ZKIZ Archives


男友借錢買上車盤周麗淇:我一早知!

2013-10-10  NM
 
 

 

34歲的周麗淇返內地拍《大漢賢后衞子夫》,同29歲內地演員徐正曦撻著,發展姊弟戀;男友被指是上海富二代,身家逾億。以為Niki揸住個筍盤,但男友根本不是有錢人家,徐正曦父親及阿叔在上海開五金鋪,屬小本經營。

此外,去年底徐正曦購入沙田中心一個400呎單位,也是向寰宇借首期才成功上到車。

對於男友並非有錢仔,周麗淇直認:我一早知!有讚無彈

今年六月,周麗淇與林峰合作拍攝內地劇《大漢賢后衞子夫》,因而識到劇中第二男主角徐正曦;在橫店開工兩個月,二人一撻即著,她更急不及待向身邊好友透露戀情。

「以前Niki拍拖都好低調,就算嗰時同嘉穎一齊,都係收收埋埋,拍咗一段時間先俾大家知。但今次佢好開心,可能dry咗太耐!Niki對阿曦有讚無彈,話佢孝順又上進,拍拖無耐已經好信對方!」知情者說。

周麗淇入行以來緋聞不多,接受比自己細五年的徐正曦,初時也有點猶豫。其時,人在四十度高溫橫店開工,一度捱到中暑病倒,徐正曦即伺機對周麗淇呵護照顧,開工又一定買定早餐零食,事事周到,終於攻陷寂寞Niki。

姊弟戀曝光後,有指徐正曦是上海富二代,家底豐厚,身邊朋友都向周麗淇恭賀。

「其實Niki話過男友有無錢唔緊要,佢係欣賞阿曦好用心做嘢,知佢好想闖一番事業。雖然阿曦高大,又細過Niki,但思想好成熟唔花弗,又唔鍾意蒲,同Niki一樣!」Niki身邊人說。

信錯人

入行十四年的Niki,除了入行初有個製衣太子爺男友Jordan,一直為人知的戀情只有鄭嘉穎、紗廠太子爺Eric及現任的徐正曦,緋聞一啲都唔多。

鄭嘉穎一腳兩船

04年與鄭嘉穎合作《天幕下的戀人》撻著,男方被拍到於女友香閨過夜,又不時孖住做情侶job,半公開式感情本來穩定,直至07年鄭嘉穎與佘詩曼合作《法證先鋒II》搞上,男友一腳踏兩船,Niki仍蒙在鼓裡,到男友與阿佘約會多次斷正,二人08年尾分手。

太子爺愈就愈衰

與嘉穎分手後,Niki暗交紗廠太子爺Eric。有指是家姐周汶錡做紅娘,一直恨結婚生仔的Niki,對脾氣頗大的Eric千依百順,可惜物極必反,最終忍唔住,去年正式分手。

好睇唔好食

事實上,徐正曦並不是富二代!○五年他參加MEN'S UNO入行做model,之後簽約Starz People,由於發展平平,很快便返回上海。直至○八年,簽約寰宇旗下,徐正曦再次來港發展,當時是寰宇幫他租了個幾千蚊的單位住。「簽咗寰宇之後,阿曦正式嚟香港發展,公司最初想幫佢租服務式酒店,但考慮到佢無乜錢,最後先租咗個七千蚊月租嘅單位俾佢住,留咗喺度兩年都無乜嘢做,一○年公司就安排佢返內地發展。」知情者說。一○年,徐正曦接拍內地劇《男兒本色》,劇中演員有羅嘉良、劉燁,還是新人的他佔戲不多,直至一一年,他夥拍內地小花唐嫣,接連拍了《夏家三千金》及《愛情睡醒了》,才開始被人留意,兩個劇加埋為徐正曦帶來五十萬收入,價錢比初拍劇收十萬倍升。「拍咗三個劇,話就話賺咗幾十萬,但佢簽俾寰宇,公司抽七成傭,幫佢喺內地租酒店請助手,都要扣番錢,好睇唔好食!」

首期都無

去年八月,徐正曦計劃置業,原本睇中奧海城,可惜樓價太貴買唔起,最後揀咗近火車站的沙田中心一個三百萬,面積四百呎細單位,但他連首期都唔夠,要向公司借錢先可以上車做業主。「阿曦不停有劇拍,但知名度始終唔算高,收入好有限。上個月幫佢接job嘅經理人,都因為交唔到數,索性向公司辭工!」徐正曦身邊人說。本週二(十月八日),周麗淇由貝沙灣寓所出發到佐敦睇中醫,向她求證是否知道男友並不是富二代,搵錢亦唔多,她若無其事說:「我一早知!一路都係外邊啲人講,佢從來無講過佢有錢!」

