鬥卡士：千嬅Sammi個唱嘉賓晒冷
1 :
GS(14)@2015-01-27 08:53:20
曾是樂壇宿敵的楊千嬅與鄭秀文（Sammi），先後於紅館舉行演唱會，她們也出盡人情牌，各場邀請不同嘉賓，但主題各異，千嬅主要邀請樂壇唱得之人任嘉賓，Sammi則請來過往電影中合作的拍檔。
楊千嬅
第一場：陳奕迅第二場：容祖兒第三場：郭富城第四場：鄭秀文第五場：張學友第六場：周柏豪第七場：陳奕迅、梁漢文
鄭秀文
第一場：古天樂第二場：黃偉文第三場：陳奕迅第四場：黃浩然第五場：卓韻芝第六場：黎明第七場：杜琪峯第八場：張學友第九場：張家輝第十場：谷德昭第十一場：鄭伊健第十二場：劉德華
來源:
http://hk.apple.nextmedia.com/entertainment/art/20150127/19017513
師兄拉攏破冰祖兒驚現千嬅個唱 解十年恩怨
1 :
GS(14)@2015-01-27 08:53:55
【同台合唱】■楊千嬅（右）前晚個唱邀請宿敵容祖兒做嘉賓，兩大天后在樂壇頒獎禮鬥了逾十年，終化敵為友。
楊千嬅與容祖兒曾幾何時在樂壇頒獎禮鬥了逾十年，但近年千嬅把重心放在影壇，留下祖兒在一片死寂的香港樂壇獨領風騷，當兩位天后都息干戈沒爭鬥意欲，加上男友劉浩龍（師兄）拉攏，她倆終可以化敵為友，前晚就驚見容祖兒世紀性做千嬅個唱第二場的嘉賓，兩人妙語連珠引爆全場笑點！祖兒以手機形容兩人關係：「市場冇可能得一種產品㗎，有iPhone，都要有Samsung㗎！」歌迷樂見兩天后一抱泯恩仇。
楊千嬅一連七場的個人演唱會於上周六揭開序幕，努力減肥的她果然纖瘦了很多，唱功也進步不少。前晚第二場的特別嘉賓，竟然是宿敵容祖兒。當尾聲「安哥」部份的音樂響起，沒想到徐徐升上台的是祖兒，當她唱出《習慣失戀》時，全場驚喜尖叫之聲此起彼落，唱到中段千嬅亦從舞台另一端出場。
【世紀抱抱】■首次做千嬅個唱嘉賓的祖兒，表演後一抱泯恩仇。
手機妙論競爭
據悉祖兒擔任嘉賓，要歸功於兩天后背後的男人，原來千嬅老公丁子高與祖兒男友劉浩龍很老友，以致兩人開始有來往，在劉浩龍幫忙拉攏下，終撮合兩天后破冰，在舞台上合作。兩人合唱完，祖兒都好奇問千嬅：「點解你揀唱《習慣失戀》呢？」千嬅自爆當年失戀後經常流連卡拉OK，適逢祖兒當時推出多首失戀療傷情歌，千嬅笑說：「但越唱越lonely，唔係好療到傷！」
兩人在台上開了一輪玩笑，千嬅表示好欣賞祖兒，同時透露對方歌曲陪伴其度過單身的時光，她說：「唱片公司之間就好鬼麻煩，有啲敵對心態令個市場熱鬧啲，當然喺頒獎禮上面大家都係競爭對手，喺嗰一分鐘好緊張，唔係你贏就我輸，當然嗰刻好唔『鋸』，係咪先！」祖兒表示認同，千嬅續說：「其實我覺得呢個圈子好應該多啲唔同嘅歌手，好似我同你！」祖兒笑着回答：「任何一個市場都唔可能只有一個產品，例如唔能夠只有iPhone，亦要有Samsung！最重要係大家都係咁受歡迎！」全場爆笑和喝采。
【鬥足十年】■祖兒和千嬅多年來在叱咤頒獎禮上鬥得死去活來，本月初千嬅重奪女歌手金獎時更激動哽咽。資料圖片
■有指千嬅和祖兒的世紀合作，全靠二人背後的男人丁子高和劉浩龍的促成。
祖兒恨嫁恨出口
