ZKIZ Archives


中環在線 被問炒燶Accumulator入院郭鶴年:冇呢啲事 李華華


2009-04-07  AppleDaily





 

噚日華華途經港島香格里拉酒店,巧遇呢間酒店嘅大股東、嘉里集團董事長郭鶴年啱啱high tea完畢。

一身輕裝冇保鑣

郭 鶴年一身輕裝,恤衫西褲冇打呔,難得一個人離開酒店,冇保鑣傍住,華華諗住同佢老人家打個招呼,背後猛嗌郭生,點知佢一啲反應都冇。不過難得見到大馬糖 王,華華梗唔肯罷休,跟手攞張卡片出嚟,跑去佢面前,郭鶴年即刻停低,面露笑容話自己隻耳聾聾哋,聽得唔係好清楚喎。佢仲講句唔好意思,一啲架子都冇,幾 大方。舊年金融海嘯爆發,曾經有傳某位富商,因為炒外滙Accumulator(累計期權)而心情欠佳,最後搞到要住院休養。大家好想知郭生識唔識呢位富 商,又或者呢位富商係咪佢本人呢?郭鶴年用好平和嘅語氣同華華講:「冇呢啲事,以前冇做(Accumulator)」,之後上咗座駕,絕塵而去。郭鶴年今 年已經85歲,身體不知幾壯健,枴杖都唔使用,但佢話自己年紀大,得閒就會約吓朋友出嚟食飯敍舊。

自己地頭食飯敍舊

咁噚日約咗邊個好友,就不得而知嘞。不過,貴為超級富豪,郭鶴年身家數以百億計,喺自己地頭食飯,身邊一個保鑣都冇,華華相信,佢對香港治安十分之有信心。LiWaWa@AppleDaily.com
 



中環 在線 被問 問炒 Accumulator 入院 郭鶴年 冇呢 呢啲 啲事 華華
PermaLink: https://articles.zkiz.com/?id=7223

要餵奶又湊女Bob讚老婆:呢啲先係「慈母」

1 : GS(14)@2014-12-24 02:22:50





警務處處長曾偉雄前日喺電台節目發表「慈母論」,佢話警方處理佔領事件時,已採取最包容及最容忍態度,又話唔想傷害學生。佢舉例指10月3日旺角爆大規模衝突,場面好混亂,佢指當時有啲場面令佢感動,有警員好似慈母咁,保護佔領者,以身體擋住反佔領人士,讓學生離開,以免佢哋受傷。至於身為三女之父嘅DJ林盛斌(Bob),對「慈母」有另一番體會,Bob昨午喺微博貼咗張太太與三個寶貝女照片,Bob讚揚老婆先係真係嘅慈母:「無論打理屋企家頭細務幾咁辛苦,湊BB餵人奶幾咁攰,都仍然有心有力陪d(啲)女一齊玩,呢d(啲)先係我心目中真正嘅『慈母』。」





來源: http://hk.apple.nextmedia.com/entertainment/art/20141222/18977794
餵奶 又湊 湊女 Bob 老婆 呢啲 啲先 先係 慈母
PermaLink: https://articles.zkiz.com/?id=286891

【面試秘笈】全球最佳公司 Google面試問呢啲

1 : GS(14)@2015-10-10 23:48:35

以福利、人工、前途計算,Google屢被《Fortune》、《福布斯》等雜誌選為最佳公司。最佳公司當然想聘請最佳員工,所以能贏得一個Google的面試機會已非等閒之輩,西雅圖工作顧問Lewis Lin不斷收集這間被譽為全球最難加入的公司的面試問題,除工作範疇上的技術性問題和Google最出名的brain teasers(腦筋遊戲)之外,下列問題全沒所謂最好答案,反而可反映到應徵者性格、處事態度、期望和視野,面試好似X-Ray一樣,把你的底藴都照射出來。1.到目前為止做個甚麼最令自己引以為傲的事?2.曾經經歷最大的挫折是甚麼?從中你學到甚麼?3.在工作中你遇過甚麼你認為是最有趣的問題?最後你是怎樣解決的?4.有沒有遇過你不認同上司的決定?請詳細講解那次經驗,後來事情的結果又是怎樣?你今日又會如何評價這件事?5.給我一個請你的理由?6.你看似一個很正面的人,發生甚麼事情才會看到你低落的一面?7.如果只給你兩隻蛋,要你測試出雞蛋從高空擲下而不會跌破的最高樓層,你會怎樣做?8.如果我們請你,現時你的工作令你最懷念的將會是甚麼?記者:顏美鳳資料來源:The Google Resume, impact interview





來源: http://hk.apple.nextmedia.com/su ... t/20151009/19325849
面試 秘笈 全球 最佳 公司 Google 試問 呢啲
PermaLink: https://articles.zkiz.com/?id=293000