公司異動

99年,林小明與趙雪英持有的寰宇國際,成功在主板上市。07年爆出林小明於97年轉移趙雪英全部身家,事件鬧上法庭,二人10年正式離婚分身家;林小明獨得寰宇及四個二萬多呎無按揭寫字樓物業,趙雪英則分得九龍塘仍有按揭獨立屋。11年8月,林小明放售持有的5.25%寰宇股權,套現千多萬,今年初,再抵押全部50.19%股權給財務公司,借款一億。上週五(4/10),林小明配售5億股持股,套現1.31億,持股量由50.16%降至20.97%,未能再任公司主席。寰宇股權變動,旗下藝人江若琳、徐正曦,未來發展將受影響。

男友 借錢 上車 周麗 我一 早知
PermaLink: https://articles.zkiz.com/?id=76742

周麗淇男友甜蜜祝壽

1 : GS(14)@2014-08-31 23:51:20

微博圖片



周麗淇(Niki)和內地小生男友徐正曦雖然已經公開戀情,但他們依然避忌,之前兩人一同在香港同場宣傳新劇《衛子夫》表現怕醜。昨日是Niki35歲生日,徐正曦在微博貼出三張相兼留言:「Niki周麗淇,平陽公主,Happy Birthday,永遠美麗,霸氣十足,讓大口仔永陪身邊!」其中有張不知是新還是舊相,相中徐正曦很sweet地揹着Niki,Niki更開心到踢腳,而相中背景就寫着Beverly Hills(比華利山)。



【壹錘佔中】8月31日 5pm直播壹錘定音: http://hammerout.hk和平佔中: http://occupycentral.appledaily.com
YouTube: http://bit.ly/occupycentral




來源: http://hk.apple.nextmedia.com/entertainment/art/20140831/18850608
周麗 男友 甜蜜 祝壽
PermaLink: https://articles.zkiz.com/?id=285286

周麗淇隨時過門

1 : GS(14)@2014-09-03 13:23:21

周麗淇(Niki)及黃芷晴昨日到尖沙嘴出席「氣球時裝藝術相展」活動,邀得日本藝術家Daisy Balloon即場教Niki做氣球藝術,又創作花瓣畫。日前是Niki的35歲生日,問她男友徐正曦可有送上驚喜?她說:「兩個人自己知就得,總之係心意嘢,開心啦!」Niki甜笑指有收到男友送的花。同場的黃芷晴透露明天是爸爸黃日華的生日,芷晴表示已約好媽媽、男友及男友的媽媽齊齊食飯慶祝,但否認是見家長。此外,Niki與男友徐正曦昨晚在黃埔出席《衛子夫》祝捷會,徐正曦坦言早已視女友為結婚對象,問他何時迎娶Niki?他說:「隨時都可以。」採訪、攝影:張俊銘、盧妹




來源: http://hk.apple.nextmedia.com/entertainment/art/20140903/18853579
周麗 隨時 過門
PermaLink: https://articles.zkiz.com/?id=285334

家姐大肚陀得爽周麗淇開期票兩年生B

1 : GS(14)@2015-03-14 11:34:04





賭王何鴻燊四太梁安琪與長女何超盈、向華強夫婦、周麗淇、鍾欣潼(阿嬌)、汪詩詩和梁烈唯等,昨晚盛裝出席中環四季酒店舉行的「2015芭莎藝術之夜」,現場還有慈善拍賣。周麗淇爆胞姊周汶錡已回港安胎,周麗淇昨風騷穿上露腰裝晒纖腰:「我冇大肚嘛,佢(周汶錡)仲勁晒泳衣,佢雖然大肚,但冇轉口味,又冇嘔。」看見胞姊周汶錡陀得舒服,而她與內地小生徐正曦感情穩定,會否令她萌生仔念頭,周麗淇即開生仔期票:「等佢生咗先,生仔係偉大嘅任務,好恐怖,怕痛、怕『where』、如開刀又怕有疤,兩年後啦。」



