📖 ZKIZ Archives

唔信一擊即中惡夫疑戴綠帽迫妻墮胎

1 : GS(14)@2017-04-04 08:55:54

湖北襄陽近日鬧出一件令人憤怒的事，有人妻與丈夫婚後，與夫同房一次後懷孕，丈夫竟然不相信孩子是自己的，想盡辦法迫妻子墮胎，妻子飲肺結核藥，甚至家暴妻子。妻子懷孕過程中受到無盡壓力，惡丈夫甚至跑到妻子娘家與外母理論，外母的胳膊也被打斷。最後孩子生下來後，DNA鑑定證實丈夫是孩子的親生父親。網友議論紛紛：「智障」;「後來孩子是自己的，啪啪啪打臉了吧」;「這樣就不應該跟他結婚，還給他生仔，這女的也真行。」新浪新聞




來源: http://hk.apple.nextmedia.com/international/art/20170404/19979687

---

金手指：息口加到你唔信

1 : GS(14)@2017-07-05 03:41:01

上周中，花旗國銀行監管機構宣佈最新一輪壓力測試下，所有大銀行都通過。市場直覺係可以任派息，令銀行股升，帶動連滙控（005）都升咗轉。聯儲局主席耶倫，又係喺上周中，忽然話佢相信有生之年「唔會再有金融危機」。挑戰命數，仿如鐵達尼被評為unsinkable般唔信邪。點都好，孫柏文當然唔信，亦唔信你哋作為我多年嘅粉絲，會信個底花到有佢哋咁花嘅判斷。不過，今日要分享呢兩單新聞，係因為對政策預測非常有用。雖然有啲似個千度近視四眼仔喺盲人世界般，不過大家要承認，喺眾多中央銀行中，聯儲局係全球最收緊嗰個。問題係，點解美滙指數對上半年咁弱？首先，美滙指數一半比重係歐元，歐元之前跌到落去反映歐元、甚至歐盟會即死嘅可能。咁只要死亡日延遲，歐元都要彈，令美滙指數受壓。不過更緊要嘅係，美國雖加息，不過冇因信聯儲局夠吉士真係大力加，起碼債市信佢哋加加吓要停甚至減。點解？因為短息越加，長息係咁落，令長短息差大幅收窄，即賭佢好快加完。點知，就係喺上周中嗰兩件事後，美長債息突飆。連我偶像Gundlach都喺周五話要睇實升穿200日平均線嘅十年債息，下個關鍵位係2.32厘。而穿的話，長息就有望去3厘。如果真係咁，聯儲局有望每兩個月收緊一次嘅步伐，今年、出年、大後年，即至金融危機再臨。呢個係現在冇人信，不過到真係發生時，耶倫都可能已byebye。孫柏文獨立股評人
http://www.fb.com/shuen本欄逢周二刊出




來源: http://hk.apple.nextmedia.com/financeestate/art/20170704/20077797

---

澳洲模特兒靚到你唔信網友：以為係barbie

1 : GS(14)@2017-07-07 01:32:59

「我真的以為你是芭比(Barbie)娃娃。」一名澳洲模特兒上載照片後，引起網民極大反應。相中的她面無表情，散發冷豔氣質，有網民大讚她美得令人驚艷，而且與Barbie公仔簡直一模一樣。黑珍珠托特（Nyadak Thot）在澳洲出生長大，她17歲參加《澳洲超級模特兒新秀大賽》雖然只得第三名，但已開始廣為人知。最近她在社交網分享美照，只見她面向鏡頭手放大腿上，加上一頭齊蔭直髮，更加突顯出她小巧的臉龐。有網民留言說：「你究竟是不是人類？」很多人將她與Barbie公仔相提並論，「我真的以為你是Barbie」。托特似乎不介意被指「似公仔」，更分享來自朋友取笑她的Barbie自拍照，又上載Barbie一頭亂髮的樣子，寫道：「我不完美，有時女孩都會失手。」借Barbie公仔幽自己一默。托特是在澳洲出生長大的南蘇丹後裔，目前簽約紐約模特兒公司。英國《每日郵報》