接近尾聲，兩人互相祝福，祖兒對千嬅說：「我好羨慕你已經踏入人生另一個階段！」千嬅話：「你都近啦，好快㗎啦！」祖兒恨嫁恨到出口說：「女人最緊要咩？歸宿！」劉浩龍亦在觀眾席上，坐在丁子高旁邊，舞台大銀幕影到二人，全場尖叫，千嬅亦向祖兒指示他們的座位，祖兒說：「嚟咗咩？係喎，兩隻獅子（兩男同屬獅子座）。」落台之前祖兒與千嬅擁抱，千嬅說：「多謝你，喺我工作路上有個咁優秀嘅競爭對手！」千嬅在個唱除了與祖兒泯恩仇外，她與填詞人黃偉文（Wyman）之前因誤會不和多年，但近年已冰釋前嫌，Wyman近日為千嬅寫了首新歌《最好的債》，歌詞圍繞兩人之間的恩恩怨怨，難怪千嬅唱到一時感觸眼泛淚光，甩了幾個字，歌迷立即大合唱並報以掌聲支持，結果她在演唱會最後部份「安哥」時上訴，要求再唱《最》歌一次。採訪：鍾國仁
來源:
http://hk.apple.nextmedia.com/entertainment/art/20150127/19017509
組超齡Twins千嬅Sammi攬走積怨
1 :
GS(14)@2015-01-30 08:19:23
■盛傳交惡十多年的楊千嬅（左）和鄭秀文，今次可謂一抱泯恩仇。
一抱泯恩仇，楊千嬅演唱會是最好的印證。繼日前十年爭獎死敵容祖兒擔任嘉賓後，前晚在紅館舉行第四場個唱，終於，另一位天后鄭秀文（Sammi）現身了。傳言二人積怨從華星年代種下，千嬅出道時被公司塑造為翻版鄭秀文，此舉令Sammi大為不滿，交惡傳足十幾年，所以當Sammi踏足千嬅的紅館舞台一刻，千嬅的確是眼泛淚光。中性打扮的Sammi唱出《終身美麗》，二人手牽手合唱後擁抱，千嬅感動得熱淚盈眶，Sammi率領全場大叫「楊千嬅你最索」，千嬅即叫觀眾大嗌「Sammi你最索」，Sammi笑說：「唔使講啦，我知呀！」千嬅坦言對Sammi答應做嘉賓感到再無遺憾，她說：「大家會覺得好奇點解我會請Sammi，因為我出道時，好多人都將我哋成為話題！」Sammi即與千嬅頭貼頭說：「真係似咩？不如我哋組成Twins啦！長做長有，不過我哋有啲超齡！」隨後她倆不斷互笠高帽，千嬅說：「我好幸福，似到一個咁堅、咁威、咁靚嘅人，仲唔係亮點？」Sammi回敬：「你請我分享你嘅成功，分享你嘅快樂，見證你努力嘅成果，好開心，多謝千嬅咁多年後畀咗呢個機會我。」
■鄭秀文（左）在台上為千嬅打氣，千嬅坦言毛管戙並感激每位朋友的支持。
■（左起）鄭秀文、陳慧琳、梁詠琪和千嬅當年因為頒獎禮而傳出是非。資料圖片
■曾與千嬅合作拍電影的五位小孩，開騷前專登往後台為她提早慶祝生日。
自爆曾被錯認Sammi
千嬅自爆曾在內地工作時被錯認是Sammi，她笑言：「我認咗呀，我怕解釋仲核突，因為我國語唔係咁堅。」Sammi即搞笑地說：「我冇俾人嗌錯做丁太，你當我隔籬嗰個流嘅咩！」Sammi離開舞台前，認真地為千嬅打氣，千嬅在台上感性地說：「我自己都毛管戙，好開心，夢想變成真！我好感激每位嚟嘅朋友，令我好溫暖。」千嬅獻唱期間，高踭鞋的斗零踭攝入舞台機關空隙，她索性除去高踭鞋，赤腳在台上又唱又跳。此外，千嬅新片《五個小孩的校長》戲中五位小演員開騷前，亦拉隊到後台探班，合唱生日歌和送生日卡預祝千嬅下星期生日。撰文：麥萍萍
來源:
http://hk.apple.nextmedia.com/entertainment/art/20150129/19020091
學友教千嬅唱歌
1 :
GS(14)@2015-01-30 08:46:24
■千嬅爆老公是學友的粉絲。
