15歲女同居兩年抱兩掟煲要攞撫養費
1 :
GS(14)@2016-05-21 18:29:36福建仙游縣人民法院日前審理一宗同居子女撫養糾紛案，17歲的父親李軍(化名)被判每個月支付兩名兒子各600元(人民幣‧下同)撫養費。李軍與謝蘋(化名)是初中同學，兩人戀愛時偷嘗禁果，當時13歲的謝蘋懷上了李軍的孩子。2012年6月，在雙方父母的同意下，二人開始同居生活。因李軍和謝蘋未滿法定結婚年齡，未能辦理結婚登記手續。同居後，謝蘋先後於2013年1月、2014年7月育有兩名兒子。兩個兒子出生後一直隨謝蘋生活。2014年8月，李軍和謝蘋出現情感糾葛，開始分居。謝蘋以李軍拒不支付孩子撫養費向法院提起訴訟，請求法院判令兩名兒子由自己撫養，李軍每月支付撫養費3,000元直至兒子18歲為止。「我在酒店當廚師，有固定的勞動收入，一直有拿撫養費給謝蘋，怎麼說沒有拿錢給她呢？還有，孩子是我和謝蘋生的，這孩子也是我的，我不同意兩個兒子由謝蘋撫養，我也要撫養一個。」庭審期間，李軍答辯並提出自己的訴求。法院審理後認為，父母對子女有撫養教育的義務，非婚生子女享有與婚生子女同等的權利；不直接撫養非婚生子女的生父或生母，應當負擔子女的生活費和教育費，直至子女能獨立生活為止。法官判令：「這兩個兒子出生後一直隨謝蘋生活至今，且均未滿2周歲，若改變其生活環境對孩子的健康成長明顯不利，兩個兒子應由謝蘋撫養。」法官又考慮到未成年子女的實際需要、李軍和謝蘋的負擔能力，以及當地的實際生活水平等情況，李軍應承擔兩個非婚生子每月的撫養費各600元，直至其年滿18歲。《福建法制報》
來源:
http://hk.apple.nextmedia.com/international/art/20160520/19620350
【男女之間】同居情侶注意3大忌
1 :
GS(14)@2016-08-04 04:06:50相見好，同住難，決定同居時sweet爆，未正式住埋已經吵哂大鑊，同一屋簷下，肯定磨擦甚多，美國撰寫心靈健康文章的作家Carolyn Steber提供3個大忌。
1.唔同時間瞓覺兩人生活習慣不一致是常識，同居但瞓覺時間唔同，好易騷擾另一半。但若然齊齊熄燈上床瞓，兩人生活同步，即使其中一方早起床，也能增加幸福感。2.掛住撳電話返工撳得電話多，收工仲要捉精靈？倒不如捉住另一半談心。睡前是最佳時間和枕邊人靜靜溝通，令彼此感情昇華。3.太似連體嬰恩愛情侶成日黐埋一齊，日對夜對，猶如孖公仔，無透氣位真係會厭。兩人最好有自己獨立圈子或嗜好，等大家唞唞，可讓關係保鮮，何樂而不為。記者：梁慧琳資料來：BUSTLE
來源:
http://hk.apple.nextmedia.com/su ... t/20160803/19720202
傳與四眼新歡同居沈卓盈：都想有個家
1 :
GS(14)@2016-08-13 14:50:20■身在日本的沈卓盈繼續否認拍拖，但強調遇到合適對象，都想組織家庭。
今年32歲的沈卓盈（沈大師）先後與飛機師Simon、金融闊少男友Ray Mak拍拖，但去年她跟Ray分手後，就由價值過億的禮頓山搬返青衣公屋居住。雖然打回原形，不過進擊的沈大師繼續屢敗屢戰，今年3月被本報影到與一名四眼男貼頭食雪條，當時沈大師亦例牌否認：「都話唔係咯，朋友呀！朋友出街食飯行吓街，佢好gentleman，多人地方都護一護。咁我單身嘛，朋友出街食飯正常社交。」不過之後兩人又再被人影到在東涌outlet行街，見得如此頻密，確實很難令人相信兩人沒有拍拖。
■進擊的沈卓盈最近被傳與四眼男打得火熱，並已在紅磡築愛巢同居。資料圖片
■沈卓盈早前被影到與四眼男在東涌outlet行街。資料圖片
■沈卓盈（左）近日孖住好姊妹徐淑敏去日本旅行，慶祝兩人相識十周年。
孖徐淑敏遊日本
昨日有周刊指沈大師與四眼男拍拖雖然短短幾個月，原來已經在紅磡築愛巢同居。報道又指四眼男家底不錯，家族經營內衣褲出口生意，他亦有幫家人打理生意，而父母則住京士柏山獨立屋，所謂筍盤難求，難怪沈大師要吼實四眼新歡。此外，沈大師前日孖住閨密徐淑敏去了日本旅行，她昨日透過短訊回覆否認同居傳聞，沈大師說：「唔係啦！」又表示今次日本之旅沒有與四眼男同行，她說：「今次係姊妹遊，慶祝兩人相識十周年。」被追問與四眼男有沒有發展機會？她說：「我哋係朋友，如果對方追我先再算啦！冇刻意去諗感情事啦，如果真係遇啱我都想有個家庭，做個賢妻良母。」看來沈大師真的好恨嫁，相信遇合適對象，應該會閃婚。採訪：楊定
來源:
http://hk.apple.nextmedia.com/entertainment/art/20160812/19732529
李佳芯夾錢租村屋與男友西貢同居
1 :
