ZKIZ Archives


前海專題: 點解香港樓市升極唔停?(上) Home Blogger

http://www.homebloggerhk.com/?p=5857

深圳前海有不少人聽過,但到過既人未必好多。因此諗樣貼出圖一幅,等大家了解一下。其實深圳有前海同後海。後海同我地香港既後海灣勉強相通,總之就係你由天水圍隔離既深圳灣大橋出發,到深圳一方為後海。而後海再向西行,即地圖之左上角處,即為前海。你由地圖上觀察屯門到元朗之距離,大概就係後海到前海之距離。再加上由屯門經深圳灣大橋到大陸一方,巴士行都係十五分鐘。換言之,由前海到屯門,只不過屯門去荃灣之距離,大車行都係半小時必達之地。

 

咁前海攪乜春呢? 前海係塊平地,暫時只有住宅,但中央已指令前海將為深圳特區之中既特區,該處開業銀行可將人民幣貸款比大陸企業。昨日(28/1/2013)香港有十幾間銀行已同上面簽約,落實此協定。咁關你咩事呢? 第一,可以將錢借比大陸公司係一門好吸引既生意,「藍海」黎既,之前未可以合法做,大把香港銀行會仆上去開分行做生意,費事再賺香港人既艱難錢,前海會旺起來。第二,香港銀行更有誘因收納你袋中之人民幣,上面借比人平都收7厘年息,香港定期只不過2-3厘,筆者所見,香港人仔定存利率會上調。第三,前海為香港帶來更多跨境工作機會,前進前進進。

 

講返老本行,即樓市。你有冇收過風而家前海樓房賣幾錢呢?即寶安區一帶。你預舊一些星海名城做緊100平方米賣緊300餘萬,新樓80平方米索價400萬人仔。轉換成香港用之呎價,即100平方米約為1000呎,咁即係舊樓HK$3800蚊呎,新樓HK$6250一呎,同天水圍比,邊個平D?

 

留意比價必須用香港之實用呎價同大陸比,因大陸賣樓係100%實用率,不時更有120%實用率。係香港既你同我即時變哂青蛙,見到120%實用率同老李之66下實用率相比,彷彿當火星人去到水星咁,完全唔很明。原因係大陸你間400呎樓,你係收樓時係搵到400個(1 X 1呎)地磚的,冇花假,冇呃呎。友人同我閒談時提及,佢朋友買樓時搵人度呎收樓,發覺只度上398個地磚,但佢就比左400呎價錢。我問? 點先? 係咪補返兩格單車泊位佢? 結果係發展商即退返2呎既錢比佢,所以你話大陸買野唔均真? 睇下你買乜? 香港都唔好成日話自己高水平啦,食水深有時確實辦到。

 

前海現時都未發展,他日升番三到四成,不足為奇。大陸發展有佢一套,你唔使擔心佢發唔起。擔心既係前海已經等於「深圳之九龍灣」,即係樓價已是三線,都去到至少三千幾蚊港銀水平,你話佢落到黎香港,其實佢買間樓真係唔奇。講到呢度你又話:「咪就係大陸大炒貴哂D樓囉!!! 至少佢有份!」諗樣當然收到,就算1%都算有份,但香港樓市全面走高不只是大陸人來港買貴哂一句咁簡單解釋哂,亦唔係乜X野「剛性需求」可解釋,要理解此問題應回基本步,就係兩地(香港及深圳)漸漸融合,深圳平均樓價已達港元7000一呎,那麼富有自由經濟特別既香港,用$7000蚊做起步再叫價又何奇呢?

 

當然,大部份年青人到此都好心傷,認定自己一世都買唔到樓。但樓市不是長升長有的,大陸既股市同樓市,跌下來比誰也兇! 但此時你把深圳樓市行情了解一下,你自然知道點解香港既樓升極都未停。

 

下午更深入去探討樓市與深圳發展之影響。可留言作亙動討論。

前海 專題 點解 香港 樓市 升極 極唔 唔停 Home Blogger
PermaLink: https://articles.zkiz.com/?id=43590

前海專題: 點解香港樓市升極唔停?(下) Home Blogger

http://www.homebloggerhk.com/?p=5866

上回提及深圳發展如何影響香港,前海發展更推高兩地樓價。

 

當然政府加左15%BSD係有效抑止內地人買樓的,深圳人現到港買棲已沒有匯水優惠了。不過發展商係推新樓時估計會有對策,化15%BSD為無形。

 

再講國情,現時深圳請一個大學生已經要12000-15000蚊(人仔),比香港仲高。比你係大陸,都會黎香港買正貨啦。朋友係大陸招大學畢業生,有應徵者是搵轉工糟,開價達兩萬(人仔)。此乃有深圳戶藉之居民賺到既價錢,賺幾千蚊一個月只係外省黎既民工,須量大但香港可以唔理佢地。只要一批賺到錢既深圳原居民,已可浸死本港了。諗樣不是在此引發中港矛盾,而係想你了解國情,為港之變數深思一下,就會發覺人地講到咁驚嚇,其他係時代區輪促使之事,不足為怪。有時間返去行個圈,了解一下。