■周麗淇胞姊周汶錡已回港安胎,陀B沒有嘔吐。 資料圖片

■周麗淇與內地小生男友徐正曦拍拖一年多,感情穩定。 資料圖片



猷亨感情空白

四房長子猷亨和女友Sabrina被前A&F男模郭子豪撬牆腳,他因開會未有現身,而四太就此事繼續耍太極:「我唔清楚,今次我為安老服務籌款,今晚有拍賣,我都係等傳媒消息(指兒子戀事)。」問到猷亨會與媽咪分享感情事嗎?四太說:「佢自己話
家姐 大肚 陀得 得爽 周麗 淇開 期票 年生
PermaLink: https://articles.zkiz.com/?id=288459

【壹週刊】密冚5年周麗淇原來係超豪salon老闆

1 : GS(14)@2015-04-29 08:50:55

【壹週刊】以為佢只係歌手,搶手演員?蜜運中嘅小鳥依人?唔止呀!周麗淇仲有另一個身份架,就係手持數千萬生意嘅隱形老細!做足5年超豪salon隱形老細嘅Niki,生意越做越大,好快仲會進軍埋內地市場。想知更多?咁就要download壹週 Plus呢個app睇足本,免費架!
iPhone版下載:http://goo.gl/1SDaWF
Android版下載:http://goo.gl/xfQS8D壹週Plus網頁:http://nextplus.nextmedia.com/





來源: http://hk.apple.nextmedia.com/entertainment/art/20150429/19128796
週刊 密冚 周麗 原來 係超 超豪 salon 老闆
PermaLink: https://articles.zkiz.com/?id=290039

【add】紅人主場:周麗淇 黃金盛女

1 : GS(14)@2016-03-11 00:51:23

Victoria, Victoria Beckham牛仔喇叭褲Isa Arfen拼色背心Aquazurra紅色高踭鞋Miriam Haskell耳環


周麗淇(Niki)半年前與內地小生徐正曦發展姊弟戀,因聚少離多而導致分手收場。36歲再次回復單身,這位黃金盛女在情場上失意,但事業卻春風得意,轉戰內地拍劇的她,最近獲得內地首個獎項,人氣極盛。愛情呢?Niki就享受單身的自由,順其自然,耐心等待Mr. Right。撰文:顏英儀造型:林嘉慈攝影:郭賢興化妝:Navi Lam髮型:Ziggie Lo of La Mod Salon服裝提供:Lane Crawford轉攻內地拍電視劇的周麗淇,兩年多已拍了4套劇,成功躋身內地搵人仔兼賺人氣,日前就憑內地劇《臥底》而獲得江蘇電視「最具人氣女演員獎」。劇中她飾演一名女護士,被內地網民稱為「最美的女護士」,劇照更在網上瘋傳,Niki說:「第一次喺國內攞獎又驚又喜,開心得內地觀眾支持同行內人嘅認同,希望再拍多啲好戲;都有傾緊香港嘅劇集,拍咗咁多年唔想重複以前做過嘅角色,有好劇本都會考慮,不過最希望今年可以拍一套電影,同自己鍾意嘅導演合作。」



Angel Chen粉紅皺褶背心Erika Cavallini牛仔裙

Emilio Pucci粉藍單肩上衣Muveil白色釘珠牛仔褲

Aquazurra金色高踭鞋


Isabel Marant白色短裙Rialto Jean Project繪花牛仔褸

享受單身自由

近年於國內發展的Niki,2013與內地小生徐正曦拍《衛子夫》而相戀,可惜兩人因長期分隔異地,上年年中分手,Niki回復單身,「單身幾好啊,可以全心全意做自己嘅事,屋企都又冇畀壓力我,如果有拖拍要顧埋另一半,而家事業、朋友、家庭全部自己時間,愛情要順其自然,我都唔知幾時可以遇到Mr. Right,靜待佢嘅出現。」介意被叫「黃金盛女」嗎?她說:「我冇留意呢啲潮語,最緊要自己開心,唔在意別人嘅眼光,唔可以人哋講吓我就求其搵一個人嫁咗就算㗎嘛。」



理想男友套餐

港女拍拖講條件、講package,Niki未來男友package又是甚麼?她說:「喺我字典裏面冇理想情人,如果講得出長髮、高矮、肥瘦就唔係愛情,你要只係一樣嘢,感情好虛無,見到一個人講唔出嘅感覺嗰種先叫做愛情,講得出來嘅就係條件,就好似買賣咁,唔係愛情,幾時出現未知,要click到先有用,有冇錢並唔係我擇偶條件,識我嘅人都知,我過往嘅男朋友都冇錢,我意思即是話佢哋唔係啲乜嘢富豪,都係白手興家,我唔需要私人飛機或者幾十塊地,可以維持基本生活都OK。」這個年代的女人都主動爭取自己的幸福,但Niki抗拒主動出擊,「我就唔會,如果係就會有好多走馬花燈,我骨子裏好傳統㗎,女仔要保持少少矜持,如果感覺到對方想追我,我都會畀機會對方,希望將來結婚可以相夫教子,但我唔會只係做煮飯婆,唔想同社會脫節。」



