ZKIZ Archives


任家做番鴻興揸fit人失落兩年任澤明升任主席 李華華


2010-7-15  AD





 

老牌工業股鴻興 印刷(450)前年炒燶金融衍生工具,搞到要引入外人——私募基金CVC做大股東,姓任嘅真係連面子都輸埋,但捱咗兩年,終於捱到姓任嘅揸番fit喇!鴻 興噚日宣佈,集團董事總經理任澤明,將會喺今年9月1日起轉任董事局主席一職,接替同CVC關係密切、並將同樣喺9月1日離職嘅原主席Peter Martin Springford。

而由於真正嘅鴻興仔任生做番鴻興話事人,集團仲升埋原本做營運總監嘅David Roy Eitemiller坐正做CEO,睇嚟呢位仁兄應該係任生馬房嘅人。

笑到見牙唔見眼

咁任生心情點?噚日業績記者會佢無同大 家分享,但據華華觀察所得,佢真係由個心度笑出嚟,答乜嘢問題都笑到見牙唔見眼。鬼咩,佢伯爺任昌洪1950年用一部租番嚟嘅印刷機同埋一個夥計起家,搞 出一個印刷王國,今年正值一個甲子,佢坐番正做話事人攞番家族個字頭,對得住列祖列宗,真係發夢都笑醒喇!

話時話,喺之前記者會都有出嚟幫 手解畫、近年由「紅籌之父」變咗做「細價股保母」嘅CVC旗下CVC Asia Pacific高級顧問梁伯韜,噚日就無再蒲頭,唔知係咪同任生歸位有關?又或者係入咗股CVC兩年,賺夠想撇?

講開番薯梁,之前俾CVC 認購咗總值21億元可換股票據嘅新鴻基公司(086)噚日宣佈,委任佢同埋佢partner何志傑做非執行董事……點都好過做代客泊車同廠佬喇!

李 華華

LiWaWa@AppleDaily.com



任家 家做 做番 鴻興 fit 失落 兩年 年任 任澤 澤明 升任 主席 華華
PermaLink: https://articles.zkiz.com/?id=16706

【重修舊好】義務維修家具送弱勢 裝修工:做番能力做到嘅嘢

1 : GS(14)@2017-01-26 18:09:02

為免打擾老人家,林師傅先於家具接收人家外裝嵌茶几。



「我覺得一係你幫人,一係你俾人幫,始終都會有循環,呢個都係大家互相幫助嘅宗旨嚟。呢個地球都係圓嘅,行得番轉頭架嘛。」臨近新年,個個忙着去舊迎新,偏偏有人卻愛把舊物轉贈新主人。訪問當日,林師傅(林偉德)一手拿枱,一手拿迷你雪櫃,步履輕盈走進屋邨,送貨至一戶朋友家。朋友因母親患腦退化症,多年前辭工全職照料她,平日家中水喉漏水、電器失靈等小維修,都由林師傅義務相助,「其實香港有啲待業人士,每個家庭都有一個故事,點解佢地會待業,要大家幫手幫呢班人。」