 

當你一出深圳到「二線」,價錢係會下跌的。野食由38人仔午飯跌至15。樓價也平一半。「二線」你當係龍崗再向北之地方。龍崗即富士康之工廠附近。所以電視成日映富士康既工人有幾慘,做十個鐘只得一百幾千,你緊係覺得深圳人工低同困苦啦! 但係班工人唔係深圳人,地方嚴格黎講唔係深圳,所以你我又要再了解一些了。

 

再講深圳人,其實佢地都係覺得樓價太貴,會搬出市中心,搬到世界之窗站或龍崗一帶地方的。地方一係平左,一係住大左。所以每一個城市,均會出現低收入一群,或不願為房付出者,或想住平而大屋者,由市中心搬出偏遠區域之事。由核心地區版迫出偏遠地方居住,不只是香港人。想比平租而又住係方便地方者,係大城市根本係天方夜譚。當然現時樓價已和香港人收入脫節,諗樣同意。所以有此網為大家出謀獻策! 係不合理之商人環伺,民生正被另一城市之掘起大受影響,你我可以自求多福,多由不同渠通收風求變。


前海 專題 點解 香港 樓市 升極 極唔 唔停 Home Blogger
PermaLink: https://articles.zkiz.com/?id=43591

吞肥皂狗餅 英怪病少女食唔停

1 : GS(14)@2012-05-26 19:14:43

http://hk.apple.nextmedia.com/international/art/20120525/16367614
英國20歲少女霍爾( Jade Hall左圖左)食量驚人,吃極不飽,皆因她患有罕見遺傳病,令她自小就暴飲暴食,試過連肥皂和狗餅也吃下肚。
霍爾剛出世時拒絕進食,生長緩慢,但自16個月大起,食慾逐漸變大(右圖),直至四歲確診患上罕見遺傳疾病普拉德威利症( PWS),導致腦部無法傳遞訊息讓她身體知道已吃飽,以致自少就毫無節制飲食。她試過吃了12道菜後,仍覺得肚餓要繼續吃,以致體重不斷飆升,目前已達127公斤(280磅)。
霍爾的家人現在嚴格控制她的飲食,每天只讓她攝取750千卡路里,又將雪櫃和食物櫃鎖上,並無時無刻看着她,以免她狂食致死。但有時他們也會走漏眼,有一次霍爾洗澡,就趁媽媽別過身時偷吃肥皂,還有一次她從狗狗的食物碗中偷狗餅吃,可見病情十分嚴重。
英國《每日鏡報》
肥皂 狗餅 英怪 怪病 少女 食唔 唔停
PermaLink: https://articles.zkiz.com/?id=279592

台北追踪24小時咀唔停胡杏兒閃婚

1 : GS(14)@2015-01-30 01:37:11

2015-01-29 NM

單身三年,胡杏兒今次堅係「我找到了」!據了解,拍拖只有短短三個多月,但已經火速認定對方是另一半,男友已經正式求婚,胡杏兒準備好,隨時閃婚。上星期六(一月二十四日),胡杏兒陪男友到台灣出席朋友婚禮。愛得痴纏,兩人全晚十足連體,毫不避忌當眾十指緊扣,貼身擁抱,溫馨錫嘴通通做齊。第二日,因為胡杏兒要趕回廣州工作,要提早離開台灣,二人更表現得極度不捨得對方,臨分開前,更上演一幕熱吻街頭。獵頭公司老細

最近胡杏兒要長駐動物園,為湖南衞視拍攝真人騷《奇妙的朋友》,上星期六(廿四日),趁住有兩天假期,她專登飛到台灣,拍拖陪男友出席朋友婚禮。胡杏兒的男友Philip Lee,身邊朋友愛稱呼他Phil,六呎高的他剛剛四十歲出頭,原本在英國倫敦做金融,年前返港發展,經營獵頭公司,亦是蘭桂坊夜場Play投資者之一,屬於白手興家青年才俊,無論外形及背景,同胡杏兒十分匹配。抵達台北當晚,兩人同車去到喜宴場地寒舍艾麗,一落車,Phil慣性地拖實胡杏兒,在場內每當見到朋友,他都會主動介紹女友給對方認識,毫不掩飾拍拖關係,胡杏兒對於男友的「確定」舉動,顯得受落。

連場親熱

婚宴開始,飲了幾杯酒後,兩人更加放鬆,態度亦愈來愈親熱;當台上有人唱歌,Phil便企上櫈,從後攬住女友跳舞,胡杏兒亦配合捉住男友雙手,隨住音樂節奏擺動身體。記者發現,二人相視悄悄話時,Phil會忽然一啖錫落女友面珠。如此公開的親暱行為,在很短時間內已重複多次。其間,有同枱的嘉賓離開座位,胡杏兒同Phil見附近人少少,於是再進一步,四目交投互相對望,再來一個深情一啜,甜蜜程度,比新郎新娘更甚。接近散席,臨走前Phil拖住胡杏兒周圍同朋友傾偈,其間他的雙手從無離開過女友,不是攬腰就是掃背,之後更索性身貼身,心口對心口攬到實一實,胡杏兒亦以雙手攬實男友俾反應,搞到Phil當堂冧晒,二人全將身邊朋友當透明!

