講膠所手記：股市唔會仆直囉！
1 :
GS(14)@2012-03-24 15:03:00http://www.sharpdaily.hk/article/index/15307/20120323/70823
星期日，特首跑馬仔開標，兩隻英邊隻跑出，還是兩隻都跑唔出，真係五五波，但呢個禮拜嘅股市已經係畀政局左右，尤其係商家佬話振英win出，佢哋會「震驚」，分分鐘引發資金流走，股市首先仆直云云，唔係無根據嘅，但應該唔使咁淆底啩？
o依YY呢個小市民嘅分析，港股係跟大陸股市衫尾嘅，咁溫總話明中國未來係靠內需，咁要谷起內需，先要谷起市民個荷包，而要谷起荷包，就先要令大家有收入贏吓股票贏吓炒樓，咁樓市調控不能鬆，唔保樓唔保八，保住個股市係咪好合理呢？仲有，無錢就無政治，股市仆直，咁乜都無得玩喎，試問，阿爺點會畀中港股市倒下來呢？
ps.昨日同大家提及嘅中銀「大炮筒」已到手，竟然出到銀行門口，出價買嗰班友只係出價五皮，仲要係港紙！YY嘅十皮橫財暫時落空，「大炮筒」已放咗嚮屋企，所以，堆田區各友好，你哋餐茶，爭住先喇！
YY
大頭症推自傳電影仆直G.E.M.被揭老砌林宥嘉
1 :
GS(14)@2017-02-12 15:27:422017-01-19 NM
曾經自以為紅到上宇宙的G.E.M.（鄧紫棋），最近推出自傳式電影《一路逆風》，並聲稱希望票房成績可以破億，可惜純粹發夢，電影6/1上畫，截至上週六14日，九日三百萬都掂唔到。自傳電影內容有G.E.M.同林宥嘉分手原因，因為如此，當年她在fb數臭前度「農曆新年消失」的真相，亦被人摷出來討論。G.E.M.，自己攞嚟?！明屈前度
宇宙G.E.M.出自傳電影的同時，前度林宥嘉以同拍拖兩年的丁文琪拉埋天窗贈興。《一路逆風》再提起與林宥嘉的一段情，G.E.M.形容兩人分開是「遠距離造成感情裂痕」。順藤摸瓜，一四年，宇宙G.E.M.在私人fb鬧爆男友，指約好去台灣和林宥嘉家人食年夜飯，豈料對方忽然失蹤，結果，只有林母和男友的弟妹陪她到麥記開餐，亦被舊事重提。知情者向台灣傳媒爆料，指事前兩人曾炒大鑊，當時正處於冷靜期，但女方卻自作主張，飛台灣給男友「驚喜」。話說G.E.M.年三十下午飛抵高雄後，即打電話給林宥嘉問地址，說要去拜訪他的父母、外祖父母，並一起食年夜飯，毫無準備又不想引「棋」入室，林宥嘉惟有向林母求助。不忍G.E.M.孤伶伶流落高雄，林母於是帶住林宥嘉的弟妹去接機，再陪她去附近麥記開餐。點知最後卻變成G.E.M.指控，指「約好」的林宥嘉「消失」。
三宗罪
一代巨星如梅艷芳、張國榮，生前都未拍過自傳，出道只有十年的宇宙G.E.M.卻勇氣十足推出自傳，惹來網友狠批列出三宗罪，指票價一百三十五元物非所值，語言為普通話難有共鳴，最後就是新年頭，戲名唔老黎趕客。香港鬧爆，國內更直接反映在票房上，一月六日全國公映，上畫九日，票房累計不足三百萬人仔。「比起佢（G.E.M.）上《我是歌手》嗰段時間，內地人對佢嘅感覺已經唔再火，加上負評多，又唔係自己友，想套戲收過億？上畫到二○一九都唔得啦！」一名內地製作人說。由宇宙重返地球，G.E.M.的大頭症有增無減，再落去，應該發展到地心。
撰文、攝影、攝錄：娛樂組
孭飛劇收視仆直橋本環奈勢危 隨時被消失
1 :
GS(14)@2017-08-19 19:08:01年僅18歲的人氣偶像橋本環奈橫掃日本影壇，今年她分別為三套新片擔任女主角，繼賣座電影《銀魂》後，夥拍山崎賢人的新作《齊木楠雄的災難》緊接10月21日於當地上映，可惜其擔正日劇《警視廳生物系》卻收視仆直，新一集更跌至5.3%新低，被批三年內會在藝能界消失。
■橋本環奈在2013年表演時被拍後，憑這張照片走紅網絡。
■《警視廳生物系》成績欠佳，更錄得5.3%收視新低。
■橋本環奈戴上金色長髮cosplay成蔓雪莉公主造型。
人氣動漫《銀魂》拍成真人版今年夏天搬上銀幕，由小栗旬、橋本環奈、菅田將暉飾演三位主角銀時、神樂及新八，加上長澤正美、堂本剛、岡田將生、柳樂優彌、吉澤亮、菜菜緒等紅星助陣，該片在當地上映一個月已累積31.15億日圓（2.18億港元）票房。《銀魂》本周在港開畫，收43萬港元排票房榜第五位。橋本環奈在《銀魂》中表現受讚賞，她靠可愛樣貌亦深受電視台及廣告商歡迎，不過首次孭飛劇集《警視廳生物系》收視強差人意，開播以來一直只得單位數收視，日前播出的第六集更低至5.3%收視，有圈中人擔心橋本環奈星途只是曇花一現，有人指她真人欠缺星味，加上身高只得1.52米高，身形也逐漸發福，擔心影響其演藝事業，說不定三年內便會成過氣偶像。
cosplay撐海賊王
另外，為紀念大熱動漫《海賊王》20周年，富士電視台在台場舉行活動，展出多個角色的一比一模型，電視台更製作一個cosplay節目，邀來橋本環奈變身當中角色蔓雪莉公主。撰文：哥羅
來源:
http://hk.apple.nextmedia.com/entertainment/art/20170819/20125693
Next Page