張學友前晚為楊千嬅個唱擔任嘉賓，演繹《還是覺得你最好》時全場大合唱掀高潮，之後跟千嬅拖手合唱《你最珍貴》，千嬅說：「我好緊張，練咗呢首歌兩個月。」學友笑她緊張到手震，千嬅爆老公丁子高是學友粉絲，當年婚禮兩人都是唱這首歌表演。學友說：「其實我以前都以為千嬅儍儍哋，但之前我搞阿梅（梅艷芳）個騷，叫佢做乜佢都話『好呀』、『OK』，令我非常感動，千嬅應該擁有一切最好，因為佢係好人。」千嬅也感性說：「我好開心，喺人生路上有一晚可以同學友合唱，學友哥哥係我嘅好榜樣，今日綵排佢袋咗好多錢畀我，因為有啲位我唱得唔係咁好，佢即刻教我，係一位好老師。」撰文：皓騫
來源:
http://hk.apple.nextmedia.com/entertainment/art/20150130/19021575
千嬅尾場丁子高伴舞 喪笑甩嘴
1 :
GS(14)@2015-02-03 00:35:08
■丁子高鬼馬上台畀驚喜老婆，千嬅甩嘴他就幫口唱。
楊千嬅七場紅館演唱會，前晚在歡呼聲、笑聲及淚水下圓滿結束，原本十一時五十分唱完，但觀眾不肯離場，結果千嬅清唱《煉金術》至凌晨十二時完場。千嬅每場都請不同嘉賓，前晚尾場星光熠熠，除有陳奕迅、梁漢文與她組成華星三寶合唱《大激想》，林海峰（Jan）、黃偉文（Wyman）及老公丁子高突然現身上台，都令她驚喜萬分。
Jan放假送上門
曾與千嬅不和的Wyman上台送花，千嬅喊爆，場面感人。不過，前晚最令千嬅驚喜還是老公丁子高，當千嬅唱《抬起我的頭來》時，丁子高上台混入舞蹈員中並站在千嬅背後，當千嬅轉身見到老公站在台上時，即嚇到甩嘴，千嬅笑說：「你做乜嘢呀！着VRF件衫呀！」另一位神秘嘉賓Jan上台都嚇了千嬅一跳，千嬅見到Jan由台底升上台即說：「嚇死我喇，我以為你放緊生日假。」Jan則搞笑說：「我好想睇你演唱會，問工作人員有冇飛，工作人員話爆晒，咁我嚟到，就推咗我上嚟。」有指千嬅似乎想趁演唱會跟嘉賓泯恩仇，但沒有請與她傳不和的黎明，在台上又沒有多謝他，千嬅在慶功宴上表示：「我有一場有講，今晚（前晚）大大個林生（林建岳）喺度，佢包括咗成個集團，我公司有好多部門、同事，多謝佢就實冇死，仲會財源廣進，如果我淨係講黎生都有事。」
【伸脷扮鬼臉】■丁子高混在舞蹈員間，準備嚇千嬅。
【大叫後狂笑】
請黎明要有因
問到可有請黎明做嘉賓？千嬅說：「咁講成個娛樂圈好多人都冇請，我跟住自己個心想請嘅人，冇特別原因，請佢又要諗個原因，上次同佢喺澳門做回歸騷都有傾偈，之後有一齊食飯同飲嘢，只係冇將呢啲嘢擺上枱講。」明日是千嬅四十一歲生日，她表示生日願望是身體健康：「因為紅館好多人都病，我都中咗招，
馮仁昭四圍超：千嬅湊細路MV剪出眼淚
1 :
GS(14)@2015-02-13 00:01:46
■千嬅同呢幾個細路合作拍攝《五個小孩的校長》，MV場面感人。
楊千嬅同古天樂主演嘅《五個小孩的校長》喺下月十九日上映，呢套戲最大賣點係有五個天真爛漫嘅小朋友參與演出，睇過試片嘅人都話呢五個小孩演技好又可愛，唔知監製陳木勝去邊度搵到咁多個咁有演戲天份嘅細路出嚟，唔怪得千嬅同古仔都話有幾場同班細路拍離別嘅對手戲時，俾佢哋搞喊晒。千嬅噚日話：「班小朋友真係演得好自然逼真，見到佢哋喊到咁淒涼，唔好話我忍唔住喊，連平時嘅Mr.Cool（古仔）都忍唔到喪喊啦！」噚日電影公司仲發放咗戲中一首大合唱嘅《友誼萬歲》MV，千嬅重唱二○一五新版本，條MV剪咗唔少戲中嘅感人場面，而五個小孩嘅家長包括姜皓文、劉玉翠、吳浣儀同吳耀漢等一班好戲之人，也會喺MV中出現。