街頭熱吻

等車離開時,Phil又經常含情脈脈望住胡杏兒,望望吓,便會情不自禁,忍唔住當街錫女友面珠,好痴纏!搭的士返酒店休息了約一個小時後,兩人換過打扮再出動,徒步行去華納威秀附近的夜場Halo,一直玩到凌晨三點才離開,但並非返酒店,而是轉場到錢櫃唱K,臨近天光先夠籌。前後休息了唔夠五小時,胡杏兒便要起程離開台北,趕返廣州開工。女友要提早走,Phil送她上的士時,表現得難捨難離,行幾步就攬一攬、錫一錫,短短十幾步路,已經攬了兩次,錫了兩啖。行去準備上車,胡杏兒見男友望住自己難離難捨,於是又行返轉頭,和Phil上演一幕街頭熱吻。

唔續約等嫁

據了解,胡杏兒和Phil是經朋友介紹認識,兩人一見鍾情,拍拖只得三個多月,已經發展迅速,雙方都認定對方是另一半。「Phil都四十歲,近呢一年開始修心養性,家庭觀念亦變得愈嚟愈重,好想結婚安定落嚟,杏兒係我哋一班朋友,見過嘅女朋友之中佢最鍾意嘅一個;以前佢唔會成日將女友掛喺口邊,但佢就成日都喺我哋面前讚杏兒點好點好,就算喺朋友面前,Phil同杏兒都係咁煙韌,恩愛到出晒面。」Phil身邊人說。據知,在聖誕節時Phil已經正式求婚,胡杏兒亦當正對方是真命天子,兩人有共識準備閃婚,由於準老公要求女友婚後退出幕前,所以她一切有關和無綫商談續約事宜,目前已經全面停止。三十五歲胡杏兒,一心一意,準備結婚做人妻。

貴精不貴多

入行16年,胡杏兒公開承認的男友只得兩個,12年與Bosco黃宗澤結束八年情後,一直未有着落。

混血兒01年,與中、意混血兒圈外男友拍拖出席首映,令戀情曝光,二人更過着半同居生活,02年胡杏兒於台慶奪「飛躍大獎」,更公開多謝男友支持。

黃宗澤04年合作《我的野蠻奶奶》撻着,二人愈愛愈高調,11年胡杏兒在台慶奪視后,曾發表愛的宣言,其後有指Bosco偷食不改,胡杏兒一怒之下,狠斬八年情。

國台男與Bosco甩拖後,胡杏兒先後與內地演員于波及台灣藝人黃少祺拍戲而傳緋聞,但最後全無下文,煲水居多。

李思捷去年3月,胡杏兒夾埋李思捷玩扮有嘢,女方在微博上載一張攬住李思捷的親密照,並留言「我找到了」,惹來新歡疑雲。

閃電結婚

愛情有期限!拍拖得個拖字,拖拖吓就散埋,圈中不少馬拉松情侶,最終都是分手收場,反而閃婚相安無事。

大S(徐熙媛)、汪小菲49天台灣女藝人大S(徐熙媛)與內地富商汪小菲,10年在好友安以軒的生日會上碰上,相識短短49天,已在北京閃電結婚,當時胞妹小S(徐熙娣)更嘲笑閃婚會否導致「閃電離婚」!

鄭中基、余思敏8個月10年與蔡卓妍宣布離婚後不夠一個月,鄭中基火速搭上有線主播余思敏,拍拖8個月,余思敏傳出大肚,閃電註冊成為鄭太。

魏駿傑、張利華6個月與滕麗名合作無綫劇《陀槍師姐》撻着,07年結束九年情,半年後,魏駿傑與比他年輕二十年的重慶大學生張利華結婚,現育有一女。
臺北 追蹤 24 小時 咀唔 唔停 停胡 胡杏 杏兒 兒閃 閃婚
PermaLink: https://articles.zkiz.com/?id=287546

靚靚中環嘆茶講唔停

1 : GS(14)@2015-03-15 14:45:36





袁詠儀、黃佩霞和蔡一智夫婦昨日在中環嘆茶,到中段時分才見張智霖加入,未知是否近日工作太忙,Chilam全程沒精打采,不時低頭用電話,靚靚則與黃佩霞傾過不停,其後阿智的太太先行離開,他們逗留多一會兒,由阿智埋單後走人。另一方面,Chilam和靚靚夫妻檔演出的真人騷《一路上有你》收視報捷,成績僅次於《快樂大本營》、《非誠勿擾》的真人騷。





來源: http://hk.apple.nextmedia.com/entertainment/art/20150314/19075257
靚靚 中環 嘆茶 茶講 講唔 唔停
PermaLink: https://articles.zkiz.com/?id=288483