■Niki拍內地劇《臥底》演護士,被封「最美的女護士」。

■Niki日前在內地獲頒最具人氣女演員獎。

■Niki與徐正曦的姊弟戀結束後,未有新對象。


■Niki想爭取時間陪家人。

陪父母盡孝道

Niki五年前與友人投資百萬經營髮型美容生意,做老闆娘,算是圈中的小富婆,「做生意同拍戲好唔同,呢幾年都學咗好多,人都長大咗,生意託賴都幾好,下一步想喺內地發展,其實我覺得自己都幾幸運,咁多年嚟,朋友、觀眾同記者都對我好好,只要我用心去做,就會做好件事,未來我想試吓做珠寶首飾及唔同方面嘅生意。」入行15年,Niki名利雙收,近年主攻內地,見家人的時間少之又少,因此今年計劃要做個孝順女,「人生除咗搵錢之外,都希望可以抽多啲時間陪屋企人,之前成日掛住做嘢,我覺得錢冇話搵夠,每個人定義唔同,我暫時達到我嘅目標,都拼搏咗咁多年,見到爸爸媽媽年紀開始大,想陪佢哋去吓旅行,唔想將來有遺憾或者後悔。」



白滑小秘密

女人25歲後,皮膚就開始衰老,不過36歲的Niki皮膚就keep得好白滑,「可能係上海人,都要keep㗎,可能生活冇乜壞習慣,唔煙唔酒,又唔飲凍嘅嘢,飲食清淡,對皮膚都好啲,逢初一、十五都食齋,我最差都係食無定時,而家開始都注重養生,都會研究吓食療,睇吓咩補品啱自己。」





來源: http://hk.apple.nextmedia.com/entertainment/art/20160310/19523049
add 紅人 主場 周麗 黃金 盛女
PermaLink: https://articles.zkiz.com/?id=297503

周麗淇Blugirl花裙慶生日完全不似37歲

1 : GS(14)@2016-09-01 06:24:27

周麗淇前日踏入37歲,慶祝生日的活動多姿多采,周末已經有大班朋友與她預祝生日,大美人關之琳便是其中一位。關之琳在Ig po相賀壽星女,見她被穿雙色玫瑰花裙的生日會主角周麗淇攬實。周麗淇梳簡單曲髮,配這條意牌Blugirl秋冬系列花裙,在白滑皮膚及甜笑襯托下,少女味仍在,完全不覺她已經踏入37歲。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20160901/19756575
周麗 Blugirl 花裙 裙慶 生日 完全 不似 37
PermaLink: https://articles.zkiz.com/?id=307038

周麗淇認錯唇彩賴助手

1 : GS(14)@2016-10-29 13:20:32

■周麗淇(小圖)收到品牌送的禮物,卻在Ig擺烏龍發錯文。互聯網圖片



周麗淇(Niki)前日在Instagram貼出國際大品牌送給她一盒共六支裝的唇彩,但她竟然說:「我很想塗指甲油,可是我現在不能塗,好吧等我拍完戲之後,給大家看看美美的指甲。」之後,她還tag了該品牌,過了數小時Niki終於知錯,她即刻修改Ig的文字「Thx beautiful lip gloss」。本報致電擺烏龍的Niki,她在電話中大笑說:「我而家喺山西拍劇《那年花開月正圓》,助手收到品牌送畀我嘅禮物,佢話係指甲油,之後有朋友同我講唔係指甲油,anyway我唔會怪助手,一個小小美麗誤會,OK嘅,希望品牌唔會怪我啦!」採訪:皓騫




來源: http://hk.apple.nextmedia.com/entertainment/art/20161029/19815560
周麗 認錯 唇彩 助手
PermaLink: https://articles.zkiz.com/?id=313996

