ZKIZ Archives


劉美君做導演碌爆人情卡

1 : GS(14)@2016-10-12 07:52:28

ViuTV開台主打實況娛樂,除《跟住矛盾去旅行》和《G-1格鬥會》等外,來年亦繼續製作綜藝節目,包括劉美君、鄒凱光等主持、講述他們擔任微電影導演的《碌卡大導》、《操Fit你阿媽》和《超班小學雞》等。



■伍詠薇在《碌卡大導》中首次擔任微電影導演。

劉美君昨日孖住男友Steve出席記者會,她在台上笑言拍此節目碌爆人情卡:「自己覺得有少少受騙,因為話搵我返嚟做導演,點知要我返到嚟再搵人。」對於劉美君指她拍《碌卡大導》是零budget,ViuTV高層金廣誠解釋說:「條橋係咁啫,要求個導演點樣喺有限資源下用自己方法去請人,唔關我哋有冇budget事。」




來源: http://hk.apple.nextmedia.com/entertainment/art/20161012/19797923
劉美 美君 君做 導演 碌爆 人情
PermaLink: https://articles.zkiz.com/?id=311687

【馮仁昭四圍超】劉美君碌人情卡執導變鵪鶉

1 : GS(14)@2017-02-05 10:39:44

演活過無數角色嘅劉美君(Prudence),早前應ViuTV邀請參與節目《碌卡大導》,喺觀塘分享初次執導經歷,今次拍攝係零預算兼要碌人情卡,好彩佢喺圈中人緣甚佳,得到唔少朋友相助。拍攝時,Prudence話遇到最困難就係演員度期,佢笑住話:「自己做演員時就係關我鬼事,同我經理人度,但碌卡就唔可以堅持,演員、攝影、場地都好難就得到,有錢畀度期都難,何況冇錢就更加縮細把聲。」Prudence話自己喺美國先完成好劇本,返港落機就去睇場景,用咗六日時間作前期籌備工作,之後再用兩日時間拍攝,接住後期製作如配樂、剪接等工序佢都有份參與。



■劉美君好敬重張艾嘉同許鞍華兩位女導演。

■孫耀威友情客串撐劉美君。

■(左起)伍詠薇、詹瑞文同劉美君分別為《碌卡大導》唔同單元執導。資料圖片

敬重女導演

而Prudence整個拍攝過程都被紀錄,佢話:「我都好想睇劉美君係乜導演,我自己覺得都可以,過程中冇癲同發嬲。」原來ViuTV邀請前,佢已開始寫劇本,預計明年開拍,佢想拍一部以女性為主電影,同時亦覺得行內甚少女導演,當中只有敬重嘅張艾嘉同許鞍華,佢話:「佢哋都係我嘅前輩,我都想加多個女導演,去承接一把。」化妝:Kris Wong髮型:Gary Sun@Hair Corner(Central)服裝:shiatzychen撰文:馮仁昭




來源: http://hk.apple.nextmedia.com/entertainment/art/20170203/19915913
馮仁 仁昭 四圍 劉美 美君 君碌 人情 執導 鵪鶉
PermaLink: https://articles.zkiz.com/?id=325313

【馮仁昭四圍超】劉美君潮嫲晒靚肌

1 : GS(14)@2017-03-03 00:59:51

微博圖片





52歲劉美君經歷過兩段婚姻,有三個仔女,三年前由潮媽榮升做咗潮嫲,孫仔Mason就快3歲,但呢位嫲嫲依然貪靚,噚日喺微博晒做運動相。素顏嘅劉美君着住運動bra top,騷事業線又騷結實肌肉,身形確係唔錯,一啲都睇唔出年過五十,認真羨慕死人。劉美君仲留言話要保持健美體態,會keep住做運動。撰文:馮仁昭




來源: http://hk.apple.nextmedia.com/entertainment/art/20170302/19944172
馮仁 仁昭 四圍 劉美 美君 君潮 曬靚 靚肌
PermaLink: https://articles.zkiz.com/?id=327459

劉美君10月紅館開騷

1 : GS(14)@2017-06-23 02:58:31

環球唱片跟無綫反面後,最近擲百萬捧旗下新人,跟ViuTv合作推出《音樂密密報》節目,陳奕迅、譚詠麟、吳雨霏和鍾鎮濤等排隊亮相明撐ViuTV。現年52歲做了嫲嫲的劉美君,當年憑《午夜情》爆紅,現相隔9年再踏紅館,將於10月舉行兩場演唱會,她最近推出了英文專輯,而這位久未露面的美魔女都會現身ViuTV節目。《音樂密密報》由環球歌手麥家瑜、符致逸、周殷廷等做主持,逢周二至周六凌晨12時30分播出,每集5分鐘播MV和訪問,Gin Lee在電話表示:「非常期待同開心,香港需要多啲有質素音樂平台,好期待快啲上節目宣傳新歌。」採訪:皓騫




來源: http://hk.apple.nextmedia.com/entertainment/art/20170622/20064034
劉美 美君 10 月紅 紅館 館開 開騷
PermaLink: https://articles.zkiz.com/?id=336627