嘉玲之之美人飯局街頭傾唔停

1 : GS(14)@2015-05-26 08:43:45

【意猶未盡】■劉嘉玲同關之琳飯局,離開時仲同大班朋友喺大廈門外傾偈。








【中環→灣仔】關之琳舊年8月為鍾鎮濤(阿B)同范姜喺峇里嘅婚禮擔任證婚人,但大前日佢因為要去歐洲出席雙年展,所以冇出席二人喺香港補擺嘅婚宴。不過,原來之之日前已經返抵香港,前晚更相約老友劉嘉玲喺中環荷李活中心食晚飯,同行仲有近十位男、女朋友,相當熱鬧。



嘉玲拉隊去灣仔

嘉玲大前晚孖老公梁朝偉出席阿B同范姜嘅婚宴,前晚就選擇撇甩偉仔,同之之一齊出席飯局。當晚約10點半左右,分別以牛仔look打扮嘅之之同嘉玲,與大班朋友由中環荷李活中心行出嚟嗰時,見到二人臉上均泛紅,明顯係飲咗酒,而大班人行出大廈之後,似乎喺飯局入面仲未傾夠,佢哋分成兩堆企喺大廈門外繼續傾偈。由於入夜後街上比較寧靜,各人暢談期間傳出嘅笑聲亦頗引人注目,傾咗十多分鐘之後,眼利嘅嘉玲終於發現有記者拍照,佢就即時提醒朋友:「小心啊!有記者!轉頭見啦!」經嘉玲提醒後,各人隨即四散上車,而嘉玲及之之則分別坐上兩架七人車離開,原來佢哋食完飯轉場,與友人相約喺灣仔香港萬麗海景酒店會合,繼續狂歡。而嘉玲同之之當晚心情亦相當好,落車時見到記者亦全程笑笑口。採訪、攝影:畢紹基、潘冠恩、徐錦池



【眼利醒目】■眼利嘅劉嘉玲前晚飯後,喺大廈門外發現有記者拍照,即通知友人離開。

【笑容滿臉】■關之琳得悉有記者即嗱嗱臨上車,但就全程保持笑容,心情不俗。

【轉場灣仔】■晚飯後,臉紅紅嘅劉嘉玲同關之琳及其他友人轉場到灣仔酒店再飲。



來源: http://hk.apple.nextmedia.com/entertainment/art/20150525/19159143
嘉玲 玲之 之之 美人 飯局 街頭 傾唔 唔停
PermaLink: https://articles.zkiz.com/?id=290573

【馮仁昭四圍超】阿佘生日飯食唔停

1 : GS(14)@2015-05-26 08:45:39

仲有3日就生日嘅佘詩曼圈中人緣甚好,連日有唔少朋友同佢切蛋糕預祝生日。前晚一眾《金枝慾孽》台前幕後同佢慶祝。雖然年齡向來係女人嘅秘密,但阿佘就唔介意人知佢快將40歲,佢同郭少芸、周家怡、黃德斌等大合照嗰陣,仲同大家一齊舉起4隻手指,認真玩得!為氹壽星女開心,場地以蛇同花花氣球佈置,搞到阿佘笑到成個少女咁,點睇都唔似4字頭!撰文:馮仁昭





來源: http://hk.apple.nextmedia.com/entertainment/art/20150525/19159253
馮仁 仁昭 四圍 阿佘 生日 飯食 唔停
PermaLink: https://articles.zkiz.com/?id=290575

杏兒Phil開餐傾唔停

1 : GS(14)@2015-08-17 08:32:30

讀者提供圖片


【爆相爆片】胡杏兒與夜場老闆男友Phil越愛越高調,讀者唐太昨日透過本報「爆相爆片」,拍到杏兒前晚帶Phil及親友到大埔食飯,席間杏兒跟男友Phil傾唔停。杏兒昨日凌晨又在facebook貼了與男友拖手背影相晒蜜,有傳杏兒今年12月28日在英國出嫁,而拖手相似是暗示執子之手,與子偕老。採訪:楊定





來源: http://hk.apple.nextmedia.com/entertainment/art/20150816/19257531
杏兒 Phil 開餐 餐傾 傾唔 唔停
PermaLink: https://articles.zkiz.com/?id=292026

痘痘生唔停食雪糕戴headphone都出事?