【吾通吾識】沖涼有步驟 抹身先抹呢啲部位

1 : GS(14)@2016-01-15 17:25:13

許多人都認為,洗澡只是把身體上的細菌、灰塵沖洗掉,隨便洗洗便可。但怎樣才是正確洗澡方法,相信未必人人知道。不少人在洗澡時會先洗臉,然後沖洗身體其他部位,但洗澡時先洗臉,會刺激臉部皮膚油脂和角質層。如先洗臉再沖洗身,會讓臉上皮膚水份越來越少,傷害到皮膚的保護膜,對皮膚造成不小的傷害。一般來說,洗澡時應先洗頭,然後是沖洗身體,最後再洗臉。對於有化妝習慣的女性來說,洗澡前須先卸妝,因為化妝品如含重金屬,當遇水蒸氣時,兩者的化學反應會傷害到皮膚。部份男性會在洗澡前刮鬍鬚,這樣會對皮膚造成很多眼睛看不到的微創。洗澡時再使用洗髮水、沐浴露,便會刺激到皮膚,造成傷害。另外,洗完澡擦拭身子,也有技巧及次序。拿起毛巾胡亂擦拭便可,其實這會不利健康。從中醫學角度看,洗澡後,應先擦拭乾淨關節部位,順序擦拭肩關節、肘關節、腕關節、膝關節、及踝關節,這樣有利血液從上半身到下半身流動。長者洗澡後這樣擦拭身子,亦能防關節受風,預防關節炎。鳳凰網





來源: http://hk.apple.nextmedia.com/international/art/20160115/19453263
吾通 通吾 吾識 沖涼 有步驟 抹身 身先 先抹 抹呢 呢啲 部位
PermaLink: https://articles.zkiz.com/?id=294226

【港呢啲】靚女中醫是怎樣煉成的楊明霞:香港社會就是不平衡

1 : GS(14)@2016-03-06 03:14:35

楊明霞醫師的中醫之路並不易行,而小時候亦有嚴重的口吃問題


中醫通常予人第一印象是「老成持重」,最好多幾根白髮以顯示醫術可信程度,但偏偏楊明霞中醫師(Jenny)年輕與優雅,再加上溫婉的聲線,足以顛覆你我對中醫的想像。記者:余傲芝 攝影:廖達燊、吉吉



大學時曾經因讀書太辛苦而滿面暗瘡

Jenny形容自己性格活潑,喜歡學習不同事物

上年十月才學中國舞,今年一月已經膽粗粗上台表演



「我爺爺是一個中醫師」Jenny透露自己小時候已經接觸中醫學,再加上媽媽的血崩病因中藥而癒,令她毫無懸念地選上中醫。「我還記得第一次上堂,第一個星期已經要記全副骨頭的所有細節,裂紋,位置的中英文名」,足見中醫課程之深與老師要求之高。當時的密集訓練令到Jenny壓力很大,每天五點起床溫習,曾經因太辛苦而滿面暗瘡,不過這種體驗讓她遇強越強。Jenny坦言自己狂熱一件事就會鑽研下去,好像她學針灸時,竟然試過將自己身上每一個穴`位都針一遍,連她的老師都說:「點解你咁傻呢?」



香港著名舞劇編導梁國城先生是明霞的中國舞老師

從小熱愛音樂,幾年前偶爾聽到黑膠唱片便愛上

茶道亦是Jenny的興趣之一



訪問間Jenny侃侃而談,誰想到她由細到大都有嚴重的口吃問題。「我仲記得中學時,老師叫我起身讀一段書,結果讀到第三個字已經唔識點發音」,結果憑著之後的教書的經驗與訓練,令自己的演講越來越流利,「所以你依家聽我講嘢偏慢,唔係因為我斯文,係因為原本有好嚴重嘅說話問題。」,又再一次證明Jenny的努力與恆心。



上年開始便開始為基層家庭與老人中心義診

明霞以一個人比喻香港,指出香港社會的不平衡



雖然Jenny常以認真與沉穩的一面示人,但私下卻是非常活潑,亦稱得上是「百足咁多爪」。靜態方面,她喜歡茶道與聽音樂,而音樂更是由小到大的興趣。「我第一次聽黑膠,啲聲靚到我聽到呆一呆」,結果一口氣在南丫島小店買了六七隻經典黑膠唱片。至於動態方面,她則鍾情中國舞。上年偶然認識香港著名舞劇編導梁國城先生,Jenny便開始學習中國舞。深知自己天資不足與起步較遲,「無論診所幾忙,我都會每朝拉筋」,最後只跳了三個月就膽粗粗上台表演,老師亦由「教佢教到嘔」到希望她在舞蹈藝術上有所成就。看似是人生勝利組,但Jenny並沒有因此而離地。每個月都會去老人中心與社區中心義診,診症之餘還感受到基層的生活,「依家有好多小朋友可以有平板電腦、智能電話,但基層市民連參加百多元的課外活動也不可,會感受到貧富懸殊嘅問題」。作為一個中醫師,Jenny最後還以一個人比喻香港,指出每個人都有陰陽不平衡地方。她直言香港是商業主導,好像書局中最暢銷的書永遠都是金融,藝術文化類卻榜上無名。另外她也引用自己曾看過的一個社評指出普遍香港人要負擔起一間屋,要動用全家的收入三分二,「那你何來生活,這個就是不平衡。」





來源: http://hk.apple.nextmedia.com/entertainment/art/20160305/19517145
港呢 呢啲 靚女 中醫 怎樣 煉成 成的 的楊 明霞 香港 社會 就是 平衡
PermaLink: https://articles.zkiz.com/?id=296938

【糧尾救星】頹廢撈飯邊款最正?港日韓人食呢啲

1 : GS(14)@2016-06-21 07:39:29

幾窮都好,一定要有米氣到肚!但係用乜送飯好呢?



又差唔多糧尾,仲食杯麵?點窮都要有啖飯到肚啩?飯呢樣嘢,平有平食貴有貴食,魚翅撈飯太唔環保喇,參考一下本地同日韓的撈飯法,就窮得嚟都可以食得有霸氣啦!