■古仔喺新戲同千嬅演夫婦，仲會有燭光晚餐。
感情戲令人動容
呢部以真人真事改編嘅戲，係講一位有二十幾年幼兒教育經驗嘅老師呂麗紅喺元岡幼稚園面臨執笠，竟然以四千五百元月薪接任只剩五名學生嘅幼稚園校長一職，仲要兼任埋老師同清潔阿姐工作。經過佢努力，間學校竟然可以起死回生，而期間佢同班學生互動嘅感情戲都幾感人，觀眾可能要帶定紙巾入場。撰文：馮仁昭
來源:
http://hk.apple.nextmedia.com/entertainment/art/20150212/19038299
野孩子羊年首場發威楊千嬅抱囝囝 興奮拉頭馬
1 :
GS(14)@2015-02-22 12:56:05
■千嬅奶奶的愛駒「野孩子」昨日年初三賽馬日攞冠軍，全家高呼喝采。攝影：譚日華
楊千嬅和老公丁子高帶着兩歲多囝囝丁進諾（Torres）於昨日大年初三入沙田馬場，千嬅奶奶黃淑貞名下的馬匹「野孩子」在第一場賽事落場出賽，觀眾席上，Torres跟着爸媽大叫打氣，最終野孩子不負所望，贏到開巷奪得冠軍，更贏得約四十三萬元獎金，楊千嬅一家興奮拉頭馬，為羊年添好運！談到新年願望，千嬅只希望一家人健康，Torres聽話、快高長大。
人人都想發新年財，昨日年初三「赤口」，又是羊年首個賽馬日，星級馬主紛紛出馬攞頭彩。楊千嬅奶奶黃淑貞、鄺美雲（Cally）和李嘉欣及許晉亨夫婦，昨日分別有馬在沙田馬場出賽，結果千嬅奶奶的馬匹「野孩子」最威水，在第一場賽事先拔頭籌奪冠，在觀眾席的千嬅和老公丁子高等人興奮得高呼大叫，非常開心。
【野孩子】【累積獎金：約114萬元（10賽2勝）】■千嬅三代同堂拉頭馬，兩歲多愛子Torres肉緊向野孩子揮手。
■以千嬅金曲命名的「野孩子」昨日贏到開巷，獲獎金約四十三萬元。
贏四十三萬獎金
以千嬅經典歌《野孩子》命名的愛駒，羊年首場就跑出，千嬅與丁子高及兩人的父母往拉頭馬，眾人笑到見牙唔見眼，兩歲多的Torres更醒目拉着頭馬繩，十分搞笑，丁子高則拿着香檳。昨日野孩子勝出贏得超過四十三萬元獎金，該馬匹是千嬅奶奶黃淑貞、文穎怡、文詠珊（Janice Man）緋聞男友兼的士行太子爺鄭子邦共同擁有的。野孩子為千嬅一家帶來好運，事後丁子高接受訪問時說：「野孩子又贏，計埋今次係第三次，我冇買馬，陪媽咪嚟，因為由細到大買親都輸，會搭沉船。」丁子高表示囝囝喜歡馬匹，家中擁有很多馬的玩具，他續說：「佢平時睇電視見到馬都特別開心，今日係佢第二次入馬場，頭先比賽時，囝囝跟住我哋嗌一號、一號，衝線時仲舉起拇指讚No.1。」問到將來可會讓Torres學騎馬？丁子高說：「睇佢鍾唔鍾意，如果大個佢鍾意，可以俾佢試吓，等佢五、六歲大啲先。」問Torres是否利是大豐收？丁子高說：「喺馬會入面，有啲唔識嘅人，都嚟派利是畀佢。」丁子高謂剛在貴賓室碰到堪輿師麥玲玲，麥玲玲預測丁子高下胎是生仔，要到第三胎才追到女，丁子高描述當時老婆千嬅反應：「其實我都話想要嘅，不過千嬅就話『吓，唔好玩喇。』」千嬅昨首次拉頭馬，表現極興奮，她在電話回應：「我第一次拉，好開心，好意頭，Torres好鍾意馬。」談到新年願望，千嬅簡單說：「成家健健康康，囝囝聽話，快高長大，一家和氣，開開心心。」
■睇見名下馬匹「甜蜜鑽石」未有跑出，鄺美雲一臉失望。
【甜蜜鑽石】【累積獎金：約9.1萬元（10賽0勝）】資料圖片