1 : GS(14)@2015-09-01 06:52:21

很多人臉上都會長痘痘,而有些痘痘總是清除不掉,這邊消了幾個,第二天那邊就又長出新的痘痘,痘痘一直長不停,可能因以下這些人們常忽略的原因。1.吃太多乳製品炎炎夏日吃雪糕就最消暑,不過乳製品也是誘發痘痘的原因之一,就算你沒有乳糖不耐症,或不會對奶製品過敏也不宜吃過量。試試少吃點雪糕、芝士等乳製品,你的長痘痘情況可能有改善。2.耳機傳細菌許多人都有戴耳機聽音樂的習慣,但這也可能是下巴或臉輪廓線長痘痘的原因,特別是罩耳式的耳機,汗水和細菌容易停留在耳罩上,建議每次使用時都先擦拭耳罩,或使用完耳機後,用濕紙巾或卸妝紙巾抹一抹臉頰。3.洗澡水溫過熱熱水澡可能帶走肌膚水分,導致肌膚乾燥及令暗瘡問題惡化。洗澡時,水溫控制在溫水甚至是冷水,對肌膚是最溫和的。此外,洗頭水和護髮素中含有油脂,順着水流滑落並停留在後背肌膚上,可能會阻塞毛孔,建議洗澡時將身體留到最後洗,便能避免洗頭水及護髮素殘留在肌膚上。4.經常洗臉一些人會經常洗臉,一天洗好幾次,每次都會用洗面乳等護膚品。但是正常來說,每天早晚各洗一次臉就夠了。經常性洗臉可能會破壞皮膚。因為臉上皮膚本來就是比較薄弱,分泌的油脂對臉上皮膚起保護作用,經常洗臉會把這些油脂洗走,臉上的皮膚直接裸露,更容易長暗瘡。用一些洗面乳洗臉,會破壞臉上皮膚的酸鹼平衡,刺激皮膚,亦會容易長暗瘡。5.出汗不抹很多人在臉上流汗時不在意,只是簡單用手或衣袖擦掉。其實如果不把臉上的汗洗走,汗水裏的細菌會停留在皮膚上,且滲透進毛孔,破壞皮膚。除了會長暗瘡外,還會令毛孔粗大。所以臉上流汗時一定要洗淨。6.毛巾不乾淨其實毛巾和枕頭應該每天都要清洗消毒,因為這些物件上,有很多我們肉眼看不到的蟎蟲等污衊物,這些蟎蟲進入毛囊中,就會長痘痘。所以毛巾枕頭等物件,最好要經常清洗,而且要經常拿出去晾曬,因為陽光是可以直接殺死裏面的蟎蟲的。7.用錯防曬產品大家都知道防曬是很重要的,但部份防曬產品中所使用的成分,卻有可能造成毛孔阻塞。如果你的皮膚天生容易長痘痘,在選擇防曬時產品,不妨稍留意產品上是否特別標示不致粉刺,或是選擇配方不含油成分的產品。華人健康網





來源: http://hk.apple.nextmedia.com/international/art/20150831/19276728
痘痘 生唔 唔停 停食 雪糕 headphone 出事
PermaLink: https://articles.zkiz.com/?id=292086

陳祉妤嘆日本菜傾唔停

1 : GS(14)@2016-02-04 17:24:38

【中環】名模陳祉妤(Balia,前名陳沛嘉)離婚後雖然一直冇公開新戀情,但係朋友多多嘅佢絕對不愁寂寞,除咗打高爾夫球,平時「飯腳」都唔少,前晚佢又同兩男一女友人喺中環食日本菜,四個人十分好傾,枱面嘅食物食晒都仲未傾完,最後發現舖頭差不多走剩佢哋一枱先埋單走人,離開時Balia仲同一對男女友人擁抱道別,之後就同另一位男士上咗一架七人車,由司機接走離開。採訪、攝影:徐錦池、潘冠恩





來源: http://hk.apple.nextmedia.com/entertainment/art/20160204/19477973
陳祉 祉妤 妤嘆 日本 菜傾 傾唔 唔停
PermaLink: https://articles.zkiz.com/?id=295290

張堅庭嘆茶講唔停

1 : GS(14)@2016-02-28 16:39:29

【中環】導演張堅庭前日喺中環置地中庭嘅咖啡店,同幾個朋友嘆下午茶食蛋糕,一直有寫開親子專欄嘅佢,舊年仲投資幾百萬喺離島開辦國際幼稚園。見佢對住坐喺面前嘅兩男一女,一時指手劃腳,一時七情上面,幾乎講足全程,十足老細訓示員工咁樣。好彩張堅庭最後都對佢哋笑番,仲好識做咁拎住張單埋咗佢。其實對下屬嘅技巧同教細路一樣,都係要一軟一硬,一收一放,睇張堅庭咁收放自如,就知佢唔係得講字啦!採訪、攝影:朱志聰





來源: http://hk.apple.nextmedia.com/entertainment/art/20160228/19508715
張堅 庭嘆 嘆茶 茶講 講唔 唔停
PermaLink: https://articles.zkiz.com/?id=296345

城城舊愛素顏現身姚正菁陪中年男 吹水笑唔停

1 : GS(14)@2016-03-13 02:40:31

【銅鑼灣】郭富城近日新歡舊愛都有新聞,舊愛熊黛林宣佈接受同拍拖一年幾、郭可盈嘅細佬郭可頌求婚,而城城現任、比細佢23年嘅國產辣模方媛(Moka)就傳扭男友買上海千萬豪宅,搞到城城疏遠女友,城城噚日向本報開腔回應:「最近又有一些荒謬作料新聞。我只有一如既往一笑置之!」盡顯保護女友Moka之情。