本土派:腐乳撈飯


腐乳撈飯,仲有辣有唔辣,唔太窮可以原粒撈,怕滯就半粒好了,再識食話啲就最好將腐乳由雪櫃攞出來後放至室溫,如果唔係會比較難撈;台灣的客家人仲鍾意將水果腐乳用來塗麵包,同鬼佬用芝士配多士差唔多啫!



韓國派:沙律醬撈飯


新派韓國人愛沙律醬,冇錢開飯惟有打開雪櫃,在飯面即啲沙律醬,再加牛油和砂糖,撈呀撈,韓仔就話味道似拌了cream的飯喇!不過傳統韓人食飯都係鍾意食鹹的,飯加牛油加豉油,撈勻,加多塊泡菜,正呀!



日本派:醃蛋黃撈飯


我哋都鍾意荷包蛋加豉油撈飯,日本人窮得來對食還是很有耐性的,將蛋黃隔起,用豉油和味醂醃蛋黃,一醃就醃幾個,6小時之後放在飯面撈飯吃,sashimi醃蛋黃第一天還會流心的,醃兩日之後蛋黃就會變實,應該又是另一番風味。窮還窮,以上幾款撈飯全部高糖高鹽,營養師黃榮俊指處理生雞蛋時亦要小心,醃蛋黃過程一定要用密封容器存放並置於雪櫃,「醃蛋黃時蛋黃最好被豉油和味醂完全覆蓋,味醂含酒精,如濃度夠都有一定的殺菌功能。」另外打蛋前一定要把雞蛋洗淨,因為雞蛋殼容易沾上雞的糞便,未清洗乾淨容易有沙門氏菌。窮人撈飯間中食下都幾「清新」,不過為健康着想都係勸大家盡量唔好令自己糧尾太多日喇!記者:容慧心



本土派的腐乳撈飯,懷舊味好重啊。 互聯網

台灣的客家人仲鍾意將水果腐乳用來塗麵包;同鬼佬用芝士配多士差唔多啫! 互聯網

韓仔食飯加沙律醬,仲要再加牛油同砂糖,甜飯嚟講呢…… 互聯網



豉油牛油撈飯加泡菜,都係傳統韓仔……食法啱口味啲。 互聯網

日本人將蛋黃用豉油味醂醃鹹,窮住都食得咁講究,真係佩服! 互聯網

營養師黃榮俊



來源: http://hk.apple.nextmedia.com/su ... t/20160621/19662477
糧尾 救星 頹廢 撈飯 邊款 最正 日韓 人食 食呢 呢啲
PermaLink: https://articles.zkiz.com/?id=302413

佐敦新盤賣貨尾二千萬景觀望呢啲...

1 : GS(14)@2016-07-15 05:12:23

興勝創建(896)尖沙嘴官涌街38號The Austine Place昨日開放現樓示範單位,為16樓B室,實用面積870方呎,兩房雙套,外望官涌街市及會德豐(020)Grand Austin。





來源: http://hk.apple.nextmedia.com/financeestate/art/20160715/19696049
佐敦 敦新 新盤 盤賣 賣貨 貨尾 尾二 二千 萬景 觀望 呢啲
PermaLink: https://articles.zkiz.com/?id=303774

【縮寫講呢啲】天琦被DQ 香港GG了

1 : GS(14)@2016-08-09 07:33:49

香港人鍾意講英文單字或者short form,梁天琦唔能夠參選立法會,我哋都會講「佢被DQ!」了,即是Disqualify(取消資格)的意思。



YouTuber火雞姐拍片鬧爆巴士阿嬸,佢用半中半英咁話:「佢對腳板底係black,好dirty好污糟!」片段紅爆網絡,你就知香港人幾咁鍾意講英文同睇人講英文。不過,我哋講的就唔係一句句講,而係講單字或者講short form,通常激動呀,難以形容心情的情況,就最令人要爆英文嘞!


好似梁天琦唔能夠參選立法會呢個so sad的情況,我哋會講「梁天琦被DQ!」,DQ係 Disqualify的縮寫,本來係運動術語,例如網球員犯規被人取消資格,我哋就會話「佢被DQ了」。點解梁天琦會被DQ?新界東地方選區選舉主任何麗嫦,就用咗12頁信件加附件,引用梁天琦facebook多幅截圖,解釋梁天琦點解「提名無效」。呢堆「解釋」都令好多人覺得「TL;DR」,TL係too long,DR就係didn't read咁解,但睇完都會發現,呢堆字相信就係話總之「我認為……我認為……我認為我不能信納梁先生真正改變了他過去主張及支持香港獨立的立場」。
GG啦今次,梁天琦冇得選,唔係佢本人GG,而是香港GG了。因為香港人已經唔再擁有選舉與被選舉權。GG係台灣常用語,意指「玩完」,本身是遊戲術語,是你打機時輸了,對手就會贈你一句Good Game,然後縮寫成GG,本應是話你雖敗猶榮,而家就以寸你玩完為主。香港無論特首定立法會人選都被越縮越窄,難望再有邊位CP值高的出現,係呀,Pokémon GO嗰個CP,即是Combat Power戰鬥力。如今我哋就惟有寄望曾鈺成同曾俊華講得出做得到,真係「冇人出嚟我嚟㗎喇」同埋「如果要對香港有貢獻,我願意做(特首)」,幫幫手實現我哋ABC(Anyone but CY,邊個都好,唔係CY就得嘞)的夢想,如果唔係,真係講幾多句DLLM都順唔番條氣。記者:容慧心



新界東地方選區選舉主任何麗嫦,就用咗12頁信件加附件,解釋咗梁天琦點解「提名無效」;呢堆「解釋」都令好多人覺得TL;DR,即too long, didn't read。

Pokémon GO嗰個CP,即是Combat Power戰鬥力,如果套用落而家某啲立法會議員上,可能係咁。

梁天琦冇得選,唔係佢GG,而是香港GG呀,因為香港人已經唔再擁有選舉與被選舉權。GG係台灣常用語,意指「玩完」。



財爺曾俊華又改口風,話「如果要對香港有貢獻,我願意做(特首)」,哦,你哋夾埋嘅!

