馮仁昭四圍超：《使徒行者》拍電影版古仔上馬 林峯被Out
1 :
GS(14)@2015-11-25 08:18:51由苗僑偉、林峯同佘詩曼主演嘅劇集《使徒行者》上年播出收視唔錯，內地嘅博納公司牽頭拍電影版，仲拉埋古天樂嘅天下一、寰亞合作，無綫都會投資番少少。電影版導演用番《使》劇監製文偉鴻，去咗寰亞嘅梁家樹會做監製，顧問就係王晶，演員就繼續由阿佘演番釘姐，反而飾演爆Seed嘅林峯就冇份做，而古仔同張家輝嘅黑社會人物係全新創造出嚟，吳鎮宇會做一個精明警察。故事方面，會延續劇集5個卧底之後，其實仲有第6個，所以電影版主要講述黑幫要追查混喺佢哋組織內嘅第6個卧底係邊個，咁到底係家輝定古仔呢？馮仁昭就唔踢爆喇，留番觀眾入場睇啦！
■《使徒行者》電影版繼續由阿佘演釘姐，林峯就冇份喇。劇照
或拉隊巴西取景
《使》片製作費約8,500萬元，聽講會去巴西拍外景，預算下個月中開拍，其實唔好以為會有好多錢拍，因卡士面都幾乎去咗一半製作費，家輝收2,000萬元片酬、古仔1,500萬元、鎮宇1,000萬元，加埋監製、導演同其他演員嘅支出，製作費真係要慳住使，如果計唔掂數，聽講會放棄去巴西拍外景。撰文：馮仁昭
來源:
http://hk.apple.nextmedia.com/entertainment/art/20151124/19384801
《使徒》電影版又玩多角戀阿佘嗒古仔家輝 死剩把口
1 :
GS(14)@2016-01-08 08:51:10■佘詩曼在電影版中演回釘姐的角色，她昨日透露獲免役不用去巴西拍外景。
張家輝、古天樂、吳鎮宇及佘詩曼等昨日在觀塘出席《使徒行者》電影版的開鏡拜神儀式，各演員分別戴上黑或白色手套，以代表在戲中忠奸角色。至有份演電視版的林峯被飛，導演文偉鴻以「世界係圓，總有聚頭一日，開會衍生今次故事、演員」作回應。古天樂戴着白手套現身，他笑說：「我喺戲中賣手套。」《使》片將於下月啟程前往巴西取景，古仔表示不擔心當地治安問題，他說：「唔擔心，只係要打啲防疫針，我哋多數係夜戲，要拍兩個禮拜。」有報道指古天樂身家過10億且有5個私人保鑣，他表示沒有回應。
■佘詩曼演完電視版再演電影版，但對手林峯卻無緣現身電影版。資料圖片
■古天樂、吳鎮宇及佘詩曼等一班演員昨日為《使》片開鏡拜神。
■古天樂（左）和張家輝戴上黑白手套，寓意各人角色亦忠亦奸敵友難辨。
張家輝暗寸「Barcode勤」
至於同行的張家輝亦指不擔心安全問題，他說：「都唔驚，班演員都唔會收工去蒲，都係返酒店休息，一般安全措施劇組會有安排，老婆唔會擔心，巴西都係大城巿。」對於有何準備，家輝笑說：「都係帶底衫褲箒。」講到李克勤遺失行李事件，家輝指經常在自己身上發生，慶幸是自己行李沒有條碼，似是取笑克勤貼滿條碼的行李箱。佘詩曼再次演回電視版的「釘姐」，她表示電影中依然是死剩把口本色，她說：「撐咗先，死剩把口，同3個男主角都有感情戲。」而她跟吳鎮宇都不用到巴西拍外景，鎮宇笑言：「我申請咗唔去巴西，澳門就要去。」有傳佘詩曼不續約無綫而被飛出《使徒》網劇，她說：「唔會因為咁，我完約都拍呢部戲，唔關事。」有相士狠批阿佘一生遇上感情波折及騙子，阿佘笑言：「咁我要專注事業，順其自然。」鎮宇接着稱：「我對追阿佘嘅男仔有信心，佢好識揀，唔會係壞人。」監製王晶表示南美洲才有可卡因，所以到巴西拍攝，希望可以拍出《職業特攻隊》電影系列的格局。動作導演錢嘉樂自話將會首次踏足巴西，所以非常期待。採訪：張俊銘攝影：葉君海
來源:
http://hk.apple.nextmedia.com/entertainment/art/20160108/19443044
青雲搵古仔填命
1 :