周麗淇空中等艷遇

1 : GS(14)@2016-11-11 08:10:35

周麗淇(Niki)昨日到西環出席保護瀕危動物為題的街頭藝術活動,同場的法籍藝術家以Niki的樣貌和海豚製作成壁畫,Niki說:「個畫家之前未見過我,淨係靠相片嚟畫,但依然係好靚,再配埋我最鍾意嘅海豚,好有意義。」剛從內地山西拍完電影的Niki,隨即又要飛橫店為另外一部戲開工,她說:「應該要拍到出年一月,所以聖誕同新年都會同劇組過,上面好凍,已經買定晒暖包湯包到時用。」經常掛住工作,連拍拖時間亦欠奉的Niki說:「我以前坐飛機會block咗隔籬位,而家已經唔會啦,希望睇吓每次會坐個乜嘢人喺隔籬,睇吓中唔中到六合彩咁嘅心態。」採訪、攝影:曹家誠




來源: http://hk.apple.nextmedia.com/entertainment/art/20161111/19829647
周麗 空中 艷遇
PermaLink: https://articles.zkiz.com/?id=315085

周麗淇低胸跌金都唔執

1 : GS(14)@2016-11-12 05:55:02

■周麗淇今晚將出席傑出衣着頒獎禮。



周麗淇(Niki)、廖碧兒、Ana R.及Cara G.等,前晚在金鐘出席「拯救瀕臨絕種野生動物籌款晚宴」,身穿低胸裙現身的Niki,笑言被堪稱「打底王」的胞姊周汶錡更小心:「我着tee都會打底,今晚死都唔執嘢,跌金都唔執。」提到舊愛鄭嘉穎跟女友陳凱琳同居,她說:「隔咗咁耐仲問我,我唔方便講,總之同邊個人一齊開心,我都會祝福。」而同場的廖碧兒被問到舊愛劉愷威鬧出偷食傳聞時,就刻意避開話題,並自稱現時單身。美籍的Ana R.表示沒參與美國總統選舉投票,但對結果感到震驚,她表示得知母親和弟弟投票給特朗普時,曾想改變他們的想法但不果。此外,Niki將聯同樂基兒、炎亞綸等出席今天在台北舉行的「十大傑出衣着人士/時裝視野頒獎典禮」,著名時裝博客Bryan Boy亦會出席領獎。採訪:馬建華攝影:沈健程



■Ana R.表示對特朗普當選美國總統感到震驚。





來源: http://hk.apple.nextmedia.com/entertainment/art/20161112/19830797
周麗 淇低 低胸 胸跌 金都 唔執
PermaLink: https://articles.zkiz.com/?id=315225

iPad身材呢?周麗淇着LV激罕谷胸

1 : GS(14)@2016-11-13 11:32:42

周麗淇(Niki)、廖碧兒、Ana R.等,日前到於金鐘出席拯救瀕臨絕種野生動物籌款晚宴,向來擁iPad身材的Niki竟然穿低胸裙,谷出兩吋事業線赴會,成為亮點。
Niki表示因大個女而試下成熟衣著,加上尊重場合而穿得莊重一點。她所穿的低胸裙來自Louis Vuitton今個秋冬,上半是皮革,立體剪裁有助加強豐胸視效,下半身則是腰剪裁,輕易突出S形曲線。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20161113/19832276
iPad 身材 周麗 淇著 LV 激罕 罕谷 谷胸
PermaLink: https://articles.zkiz.com/?id=315351

周麗淇着Blumarine花裙女神look提早過聖誕

1 : GS(14)@2016-12-03 04:42:50

踏入12月份,聖誕氣氛開始越來越濃,日前周麗淇(Niki)已經在微博po與聖誕樹的合照,話比大家知佢都已經開始佈置,仲提早同大家講Merry Christmas。站在6呎高聖誕樹身邊的Niki,身穿了一條粉紅色裙,散發滿滿女人味。花裙來自Bluemarine2016秋冬系列,雪紡裙印有floral print,膊位透視設計,輕柔飄逸,搭配金色涼鞋,再加上甚有女神feel的曲髮,造型相當美艷。




來源: http://hk.apple.nextmedia.com/entertainment/art/20161203/19853492
周麗 淇著 Blumarine 花裙 女神 look 提早 聖誕
PermaLink: https://articles.zkiz.com/?id=317962

兩姊妹唔聯手賣慈善LV鏈周麗淇改同甘比勾手指

1 : GS(14)@2017-01-12 08:08:33

Louis Vuitton去年宣佈與聯合國兒童基金會(UNICEF)搞慈善企劃,號召世界各地大批名人明星戴LV Lockit吊墜、手鏈,勾手指影相po Ig,表達make a promise主題,呼籲大眾買鏈。LV每賣一條鏈,將會捐200美元予UNICEF,幫助全球弱勢兒童。去年的香港區代表有徐濠縈母女、周汶錡及周麗淇兩姊妹、王敏德及馬詩慧夫婦等,今年周氏姊妹繼續落力呼籲做善事,不過大肚靚媽周汶錡換上與囝囝Jacques咀嘴,妹妹周麗淇就轉而找好友甘比合影,二人勾手指兼頭貼頭,畫面依然有愛。除此之外,梁詠琪亦與囡囡Sofia錫住影,情同姊妹的蔡卓妍與鍾欣潼亦孖住行善,齊聲表示以有意義的方法去開展新一年。更多時尚、美容新聞,即上:http://add.appledaily.com