立法會主席曾鈺成突然爆seed講咗句「冇人出嚟(選特首)我嚟㗎喇」,是咪的?唔好氹人喎。

前排好多人都會講到ABC呢個term,Anyone but CY,你唔係唔識嘛?



來源: http://hk.apple.nextmedia.com/su ... t/20160809/19728437
縮寫 講呢 呢啲 天琦 琦被 DQ 香港 GG
PermaLink: https://articles.zkiz.com/?id=305152

黃台仰曬30萬Audi《大公》第三日報呢啲

1 : GS(14)@2016-08-18 05:52:30

自日前《大公報》記者與本民前梁天琦在港鐵太古站發生爭執打鬥後,《大公報》一連兩日在頭版刊出跟蹤梁天琦的報道,被指發功抹黑梁天琦。該報昨日在要聞二再刊出有關梁天琦的報道。報道指調查發現梁天琦父親是一名普通退休教師,在元朗深居簡出,生活簡樸慳儉。報道又到梁父現住的單位及店舖,並訪問街坊,引述曾有街坊勸他讓兒子不要再搞事時,梁父以子為榮,支持梁天琦能晉身立法會,更「據稱」曾向街坊表示:「佢而家唔係殺人放火,有咩唔啱?」「入立會一個月16萬,若做到議員好過當差!」《大公報》又在副稿斥有網民將與梁天琦爭執的涉事《大公報》記者家人「起底」,引述執業大律師、「政法學社」召集人蕭雲然稱,有網民聲言要燒《大公報》,行為會令《大公報》或涉事記者感覺人身安全受到威脅,可能會觸犯刑事恐嚇及不誠實使用電腦罪;個別人士留言稱「大家一齊火燒《大公報》」,更有可能涉及教唆他人犯罪。報章亦引述民建聯、港區全國人大代表葉國謙批評記協回應是雙重標準,其他報館記者受襲都會嚴厲譴責暴力,但《大公報》記者受襲卻說無法評論有關糾紛。




來源: http://hk.apple.nextmedia.com/news/art/20160818/19741355
黃臺 臺仰 仰曬 30 Audi 大公 三日 報呢 呢啲
PermaLink: https://articles.zkiz.com/?id=306311

係時候分手?呢啲徵兆你有沒有?

1 : GS(14)@2016-12-11 14:12:43

英國心理學家及戀愛專家麥克林恩(Rachel Maclynn)透露10個是時候要考慮分手的徵兆,這些徵兆你又是否似曾相識?1.你失去光彩你的朋友也許是最先向你指出你不再似自己。處身於一段不快樂的關係可以造成重大影響,例如是對人生的整體熱情減退2.你容易被伴侶激怒你發現自己對伴侶不停反白眼,並對伴侶做的芝麻綠豆小事諸多不滿3.你開始不喜歡做愛或有親密舉動當伴侶靠近時你完全無衝動,就意味著你們之間有嚴重問題4.你發現自己想花多些時間獨處不快樂的愛侶會逐漸遠離對方,當你的獨處時間不正常地多時,這就是這段關係真正不快樂的徵兆5.你不再讚美伴侶假如有人令你不快樂,你會潛意識地停止想令他們快樂6.你自信心下降你會質疑自己的吸引力,因為伴侶令你對自己感到不快樂7.你不再期待放工回家假如你與令你不快樂的伴侶同居,你會潛意識地避開對方,突然間花多幾小時工作變得吸引8.你不再與伴侶計劃旅遊一旦墮入愛河時,計劃未來是本能做的事9.你對外表沒那麼自豪你有否發現與伴侶晚上外出消遣時,你不再像從前般花那麼多心機打扮?而你伴侶讚美你時,你也會滿不在乎10.你在朋友面前貶低伴侶當你在一段關係中感到不快樂,你開始失去對伴侶的尊重,故公開羞辱對方是關係出問題的徵兆英國《每日郵報》




來源: http://hk.apple.nextmedia.com/international/art/20161211/19862087
時候 分手 呢啲 徵兆 有沒有
PermaLink: https://articles.zkiz.com/?id=319182

日本潮興玩呢啲化身人肉蠶蛹咁得意?