GS(14)@2016-03-14 01:43:56劉青雲、古天樂主演的電影《危城》，由《絕世好bra》系列所飾演的難兄難弟，一轉而成生死相搏的死對頭。自從《殺破狼2》之後，古仔走上奸角之路，今次繼續再演奸角，於最新曝光的《危》片預告片中，飾演軍閥少帥的古仔，因為殺了3個村民，被青雲飾演的村保安捉拿兼要殺人填命，但古仔依然笑得好奸。陳木勝導演的電影，當然少不免動作場面，一向甚少拍打戲的青雲都要在《危城》中親身上陣，彭于晏和吳京亦有不少動作場面。故事發生於民初，但仍然加入了陳木勝最愛的爆破場面，當中好有日本導演黑澤明的《七俠四義》感覺。最令人拍案叫絕的是片尾黐了鬚的彭于晏，依然不忘對鏡頭自讚一句「靚仔」。撰文：李森
來源:
http://hk.apple.nextmedia.com/entertainment/art/20160313/19527275
青雲古仔擸架生宣傳
1 :
GS(14)@2016-03-15 15:09:51劉青雲、古天樂、彭于晏等昨日跟導演陳木勝及洪金寶出席影視展，為電影《危城》宣傳。3位男主角手持皮鞭、手槍及大刀上台，古仔的小槍被司儀形容為短小精緻，古仔反駁說：「唔係大支就有用，我呢啲短小精悍。」在戲中善用皮鞭的青雲則被司儀指：「青雲條嘢有兩米長。」青雲亦抵死回應說：「呢啲係公開嘅秘密，仲熱嘅㖭。」青雲指練習皮鞭不難，最慘係跟他對打的演員。動作導演洪金寶接受訪問時透露：「青雲其實練習嘅時候打到自己最多，彭于晏好畀心機練，但係吊兒郎當，但講靚仔，彭于晏就唔及得我30年前。」另外，肥媽Maria Cordero亦在影視展內的攤位，宣傳以她的肖像卡通《肥媽廚房》。她表示透過卡通教曉小朋友一些飲食知識，她還叮囑製作人員千萬不能將自己畫瘦。採訪：張俊銘攝影：陳慧安
來源:
http://hk.apple.nextmedia.com/entertainment/art/20160315/19529513
趙薇遭古仔毒打
1 :
GS(14)@2016-04-15 16:30:11杜琪峯導演、游乃海編劇的電影《三人行》昨日在北京舉行記者會，男女主角鍾漢良及趙薇都有到場，兩位導演搞笑表示「邊拍邊寫」是銀河電影的風格。趙薇在戲中飾演腦科醫生，她謂之前只受訓了一個月，卻有不少手術場面，所以拍攝時要有醫生同場協助，她和鍾漢良在台上聲討不在場的古天樂，表示古仔經常「毒打」他們，趙薇有場戲要被古仔掌摑，為了遷就角度及多次NG，結果她足足被古仔打了一整天，但當她要求加戲「報仇」時，杜Sir竟然只拍了幾個鏡頭就收貨。鍾漢良就指古仔「出盡力」拍攝，皆因他有場戲要被古仔扭耳仔，結果他拍完後耳仔腫了起來。撰文：李森
來源:
http://hk.apple.nextmedia.com/entertainment/art/20160415/19571427
古仔摸阿佘 家輝話正
1 :
GS(14)@2016-08-04 04:06:24■古仔在《使》片中被佘詩曼挑逗。劇照
張家輝、古天樂日前在尖沙嘴宣傳電影《使徒行者》，二人被網民喻為繼周潤發、劉德華後的「香港男人」代表，家輝笑言：「呢個係好聽講法，希望盡量畀機會新人，無論係點我哋都係香港嘅男人啦！我死嗰日都係香港男人。」電影描述二人面對出賣兄弟，古仔自言現實中沒試過被朋友出賣，二人又互指是相當重義氣之人。片中有一幕古仔被佘詩曼逼埋牆角挑逗，古仔伸手摸阿佘的臀部，他笑說：「我着晒腰封話唔好，我都係摸邊皮，唔係摸膽。」古仔指導演事前與阿佘溝通好，又找來兩名助手試戲，家輝笑謂：「阿佘梗係正！」採訪：張俊銘攝影：陳志嵐
來源:
http://hk.apple.nextmedia.com/entertainment/art/20160803/19720037