【分工合作】■姚正菁(右)喺商場美食廣場排隊買飲品,西裝男就去霸位。 DV圖片

【不時冧笑】■姚正菁同中年男有滔滔不絕嘅話題,仲不時手指指露出笑容。 DV圖片



身形圓潤唔少


城城一向對戀事保密,不過佢未走紅時喺無綫做舞蹈員年代,亦曾經認過同當時做藝人嘅姚正菁相戀。淡出娛樂圈已有一段日子嘅姚正菁,前日同一個西裝中年男現身銅鑼灣購物,見佢一身黑皮褸、四個骨褲同平底波鞋打扮,素顏妝容五官冇乜大變化,只係身形就圓潤咗唔少,以年屆半百之齡算保養得宜。二人應該之前行咗一輪,姚嘅男伴已拎住一袋購物袋,行到附近嘅希慎廣場,大部份時間二人都並排而行,但就隔咗一個人身位,唔多見有親暱動作。原來二人想醫肚,入到商場嘅美食廣場休息買嘢飲,中年男就負責霸位,而姚正菁就去畀錢買飲品,之後由男伴接力去拎飲品。兩個人坐足30分鐘,全程都係男士主講,姚正菁就做聆聽者,佢聽得投入全程笑笑口,嘆完飲品就一齊離開。雖未知姚正菁嘅婚姻狀況,但佢兩年前曾出過活動,當時透露已有17同13歲嘅囡囡,男伴係唔係佢另一半,就不得而知喇。採訪、攝影:梁繼光



【90年索樣】■活躍於90年代電視圈嘅姚正菁,當年曾同城城拍過拖。資料圖片

郭富城



來源: http://hk.apple.nextmedia.com/entertainment/art/20160312/19526034
城城 舊愛 素顏 現身 姚正 正菁 菁陪 中年 吹水 水笑 笑唔 唔停
PermaLink: https://articles.zkiz.com/?id=297740

【今日笑一笑】黑狗坐車唔願唞 吹水唔停口

1 : GS(14)@2016-05-08 01:56:11

外國有一頭黑狗坐主人的車出外玩,表現得非常興奮。牠不願安坐後座休息,反而不斷發出高頻聲響,好像是想和主人談話似的。主人見到這頭喋喋不休的傻狗,不禁笑過不停。
YouTube





來源: http://hk.apple.nextmedia.com/international/art/20160505/19599001
今日 笑一 一笑 黑狗 坐車 唔願 吹水 水唔 唔停 停口
PermaLink: https://articles.zkiz.com/?id=299854

拍跳樓戲一Take過JM吊威吔淋雨嗌唔停

1 : GS(14)@2016-05-08 01:56:16

【吊住淋雨】■JM昨在佐敦為新戲拍攝一場冒雨跳樓戲,被吊在二樓半空,現場工作人員不停射水。


文詠珊(JM)最近與余文樂、張晉等人合作拍攝新片《狂獸》,由《赤道》開始變身打女的JM亦越來越唔錫身,不過昨日她在佐敦拍攝一場跳樓戲時有少少驚,剛開始試位時在半空驚叫,又嚇到瞇晒眼不敢向下望,現場都見到有替身準備,但JM最後都自己頂硬上完成,而且一take過完美落地!



【瞇眼驚叫】■試位時,JM嚇到瞇晒眼,更不斷驚叫。

【狼狽喪跑】■從二樓吊落地後,JM又要拍險被車撞的鏡頭。

■拍完後,全身被淋濕的JM緊張看重播片。


■JM由《赤道》開始轉型做打女。劇照

被車撞拍足8次

昨日中午12時雖然不是首次拍動作場面,但要由高處跳下則是首次,故JM試位時都很緊張,導演亦錫住她,最後只要求她吊着威吔由二樓急降落地,最後一take過導演叫收貨,惟拍她險被車撞的鏡頭就拍足8次,加上要製造落雨效果,現場大水車不停射水,JM亦淋足兩個鐘,但見她休息時緊張睇重播片,工作人員則不停替JM抹身,怕她被水淋濕後冷親。採訪、攝影:羅德光、黃曉程





來源: http://hk.apple.nextmedia.com/entertainment/art/20160505/19597994
跳樓 戲一 Take JM 吊威 威吔 淋雨 嗌唔 唔停
PermaLink: https://articles.zkiz.com/?id=299869

【社會實驗】DSE學生爆喊 你停唔停低安慰?