1 : GS(14)@2017-01-05 08:01:01

一個人屈起四肢包在白布內,驟眼看很有恐怖電影的感覺,但其實這是日本新興的減壓方法,稱為「成人捲」(Otonamaki),用一條布將人包起來,聲稱有助紓緩背痛肩痛和釋放壓力。「看來很狹窄但一點都不覺得擠迫。相反,我覺得肩背舒服了很多。」一名40歲顧客一試就愛上。另一人就指:「我覺得很好,差點睡着了,頸和背都很放鬆,希望丈夫學會。」不過亦有人不太欣賞,「這看來很奇怪」,亦人認為這個「蠶繭」猶如恐怖片。「成人捲」由助產士渡邊忠夫發明,模仿嬰兒以布毯包裹、改善身體發育的治療方法,「成人版本」則被視作按摩或物理治療的替代方法,她們被包裹時令身體伸展,以消除背部和髖關節的痛楚,有助臀部、腳和肩膀肌肉更靈活,療程大約20分鐘。不過有治療師指「成人捲」有可能造成肌肉勞損,「如果維持30分鐘,我肯定會引致脊柱問題,不建議做這個治療」。英國廣播公司/《都巿報》




來源: http://hk.apple.nextmedia.com/international/art/20170103/19885139
日本 潮興 興玩 玩呢 呢啲 化身 人肉 蠶蛹 得意
PermaLink: https://articles.zkiz.com/?id=321233

女婿潮玩航拍機派利是外母回禮竟然送呢啲

1 : GS(14)@2017-02-05 10:55:13

廣東河源和平縣村民,在大年初五(1日)抬頭看到一部航拍機飛行,居然吊着兩封利是和一隻雞在天上飛,村民感到驚訝之餘,被吊起的活雞也被嚇得一動也不敢動。原來,這是村民阿財的新玩意。他平時過年回老家,都是帶利是到親友家拜年。他嫌傳統的拜年送禮太過普通,最近購買一部航拍機,於是靈機一觸,用航拍機給親友送利是。由於客家人的習俗,收禮後都要回禮。阿財的岳母表示,適逢今年雞年,所以回贈女婿一隻「飛」雞,寓意新一年「(雞)機會來了!」 廣東電視台




來源: http://hk.apple.nextmedia.com/international/art/20170205/19918718
女婿 潮玩 航拍 派利 是外 外母 回禮 竟然 送呢 呢啲
PermaLink: https://articles.zkiz.com/?id=325500

【影緊咩呀你?】攝影師分晒心跳水節目睇呢啲?

1 : GS(14)@2017-02-11 18:37:50

西班牙一個跳水綜藝節目請來一位身材姣好的美女參賽,攝影師當然沒有放過如此「良辰美景」,公然將鏡頭「鎖定」在對方胸部,讓觀眾眼睛大吃冰淇淋。這個跳水節目會邀請名人接受運動員指導後比賽跳水,最後由評判評分。身材激凸的馬丁內斯(Patricia Martinez)穿上金色、質料透薄的泳衣參賽,跳水後泳衣更加「透視」,將其身材表露無遺。馬丁內斯等候評判給分時,一臉緊張,並撫弄濕透的秀髮。此時攝影師竟然「老實地」把鏡頭集中在對方胸部,有關片段長達逾10秒,未知馬丁內斯是否隱覺不妥,曾一度以雙手掩胸。最後馬丁內斯獲得不錯的評分,還開心地向一位評判送吻。英國《每日郵報》/《每日鏡報》/《太陽報》




來源: http://hk.apple.nextmedia.com/international/art/20170210/19924025
影緊 緊咩 咩呀 呀你 攝影師 攝影 分曬 曬心 跳水 節目 睇呢 呢啲
PermaLink: https://articles.zkiz.com/?id=326275

【動畫】男神對你有冇Feel?留意有無呢啲徵兆

1 : GS(14)@2017-02-18 09:51:31

「他愛我?他不愛我?」這個簡單的問題可能難倒天下不少女士,愛情專家考克斯(Tracey Cox)就列出男士們喜歡妳的徵兆,大家不妨參考。1.連續快望妳3次第一次是「陌生人的望」,他望妳是因為妳進入了他的視線;第二次望妳是因為妳是女人;假如他喜歡妳,他會望第三次2.手指著他的生殖器假如他將手「叉腰」放在盤骨位置,手指張開並指向他的生殖器,他是潛意識地想妳望向它。另外,他坐在妳對面時張開腿,向妳展示他整個胯部,也是喜歡妳的徵兆3.腳指著妳假如男士發現一個吸引他的人,男士會潛意識地用手、腳指向對方4.手經常碰自己的臉假如他有意思,他會用手指背來回摸自己的面頰,觸碰耳朵或揉搓下巴5.望妳身體不同部份望著不熟的人,男士會望對方眼睛、嘴巴及鼻子;男士一旦開始調情,望的部份就會增多,包括胸部及胯部6.看著妳嘴巴他越對妳有意思,妳說話時他望著妳嘴巴的時間就越多7.常貶眼假如他喜歡妳,他瞳孔會放大及貶眼次數增加。妳可以嘗試增加貶眼次數,他喜歡妳的話就會潛意識地與妳同步,最終兩人都會覺得被對方所吸引8.壁咚用身體製造私人空間,以此在雙方周圍築起界線,例如是「壁咚」將妳困在他之下;或是將他的頭靠近妳的頭9.不停捏手上的瓶或罐當男士對一個人有「性趣」時,他們開始把玩圓形的物體,圓形的物體正好讓他想起妳的胸部英國《每日郵報》




來源: http://hk.apple.nextmedia.com/international/art/20170218/19932491
動畫 男神 神對 對你 你有 有冇 Feel 留意 有無 呢啲 徵兆
PermaLink: https://articles.zkiz.com/?id=326872

【兒童節懺悔】那些年 你有冇做過呢啲曳事?

1 : GS(14)@2017-04-05 23:57:19

No.1:濕廁紙擲天花板



又到兒童節,我們這些上班族又是時候懷緬過去,回想那些年激死媽媽的曳事。以下五項曳事你肯定做過!
No.1:濕廁紙擲天花板一開始把粗糙的廁紙濕水,然後向上擲到天花板上,特點是吸力強,黏在高空的天花板難清理!



