香港人失去希望,不單因為政客只為私利無視民生;還有政府將高地價政策推向極端,導致港人無法安居兼生兒育女;加上政府和政客優先照顧每天150個單程證新來港人士,怎會不令港人心酸?地產小子
http://www.propertykids.blogspot.hk本欄逢周四刊出x




來源: http://hk.apple.nextmedia.com/financeestate/art/20160908/19763630
地產 潮文 港人 想生 生仔 仔都 都唔 唔敢
PermaLink: https://articles.zkiz.com/?id=308149

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019