1 : GS(14)@2016-07-14 08:10:14

扮演女學生的林頴彤在這個位置哭了大約8分鐘,數十人經過卻沒有一個人停下來安慰她。



對於突如其來的事,你最最最真實的反應如何?一群80後年輕人最近組成「港誅社」,自發做了數次社會實驗,包括找演員扮演偷拍裙底的色狼及受害女事主,又曾試過扮男女同志求婚等,設置隱蔽攝錄機,再拍下途人的反應。


這天他們再次出動拍攝,今次找來一位應屆DSE考生,穿着校服在公園嚎哭,看有沒有人安慰她。她坐在九龍公園的一張凳子上斷斷續續哭了大約8分鐘,哭得頗悽厲,有抽搐動作,但幾乎所有人都「掂行掂過」。其中只有一位女士有回頭望了幾眼,但最後還是離開了。然後他們改變策略,女學生嘗試哭着問一位男士借紙巾,男士雖有點尷尬,但最後仍有借出紙巾,之後學生乘機說自己因為放榜壓力很大,男士耐心地跟她談了七分幾鐘。扮演女學生的林頴彤是無花無假的應屆DSE考生。她說:「他很努力設身處地為我解決問題,安慰我。例如提議我讀本地大學與海外大學合辦的學位。他看到我情緒平伏了才離開的。」後來他們移師公園另一邊拍攝,才剛拍了沒多久,一位太太見狀,主動上前關心女學生,而且還抱着她拍背安慰,替她拭淚。「原本有少許沮喪,大家見到我哭都不願意停下來。然後她就走過來,還跟我說自己女兒明年考DSE,所以也很明白我的心情。叫我千萬不要因為DSE考不好看不開,我爸媽比較在乎我,多於成績。」看到有人哭得好慘,不停下來,是怕尷尬,是怕受騙?可是如果她想着要去輕生,有時只要一張紙巾、一句問候,便可能救人一命。「今年有太多學童自殺,覺得必須為這個議題拍片。」港誅社創辦人郭紫筠因為看到外國很多成功的社會實驗,喚醒了人守望相助的精神,於是積極拉攏朋友一起拍片。導演、演員、攝影、場務、剪接、平面設計等崗位,全部有汗出無糧出,一切自資,港誅社最大的資源是20多個年輕人的熱血。郭紫筠說:「我們是一群不想太被動的人,除了立法會選舉去投票,我們好像甚麼都做不到。我們想為社會做點事。」黃子洋是這次社會實驗的導演,過往也曾在社會實驗短片中扮演色狼。他說:「大部分人只是圍觀,我寧願有人打我。香港人大多用把口去講,只會說『你不要走,我報警』。那次只有一人想用手制止我,但當我立即跑,基本上都沒人去追。原來只要施暴者一跑,受害人根本就『沒仇報』。」他們強調自己不是在做「整蠱節目」,也不是要揭醜,反而希望捕捉香港人正義、有愛心的一面。有人覺得他們拍片利用別人的同情心,但如果真能提高大家守望相助的意識,也算值得吧!記者:葉青霞攝影:徐振國



這位太太主動上前問候,還留了電話號碼給女學生,叮囑她之後有甚麼事可致電,令人感動。

港誅社另一社會實驗測試途人對於有女生高呼被「偷拍裙底」的反應。



來源: http://hk.apple.nextmedia.com/su ... t/20160714/19693760
社會 實驗 DSE 學生 爆喊 你停 停唔 唔停 停低 安慰
PermaLink: https://articles.zkiz.com/?id=303713

憶蓮安仔飯局傾唔停

1 : GS(14)@2016-10-16 08:20:05

■林憶蓮等三人十分好傾,到食肆關門才離去。



林憶蓮上周三晚上與許志安及倫永亮在中環九如坊大班樓飯敍,她是胡楓(修哥)的契女,當晚修哥太太離世,相信她當時未知契媽死訊。憶蓮淡妝現身飯局,平時該食肆11時清場,但三人當晚大概11時20分才離開,傾足幾個小時,要食肆關門才走。憶蓮行出門口依然雞啄唔斷笑笑口,安仔扶實倫永亮,再和憶蓮抱抱告別。安仔發現有傳媒影相立即告訴憶蓮,憶蓮即收起笑容急步上車,倫永亮則似略有醉意,見他腳步浮浮尾隨,登上憶蓮的座駕,安仔就坐另一輛七人車走。採訪、攝影:徐錦池、黃柏倫




來源: http://hk.apple.nextmedia.com/entertainment/art/20161016/19801992
憶蓮 蓮安 安仔 飯局 傾唔 唔停
PermaLink: https://articles.zkiz.com/?id=312271

【今日笑一笑】唔好停 樹熊要你摸唔停

1 : GS(14)@2016-10-24 06:12:14

樹熊一臉可愛,「懶懶閒」的形象可謂深入民心,所以牠提出甚麼要求,也令人難以拒絕,就像影片中這隻樹熊,牠一直扶住人類的手,摸牠及抓癢,只要人的手稍一離開,牠便馬上抓住要人繼續抓癢下去,還一臉舒服的模樣,十分搞笑。
facebook




來源: http://hk.apple.nextmedia.com/international/art/20161024/19810746
今日 笑一 一笑 唔好 好停 樹熊 要你 你摸 摸唔 唔停
PermaLink: https://articles.zkiz.com/?id=313418