鄺美雲輸馬O嘴
至於昨日穿上紅色外套猶如利是封的的鄺美雲，入場力撐愛駒「甜蜜鑽石」在第二場的賽事，可是「甜蜜鑽石」不爭氣未有跑出，鄺美雲睇到O晒嘴，賽前鄺美雲向記者透露想拉頭馬攞彩，又大讚馬匹狀態好，可惜卻未如願以償。另一位馬主許晉亨和老婆李嘉欣的馬匹「貳寶」於第八場跑第五，贏得七萬七千元獎金，昨日只見許晉亨單拖入場，嘉欣未有同行。採訪：王連連攝影：譚日華、沈健程
■許晉亨昨日單拖入場撐「貳寶」出賽，結果「貳寶」跑第五。
【貳寶】【累積獎金：約448萬元（21賽2勝）】
話你知：做馬主雜費多
做馬主是身份的象徵，不過要做馬主絕不容易，除獲得會員支持入會外，準馬主成為會員後，要先等待一年才可在每年的特定時間，向馬會入紙申請自購馬匹進口許可證，同時亦要有銀行戶口證明，確保能支付養馬費用。一般馬匹每月養馬費約四萬元至六萬元，高班馬由八萬至十多萬不等，至於墊料、飼料、防症注射、杜蟲、牙齒護理等費用則視乎馬房而定。
來源:
http://hk.apple.nextmedia.com/entertainment/art/20150222/19050244
遭自由行圍捕千嬅抱仔速逃
1 :
GS(14)@2015-03-05 19:23:31
【前日下午生擒千嬅】■楊千嬅（左）前日下午喺崇光百貨俾自由行旅客捕獲。DV圖片
【銅鑼灣崇光】啱啱開完演唱會嘅楊千嬅，嚟緊又要忙宣傳佢同古天樂主演嘅《五個小孩的校長》，所以
古仔唱歌 千嬅忍笑狂震
1 :
GS(14)@2015-03-14 11:32:26
電影《五個小孩的校長》前晚在九龍灣舉行首映，楊千嬅、古天樂、吳浣儀、劉玉翠、吳耀漢、姜皓文、女校長呂麗紅、五個小孩、導演關信輝及監製陳木勝等出席。導演坦言除了小朋友的戲外，古仔唱歌也是難度之一，千嬅笑言拍這場戲時，忍笑忍到手震，古仔也講笑說：「最難忘係我唱歌嗰場。」
■千嬅提到古仔在戲中唱歌令人爆笑，古仔也忍不住說：「最難忘。」
■（左起）吳耀漢、吳浣儀、劉玉翠和姜皓文前晚一起出席首映。
讚小朋友悟性
古仔笑稱初與導演傾劇本時，對方已經喊個不停，埋位開工時連睇mon都忍不住喊，問千嬅拍戲時是否喊不停兼眼腫？她笑說：「喊係劇情需要，爛埋㖭喇，但係好感動，五個小朋友做得好，好似同緊五個大人一齊做戲，互相帶動，悟性好好，真係精英嚟。」千嬅坦言最尾場戲拍得很辛苦：「因為要喊到崩潰，好唔捨得，要殺校，不過拍完後唔係好滿意，打畀導演要求拍多次，但麻煩到其他同場演員好似吳浣儀、吳耀漢、姜皓文同劉玉翠等，自己都唔好意思，真係多謝佢哋，冇人埋怨，同佢哋拍電影好榮幸，佢哋係一班好好嘅前輩。」
■導演關信輝昨日到九龍灣口述電影講戲。
榮幸終做夫婦
再度與千嬅合作的古仔，今次首次合作演夫婦，他笑說：「千嬅姐今次好榮幸，唔使做我阿媽或家姐，可以做我老婆，呢套戲好好玩，兩公婆互相信任好有默契。」問到與小朋友合作有否困難？眾人異口同聲表示沒有，千嬅更說：「五個小朋友見到古仔，好似見到五隻樹熊咁擒上去，佢哋都好乖，冇難搞嘅事。」另一方面，導演關信輝昨早出席九龍灣優先場，為視障人士口述影像「講戲」，他說：「我唔想佢哋只睇舊戲，電影公司好肯幫忙。」採訪：文國駿攝影：陳俊強
來源:
http://hk.apple.nextmedia.com/entertainment/art/20150313/19073988
Next Page