來源: http://hk.apple.nextmedia.com/entertainment/art/20170112/19894420
姊妹 聯手 慈善 LV 周麗 淇改 改同 甘比 手指
PermaLink: https://articles.zkiz.com/?id=322333

單身照樣sweet 周麗淇拍片晒Ladurée情人節禮盒

1 : GS(14)@2017-02-11 18:58:09

日前Niki拍片放上instagram,大晒剛收到第一份情人節禮物,禮盒播出一段Niki女友人錄製的短句,Niki:「So sweet!雖然係女仔,但都好sweet!」這個原來是法國甜品品牌Laduree的馬卡龍情人節禮盒,不單盒上印上大個紅心,又可以錄製個人愛的宣言,加上內裡的馬卡龍,認真甜入心。




來源: http://hk.apple.nextmedia.com/entertainment/art/20170211/19925116
單身 照樣 sweet 周麗 拍片 Ladur 情人節 情人 禮盒
PermaLink: https://articles.zkiz.com/?id=326393

【紐約直擊】周麗淇大讚MJ騷震撼

1 : GS(14)@2017-02-18 09:51:52

■Marc Jacobs時裝騷以街頭作舞台。

時裝周最後一天,Marc Jacobs2017秋冬時裝騷在香港時間昨日早上舉行,有Katy Perry、水原祐果、周麗淇(Niki)和郭碧婷捧場。整場騷在沒有音樂和燈光之下進行,模特兒走在大街上行騷惹途人圍觀。騷後Niki大讚:「好震撼,場騷冇燈光、冇音樂、冇攝影師,衫又好型,帽又好靚,又夠霸氣!」問她的情人節怎過?她說:「同阿Sa(蔡卓妍)食飯,聽日返香港再轉機返大陸拍劇。」此行有冇艷遇?「都係同工作人員一齊,當放假。」採訪:林嘉慈攝影:周樂恒




來源: http://hk.apple.nextmedia.com/entertainment/art/20170218/19931760
紐約 直擊 周麗 淇大 大讚 MJ 震撼
PermaLink: https://articles.zkiz.com/?id=326902

周麗淇金飾贈姨甥

1 : GS(14)@2017-04-22 10:22:30

周麗淇昨日以代言人身份,出席鎮金店海港城新店開幕,大會即席送上金箔首飾畫和一套鑽飾給她。胞姊周汶錡誕下次子Avner,周麗淇透露明天是姨甥仔滿月,已準備好金飾,並指細佬Avner跟哥哥Jacques樣子相似,她每次返港都會把握時間家庭樂。感情方面,周麗淇坦言沒進展,卻不心急,她說:「朋友好多介紹,個個都話呢個好、嗰個好,但我冇時間去同人溝通,不過有feel就唔使藉口。」採訪、攝影:卓寶花



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170420/19994993
周麗 金飾 贈姨 姨甥
PermaLink: https://articles.zkiz.com/?id=331060

周麗淇戀離婚軍官

1 : GS(14)@2017-07-07 01:33:03

現年37歲的周麗淇(Niki)近年轉戰內地市場,因工作關係認識不少內地男藝人,昨日有周刊指Niki與43歲內地演員傅程鵬拍拖,傅祖籍上海,是人民解放軍南京軍區政治部前線文工團話劇隊成員。兩人於14年拍《卧底》認識,當時已傳傅程鵬對Niki細心照顧,二人更因工作經常見面,傅程鵬今年3月與老婆程愫離婚,7歲兒子會跟前妻生活。剛離婚幾個月的傅程鵬,上月底來港七日陪Niki,又一齊去德國、峇里,返港後更住在Niki位於跑馬地的香閨。昨日致電問Niki是否與傅程鵬拍拖?她表示並非事實,不作回應。採訪:鍾國仁




來源: http://hk.apple.nextmedia.com/entertainment/art/20170706/20079960
周麗 淇戀 離婚 軍官
PermaLink: https://articles.zkiz.com/?id=338204

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019