來源: http://hk.apple.nextmedia.com/international/art/20170706/20080819

---

着3吋高踭鞋現身祝捷會　爸爸缺席Celine晉級遭男同學白鴿眼「唔信我唱到」

1 : GS(14)@2017-08-06 11:38:50

■日前再度揚威《全美一叮》的Celine，昨日出席祝捷會時打扮成熟，腳踏3吋高踭鞋。



現年9歲的小巨肺譚芷昀（Celine），今年6月在美國參加《全美一叮》（America's Got Talent）後備受關注，日前的比賽中她更獲評判送出Golden Buzzer，為港爭光。Celine昨出席祝捷會，竟穿上3吋高踭鞋，以熟女造型現身，現場未見爸爸譚順生。Celine透露現積極準備下一輪賽事，她自爆遭男同學白鴿眼：「佢哋唔信我唱到。」



小巨肺譚芷昀的爸爸譚順生是歌唱老師，自幼獲父栽培，3歲學唱歌，5歲便開始參加比賽，Celine今年6月到美國參加《全美一叮》，演唱Celine Dion的《My Heart Will Go On》晉級，日前在比賽中選唱Michael Bolton的《How Am I Supposed to Live Without You》摘下Golden Buzzer直入半準決賽，成為首位華人獲此榮譽，賽事最快將於香港時間16日早上在當地電視台直播。


要人抱落台

經理人蕭定一昨日在銅鑼灣hmv Kafé為Celine舉行祝捷會，現場有逾30名記者採訪，Celine由媽咪陪同現身，父親譚順生卻避席，父憑女貴的他早前爆出疑學歷造假及被薛家燕數臭撬學生等事件，近日行事轉低調。Celine穿着John Galliano紅黑花裙、Moschino金黃色外套配肉色絲襪，腳踏約3吋高踭鞋現身，打扮成熟的她由蕭定一陪上台，司儀問Celine得獎感受，她講到奪Golden Buzzer一刻即說：「覺得好shock，唔expect呢個會happen，一啲都講唔到嘢。我好lucky，我覺得好似一個miracle，啲金粉跌落嚟。」Celine指自己當時零緊張，完騷後與家人到環球片場觀光，更表示獲獎要感謝爸爸教唱歌。



■Celine拉繩後，現場即灑下金粉，重現當日她在台上獲Golden Buzzer一刻。

■昨日穿上高踭鞋的Celine，行路時腳步不穩，要由工作人員抱她下台。

■Celine昨日由媽咪陪伴出席祝捷會，爸爸譚順生（小圖）卻缺席。

蕭定一昨讓Celine重溫比賽當日在台上獲Golden Buzzer一刻，兩人拉繩後，頭頂圓球即灑下金粉，他又送Celine背囊和Minions文具。Celine其後獨自站台讓傳媒影相，穿着3吋高踭鞋揮手揮足兩分鐘，最後她小心翼翼行近台邊，由工作人員抱下台。


唔知會開騷

蕭定一傍實Celine做訪問，他指Celine的fb粉絲人數飆升到14萬，Celine自爆其fb是由爸爸經營，但她有時間也會看，又透露有女同學向自己索簽名，但卻沒男同學：「佢哋唔信我唱到。」蕭定一期待Celine再創佳績：「如入到21強好犀利，5強直情奇蹟，規矩我哋同大會一齊提議，要一早錄好7首歌，唱邊首早兩三日先知，點解揀情歌，我哋冇權揀，佢哋提議。」



■蕭定一向Celine送上文具和背囊，以示獎勵。

Celine為備戰勤力練歌，她說：「每日練兩、三個鐘，視乎爸爸忙唔忙，爸爸練會少少嚴，如自己練就個零鐘。」Celine指有留意勁敵Angelica Hale：「我冇見過佢，但有睇佢啲片同fb。」問到譚順生為何缺席？蕭定一即搶答：「要問咗AGT先搞，臨時決定，佢要上堂。」Celine則說：「唔會慶祝，有講恭喜，有讚我叻女，冇送禮物。」蕭定一日前表示想在年底或明年初為Celine開紅館騷，問到Celine此事，她聞言望一望蕭定一，然後蕭定一才向記者說：「我冇直接同佢講。」然後他再望望Celine問：「開演唱會好唔好？」Celine認真考慮一秒後答：「未咁快啦。」蕭定一聞言後解釋：「要睇吓場地，唔係咁易搵，年底或年頭做到已經好好。」採訪：盧妹攝影：陳慧安




來源: http://hk.apple.nextmedia.com/entertainment/art/20170805/20111827

---