ZKIZ Archives


殯儀股上市贈蝶喻重生 現代傳播英文名變漢字有諗頭 李華華

2009-09-10  AD






 

首 隻本港上市嘅殯儀股中國生命(8296)噚日掛牌,究竟會送乜嘢紀念品畀港交所(388)而又具公司代表性,真係考心思,當然唔可以係公司產品咁大吉利是 喇。結果主席劉添財選擇咗公司Logo、一雙蝴蝶嘅精緻玻璃擺設作為禮物,寓意生命化彩蝶悠遊新世界。有老記就話,係咪比喻作梁祝化蝶重生呀?劉添財笑住 答「正是」。

方塊英文書法代表革新

呢隻殯儀股由新鴻基國際同東英分別擔任保薦人及牽頭經辦人,掛牌初段係威係勢,最多升 75%,不過最終好似蝴蝶跌落花叢咁,收市只升44%。同場另一新股現代傳播(072),董事長邵忠亦喺送禮方面花咗唔少心思,令在場人士都對呢間公司留 下深刻印象。邵忠特意請咗中國當代著名藝術家徐冰,用集團個名嚟寫書法,奇特之處在於唔係寫中文字,而係現代傳播嘅英文名字「MODERN MEDIA」,並以「方塊英文書法」表達出嚟,將中西文化混合於一體,遠睇似係兩個好深冇人識嘅漢字。邵忠認為,呢個作品代表集團跨越東西文化,傳揚現代 精神,並保持永恒革新嘅意思。現代傳播今次招股獲得李連杰、馬雲等內地名人入股,邵忠話,佢哋都係公司嘅精英讀者,同時亦係合作夥伴,公司曾經為李連杰嘅 壹基金作宣傳推廣,而馬雲嘅淘寶網亦喺旗下雜誌登廣告;既然大家咁friend,上市梗係要支持吓嘅。


李華華LiWaWa@AppleDaily.com



殯儀 上市 贈蝶 蝶喻 重生 現代 傳播 英文 名變 漢字 有諗 諗頭 華華
PermaLink: https://articles.zkiz.com/?id=11058

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019