No.2:高空水彈

No.2:高空水彈這個人人都識,先用膠袋盛滿水,然後左右睇水小心被捉,這時把水彈從高空擲下街,擲中途人得分。(以上行為不要模仿)



No.3:偷睇老竇鹹書

No.3:偷睇老竇鹹書那些年還未流行上鹹網,爸爸私藏床下底的鹹書便是恩物!



No.4:冒簽測驗卷

No.4:冒簽測驗卷十個有九個都試過,考試測驗零分怎麼辦?冒媽媽簽名成功,不過被發現簽名的廢紙,藤條伺候!



No.5:買豉油 打斧頭

No.5:買豉油打斧頭被媽媽命令落街買豉油,看到媽媽交到手上的散紙包雙眼發光,沒有零用錢,就是偷十元八塊到士多買媽咪麵吧!



記者:羅祖兒攝影:周旭文2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170405/19980099
兒童節 兒童 懺悔 那些 你有 有冇 冇做 做過 過呢 呢啲 啲曳 曳事
PermaLink: https://articles.zkiz.com/?id=329319

【戲院小食】星級大廚設計 入場睇戲食呢啲

1 : GS(14)@2017-04-08 20:45:30

入場看戲買定小食,來來去去都是爆谷、燒賣、熱狗、nachos,悶之餘有時更甚至質素麻麻,影響睇戲心情。但最近有聞AMC Pacific Place繼在貴賓廳供應即製美食後,與星級名廚張錦祥(Ricky)合作,設計多款歐亞美食佳餚,包括泰式冬蔭功墨魚粒、匈牙利燉牛肉、意大利風乾火腿魚柳卷、鮮茄香草西班牙黑毛豬肉、日式香煎牛舌,讓大家帶進戲院盡情享用。
Ricky首次設計戲院內享用的食物,他坦言難度頗高,「烹飪方式、食材選擇、食物湯汁的濃淡質感都須留意,所以我選擇採取慢煮烹調,能令戲院更易保存及處理小食。」率先於四月中推出的,有泰式冬蔭功墨魚粒及匈牙利燉牛肉,其中燉牛肉以匈牙利湯將牛肉燉熟,再加入新鮮檸檬皮碎,口感豐富,甚至可以搭配紅酒。另外三道菜式則會於六月推出,不妨留意。記者:黃穎妮2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


日式香煎牛舌

泰式冬蔭功墨魚粒

鮮茄香草西班牙黑毛豬肉


意大利風乾火腿魚柳卷

星級名廚張錦祥(Ricky)首次與AMC Pacific Place合作,推出一系列戲院小食。



來源: http://hk.apple.nextmedia.com/su ... t/20170408/19983523
戲院 小食 星級 大廚 設計 入場 睇戲 戲食 食呢 呢啲
PermaLink: https://articles.zkiz.com/?id=329724

【動畫】想知係咪濕重起床留意呢啲徵狀中唔中

1 : GS(14)@2017-04-17 07:19:57

春天到,中醫角度認為天氣潮濕可能令人體的濕氣加重。想知道自己體內濕氣重不重,由起床開始,就要留意有沒有下列徵狀:1.睡覺時流口水,臉部及頭部油脂分泌旺盛,很可能是濕氣飽和至外洩2.剛睡醒都覺得頭暈、疲倦,不願起床3.大便軟爛,黏在馬桶上4.刷牙時會作嘔,舌苔又黃又厚5.經常全身作痛、胸悶、肚脹、食慾欠佳中醫學認為,體內長時間積聚濕邪,可能會引致肚瀉、感冒、作嘔,甚至皮膚及關節問題。要散走濕氣,就要吃得清淡,避免肥膩食物及凍飲。多喝水,多做運動,即可加快體內新陳代謝。吃薏米紅豆粥也可以更快排走濕氣。不過想調理好身體,最好還是咨詢註冊中醫師。




來源: http://hk.apple.nextmedia.com/international/art/20170417/19992545
動畫 想知 知係 係咪 咪濕 濕重 起床 留意 呢啲 徵狀 中唔 唔中
PermaLink: https://articles.zkiz.com/?id=330834

【旅遊籽】新西蘭打工兼做野孩子 上山下海玩呢啲

1 : GS(14)@2017-04-28 02:11:29

Thomas獨自爬上2,751米的Mt. Ruapehu,當時因裝備不足,登至2,537米放棄。



【旅遊籽:浪迹遊蹤】由四個90後男生組成的「九原野孩」,以短片紀錄探索大自然的經歷,感染城市人多接觸大自然,當中黃俊維(Thomas)及劉子康(Alex)本身是打工仔,養精蓄銳十年,去年孖住到新西蘭假期打工一年,挑戰極限活動,「敢」受原野生活,摘過生果整過奶粉,雖賺不到上車首期,卻換來有錢也買不到的經歷。