林師傅8年前開始維修棄置家具電器,再轉贈給有需要人士,甚至幫人義務維修家居,因任職裝修工人的他,見盡人們浪費之事,「最早期時做裝修,見到傢俬好新淨,見有人要就將佢轉贈,唔會掉去垃圾房、堆田區,盡量用到就用,睇有冇人要。」他曾目睹有員工宿舍,明明家具為全新,卻因款式不合心意要全套掉棄再換,製造大量廢物之餘更浪費金錢,「我諗啲人都冇諗過係咪有需要就買,應該停一停諗一諗,有啲嘢買番黎都冇用,用唔到,或用嘅次數唔多,買嚟做咩呢?」棄置家具之中要數冷氣、電腦、電視機、影印機等最多,但並非樣樣可以修理重用。大型家具如床、衣櫃、鞋櫃等因空間問題,最難找到人接收。最常維修又最多人接收的是枱凳,電腦凳和大班椅,一般只需到五金舖配轆,或修理油壓,便可重新使用;木凳更是容易維修又深受老人家喜愛之選。需要維修轉贈的家具如此之多,當然非憑林師傅一人之力足以應付。除他以外,其實還有約十名義工,由裝修師傅到文員,與他組成義工團,四出幫人做義務維修,轉贈家品電器給有困難的人,「有時佢哋搵到就話俾我聽,整好再轉贈,我收到咪搵渠道送俾人。佢哋主要做裝修電器,每個渠道嘅人都有。我知道佢哋能力喺邊度,自己能力做到咩咪照做番能力做到嘅野。」他們的主要服務對象是老人家、傷殘人士、單親家庭及待業人士等經濟上有困難的人,「我哋義工團嘅宗旨係資源回收,盡量幫到人就幫,希望感染到其他人,多啲人出一分力。」這一份仗義之心來自兒時回憶。在林師傅眼中,80年代的香港是個充滿人情味的地方,「以前街坊隔離左右互相幫助,宜家關埋門都唔知隔離邊個打邊個,老實講招呼都冇咩點打過。」為了重拾舊時香港那一份人情味,他希望召集各區師傅參與義務維修,實行自己嗰區自己幫,「我哋想幫番香港本地人嘅生活,唔好香港人都唔幫自己人。香港人以前係大家熱心幫助架嘛,盡量想發掦番呢種精神。」如有意接收棄置家具或參與義務維修團,可透過WhatsApp與「高建互助團隊」聯絡。高建互助團隊
WhatsApp查詢:94377631記者:封愷瑜攝影:徐振國2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


林師傅說這迷你雪櫃拿回去時有塵堆積在風扇,轉不動,電線也不見了。要去鴨寮街配條電線,再清塵,基本上就可重新運作。

除了維修及轉贈家具予有需要人士,林師傅還會做義務家居小維修,如為老人家修理水龍頭。



來源: http://hk.apple.nextmedia.com/su ... t/20170125/19907593
重修 舊好 義務 維修 家具 具送 弱勢 裝修工 裝修 做番 能力 做到
PermaLink: https://articles.zkiz.com/?id=324186

【母女對調2】阿媽做番23歲阿女 扭腰擺pose影IG

1 : GS(14)@2017-05-18 02:14:52

Jace根據自己的日常生活安排了三個任務給媽媽,分別是背稿做主持、影IG相和到二手店買衫。



一年一度母親節,小時候花心思畫心意卡,長大了卻總忙着工作、見朋友和拍拖,心意惟有折現。如果你時常嫌棄媽媽不理解你的煩惱,但事實上你也不知道她在家裏為甚麼而折騰,難得有節日為由,不如來個身份交換大挑戰,讓媽媽重拾年輕的滋味,女兒則成為家庭主婦代做家務。



媽媽真心表示,「做女兒」最辛苦是要戴着大耳環和塗紅唇膏。

媽媽這張照片功架十足,po上IG也「呃」到不少likes!