【馮仁昭四圍超】《貪狼》受制捨韓星首爾取景古仔流落泰國
1 :
GS(14)@2016-08-11 06:08:37內地突然實施限韓令，令到好多娛樂公司措手不及，太陽娛樂原本呢個月喺韓國開拍《殺破狼》前傳《貪狼》，導演係葉偉信，主角係古天樂加張晉，有幾位韓星演出㖭，投資約1.5億人民幣，但受到限韓令影響，電影公司已取消去首爾拍攝，所有韓國演員都唔會用啦！其實近年韓星嚟到中港台三地搵銀，越嚟越大牌，畀咁多錢佢哋，仲要受佢哋氣，而家俾內地咁樣壓一壓，唔係壞事。
■黃柏高因為《殺破狼II》收得，決定再開拍前傳《貪狼》。資料圖片
最遲10月中開拍
聽講《貪》片會改去泰國拍攝，噚日馮仁昭問監製黃柏高（Paco）係咪因為限韓令而取消去韓國取景？佢喺電話度話：「係呀！而家決定轉去泰國拍，原本有幾位韓國非一線嘅演員演出，而家都會換人，因為變動咁大，又要重新搵過啲景，真係需要時間準備，希望最遲下個月底或10月中可以開拍啦！」到底《貪狼》故事究竟講乜嘢？聽講係講古仔演嘅黑幫老大出獄後俾張晉劫走。因為古仔啲血液好獨特，可以高價販賣，所以張晉想將佢賣畀泰國富商做活肝臟移植，但兩人坐船途中出意外，分別流落到泰國，之後兩人就喺泰國展開一段你追我逐嘅公路之旅。撰文：馮仁昭
來源:
http://hk.apple.nextmedia.com/entertainment/art/20160811/19731142
青雲古仔正邪對立
1 :
GS(14)@2016-08-14 14:29:23劉青雲與古天樂的組合始於賣胸圍的《絕世好Bra》，今趟兩人在新作《危城》中正邪兩立，衞城與強權之間對立。衞城之戰青雲憑一條皮鞭走天涯，鮮有拍打戲的他笑言：「好玩，呢類動作片好少做。」令青雲印象最深的是戲中演自己囡囡的小女孩，他說：「都有啲性格㗎，我哋好快磨合，最重要係令佢熟習我、唔好怕我。」古仔因舊患不能再拍難度高的動作，他說：「自從腳斷韌帶之後，唔可以再勁跳同屈曲呢啲高難度動作，所以啲高難度都係留番畀青雲。」早前有網民表示希望古仔再唱歌，他即說：「唔好搞我，如果青雲出唱片我咪唱囉。」採訪：卓寶花攝影：陳志嵐場地提供：The Mira Hong Kong
來源:
http://hk.apple.nextmedia.com/entertainment/art/20160814/19735294
【雪雪趣事】咀到古仔抹嘴
1 :
GS(14)@2016-09-03 23:28:49盧覓雪（左）、古天樂（右）
娛圈雪雪BB有三位，分別是盧覓雪、林雪和孫慧雪，而盧覓雪出名玩得，戲內戲外都創造好多經典趣事。
啜爆古天樂
前年客串《金雞SSS》的盧覓雪在戲中與古天樂嘴對嘴，這個「世紀之吻」一拍完，古仔即用紙巾抹嘴，吳君如還立刻上前攬着古仔做心理輔導。
同祥仔撞樣
阮兆祥於《荃加福祿壽》反串扮女人，相貌竟然與盧覓雪極為相似，其後兩人多次以孖妹造型亮相，合唱《風箏與風》最為經典。
任舔胳肋底
去年盧覓雪為《12金鴨》到台北尋找合適舞男演出，遇上兩位震波舞男施展渾身解數情挑。雪雪BB被拉高玉手，由手腕舔到去胳肋底位置，超級重口味。
着內衣上陣
盧覓雪在08年客串由鄧麗欣和Janice Man主演的《內衣少女》，其中一幕雪雪BB穿上黑色性感內衣，圓渾身材表露無遺，畫面震撼。
疑爆口交片
去年有報道指有黑道中人自稱有一條四級片，開價10萬元向各大傳媒兜售，片段中一名貌似盧覓雪的女子，正被一位男子口交，事後盧覓雪澄清非當事人，還親自評片中女主角是交行貨。
來源:
http://hk.apple.nextmedia.com/entertainment/art/20160903/19758154
Next Page