「十年前看過一本書《浪蕩澳洲365天》,那時我們已經備戰澳洲。」世界變得太快,十年後,澳洲遍地華人打工仔,兩人決定轉戰新西蘭,心口寫個勇字,帶齊攝影器材及基本裝備,玩遍東南西北,一萬九千呎高空跳傘、笨豬跳、峽谷巨型鞦韆、激流、跳潭、滑沙、滑雪樣樣玩齊,「玩過全新西蘭最高的Skydive,一萬九千呎。因為無戴面罩,開始十幾秒風壓特別強,呼吸比較困難,我有一刻想過點解跳傘咁辛苦,不過玩完感覺係好爽。」Alex挑戰全島最高的Skydive,而Thomas就去了全球笨豬跳發源地Kawarau Bridge一躍而下,「好正,最大的賣點是只用毛巾包裹雙腳,可以選擇濕頭、濕身或者唔濕。」至於近期大熱的巨型鞦韆,在幾十米高的峽谷之間搖擺,Thomas就話似香港的機動遊戲跳樓機,「離心力幾大,在峽谷之間玩,自然環境贏晒。」習慣山中探索的野孩,始終覺得探索大自然最過癮,兩人一同登過高2,518米的新西蘭版富士山Taranaki,深入北島的地洞探秘,「其實是想搵一種叫Glowworm的昆蟲,是一種不會飛的螢火蟲,會發出藍色的光,通常盤踞在洞穴內。」新西蘭北島南島也有好多大型洞穴,當中有200萬年歷史的Waitomo Caves,是遊客景點,可以報團參觀,兩人卻膽生毛自行潛入較小型的Waipu Cave洞穴,睇螢火蟲之餘,還探索內裏乾坤,「有些洞穴水位較高,需要游水,有些洞穴內有瀑布,但很多石頭受侵蝕,表面非常濕滑,而且錯綜複雜,一般人最好還是跟團去。」


足迹遍及七雪山 攬羊與豚同游

去新西蘭最緊要接觸大自然。新西蘭的南阿爾卑斯山脈向來吸引世界各地山友青睞,有登山經驗的Thomas,已經爬過當中的Mt. Sealy、Mt. Ngauruhoe、Mt. Somers、Mt. Ruapehu等七個雪山山頭,回港前還單挑新西蘭最高的庫克山(Mt. Cook),「Mt. Cook高3,724米,遊客中心有本紀念冊,紀念二三百個攀山死去的人。」新西蘭的山脈大部份都沒有路,沒有領隊帶領,惟有要跟地形自行探索,加上體力不足,上到雪山中段,Thomas最終打退堂鼓,「行雪山最好要有兩個人,兩人之間要綁安全繩,萬一有一人失足,也有另一人拉扯。我一個人去到大約二千五百多米,地形全部也是碎石,差錯腳下面就是懸崖,最後決定回程。」五日四夜的獨自攀山經驗,令他上了人生一課,「我知道甚麼是安全甚麼是底線,上不到山頂不重要,至少要平安返到屋企,因為之後會有更高的山,更多挑戰,還有更遠的路要走。」上山唔是人人應付得到,又可以參考Alex下海經歷。新西蘭南島的Kaikoura,是知名的觀鯨勝地,他卻推薦大家跟團與海豚暢泳,「起初以為野生海豚可遇不可求,但船家會帶你去海豚出沒的海域,落水之後,海豚真的會不斷圍住我游,那一刻的感覺好奇妙。」如果不熟水性,在綿羊多過人類的新西蘭,隨處也可以親近小羊,「我覺得來到新西蘭,點都要去抱下隻羊,我在農場打工時試過抱,感覺就非常之軟、好暖。」


摘生果整奶粉 環保意識值得學習

足迹踏遍新西蘭,兩人當然也要打工賺路費,摘過車厘子、藍梅、牛油果,最有趣的工作,反而是整奶粉,「做好多不同類型奶粉,有小朋友、老人家食的。因為奶粉是製造給人食,非常注重衞生,全身着保護衣,需要勤洗手,還會檢查雙手的乾淨程度,每一批奶粉都會驗含菌量。」新西蘭人唔止講求衞生,連環保意識也非常強,「新西蘭保育做得相當不錯,每個人的環保意識都好好,唔會隨便排放廢物,每一個地方都好靚好清潔,是一個好原始的地方。」說得上是世界最後一片淨土,其實也同當地人有關,「新西蘭人好熱情,不論任何年紀,也樂意幫助你及分享自己的故事。」



毛葺葺的小綿羊,其實非常窈窕。

在新西蘭製作奶粉,裝束如同醫院隔離衣。

初期登山裝備不足,癲到就地取材自製樹枝冰斧。


跳傘Alex在南島Franz Josef的一萬九千呎Skydive,感覺呼吸困難。

與豚同游在另一個國度,與海豚同行不是夢。

笨豬跳Thomas在世界笨豬跳發源地 Kawarau Bridge玩笨豬跳,別具意義。


睇螢火蟲即使走進螢火蟲洞穴,也緊記不要影響自然生態。

燈塔睇日出新西蘭北島東面的East Cape燈塔,是全世界最早時區的地方,可以觀賞世界上最早的日出。

滑沙來到大沙丘Giant Te Paki Sand Dunes,當然要一嘗滑沙滋味。


剛剛回港的Alex(左)和Thomas,將新西蘭的所見所聞編寫《新西遊記》,陸續在網絡分享。

九原野孩 facebook:90wild記者:王佩兒攝影:張志孟(部份圖片由受訪者提供)編輯:梁浩維美術:楊永昌難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/su ... t/20170426/20001224
旅遊 新西蘭 打工 兼做 做野 孩子 上山 下海 玩呢 呢啲
PermaLink: https://articles.zkiz.com/?id=331727

【動畫‧處女情意結】男人「唔係處連拖都唔想拍」呢啲係乜心理?