【選後美國】特朗普名語錄 「被操控」loop唔停

1 : GS(14)@2016-11-11 08:10:59

新美國總統特朗普最愛自誇,今年金句多多,不過來來去去咪又係個幾樣嘢。



這個世界已沒有常理。特普朗由競選到當選前一刻,大家都以為只是一場鬧劇,現在惡夢成真,惟有如袁國強司長所言:「既已有決定,希望大家以客觀正面的態度考慮此事」。特普朗最可取就是娛樂性豐富,在美國大選年之前,《飛黃騰達(The Apprentice)》節目中的一句:You're fired(你已被炒魷!)已深入民心,最愛自誇的他今年金句多多,不過來來去去咪又係個幾樣嘢。

1)我最叻

大家對他的印象都是口沒遮攔的大富豪,他自己亦很愛炫耀,曾表示「我正在就是我真的很有錢」,而且最三句唔埋就會重新強調自己是「白手興家」,當年只是收取「爸爸少少的一筆借款(100萬)」。


2)我最靚

不肯認輸的他連雙手被取笑過小也要反駁,說明明聽得最多就是人哋話佢隻手好鬼靚,“My fingers are long and beautiful, as, it has been well documented, are various other parts of my body.”(我的手指又長又靚,成身一樣咁鬼正,有晒紀錄啦)。除了自己,囡囡Ivanka一樣都係全世界最靚,他就曾經表示如果「佢唔係我個女,我應該會約會佢」,呢種父愛都幾另類。


3)我最尊重人類

每次被批評言論有羞辱或歧視他人的成份,他必定會搶答說:「沒有人比我更尊重乜乜乜乜」。其中最「著名」的要數兩次羞辱記者的場合。●模仿記者痙攣動作:特朗普引用記者在9.11時報道恐襲後有回教教徒慶祝,及後記者公開批評他誇大事件,於是特朗普就在演說時取笑該名記者忘記自己所寫的文章。現於《紐約時報》工作的Serge Kovaleski患有先天性關節痙攣,右手行動不便。●被記者窮追猛打時發爛渣:西班牙語電視頻道Univision記者拉莫斯在記者會上不斷追問特朗普有關移民問題,令他感到不耐煩,當記者堅持發問,他回答說:「你坐下,我沒有叫你,坐下。請你滾回Univision。」同類事件上演多次,不能盡錄。


4)被害妄想症

除了要建"wall"之外,特朗普最喜歡用的生字大概是"rigged"(被操控)。他聲稱選舉是受到操控(除了他贏的州分),整個經濟系統都受到操控,反正全世界都被操控就是啦。記者:馬朗澄




來源: http://hk.apple.nextmedia.com/su ... t/20161111/19829649
選後 美國 特朗普 特朗 語錄 操控 loop 唔停
PermaLink: https://articles.zkiz.com/?id=315105

Model整容整唔停父母心痛:佢以前好靚

1 : GS(14)@2016-11-26 13:51:00

現居美國北卡羅來納州的瑞典模特兒霍士(Pixee Fox)憑藉浮誇人工外表屢屢成為新聞人物,做過逾百次整容手術的她近日「衣錦還鄉」,父母概歎當日美貌渾然天成的愛女面目全非,可惜她似乎已整容上癮,早已訂下2017年整容大計,做多10次整容手術。26歲的霍士為了變身成「活生生的卡通人物」,多年來接受隆鼻、隆胸、抽脂、隆頰、隆唇、隆臀、陰唇整型、冷凍溶脂、移除6條肋骨、改變眼睛顏色及眼皮手術,她對「完美」的追求令家人感到震驚、困惑及擔心。霍士媽媽表示:「首先,我認為這可以很危險,身體甚麼時候才會說:『不,停』?她目前26歲,那62歲時怎麼辦?她以前是這麼美。」對於愛女一躍成為性感女模,霍士爸爸更是意想不到,他說:「她一開始整容時並無告訴我們,事到如今她仍有很多事不告訴我們。」霍士如今與天然美女的姊姊外表越來越不同,難得姊姊仍為妹妹感到驕傲,認為她成就非凡。霍士計劃在來年接受10項整容手術,她說:「我滿意從前的外表,也滿意現在的外表,但我對自己想要的外表有個規劃,而我會繼續追求……我將會開始緊身胸衣訓練,希望憑全球最纖腰打入健力士世界紀錄。」英國《每日郵報》




來源: http://hk.apple.nextmedia.com/international/art/20161126/19846312
Model 整容 整唔 唔停 父母 心痛 以前 好靚
PermaLink: https://articles.zkiz.com/?id=317068

【今日笑一笑】貓主子要零食 叮叮響唔停

1 : GS(14)@2016-12-10 03:45:19

不少養貓者也被愛貓「調教」成奴才,變成貓奴,整天想着如何好好侍奉家中貓主子。像日本元野這名「貓奴」便是其中一個例子,自從他教曉家中主子使用按鈴後便忙個不停。影片中,2隻貓咪可能肚子餓了,不停於鏡頭前按鈴「叮叮叮」的響,催促主人畀零食,場面十分惹笑。
twitter




來源: http://hk.apple.nextmedia.com/international/art/20161209/19860159
今日 笑一 一笑 主子 零食 叮叮 叮響 響唔 唔停
PermaLink: https://articles.zkiz.com/?id=318899

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019