【馮仁昭四圍超】劉美君海報下架 紅隧Ban噬樣

1 : GS(14)@2017-07-01 09:53:47

現年52歲嘅劉美君,喺80年代憑大膽情慾歌《午夜情》爆紅,之後嘅《最後一夜》、《愛是無涯》等都好受歡迎,08年喺紅館舉行處女演唱會後,相隔九年,將喺10月14及15日再踏紅館舉行「劉美君千色演唱會」。不過,據知劉美君嘅個唱海報,竟然被紅隧以驚嚇為由強迫下架!呢張海報有兩個劉美君,一個係烈焰紅唇靚樣,另一個係噬大口嘅猙獰表情,效果出位。據了解,有關當局認為海報或會令人產生幻覺、驚嚇,擔心會造成交通意外,所以唔能夠通過審批。海報概念原意展現劉美君多變一面,對於海報被禁,劉美君以短訊回覆:「第一下反應係愕然,突然間被ban咗張海報,但係再諗吓係開心嘅,因為貫徹劉美君係要被ban吓。」



■劉美君嘅海報被紅隧以驚嚇為由下架,要改潔淨版(右圖)出街。


怕造成意外


劉美君所屬環球唱片發言人表示:「上個禮拜四(22日)收到通知,都冇辦法,因為呢個係當局監管機制,怕會造成交通意外,公司惟有配合,重新設計另一款海報。」為咗可以如期喺今日出廣告,環球喺短時間內重新提交新版本,劉美君面上嘅驚嚇影像被消失,表達唔到海報原意!




來源: http://hk.apple.nextmedia.com/entertainment/art/20170629/20071873
馮仁 仁昭 四圍 劉美 美君 海報 下架 紅隧 Ban 噬樣
PermaLink: https://articles.zkiz.com/?id=337223

劉美君9月添孫女

1 : GS(14)@2017-07-05 03:49:39

■劉美君開心自爆將再做嫲嫲。



劉美君昨日在尖沙嘴為10月音樂會舉行記者會,已有一個孫仔的她開心自爆再做嫲嫲,孫女將於9月出世,她笑說:「忍咗好耐想講,但我個仔唔畀我po喺社交網站,我話見到記者朋友講吓開心吓,我都唔想招積㗎,但我同孫仔講最錫都係佢,因為佢係長子嫡孫。」替孫女改名?她說:「孫仔叫『正一』,我講笑孫女不如叫『正二』,唔知呀,未諗到!」對於音樂會海報帶有驚嚇成份而遭紅隧強迫下架,劉美君說:「第一秒唔係唔開心,只係問點解,三秒後就偷偷地笑,因為我出道都被人話慣,要多謝海底隧道,我都明白,有咩事我負唔起責任。」採訪:黃曉妍攝影:沈健程




來源: http://hk.apple.nextmedia.com/entertainment/art/20170703/20076742
劉美 美君 月添 孫女
PermaLink: https://articles.zkiz.com/?id=338027

【馮仁昭四圍超】劉美君對唔住林敏驄

1 : GS(14)@2017-07-07 01:33:04

劉美君嘅《午夜情》被林敏驄改詞惡搞,佢唔介意,噚日喺商台做訪問時仲致歉話:「我想同阿驄講唔好意思,之前佢個演唱會,我話啱時間我會返嚟唱,跟住大家拍片支持佢,我又冇。因為我姨婆剛剛過身,自己都好唔開心,點知佢咁支持我,真係好唔好意思。」劉美君仲話唔排除將呢隻惡搞版,喺演唱會度唱。至於歌衫會唔會玩性感?佢話唔會刻意創新。撰文:馮仁昭




來源: http://hk.apple.nextmedia.com/entertainment/art/20170706/20079979
馮仁 仁昭 四圍 劉美 美君 君對 對唔 唔住 住林 林敏 敏驄
PermaLink: https://articles.zkiz.com/?id=338209

【馮仁昭四圍超】劉美君唱惡搞《午夜情》

1 : GS(14)@2017-07-07 02:42:30

劉美君將於今年10月14、15號喺紅館舉行演唱會,佢首經典歌《午夜情》8年前曾經俾林敏驄二次創作,改詞翻唱,歌名叫《仔》,其中歌詞有「仔你老竇儍痴痴仔不喜說話像生滋」。


最近劉美君翻唱《仔》版本放網上宣傳,搞笑咁話:「阿驄,點解我識你咁耐,當年你唔寫呢首詞畀我?我覺得呢個版本正好多。」佢仲話唱《仔》版好好玩,諗起好多深刻嘅童年回憶。撰文:馮仁昭




來源: http://hk.apple.nextmedia.com/entertainment/art/20170705/20079068
馮仁 仁昭 四圍 劉美 美君 君唱 唱惡 惡搞 午夜
PermaLink: https://articles.zkiz.com/?id=338343