1 : GS(14)@2017-08-04 06:12:00

處女情意結看似虛無,其實唔少男士都會有。



「男人希望另一半係處女」聽落無厘頭又荒謬,但的確係唔少男士嘅心聲。網上大大小小嘅討論區都不時有人講起呢件男人心事,有班好介意嘅男人會覺得「唔係處真係冇咁珍惜」、「唔重視對方係咪處女就唔好話自己係男人」,甚至有人會話「莫講話係老婆,唔係處女,就連同佢拍拖都唔想」。究竟呢個「處女情意結」係點嚟?思健心理諮詢中心註冊臨床心理學家趙思雅就認為有以下三個原因。



原因一:思想傳統又想另一半都係咁諗有啲男士對性、愛情、婚姻嘅思想特別傳統,例如堅拒婚前性行為等等,係咁嘅情況下,呢種男士就可能都想自己嘅另一半抱有同樣價值觀,所以會要求對方係處女。原因二:覺得女人係男性附屬品大男人嘅控制慾同佔有慾特別強,甚至會覺得女性係自己嘅附屬品,係喺自己控制範圍內,所以另一半嘅貞操自然都係屬於自己,絕對唔可以同其他男人分享,掂過都唔得。原因三:為咗showoff除咗當女人係附屬品,有部份男士更可能當另一半係戰利品,周圍同朋友講自己識到個處女女友、自己係女友嘅第一次等等……呢種「戰績」令佢有種虛榮感,所以就咁介意對方係咪處子之身喇。



思健心理諮詢中心註冊臨床心理學家趙思雅

唔少男網民都好介意另一半係咪處女。 互聯網

當然,都有人唔太介意對方係咪處子之身,覺得處女情意結已經不合時宜。 互聯網

不過,都有人唔太介意另一半係咪處女,認為「身體只係軀殼,真係咁緊要咩?」、「呢個時代仲討論呢啲好無謂」、「唔通唔係處,你就由愛佢變到唔想掂佢?」其實所謂「處女」,即係未發生過性行為嘅女士,屬於性嘅概念,同愛情觀、係咪忠誠冇好直接嘅關係。趙思雅舉例,有啲女士可能會一腳踏幾船,但從來冇發生性行為,純粹for fun,呢個情況下佢雖然係處女,但就唔忠誠喇。另一個例子,一位飽歷風霜嘅女士可能有過N段愛情,仲同過所有前度發生性行為,但咁都唔可以抹煞佢係一個好伴侶嘅可能性,因為佢可能有其他特質,例如有愛心、賢淑等等。時下嘅年輕一代對性、愛情、婚姻嘅睇法越來越開放,唔少人都係拍拖同居唔結婚,甚至連拖都冇拍過就同陌生人發生性行為,其實揀伴侶都要睇雙方夾唔夾、相處起嚟舒唔舒服,呢啲因素比「對方係咪處女」係咪更重要呢?記者:李煒汯攝影:梁志永、潘志恆2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170803/20109831
動畫 處女 情意 男人 唔係 係處 處連 連拖 拖都 都唔 唔想 想拍 呢啲 啲係 係乜 心理
PermaLink: https://articles.zkiz.com/?id=339570

【瘋狂搶購】半島嘉麟樓賣晒 好食奶黃月仲有呢啲

1 : GS(14)@2017-10-09 03:02:27

每年都被瘋搶的嘉麟樓奶黃月餅,$520有8個,每個平均要$65。



每年都被瘋搶的嘉麟樓奶黃月餅,就算貴到每個平均要$65($520有8個),今年亦一如以往,網上預訂於在三日內售罄,嘉麟樓奶黃月餅就像一個傳說,想買都未必買到,想吃奶黃月餅又有甚麼選擇呢?



選擇一︰九龍酒店 $368(8個),平均每個$46九龍酒店昔日和嘉麟樓共用同一配方,皮薄餡靚,奶黃有色澤而且奶黃味濃,不過今年就加價不少,上年賣$328而今年就加至$368,升幅高達12.2%。選擇二︰望月 $228(8個),平均每個$28.5望月的奶黃月餅有色澤和看上去非常油滑,而且價錢取勝,是三款中最便宜,不過之前是由奶黃月餅始創人葉潤發監製,及其入室弟子周新親自主理,現時兩人已離開並自立門戶,望月就指會繼續沿用之前配方做月餅。



九龍酒店 $368(8個),平均每個$46。

望月 $228(8個),平均每個$28.5。

選擇三︰益新 $338(8個),平均每個$42益新由去年起,請了周新負責監製奶黃月餅,每隻也是全人手製,上年限量發售的800盒都在開售2小時就全部售罄,記者曾致電查詢今年銷情,暫時仍有現貨,想買就要快手了。選擇四︰臻 $238(8個),平均每個$29.75周新師傅除監製益新的奶黃月餅外,去年還推出自家品牌「臻」,但今年才公開發售。奶黃月餅與益新的製作配方一樣,每個也是全人手製,但就比益新便宜。



益新 $338(8個),平均每個$42。

臻 $238(8個),平均每個$29.75。

四款奶黃月餅都比嘉麟樓的便宜,一個嘉麟樓的價錢更是望月的雙倍,又或可考慮近期大熱的流心奶黃月餅,也是不錯的選擇。記者:陳傲紫2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170920/20158029
瘋狂 搶購 半島 嘉麟 樓賣 賣曬 好食 食奶 奶黃 黃月 月仲 仲有 有呢 呢啲
PermaLink: https://articles.zkiz.com/?id=341958

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019