ZKIZ Archives


中環在線:實力大股東婚變小股東受罪 李華華

2010-10-25  AD

到底兩公婆一齊做生意、打天下,會係事半功倍,定係寧舍多拗撬呢?華華覺得,呢個問題好難有個定論,不過可以肯定係,就上市公司講,如果兩公婆一齊做,最後搞到分手收場話,對小股東講就絕對係一個麻煩。好似老牌工業股實力建業(519)大股東洪建生同前妻王家琪咁,一齊打江山,之後轉型搞巴拿馬及英屬處女島的度假村及物業項目,但最終都要分手,仲累到上市公司o忝。

不願支持前妻任執董

話說實力上個禮拜舉行股東大會,點知洪建生場上無啦啦動議要休會兼延期,原因係佢同前妻王家琪的官司有手尾跟。事緣法庭10月15日,要求洪建生行使佢投票權,支持番佢前妻由非執董轉做執董。洪建生梗係唔制啦,決定向法院提出上訴。所以佢話最好等到上訴有結果,即係差唔多出年1月先再開股東會,咁樣會適合喎!

佢兩個之間恩怨,數埋其實一疋布咁長。今年8月,洪建生主導下實力建業就曾經入稟,向王家琪追討一批古董,包括國畫大師徐悲鴻、潘天壽及劉海粟作品。公司話呢古董只係交畀王氏託管,王家琪間山頂豪宅只係好似貨倉咁,用擺放畫,o依家公司需要錢周轉,好應該交番古董出拍賣套現啦!王家琪都不甘示弱,無幾耐又告洪建生同實力建業,要求拎番附屬公司賬目、銀行結單、出糧紀錄、會議紀錄同律師行仲有港交所之間書信等等,實行要大起底。睇呢單都唔會咁易收科!

中環 在線 力大 股東 變小 受罪 華華
PermaLink: https://articles.zkiz.com/?id=18723

財經評論:業主無辜受罪

1 : GS(14)@2016-03-11 12:57:27

任何投資都有風險。買樓收租,租客不交租,住殘你間屋事小,最大鑊是租客一時看不開做傻事,在屋內自殺,送到醫院救唔番,間屋變埋凶宅,這是買樓收租最大風險。無錯,樓價跌可以升番,但間屋死過人,一世都是凶宅。每當樓市下行,凶宅一定跌先,跌價最少三至五成。



凶宅死者多為租客

香港過去發生的不少自殺命案,大部份死者都並不是單位本身的業主,只是單位的租客。長洲東堤小築因此一度成為全港自殺勝地,250個單位中,有26間是凶宅(數字來自凶宅網),比例逾一成。租客自殺,單位變凶宅,業主受到最無妄之災。做地產版記者多年,經常聽見屋苑新增凶宅,死者亦多涉及租客。心諗,邊有咁邪,好地地買層樓收租,無端端變了凶宅,樓價即輸三成。沒有最黑,只有更黑的業主,買入單位不久後同層有單位發現命案,再不久後租住自己的物業租客也燒炭,咪話唔信邪。一名投資者在2005年花了近130萬元買入沙田第一城一個低層戶收租,但買入單位幾個月後,同層有單位有人墮樓身亡。業主更估唔到的是,連他自己層樓最終也變成凶宅,且是大大鑊。日前有情侶在屋內燒炭亡,愛犬亦陪死,淪三屍盤。自殺的人,是租住近十年的長情租客。即係話,這層八個單位入面,已經有兩間是凶宅。除涉事凶宅,同層其餘6個業主亦十分無辜,單位有排唔使賣。一般來講,凶宅同層其他單位至少跌價一成。一層兩間凶宅,相信影響更大鑊。買樓收租變凶宅機會率有幾高呢?大家可以上各大凶宅網搜查邊個屋苑最多事故盤。以全港十大屋苑為例,大概有193間凶宅,佔單位總數96,853伙約0.2%,平均每502間有一間。記者:朱連峰





來源: http://hk.apple.nextmedia.com/financeestate/art/20160311/19524667
財經 評論 業主 無辜 受罪
PermaLink: https://articles.zkiz.com/?id=297557

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019