GS(14)@2016-09-30 08:09:02半年之前都仲講緊與家人同住柴灣公屋嘅大台小花李佳芯（Ali），出入都係搭交通公具，估唔到，昨日就有報道指佢同已經搬咗入西貢村屋，同ViuTV主持男友陳炳銓同居，似乎打破咗兩人感情有變嘅傳聞。據知兩人同居嘅嗰間村屋，月租15,000蚊，對月入兩萬嘅陳炳銓嚟講，都幾重負擔，Ali當然知道男友情況，決定同男友夾租同分擔日常使費。之前Ali出席活動嘅時候，都未試過承認男友身份，一直都話係好好好好嘅朋友，不過唔知佢最近係感情升溫定想向男友派定心丸，除咗漏口風同傳媒講，陳炳銓未喺時候見家長，間接承認男友身份。
來源:
http://hk.apple.nextmedia.com/entertainment/art/20160930/19786198
呂晶晶同唐詩詠前緋聞男友共賦同居
1 :
GS(14)@2016-10-21 05:28:10年屆33歲嘅04年亞姐冠軍呂晶晶，當選後喺亞視工作唔多，令人印象最深嘅相信係曾經同林韋辰、盛品儒拍過拖，之後就返內地發展，直到最近先回流返港。賺咗唔少人仔嘅呂晶晶，係圈中出名嘅小富婆，昨日就有周刊指佢同無綫嘅藝人黃嘉樂喺大埔同居。講到黃嘉樂，入行十五年拍過唔少大台劇，好似《鐵馬尋橋》、《巾幗梟雄》、《點解阿Sir係阿Sir》等等。不過最令人記得係--唐詩詠嘅前緋聞男友。報道中嘅知情人士話，大台最近安排咗幾套劇俾嘉樂，而晶晶就簽咗俾諸葛紫岐，所以佢哋都為咗前途唔會公開戀情。之但係佢哋都好有計劃，聯名開咗間公司，晶晶雖然冇車牌，但都買咗架價值50萬嘅四驅車俾男友代步，日常開支大部份都由女方負責。
來源:
http://hk.apple.nextmedia.com/entertainment/art/20161021/19807380
傳與攝影男友Silas同居欣宜曾跪求挽愛情
1 :
GS(14)@2016-11-13 11:32:41你話欣宜演戲方面好積極進取，勇於嘗試，感情方面一樣敢愛敢恨，堪稱烈女！之前欣宜喺佢嘅處女演唱會入面，自爆曾經為咗挽留一段感情，而跪求男友不要離開：「我曾經跪喺佢面前，求佢唔好走，將自己嘅尊嚴都放低，但佢始終都係走囉。」回想番，入行8年嘅欣宜，每次談戀愛都毫不避忌，但講到呢個跪求回心轉意嘅男友，佢就冇詳細咁回應。初戀男友2005年，欣宜仲喺溫哥華高中畢業嘅時候，就同初戀男友林寶麟着晒情侶裝去開P，仲帶男友見肥姐同秋官，可惜之後因肥姐病重停學返港，欣宜只好同初戀講拜拜。外籍同學欣宜喺加拿大返港後即與外籍同學Eric撻着，更不時拍親熱照放上網，但呢段情來得快，走得都好快。
Mark Ryan2012年宣佈同喺加拿大讀書時認識、拍拖五年嘅男友Mark Ryan分手，Mark去年結婚並已成為人父。韓籍男模同阿Mark分手後，13年就戀上韓籍巨胸男模崔豪晉（Jin），但欣宜就否認戀情，最後傳二人拍拖三個月便分手。
Silas Lee欣宜有傳與雜誌攝影師Silas Lee拍拖半年兼同居，佢哋仲成日喺社交網晒恩愛，然而欣宜去年11月就話同Silas分手大半年，而Silas亦係跪求唔好走嘅最高嫌疑男友。
來源:
http://hk.apple.nextmedia.com/entertainment/art/20161113/19832274
【事實婚姻？同居？】澳洲法例同居分手可追家用
1 :
GS(14)@2016-11-18 17:58:23就算你已有元配，也可以跟其他人發生「事實關係」。(互聯網圖片)
究竟「事實婚姻」是甚麼？在香港伴侶同居「事實上」很普遍，然而一旦兩人離異後，究竟有多少法律保障，一般人還是很陌生。不過，在澳洲早就有一條家庭法 FAMILY LAW ACT1975- SECT4AA，明文規定同居兩人無論同性與否，分手後都有權向對方追討贍養費。在這條FAMILY LAW ACT1975法例下，一段「事實關係」(de facto relationship)中同居伴侶分手後，任何一方無法獨力維生的情況下，另一方都有責任在財政上支持對方。一般來說，兩人至少要一起住滿兩年，才能算作有「事實關係」，當然如果一起有小孩以及一方持有或使用物業，就更加是鐵證如山，已經是一頭家無異了。有趣的是，假使你真的有「幾頭家」，在澳洲可能得不償失。因為儘管你已結了婚，但也可能會跟其他人發生「事實關係」，那就得當心了，因為一旦分手，這位前伴侶是會跟你攞家用的。參考資料：1)FAMILY LAW ACT1975- SECT4AA(
https://www.legislation.gov.au/Details/C2016C01106)2) FAMILY COURT OF AUSTRALIA記者：陳以恒
來源:
http://hk.apple.nextmedia.com/su ... t/20161118/19837308
Next Page