背稿對媽媽來說是一大難關,所以她特別佩服女兒的演藝才能。


體驗女兒一天日常生活 上鏡做主持影IG相難倒媽媽

23歲的陳凱詠(Jace)是一名音樂主持,希望讓媽媽體驗自己的日常生活,「上班主要是訪問藝人、介紹新歌或MV,約朋友吃東西和買衣服,有空時會出去拍照。」故這次安排媽媽即場背一篇約百多字的稿,然後面對鏡頭介紹歌曲。女兒興奮道:「我沒有看過她背稿和上鏡,所以十分期待。」陳媽媽努力背稿,雖然無法成功背完整份稿,但勝在表情和語氣搭夠。陳媽媽自問不是上鏡的材料,所以特別佩服女兒的演藝才能,「她從小到大習慣上台朗誦,相反我沒甚麼經驗面對一大班人說話,所以我十分不習慣,我起初以為很容易,原來一點也不簡單。」她自言是女兒的忠實粉絲,每個社交平台的動態和演出都不放過。
Jace經常在一家二手店買衣服,原因是夠便宜,不過媽媽似乎不太認同,「我不知道她在甚麼地方買衣服,她有提過的,我只擔心衣服的衛生程度,太便宜的衣服,我擔心洗一次便不能穿了。」Jace挑戰媽媽在那家二手店用50元買兩件衣服,而且一件要適合自己的風格,另一件要適合女兒的。不消十分鐘,陳媽媽便在店內選定了兩件心頭好,而且最後只花了25元完成任務,不過她直說:「不會再去了,衣服擺放得太密密麻麻了,轉那個圈要轉幾次,所以有點累,今次要扮她就算吧,下次她自己來買好了。」雖然口裏說着不會再來,但媽媽看來也十分自豪。作為一個年輕人,Jace平日愛拍些風格照上載到社交平台,而媽媽也有一個Instagram戶口,不過全為了追蹤女兒與朋友的動態,自己鮮有拍照,更莫說是更新Instagram。所以女兒Jace特地安排了任務──要媽媽模仿她的姿勢拍照。隨時隨地拍照更新社交平台,對媽媽來說絕對是一大挑戰,她說一點也不好玩,「很累,始終我不年輕,要我像後生女一樣擺甫士,腰又柔軟,甚麼都要做,我硬呀,老骨頭,很辛苦。」陳媽媽賣力擺甫士,三張作品也「入型入格」,絕對比得上女兒平日的照片。



交換身份體驗讓媽媽重拾年輕的滋味,女兒則成為家庭主婦代做家務。

女兒常向媽媽施展撒嬌功力,媽媽照舊擺出不在乎的表情,不過心裏應該甜滋滋的。


少見不代表感情差 母女自有一套溝通方式

三個任務,對媽媽來說毫不簡單,但她一直努力完成。問到女兒對媽媽表現的感想時,她看着媽媽說:「我想不到你會跟我做這件事(交換身份),我也很開心可以達成,成就屬於我倆的紀錄和回憶。」陳媽媽戲稱:「最累當然是要戴着這對大耳環和塗紅唇膏。」事實是女兒的不規律日程更讓她感吃力。正所謂「女大女世界」,陳媽媽慶幸女兒有交帶,夜歸也好,旅遊、甚至到外國當半年交流生也好,她也事事交代清楚,不過女兒覺得仍不足夠,「我留在家裏的時間不多,雖然我會交代好行蹤,但治本是要多留在家,我覺得是心的問題,看你有沒有屋企心。」相見好同住難,即使同住二十年,衝突理應少不免。但當問及Jace和媽媽上次的爭吵時,兩人異口同聲表示沒有吵架,Jace說:「很少吵架,最多冷戰。見面的機會已經不多,要學懂避免衝突。」媽媽點頭認同:「難得有時間見面的話,還是向她展示多點愛吧。」母女倆會談心事,不過有些話題也是可免則免,女兒直言:「你沒有辦法否定兩代人思維的確有差別,價值觀不相同,有些話題談得太深入是沒有意思的。」媽媽和應:「留一點空間給大家吧,有些事情猜到便好。」女兒和爸爸都是大忙人,要享受家庭樂也非易事。難得騰出一天時間三口子出外散心,陳媽媽總會諸多藉口推辭,但女兒卻堅持要出去玩玩,最後即使媽媽玩得開心卻總是口硬,Jace說:「她會說『畀面你㗎咋!』」她續說:「其實媽媽很簡單,只要陪她做她愛做的事情,買些盆栽、吃瀨尿蝦,或者就算留在家看電視,她也開心。」


後記

媽媽我們都愛,但疼媽媽不是人人都會。如果無辦法做到陪伴,有「屋企心」也自然會創立到一種溝通方式。祝願天下母親母親節快樂。記者:鄧天蔚、封愷瑜攝影:張志孟、蕭志南2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170515/20021438
母女 對調 阿媽 做番 23 歲阿 阿女 扭腰 腰擺 pose IG
PermaLink: https://articles.zkiz.com/?id=333417

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019