劉美君威脅男友捧場

1 : GS(14)@2017-07-29 03:40:57

劉美君昨日在炮台山為ViuTV拍攝音樂特輯,宣傳其10月舉行的演唱會《千色》,並邀請林敏驄和李幸倪任嘉賓。林敏驄在合照時,抱着劉美君的小腿,又送上早前開騷的Tee。之後,他又手多多指着劉美君的胸口,她笑謂:「你唔好篤咁埋呀。」劉美君說:「我成日話呢個唔係演唱會,其實係想話呢個騷會比演唱會更豐富,但係好多人誤會咗。」她強調由熄燈唱到完騷,中途不設廁所位,連換衫都在台上換。問到男友屆時會否捧場?她說:「唔知佢嚟唔嚟,唔嚟咪分手囉,佢連瞌埋眼都要分手呀。」採訪、攝影:盧妹




來源: http://hk.apple.nextmedia.com/entertainment/art/20170728/20103595
劉美 美君 威脅 男友 捧場
PermaLink: https://articles.zkiz.com/?id=339066

劉美君個唱換十套衫

1 : GS(14)@2017-08-02 05:59:46

劉美君昨日到新城宣傳10月假紅館舉行「劉美君千色演唱會2017」,之前一直想保持神秘,為觀眾帶來驚喜,但近日不停被身邊朋友歌迷查問究竟演唱會內容後,她昨日決定率先透露。講到演唱會,劉美君興奮指今次是創新意念,於紅館舞台上先後出現十個場景,每唱兩首歌左右就會轉一次場景服飾,不間斷演十個人物,她說:「我會一直喺台上面,唔會離開個台,換衫轉妝都喺台上做,所以事前同拍檔高世章開好多會,傾場景同衫點轉。」而今次概念來自她首張專輯,當時以十個不同年紀女性愛情故事為題。採訪、攝影:馬建華




來源: http://hk.apple.nextmedia.com/entertainment/art/20170802/20108623
劉美 美君 君個 個唱 唱換 換十 套衫
PermaLink: https://articles.zkiz.com/?id=339278

劉美君再和音樂談一場戀愛

1 : GS(14)@2017-10-16 03:22:47

https://skypost.ulifestyle.com.h ... 4%E6%88%80%E6%84%9B


2017/10/12

劉美君

劉美君(Prudence)繼早前推出英文經典歌曲專輯《Reincarnated Love》後,將於本周六及周日舉行《劉美君Karma Chameleon千色》紅館演出,月底還會推出新歌加精選。日前突然披露回復單身的她,想不到,她對感情事的態度,跟她對喜愛的音樂是一樣:無責任、無負擔,開心自在最快樂。

劉美君自86年推出首張專輯,31年來嘗試過不同音樂類型和風格,她坦言現在是音樂歷程上最開心的時候。「現在喜歡做就做,不喜歡做就不做,完全沒有壓力。到了這個年紀,思維方式和整個人的成熟程度也不同,思考得很通透。」

專輯蘊藏百般感受

在眾多專輯中,她表示收錄了《我估不到》的大碟《赤裸感覺》(01990),還有《The Queen of Hardships》(02009)是她的痛苦時期。「劉美君來來去去都是因為私人感情,我基本上是一個感情行先的人,就是太感情用事。我喜歡談戀愛,永遠不會停止談戀愛。喜歡談戀愛的人,永遠都會受戀愛傷害,但是,在不開心裏有些東西是很精采的,那是你自己最濃郁的感覺。」

94年,Prudence跟舊唱片公司完約後,離開香港到美國定居。「那時因為我覺得很不快樂,我不能夠再在那種壓力中,那種一年製作兩張專輯的模式下工作。我的快樂、我的well being較為重要。」

十個角色玩轉紅館

近年,她重投樂壇懷抱,最主要的原因是?她笑說︰「我太鍾意做鍾意做的事,我是很喜歡做創作的人,那種本色是離不開的。我現在單身,可以在很無我的狀態下工作,很用心排練演出。我喜歡唱歌演戲,這次邀請了高世章合作,把音樂跟演出的經驗結合,當中有點像輪迴,有十個不同的時代背景,我會有十個角色,從頭演和唱到尾。」Prudence表示現在可以全情投入,甚麼都不用擔心,因為,這就是她的本質。

邊緣回望心情低落時

在《Reincarnated Love》專輯收錄了十首經典英文歌,是劉美君跟製作團隊從70首歌曲中精挑細選出來的。Prudence直言音樂可以帶她到開心的境界,也可以把她打到很消沉,但在她的生命中,不可沒有音樂。「有兩首葉德嫻的歌曲《邊緣回望》和《倦》,是我最不開心、最低落時經常會唱的,邊唱邊哭,邊哭邊唱。我永遠不會忘記那段日子,那時,我的唱盤有一個重複播放功能,設定不停重播這兩首歌。」

化粧︰Hubei Har

髮型︰Gary Sun @ Hair Corner

撰文︰張靛瞳

攝影︰林良明

編輯:陳禮恒

設計:梁政敏
劉美 美君 君再 再和 音樂 談一 一場 戀愛
PermaLink: https://articles.zkiz.com/?id=342791

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019